Mipui Aw 26.10.2014

MIPUI AW

KARTIN CHHUAK

Vol. XX Issue No. 43 Kristian Thalai  Pawl  Saikhamakawn Branch  Pathianni Dt.26.10.2014

KOHHRAN PROGRAMME

26.10.2014 (Pathianni)

Sunday School

|antu              : Pi Chawngthangliani

Zirlai 40-na     : Kristaa thuhruk nun

Chawhnu inkhawm

Thuhriltu       : Upa Lalrindika

Zân inkhawm

Thuhriltu       : Upa Lallawmchhunga

K|P PROGRAMME

27.10.2014 (Thawh\anni zan)

Sermon Inkhawm

Hruaitu           : Pu Lalremruata

|antu              : Tv. Vanlalfala

Thuhriltu         : Upa Zonunmawia

Thilpek lak-    : Nl F.Lalrintluangi leh

hawmtute          Nl Baby Lalduhsaki

Hla hruaitute  : Nl Brigitte Zonunmawii leh

                          Tv C.Laldawngliana

Keyboardist    : Tv.Zomuanpuia

            He mi zan Inkhawmah hian K|P Sport-a Photographer intihsiak lawmman sem a ni ang. Hla hruaitu leh Keyboardist te hi thla chanve chhung zela inthlak tur a ni.

KOHHRAN     HMEICHHE PROGRAMME

28.10.2014 (Thawhlehni Zan)

Sermon Inkhawm

Hruaitu           : Pi Sanghluni

|antu              : Pi Rinchhungi

Thuhriltu       : Pi Lalhmachhuani

PAVALAI PROGRAMME

30.10.2014 (Ningani ) zan

Hruaitu           : Pu Siamhleia

|antu              : Pu C.Saienga

Thuhriltu       : Pu F.Lalrinpuia

Camping pual \awng\ai rual neih a ni bawk ang.

SERMON

LAL  CHHUNGTE  I  HRILH  THUAI  ANG  U

            “Kan tidik hauh lo mai a; vawiin hi chanchin lawmawm thlenni a ni a, keini hi kan ngawi reng mai a; khawvar kan nghah....                       II Lalte 7: 9

            Suria Lal Benhadada chuan a sipai te khawmin Samari khua chu a hual bet tlat mai a, chutia an hmelma ten a hual beh tlat vang chuan khawpui danga ei leh bar han lam khawm  theih pawh a ni lo, matheilovin Samari khuaah chuan tam nasa tak a tla ta reng a ni. He khua hi an tam nasa viau a ni ngei ang, nu pawhin an fate sa an ei hial a ni tih pawh kan hmu bawk. Hetiang taka an tam nachhan ber ni a lang chu; an ngamloh Lal dangin che thei lova an awpbeh tlat vang a ni.

            Mahsela kulh pawna lama phar pali awm te chu Pathianin a hmang a, Suria sipaite ei tur dil a thih leh thih ti a belh an tum a an kal thawm chu Pathianin mi chak tak leh huaisen, sipai rual tamtak thawm ah chantirin Suria sipai tamtak hlauh tur khawpin Pathianin phar pali te thawm chu a chantir ta a ni. Suria sipai te chu baklengin an tlanchhe ta a ni nih kha. Tichuan pharte chu tlai puar takin an awm ta a, an chanthat zia chu hria in khawchhunga tam tuar a thi lek lek te pawh chu an va hrilh ve a. Phar pali te chuan mi tamtak nunna an chhanchhuak ta a ni.

            He thu a lang chiang em em ta chu, Pathian hian mi chak leh fing leh remhria te a thlang lem lo, hetih hunlai pawh hian zawlnei Elisa pawh a awm reng, mahse Samari khua chhanchhuak tur hian phar pali te chu Pathianin a thlang tlat. Keini rawngbawltute pawh kan fel vang leh kan that vang te, kan  tlin em vang pawh ni hauh lovin; kan chakloh na leh kan pharna hre reng chungin Pathianin min thlang hi kan vannei thlawt a ni tih i hre thar mawlh ang u.

            Tin, keini ringtute Pathianin thihna ata min chhanchhuak a, chatuan nunna min pe a, a fapa Lal Isua roluahpui turin fa nihna thlarau min pek te hi kan ngawih pui  reng mai dawn em ni. Kan chhehvel ramah te leh khawvel hmun hrang hrangah ringlo mi tam tak an awm a, hengmi te hian Pathian in a chhandam tih pawh an hre lo a, Pathian thu pawh an chhiar ngai hek lo, Setana leh a tirhkoh  ten an thlarau chu hremhmuna kal turin an hualbet reng a, thihna hlim hnuaiah tam tak an thu mek si a. Keini ringtu te hi kan ngawi reng mai dawn em ni. Pathian  mitin  tan chhandamna a buatsaih hi an hriat ve theih nan i pen chhuak ang u.

            Sual vanga tuar mek te tan, Missionary hmangin emaw, Kohhranah chhungah emaw thilpek hmangin emaw i thawkchhuak thuai ang u. Pathian rawngbawl tur hian mahni in sit in tlinglo in ti hle mah ila, Pathian chuan sipai rual ropui tak ang maiin min siam ve ngei dawn a ni, i zam lovang u.

EDITORIAL  BOARD

              f

Editor :

Pu Lalduhkima                     -9862648830

Jt.Editor:

Tv.F.Laldingliana                 - 9862378567

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv. C.Laldawngliana            - 8974743091

Editorial.........?

Famkim a va châkawm \hin em!!!!

            Hetia tihsual kan han neih nuaih mai hian mi famkim nih a chakawm \hin hle mai. Tihsual nei lo turin kan han bei ve \ang \ang \hin chu a ni a, mahse kan hriat loh hian tihsual kan lo nei leh reng mai \hin si. Chhei le!!! tun \umah pawh hian eng tak tisual leh ang maw???Tihsual kan lo nei leh a nih pawhin chhiartu khawtlang mipuite u, min sawisel hreh reng reng suh u. Hetia an tihsual lai min correct hian kan chanchin bu hi a hlu kan ti hle a, min ti \ang lehzual \hin.

            Ni e, eng pawh nise tisual lo turin \an kan lo la ve zel ang a, thil hre zawk te leh fing zawk ten min fin chhuah zel kan ngen bawk a ni. Hetia kan tihsual kan han hmuh leh hian famkim, tihsual nei thei lo nih a chakawm \hin. Kan famkim loh avanga tisual lui erawh kan ni hauh thung si lo. Kan han tihsual hian kan famkim lohna a lang chiang em em lawi si a. Famkim lo chhung chung hian famkim kan tum ve zel chu a ni hi.

            Tin, tualchhung news-a chhuah awm tak a hun laia lo hriat loh palh kan nei nual bawk \hin. Hei hi tumah kan duhsak bik vang leh duhsak loh bik vang a ni chuang lo a nia, heng thilah hian kan News Editor lam pawh i bengvar hram hram ang u.

           

ARTICLE

CHET DAN MAWI

|HIANTE ZINGAH

            Mizote hi \hian ngaina tak mai kan ni a, thingtlangah pawh \henawm khawveng inlen pawh ching kan ni. |henawm khawveng leh \hiante nen thil ti ho reng reng kan nih avangin mi zinga awmdanmawi kan hriat a pawimawh hle a ni. Hnam hrang hrang hian ‘tradition’ in ang lo tak tak kan neih avangin hriat vek sen zawng a ni lova, chutichungin pawm tlan theih tur erawh chu a hriat theih tlangpui awm e.

1. |hian \hatna lam leh thiamna chawimawi leh fak ching la, \hian pawh ilo ngah zawk dawn zuk nia. Mihring hi kan famkim loh avangin \hatna lam leh \hat lohna lam nei vek kan ni a, \hiante \hat lohna lam sawi chhuah ching tak kan nih chuan min ngaina lo thuai \hin. Fak ar ek nichuang silova in fak leh a awm tawka inchawimawi chu tute tan pawh a ngaihthlak a nuam \hin. |hiante bula awm laia \ha fu si, han awm hran leh hnua rel zui ching leh tak si ang mi hi \hianten an hlau duh khawp a ni.

2. |hiante nena thil tih honaah a zelthel pawlah \ang suh. Chutiang mi inih chuan \hianten an ngaina lo tial tial ang che. Nakinah phei chuan an kawm duh lo mai ang che.

3. |hiante thil i hawhsakin a hun takah pe kir leh zel rawh. Thil hawh a huna pek kir leh nachang hre lo chi hi an awm fo mai, thil chin \ha lo tak a ni. A hun taka kir leh nachang hriate chu miin thil hawh tir leh pawh an hreh lo deuh \hin. Hawh fotu ni lova mahni intodelh erawh a \ha ber.

4. Zawng\ah, Khanghu, Thingthupui leh chawhmeh rimna chi i hmehin ka rimchhe rehna tur ngaihtuah \hin rawh. |hiante tan tawrh hrehawm i ni palh ange. Ka rimchhiatna chhan hi thil chi hrang hrang a awm thei a, zuk leh hmuam kan chin vangte, hriselna \hat loh vangte pawh a ni thei. Chutiang ka rimchhe mi kan nih chuan \hiante bulah kan fimkhur zual tur a ni a, a zing thei ang berin kan inti fai \hin tur a ni.

5. |hiante zinga insut hruih hruih reng aichuan i rawmawlah hnap hnit zawk \hin ang che. Hritlan nikhua a awm lo thei lo, chung hunah pawh chuan \hiante zingah kan awm lo thei lova, rawmawl emaw ‘toilet paper’ emawa inhnit mai hi hnam changkang zawkte pawhin an chin dan a ni.

6. I \hiante ina i lenin an chhungte pawh kawm telve tum ang che. Mipate  chuan nula rim nikhua kan nei thei, chung hunah pawh chuan an chhungte kawm tel ve a mawi a ni. Chutilova kan nula rim chauh kan chu kha anih chuan a \ha tawk dawn lo a ni.

7. |hiante zingah mahni insawimawi vak chin leh mahni thiam, thil sawi uar lutuk te hi chapo nih hlawhna a ni. Mahni infak vak vak aiin midang fak nih tum zawk la, kan chanchin min zawt anih si loh chuan insawi mawi vak vak loh tur a ni.

8. I aia tling lo leh rualban lo zawk nuih ching lo la, zaidam tak leh hriatthiamna thui tak nen kawm \hin ang che. Hnam changkang apiangin rualbanlote hriatthiamna leh dahpawimawhna an nei niin alang. Puipunnaah leh Pathian biak inkhawmnaah te pawh \hutna tur \hate pein an tana veivahna tur thleng pawh duhsakna a bik takin an dawn tir \hin a ni.

9. Mahni tuina lam zawng chauh sawi lovin \hiante tui zawng ngaichangin sawipui \hin ang che. |hiante tuina lam zawng a tam thei ang ber i sawipui theih chuan a ngaina sawt ang che. Hetiang hi \hian thar zawn nan pawh thil \angkai tak a ni thei.                                                                                                               

BENGTI  VÂR

M4

AR-15 family zinga pakhat a ni a. A hmasa in M16 kan hria ang a, M16 chikhat leh upgrade tawh, M16A2 tantawi hret a ni mai. an barrel leh upper receiver te hi a inang lo hret a, tin a gas tube a tawi bawk ani mai. fixed carrying handle ai ah flatop reciver leh rail awm a siam danglam a ni a, chuan an butt ah fixed ai telescopic butt a hmang bawk ani. M16A2 leh M16A4 te nen hian an parts pawh 80% a inang in a in\awm thei ani. A mu leh magazine lah nise 5.56 leh STANAG magazine tho ani e. Tin Colt hovin M4 tih hi an trademark tawh avangin company dangin AR-15/M16 atanga M4 tlukpui ang leh parts inang pawh lo siam ve mahse M4 tih tawpin a hming an chawi thei lo a ni. Entirnan Bushmaster company te chuan an M4 ang siam ve chu "Bushmaster M4 Type Carbine" tiin a hming an sa ani

            M16A2 hi siam danglam hret hret in M4 leh M16A4 te hi siam ani a, a hma pawn M4 ang tiat vel M16 atang hian a tan tawi Colt Commando te pawh lo siam a ni tawh ani.

5.56mm M4 carbine

            US pûm chhuak M4 hi 1994 khan hman \an lo ni tawh a, M4 hi 2.8kg chauh niin, 840mm asei, a zân leh tawi ngaihtuah chuan kâpna (880m/s)tak a ni. Cyclic firing in 700-950r/m kap thei a, hei vang hian VIP protection te leh operation hmun chep tak takah an hmang nasa hle.

            M4 hi semi-automatic leh 3round burst te a select theih ani a. Kum 2001 a\anga buai tawh Afghanistan ah tunthlenga hman ala ni.

Effective range- 500 -600m

Magazine-30 rds

Sight. - iron or various sig.

AK-47

AK-47 hi selective-fire, gas-operated 7.62×39mm assault rifle niin Soviet Union hunlaia siam kha a ni. Mikhail Kalashnikov a hmuhchhuah niin ama hming chawiin Avtomat Kalashnikova-47 tih a ni.

            AK-47 hi World War II (1945) kum tawp lama design kha a ni a, indo zawh kum 1946 khan AK-47 hi official military trials neih a ni. Kum 1948 khan fixed-stock version chu tlangzarh a ni ta  ni.

                

BIBLE  QUIZ  No.43

EZEKIELA BUNG 11 - 15

A kâr âwl dah khat rawh :

Q1. Chuvângin LALPA chuan heti hian a ti a ni: Hnamdangte lak ata chu ka hruai khâwm leh ang che u a, _________________ ram chu ka pe ang che u.

Q2.“Mihring fapa, i chaw chu khûr hlawk hlawk chungin ei la, i tui chu manganga _____________ chungin in rawh;

Q3.Barli tlêmte leh chhâng tlêm hmu tûra thi lo tûr ti thi tûr leh nung lo tûr tinung tûr in in dawt sawi ka miten an awih avângin ka mite zîngah ka hming in ___________________________ a ni.

Q4. A nih leh, chu ramah chuan, hripui ka rawn lentîr a, mi leh sa tibo tûra, thisen chhuaha ka thinurna chu _____________ chunga ka rawn leih chuan,

Q5. Ka ti\iau ngei dawn e, an ram chu, Khawlohna an tih tak avângin, Tih hi LALPA thu ______________ a ni e,” tiin.

A bung leh châng dah rawh :

Q1.He khawpuiah hian in thlahte chu in tipung tulh tulh a, a kawtthlêrte chu in mi thahin in ti khat ta a.

Bung: ________         Chang: _________

Q2.Tin, thu mi pêk ang chuan ka ti ta a; ka bungrua chu sal tâng tûr bungrua angin chhûn êngah ka la chhuak a, ka kutin bang chu tlaiah ka tipawp a, thimah ka la chhuak a, an mithmuh ngeiah ka pu a.

Bung: ________         Chang: _________

Q3.Inlârna lo-thlawn mai in hmuhin thusawi lawk diklo in sawi a ni lâwm ni? LALPA thu chhuak a ni, in la ti leh nghal si a,kei chuan ka sawi tawp si lo va.

Bung: ________         Chang: __________

Q4.Chumi chu ka hma chhawn ang a, mi mak tih atân kumkhaw tlaitluana hrilhfâk tûrin ka mite zîng ata ka ti bo daih ang; tichuan kei hi LALPA chu ka ni tih in hria ang.

Bung: ________         Chang: _________

Q5.Anmahni chu ka hmachhawn ang a, Chhuak teh mah sela, mei ata chu, A kang zo tho ang e, meiah chuan. LALPA chu ka ni tih an hria ang,

Bung: ________         Chang: _________

Hming  : ____________________________

Section : ____________________________

BIBLE QUIZ  NO. 42 RESULT

Chhanna lut zawng zawng      :5

Chhang dik vek            :5

Lawmman dawngtu      : Lalpekhlua (T.Sec)

         Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni..

  TAWI NAWI

## Newyork (USA) khu kum 1664-a British hovin an lak hnu khan Duke of York hming chawia phuah a ni.

## Nylon hi ‘Ny’-Newyork leh ‘Lon’ -London hming chawia phuah a ni.

## German mi Gutenbery-a chuan Kum a1455 khan Bible copy 200 a chhu a, chung zinga 21 chauh chu hmuh tur a la awm. Kum 1978 khan bu khat £1.5 million in an lilam. Gutenbery hi kutdawhin a thi a, a Bible chhut erawh chu khawvela  Lehkhabu chhut tawhah la to ber zuk ni tlat a.

##Chinese Emperor hmasa ber Chin Shi Huang (246-210 BC) khan nupui 1,31,400 a nei a, fa pawh 2800 lai nei niin China Record bu in  a ziak.

## Sazupui leh Vaki te hian an lu hawi sawn miah lovin an hnung lam an hmu thei, mak ve ang reng khawp mai.

## Tho kan tih ang ho chi te hi an beng a ngawng vek an tih leh pek tlat chuuuu!!!!.

CHATUAN RAM LAMAH

            Pi Zatluangi (Kum 73) chuan ni 20.10.2014 (Thawh\anni) khan Zunthlum natna avangin he khawvel hrehawm kalsanin chatuan ram min pan san ta.

            A kalsan tak a chhung leh khat, a fate kan tuarpuiin, khawhar chhungte Pathianin awmpuiin vengin hruai zel se tih hi kan \awng\aina a ni.

RK GRAFIX, SAIKHAMAKAWN Thlalak \ha, fiah fel fai duh tan...

         Thlalak Water Proof leh quality \ha tak size hrang hrang duh tan eng tik lai pawhin kan print sak thei reng e.

Prop. - Rochungnunga(RCA)

Contact No. 9862706986

CAMPING EIRAWNGBAWL TUR

         Kohhranin Camping ni 4 - 15.11.2014 chhunga a neih turah eirawngbawl tura inpe thei te  ni 26.10.2014 thleng Kohhran Secretary hnenah inhriattir theih a ni.

MIPUI AW LAM A|ANGA NGENNA

            Kan veng  Chanchinbu Mipui Aw a thu chhuah tur, Programme leh thildang nei chuan phone chawp ngai lovin Editorial Board te hnenah kartin Zirtawpni zan dar 9 ral hmain in hriattir \hin turin kan in ngen a. He mi hnua kan in hriattira chanchin bua kan chhuah hman lo a nih pawhin kan in hrethiam dawn nia.

DISTRICT MAGISTRSTE, AIZAWL DISTRICT-IN THUPEK CHHUAH

            District Magistrate, Aizawl District, Aizawl chuan Section 144 of the Code of Criminal Procedure, 1973 (Act II of 1974) in thu neihna a pek angin hetiang hian thupek a chhuah.

1. Mi tumahin an Ui vulh khawlaiah an chhuah tur a ni lo.

2. Mi tupawhin a Ui vulh khawlaia chhuahpuiin a awm tawka sei hrui a hlingin a khuahkhirh tur a ni.

3. Mi tupawh, Ui vulh tawh phawt chuan an ui vulhte Hri Danna (Rabies Vaccine) a course puitlingin an lak tir ngei tur a ni a. Hri danna an lak tawhna certificate pawh an kawl ngei tur a ni.

4. Mi tupawh Ui vulh tawh phawt chuan a Ui vulhna hungchhung luh dawnah langsar tak leh chhiar nuam tawk taka lianin ‘Ui A Awm, Fimkhur Rawh’ tih a tar ngei tur a ni.

      He Thupek hian thuleh awm hma chuan 14.10.2014 a\anga thla hnih chhung a huam ang a, thupek bawhchhia an awm chuan Sec. 188 I.P.C. anga hrem tur a ni.

TUALCHHUNG

, Lalrinhlua s/o Henry Lalnunmawia (T.Sec) chu Falkawn Damdawi In-a enkawl a nih hnuin dam takin a lo chhuak ta.

, Pu Lalrochama s/o R.Lungtiawia (L) (V.Sec) chu  Falkawn Hospital-ah enkawl a nih hnuin dam takin a lo chhuak ta.

,Laldinsanga s/o Lalrinkimi (V.Sec) chu damlohna avanga Alpha Hospital-ah enkawl niin dam takin a lo chhuak bawk.

, Mesak Zomuanpuia s/o Jordeneff Zoremsanga (V.Sec) chu damlohna avanga Alpha Hospital-ah enkawl a nih hnuin dam takin a lo chhuak.

, Nl Zothansangi d/o B. Lalrinzauva (Ch.Sec) chu Delhi lamah refer a ni a, naktuk (thawh\anni) khian an kal dawn.

, Pu Zarzoliana h/o Zodinthari (T.Sec) te chhungkua chuan Scooty (Activa) thar an lei.

ELECTORAL ROLL HRIATTIRNA

            Electoralroll tuna kan hman mek hi siam \hatna hun hawn mek a ni e.

1. Tupawh India khua leh tui dik tak, kum 18 tling chin (Chu chu ni 1.1.1997 leh a hm lama piang) Roll-a la chuang lo tan dil theih a ni.

2. Kum zat lanna heng: Birth Certificate, Baptisma Certificate, etc. Xerox copy thil tel bawk tuer a ni.

2. Roll-a hming, pa hming, nupui/pasal hming dik lote pawhin tih dik theih a ni (EPIC-a dik lo te tan tun hi tihdik dilna hun a ni)

3. Saikhamakawn Roll-a rawn insawn duh tan tun hi dil hun a ni.

4. Dilnaah thlalak (Passprt Size) Copy 1 thil tel tur a ni.

5. Dil theih hun chhung November ni 10, 2014 thleng a ni. Hemi hun chhung hian Pu Lalzama BLO hnenah thehluh tur a nia, huntiam ral hnuah chuan dilna thehluh theih a ni tawh lovang.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui Aw 19.10.2014

MIPUI AW

KARTIN CHHUAK

Vol. XX Issue No. 42 Kristian Thalai  Pawl  Saikhamakawn Branch  Pathianni Dt.19.10.2014

KOHHRAN PROGRAMME

19.10.2014 (Pathianni)

Sunday School

|antu              : Pi R.Lalzuali

Zirlai 39-na     : Zirtirna hnawksak

Chawhnu inkhawm

(Finance Campaign)

Thuhriltu       : Upa C.Sangkunga

                        (Thingsulthliah)

Zân inkhawm

(Finance Campaign)

Thuhriltu       : Upa C.Sangkunga

                        (Thingsulthliah)          

VAWIIN TLAI K|P   FELLOWSHIP  PROGRAMME

A hmun          : Sunday School Hall

Hruaitu           : Pu Lalchhandama

|antu              : Nl. Malsawmdawngliani

K|P PROGRAMME

20.10.2014 (Thawh\anni zan)

Sermon Inkhawm

Hruaitu           : Pu.C.Lalremruata

|antu              : Tv.C.Laldinpuia

Thilpek lak-    : Nl Lalmuansangi leh

hawmtute          Nl Zorinpuii

Hla hruaitute  : Nl Brigitte Zonunmawii leh

                          Tv C.Laldawngliana

Keyboardist    : Tv.Zomuanpuia

            Hemi zan hian C.Th zirchuakte lawmpuina thilpek hlan tur a ni ang. Tin, Hla hruaitu leh Keyboardist te hi thla chanve chhung zêla inthlâk tur a ni.

KOHHRAN     HMEICHHE PROGRAMME

21.10.2014 (Thawhlehni Zan)

Hruaitu           : Pi Ropari

|antu              : Pi Lalchungnungi

Thuchah         : Pi C.Lalrinpuii

SERMON

Saikhamakawn Presbyterian Kohhranin Gospel Camping a buatsihah turah hian Campers tur tute nge ni ang?

“Benga hriatna mai zawngin ka hre tawh chia, Mahse tunah zawng ka hmu ta che, Chuvang tak chuan ka in ten a, vut leh vaivuta \huin ka sim ta e”Joba 42:5-6”

            Hetia han ngaihtuah mai chuan Campers turte chu Biak In pawh thleng phak lote, Drugs zuar leh addict-te, zu zuar leh in\hinte, mi awm\ha duhlote kan rilruah a rawn lang zut zutin  a rinawm, a dikna chen pawh a awm ang. Mahse, han ngaihtuah te? Camp mamawh ber tute chu keimah leh nangmah kha kan ni tlat. Sim tur neilo khawpa mifel tumah kan awm lo, Joba fel zia te kha; keini lakte chuan ropui tak a ni. Mahse, a ni pawh khan sim tur a nei. Pathian meuh pawhin, “:Lei chungah hian amah anga famkim, mingîl, Pathian \ih mi, thil \halo laka insûm thei tumah an awm lo” a ti a. Setana hmâah pawh alo tawktarh ngam kha a ni.Pathian phalnaa Setanan a neih zawng zawng bâkah a taksa ngêi pânchhia a han vei tir a, amah rawn kantu a \hiante pawhin an hnêm zo lo. A tuarna zawng zawngah chuan tihsual nei lovin mifel khân a tuar niin a inhria a. “Pathian nêna ngaihtuah dun ka châk a ni” a ti. An han ngaihtuah dû ta a, Pathian chuan zawhna 48(?) vêl a zawt a, oakhatamah Joban a chhâng thei lo, amah leh amah a inhmuchhuak ta, sim tur chu alo nei nameuh mai, amah leh amah pawh a inten hial a ni.

            Tun hunah hian sim tur nei lo khawpa fel niin kan inhria em? Abîk takin Kohhran Upa, K|P Committee, Kohhran Hmeichhe Commiittee, Pavalai Pawl committee, Kohhran rawngbawltu mipui hmâa kal tur kan ni dawn law’m ni? Josua hova Jordan lui an kân dawn khân tûnhmâa an kawng zawng ngai miah loh an zawh dawn avangin Puithiam Levia chiten bâwm zâwnin hma an hruai a, mipui nen an inkâr chu tawng sarih emaw a ni tur a ni. Saikhamakawn Kohhran mipuite tûn hmâa an kawng la zawh ngai loh Lal Isua, Kawng leh Thutak leh Nunna kawng zawh tir tur chuan Kohhran hruaituten hma hruai a ngai dawn si a, kan hruai ngam dawn em? Camping neih chuan tih tur hrang hrang Camp a lut hman lo khawp a inhmanna tur a tam leh dawn, khâng khân i inâwitlei tir lovang u, keimah ngei hi Camp-ah ka lut dawn kan tih tlat chuan thil \ûl lo ti tur chu Lalpa’n a ngah êm mai, a rawn intum chawp zêl mai ang.

            Nang rawngbawlltu, Camp-ah i lût ngam dawn em? Nge luh ngai lo khawpin ilo fel zawk? Lalpan a hmu reng che asin. Mahni i inbum lovang u.

            Lalpan a thu malsawm rawh se.

-Khawlvuani.

EDITORIAL  BOARD

              f

Editor :

Pu Lalduhkima                     -9862648830

Jt.Editor:

Tv.F.Laldingliana                 - 9862378567

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv. C.Laldawngliana            - 8974743091

Editorial.........?

TUNLAI THIL THLENG

            Tunlai Chanchinthar kan hriat \hin chuan mi a barakhaih \hin hle mai! Tualthihna râpthlak tak tak, naupang a thil thleng ngai lo; naupang inâwkhlumte thlengin kan hre chho ta nawlh nawlh mai, ava râpthlak \hin tak êm!

            Hetiang thil thleng râpthlak tak takte hi kan chungah alo thlen ve loh nan engtinnge kan tih ang le? Kan chhungkua kan him tawk em? tiin bul han \an phawt mai ila, kan fate te hian enge an tawh? tih hi hriatchian tum ila, an nitin nun hman sikulah leh khawilaia an infiamnaah an him em? an hlim em? an lung a awi tawk em? tih hi enfiah \hin ila, a theih phei chuan anmahni zawtin an nitin hun hmandan chu zawt ila, nuam ti taka an chanchin an mahni thua an sawi zung zung theih zawk nan nu leh pa, chhungte pawh inhawng zau ila. Chuta\angchuan an harsatna tawh leh an \hian ten an lo endan chu awlsam taka hriat theih ngei a beisei awm âwm e. Chumaibakah puitling tan pawh kan nitin nun hmangfimkhurin kan \hian kawmte leh tu emaw thurualpui kan neih chu hriatchian hmasak phawt tum \hin ila a pawimawh âwm e. Harsatna loh theih loh lo thleng hi chu a awm \hin. Amerawhchu harsatna \henkhat hi chu keimahni siam chawp hi alo ni \hin. Chuvangchuan lo inveng fimkhur na nâ nâ chuan harsatna hi kan pumpelh \hin tih hi i hre reng ang u.

           

ARTICLE

Lung  ava  han  leng tak em!!!!

VLEngmawitei - Pa

                                                                                               

            Engin nge mi mawlh ta tih pawh ka inhrethiam bik tawh lo, kum kal ta 2013 November thla ni 15 (Zirtawpni) kan  School naupangte Outing Sialsuka kan neihpui ni kha ka la hre reng mai, Vawi khat pawh la kal ngai si lo; kha mi tlai lam ni tla tur leh Sialsuk nuho Losul haw kan han in tawk nawk nawk mai ka ngaihtuah let chang apiang hian ka thinlung chhungril bera lunglenna chu a lo van nasa em, hetiang reng reng hian nimaw, mihring hi a lo lunglen theih ka inti hial a. ka tuah tawh em vang zawkin engmah thuhma lam ka ngaihtuah thei ta lo a nih hi. lung ava han leng tak em.!!!

            Chhun chawfak hun alo ni a, ka han hawi kual vel a naupang bengchheng tak karah chuan engmah thawm hre ve ta lo ang mai hian ka hawi vel ta ruai ruai kha a ni a, chutia ka mit thui tak ka len kual lai tak chuan ka rilruah “waiting for you” tih hla kha a rawn lang ta zawk mai, han sakpui chiam lah chu kei a tan tak pawh a mawi tawh si lo,  kum 199..? chawhnu lama Sialsuk Lengthartir Bahsamseihniangi kha ka rilruah a rawn thar leh ta uaih uaih mai le, Khatih laia High School lama kan School run In rem tuallaia ka Ngaihvarungthawn, biak pawh ka biak ngam loh, School bana a hnunglama ka zui haw ruk thin tak kha ka han hrechhuaka, khatih lai khan class-a inbiak naran zawng a har lo, mahse ka thinlungah chuan a ‘An ka’ dawnsawn ringwt pawh ka nileng awm tinuamtu a ni tlat si. Mahse e, engtik lai khan nge zirna leh khuahmun loh vanga ka lo hloh tak? ka lo nghah ruk thin khan khawi lam tluang nge a zawh tak le? Hriat phak pawh va ni suh. Tunah zawng  Pasalte neiin fanaute a nei ve tawh ang em aw  tih tal te han hre thei ila. khawilaiah hian nge a run In tual vel chu a awm ang le? ti te in kan hawi kual ruai ruai chu a ni a. Luaithli nul a theih tawka awrawl chhuah meuha tah ka nap rum rum maia, mahse e, a rem mawlh lo, tunah zawng Zuapa chan ka lo chang ta si, aww. Lung ava leng tak em!!! ka ti rilru ta vawng vawng mai a ni.

            Kan nu hian beng lo chhu ngawng se...In lam ka han thlen hnu pawh chuan chu lunglenna zunzam vel chuan ka ngaihtuahna a la fan ta fo mai a, khami zan phei kha chuan nupuite thlakhlelhna pawh siali khawmawia thil lo awm ve ang lek a ni ta mai, eng ka ti nge ni ka awm hle hle thei ta tlat lo mai a, ka han inngaihtuah kir hian khatih hun lai khan lo tawng chhuakin biahthu han hlan ta ila ka va lawm dawn em te ka ti rum rum a, mahse engmah hi a rem thei tawh mawlh lo, karah fate an awm ve tawh si. chutih lai chuan hla thu rawn lang ta nawlh maia.

“ Ami zaleng tawnah sakhming khum mah suh la,

   Aw Sialkhawpui, kei ka tan khua sakhming selna reng awm lo;

      Aw rauthla, sirva ianga thlawkin va leng ta la,

      Ral hla di run kai ve nan,

      Tah chuan tuahrem chang tah mah suh se;

      Tawnmangah tal tawn leh ka nuam ngei e...

       I nuih mawina zawng nen aw....”

Tichung zelin ka muhil ta siai siai a.....

   **     (Secular Literature ang a nih avangin chhiartu ten he Article hi in hriatthiam hram kan beisei, Literature thilah chuan thu tam tak a leng miau si a.)                                                                                                                 

BENGTI  VÂR

Khawvel Accident rapthlak

## Chernobyl ($200 billion): April 26, 1986 khan he chhiatna ( Accident) hi lo thleng a ni a, Khawvel hian a theihnghilh tawh kher awm lo ve. Chhiatna avanga sum sen hnemna ber a ni a, Chernobyl tih thu hi chhiatna rapthlak tak sawina atan hman a ni nghe nghe. Chernobyl hi Nuclear sawngbawlna hmunpui a ni a, a chhiat avangin Ukraine ram 50% bial chu natna mak tak maiin a bawh khat vek a, mi nuaih2 chuangin ram an chhuah san a ni. Maktaduaih 1.7 chuangin hri an vei a, mi tam takin an thih phah nghe nghe a ni. Kum khat hnuah pawh hri hian nghawng a la nei zel a, hri a vanga Cancer vei pawh mi 1,25,000 zet an tling a ni. He thil thleng rapthlak tak tih tawp nan te, in enkawl nan leh z^ngna dawmna atana an sum sen zawng zawng chu Dollar Tluklehdingawn 200 zet a ni.

## Space Shuttle Columbia ($ 13 billion) :Columbia chuan a vawi khat nan kum 2003 khan Rocket chu a tir chhuak a, NASA lam pawhin an chhuang hle a ni. India mi Kalpana Chawla pawh a tel ve nghe nghe a nih kha. An kah chhuah a\anga ni 16-naah a thla pakhat a phui lo  chuan a tibuai ta a, lei an thlen hma lawkin a puak darh ta a ni. He Rocket hi atira a man tak chu kum 1978-ah khan $ Tluklehdingawn hnih man a ni a, chu chu tunah chuan $ Tluklehdingawn 6.3 nen a intluk vel tawh a ni. He Rocket chhiat chhan an chhui nan hian $ Maktaduaih 500 zet an seng leh a, a siam \hat nan hian $ Maktaduaih 300 zet an seng bawk a ni. An sum hman zawng zawng hi American Institute of Aeronautic & Astronautic chuan $ Tluklehdingawn 13 vel niin an chhut a ni.

HNAM MAKSAK

## Masai Tribe: Masai Tribe-te hi East Central Africa a cheng an ni a,  Zulu Tribe -te ang deuhin Ramsa thisen lum an in \hin. An pasal\ha te hi fei leh phaw ringawt hmanga sakei beih dan an zirtir \hin. An in chibai dan hi a dangdaiin a maksak khawp mai, chil an in chhak khum a, ‘hello’ ‘good bye’ an tihna a ni. Naupiang hlim te hi chhungkhat lainaten malsawmna leh duhsakna lantirnan chil an chhak khum sup sup \hin.

HRIATTIRNA

Saikhamakawn Development Commitee chuan ni 25.10.2014 (Inrinni) hian thlanmual kawng siam hnatlang a kova, chhungtin a\angin mi 1 thawkchhuak \heuh turin kan inngen e.

Sd/-

(K.LALHULIANA)

Secretary, Saikhamakawn Development Commt.

                

BIBLE  QUIZ  No.42

EZEKIELA BUNG (6-10)

A kâr âwl dah khat rawh :

Q1.Tin, an chungah ka kut ka lek ang a, thlalêr a\anga _____________lama an chênna hmun zawng zawngah ram chu ka tiramin ka tichhia ang: Tichuan kei hi LALPA  ka ni

tih an hria ang,” tiin.

Q2. Tin, Israel fate ruang chu an milim bulahte chuan ka dah ang a, in ruhte chu in _____________vêlah chuan ka thehdarh ang

Q3.Hei hi __________ luia Israel Pathian hnuaia ka thilnung hmuh chu a ni; cherub-ho an ni tih ka hria.

Q4.An kal chuan sîr liah an kal thei a, An kal pawhin an her ngai lo; amaherawhchu a hmasa hawi lam ___________ an zui a ni, an kalin an her chuang lo.

Q5.LALPA PATHIAN chuan heti hian a ti a: “________________, thil \ha lo takzet, ngai teh, a lo thleng e.

A bung leh châng dah rawh :

Q1. Tichuan ka lût a, ka hmu a, ngai rawh thilnung chitin rêng lemte, ramsa tenawm lemte, Israel chhûngte milim zawng zawngte chu bangah chuan a vêlin a lo chuang a.

Bung: ...............          Chang: ....................

Q2. Chuvângin kei pawhin thinur takin ka ti dawn a ni: ka mitin a hmaih lo vang a, ka khawngaih hek lo vang; aw ring takin ka bengah lo au mah sela ka ngai thla lo vang,” a ti a.

Bung: ................         Chang: ....................

Q3. In maichâmte chu a ram ang a, in ni pathian lemte chu a kehsawm ang: tin, in mi thah ruangte chu in milimte bulah ka paih ang

.Bung: ................         Chang: ....................

Q4. Tâwpna a lo thleng e, i chungah a lo tho ta, ngai rawh, a lo thleng e.

Bung ....................        Chang .................

Hming : ......................................................

Section : .....................................................

BIBLE QUIZ  NO. 41 RESULT

Chhanna lut zawng zawng : 7

Chhang dik vek                       : 7

Lawmman dawngtu: Lalhruaisanga (T.Sec)

         Bible Quiz chh^nna leh lâwmman hi Circulation Manager C. Laldawngliana hnenah thehluh a, lam \hin tur a ni.

ZIRLAI TI |HA LAWMPUI DAWN

         Kohhran in zirlai ti \ha (HSLC leh a chunglam Pass) te lawmpuina ni 25.10.2014 (Inrinni) zanah a hlan leh dawn a, HSLC leh a chunglam Pass te vawiin ni 19.10.2014 (Pathianni) ral hmain Kohhran Secretary hnenah in Report tur a ni.

CAMPING EIRAWNGBAWL TUR

         Kohhranin Camping ni 4 - 15.11.2014 chhunga a neih turah eirawngbawl tura inpe thei te  ni 26.10.2014 thleng Kohhran Secretary hnenah inhriattir theih a ni.

MUP, SAIKHAMAKAWN UNIT 2-NA

            Art & Culture leh Mizoram Upa Pawl (MUP) Gen. Hqrs. \awngkawp buatsaih Aizawl khawpui chhung Lengkhawm zai intihsiakna ah kan veng, Saikhamakawn MUP Unit chu 2-na niin `.5,000/- an dawng.

            Mipui Aw Editorial board-te chuan kan lawmpuiin duhsakna kan hlan e.

VOICE SMS

            Aizawl Civil Hospital ram Dawrpui Multipurpose Centre atana sahthlak chungchangah PRISM leh Human Rights & Law Network chuan SMS hmangin mipui ngaihdan lak an tum a, a hnuaia mi ang hian SMS number 9212148888 ah hian a thawn theih a ni.

            Civil Hospital ram sahthlak \ha ti lo chuan hetiang hian sms thawn tur a ni:

Myvoice 1

            Civil Hospital ram sahthlak \ha ti chuan hetiang hian sms thawn tur a ni:

Myvoice 2

            SMS hi 15/10/14 tlai dar 3 a\anga 20/10/2014 tlai dar 5 thleng thawn theih ani ang.

Sd/-

PRISM & HRLN

2014  k.|.p  sport  result

            Ni 11. 10. 2014, Inrinni nileng khan Saikhamakawn Presbyterian Kohhran Kristian Thalai Pawl te chuan Rajiv Gandhi Sport Stadium ah Branch Sport hlimawm tak an hmang. Hetah hian KTP group hrang hrang pathum, Matthaia, Marka, Luka leh Senior department te nen sport item hrang hrangah intihsiakna neih a ni a, Senior department te a pumpuiah pakhatna niin K|P Running Trophy mawi tak an chawi a ni.

LAWMTHU  SAWINA

            Ni 11. 10. 2014 K|P Sport-na a hninghnar taka hman tur tui min pe a, anmahni motora min chhawpsak tu Pu Zarzoliana (T.Sec) chungah Saikhamakawn Branch K|P chuan lawmthu a sawi tak meuh meuh a ni.

ELECTORAL ROLL HRIATTIRNA

            Electoralroll tuna kan hman mek hi siam \hatna hun hawn mek a ni e.

1. Tupawh India khua leh tui dik tak, kum 18 tling chin (Chu chu ni 1.1.1997 leh a hma lama piang) Roll-a la chuang lo tan dil theih a ni.

2. Kum zat lanna heng: Birth Certificate, Baptisma Certificate, etc. Xerox copy thil tel bawk tur a ni.

2. Roll-a hming, pa hming, nupui/pasal hming dik lote pawhin tih dik theih a ni (EPIC-a dik lo te tan tun hi tihdik dilna hun a ni)

3. Saikhamakawn Roll-a rawn insawn duh tan tun hi dil hun a ni.

4. Dilnaah thlalak (Passport Size) Copy 1 thil tel tur a ni.

5. Dil theih hun chhung November ni 10, 2014 thleng a ni. Hemi hun chhung hian Pu Lalzama, BLO hnenah thehluh tur a nia, huntiam ral hnuah chuan dilna thehluh theih a ni tawh lovang.

TUALCHHUNG

,Pu Henry Lalnunmawia h/o K.Lalhmingsangi, Bethel veng (T.Sec) chu Falkawn Damdawi Ina enkawl a nih hnuin dam takin a lo chhuak a. An fapa Lalrinhlua chu Falkawn Damdawi Inah admit leh a ni.

,Lallawmawma s/o Lalromawia (V.Sec) chu Damlohna avanga Greenwood Hospital-a enkawl a nih hnuin dam takin a lo chhuak.

, Pi Chawngkungi w/o Lalsailova (T.Sec) chu Alpha Hospitala enkawl a nih hnuin dam takin a lo chhuak.

,Pu Lalrochama s/o R.Lungtiawia (L) (V.Sec) chu Kaw\halo leh luak avangin Falkawn Hospital-ah enkawl mek a la ni.

,Vanlalmalsawmkima s/o Lalchhandama (V.Sec) chu damlohna avanga BN Hospital-a enkawl anih hnuin alo chhuak.

,Laldinsanga s/o Lalrinkimi (V.Sec) chu damlohna avanga Alpha Hospital-ah enkawl mek a ni.

, Mesak Zomuanpuia s/o Jordineff Zoremsanga (V.Sec) chu damlohna avangin Alpha Hospital-ah enkawl a ni.

PAVALAI PROGRAMME

23.10.2014 (Ningani zan)

Hruaitu: Pu Lalthanhranga

|antu  : Pu Ramdinthara

            Camping pual |awng\ai rual leh rilru sawi a hun hman a ni ang.

RK GRAFIX SAIKHAMAKAWN, THLALAK FIAH FEL FAI |HA  DUH TAN...

         Thlalak Water Proof leh quality \ha tak size hrang hrang duh tan engtiklai pawhin kan print sak thei reng e.

Prop. - Rochungnunga (RCA)

Contact No. 9862706986

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330