Mipui Aw 1.9.2013

MIPUI AW

KARTIN CHHUAK

Vol. XIX Issue No. 35 Kristian Thalai  Pawl  Saikhamakawn Branch  Pathianni Dt.1.9.2013

VAWIIN CHÂNG VAWN

            Pathianin khawvêl a hmangaih êm êm a, chutichuan a Fapa mal neih chhun a pe a, amah chu tupawh a ring apiang an boral lohva, chatuana nunna an neih zawk nân. Khawvel thiam loh chantir turin Pathianin a Fâ khawvêlah a tîr lo, khawvêl amah avânga an dam theihna turin a tîr a ni zâwk e.

KOHHRAN  PROGRAMME

1.9. 2013 (Pathianni)

Sunday School Inkhawm

|antu           : Pi Chawngthangliani

Chawhnu Inkhawm

Thupui           : Krista sipai \ha

Thuhriltu    : Pu Lalrintluanga

Zân Inkhawm

Thupui           : Krista thu hretu nih awmzia

Thuhriltu    : Pu Khawlhmingliana

K|P FELLOWSHIP

PROGRAMME

Hruaitu           : Pu Lalduhkima

|antu              : Nl. Lalnunpuii Hrahsel

Quiz Quiz Quiz

            Chanchin\ha Marka ziak a\angin neih tur a ni a, lawmman \ha tak a awm dawn a, memberte \hahnemngai takin i kal ang u.

September thla chhûnga hla hruaitu leh

musician turte

Hla hruaitu    : Tv. Lalhmangaiha

turte                  Tv. Pc. Vanlalhriatpuia

Musician         : Tv. Malsawmzuala

            September thla hi Beihrual thla anih avângin K|P, Kohhran hmeichhia leh Pavalai inkhawm a awm dawn lo a ni.

           

           

           

SERMON

SIM  LOH  MAN

            Luka 13 2-5 Tin, ani chuan an hnênah, “Chu Galili rama mite chu,chutiang thil an tuar avângin Galili rama mi zawng zawng aiin mi sual bîk niin in ring em ni? Ni suh e, ka hrilh a che u, nangni pawh in sim loh chuan chutiang bawkin in boral vek ang. Tin, Siloam in sângin mi sawm leh pariat a delhhlumte pawh kha, Jerusalem khuaa awmte zawng zawng aiin mi sual bîk niin in ring em ni? Ni suh e, ka hrilh a che u, nangni pawh in sim loh chuan chutiang bawkin in boral vek ang,” a ti a, a chhâng a.

            Khawvela kan awm chhûngin ringtute hi sual ti theilo kan ni tihna lam a ni lova, ringtu chuan a nunah Pathianin thu a neih tlat avângin thilsual an ti ngam lo mai zawk a ni. Thuthlunghlui lam kan en chuan Pathian \ih mi leh a tâna in pe \hin miropui tak takte pawh sualah an tlu a ni tih kan hmuin kan hre thei âwm e. Mahse, thinlung leh tihtakzetin Pathian hnênah ngaihdam an dîl a, tichuan Pathianin a lo ngaidam leh \hin. Pathian ngaihdamna an chan hnû hian an tlûkna ngâiah an tlu zui tawh ngai lo thung. Sual sim hi Pathian duh dân dik tak pawh a ni rêng a ni. Tlûkna leh han petek châng chu a awm thei e, mahse kan sim chuan Pathianin min ngaidam leh ngêi ngêi dâwn a ni.

            Bible thu kan tarlanah erawh chuan sual sim duh lote chan tur chiang takin a sawi a, Lal Isua ngêiin a sawi a ni. Sual vângin hliam kan tuar \hin a, Pathian ngaihdamna pawh kan chang ngei \hin, mahse  sim a; kan kawng zawh ngâi zawh tawh lo tur kan ni tih erawh kan hriat reng a \ul khawp mai. Sual sim ten Pathian ngaihdamna an chang \hin. Nimahsela Pathian duh loh zâwng kan tih zia inhriain kan sualte thupha chawiin Pathian hnênah ngaihdam dîl \hin mah ila, simna tak rilru kan put si loh chuan Pathian ngaihdamna kan chang zo tak tak dawn chuang lo a ni. Luka Bung 13 thu kan târlanah phei chuan sual sim duh lote chu Pathianin a hrem a \hulh dawn chuang lo a, thihna an pumpelh dawn hauh lo a ni tih chiang takin kan hmu a ni. Engemaw vângin sualah kan tlu thei teh meuh mai, mahse Pathian hnênah simin kan hawikir leh ngei ngei tur a ni, chutilochuan sual vânga thî nia kan hriatte ang bawk hian kan la thi ve ngei dawn a ni tih kan hriat a va pawimawh tehlul em.

            A tawp berah chuan hei hi hria ila, mihring kan nih chhûngin Pathian dân bawhchhiat châng kan nei thei e, kan tlu dêr thei bawk, nimahsela Pathian fa nihna chang tawhte chu sual vângin kan bawk sawp reng tur a ni lo, simin Pathian hnênah kan kîr leh tur a ni a, kan sual ngâiah kan lêt tawh tur a ni lo. Sim loh man chu thihna a ni si a.

EDITORIAL  BOARD

              f

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Nl. Lal\anpuii                       -8974243380

Circulation Manager:

Tv.R.Zodinsanga                  - 8974743073

Editorial.........?

NPSS INKHAWMPUI

            Kum tin maia thlasika khêl lova kan hmachhawn ziah \hin chu Naupang Sunday Sikul inkhawmpui hi a ni ve âwm e. Hetianga kum tina a awm tih hre reng chung si hian nu leh pa \henkhat chuan kan fate, engemaw chhuanlam ho tê tê siamin kan inkhawmpui tîr lo \hin a, thil \ha lo tak a ni âwm e. A chhan chu thawmhnaw thar kher kher neih a ngai anga kan ngâi tlatte, midang phâk lo ta bîk riauva kan fate ngaihna te leh a chhan hrang hrang a awm thei âwm e. Hetiang kawngah hian mahni inkiltawih mai lovin a theih ang chin chinah kan fate telve zêl turin nu leh pate hian hmâ hi la zawk \hin ila a \ha âwm e. Naupangte \hiante zingah an tel tam loh chuan rual an pâwl lova, chumaibâkah depression thlengin an neih phah theih a hlauhawm a ni. Kan hmâ lawkah hian Naupang Sunday Sikul inkhawmpui chu kan hmachhawn leh dawn ta a, hetah pawh hian nu leh pa zawkte hian kan fate hi hetiang lam hian \an lâkpuiin a zirna lamah pawh hmâ lâin i fuih sauh sauh zawk \hin ang u. Kan fate tân \heuh a ni si a.

ARTICLE

            ENG MI NGE I NIH?

(Matthaia 7:24-27)

-Upa Bonny Lalrindika

(Kârhmasa ami chhunzawmna)

            In pahnihte chu khawi nge duhawm zâwk a, rintlak zâwk tih fiah turin ruahpui leh thlipui alo thleng dâwn a ni. Tichuan a fiahtu tur chu a lo thleng ta a, a rapthlâk ngei mai. Thlipui leh ruahpui lo thlen hmâa awmdân anga awm chu a harsa tawh a ni.

            Chutichuan pakhat chu a tlusâwp ta nûlh mai a. |iau vaivuta sak a nih vâng a ni. A lungphûm a rinawm lo a ni. Thlêmna tawh vânga tlu aiin thlêmna tâwk tlâk khawpa chakna nei lo kan nih vânga tlu kan tam zawk. Zu te hi a awm vânga in kan ni lova, hnar theih loh vânga in kan ni zâwk a. Zu awm loh vanga nghei hi zu ngam an ni lo va, a awm luau lai pawha ngainêp thei mi hi zu ngamtu chu a ni. Chu nun chu a Character chu a ni

            In tlu tâ hian a tluk chhanah khan a nuaitu thlipui leh ruahpui kha mawhchhiat viau sela a pawmawm hlê mai thei. Mahse, a bulah khân a tuar ang chiah tuara tlu ve lo a awm tlat mai. Chu chuan thiamloh a chantir ta tlat a ni.

            Kum 2009 a\ang khân Zoramah hian mahni intihhlum a lâr ta hle a. Kuminah pawh hian mi 50 chuang an intihlum leh tawh ni a hriat a ni. Hêngho hian an chhiatna bul berah an thil tawn hrehawm tawh tur an hre \euh ngei ang. “A dinhmun kha a harsa ve êm bawk a ni,” tih theih mi an awm fo. Mahse an tuar ang tho tuara tlusawp ve lo, an tawn ang tho tawnga la intihlum ve lo, an retheih ang thova retheia ruihhlo khawih phah ve lo, an tuar ang tho tuara titâu ve lo, an hlawhchhamna ang thova hlawhchhama bânsan phah ve lo kha an bulah an awm \euh mai.

            I nun zepui kha enchiang la, mangan nî atân a rintlak em? tih en fiah rawh. Khawvel hian kan nun min khawih chhiatsak thei leh kan future min tihchhiatsak thei thil tam tak ala rawn pho chhuak zêl dawn. Nun ze pui nghet i neih loh chuan mi tihdân entawnin i tar \hak ang.

            Media hian tunlai mite nunah thu a nei thûk tawh lutuk. Nang erawh chu invêng la, TV leh Internet a\anga i thil hmuh theihte hi i nun dân tur reltu an nih phal suh. Education atân hmang la, inthununtir suh. Pathian \ih la, a duh dân chu tehfunga hmangin i awmdân tûrah chuan nangmah ngêiin thutlukna siam ang che.

            Nun ze nghet nei lova nghing mai mai mi nih hi vanduaithlâk tak a ni. Hetiang mite hi humsual dai \hinte an ni. “Be All You Can Be” tih bu ziaktu John C. Maxwell chuan, Vawiinah hian nun man i pêk hmasak chuan nakinah a pung nên ila têl leh ang a, nun hi i chên hmasa anih chuan nakinah a pung nên i la rûl leh vek ang,” a ti.

            Nun chên hmasa a pung nêna rûl leh mêkte awmdân hi a awhawm lo a ni. A chhiat a \hat bih chiang lova mi tihdâna innghatte chanvo a ni tlangpui. Information Technology sâng zêl avângin zawh atâna \ha kher lo kawng zawh châkawm an zuar tam tual tual a. Hêngte hian kan nun \ha min lâksak i phal hauh lovang u.

            Thei kûng mâwi lâi ber chu a pâr hunlâi a ni a. Mahse thei kûng tâna pawimawh ber chu a rah awmdân a ni a. Thei kûng vênhim pawimawh ber hun chu a pâr lâi a ni. In mâwi ber lâi hunah in pâr mêk hlawm a. Invên\hat in mamawh ber hun a ni.Tichhe tur che u hian Setana bumna thil îtawm tam tak inhmachhawn dâwn avângin, hetih hunah hian nun inchên anih vaih chuan in la \ap leh dâwn. I nunah harsatna alo thleng a nih pawhin a danglam lo. Hei hi hringnun nihphung a ni.

            Hringnun hi tuifinriat ang a ni an ti \hin. Tui inang reng hi mawi taka fâwn chângte, rapthlâk taka fâwn chângte a awm \hin. A fâwn mâwi lâwmtu chuan a fawn rapthlâk pawh a pawm tel tur a ni. A \ha lam leh a chhe lama nun dan thiamte hi Character rintlâk nei an ni. He Character tak hi a ni Lal Isuan min thlâk danglamsak a tum chu ni. Pianthar hi harsatna tawh loh nân a ni lo va, harsatna tâwk tlâk mihring siam nân a ni.

Source: http://mizoramsynod.org/

SAIKHAMAKAWN BRANCH YMA THUCHHUAH

            Kan hriat \heuh angin Saikhamakawn Community Hall chu hun rei tak sum lam harsatna avângin hman theih lohvin alo awm tawh a, amaherawhchu Local Council te \hahnemngaihna leh Bialtu MLA, Pu K.S. Thanga inhawnna avângin Community Hall chu chei \hat a; hman theih alo ni leh ta. Mi tam takin chhûn leh zânin kan hmang leh thei ta hi Saikhamakawn Branch YMA chuan Bialtu MLA leh Local Council te chungah thinlung takin lâwmthu a sawi a, tin, \hahnemngai taka hnatlâng \hinte leh  hnâtlan âia sum leh pâi  thawhtute zawng zawng chungah Branch YMA chuan lâwmthu a sawi tak meuh meuh a ni.

            Hun rei tak a\anga kan lo beisei tawh Hall-a phah tur Carpet pawh Bialtu MLA in min pe leh ta bawk a, a chungah kan lâwm hlê.

            Tin, mipui vântlang hman theih turin tunah hian Hall-a hman atân leh Thlanmual-a hman atân PHE tui Connection buaipui mêk a ni bawk a, hei hi thlânlâite leh thlân siam tur apiangte hman theih tura tih a ni.

            Hetih mêk lâi hian kan tualchhûng Chanchinbu neih chhun, Kohhran ta, ‘Mipui Aw’ a thu diklo hmanga vawihnih ngawt YMA hmalâkna  na taka sawiselna a awm hi pawi kan ti a, hei hi  Branch YMA chuan nâ a tiin a la thutak hlê a ni. Thil hrechiang lova YMA hmalâkna na taka sawisel \hintu hian khawtlang a hmangaih vâng nilovin YMA a do hrim hrim niin kan hria. Mipui Aw Vol. XIX Issue No.29-a chhuakah pawh Hall siam\hatna atân `.25,000/- zet YMA-in a hmuh thu lo lang pawh kha thu dik lo a ni a, Hall siam\hatna atâna kan sum hmuh chu `.20.000/- a ni. Hetianga thil hrechiang lova  Letter to Editor kan chhuah leh mai \hin hi a \ha lo hle a ni.

            Hall chei\hatna tur atâna sum kan hmuh hi a \angkai thei ang ber leh renchem takin kan hmang a, Hall hmang \hintute duhthusâm ang zân chuan siam thei rih lo mah ila, theih ang tâwka \ha thei ang bera siam mêk zêl a ni. Hetia theih ang tâwka \haa kan tihfel hnûa sum bâng a awm anih chuan khawtlâng tâna thil \angkâiah bawk Branch YMA chuan a hmang ang. Tûn hnûah khawtlang hmalâkna a hre chiang duh anih chuan thu dik lo a theh darh hmâ hian hruaitute hnênah zâwt chiang hmasa phawt tawh se a \ha ang. Hetianga Pâwl emaw Kohhran emawa vuivâina sawi sawi \hinte hi Khawtlang leh Kohhran-ah hian mi \angkâi tak leh chhawrnahawm an ni duhlo khawp mai.

            He khawtlang tâna \hahnemngai taka Chanchinbu buatsaihtu Kohhran, Presby. Kohhran leh Mipui Aw Editorial Board-te kan chhuang a, amaherawhchu hetianga mimal emaw Pâwl emaw sawiselna leh vauna lam rawngkâi dâwn dâwn  hming pawh ziak lang ngam lo, dâwt hmanga inbeihna kan hmu ta fo mai hian he Kohhran chanchinbu zahawm tak \hin hi a zahawmna a ti hniam zêl ang tih a hlauhawm khawp mai.

            A in rêl zâwng leh râl khat a insawisel mai lovin khawtlang hmasawnna tûr leh rah \ha chhuahna tur lama fuihna leh thurâwn erawh minpe zêl turin kan ngên a che u.

“|anrualna hian hmasâwna a thlen \hin a, tha thawh hi rah duhawm thlenna a ni”.

Sd/-

( K. LALHULIANA )

Secretary,

Branch YMA, Saikhamakawn.

BIBLE  QUIZ  No.35

SAM 41-45

A kâr âwl dah khat rawh :

Q1.Tin, an zinga tuin emaw mi rawn kan lahin, thu engmah lo mai mai a sawi \hin a; A thinlung chuan sualna a la khâwm thin a: A ______________ chhuah veleh mi a hrilh thin.

Q2.Aw ka Pathian, ka nunna ka chhûngah hian a kun reng a: Chuvangin Jordan leh Hermon ram a\ang te, __________________ tlâng a\angte hian ka hre reng che a ni,

Q3.Aw ka nunna, engah nge i kun reng? Engah nge ka chhûngah hian i buai ni? Pathian beisei rawh: amah chu ka la fak dawn si a, Ka hmêl tidamtu leh ka _____________________ chu.

Q4.Nangmah avângin min dotute chu kan si thlu ang a; I hming avângin min beitute chu kan _______________ nek ang.

Q5.Thutak leh thuhnuairawlhna leh felna avângin I mawina inbelin hmuingil takin sakawr chunga chuangin kal zel ang che. Tichuan i kut ding lamin thil rapthlak ___________________ a zirtir dawn che nia.

A bung leh châng dah rawh :

Q1.I thal chu a zum a: Lalber dotute thinlungah chuan a bur reng a: Mitin chu i hnuaiah an tlu thin a.

Bung: ...............          Chang: ....................

Q2.Aw Pathian, nang chu ka Lal i ni: Jakoba chhanhim nân thu pe ang che.

Bung: ................         Chang: ....................

Q3. Aw, i êng leh i thutak chu tir chhuak la, anni chuan mi hruai sela: I tlâng thianghlim leh I awmnate chu mi thlen rawh se.

Bung: ................         Chang: ....................

Q4.Ka nunna hi pathian châkin, Pathian nung châkin, a tuihâl a ni: Engtikah nge Pathian hmâ ka thlen ang a, ka inlan ang âw?

Bung ...................        Chang .....................

Q5.Retheite ngaihtuah mi chu a eng a thawl e, Mangan ni chuan LALPAN a ni chu a chhanhim ang.

Bung ....................        Chang .................

Hming : ......................................................

Section : .....................................................

BIBLE QUIZ  NO. 34 RESULT

Chhanna lut zawng zawng : 4

Chhang dik vek                       : 4

Lawmman dawngtu:   Bawihpuia (Ch.sec)

                  Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

PAVALAI INKHAWM

PROGRAM

A hmun     : Senior Hall

A hun        : 22. 8. 2013

Hruaitu     : Pu  VL Zidinga Sailo

|antu        : Pu Kamzawngliana

                  |awng\airuala hun hman a ni ang.

VAWIIN KHAWCHIN

A lum lai berin : 270C

A vawh lai berin : 220C

            Chawhma lamah 0mm, chawhnu lamah 5mm leh zân lamah 0mm (wheatherforcast.com).                           Accuwheather.com chuan

chhûn lamah 2mm, Zan lamah 0mm tla turin a sawi thung.

ADVERTISMENT

            Passport Size Photo, Xerox, Scanning tlâwm takin ka ti thei a, Income Certificate, Residential Certificate leh Tribal Certificate ka pe chhuak thei bawk e.

Lalhmangaiha

9862357647

NEWS EDITOR THAR

RUAT BELH

            Mipui Aw News Editor, Chawngbawla Section lam changtu Tv. P.Lalnunsanga chu zirna avângin a hman theih dawn tâk loh avangin Nl. Lal\anpuii chu ruat belh a ni. News leh thuchhuah tur emaw nei chuan a hnênah lo pein emaw lo hriattir ni sela a lawmawm hle ang.

ALPHA  HOSPITAL

            September 2013 a\angin Alpha Hospital, Kulikawn-ah a hnuaia tarlan ang hian inentir theih a ni ta e.

*General: Emergency Service 24x7

*Naupang Specialist: Dar 10 am a\angin. (Nitin)

*Psychiatry: Tlailam dar 4 a\angin. (Nitin)

*Dental: Ha hnawh, ph^wi, RCT, etc.: Zing a\anga tlai thleng. (Nitin)

            Tin, Dental bikah Alpha Hospital Dental Unit thar lawmna at^n September thla chhûng upto 50% discount-in kan enkawl thei ta e.

           

TUALCHHUNG

,Pi R.Lalzuali w/o Saithantluanga (L) (V.Sec) chu Accident avânga Civil Hospital, aizawl-a enkawl anih hnûin alo chhuak.

,Pi Chawngchhungi w/o Lalhmangaiha (Ch.Sec) chu damlohna avânga Synod Hospital-a enkawl anih hnûin alo chhuak.

,Zothansangi d/o B.Lalrinzauva (Ch.Sec) chu damlohna avânga Cancer Hospital-a enkawl anih hnûin alo chhuak.

,Pi Zothanzami d/o Lianzinga (L) (V.Sec) chu damlohna avânga Newlife Hospital-a enkawl anih hnûin alo chhuak.

,Pu L.V.Ramdinthara  h/o Lalruaipuii (T.Sec) te chuan khawi ilo vah vêl nân Bike (Bullet) thar an lei.

Zânin EPL inkhel turte:

Liverpool Vs Man. United (6:00)

West Brom Vs Swansea City (6:00)

Arsenal Vs Tottenham (8:30)

SUPER RELIGARE

LABORATORIES

            Thisen Test hrang hrang Test 3,000 chuang tih theih a ni. Phâi lam kal tur tân phei chuan Test nawn ngâi tawh lovin an pawm vek a ni. Kan vêng chhûng tân mahni inah thisen kan lâksak thei e.

Contact:   9612307387

                 9856183234

THU  ROTLING

            * Khawvel hi suangtuahtu tân chuan thawnthu nuihzatthlâk tak ang a ni a, thinlunga tuartu tân chuan thawnthu lungchhiatthlâk tak ang a ni thung. Chûng zîngah chuan i awm tih hrereng rawh.

                                               

-Horace Wolpole.

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300

Mipui Aw 25.8.2013

MIPUI AW

KARTIN CHHUAK

Vol. XIX Issue No. 34 Kristian Thalai  Pawl  Saikhamakawn Branch  Pathianni Dt.25.8.2013

VAWIIN CHÂNG VAWN

            I thinlung zawng zawngin LALPA ring la, Nangma hriatnaah innghat suh; I kawng zawng zawngah amah hre reng la, I kawngte chu a kawhhmuh zêl ang che. Mahni ngaihin intifing suh la; LALPA chu \ih la, sual kalsan rawh.                   Thufingte 3: 5-7

KOHHRAN  PROGRAMME

25.8. 2013 (Pathianni)

Sunday School Inkhawm

|antu           : Pi Lalhmachhuani

Chawhnu Inkhawm

Thuhriltu    : Pu Siamliana

Zân Inkhawm

M.L.A inthlan lo awm tur puala hun hman tur a ni.

Thupui                       : ‘Ram chu Lalpa ta a ni’

Thupui sawitu           : Upa Lalzama

K|P PROGRAMME

 Dt. 26 .8. 2013 (Thawh\an zân)

Hruaitu           : Tv. Lalhmangaihzuala

|antu              : Nl. C.Lalrempuii

Thuhriltu       : Pu Jeff Lalhmingsanga

Thilpek lakh- : Nl. Vanlaltlani

âwmtu turte   : Nl. Lal\anpuii

August thla chhûnga hla hruaitu leh

musician

Hla hruaitu    : Pu Lalduhkima

turte                  Pu Jeff Lalhmingsanga

Musician         : Nl. R. Lalngaihawmi

KOHHRAN  HMEICHHIA 

(27.8.2013)

Hruaitu           : Pi Lalchhingpuii

|antu              : Laldawngliani

Thuhriltu       : Pi Lalhmangaihsangzuali

           

           

           

SERMON

HMANTLÂK  LOH  NUN

            “Mi fing finna chu ka tiboral ang a, Remhre remhriatna chu ka paih thla ang” tih ziak a ni si a. Mi fing chu khawiah nge? Lehkhaziaktu chu khawiah nge? He khawvela hnialtu chu khawiah nge? Pathianin khawvel finna hi âtthlak a ni tih a hriattir lovem ni? Pathian finnaah chuan khawvelin finna hmanga Pathian an hriat theih loh hnuin, thu hril âtthlak hmanga a ringtute chhandam chu Pathianin \ha a ti hlê si a.            -I Korinth 1:19-21

                                               

            Hmantlâk loh nun han tih ngawt chuan kan rilrua lo lang hmasa ber chu chhûngkua leh khawtlângah pawh misual leh \awmkai vak lova kan ngaihte an lo lang zut zut nghâl mai \hin. Chutianga midang tâna \angkailo mai pawh ni lo, chhûngkua leh khawtlâng tân pawha mi hnawksak leh buaipui ngâite hi hmantlâk loh nun neite chu an ni e; ti ila tute pawh hian kan pawm tlâng vekin a rinawm. Nimahsela Pathianin hmantlâk loh nun nei atihte hi tutenge ni ve ta ang le? Pathian chuan mihringte thlîr angin a thlîr ve ngai lova, tu hi nge atâna hmantlâk loh chu ni ang?

            Bible thû kan târlanah khian chiang taka lang chu; mifin finna te, remhre remhriatnate leh khawvelin mifing tamtak a tihte hi fing a ti ngawt lova, a tâna hmantlâk nîin Pathianin a sawi ngawt hauh lo, Bible thû-a kan hmuh dân takah phei chuan âtthlak a ti hial zawk a ni. Anih chuan engvanginnge âtthlak a tih kher nachhan? Pathian ngaihah chuan a tellova nun hman reng rengte, Amah hre lova mihringin fing kan intih ve ngawtte hi engmah a ni lova. Âtthlak a ti hial zawk a ni. Pathiana innghat mi, Amah ring tlat mi chu khawvel in fing ti lo mahse, Pathian ngaihah chuan mi fing leh a tâna hmantlâk nun nei a ni tlat.

            Pathian hian a fapa nun min pêk a\ang lo chuan mihringte hi min hmu tling ngai lova, theihtâwpin a rawngbâwl ve \hinin kan theihna zawng zawng pawh sêng \hin mah ila, kan nun innghahna chu a fapa Isua Kristaah anih loh chuan engmah a ni teh chîam lo. Lal Isua Krista tello chuan mihring nun \hat venate, kan finna neih ve chhunte hi Pathian tân a hmantlâk hauh lo a, chumai pawh nilovin tenawm mai a ni zawk \hin. Kristaah lo chuan Pathian tân mihring ten hmantlâk nun kan nei ngâi lo.

            A tâwp berah chuan hei hi hria ila, Krista Isua chu Pathianin kan tân finnah te, felnaah te, thianghlimnaahte leh tlannaahte min  pe a. Pathian hian a fapa nun lo chu khawvelah hian rin a nei lo tih kan hriat a \ul hle, nang leh kei hian Pathian in a fapa duhtak min pêk Isua Krista hi kan nun innghah nan kan hman a \ul a ni.

EDITORIAL  BOARD

              f

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

SEMINAR

            Seminar kan han tih hian a awmzia ngialngan angah chuan “thiamna sâng engemaw zir tura kal khâwmte -JF Laldailova.” tihna a ni a, hetiang anih avâng hian Seminar kan neih chuan engemaw zir turin kan kalkhâwm \hin a, kan zir \hin a ni.

            Kan hmâ lawk ni 28.8.2013 (Nilaini) ah pawh hian Saikhamakawn Presbyterian Kohhran Kristian Chhungkaw Committee bul tumin Resource person atân mithiam ruaiin Kristian Chhungkaw Seminar neih a ni dawn a, hetianga Seminar an buatsaih thei hi a lawmawm hle a ni. Hetiang Seminar han neihah pawh hian mahni tân anihna angin ngun tak leh rilru pe tak chungin zir ila, beng leh lamah a ri a, leh lamah a chhuak ta mai ang ni lovin keimahni mimal tân, chhungkaw tân, kawppui lakah, nupui pasal zawn kawngahte thlenga hmâ kan lo sâwn theihna turin thil engemaw kawngkhat tala kan hlâwkpui theih ngêina tur hian zir \hin ila. Chumaibâkah hetiang kan tâna \angkai theih thil hi chu kan hman remchâng anih phawt chuan telve emaw chhim ve \heuh i tum ang u. Mahni tân vek a ni si a.

ARTICLE

            ENG MI NGE I NIH?

(Matthaia 7:24-27)

-Upa Bonny Lalrindika

Mi zawng zawng hian nun pâwnlâng zâwk leh laipui zâwk kan nei
            \heuh va. Mi zawng zawng hi kan nun pâwnlâwi zâwk angin kan nung deuh ber a ni. Thil thleng engemaw tak awm lova kan nih dân pangngâia kan kal \hep \hep lâi hi chuan kan nun pâwnlâwi zâwk angin kan awm \heuh va.

            He dinhmunah hi chuan tunge ka nih chiah tih hi ka bula mite tân hriat theih a ni lo. Kan nun lungphûm sâwi che tham thil kan tawn chiah hian kan nun laipui zâwk chu a lo lang \hin a. Kan mizia tak tak chu chutiang hunah chuan a lo intâr chhuak \hin.

            Kan la rah ngai loh dinhmun sânga kan awm hunahte. Kan beisei ngâi loh dinhmun chhe taka kan tlûk luh hunahte, kan \henawmten kan neih phâk loh thil an neih nite hian kan ze dik tak chu a lang \hin. Hetih huna kan awmdân hi kan nun dik tak, kan ze dik tak chu a ni.

            Nitin sikulah zirlai mize enna a awm \hin a. Progress Report Card-ah hian Character tih alo lang \hin. Kan hriatthiam \hin dân chuan ‘Nungchang’ tih hi a ni ber âwm e. Sâp-in Character an tih hi chu a chunga thil lo thleng a zir zêla mihring nun dân, a chhe lam a \ha lamin min rawn tlakbuak huna kan lo dawnsawn dân hi a ni a. A chunga thil thleng laka ding nghet tura mi a nun chhungril lama chakna inphum ru hi a ni. Chu chu pâwn lam a\angin a hmuh theih loh a ni.

            I ngaihzâwng chu a chhungril i hmuh theih loh avângin i neih hnûah i rin aiin alo nêp daih a. Thawmhnaw awh zâwng ber a inbel lâia mi hlim thei tak anga lang hi a duh ang a neih theih loh hunah a lan dân aiin a lo chhe daih \hin. Mite fuihna thu sawi tur hre \ha deuhte hi a tak alo thlenin a nêp nêp an ni châwk. An nun zepui kha a rintlak loh a ni.

            |awng\ai taima tak, ân chhe tak a awm theih a, lâm peih tak, hrawn harsa tak a awm theih bawk. Nun zepui chu kan nun min nuaitu thil chi hrang hrang laka kan âwmnêm leh âwmkhauh dân hi a ni. Chu chu a rintlak loh chuan thil\halo lakah himna a awm lova, \hian kawm azirin kan chhiain kan \ha vêl mai mai a, chawhmeh azirin kan zaidamin kan thin a chhe vêl mai mai \hin.

            Dam khawchhuak tur hian he nun zepui kan tih tak hi a nghet tur a ni a, a mumal tur a ni. Sap nula nalh deuh a hmuhin a inthuamna a ngaihnep phah ringawt tur a ni lova, mi pâ hausa deuh a hmuhin amah hringtu pâ a iai phah ngawt tur a ni lo. Mahni inhmusit a mi dang nih a duh hun hun chu a ât hun a ni mai.

            Bible thianghlima Isua tehkhin thûah khân in pahnih kan hmu a. A chelh dingtu lungphûm, an innghahna a inang lo a ni. Mahse a khawi zawk chu nge rinawm zawk tih chu pawn lam a\angin a hriat theih loh. A takna ngêiin a rawn fiah tur a ni.

            Lâmmuala hnam incheina inbel râng nasa takte zingah hian vai rama Mizo aia vai kawm nuam ti zawk an awm \euhva, Mizona zepui hi thuam lamah ni lovin chhungril lamah a awm. Tawlhloh puan ngaina tak, thlân laih nikhuaa lût ngai mang lo, puanchei ngaina tak, YMA hnatlânga kal nachâng hria, thawh nachâng hre lo an awm \euh.

(Kârlehah chhunzawm tur) Source: http://mizoramsynod.org/

HRISELNA HUANG

KELBE

A chanchin tlângpui: Kelbe hi hnim chikhat a ni a, a hnah hi bial deuh a niin a rah chi sei zît zêt  a ni. A kûng hi meter chanve vêla sang a ni tlângpui.

Damdawia hman theihte: A mû, a hnah, a kûng pumpui.

Damdawia hmannate:

Phâithak: A mû tui tlemte nên rawtsawm diak a, phâithakah bel tur.       ‘emaw’

A zung Limbu tui sawr nên densawm diak a, phâithakah bel a \ha.

Khawihli: A hnah no densawm diak a, khawihliah bel a \ha, khawihli a ti\uah hmâin hnâi a tiawlsam bawk.

Rannung tûr nei seh: A hnah leh a mû densawm diak a, rannung sehna hmuamhmâah bel tur. Chubâkah a hnah rawt sawm tui sawr 10ml zêlin nikhatah vawi hnih-zing leh tlaiah in bawk tur a ni.

Saitika: A hnah rawt sawm diak a, a na lâiah bel a \ha.

Vun natna chi hrang hrang: A hnah tuiin minute 10 vel chhum a, a tui paih hnûah a tak chu chawhmehah siam a, ei a \ha.

KELBUHPUI

A chanchin tlângpui: Kelbuhpui hi thing zâm chikhat, thinga zâm chi a ni a, thlâi dangte anga chaw an insiam ve theih loh avangin thlâi (Thing) dang a\angin chaw an mamawh ang chu an zung hmangin an hîp lût ve mai \hin a ni.

Damdawia hman theihte: A kûng pumpui.

Damdawia hmannate:

Ulh, bilh, herh: A kûng pumpui rawtsawm a, ulh/bilh/herh-ah bel a \ha.

BIBLE  QUIZ  No.34

SAM 36-40

A kâr âwl dah khat rawh :

Q1.Aw, nangmah hretute chungah chuan i ngilneihna chu lantir zel la;Thinlung dik tak pute chungah pawh i felna chu lantir zel ang che.

Q2.Thuhnuairawlhte erawh chuan ram hi an luah ang a: Remna chenin an hmuingil ang.

Q3.Ka nunna tihbo tuma zawngtute chuan min awh nân thangte an kam thin a; Ka chhiatna tûr zawngtue pawh chuan thu tha lo takte an sawi a, Nilengin  bumna thute an ngaihtuah thin.

Q4.Aw, heta tak ka chhuah a, ka awm loh hlen daih  hma hian, Ka harh lehna tûrin mi zuah ang che.

Q5.Ka nunna tihbo tuma zawngtute chu Mualpho tak leh zak takin awm hlawm sela; Ka chhiatna chunga lawmte chu Hawi kirtirin tihzahin awm rawh se.

A bung leh châng dah rawh :

Q1.A khumlaizawlah chuan thil sual a suangtuah thin a; Kawng tha lovah chuan akal lui a; Sualna chu a ten lo.

Bung: ...............          Chang: ....................

Q2.I awm dan tûr chu LALPA chungah nghat la; Amah chu ring la, aman a ti vek ang.

Bung: ................         Chang: ....................

Q3. Ka na a, ka kun tlawk tawlk a; Nilengin lungngaiin ka van ruai thin a.

Bung: ................         Chang: ....................

Q4.Tin, LALPA, tunah eng nge ka nghah le? Nangmahah a ni, ka beiseina a awm ni.

Bung ...................        Chang .....................

Q5.Aw ka Pathian, i duhzawng tih hi ka lawmzawng tak a ni; A ni, i dan thu chu ka thinlungah a awm reng e,” ka ti a.

Bung ....................        Chang .................

Hming : ......................................................

Section : .....................................................

BIBLE QUIZ  NO. 33 RESULT

Chhanna lut zawng zawng : 6

Chhang dik vek                       : 6

Lawmman dawngtu:   Lalthlamuanpuii (V.sec)

                  Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWMTHU SAWINA

            Date 20thAugust, 2013 (Thawhlehni) zinga ka nu Pi R.Lalzuali Taxi-in a sut chungchângah lawmthu sawina tur kan ngah hle mai a.

            Accident a tawh a\anga damdawiin thleng a amah bawihsâwm a, a \ul ang anga min buaipuitute chungah lawmthu kan sawi a, motor-a min phurhsaktute leh damdawiin thlenga a chanchin ngaichânga zuitu zawng zawngte bâkah ka nu thlavâng hauha tualchhûng mipuiten an thawh nasat ziate kha lawmawm kan tiin mimal tin chungah lawmthu kan sawi tak meuh meuh a ni. Tin, hêng bâkah hian kan khawtl^ng hruaitute leh YMA hruaituten a \ul ang anga hmâ min lâksak a, min buaipuina zawng zawngah te leh vawiin ni thlenga in lam leh damdawiin lam thleng pawha min tlawh a min awmpui zui zêl tute bâkah min \awng\aipui tute zawng zawng chungah lawmthu kan sawi a, Pathianin a lêt tam takin malsawm zel che u rawh se.

J.Zothanzuala leh a unaute

Saikhamakawn

VAWIIN KHAWCHIN

A lum lai berin : 260C

A vawh lai berin : 230C

            Chawhma lamah 1mm, chawhnu lamah 5mm leh zân lamah 4mm (wheatherforcast.com).                           Accuwheather.com chuan

chhûn lamah 4mm, Zan lamah 6mm tla turin a sawi thung.

NAUPANG SUNDAY SCHOOL HLA ZIR

            Ni 8.9.2013-a naupang Sunday School inkhawmpui lo awm tura inbuatsaihnaah zing lamahte, zan lamahte leh tlâi lamahte hla, châng leh thuinchhângte zir \hin a ni a, nu leh paten kan fate zir turin i hrilh \hin ila, tin, \henkhat kal hmâ lutuk an awm bawk \hin a, kawngpui dungah Motor sut palhte a hlauhawm \hin avangin hmâ lutuk ah kal loh ni thei bawk sela a \ha âwm e.

Zânin EPL inkhel turte:

Cardiff City Vs Man. City (8:30)

Tottenham Vs Swansea  (8:30)

Thawh\an zân

Man. United Vs Chelsea (12:30)

SUPER RELIGARE LABORATORIES

            Thisen Test hrang hrang Test 3,000 chuang tih theih a ni. Ph^i lam kal tur t^n phei chuan Test nawn ng^i tawh lovin an pawm vek a ni. Kan vêng chhûng tân mahni inah thisen kan lâksak thei e.

           Contact: 9612307387                                       9856183234

(Letter to Editor)

(Editor ngaihdân ani kher lo)

Subj.: Community Hall chungchâng.

Ka pu,

            Kan veng Community Hall chungchâng hi ka rawn sawi ve duh a, khawngaihtaka i chanchinbu-a min chhuah sak turin ka ngên a che.

            Hmân deuhah khân i chanchinbu kaltlanga kan veng comminity Hall chungchâng an rawn chhuah kha ka lo chhiar a, \ha ka tiin kan Branch YMA hruaitute pawhin hmâ an lâk nghal ngei ka lo beisei hle bawk. Amaherawhchu hmalâkna hmuh tur tun thlenga hmuh tur ala awm hi chuan inkhel \hinte rilru a tina tak zet tawh a ni. Thla thum chhûng hian phawikhawh leh a vuakna Racket engzatnge kan tihchhiat tawh? Hêng man zawng zawng belhkhawm hi chhûngkaw \henkhat dinchhuahna tham chu a tling tawh ngêi ang.

            Dik tak chuan kan Hall sak\hat nâna tûnhnâi kum 5 chhûnga sawrkar a\anga kan sum hmuh zawng zawngte hi awm lo atâ awma dinna tham zet chu a ni tawh tih tumahin kan hai lo. A awmsa hi an khawih chhe zêl zawk niin alang. YMA hian an enkawl zo ngang lo emaw hmalâk dân tur an hre thlâwt lo anih chuan GSA kutahte enkawl hnâ pe mai rawh se. Anih loh pawhin kan MUP/MHIP te pawh hian an enkawl \ha zawk ngei ang.

            Stage-a zâr tur Puan man Hall Fund a\anga pe mai tura kan ngaih lah GSA ten lei ve rawh se, an han ti leh zêl a. Hall Fee thla hnih chhûnga an khawnkhawm ringawt pwh cheng 2000/- chuang chu a tling tawh ngêi ang. Hêng a\ang tal hian lei ve rawh se tih hi inkhel \hinte ngaihdân dik tak a ni. Facebook Saikhamakawn Group-a mi \hahnemngai ten Community Hall chungchânga an \hahnemngaihna thu leh hla leh rawtna an rawn thlen \hinte hi kan YMA hruaitute hian lo ngaihvenin hmâ la mawlh teh se, kan veng hming a chhe zâwnga Zoram pum huap a a chhezawnga an târlan hmâ ngêi hian.

-Hall vei ve tho-a, Saikhamakawn

           

TUALCHHUNG

,Pi R.Lalzuali w/o Saithantluanga (L) (V.Sec) chu Accident avangin Civil Hospital, aizawl-ah enkawl mêk a ni.

,Pi Lalmawizuali h/o Lalchhanhima (T.Sec) chu damlohna avânga Synod Hospital-a enkawl anih hnûin alo chhuak.

,Pi Lalchhingpuii w/o C.Lalrinmawia (T.Sec) chu damlohna avânga Guwahati-ah enkawl anih hnûin alo haw.

,Pu Lalthankima h/o Hmangaihsangzuali (Ch.Sec) te chuan khawi ilo vah vêl nân Car (Alto) an lei thar.

,Pu J.Malsawma h/o Chawngthanpari (V.Sec) te chuan khawi ilo vah vêl nân Taxi (Maruti 800) an lei thar.

KRISTIAN CHHUNGKUA SEMINAR

            Saikhamakawn Kohhran Kristian Chhungkaw Committee chuan Kristian Chhungkaw Seminar ni 28.8.2013 (Nilaini) hian neih turin a ruahman a, Kohhran, Kohhran Committee pawhin min remtih sak a, kan lâwm hlê a ni.

            Hetah hian vengchhung nu leh pa \halai pawh kim taka kal turin kan insâwm a, chhungkaw tin ten Pathian awmpuina kan lo chan a, nupa inpumkhatna thûk zâwk kan lo neih a, fanau enkawlna kawngah hmâ kan lo sâwn a, chhungkuain kan mawhphurhna kan lo hriat thar zêlna anih beiseiin Seminar hi buatsaih a ni a, vengchhung nu leh pa, \halai kim taka kal turin kan insâwm e.

Programme

A hmun : SS Hall, Saikhamakawn

A hun: 28.8.2013 (Nilaini) 10:30am

Resource Person:

Rev.C. Rosiama, Mission Veng.

Sd/-

(SAITHANGPUII)

Secretary

Kristian Chhungkaw Committee

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300