MIPUI
AW
KARTIN CHHUAK
Vol. XXI Issue No. 1 Kristian
Thalai Pawl Saikhamakawn Branch Pathianni Dt.4.1.2015
KOHHRAN PROGRAMME
04.01.2015 (Pathianni)
Sunday School hming ziah ni
|antu :
Pu C.Saienga
Chawhnu inkhawm
Thuhriltu : T.Upa
C.Vanlalsanga
Zân inkhawm
Thuhriltu : Upa
Lallawmchhunga
K|P PROGRAMME
05.01.2015
(Thawh\anni zan)
Member
thar pual Inkhawm
Hruaitu : Pu R.Lalmuanpuia (Leader)
|antu : Tv.C.Laldinpuia
Thu hriltu :
Upa Lallawmchhunga (Represent)
Thilpek lak- : Nl J.Zothankimi leh
hawmtute
Nl Ruthi Lalenkawli
Hla hruaitute : Pu Lalduhkima leh
Pu Lalhmangaihzuala
Keyboardist : Pu Lalchhandama
KOHHRAN HMEICHHE
PROGRAMME
06.01.2014 (Thawhlehni Zan)
Ramthim zin
Hruaitu : Pi Lalchhingpuii
|antu : Pi J.H.Pekmawii
A hmun : Sunday School
Hall
PAVALAI PROGRAMME
08.01.2015 (Ningani Zan)
Chairman : Pu V.L . Zidinga
|antu : Pu Zothanzuala
Thuhriltu : Pu C. Zakhuma (Chairman
kalchhuak)
Vawiin chawhnu inkhawm ban hian Fellowship neih tur a ni.
A hmun : Pu H.Remtluanga In
Tin, Ni 5.1.2015 (Thawh\anni) Zan
dar 6:30 ah Pu C.Zakhuma te Inah Kumthar Committee neih tur a ni bawk.
SERMON
PATHIAN HRIATNA
He khawvelah hian hnam hrang hrang kan cheng
a, kan khawsak dan leh nunphung pawh hrang thluah ni mah ila, he khawvelah hian
nun thlamuanna leh innghahna tur hi kan zawng deuh vek mai. Chu nun innghahna
leh thlamuanna tur kan zawnna kawngah chuan kan chunga roreltu Pathian hi awm
ngeia hriatna kan nei deuh vek hlawm bawk. Kan thih hnu lam khawvel pawh hi kan
thlir \hin tlangpui a. Chu kan thih hnu hun atan chuan kan inbuatsaihnaah pawh
hian he khawvela thil tih \hat leh \hat loh hian kawngro tam tak su tur a
ngaihna pawh sakhaw vuan tu tamtak hian an nei a. He khawvelah hian thil\ha tih
hi kan inzirtirna laimu atan pawh sakhaw tam tak chuan an hmang mek bawk.
Sakhaw
tam tak hi chu Pathian an hriat dan hian amah an biaknaah a kaihruaitu ber a ni
a. An Pathian biak hian a duhdan leh ngaihdan turte an suangtuahna a\ang hian a
a biak dan tur kalphung pawh hi an duang deuh ber bawk \hin. Chuvangin khawvela
sakhaw tinte hi an biak pathian an hriat dan ang ang hian mahni zawnah \heuh an
kal mai thin. A duhdan tur leh ngaihdan nia an hriat hmangin kan bia a, a lawm
zawng ni a an hriat hmangin tih lawm tumin an tlawn a, an thih hnu hun atan a
\ha tur ni a an hriat hmangin he khawvelah hian an nung a, a malsawmna dawn
beiseiin an tlawn a, hlimna leh thlamuanna chan beiseina avangin a duhdan nia
an hriat hmangin he khawvelah hian nun an tum \hin.
Keini
Kristiante chuan lei leh van leh a chhunga thil awm zawng zawng siamtu Pathian
nung kan bia a. Min chhandam a, min thlamuan a, malsawmna tam taka min vur thei
tu leh hlimna leh lawmna chuai thei ngailo min pe theitu kan bia a. Keimahni
rin dan leh hriat dan mai ni lo, Amah Pathian ngei mai kan hnenah a inpuang
chhuak a, a duhdan leh amah kan biak dan tur zawng zawng pawh min kawhhmuh a.,
min hruai \hin a. He khawvel leh thih hnu hunah chatuan atana chhandamna famkim
min pe theitu tur Pathian chu kan biak Pathian hi a ni.Hei tak hi a ni keini
ringtute kan danglamna chu.
He kan
Pathian ropui tak kan hriat dan pawh hi amah ringtute \heuh \heuh pawh hi a in
thlau thei viau awm e. |hen khat chuan kan Pathian hi thihpui tham Pathian niin
an hria a, Amah avanga ch^nna leh tawrhna lo thleng tur zawng zawng pawh tawrh
an huam a, tawrh chhan tl^k Pathian niin an hria a. Retheih pui tl^k Pathian
niin an hria a, hlimpui tham, lawmpui tham Pathian niin an hria a, engkim ch^n
leh tawrh huama zui tlak Pathian nia an hriat avangin an zui \hin. Min chhandam
theitu leh nun zawng zawng innghahna tl^k Pathian a nih zia an hriat avangin a
mahah an in nghat tlat \hin. Paula chuan ‘A ni tak meuh mai, ka Lalpa Krista
Isua hriatna ropui bikzia avangin thil engkim pawh ch^nnaah ka ruat a ni; amah
avangin thil zawng zawng ka ch^n ta,’ a ti a ni. Eng ang tak a zui phu Pathian
nge ni ve a i hriat le?
EDITORIAL BOARD
f
Editor
:
Pu Lalduhkima - 9862648830
Jt.Editor:
Tv.F.Laldingliana - 9862378567
News
Editors :
Pu Tommy Zirnuntluanga - 9862913684
Tv. Laldinpuia -
9862813325
Tv.
Lalrinnunga
- 9862239963
Tv. Lalnunzira -
9862664253
Circulation
Manager:
Tv. C.Laldawngliana - 8974743091
Editorial.........?
Changkanna.....
Saikhamakawn
hi kan changkang ve tawh i ti em? Ni e,
kawng tam takah chuan kan changkang ve tawh ngei a lawm. Tun kum sawm kalta
ringawt a\ang pawhin chhut ta ila, kan in leh lo leh kan khawlai a\ang pawhin
kan changkan tawh zia chiang takin a hmuh theih a ni. Tin, tunah chuan in tinah
Television a in hung tawh bawk. Chu mai a la ni lo, chhung kaw tam zawk chuan
lirthei two wheeler kan nei ta fur mai bawk a. Chhungkaw \henkhat phei chuan
two wheeler mai ni lo motor pawh pahnih pathum nei kan awm nual bawk. Tin,
Mobile phone pawh kum 15 chunglam chuan nei lo pawh kan awm ta lo. Heng zawng
zawngah hian kan veng chu changkanna lamah kan \hang nasa hle tih a hriat a ni.
He tia changkanna lama kan tl^n a
kan \han mek lai hian kawng tam takah chuan tih hmaih leh nachang kan hriat loh
tam tak ala awm ve tho bawk. Kawngpui \ha kan awt em em \hin a, kan awh ang
ngeiin Mizoram kawngpuiah chuan a tluk a awm lovang tih khawpin kan veng chhung
motor kawngpui chu a \ha a ni. Heng thil te hian kan veng chu min ti changkang
hle a. Amah erawh chu Sidedrain kan enkawl dan hi chu in zirtir deuh kan la ngaih
hmel e. Duh duh paihna emawkan ti mai ni in a lang,sim a \ha khawp mai.
ARTICLE
Kai kim lawmman
- Maduhtea
Presbyterian
Kohhran tena kum tina an lo tih \hin danin kumin kum tawpah khan Sunday School
Kai kim lawmman an sem leh a. Lawmman an sem chhung zawng khan ka rilru a vak
kual nasa hle mai. Kan naupan laia Beginners Dept. zirlai kan nih ve lai a kan
lawmman Sunday School Zirtirtu ten min
buaipui laite ka ngaihtuah chhuak a, a lunglen thlak ve ta hle mai. Engpawh
nise ka sawi tum tak ka sawi hmain
lawmman chungchangah hian eng emaw han sawi duh lawk ka nei a, han sawi
hmasa lawk teh ang.
Lawmman chungchangah hian mi tam
takte kan phunchiar em em a, hei hi a dik em lo chhut chiang lawk i la. Lawmman
hi dawng ngei ngei kan ni chuang lova, Kohhran hruaituten Sunday School te kan
kal \hat theih zawk nan a kal \hate hi lawmman i siam ang u an ti mai chauh a
ni a. Dik tak chuan lawmman hi min pe miah lo mahse vui thei kan i reng
reng lo. Tin, lawmman min pe a, lawm
t^ka ruanga lawmman min pek sawisel vak ching kan la awm zuite hi a va zahthlak
>m ka lo ti thin. Lawmman chu min petu chuan a duh duh min pe thei a, a
chang chuan thil \ha tak pawh min pe ang, a chang chuan thil chhe deuh pawh min
pek chang a awm bawk ang, min pek miah loh chang pawh awm thei a ni. Thil kan
tihna reng rengah lawmman hi kan dawng vek ngai lova, kan lo dawng a nih chuan
min pek ang angah lawm taka lo dawn mai kha kan tih tur dik tak chu a ni.
Engpawh min pe se a chhia emaw, a \ha emaw min petu in min pek ang ang kha kan
sawisel thiang lo hrim hrim a, heng ang
kawngah hian zir tur tam tak kan la nei awm e. Tin, a ngai hlir inpek pawh kan ti
\hin, min petuin a \ha atih chuan lawm thiam i sir sel bawk ang u.
Khai le, ka sawi tum lamah han kal
dawn ta ila, ni e Sunday School Kai kim theia kan awm hi a lawm awm em em a
ni. Kai kim hi thil har tak, tum vak
pawh a theih miah loh chang tam em em a ni a. Kum khat chhunga kai kim thei te
kha an lawmpui awm hle a ni. Awle, kan naupan ve laia kai kim lawmmanah
pakhatnaah thleng kehthei min han sem a, \henkhatin an han thlauh keh nghal
thin lai te kha aw, ava han ngaihawm ta em. Tun hunah chuan kai kim lawmman hi
dawn pawh tum ngial mah ila ka dawng thei ta reng reng lo. Chung chuan kai kim
lawmman hi min ngaihlut zual tir hlein
ka hria. Kan naupan laia Consulation prize kan zirtirtu Pu Sangzuala te, Pi
Saii te, Pi Thansangi te leh Pu Lalrintluanga ten Biak In Maicham hmaah hrui an
thlunga, tahchuan Samkhuih, pencil, Baloon, Thirfiante, plasticfiante, silaimu
k>p te an han khai uai fur mai a nih kha aw. Kan hming lam thuai thuai se ti
a nghakhlel taka kan lo thlir \hin lai te kha, kan va han hlim ve \hin hmanlai
an chang zo ta.
Nikum
2014 Sunday School Kai kim lawmman puitling lamah sem zawhin inkhawm kan bang
a, inhnuai lama Upa Zama hoten an lawmman lak hlim taka a hu hova an han khawng
ri chuai chuai mai te kha a va hlimawm teh reng em. Kha hun ngei mai pawh kha
eng tikah emaw chuan kan la ngai ve ngei ang a, kan la ngaihtuah chhuak leh
ngei ang. Kum 2015-ah pawh hian Kai kim lawmman dawng zawng zawng te u, kai kim
leh vek i tum ang u khai, nakinah chuan heng hunte hi kan la ngai leh ngei dawn
si a.
BENGTI VÂR
@ ASIAN PARADISE FLYCATCHER : Asian Paradise Flycatcher hi sava
lian lo tak, Monarchidae chhungkaw zinga mi a ni a. Sava pem chi an ni a, an
chaw ber chu rannung te tak te te ho hi an ni.Indian ramah chuan ram laili ;eh
hmawr lamah hmuh tur an awm deuh ber. May- July hi an inthlah pun hun a ni.
Mizoramah hian hmuh tur an awm ve lo
a nih hmel khawp mai. An lu hian tlaiberh/ tukkhumvilik lam ang viau a, an mei
lam erawh hi chuan vakul lam a pawl mah mah thung. Sava mawi tak an ni.
@
MIPA HMEL|HA HMEICHHIA NI SI :
1.
BALIAN BUSHBAUM : Kum 1980 July ni 14 khan Yvonne Bushbaun hming puin a lo
piang a, German hmeichhe Pole Vaulter \ha ber pakhat a ni. November 21.2007
khan mipa-ah a in let.
2.
BUCK ANGEL : Zahmawh film a chang \hin, he tih lai hian advocate a ni a, lehkha
siaktu a nih bakah Lecturer te a la ni zui.
3.
THOMAS BEATIE : 2010 Guinness World Record ‘First Married Man to Give Birth’
Beatie hi kum 20 chuang a nih thlengin hmeichhe pangngai a ni a. Nupui a neih
hnu-ah a chhul a paihtir loh avangin fa 3 a hring leh.
4.
IAN HARVIE : Kum 19 a nih a\angin a patil \an a, kum 32 a nihin mipa-ah a
inthlak. A chanchin a chhe zawng a sawi tur a awm meih lo.
5.
CHAZ BONO : March 4. 1969 ah a lo piang a, zaithiam a ni. 2008 kum laihawlah
khan mipa-ah a in let.
@
MISS WORLD 2014 : Miss World 2014
atan Miss South Africa Rolene Strauss chu thlan a ni a. 1st runner up Miss
Hungary, Edina Kulstar, 2nd Runner up Miss
USA, Elizabeth Safrit thlan a ni
bawk.
BIBLE QUIZ
No.53
HOSEA BUNG
(1-5)
A
kâr âwl dah khat rawh :
Q1. Tin, Juda fate leh Israel fate chu an pungkhâwm ang a, an lû tûr
an ruat ang a, chu ram a\ang chuan an kal chho vang: _____________________ nî
chu a ropui dâwn si a.
Q2. Tin, ani chu ka tân leiah ka
chîng ang a; Lainatdawnglovi chu ka lainat ang a, Kaminilova chu, “ Ka mi i
ni,” ka ti ang a, Tin, anin, “Ka
________________ i ni,” a ti ang.
Q3. chumi hunah chuan Israela thlahte chu an lamlêt ang a, LALPA an
pathian leh an lalber ___________________ chu an zawng ang a;
Q4. Thlîin a lak hunah an
inthâwinate avângin an la ________________ ang.
Q5.An thiam lohna an inhriat a, ka
hmêl an zawn hmâ chu. Ka kal ang a, ka hmunah ka kîr ang: An tuarnaah chuan mi
___________________ hmâ dâwn a ni.
A
bung leh châng dah rawh :
Q1. Tichuan a kal a Diblaima fanu Gomeri chu a nei ta a; tin, nau a
pai a, fapa a hrinsak ta a.
Bung:
............... Chang:
....................
Q2. A fate pawh ka lainat lo vang, Nawhchizuar fate an ni si a.
Bung:
................ Chang:
....................
Q3. Israela thlahte chu ni tam tak lalber leh milian leh lungphun
serh leh puithiam kawr emaw, milim te emaw nei lovin an awm dâwn si a:
Bung:
................ Chang:
....................
Q4. Chhûnah i tlû ang a, nangmah nên zâwlnei pawh zânah a tlû ang a, I
nu pawh ka tiboral ang.
Bung
.................... Chang
.................
Q5. Israel chhuantawlawl chuan a hmai chhanah a hriattîr a, Chutichuan
Israel leh Ephraim chu an khawlohnaah an tlu ang a, Juda pawh an hnênah a tlu
ve ang.
Bung
.................... Chang
.................
Hming :
......................................................
Section :
.....................................................
BIBLE QUIZ NO. 52 RESULT
Chhanna
lut zawng zawng : 6
Chhang
dik vek : 6
Lawmman
dawngtu: Justin K.Lalnunsanga (V.Sec)
Bible Quiz chh^nna leh lâwmman hi
Circulation Manager C. Laldawngliana hnenah thehluh a, lam \hin tur a ni.
HNATLANG
NEI
NI 2.1.2015 Zirtawpni khan K|P member
te Biak In leh a vel tifai hnatlang neih a ni a, member 70 vel an thawkchhuak a
ni.
TIAM TLAT E
Kan Editor lo ni tawh \hin leh K|P lamah pawh
kan hruaitu lo ni tawh \hin, tuna Missionary a kal mek Tv. R.Zoramdina s/o
R.Zohmingliana chuan Ni 7.1.2015
(Nilaini) Chawhnu dar 2:00 khian Nl Rosangzuali d/o Upa Rohnuna Saronveng nen a
nuamah pawh, hrehawmah pawh damchhunga leng dun turin an innei dawn ta.
Editorial board chuan duhsakna kan hlan e.
CHAWHCHAWRAWI
# Khawvela cheque hmang hmasa bertu chu Nicholas Vanaker a ni a,
April ni 22,1659 ah a lo hmang tawh.
# Credit Card hmasa ber chu Frank X.Mc.N. Amara USA in a siam
chhuak.
# Smart Card Michrochips hmasa ber chu Kum1975 khan France-ah an
siam.
# A.T.M ( Automated Teller Machine) hi June ni 27.1967 ah Barclays
Bank, Enfield, London-ah hman \an a ni.
# Mihring vun rih zawng hi 4 Kg vel a ni a, pawt pharh ta vak
ila1.3 - 1.7 Sg. m a zau a awh thei.
# Mihring ruh rih zawng hi taksa rih zawng hmun thuma \hena hmun
khat anga ngaih a ni. Kg 70-a rit i nih chuan i ruhrel zawng zawng rih zawng
chu Kg 14 ang vel tihna a nih chu.
# Zawhte hi an thawk rik berh berh hian an lungawi, an chawl
hahdam tihna a nih rualin an hlauh te, an thinrimna te, na an tawrh leh an thih
dawn te, note an neih dawn te pawn an thaw ri bawk. An thaw ri hi truck lian a
slow running a awm nen a frequency a in ang vel. An thawk rik hian an thluak a
nachhawkna ‘endorphins’ kha a mahin a in ti chhuak \hin a ni.
K|P BRANCH
DAY
Saikhamakawn K|P Branch Day chu ni
12.1.2015 (Thawh\anni) hi a ni a, Ruby Jubilee (Kum 40-na) anih dawn avangin
lawm tum a ni a, tin, hemi ni hian thisen pek leh tur a ni a, member-te thisen
pe thei turin lo inruahman lawk \heuh ila a lawmawm hle ang. Hei bakah hemi zan
hian Programme hrang hrang leh hruaitu hluite hnen a\angin programme beisei a
ni bawk.
K|P MEMBERTE
HRIATTIRNA
Kum 2015 K|P member te mahni group
awmna Sunday School Hall notice board ah tar chhuah a ni a, mahni group awmna
hre duh tan mahni in en mai tur a ni e.
JUBILEE SAWMNA
K|P Saikhamakawn
Branch chuan kum 40 na (Ruby Jubilee) Ni 12. 1.2015 |hawh\an zan hian lawmna a
nei dawn a, K|P member te a tam thei ang ber kal turin kan in sawm a, K|P
hruaitu lo ni tawh, tuna member la ni laite erawh a hranpa a sawmna sem a ni
dawn lova, hei hi sawmna a ngaiin lo kal ngei turin kan in hriattir nghal e.
Sd/-
( P.C. VANLALHRIATPUIA)
Secretary, K|P
YMA SECTION INTHLAN
Dt. 6. Jan. 2015 (Thawhlehni) zan dar
6:30 khian Section YMA te inthlanna neih a ni dawn a. Heng te hi Section hrang
hrang te inthlanna hmun tur a ni ang.
Vanapa
Section - YMA Run
Taitesena
Section - Pu Thangkhuma te in.
Chawngbawla
Section - Pu J Lalrinthanga te in.
YMA Member-te mahni Section \heuhah
kim taka inthlang tura kal \heuh i tum ang u. Ei leh in tuihnai tak buatsaih a
ni ang.
TUALCHHUNG
,Lalramthari
d/o William Lalchhuanawma (V. Sec) chu accident avangin Synod Hospital,
Durtlang ah enkawl mek a ni.
LAWMTHU SAWINA
Krismas leh kumthar denchhen a kan
Veng chhung kawn kan chei naah nula, tlangval, Pi leh pu ten phur taka hnatlang
a tha in senna zawng zawngah lawmthu kan sawi a. Sum fai kan khawn chungchangah
pawh theihtawp min chhuah pui a, chhung tin ten \hahnemngai taka in theih ang
tawk in rawn thawh avangin lawmthu kan sawi tak meuh meuh a. Tin, mimal bungrua
kan hawh sak te leh kan hman sak te pawhin ui lova phal tak a min hman tir
avangin kan lawm hle bawk. Chawngbawla Section ten sum tam tham tak a min
\anpuiin hnatlan naah te min rawn puih reng avangin an chungah kan lawm hle
bawk.
Tin, Branch YMA hruaituten hneh taka
min vilin, kaihhruai kan ngaihna ah min kaihruaiin, puih kan ngaihna ah min pui
a. Bungraw \ul ang ang min hmantir avangin an chungah kan lawm hle ani.
Mimal bungrua leh thildang kan tih
chhiatah te leh mi pawi kan lo sawi palhah te ngaihdam kan dil a. Tin, kan chei
danah te leh kan inrelbawl danah te in duh thu a lo sam tawk loh naah ngaihdam
kan dil a, lawmman la zingah kan tel thei talo pawh pawi kan tiin, in beisei
kan phak lohna zawng zawngah ngaihdam kan dil nghal bawk e.
A hnuai a mi ang hi kan sum hman dan
tlangpui a ni e :
In
tin a khawn a\anga hmuh - ` 43250
Section
sum hman zat - ` 6627
Total
- ` 49877
Sd /-
(Tommy Zirnuntluanga)
Secretary
Vanapa Section , YMA , Saikhamakawn Branch.
https://www.facebook.com/groups/SKKthalaipawl/
Saikhamakawn K|P e-mail : ktpskk@gmail.com &
ktp_skk@yahoo.com
PUBLISHED BY LITERATURE SUB. COMMITTEE K|P SAIKHAMAKAWN BRANCH, COPIES : 330
No comments:
Post a Comment