Mipui Aw 28.8.2016

MIPUI AW

KARTIN CHHUAK

Vol. XXII Issue No. 35 Kristian Thalai  Pawl  Saikhamakawn Branch  Pathianni Dt.28.8.2016

VAWIIN CHÂNG VAWN

            Tichuan, Isua chu an hnenah a lo kal a, anniho chu a bia a, “Lei leh vana thuneihna zawng zawng ka hnenah pek a ni tawh. Chutichuan kal ula, hnam tina mi zirtirahte siam ula, Pa leh Fapa leh Thlarau Thianghlim hmingah chuan baptis ula, thu ka pek zawng zawng che u pawm turin zirtir rawh u. Tin, ngai teh u, kei kumkhuain, khawvel tawp thleng pawhin, inhnenah ka awm zel ang,” a ti a.

KOHHRAN PROGRAMME:

Ni 28.8.2016 (Pathianni)

Chawhma Inkhawm

|antu              : Pi Hunthangpuii

Zirlai 32-na    : “ Thlarau rah”

Chawhnu Inkhawm

Thuhriltu: Pu Khawlhmingliana

                        Zân inkhawm

Thuhriltu: Upa Lallawmchhunga

K|P INKHAWM PROGRAMME

Ni 29.8.2016 (Thawh\an Z^n)

Sermon Inkhawm

Hruaitu               : Tv. Lalfakzuala

|antu                  : Tv. Zorammuana

Thuhriltu            : Pu Lalremruata

Thilpek lakhawm  : Nl. Lalrammawii leh

tute               Nl. Lalhmingmawii Hauhnar

Zai hruaitute: Tv. Abraham Lalnunthara

(16-30 August)  leh Tv.Lalrinnunga

Keyboardist        : Tv. Lalrinsanga

KOHHRAN HMEICHHE

 INKHAWM PROGRAMME

Ni 30.8.2016 (Thawhleh Z^n)

Sermon Inkhawm

Hruaitu           : Pi Saithangpuii

|antu              : Pi Lawiziki

Thuhriltu       : Pi Remsangpuii

KOHHRAN PAVALAI

 INKHAWM PROGRAMME

Beihrual thla anih avangin Kohhran Pavalai Inkhawm Programme a awm dawn lo.

SERMON

KEI HETA HI KA AWM, MI TIR TA CHE (Isaia 6:9)

(Ramthar Ni  puala Sermon)

-Rev. Lalbiakhlira

            Isaia hi mi huaisen tak chu a ni phawt mai. Pathian a hmuchiang tih a lang bawk. Chuti ni suh se, he thu, "Kei heta hi ka awm, mi tir ta che" tih ngam chi a ni lo.

            Pathianin a zawlnei turin a koh a. Temple-ah inlarna a hmu a. Chu chu Lal Uzia thih kum, 742 B.C ah khân a ni a. Pathianin a kohna hmun hi temple a ni tlat mai hi a mak lo. Pathian ngaitute hian Biak In an bêl \hin a, chutiang mite chu a ko duh bik tih ni pawhin a lang.

            Inlarnaah chuan Pathian aw chuan, "Tu nge ka tirh ang a, tu nge ka tân kal ang?" a ti a. Isaia chu inngaihtuah buai hauh loin a inpe nghal mai niin a lang a, a ropui tak zet. Kalsan tur, chân tur, tawrh tur a tamzia a hre ngei awm si a. Mahse, "Ka chhûngte, ka ei zawnna, ka sum hnâr, ka \hian te, ka nuam tihzawng..." tibuai loin a chhâng tawp thei tlat. Keini hian engtinnge kan chhân ve ang le?

            A hna lah chu a namai lo, huaisen ngai tak a ni. Hetih lai hian Israel faten Lalpa an hnâwl a, milem pathiante an bia a, thing leh lunga siam milem pathian hnênah an inthawi a. Ram hruaitute pawhin ramdang mite nen insiamremin chhiahte an pe a, Pathian an bêl tawh lo.

            Lalpa chu Aigupta bawi ata hruai chhuaktu a nih an theihnghilh a, Mosia leh mipui hnena dân a pekte pawh an zawm lo a. Lalpa erawh chuan amah chauh bêl turin a phût a. Chu thu chu Lalte leh mipui hriattir turin a koh a ni. An sualte sim a, Lalpa lam hawi turin a hrilh ang a, an sim loh chuan hremna an pumpelh loh tur thu thlenga hrilh turin koh a ni a. Isaia chuan, "Kei heta hi ka awm, mi tir ta che" a ti a nih chu.

            Tunlâi kan ram dinhmun thlîr hian Lalpa ram a tlusawp mêk niin a lang a. Sawrkar hruaitute pawhin mipui hnênah Bible duh loh zu min hlui ta mai te, Lalpa mite intelkhawm "Kohhran" sawisela bei duh kan awm ta mai te, inkhawm peih lo kan tam te, Pathian malsawmna kan dawn ama rawngbawl nana thehchhuak ui tlat te pawh ringtu zingah kan pung ta em ni? Krista rinna phatsana pawl chhuak duh mai te, Pathian rawngbawl hna thawh aia nihna buaipui tawk kan tam nia langte hi a dik a nih chuan Lalpa lung a awi dawn lo.

            Zofate min hmangaiha, ramhuai hlauh tlawna inthawi \hin, thingbul lungbul be \hin kan nihna ata min hruaichhuak a, rambuai laka min chhanchhuaktu hi kan theihnghilh palh ta mai em ni? Kumtin ramvâta insuan reng, ei khawp \awk \awk thawk chhuak \hin, mikhual pawh huphurh \hinte chu eizawn dân dang tam tak min pe a malsawmnaa min vûrtu hi kan tlansan a remti lo.

            Kan ram pawnah pawh Krista hre lo tam tak an awm bawk a. Thawh tur hna a va tam em!. Ringtute hi Lal Isua rawngbawl hna chhunzawm tura a kohte vek kan ni a. Kan ramah Pathian ram din thar tur leh Krista hre lote hnêna hriattir turin Lalpan min ko ve mêk a ni. Isaia angin Pathian aw kan hre kher lo a ni thei e, Bible kan chhiar chuan min kohna a va tam em!

            Ringtute hi Kristaah rawngbawl tura chhandamte kan ni vek a. Khawvel zawng zawnga kala thilsiam zawng zawngte hnena Chanchin ?ha hril tura tirh leh hnamtin ami zirtira siamtu tura a kohte kan ni vek a. Sual doa thisen chhuak khawp, nunna hlân, khawpa \ang tura fuihte kan ni a. Kan dam chhung rei lotê chu lawmman chhe thei lo, chatuan nunna nên khaikhin tham a nih lohzia hrechiang chunga Lalpa rawngbawl tura siam leh din kan ni a. Amah avanga nunga chea awm mai kan ni. Khawvel thil chhe theia rilru dah lo tur leh mikhual châm mai, haw leh vek tur kan nihzia thlengin kan theihnghilh palh ang e.

            Chutiang hrechiangtuten Biak In an bêl a, Kohhran an ngaisâng a, an thlahthlam phal ngai lo a. Thawhchhuah theihna, hriselna, thlai \han tira malsawmtu, muttuina, eituina, thluakfim, duhthlan theihna min petu chu Lalpa Engkimtitheia chauh a ni asin! Chil hâka thi thut theite hian, "Kei heta hi ka awm, mi tîr ta che" kan ti thei lo ang maw?

            Zawlnei Isaia anga hna zuamawm loh tak thawk turin pen chhuak la, intihuaisen rawh. Nangmahin i thawk dawn lo. Tho leh Kristan Petera hnenah, "Mi zui rawh" a tih chu a chhâng a, Thlarau Thianghlimin a thuam ta a, engmah a hlau tawh lo. Mi liante pawhin an khap hneh tawh lo a, an man hnu pawhin Lal Isua khenbeh ang ni lo, a letlinga khenbeh a dil ta hial asin! Hlauh tur kan nei ve lo.

            Lalpan, "Tu nge ka tân kal ang a, tu nge ka tirh ang?" tiin min zâwt mêk. Engtinnge kan chhân dawn le?                                             

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

TUH RAH SENG

            Kan Pathian thu chuan, “Miin a theh apiang, chu mi vêk chu a seng bawk dawn si a; - Galatia 6:7” alo ti a, a dik rêng bawk a, kan tuh rah leh kan thil lo tih tawh sâ hi midang hian a hlâwkna emaw a chhiatna emaw hi an rawn seng dawn lo rêng rêng a ni. Han chhiarthla zêl ila, “Mahni tisa lama thehtu chuan tisâa mi chhiatna a seng ang a; Thlarau  lama thehtu erawh chuan Thlarauva mi chatuana nunna a seng dawn a ni” - Galatia 6:8. Hei bâkah pawh hian kan Pathian thu vêk chuan, “...chu mi hunah chuan mi tin an thiltih ang zêlin a rul \heuh vang” - Mathaia 16:27 tih kan hmu leh bawk.

            Chumaibâkah mitinte hi kan hun hman leh nitina kan thil tih \heuhvah hian, kan nun thleng pawh hian kan fimkhur  a, kan uluk loh chuan kan tuh rah ngêi kan seng leh \hin avang hian a tuartu chu keimahni bawk kan ni leh \hin. Chutiangchiah chuan kan nitin hun hman leh kan nun kan uluk chuan a hlâwkna teltu tur chu keimahni tho kan ni tih inhria ila, kan nitin hun hman; kan nun \heuh hi uluk takin rah \ha seng ngêi thei turin i inbuatsaih hrâm hrâm ang u.

ARTICLE

RAMTHAR NI

            “August 31 hi Ramthar Ni a ni a, Mizoram Presbyterian Kohhran tan Ni pawimawh bik a ni.” “A chhan chu Mizorama Presbyterian Kohhran rawn dintu Rev. David Evan Jones (Zosaphluia) Mizorama rawngbawl tura a lo thlen ni a nih vang a ni. Kum 1972 Mizoram Synod Inkhawmpui chuan, Synod Ramthar Board-in, ‘August ni 31, Pu Zosaphluia Mizorama a lo thlen ni hi Synod Ramthar Ni atan hman ni se’, tia a rawtna chu pawmin kum 1973 atang khan August 31 chu Ramthar Ni atan hman tan a lo ni ta a ni.

            Mizorama Chanchin tha rawn thlentu hmasa ber (Pioneer Missionary) Rev. William Williams chuan Khasi rama a thawh laiin Syhlet lama Mizo lung in tangte hnen a\anga Mizote chanchin a lo hriatin Mizorama kal duhna a nei ta a. Kum 1891 March 20 khan Aizawlah a lo kal a, Mistiri leh kut hnathawka inhlawhfate hnenah Pathian thu hrilin track te a sem a. Mizoram chanchin hi Welsh ramah a zu sawi a, Welsh Presbyterian Mission chuan kum 1892-ah Mizoram chu Missionary tirh luhna atan a thlang ta a. Rev. William Williams hi tirh an tum a, mahse vanduaithlak takin a thi ta mai si a. Mi thar an dap leh a; Theological College-a an zirtir chhungin hun a lo vei hman a. Hetih lai hian Arthington-a mi tirh Rev. F.W. Savidge (Sap Upa) leh Rev. J.H. Lorraine (Pu Buanga) te kha an lo chhuak a, kum 1894, January 11-ah Mizoram an lo thleng a; Welsh Presbyterian Mission tirhin Rev. D.E. Jones (Zosaphluia) hi kum 1897, August 31-ah a lo thleng ve leh ta a ni.

               Mizoram Presbyterian Kohhran chuan kumin Ramthar Ni pual hian tum khat inkhawm atan programme a siam a, thupuiah ‘Krista thu hretu nih’ (tirhohte thiltih 1:6-8) tih hman a ni ang.

.

BENG TI VÂR

 

            * Khawvel pumpuia tih luihna tel miah lova hnatlang tamna ber, Mizoram Gospel Centenary Hnatlangte tha sen zat chu tha 5000 vel a ni.

* Khawvela | halai rual thingpui semtu tamna ber chu Mizoram Gospel Centenary a thingpui mipui 50000 semtute an tam lam chu sanghnih (2000) rual an ni a, minute 15 chhungin an sem zo vek thei.

* Khawvela Hmeichhe hlang hlak zaipawl tam ber chu Mizoram Gospel Centenary a Presbyterian Kohhran hmeichhe Zaipawl, an tam lam chu sangli (4000) a ni. Hemi \um hian Centenary zaipawl sanghnih rual an zai reng bawk.

* Mizo pi leh pute sakhaw biakna hla kan hriat hmasak ber chu – “Pi Biakin lo chhang ang che, Pu Biakin lo chhang ang che” tih hi a ni.

* Mizo A Aw B zir hmasa ber chu Pu Suaka leh Pu Thangphunga te an ni.

* Mizorama lower Primary exam hmasa ber chu 25th June 1903 ah buatsaih a ni a, chhangtu 19 zinga 11 an hlawhtling.

* Mizo zinga mahni irâwm chhuaka Pathian fakna hla phuah hmasa ber Lalhmingthanga hi Mizo zinga Matric (Entrance ni lo) pass hmasa ber a ni.

* Mizo\awng lehkhabu chhuak hmasa ber chu ‘Mizo Zir Tir Bu (A Lushai Primer) a ni a 12 October 1895 ah tih chhuah a ni.

* Kristian Hla Bu hmasa berah hian hla 18 a awm a, he hla bu hi 1899 kumah a chhuak.

*Mizo\awng chanchinbu hmasa ber chu 1898 kuma tih chhuah a ni a, chanchin bu hming chu ‘Mizo Chanchin Laisuih’ tih a ni.

* English – Mizo dictionary tha tak siamtu/buatsaihtu JF Laldailova hi Mizoram Catholic Kohhrana Baptisma chang hmasa ber a ni.

* Sailo lal chite zinga Mizo Union-a inpe hmasa ber chu Brig. Ngurliana a ni.

* Mizo hunbi chhiarna lian ber chu ‘Chhuan khat’ emaw ‘San khat’ a ni. Chhuan khat chu kum 50 – 70 inkar, mi pakhat dam hun chhung a ni a, Golden Jubilee nen inmil tawka ngaih a ni.

* Zoram Motor (Bus) che sual (accident) avanga mihring thih hnemna ber chu Kawnpui (Aizawl Silchar road) a\anga mel 8 velah a ni a, chuta thil zat chu 33 an ni a, hliam 28 an awm bawk. 7. 7. 1981-ah khan a ni.

* Mizo zinga paikawng/êm tah chak ber Zaneiha Muallung khua chuan nau awm pahin paikawng paruk daih tur hnang a hlai chawp a, panga a tah zo hman \hin, a parukna chu a zo hman lo deuh \hin a, a tuk leh zing karah a zo hman \hin.

* Mizo In lian sak zinga Mizorama in lian sak hmasak ber chu a dung hlam 100, a vang hlam 10 a ni a, a awmna khua chu Hualtu khua a ni a, an lal hming chu Vuta (Vuttaia an ti bawk) a ni.

* Mizo zinga baptisma chang hmasa berte chu Mizo zinga Kristian hmasa ber ni bawk Khuma leh Khara te an ni a, 1899 25th June ah baptisma an chang.

* Mizorama chhiarpui hmasa ber chu 1901 kumah khan neih a ni a mihring 82,434 an awm.

* Mizorama College hmasa ber ‘Pachhunga University College’ hi kum 1958 a din a ni a, atira a hming chu ‘Aizawl College’ a ni.

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

HNATLANG |HULH

               Nimin ni 27.8.2016 (Inrinni) a K|P YRC puala Motor sila hnatlang neih tura tih chu tualchhungah chhiat tawk an awm avangin \hulh  a ni a, hun remchang hmasa berah inhriattir leh a ni ang.

HRIATTIRNA

               Ni 13-14 October 2016 hian State Sport Council buatsaihin Ruby Jubilee lawmna Mizoram pum huap; Indegenous Games mipa leh hmeichhe tan a buatsaih a, mimal emaw team emaw a tel duh te chuan heng mite hnenah hian Ni 15, September 2016 ral ham in in report theih a ni e. lawmman \ha tak siam a ni.

In Report-na tur te:

1) Pu C.Lalduhsanga (T.Sec)

2) Pu C.Lalzarliana (V.Sec)

3) Pu Malsawmdawngliana (T.Sec)

Inelna tur hrang hrang te:

Mipa:

1) Insuknawr (team-mi 3/ Individual-open)

2) Inhruipawh (Individual)

3) Kalchhet (Team, mi 6, relay)

4) Inarpasual (Team mi 5)

5) Khhanchhuk invuaktlak

(Team mi 5)

6) Inarpathai ( Team mi 5)

Hmeichhhia:

1) Inkawibah (Team mi 6+1)

2) Buh den/Buh thlei

(Thumrawn mi 3)

3) Inhawngbi (Team mi 7)

4) Ketaminu race (Team mi 8)

5) Inbawlvawm (Team mi 5)

6) Zawnga leihlawn dim dim (Team mi 21)   

               Heng item hrang hrangah te hian chhuak tur kan awm a nih chuan Branch kaihhruainain tih/tel a ni ang.

Sd/-

(C.LALDAWNGLIANA)

Secretary

YMA Saikhamakawn Branch

TONIC SOLFA ZIR THEIH

            Synod Music School ah a hnuaia tarlan ang hian Tonic Solfa & Staff Notation September-November, 2016 chhunga zir duh te tan seat dil theih a ni a. Dil duhte chuan a hnuaia tarlan te hi hriat nise:

1) Workship Department, Synod Office a\angin dilna form chhuakin August ni 29, 2016 ral hma ngeiin Synod Office Worship Department ah thehluh tur a ni. August ni 30, 2016 ah seat chang tur te hming tarchhuah a ni ang a, zir tura thlan te chuan September 1&2, 2016 chhungin Admission tih fel tur a ni ang.

2) September ni 5, 2016 a\anga class \an tur a ni ang.

3) Dilna ah mahni awmna Kohhran lehkha thil tel tur a ni.

4) Hriat tur \ul dang chu dilna form ah tarlan ni.

Sd/-

(REV.B.SANGTHANGA)

Executive Secretary

i/c Worship

HRIATTIRNA

               Vengchhunga In luah tur nei ten In luah tu tur te hnenah p>m lehkha an ph<t hmasa in, In luahtu in In a luah hma in p>m lehkha a nei hmasa \hin tur a ni tih hi vengchhung mipuite kan inhriattir thar leh a ni e. Tun laiah ruihhlo sualna avangin mipuite kan fimkhur a ngaih avangin mipuiten zawm hram hram turin kan inngen thar a ni e.

Sd/-

(C.LALDAWNGLIANA)

Secretary

YMA Saikhamakawn Branch

Zanin BPL inkhel turte:

West Brom Vs Middlesbrought (6:00)

@Starsport 4

Man. City Vs West Ham (8:30) @Starsport 4

TUALCHHÛNG

,Tv. C. Lallawmzuala s/o Ramliana (L) (V.Sec) chu damlohna avangin Aizawl Hospital-ah enkawl mek a ni.

,Pu Lalchhandama h/o R.Lalbiaknungi (V.Sec) chu damlohna avanga Civil Hospital-a enkawl anih hnuin alo chhuak.

, Nl. Naom Lalnunthari d/o M.S. Dawngliana (T.Sec) chu damlohna avanga Falkawn Hospital-a enkawl anih hnuin alo chhuak.

,Lalhriatzuali d/o Sakhawliana (Ch.Sec) chu damlohna avanga BN Hospital-a enkawl anih hnuin alo chhuak

, Lalhruaitluangi d/o Tlangruata (Ch.Sec) chuan Civil Hospital-ah fapa duhawm tak a nei thar.

HNA HMU THAR

            Nl. Dr. Pricilla Zodinpuii d/o Zirsangliana (V.Sec) chuan Synod Hospital, Durtlang-ah Medical Officer hna a hmu thar a, September ni 1 a\angin a hna hi a zawm ang.

            Mipui Aw Editorial Board chuan kan lawmpuiin a hnathawh zelna turah duhsakna kan hlan e.

CHATUAN RAMAH

            Chalchhunga Jongte (95) chuan Lungna avangin Chatuan ram min pansan ta.

            Mipui Aw Editorial Board chuan a kalsan tak a tu leh fa, chhungkhat lainate Lalpan awmpuiin thlamuan zel se tih hi kan \awng\aina a ni.

THU ROTLING

** I tihsual a\angin inzir \hin la, i tihsual pawh thil \angkaiah a chang zel ang.                       -Garry Marshall

** Ngaihdamna tluka phuba lâkna hlawhtling rêng a awm lo.

                        - Josh Billings

** Riru \ha neih ngawt hi a tawk lova, \ha taka hman a ngai a ni.

                        - Rine Descastes

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350

Mipui Aw 21.8.2016

MIPUI AW

KARTIN CHHUAK

Vol. XXII Issue No. 34 Kristian Thalai  Pawl  Saikhamakawn Branch  Pathianni Dt.21.8.2016

KOHHRAN PROGRAMME:

Ni 21.8.2016 (Pathianni)

Chawhma Inkhawm

|antu              : Pi Remsangpuii

Zirlai 29-na    : “ Thlarau thilpekte -II-                 na leh Khawngaih Rawngbawlna”

Chawhnu Inkhawm

Thuhriltu: Upa Lalzuiliana

                        Zân inkhawm

Thuhriltu: Pu Lalrintluanga

K|P INKHAWM PROGRAMME

Ni 22.8.2016 (Thawh\an Z^n)

Sermon Inkhawm

Hruaitu               : Nl.Lalngaihawmi Ralte

|antu                  : Nl. Pc. Vanhlupuii

Thuhriltu            : Pu C.Lalmuanpuia

Thilpek lakhawm-     : Nl. Lalsawmliani leh

tute                            Nl.Lalmalsawmi

Zai hruaitute: Tv.Abraham Lalnunthara

(16-30 August)  leh Tv.Lalrinnunga

Keyboardist        : Tv. Lalrinsanga

K|P FELLOWSHIP PROGRAMME

Ni 21.8.2016

(Chawhnu Inkhawm ban)

Hruaitu          : Tv. Lalnunzira

|antu             : Tv. Malsawmdawngliana

KOHHRAN HMEICHHE

 INKHAWM PROGRAMME

Ni 23.8.2016 (Thawhleh Z^n)

Sermon Inkhawm

Hruaitu           : Pi R.Lalthansangi

|antu              : Pi Hmingthanzuali

Thuhriltu       : Pi Remsangpuii

KOHHRAN PAVALAI PAWL PROGRAMME

Ni 25.8.2016 (Ninga Zan)

Hruaitu           : Pu Siamliana

|antu              : Pu Sangmawia

Thuhriltu       : Pu T. Lalrinthanga

Khuangpu      : Pu Vanlalfela

                        leh Pu Lianchia

Thilpek lakhawmtu: Pu R.Lallura

SERMON

THUAWIHNA

            Hebrai 5  8Fapa meuh pawh ni mahsela a thil tuarahte chuan thuawih  a zir ta a ni; 9tichuan tihthatfamkima lo awmin, a thu awih zawng zawngte tan chatuana chhandamna bulpui a lo ni ta

            Thuawih hi thil \ha tihna kawngah chuan thil har tak a ni a, thil\halo tihpuia \hianten min sâwm châng erawh chuan an thuawih a nuamin a âwl hle thung si. Thuawih tihin a kawh ber leh kan rilrua lo awm nghal chu thil \ha tihna kawnga thuawih hi a ni âwm e. Chutiangchiah chuan kan Pathian pawhin a thu a kawi a ngila zawm a, a thuawih mai turin min ti a ni. Tin, thuawihloh pawizia te, thuawihlote dinhmun chhiatzia pawh kan Pathian thu chuan min hrilh chiang hle mai. Pathian thu awihlo a mahni duh dan dan anga kal \hin ten vanneihna han dawngin han kaltluang viau mahsela Sam ziaktu chuan Hlobet anga an la vuai tur thu leh ah thlûka an la awm tur thute chiang takin a lo sawi a. Thuawihlote hian vanneihna an dawng tluantling thei tak tak lo a ni.

            Thuawihna hi Pathianin a thupekah chuan thupek tiam nei hmasa ber a ni tih pawh Ephesi ziakah kan hmu. Pathianin thuawihte tan lâwmman a siamsak dan a\ang hian a thuawih a ngaihpawimawhzia a lang chiang hle. Tin, Lal Saula ngei pawh Amelek ho thah chimih vekna tur thupêk Pathian hnên a\angin a dawng a, an ran vulhte pawh zuah hauh lohna tur thupêk a ni. Nimahsela ama remhriatna leh Pathian tâna inthawina atân Amalek-ho ran vulh thau \ha leh an Lal Agaga te chu an rawn hâwn a, mihring ngaihah chuan thil \ha tak chu a ni ngei mai, Lalpa tân a \ha \hâ chu an rawn hâwn ngêi a ni, nimahsela Lapa Pathian chuan a thupêk zawm kha a lâwm zâwk a ni tih kan hmu. Lalpa thupêk awih lova mihring lam \hahnemngaihna zâwn a\ang leh tunlai \awng takin; a lang tlat  tihna zâwn a\anga Pathian tana Saula’n \hahnem a ngaih avangin Lal a nihna ata chu Pathian in a hnâwl ta a ni. Keini tunlai ringtute ngêi pawh hi, kan tisa lam \hahnemngaihna leh kan rilrua awm satliah mai maina a\anga Pathian rawngbâwl a maw in ti a tlân vak hi Pathian hian a pawm lem lo niin a alang, hotê pawh nise Pathian thuawih mai hi kan tih tur niin a lang. Mihring lam \hahnemngaihna a\anga Pathian tân  tia rawngbawl  vak hian Pathian a lawmlo mai a ni lo, Saula ang hian kan nihna a\ang hian min hnâwl ve mai ang tih pawh thil hlauhawm tak a ni thei âwm e.

            Bible châng kan tarlan tâk ang khian Lal Isua meuh pawh a thil tawrh a\angin thuawih a zir a ni tih kan hmu a, thuawihna hi Pathianin a ngaihpawimawh hle tih a lang thei. Lal Isuan naupangte a lawm nachhan leh vanram pawh naupangte anga lâwm turin min tih nachhan pawh naupang in thuawihna nun an neih vâng leh chu thuawihna nun neite tân chuan Vanram chu an chanvo a ni tih a rawn sawi chhuahna a ni thei âwm e. Lal Isua meuh pawhin thuawih zir a ngai a nih chuan keini chuan kan ngâi nasa lehzual ngei ang.

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

HUN HI

            Ni-te, kumte a ral a, a chhan chu hun inher liam vâng a ni. Hnamfing zâwkte chuan hun hlutzia hriain, “Hun hi Tangka tlukin a hlu” an lo ti \hin a, Mizote ngêiah pawh hun hlutzia hria kan tam ta khawp mai. Hun hi a hlu a, tûna kan hun hman mêk hi a hlu tihna a nih chu. Tûna kan hun hman mêk hi ho lam takin kan hmang anih chuan kan inenfiah a ngâi khawp ang. Ho lam taka ni khat kan hman lâi hian mi tu emaw chuan lehkha lo zir se, emaw lehkhabu pakhat lo chhiar ta se, emaw thing pakhat lo phun ta sela; ho lam taka hun kan hman liam tâkah khân keini aiin an lo pâwl sâng ang a, keini aiin thil an hre hnem zawk bawk ang. Chumaibâkah hun lo kal zêlah a thingphun chu ka nghah len pui tho tho. Chuvangin, kan hun hlu neih hi hmang \angkai thiam ila, “Vawiina tih tur naktûka tihah khêk suh” tih hi chângvawn tlatin kan hun hlu neih, tûna kan hman mêk zêl hi \angkai takin hman i tum \heuh ang u. A hnûa kan inchhir loh nân.

ARTICLE

MIHRING  DUHTHLANNA  --Dingtea.

            Pathianin mihring a siam dânah a pawimawh bêr leh Pathian ngêi pawhin a duh duha a tih duhloh chu kan duhthlanna hi a ni âwm e. Kan kawng zawh duh lam lamte, \ha kan tih zâwngte leh \halo kan tih zâwng emaw kan duhloh thil rêng rêng chu kan thlang lo mai thei a ni. Pathian pawhin min ti lui thei hek lo. Hetiang a nih avang hian mihringte hi khawvela kan nunkawng rêng rêngah hian keimahni kan pawimawh hle a, kawngdik leh kawng diklo kan zawh theih nân chhia leh \ha hriatna kan nei bawka chumi hmang chuan kan duhthlanna hi kan hman thiam a \ul ta tihna a  ni ber mai.

            Khawvel mihring zawng zawng hi Pathianin min siamdânah chuan angkhat vek kan ni a. Fûke kimin kan pianga rilru leh ngaihtuahna kan nei vek bawk. Nimahsela mi hausa leh retheite kan awm a, vanduai leh vannei tihte mihring chuan kan nei fûr hlawm bawk si. =henkhat chuan Pathian hian engkim a ruatlawk vek nia ngâite pawh an awm ta hial rêng a ni. Hausa tur leh reithei tura ruatlawk awm thei nia ngaihdân lo siam tâwk lah bo lo. Chungtiang zelin kan nundan kawng hrâng hrângah hian Pathian remruatna saah mihringte kan lêng vel nia ngaihdan siam a awl khawp mai. Amaherawhchu kan hriat atana pawimawh ber chu mihringte hi kan tun huna kan nundan leh khawsak danah hian Pathian mawh mai tur a ni lova, keimahni duhthlanna ngêi hmanga tûn dinhmun thlêng kan ni tih hi kan hriat a \ul takzet a ni. Kan duhthlanna hmanthiam a pawimawh ber tihna a nih chu.

            Entirna hetiang hian han sawi ta ila; Sikul naupang \hiandûn pahnihte chuan exam an hmachhawn dâwn a. An \hiandun chuan taima taka zir chuan \ha takin an pass dawn tih an hre ve ve bawk a. Chutah chiah chuan duhthlanna hmâng thiam zawk zawk chu an pass \ha tawh mai dâwn a ni. Ei zawnna kawngah pawh duhthlanna hmâng thiam apiang an dingchhuak dawn a ni. Pathian hre ve miah lote pawh engatinge hausa tak takte, hlawhtling tak takte, fing tak takte an awm, Kristiante zâwk hian engngatinge kan tluk loh fo mai le. A chhanchu an duhthlanna an hmâng thiam a, taimâkna kawng leh hlawhtlinna kawng chu huaisenna thinlung nên taima takin an thlang a, an bei a, an hlawhtling \hin. Pathian hi kan duhthlanna hmanna kawngah hian a inrawlh tehchiâmlo a nih a rinawm. Ringlomi pawhin a duhthlanna a hman dik phawt chuan a hlawhtling mai \hin tih hi theihnghilh chi a ni lo.

            Kan sawi tâk a\ang hian kan duhthlanna pawimawhzia chu kan hre thei âwm e. Kan duhthlanna hi Pathianin min control sak sela chuan Evi leh Adama  te nupa khân theirah ei thianglo kha an ei hauh lovang. Nimahsela an duhthlanna chu Setana duhzâwng lamah an hmâng ta a nih kha. Setana pawhin theirah awmzia a hrilhfiah a, mahse a nawrlui thei bik lo. Evi leh Adama khan an duhthlanna chu anmahni thu ngeiin an hmâng diklo ta a ni tih hi kan pawm thiam a \ul hle mai. Kan hmaah hian =halam leh Chhelam a awm a, chumi thlâng tur chuan chia leh \ha hriatna kan nei a, a pawimawh ber chu keimahni kan ni ta. Kan duhthlanna hi keimahni ngei thuhnuaia awm a ni tih hi theihnghilh lo ang u.

            Amaherawhchu chhandamna kawngah erawh chuan kan duhthlanna hi Pathian lama hmang tak tak tur chuan Thlarau Thianghlim a pawimawh hle a ni. Thlarau Thianghlim chuan kan sualzia leh chungpik zia min hriattir a, chhandam ngai kan nihzia thlengin min hriatchian tir a, chung zawng zawng zawhah chuan Pathian thlang thei turin min nawrlui nilovin thlang thei turin min pui chauh \hin. Hetah pawh hian mihringin kan duh a, kan thlan a ngai a, nawrluihna a awm chuang lo. He kan duhthlanna tak hian  khawvel mihring zawng zawng hi angkhata min awmtir theilotu chu a ni a, duhthlanna hmanthiam a pawimawh hle a ni.

.

SYNOD

            TONIC SOLFA ZIR THEIH         

            Synod Music School ah a hnuaia tarlan ang hian Tonic Solfa & Staff Notation September-November, 2016 chhunga zir duh te tan seat dil theih a ni a. Dil duhte chuan a hnuaia tarlan te hi hriat nise:

1) Worship Department, Synod Office a\angin dilna form la chhuakin August ni 29, 2016 ral hma ngeiin Synod Office Worship Department ah thehluh tur a ni. August ni 30, 2016 ah seat chang tur te hming tarchhuah a ni ang a, zir tura thlante chuan September 1&2, 2016 chhungin Admission tih fel tur a ni ang.

2) September ni 5, 2016 a\anga class \an tur a ni ang.

3) Dilna ah mahni awmna Kohhran lehkha thil tel tur a ni.

4) Hriat tur \ul dang chu dilna form ah tarlan a ni.                  Sd/- (REV.B.SANGTHANGA)

Executive Secretary

i/c Worship

 

PRESBYTERIAN BIBLE SCHOOL

ADMISSION NOTICE

            Presbyterian Bible School Mission Veng, Aizawlah C.Th (Certificate in Theology) zir tur lak a ni leh dawn a, dil duh chuan heng hi hriat tur a ni e:

1) Admission Form Office ah `10/- a lei tur a ni e. August ni 25, 2016 (Ningani) tlai dar 3:00 thleng PBS Office-ah thehluh theih a ni. Diltu chu Class VII passed, kum 16 aia naupang lo, Kohhran dan chhunga awm a ni tur a ni.

2) August ni 30, 2016 (Nilaini) zing dar 10:00 ah interview neih tur a ni a, lakte chuan September ni 5, 2016 (Thawh\anni) ah class \an tur a ni.

3) Zir hun chhung thla li (4), i.e, September-December, 2016 a ni a. Hrechiang duh tan Phone No:2317343/2325082/9436198231 ah zawhfiah theih a ni. Hostel a awm lo.

Sd/-

(REV.B.SANGTHANGA)

Executive Secretary

i/c Worship

Zanin EPL inkhel turte:

Sunderland Vs Middlebrough (6:00)

@ Starsport 4

West Ham Vs Bournemouth (8:30)

@ Starsport 4

Zanin Spanish La Liga inkhel turte

Sporting Gijon Vs Athletic Club (9:45) @Sony Six

Real Sociedad Vs Real Madrid (11:45) @ Sony Six

Sevilla Vs Espanyol (1:45)         

BENG TIVÂR

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

Zânin EPL

06:00pm - AFC Bournemouth vs Manchester United(Star Sports 4 & HD 4)

08:30pm - Arsenal vs Liverpool (Star Sports 4 &HD 4)

Thawhtan zan (Thawhleh zing)

12:30am - Chelsea vs West Ham United

RIO 2016 OLYMPIC-A INDIA MEDALIST

1. Sakshi Malik : Free Style Wrestling 58kgs (Bronze Medal)

2. PV Sindhu: Badminton Women Single (Silver medal)

(He thu buatsaih laia kan hriattheih chin)

BK|P BIAL ÊNTU MAN

               Tun August thla chhung hian Bial tinah Bial Êntu man chu rawn khawn a ni dawn a, K|P Member Bial Êntu chanchinbu latute kan inhriattir a ni e.

HRIATTIRNA

               Ni 13-14 October 2016 hian State Sport Council buatsaihin Ruby Jubilee lawmna Mizoram pum huap; Indegenous Games mipa leh hmeichhe tan a buatsaih a, mimal emaw team emaw a tel duh te chuan heng mite hnenah hian Ni 15, September 2016 ral hmâin in-report theih a ni e. Lawmman \ha tak siam a ni.

In Report-na tur te:

1) Pu C.Lalduhsanga (T.Sec)

2) Pu C.Lalzarliana (V.Sec)

3) Pu Malsawmdawngliana (T.Sec)

Inelna tur hrang hrang tur te:

Mipa:

1) Insuknawr (team:-mi 3/ Individual-open)

2) Inhruipawh (Individual)

3) Kalchhet (Team, mi 6, relay)

4) Inarpasual (Team mi 5)

5) Khanchhuk invuaktlak

(Team mi 5)

6) Inarpathâi (Team mi 5)

Hmeichhhia:

1) Inkawibah (Team mi 6+1)

2) Buh den/Buh thlei

(Thumrawn mi 3)

3) Inhawngbi (Team mi 7)

4) Ketaminu race (Team mi 8)

5) Inbawlvawm (Team mi 5)

6) Zawnga leihlawn dîm dîm (Team: mi 21)  

               Heng item hrang hrangah te hian chhuak tur kan awm anih chuan Branch kaihhruainain tih/tel a ni ang.

Sd/-

(C.LALDAWNGLIANA)

Secretary

YMA Saikhamakawn Branch

HRIATTIRNA

               YRC puala sumtuak nan tun inrinni (27.8.2016) hian K|P, Saikhamakawn Branch chuan lirthei sil hnatlang kan nei dawn a, vengchhunga lirthei neitu zawng zawngte min rawn siltir turin kan inngên e.

               Tin, hemi ni a hnatlanga thawkchhuak \heuh turin K|P Member zawng zawngte kan insawm e.

Sd/-

(PC. VANLALHRIATPUIA)

Secretary

K|P, Saikhamakawn Branch

HRIATTIRNA

               Vengchhunga In luah tur nei ten In luah tu tur te hnenah p>m lehkha an ph<t hmasa in, In luah tu in In a luah hma in p>m lehkha a nei hmasa \hin tur a ni tih hi vengchhung mipuite kan inhriattir thar leh a ni e. Tun laiah ruihhlo sualna avangin mipuite kan fimkhur a ngaih avangin mipuiten zawm hram hram turin kan inngen thar a ni e.

Sd/-

(C.LALDAWNGLIANA)

Secretary

YMA Saikhamakawn Branch

LAWMTHU SAWINA

               Pu K.Vanlalhluna h/o Lalnunziri te chhungkua chuan YMA Bungrua (Property) chhinchhiahna tur Sticker  (YMA rawng) tam tham tak mai siamin YMA Saikhamakawn Branch te min rawn pe a, an chungah YMA Saikhamakawn Branch chuan lawmthu kan sawi tak meuh meuh a ni.

Sd/-

(C.LALDAWNGLIANA)

Secretary

YMA Saikhamakawn Branch

** Engpawh lo thleng sela, beiseina leh rinna hi hloh ngâi suh.           --William L. Brownel.

TUALCHHÛNG

,Lalhriatzuali d/o Sakhawliana (Ch.Sec) chu damlohna avângin BN Hospital-ah enkawl mêk a ni.

,Pu Jimmy Lalnunmawia (T.Sec) chu damlohna avângin Synod Hospital-ah enkawl mêk a ni.

,Vanlalpeki Ralte d/o R.Lalremruata (T.Sec) damlohna avânga Synod Hospital-a enkawl anih hnûin alo chhuak.

, Pu C. Lalengzama h/o Lalropari (V.Sec) te chuan chhungkaw mamawha hman atan Maruti 800 an lei thar.

, Pu R.Lalzuala h/o Pi Lalhmachhuani (T.Sec) te chuan chhungkaw mamawha hman atan Scooty (Vespa) an lei thar.

LAWMTHU SAWINA

            Keini Moria Group ten Bethel-na hmuna Chawlhb<k kan saknaah hmanrua engkim min tum saktu Pu Lalrochama (V.Sec)-te chhungkaw chungah lawmthu kan sawi a, tin, a hmunhma phal taka min hman tirtu Pu C. Vankhuma (T.Sec)-te chhungkaw chungah lawmthu kan sawi bawk a, inhlawhna min petu leh min siam saktute zawng zawng chungah lawmthu kan sawi e.

Sd/-

(C.LALHRUAIA)

Secretary

Moria Group

HRIATTIRNA

               Anganwadi Centre-II huam chhunga awm zawng zawngte Wadi siam \hatna turin chhungtin hnenah ` 30/-(Cheng sawmthum) zêla rawn khawn tum a ni a, Centre-II huam chhunga awmte tlawmngaia lo thawh \heuh turin kan inngen a ni e.

Sd/-

(R.BIAKTHANSANGA)

Secretary

Local Council

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350