Mipui Aw 30.10.2016

MIPUI AW

KARTIN CHHUAK

Vol. XXII Issue No. 44 Kristian Thalai  Pawl  Saikhamakawn Branch  Pathianni Dt.30.10.2016

VAWIIN CHÂNG VAWN

            Rawngbawl dan hrang hrang pawh a awm a, nimahsela Lalpa chu hmunkhat a ni. Hnathawh dan hrang hrang pawh a awm a, Pathian erawh chu hmunkhat a ni –  mi zawng zawnga engkim thawktu chu.

(1 Kor.12:5-6)

KOHHRAN PROGRAMME:

Ni 30.10.2016 (Pathianni)

Chawhma Inkhawm

|antu              : Pi Lal\anpuii

Zirlai 41-na    : “ Thlarau Thianghllim                                  leh nun hona”

Chawhnu Inkhawm

Thuhriltu       : Upa Lallawmchhunga

                        Zân inkhawm

Thuhriltu       : Upa Lalrindika

K|P INKHAWM PROGRAMME

Ni 24.10.2016 (Thawh\anni Z^n)

Sermon Inkhawm

Hruaitu           : Nl. Lalrinchhani

|antu              : Tv. C.Zoramthara

Thuhriltu       : Pu Lalhmangaihzuala

Thilpek lakh- : Nl. C.Zodintluangi leh

awmtute           Nl. Lalhruaitluangi Fanai

Zai hruaitute  : Nl. C.Zosangliani leh

(15-31 Oct.)      Tv. C.Lallawmawma

KOHHRAN HMEICHHE

 INKHAWM PROGRAMME

Ni 1.11.2016 (Thawhleh Zan)

Ramthim Zin

A hmun          : Senior Dept. Hall     

Hruaitu           : Pi K.Lalbiaksangi

|antu              : Pi Zothanpuii

KOHHRAN PAVALAI PROGRAMME

Phek hnung lamah dah a ni.

SERMON

RETHEIHNA LEH HARSATNA LAK ATA      CHHANDAMNA                                  -K.Lalfakawma Nu

“Riangvaite hnenah ChanchinTha hril tura mi ruat avangin Lalpa Thlarau chu ka chungah a awm; Ani chuan salte hnena chhuahna thu leh, Mitdelte hnena mitvar neih lehna thu sawi tur te, Tihduhdah tuarte chhuahtirna tur te, Lalpa lungawi kum thu sawi tur tein, Mi tir a ni,” tih hi.

(Luka 4:18-19)

            Lal Isua Krista hi misual te chhandam tura a lo kalna khawvelah hian sual inthup lang thei lo amaha Pathiannain a hriat si kawng hrang hrang a awm a, chungte chu a thlarau nunin a hmuh si avangin chung mi rethei rilru na tak te, sualin a tihbuai nasat avanga mi pangngai nun pha ve thei lo chi hrang hrang te kha chhanchhuah zel a duh a, Amah a\anga thlamuanna an lo neih ve theih nan te, he khawvela an khualzin chhunga inrintawkna an lo neih ve theih nan te, insitna leh timna reng awm lo va thinlung leh tihtak zeta Amah an hmangaih ve ngamna tur te in he thu hi a sawi a ni.

            He khawvelah hi chuan khualzin kan nih avangin lungawi lohna te, retheihna te, manganna chi hrang hrang te a tam si a, chuvangin chhel tak leh huaisen taka nun kan hman hi Lalpa duh dan a ni.

            He leiah hi chuan mi dik tak te tan hmun a chep chang te a awm \hin a, dikna kan \an avanga tihduhdah tuar te pawh a awm a, rualawhnate hi mihring pianpui ni mahse mi thiltitheite tan lo chuan kawng a inkhar leh mai \hin. Hna thar lak chungchangah te hian mi thiltithei tlawn tu leh a tlawn ve lo tu te chu an inang lo fo \hin a, sakhuana kawngah pawh hian a nghawng chho tawh hle a ni.

            In leh lo ah te hian kan intlansiak nasa hle mai a, kan in leh lo \hatna tur a nih dawn phawt chuan ringtu piangthar inti siin kan eiru duh a, mi te hnathawh lawmman tur kan kuta lut te pawh kasn lo neihsak duh zel a, hausakna hi a bul te a\anga a dik tluantling a nih lo chuan nakinah kan bang zut mam te kan ban te, kan chhuat zut mam te hian chumi khami a awm tur ka ni a mahse min eiruk avangin chumi inah chuan ka awm ta zawk a ni tiin Pathian lal\hutthleng bulah hian an thiamthu min la sawi khum ang tih a hlauhawm a ni.

            Thatchhiat avang hrim hrim a retheih te pawh a awm theih hle mai a, tin ruihhlo avanga chhungkua lo rethei te pawh a awm theih a, natna avanga rethei te pawh a awm theih a, Lalpa \ihna  leh duhzawng tihna avanga reitheih te pawh hi a awm theih hle a ni.

            Lalpa kohna chhanga ram thim ram ro a kal te pawh hi an nawmsakna te pawh thlahlel thei lovin hnamdang zingah rethei takin an awm \hin a, heng ho te phei hi chu leiah retheiin awm mahse kuta sak loh chatuana in nuam Lalpa’n a mite tan chauha a buatsaih chu an chang ngei dawn a ni.Chuvangin kan thupuia kan tarlan tak ang hian retheihna leh harsatna lak ata chhandamna bulpui ber chu leiah Lalpa \ihna avangin rethei mah ila kuta sak pawh ni ve lo Lalpa thiltihtheihna liau liau a sak chatuana In nuam leh ropui chu kan chang dawn si a, hei ngei hi a ni chhandamna ropui ber chu .

A mi te zawng zawng tan Lalpa’n a thu malsawm rawh se. Amen                   

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

                Mihringte nuna thil pawimawh leh puitlinna kawng kan zawhna tur atan thil tul em em chu zirna hi a ni. ‘Education is all round Development’ an tih hial reng a ni.

          Amaherawhchu, kan veng hian zirna hi kan hlamchhiah \an ta riau niin a lang. Veng \han zelna turah hian lehkhathiam, hriatna zaute hi kan la mamawh tulh tulh dawn a, lehkha thiam tamna veng chu a changkang lo thei lo \hin.

          Mithiam, zirna lama sangte hi khawtlang thilah pawh lehkha thiam lote ai chuan an tangkai zawkin an chhawr nahawm zawk \hin. Inpekna hi a pawimawh a, nimahsela, in pek dan inchen chiahah chuan lehkha thiam nge nge chu an hlu zawk \hin.

          Lehkhathiamna te hi Pathian rawngbawlna atan te  hlei hlei hian a \angkaiin a pawimawh \hin. Chuvangin, keimahni tan mai nilo khawtlang leh ram tan thleng pawha pawimawh zirna hi i uar thar deuh deuh zel ang u.

ARTICLE

INDIA SPY LEH ISRAEL SPY TE AN LO THAWK

DUN RENG MAI!!

           

            India spy an tih mai, Research and Analaysis Wing (RAW) leh Israel Mossad an lo inzawm reng mai!!

            Indian spy turu tak mai Rameshwar Nath Kao khan he RAW hi dinin Israel Mossad te \hat zia leh an turu zia hriain \hiana siam ngei a duh a, tichuan, India ram hruaitute remtihna leh Prime Minister remtihnain kum 1950 khan India chuan Israel consulate, Mumbaiah awmtir a phal sak a, mahse India chu Palestinian pawmtute an nih avangin in\hian \hatna tluantling Full diplomatic relationship chu an la nei thei lo va, tin, India ram khawpui New Delhi ah Consulate emaw, Embassy emaw pawh a awmtir thei lo va, a chhan chu Arab ram hrang hrang dem an hlau a ni.

            Hun a lo kal zel a, Kum 1968 a lo her chhuah meuh chuan India Prime Minister Indira Gandhi chuan India ram hmelma Pakistan leh China chuan North Korea \anrual puiin an ram sipaite eng hunah pawh in\anpuia thawh ho tûrin remna an siam a, hma an la mup mup mai tih a hriat avangin leh Israeli Mossad te \hat zia a hriat avangin \angkai zawka a chhawr theihnan a rûk thei ang ber si a thawhho chu a lo duh zual ta tulh tulh a, a rûk thei ang berin, Arab ram tumah hriat loh turin RAW leh Mossad te chu an lo thawk chho dun ta mawlh mawlh mai a, hna chi hrang hrang hlawhtling takin an thawk a ni.

            Kum 1971 chuan Pakistan Foreign Minister Zulfiqar Ali Bhutto chuan North Korea nên an inkar a ngheh zawk theih nan Pyongyang a tlawh ta ngei reng a, tichuan India leh Israel spy te chuan heng ram pathum Pakistan, China leh North Korea te in \hian\hat dan leh hmalak an tum dan chu chipchiar taka hriat tumin hma an la dun \an ta a. Amaherawhchu Spy an nih avang leh Arab ram ten Israel leh India an \ang dun tih an hriat chhuah chuan tu ve ve tan pawh a pawi dawn avangin a rûk thei ang berin an zêp hram hram a.

            Kum 1977 ah India Prime Minister Morarji Desai chu thlan tlin a lo ni hlawl mai a, a ni chuan chu thurûk chu a lo hai lang ta mai a!! Israel Six Day Dar Hero, General Moshe Dayana’n India ram palaite a kawm theih nan Katmandu, Nepal a tlawh thute lamin haichhuah a lo ni chho ta a, chu chuan nghawng \ha lo tak a lo nei chho ta a, Pakistan Nuclear weapon siamte chu India leh Israel \angrual hian tihchhiat sak an tum tiin thu a lo thang ta bawk a. Desaia hi Pu Laldenga Lung Ina dah ringawt tu kha a ni.

PAKISTANIN ISRAEL BE TLAWN          

            Kum 1981 Iraq rama Osirak nuclear reactor Israel in a bomb chhiat hnuah phei kha chuan Pakistan chuan India leh Israelte \angdun chuan a nuclear programme chu an ti buai vek ang tih a hlauh ta êm êm mai a, chuvang chuan Pakistan chuan Israen tan a Nuclear weapon siam chu a hlauhawm loh tur thu a hrilh ta mawlh mawlh mai a, tin, America leh Israel chu in\hian \ha an nih tih a hriat avangin Pakistan chuan America sorkar kaltlanga Israel chu \hiana siam a lo tum ve leh ta thung a.

               Tichuan, Pakistan chuan Israel ram hmêlma Libya,Syria, Jordan leh Saudi Arabia ram thurûk leh an sipai chanchin leh an ralthuam chungchang Israel chuan a ngaihven hle tih a hriat avangin chung ram thurûk tam tak mai chu Israel biak tlawnnan a rawlhruk ta hmiah hmiah mai a.

            Hetia Israel a biak tlawn reng lai hian Israel tlangval pathumte sipai zo hlim ‘zin khawthang’ te chuan tum lawk awm miah lovin Kashmir an thleng hlawl mai a, chu chu Pakistan chuan India sipaite pui tûr leh indo dan zirtir tu tûr annih ringin an bei ta thut mai a, pakhat kaphlumin pahnih an kidnapped ta a, he mi te chhan chhuahnan hian Israel ram hruaitu lu tak tak, Senior intelligence te thlengin Delhi an zin phah a, a tawpa a tawpah chuan hêng an Kidnapped te hi an chhuah ve leh ta a ni. 

            Pakistan chuan India leh Israel in\hian\hatna tihchhiatna tur leh Israel biak tlawn nan theihtawpa a beih avangin India sorkar pawh chuan Israel nên an dinhmun a nghawngchhia ang tih hlauvin Congress sorkar lain, PV Narasimha Rao hun lai kum 1993 chuan Israel nen in\hian\hatna tluantling Full Diplomatics Relationship an lo neih pui ta chûk chûk a, Israel chu an be tlawn hle a ni.

            Kum 1993 a Benazir Bhutto, Prime Minister a nih leh khan a rang a rangin Mossad ho te nên an thawhho theih nan America sorkar kaltlangin a bei a, kum 1995 khan Washington DC ah Benazir Bhutto hian America tlawhin Israel ram palai lian tak takte nên a rûkin inkawmna khunkhan zetin a neih pui nghe nghe a, heta Benazir Bhutto \anpuitu leh anin a chhawr ber pawh Pakistan sipai lu ber General Pervez Musharraf a ni nghe nghe a.

            Tichuan, he Musharraf hi Pakistian Prime Minister a lo ni ve leh ta a, ualau takin Israel ram nêna thawhho a duh zia a lo sawi chhuak ta a, a chhan chu India nêna an in\hian\hat bik chuan, Israel ram chu Russia ram tihlohvah chuan khawvela indona ralthuam siamchhuak hnember leh ram danga hralh chhuak hnem ber a nih vangin India hnênah ralthuam tha tak tak a hralh bik a hlauh vang a ni a, chuvang chuan Pakistan chuan Israel chu a hlauhtlawn a ni ber mai awm e.

               Amaherawhchu, Muslim ram hrang hrangte nêna \ang ho an nih tho si avangin Pakistan khawpui Islamabad a Israel embassy awmtir chu a rem lo tlat thung. He mi avang hian duh angin Israel nên inkungkaihna \ha a neih theih loh phah a, India lahin Israel leh Pakistan in\hian\hat a hlauh êm avangin an inkarah pal a lo ping ve hmiah hmiah bawk a ni.

.

BENG TI VÂR

THU ROTLING

          ## Chapona tlangsanga kan din lai aiin tlawmna ruama kan thingthit lai hian finna kan hnaih zawk - Anonymous

          ## Pathian awm rinlohna hi mihring thinlungah aiin hmuiah a ni a awm duh zawk ni - Bacon

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

Zanin EPL Inkhel turte:

Everton Vs West Ham (7:00pm)

@Starsports Select HD1

Southamton Vs Chelsea (9:30pm)

@Starsport 4

Thawhleh zan EPL

Stoke City Vs Swansea City (1:30am)

Zanin Indian Super League

FC Goa Vs Delhi Dynamo FC (7:00pm)

PHE HRIATTIRNA

             Ni 25. October 2016 (Tuesday) ni atang hian Tlangnuam Booster Pump Set - I chu Motor (Armature) a kan avangin Rewinding a ngai dawn a, phai ah thawn angaih dawn avangin hun eng emaw chen chu tui duh angin kan in pump tam thei dawn lova, chuvangin tui duh ang leh a hun bi ah kan sem theih dawn loh avangin khawtlang mipuite hriatthiamna kan ngen e.

Sd/-

(R.LALHLIMPUIA)

Sectional Officer

Tlangnuam Section, PHED

NGENNA LEH HRIATTIRNA

            Pu C.Vanlalsiama (Ch.Sec) te in lama bawlhhlawh paih \hin zawng zawng te khan khawngaihin tuna inbawlhhlawh paihna a paih tawh lovin a bul kawrah in paih theih chuan a lawmawm ngawt ang. Tuna inbawlhhlawh paih danah hian kawngah te in paih a  ni ber a, kan feh kawng a ni bawk si a, a rim a chhe thei bawk si a, a \awp bawk nen, chuvangin a bul kawrah paih thei ula a lawmawm ngawt ang.

In \hian

C.Lalngheta

Vanapa Section

KOHHRAN HMEICHHE |AWNG|AI TLAIVAR PROGRAMME     

Ni 1.11.2016 (Thawhleh zan) Dar:9:00 pm

A hmun  : Biak In

Hruaitu  : Pi Khawlvuani

|antu     : Pi Lalhmunruati

Thupui               : “Lalpa  lam i hawi ang u” (|ah Hla 3: 40-41)

Sawitu                : Pi Hualthangpuii                    

LAWMTHU SAWINA

            Nimin ni 29.10.2016 (Inrinni) a YMA member Chawnpui Bethel Camping Centre a hnatlanga thawk chhuak zawng zawngte chungah lawmthu kan sawi e.

Sd/-

(C.LALDAWNGLIANA)

Secretary

YMA, Saikhamakawn Branch

SKK KOHHRAN PAVALAI PAWL LEH CHANMARI (W) HMAR VENG KOHHRAN PAVALAI JOINT WORSHIP SERVICE PROGRAMME

 A hun: Ni 3.11.2016 (Ningani Zan)

A hmun    : Saikhamakawn Kohhran Biak In

Chairman : Pu T.Lalrinthanga, SKK

|antu: Pu Ziaksanga, Chanmari (W) Hmar Veng.

Thuhriltu: Upa J.H. Hmingthanchuanga, Chanmari (W) Hmar Veng

Khuangpu: Pu C.Zakhuma leh Pu Vanlalfela, SKK

Thilpek lakhawmtu: Pu Lianchia, SKK

Zaipawl: Kohhran Pavalai Pawl, Saikhamakawn leh Chanmari (W ) Hmar Veng.

JOINT FELLOWSHIP PROGRAMME  

Hruaitu: T.Upa K.Lal\hakima, Chanmari (W) Hmar Veng.

|antu: Pu P.C Thanchungnunga, Chanmari (W) Hmar Veng.

Special Items: Saikhamakawn leh Chanmari (W) Hmar Veng Kohhran Pavalai a\angin

HMANGCHÂNG

¤ I kut tin tihkhauh deuh i duh chuan tui chi al ah i kut tin kha mintue 2 vel chiah ang che.

¤ Perfume i taksa lang laia i hnawih chuan nisa lutukah awm lo hram ang che. Perfume hnawihna lai hi nisain a tihâng duh bik.

¤ Perfume hi lapua ah kap la, lapua chu i bra kar ah dah mai la a remchang hle.

¤ Tomato tui hmaia hnawih hian hmai mawm leh sahbawn in a bal a tihfai zawh loh chu a tifai thei a ni.

¤ Alu tih sawm hi i hmai phih fai nan sahbawn aiah hmang thin ang che. Hmai bawlin a ngeih duh zual a ni.

¤ Battery hman hma a, fridge a dah hian a hman chhung a rei duh bik!

TUALCHHÛNG

,  Pu Biakvela h/o Ramthianghlimi (Ch.Sec) te chuan chhungkaw mamawha hman tan Scooty (Streak) an lei thar.

, Pi Priscilla Lalramsangi w/o Zonunsiama (T.Sec) chu damlohna avanga Aizawl Hospital a enkawl a nih hnuin a lo chhuak.

HRIATTIRNA

            Thosi seh avanga kai theih ntana Malaria leh Dengue fever chu Mizoramah case hmuhchhuah zel a ni a, mipuite thosi seh laka fimkhur turin kan ninngen nawn leh a ni.

1) Malaria: Kan hriat \heuh tawh angin Malaria hi thosi seh a\anga inkai chhawn zel a ni a, khawsi, luna, tlun leh awm nuam lo hi malaria vei lan chhuah dan tlangpui a ni a, hetianga awm damlo chu  a rang thei ang ber a thisen endik tir tur a ni. Thisen testna hi ASHA, Sub-Centre leh Hospital ah a thlawna tih theih a ni. Enkawl tlai chuan nunna ch^n hlauhawm tak a ni. Mut hnuah thosilen zar, DDT \ha taka kah tir, in vela thosi pian theihna tuitling tih bo leh damloh veleh thisen test tir vat a pawimawh hle a ni.

2) Dengue Fever: He natna hi tun hma a\angin phai lamah chuan  a awm reng a, tun hnaiah Mizoramah a vei hmuhchhuah thar a ni.  A natna lan chhuah dan tlangpui chu luna, luakchhuak, tlun, khawsik sang tak, ruh leh tihrawl na leh kham ut ut, mit men nuam lo, pum nuam lo te a ni tlang. Hetianga nei damlo te chu ngaihthah hauh lovin hospital hnai bera rang thei ang bera pan tur a ni.

Enkawl tlai chuan nunna chan hlauhawm tak a ni.Mipui ten ngai pawimawh \heih turin kan inngen a ni.

Sd/-

(L.R. NUNMAWIA)

Health Worker (M)

Melthum Health Sub-Centre

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350

Mipui Aw 23.10.2016

MIPUI AW

KARTIN CHHUAK

Vol. XXII Issue No. 43 Kristian Thalai  Pawl  Saikhamakawn Branch  Pathianni Dt.23.10.2016

VAWIIN CHÂNG VAWN

            Thirin thir a tihriam a, Chutiang bawkin miin a \hian hmêl a tihriam. Tupawh theipui kung nei chuan a rah a ei ang a, Tupawh a pu rawngbâwl chu chawimawi a ni ang. Tuia hmêl ngai ngai a lang angin Mihring thinlung chu mihringah a lang.       -Thufingte 27:17-19

KOHHRAN PROGRAMME:

Ni 23.10.2016 (Pathianni)

Chawhma Inkhawm

|antu              : Pi Lalhmunsiami

Zirlai 40-na    : “ Thlarau Thianghllim leh nundan \ha”

Chawhnu Inkhawm

Thuhriltu: T. Upa C. Vanlalsanga

                        Zân inkhawm

BSI Aizawl South-I Branch Campaign

Speaker: Upa Dr.Lallungmuana,Salem Veng

K|P INKHAWM PROGRAMME

Ni 24.10.2016 (Thawh\anni Z^n)

Sermon Inkhawm

Hruaitu           : Nl. F.Lalrintluangi

|antu              : Tv. J.Lalremruata

Thuhriltu       : Pu Lalduhkima

Thilpek lakh- : Nl. Lalawmpuii leh

awmtute           Nl. Hmingthanpuii

Zai hruaitute  : Nl. Zosangliani leh

(15-31 Oct.)      Tv. C.Lallawmawma

Keyboardist   : Tv. M.S.Dawngliana

KOHHRAN HMEICHHE

 INKHAWM PROGRAMME

Ni 25.10.2016 (Thawhleh Zan)

Hruaitu           : Pi Hualthangpuii

|antu              : Pi Vanlalbiaki

Thuhriltu       : Pi Vanlalhruaii         

KOHHRAN PAVALAI PROGRAMME

Ni 27.10.2016 (Ningani)

A hmun          : Pu T.Lalrinthanga In

Chairman       : Pu Zakhuma Chhangte

|antu              : Pu R.Lallura

Hla zir a hun hman tur a ni.

SERMON

NANGMAH  A  DUH  CHE

            “Chutichuan unaute u, Pathian khawngaihna avang hian, inthawina nung leh thianghlim leh Pathian lawm tlak ni turin in taksa chu inhlanah ka ngen a che u; chu chu in rawngbawlna awm reng a ni. He khawvel dan ang hian awm suh ula; Pathian duhzawng, a tha leh lawm tlak leh, that famkim chu in hriatfiah theih nan, in rilru athara awmin lo danglam zawk tawh rawh u.”                                              -Rom 12: 2 & 2

                                               

            Mihring suala tluchhe tawh hnu min tlanchhuak leh turin Pathianin a fapa neihchhun Isua Krista chu khawvelah a rawn tir a, chhandamna hna chu thuawih takin a thawk zo tih kan hre \heuh awm e. Chu chhandamna chuan mihringte hi sual ata min la chhuak a, chatuana hrehmuna kal mai tawh tur kha Vanramah kal leh thei turin Isua thisen ngeiin min la chhuak leh ta, a ropuiin, khawngaihna mak mawi leh duhawm chu a va ni taklul em.

            Chutiang taka chhandamna hna thisen chhuak ngeia rawn thawktu chuan keini a chhandam mihringte hi ama tan thawka, nunga, rinawm taka a tana rawngbawl tlat turin he kan taksa thi thei ngei mai hi a hnena hlan turin min ngen a, chu chu kan tih tur a ni tih chiang takin min hrilh bawk a ni. He thu hian chiang taka min kawhhmuh chu keimahni ngei mai hi Pathianin min duh a ni tih hi a ni. Pathian rawngbawl hna hi mi \henkhat chuan duh tawk chin kan nei fo \hin a, “hetiang ah chuan koh bik nih a ngai” tih ngaihdante kan nei fo \hin. He ngaihdan hi kan paih a hun tawh viau a ni. Zu leh drug, nulat tlangvalna lama nasa taka tlan mekte, kohhrana mi in hmang tak leh khawtlang leh ram tana nasa taka thawk mek te; Pathianin min duhdan hi a in ang vek ani tih hi kan hriat thar a va \ul em. Ama tana inthawina nung leh thianghlim ni turin min ko a, midang ni lovin keimahni ngei min ngen a ni.

            Chu inthawina nung leh thianghlim ni tura kohte nun dan  leh awmdan tur pawh chiang takin min hrilh nghal a. Pathian tan ka inpe a, inthawina nung leh thianghlim ni turin ka in hlan e ti tute chuan he khawvel dan ang hian an awm thei tawh lova. Pathian duhzawng anga awm a, kan nunhlui sual chu kalsan tur kan ni tih Rom ziak kan tarlanah khian chiang takin kan hmu thei nghal a ni. Khawvel lama tlan \hin ten an tlan chhunzawm a thiang tawh lova, kan rilru puthmang leh kan duhzawngte chu Kristaah chuan siam dangalama awmin khawvel mite lakah kan danglam tawh tur a ni.

            Hetiang nun nei tur hian Pathianin tumah ko bik leh thlan bik a nei lova, tuna kan awm ang ang hian atana inthawina nung leh thianghlim ni turin Pathianin Nangmah A Duh Che.

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

      Hmalakna kawng engkimah nun nghet nei lo leh mumal nei ngai lo mi, boruak tawn ang anga nun thlak danglam zung zung \hin, thu dawnsawn hnuhnun apiang tha ti ber  zel a, pawm zung zung thin mite, mahni ngaih dan leh pawm dan sa pawh ring zo lova midangte a in nghat tlat \hin mite hi eng kawngah mah mi hmantlak leh rin tlak an ni tak tak ngai lo.

          Mahni ngaihdan leh pawm dan pawh kal tlangpui ngam lo khawp a ngaihdan mumal nei ngai lo mi, mahni pawh inring tawk ngam lo khawpa mahni inring tawkna tlachham mi te hi mi a zawnga mi khawngaihthlak ber an ni fo \hin reng a ni..

          Midangte lung tih awi loh hlauh luatnain anmahni a bual a \hin a, mi dangte rin loh nih hlauh luatnain an khaw sak a ti buai \hin. Mi dangte aia that zawk chakna chuan an dam chhung nun a ti buaiin, midangte lakah inkiltawihna leh zumzukna in an nunah ro a rel tluan chhuak zak \hin a, Dawihzepna chu an nunah a bet tel tlat \hin.

ARTICLE

ZAWLNEI INTITE THUPUANAH  ENGAH I CHIAI FO LEM ANG LE?                                                         -Rev.Zonunsanga

                                                                                 Tuipuibari Bial

                        History-a Harhna a lo thlen tawhna te thlir hian tunlaia zâwl thupuan awm ta nuaih  nuaih te, Pathian pakhat ring leh be \heuh \heuh kan thupuan inkawlkalh tak tak awm lawi si  te hi thil mak leh thil thar a ni lem lo ve.  Inlarna  tih  te,  chhiatna  lo  thleng  tur  tihte,  thim thuahhnih  tih  te  Social  networking  hrang hrangah kan hmu fo mai a. Hman ata tawh zâwl  thu puan hian mi thenkhat a tibuai ve  \hin. Puang thei apui kan tam êm lah tak a ni! Chhiatna  hrang  hrang  (natural  calamities)  te,  rawng  taka  inthah  te,  pawngsual  te,  bomb puak te hi misualte hremna nise mi felte pawhin an tuar ve tho si a. Engtin nge ni dawn?  News  en  \hin  tan  heng  hi  khawvelah  hian  nitin  a  thleng  reng  tih  hrilh  kan  ngai  lo  ve.  Khawvelah hian kumhlun tur tumah kan awm lo. Kan awm a, kan kalbo leh mai \hin. Isua  neitu tan hlauh tur a awm em ni?

            Pathian hian kan sual chuan min hrem ang tih hi tute emaw zawlnei(?) min puansak  kher a ngai em ni? Bible-ah kan hmu vek alawm. Joba pánin a bawm khah chhan kha a tihsual  leh a chapo vang a ni lo. Misualte tan chuan thim thuahhnih mai a ni hleinem; hremhmun asin  awm zawk! Thim thuahhnih hi kan hlau ve lo. Pathian erawh kan ring.

            Hetiang karah hian mihlim changsang raja ho hian, “Thlarau Thianghlim i sawisel ang  e” an ti leh ringawt \hin. Heng hruaingil tumna hi ‘Thlarau thianghlim sawisel’ Bible-in a tih  hi a ni hauh lo! ‘Thlarau Thianghlim sawisel’ nge hlauhawm ang ‘a lang apiang pawm’ tih hi  ngaihtuah ngai deuh a ni. Pathian hnenah inkawltir la, zam suh. Engpawh lo thleng sela Pathian i nei alawm.  Luang thli chhem nghin ang maia nghin leh dual \hin tur pawh a ni lo. Engah Pathian nei lo te  anga zirtirna danglam lakah i nghin fo lem ang le?

             Heng karah hian kohhranhoten kan tehna chu Bible a ni fo. Heng boruak hrang hrang  vang tak hian alawm ‘Bible chauh’ (Sola scriptura) an lo tih \hin reng ni.   Heng vang hi alawm Kohhran âw hi Pathian âw a ni e kan tih \hin; a puang thei apiang  awih zelna râu suak \helh nana, “hemi chin hi aw” tih hi a râu tawk viau \hin. 

            Isua hi min tlantu a nih bakah kan zawlnei leh puithiam lalber a ni a. Kan tih tur te, tih  loh turte leh a hniakhnunga kan zui theihnan chu ziakin(document) ringtu hmasaten min lo  dah \hatsak a, Bible aia râu zawk a awm thei lo va;  Bible chauh hi rinna leh thiltih kan teh  dawna dik lo thei lo chu a ni reng a ni.   Pathian thu hi insawi\haihna, inrikrapna tur ni lovin kan rin phawt chuan kan damna  tur,  kan  chhandamna  kawng  leh  Pa  hnen  min  thlen  tur a  ni  a.  Kan  rin  loh  erawh  chuan  hremna chu kan pumpelh hauh lo vang. Khawngaihna kawng hawnlai hian Lalpa i hnaih zel ila

Zâwlnei chu Kohhran hi a ni:

            Thuthlung  hlui  hunah  Pathianin  zâwlneite  hmangin  a mite  hnenah  a  inpuang  \hin.  Zâwlneiten  an  lalte  hnenah  huaisen  takin  Pathian  duhdan  an  hrilh  thin.  Chu  chuan  ram  a  khalh a, an lalte kalsual tur te, ramin a tihsual te Pathianin zâwlnei hmangin a hriattir \hin.

Chu  zâwlnei  hna  chu  Kohhrante  hian  kan  thawk  chhunzawm  a,  kan  tizel  ang.  Kohhran hian roreltute hi Pathian ruat an ni tiin vawiin thlengin kan la inzirtir \hin. Roreltute  pawh chutiang taka ‘Pathian ruat’ an ni tih mipuiten an pawm theihnan inenfiah fo kan ngai  ve bawk.

(a)       Kohhran  chuan  zâwlnei  hna  (prophetic  ministry)  chhunzawmin  kan  ram  tan  theih  tawpin tawng\aina nen tan kan la  zel  ang. Chutih rual erawh  chuan  zâwlnei hna thawktute  thurâwn la duh lo va mahni tha tihna lam Pathian tihtir nia ngaihna hi kalsualna chikhat a ni tih kan hriat a tul. Hmasang  kan  thlahtute  hnena  kawng  tinrenga  inpuanga,  a  rawngbawltu  serhhran  te  hnena thusawi \hin kan Pathian tho kha vawiin hian kan Pathian a la ni reng a. Kohhran hian  zâwlnei hna a thawk zel dawn. A thawh loh hun hunah a nihna a hlauh nghal bawk ang.

.

BENG TI VÂR

FOOTBALL ROPUI TAK MAI CHU!!!!!

1. Football hi BC 476 bawr vel daih atrang tawh khan China ramah anlo khel tawha, hei hi khawvela hmasa ber ani bawk!

2. Khawvela Football Tourney-a team tel tam ber chu Bangkok League Seven-a tih a ni a, team tel hi 5,098 zet anni a, tin players hi 35,000 lai anni bawk!

3. Match khata goal khung tam ber chu Stephan Stanis-a, France mi niin Racing Club de Lens lakah kum 1942 khan goal 16 zet a pet goal.

4. Kawvela goal khung rang ber tu hi Ricardo Olivera, Uruguay mi niin kum 1998 khan game tran atranga second 2.8 lek chhungin a pet goal der!

5. A tlangpuiin Football players te hian match khata an tlan tam zawng hi a average in 9.65kms tlan ang zela ngaih anni!

6. Khawvela Football Club upa ber chu English club Sheffield Football club niin kum 1857 khan din alo ni daih tawh!

7. Europe ramte khuan Wolrd Cup final hi an inpet kai ziah thrin kum 1930 leh 1950 tih lovah chuan!

8. Khawvela inhnehna nasa ber chu 149-0 ani. He match ah hian a Stade Olympique de L'emyrne lam pawh hian nasa takin an lamah an pet goal lui a ni, a chhan chu Refree thutlukna a fair tawklo ni a an hriat vang a ni!

9. Tunlaia kan hman ve sek leh Football chanchin sawi nana 'Beautiful Game' tih hi Brazil Legend Pele'an a hmang hmasa ber!

10. Kum 1998 khan Congo rama thingtlang khua pahnih Bena Tshadi leh an khaw threnawm Basangana an inkhelh laiin TREK (lightning) a rawn tla thut a, hemi trum hian players zawng zawngte hi TREK hian a deng hlum!

11. Mihring zinga thla (moon) a lawn hmasa ber Neil Armstrong-a khan thla ah khan Football hi han dah a duh a, mahse NASA lamin America ramin Football a ngaihsan lutuk loh avangin a dilna an hnawl sak!

12. Khawvela Football zawng zawng zinga 80 per cent zet te hi Pakistan ram atranga siamchhuah a ni.

13. Paraguay rama Sportivo Ameliano leh General Caballero inkhelh trumin Refree in Red Card 20 zet a phawrh!

14. Manchester United Fans ten an sawi ban theihloh leh an chhuan tawlawl an Mangaer Alex Ferguson-a kha kum 1978 khan hmeichhe pakhat lakah trawngkam bawlhhlawh tak tak hmanga a ankhum avangin an ban!

15. Khawvela Football match Live-a pek chhuah hmasa ber chu kum 1937 a Arsenal players ten Highbury-a practice an neih trumin a ni.

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

Zanin EPL Inkhel turte:

Manchester City Vs Southamton (6:00pm)

@Starsports HD1

Chelsea Vs Manchester United (8:30pm)

@Starsport 4

Zanin Indian Super League

FC Pune City Vs Chennaiyin FC (7:00pm)

Thawh\an zan Indian Super League

FC Goa Vs Kerala Blasters FC (7:00pm)

PRAISE ON

            Praise On intihsiakna chu Third Round thleng tluang taka zawh anih hnuah Final Round chu October ni 25 leh 27, 2016 zan dar 7:30 pm ah Bungkawn Kohhran Golden Jubilee Hall neih a ni dawn ta. Ni 25.10.2016 (Thawhleh) zan dar 7:30 pm ah Music Track hmangin contestant te an zai ang.

YMA Rorel Inkhawm vawi 1-na

            YMA Rorel Inkhawm hmasa ber chu ni 20.10.2016 khan R.Deng\huama Indoor Stadium, Mualpuiah neih a ni. Zo hnahthlakte tun aia inpumkhat lehzual theih nana hmalak an rêl a; kum 2017 kumpuan atan 'Ram leh hnam humhalh' tih an thlan bakah, kum 2017-a YMA General Conference neihna atan Champhai Zotlang an thlang.

YMA Rorel Inkhawm thurelte:

A. YMA khawih

1.Central Service-ah Mizote tam zawk an luh theih nan CYMA-in hma la rawh se.

2.Mizoram hmun hrang hranga kan pípúte hmun hlui leh sûlhnute hi a nih phung hloh loa humhalh a nih theih nan CYMA-in hma la rawh se.

3.Mizoramin Trading Regulation Act

\ha leh mumal zawk a neih theih nan CYMA-in hma la rawh se.

4.Zo hnahthlakte tun aia kan impumkhat lehzual theih nan CYMA-in hma la rawh se.

B. Sorkar khawih

1.Mizo hnam ziarâng/hnam lâmte hi member náwlpuite'n kan thiam theih nan zirna in hrang hrangah sorkarin zirtir dan ngaihtuah rawh se.

2.Lui dunga nungchate humhalhna dan a awm theih nan CYMA-in sorkarah thlenin hma la rawh se.

3.State Referral Hospital, Falkawn bul hnaiah damlo enkawltute tan khualbûk sak a nih theih nan YMA-in hma la rawh se.

4.ILP chungchangah sorkarin mumal zawkin kalphung thar a siam theih nan hmalak ni rawh se.

            YMA-ah hian tun dinhmunah branch 807, group 47 leh sub-headquarters 5 a awm a; member 4,04,722 awmin, mipa 2,47,467 leh hmeichhia 1,57,255 an ni.

YMA HRIATTIRNA

1) |awng\ai Bethel Camping Centre, Chawnpui ah Home sak mek a ni a, vengchhung mipuite leh YMA member ten ni 29.10.2016 (Inrinni) hian Home sak hnatlang neih tur a ni a, kan rawngbawlna a ni tih hriain, a tam thei ang ber hnatlang turin kan inhriattirin kan insawm a ni e. Tiffin pai a ngai lo ang.

     Hmanraw ken tur te: Suahdur, Bawngtuthlawh leh mistiri hmanrua neih ang ang.

2) Ni 23-24.11.2016 hian AR Lammualah Chief Minister Running Trophy, Cultural Dance Competition neih a ni dawn a, YMA member te a tam thei ang ber tel turin kan insawm in kan inhriattir a ni e.

Items:   1) Cheraw

            2) Chawnglaizawn

            3) Tlanglam

Sd/- (C.LALDAWNGLIANA)

Secretary

YMA Saikhamakawn Branch

ZDU HRIATTIRNA

1) ZDU Badge tar tur a lo thleng a,   `30/- man zel tur a ni a, Booklet (Dan Bu) `30/- man tur, member tin ten lei turin kan inhriattirin kan inngen a ni.

2) Kan member nihna renew a hun leh tawh a, Pu R.Lallura hnenah a pek theih e.

3) ZDU Saikhamakawn Unit te in intuaithar nan leh infuihna atan ni 8.11.2016 (Thawhlehni) dar 10:00am-ah Pu Pazawna ramah neih tur a ni  e.

Sd/- (C.LALDUHSANGA)

Asst.Secretary

ZDU Saikhamakawn Unit

THU ROTLING

** Sim chuang lo ngaihdamna chu tui chunga milem ziah ang a ni.

                        -Japanese Thufing.

TUALCHHÛNG

,Pu C.Laldawngliana (Ch.Sec) te chuan chhungkaw mamawha hman atan Maruti Van an lei thar.

, Lalthanzami (Zampuii) (V.Sec) chuan chhungkaw mamawha hman atan Scooty (Flyte) a lei thar.

HRIATTIRNA

            Thosi seh avanga kai theih ntana Malaria leh Dengue fever chu Mizoramah case hmuhchhuah zel a ni a, mipuite thosi seh laka fimkhur turin kan ninngen nawn leh a ni.

1) Malaria: Kan hriat \heuh tawh angin Malaria hi thosi seh a\anga inkaichhawn zel a ni a, khawsik, luna, tlun leh awm nuam lo hi malaria vei lanchhuahdan tlangpui a ni a, hetianga awm damlo chu  arangtheiangbera thisen endik tir tur a ni. Thisen test-na hi ASHA, Sub-Centre leh Hospital-ah a thlâwna tih theih a ni. Enkawl tlâi chuan nunna chân hlauhawm tak a ni. Mut hnuah thosilen zâr, DDT \ha taka kah tir, in vela thosi pian theihna tuitling tihbo leh damloh veleh thisen test tir vat a pawimawh hle a ni.

2) Dengue Fever: He natna hi tun hma a\angin phai lamah chuan  a awm reng a, tun hnaiah Mizoramah a vei hmuhchhuah thar a ni.  A natna lan chhuah dan tlangpui chu lunâ, luakchhuak, tlun, khawsik sâng tak, ruh leh tihrawl nâ leh kham ut ut, mit men nuam lo, pum nuam lo te a ni tlângpui. Hetianga nei damlo te chu ngaihthah hauh lovin hospital hnâiber arang thei ang bera pan tur a ni.

            Enkawl tlâi chuan nunna chân hlauhawm tak a ni. Mipuite ngaipawimawh \heuh turin kan inngen a ni.

Sd/-

(L.R. NUNMAWIA)

Health Worker (M)

Melthum Health Sub-Centre

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350