Mipui Aw 31.3.2013

MIPUI AW

KARTIN CHHUAK

Vol. XIX Issue No. 13 Kristian Thalai  Pawl  Saikhamakawn Branch  Pathianni Dt.31.3.2013

VAWIIN CHÂNG VAWN

            Hetah a awm tawh lo ve; a sawi ang ngêiin a thawhleh tawh kha. A mutna hmun hi rawn en teh mah u. Tin, kal thuai ula, a zirtirte hnenah, ‘Mitthi zing ata a tho leh ta a ni;

KOHHRAN  PROGRAMME

Pastor  Bial  Fan

31. 3. 2013 (Easter  Sunday)

Chawhma Inkhawm

|antu           : Pi Lalngaii

Thupui           : “Hetah a awm tawh lo”

Sawitu            : Pastor C.Sapkaia

Chawhnu Inkhawm

Baptisma Sacrament

Rawngbâwltu  : Pastor C.Sapkaia

Zân Inkhawm

Thupui           : “Kan hnênah awm ta che”

Sawitu            : Pastor C.Sapkaia

KTP PROGRAMME

 Dt. 1. 4. 2013 (Thawh\an zan)

Short  Sermon  Inkhawm

Hruaitu           : Tv. Lalhmangaihzuala

|antu              : xxx

Thuhriltu-      : Tv. F. Laldingliana

turte                : Nl. C.V.L. Biakzuali

Thilpel lakh-  : Nl. Jenifer Zorinsangi

âwmtu tûrte   : Nl. Ramdinthari

April thla chhûnga hla hruaitu leh

musician turte

Hla hruaitu    : Pu Lalremruata

turte                  Nl. R. Lalngaihawmi

Musician         : Tv. R. Zodinsanga

KOHHRAN  HMEICHHE

PROGRAMME  (2. 4.2013)

Ramthim zin

A hmun          : S.S.Hall

Hruaitu           : Pi Lallianpuii

|antu              : Pi K.Lalhmachhuani

                           (Buangi)

           

           

           

SERMON

A  THI  A , A  THOLEH  TA

            Tin, Galili rama an rawn inkhâwm lâiin, Isuan an hnênah, “Mihring Fapa hi mihringte kuta mantirin a awm dâwn a ni, tin, an tihlum ang a; tin, ni thum nîah chuan kaihthawhin a awm ang,” a ti a. Tichuan an lungngai ta êm êm a.

       Matthaia 17: 22 & 23

Engvângin nge Isua hi a thih a, engvânga tuar nge a nih? tih hi
       thusawitu tamtakte hnên a\angte leh Pathian thu ngei a\ang pawhin  kan chhiara kan ngaithla châmchî tawh a, nimahsela kan sawi nawn leh \hin a nih hi. Hla thu pawhin thawnthu hlui chu min hrilh rawh, min hrilh nawn fo loh chuanin a bo leh thuai ange tiin a lo sawi ve bawk a, hei vâng hian kan hriat hnû pawh kan sawi nawn fo \hin a, a ropuina leh a hlutna erawh a kîam chuang lo, kîam ahnêkin a zual zêl zawk a ni.

                                               

1. ISUA  CHU  ENGVÂNGA  THI  NGE?

            Mihringte suala kan tlûk thute leh chhandam ngâi kan nih zia kan hre \heuh awm e. Chhandam ngâi kan nih ziate, Pathian tâna kan sual zia leh kan tenawm ziate hi mihring \awngkâ a\ang ringawt chuan sawifiah zawh pawh a ni lo. Thlarau Thianghlimin min hriattira, hnâ a thawh loh chuan mihring ten kan sualzia leh chhandam ngâi kan nih zia pawh kan hre chhuak zo lo a ni. Chutiang khawpa sual leh amah Pathian ngaihsak ngai rêng rêng tawhlo mihringte chu  Pathian chuan hmangaih tâwp thei lovin min hmangaih tlat bawk si, a hnêna kal turin min duh a, a hnêna chatuana chêng turin min duh a ni. Tichuan, a hnêna kal theih nân leh chhandam kan nih leh theih nân a fapa Isua Krista chu nang leh kei misualte tân a nun a rawn hlân tâ a ni. Pathian fapa Lal Isua thih chhan hi nang leh kei ngaihdama kan awm theih nân a ni. Lalpa chu fakin awm rawh se.

                                               

2.ISUA  CHU  A  THO  LEH  TA.

            Mihringten ngaihdamna famkim kan chan theih nân Isua Krista chuan Luruh hmunah a nun a rawh hlân a. Thihna chuan chatuan atân a chelhhlen thei lo, nithum nîah Pathianin a kâi tho leh tâ. A va ropui em! Lal Isua ruala mi zawng zawng sual vânga thi ve nang leh kei ngêi pawh chatuan atâna nung turin Lal Isua rualin Pathianin min kai tho ve ta. Isua Krista ringa, a thihna leh thawhlehna ringtute chu thihnain a hneh loh nun chu Krista vângin kan nei ta tihna a ni. He nun hi kan phû vâng leh kan \hat vânga nei leh chang kan ni lo. Pathian hmangaihna vâng chauh a ni tih hi i hre thar mawlh ang u.

            A tâwp berah chuan hei hi hria ila, a ropuinaa inthuama a hmêl mawi kan hmuh hunah chuan Krista thihna leh thawhlehna vânga nun kan neih vâng chauhin hlim takin Pa hmel kan hmu ngam ve chauh dâwn a ni.

                       

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

IN|AWIÂWM HI

            Kan vêng Saikhamakawn hi lian lo tê mah ni se la, VC indan hun ngaihtuah leh kan vêng Kohhran hrang hrangte inrêlbâwl hran hun han ngaihtuah vang vang hian; vawiinni thleng hian kan tih theih vê ang tâwk tâwkah hian activity hrang hrang hi a vêng ang pawh hian kan ngahin kan nei ve ta malh malh hlê mai.Hetih kawngah hian a vêng hming anga kan chhuah \hinah hian \awiâwmtu hi kan nei \ha lo leh tlat \hin. Enge a chhan ni ta ang le?

            A chhan langsâr berah chuan information a chak tâwk lo. Entirnân, tûn hnâi langsar zual han en thuak thuak ta ila; tûnkar lawka Under 14 College vênga kan vêng aiawha Football khêlte leh 2nd Div. Zokhaw Thunder FC, SKK ang chite kha vêngchhûng mi tam zawk chuan kan hriat a rinawm loh. A chhan chu puanzârna FB kaltlang lo chuan hmuh tur a awm loh avângin. Helamah hian \an kan lâk thar angâi viau âwm e. YMA information mike emaw chanchinbu kaltlang pawh hian engemaw tal hi chu ti thei ila chuan hmâ chu kan sâwn ngei ang. Chumaibâkah a chhan awm leh thei alang chu \awiâwmtu mipui tam theih dân turin kan sâwm lo. A tâwp berna atân chuan mipui lam hian kan ngaihsak lo \hin ve bawk. Kan Game tui lohna (Football, Volleyball, Cricket,  Mizo hnam lâm, Mizo infiamna leh adt.) a ni emaw kan tih ve ngâi loh avâng hian chaw tak khûkah kan khûk pui teh chiam lo \hin. Hêngte anih avâng hian kan vêng hian \awiâwmtu hi kan nei chhe \hin niin alang a, chuvangchuan a vêng hminga kan che chhuak anih tawh chuan i in \awiâwm hrâm hrâm \hin ang u.

ARTICLE

Consumer GAS chungchang

-Robuanga.

            Tun lai hian  Consumers” Gas semchhuah chungchângah Aizawl-a GAS AGENCY hrang hrang leh company ten nên \angrualin Mipuiten Gas hnianghnâr zawka  kan dawn theih nân ruahmana siamin tih dan  tharte siamin \an an la mek a. Aizawl veng tamzawkah  chuan Gas pawh tunah tak chuan an hnianghnâr hlawm niin alang.Entirnan, Zarkawt-ah chuan  nitin deuh thâwin Agent ten an sem thei a ni. Chutih lâiin kan vênga  kan sem dan  chu kan sawi ngai lovin kan hre sâ vek âwm e. Thlakhata vawi khat dawng ang vêl kan ni berin alang.

            Tichuan, ruahmanna tharin Gas sem dân thar chu kan han hmang \an (introduce) dâwn niin alang a. Hei hian a tum ber nîa lang chu – an Gastomers ten Consumer Protection Act hmang a  Gas hnianghnar zâwk leh fel fai zâwka kan dawn theihna  an ngaihtuah niin alang. Gas leak/bûk tling lote leh  complain kan duh pawha  kan awlsamnate, free call theihna,Tax âwl dân leh complain-na tur number-te Agent a\anga an lehkhâah khân chiang takin târlan a ni. Tin, booking systema kala; Book  Nî leh Hunte fel taka ruahman tûr ni âwm tak a ni. Dân tesêp ho hi chu zawm vek loh deuh anih pawhin Consumers-te awlsamna  hi chu a theih chin chinah zawm theih nise a duhawm \hin  hle.

            Tin, hming in ang leh in ang chiah lo. Entirnân - LALRAMMAWIA /LALREMMAWII   tih hmingpû ang chite khi  kan vêng   changtu Agent(Vanbuangi Gas Agency) te chuan, “company a\angin pêk theih loh tûrin  internet kaltlangin hriattirna kan dawng e” an ti a ( a hmuhpui thiam chuan internet lamah lo enpui ula a tha khawp  ang). Tin, vêng khat(Saikhamakawn angte)  -a Consumers hming in ang. Entirnân - Lalremruata tihte kha pahnih pathum lo awm tâ sela  Gas an pethei ta lo a ni. Hetiang anih avâng hian kan vêngchhûng maiah pawh Mi-37-in  Gas an dawng ve thei dawn lo niin Pu Hmuaka,  Vanbuangi Gas Agency ami chuan a sawi , Hetiang a nih chuan harsatna  lian tham a tling a ni. Hun hmasa lamah hetiang deuh hian Agent  ten harsatna an lo tâwk tawh niin alang a ( consumer hming in angah). Kan Supply Minister Pu Rohluna pawhin  Central Ministry of Consumers Affairs -ah lehkhain  hêng harsatnate, Mizo hming ziah dân kalphung   hming tâwp a ‘A’ leh ‘I’ dah a  mi thuhmun/mi hrang an nih dânte, House Number kan pêk mumal vak loh dânte leh Mizo zîngah hming tâwpah ‘A’ leh ‘I’ dah kher lo Pawi leh Lakher, kan chhimlam unaute an awm thu  alo zuk hriattir tawh a ni.  Engpawh nise; company-te chuan hming in ang pawh nise (kan tarlan ang khian an hming in anglo leh nghal) Election ID Card,House No.,Telephone No.,Ration Card te Agent-ah kan report vek tawh a, hêng a\ang hian company-te pawhin an hriat (particularised) theih ngêi a rinawm a ni. Kan khawtlâng harsatna anih miau avângin kan L.C. ten hmâ chak takin han la se a duhawm khawp ang. Tin hêngte hi hriattheih ni bawk se:-             

1) Aizawl a Agent dang awmve te hian engangin nge he buaina hi an chin fel ?

2) An rawn phal lohna lehkhâ/internet  leh list agent-in an sawi hi enpui ve  ngêi ni thei se.

3) Mîin Dân ang thlapa connection alâk tihtâwpsak hi Dân kalh (Cons.Acts) a nih hmêl...

4) Tu zâwkin nge hmingthlâk ang? Magistrate-a proceed & fees etc. Gas nghei nên  harsatna atam hle ang.

HRISELNA HUANG

CHAMPHAI DAMDAWI

A chanchin tlângpui: Champhai damdawi hi Mizoram hmun \henkhatah hmuh tur a awm. A kûng pumpui hian damdawiah a hman theihin taksa chakna lam thil a pâi hnem hle.

Damdawia hman theihte: A kûng pumpui.

Damdawia hmannate:

Tasa tih chak nân: A kûng pumpui, a zungte nên 25gms silfai hnûah tui 400ml-in mei na vak lovah chhum tur. A chhumna tui 50ml anih hunah thlit chhuah a, 25ml leh khawizu thirfiante khat chawhpawlhin nitin zing leh tlaiah karkhat chhûng ei tur a ni.

CHANGKALRIT

A chanchin tlângpui: Changkalrit hi hnim lian vak lo, a puitling pawh 6inch vêl âwrha sâng a ni. A hnah leh a kuang hi a hnip hle a, Kuta han hmeh deuh vak pawhin a tui hmeh sâwr a awlsam hle; rimtui deuh a nei bawk.

Damdawia hman theihte: A kûng pumpui a zung tel lovin.

Damdawia hmannate:

Thisen sâng leh ruh seh: A kûng pumpui hmer khat vêl silfai hnûah tui no thumin minute 10 chhum a, a tui chu no khat zêlin nikhatah vawi thum in a \ha.

Ruh chuktuah nâ: A kûng pumpui tuiin minute 10 chhum a, a tui chu zing takin in \hin tur a ni.

CHANGÊL

A chanchin tlângpui: A kûng leh a hnah pianhmang hi Balhhla nên a in ang hlê a, a rah hi a mu hlîrin a khat thung. Chi hrang hrang - Changpui, Changthir, Changpâwl, Changvândâwt, lâi-rawk, changkêl adt. a awm.

Damdawia hman theihte: A tui sâwr, a kûng.

Damdawia hmannate:

Pem: A tui sâwr hnawih a \ha, pem nasa vak lo phei chu a in châr phui leh nghâl thei.

Perek rah: Perek rah palhin perek chu changêla vih bûr a \ha.

CHÊNGKEK

A chanchin tlangpui: Chengkek hi thei chikhat a ni a. A rah a ei theihin a kâwr a thûr a, a chhûng mu erawh a thlum a ni. Chi hnih - Mizo Chêngkek leh Vâi Chêngkek a awm. Mizo Chêngkek hi rawng sen no eng deuh a ni a, Vâi Chêngkek erawh chu rawng sen a ni.

Damdawia hman theihte: A hnah leh a rah.

Kaw\ha lo, santên: A hnah chhumna tui in emaw a rah ei emaw a \ha.

BIBLE  QUIZ  No.13

EZRA BUNG 6-10

A kâr âwl dah khat rawh :

Q1.A san lam tawng sawmruk, a zau lam tawng sawmruk, lung lian pui pui tlar thuma rem hnûah thingphêk tlar khat siam tûr ani a, a sakna hi ______________ sum a\anga pêk tûr a ni.

Q2.chu mi chu Zerahia fa a ni a, chu mi chu Uzira fa a ni a, chu mi chu ___________ fa a ni a,

Q3.Pahathmoaba thlahte zîngah Zerahua fa, Eliehoenaia; mipa ________________ nên.

Q4.Chutichuan sal chhuakho bawhchhiatna avânga Israelte Pathian thua khur apiangte chu ka hnênah an lo kal khâwm a; tlai lam inthawi hun thlengin a ngaihna hre lovin ka __________ ta ngawih ngawih a.

Q5.Tho rawh khai; he mi hi i puala lum a ni a, keini pawh i lama \ang kan ni a, __________________ takin awm la, ti mai rawh,” tiin a tihpui a.

A bung leh châng dah rawh :

Q1.Chu mi sak lehna tanpui tûr chuan thu ka pê a che u. Hnâ a bahlah loh nân a sakna tûr  pawh Euphrates lui khawthlang bial chhiah, lal sum tûr atanga pêk thuai tûr a ni.

Bung: ...............          Chang: ....................

Q2.Thla khatna, ni khat nin Babulon a\angin a chhuak a, a. Pathianin amah chu vêng zêlin thla ngâ-na, nikhat nîin Jerusalem a thleng a ni.

Bung: ................         Chang: ....................

Q3.Selomitha thlahte zîngah Josiphia fa, mipa za leh sawmruk nên.

Bung: ................         Chang: ....................

Q4. i chhiahhlawh zâwlneite hmanga, in va kalna tûr, in ram luah tûr chu a rama mi awmte bawlhhlawhna avângin a bawlhhlawh a,  kil tin, kil tang an tenawmnain a titenawm vek a ni.

Bung: ................         Chang: ....................

Q5. chutichuan mipui zawng zawngte chu an chhâng a, ring takin, Kan chungchâng thu chu i sawi ang tak chuan kan ti ngei tûr a ni.

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 12 RESULT

Chhanna lut zawng zawng : 4

Chhang dik vek : 4

Lawmman dawngtu     : Debbie (V.Sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

PAVALAI INKHAWM PROGRAMME

A hmun    : Vestry

A hun       : 4.4.2013 (Ninga zân)

Chairman : Pu VL Zidinga Sailo

|antu        : Pu Ramdinthara

Sermon     : Pu Kamzawngliana

CHATUAN  RAM  LAMAH

LALNUNTLUANGA

KUM : 40

            Ni 29.3.2013 (Zirtawpni) khân natna leh hreawmna awm tawh lohna chatuan ram min lo pansan tâ a, a kalsan tâk; a nupui leh a fate leh a chhungkhat lainâte Mipui Aw Editorial Board chuan kan tawrhpui tak zet a, Pathian thlamuanna leh awmpuina a chan zêl kan duhsakin; chu chu kan \awng\aina a ni e.

HRIATTIRNA

       Kulikawn to Hlimen Taxi welfare-te chuan hetiang hian Rate chungchângah ruahmanna thar a siam a, Mipui ten min zawm sak hrâm kan beisei. Heng ruahmanna hi April thla a\anga hman \an tur ani.

1)  Kulikawn a\anga Melthum kâwn thleng `15/- a ni ag a. Passenger ten `5 an neih loh cuan `20 an chawi \hin ang. Kulikawn a\anga Hlimen Venglai thleng `20/- a ni bawk ang.

2)  Tlâi lamah Bus service hnuhnung ber a chhuah hnûah chuan Fair `20/- khawi vêng pawhin an chawi ang.

3)  Hire rate hi Saikhamakawn `60. Melthum `70. Hlimen `80 a ni tawh bawk ang.

Sd/-

(DENGLIANSANGA)

Kulikawn to Hlimen

Aizawl Taxi Welfare

GOOD FRIDAY LEH

EASTER SUNDAY RAMTHARAH HMANG

            Ramthar Committee bul tumin Saikhamakawn Presbyterian Kohhran chuan Good Friday leh Easter Sunday chu Tripura ram a, Champahour-ah hun hmangin an feh chhuak. I \awng\ai pui zêl ang u. Heta kal zawng zawng hi mi pakua (9) an ni:

1. Upa Lalzama

2. Pu F.Lalbuaia

3. Pu C.Lalchhuansanga

4. Pu J.Malsawma

5. Pu Tlangruata

6. Pi Khawlvuani

7. Pi Rimawii

8. Pi Lalngaii

9. Pi Sanghluni

HRIATTIRNA

            Saikhamakawn Primary School leh Middle School Cook chu a dîl leh theih tawh a, dîl duh chuan dîlna lehkhaah ziakin Pu Lalzuiliana, Secretary, Village Education Committee (VEC) hnênah ni 2.4.2013 (Thawhlehni) ral hmâin thehluh tur a ni e.

YMA HRIATTIRNA

            YMA kumpuan “Ram leh hnam humhalh” hmalâkna kal zêlah kan vengchhûngah hian Foreigner awmpui kan awm nual niin hriat a ni a. Kan  vêng chhûngah Foreigner awm hi phal a ni lova. Chuvangin Foreigner awmpui nei rêng rêng chuan Saikhamakawn Branch YMA hruaitute hnênah hriattir vat tura ngen leh hriattir kan ni e.

            Tin, mikhual awmpui nei rêng rêng pawhin YMA hruaitute hnenah report tur a ni e.

Sd/-

(K.LALHULIANA)

Secretary,

Branch YMA, Saikhamakawn

TUALCHHUNG

, Pi Vanlalruati d/o H.Lawma (V.Sec) chu damlohna avângin Civil Hospital-ah enkawl anih hnûin alo chhuak.

,Lalhminghlûi d/o Allan Lalramhluna (V.Sec) chu damlohna avângin Civil Hospital-ah enkawl anih hnûin alo chhuak.

,Pu Lalhmangaihsanga h/o Lalramhluni (Ch.Sec) te chuan fapa duhawm tak an nei thar.

Zânin EPL inkhêl turte

Aston Villa Vs Liverpool (6:00)

Thawh\an zân

Fulham Vs QPR (12:30)

UCL Quarter final

Thawhlehni zân

Bayern Munich Vs Juventus (12:15)

Paris Saint Vs Barcelona (12:15)

Nilaini zân

Malaga Vs Borussia (12:15)

Real Madrid Vs Galatasaray (12:15)

FA Cup Quarter Final

Chelsea Vs Man. United (5:00)

La Liga zânin inkhêl turte

Real Valladolid Vs Osasuna (3:30)

Mallorca Vs Deportivo (8:30)

Espanyol Vs Real Sociedad (10:30)

Atletico Madrid Vs Valencia (12:30)

Thawh\an zân

Athletic Bilbao Vs Granada (11:30)

Real Betis Vs Getafe (1:30)

HRIATTIRNA

            Saikhamakawn YMA hmingin CYMA Cricket Tournament-ah tel kan tum ve a, hemi inbuatsaihna atân hian Volleyball Court-ah Practice kan duh \hin a, chuvângchuan kan Practice hun chhûng tal hi chuan Volleyball Court hi min kian hrâm turin vengchhûng mipuite kan inngên a ni e.

Sd/-

(ROBUANGA)

Manager

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300

Mipui Aw 24.3.2013

MIPUI AW

KARTIN CHHUAK

Vol. XIX Issue No. 12 Kristian Thalai  Pawl  Saikhamakawn Branch  Pathianni Dt.24.3.2013

VAWIIN CHÂNG VAWN

            Tin, a hma lama kalte leh a hnung lama rawn zuite chuan,“Hosanna! Lalpa hminga lo kal chu fakin awm rawh se,Ram lo thleng tur, kan Pa Davida ram chu chawimawiin awm rawh se.Chungnung berah khian Hosanna!  tiin an au va.

KOHHRAN  PROGRAMME

24. 3. 2013 (Pathianni) 

Tumkau  Ni

Chawhma Sunday School Inkhawm

|antu           : Pi C. Lalrinpuii

Chawhnu Inkhawm

Thupui           : Isua mamawh petu

Sawitu            : Upa Lalzuiliana

Zân Inkhawm

Thupui           : Then thianghlim ngai kan ni

Sawitu            : Upa Lalzama

KTP PROGRAMME

 Dt. 25. 3. 13 (Thawh\an zân)

Tirhkoh Châwmna Pual Inkhawm

Hruaitu           : Pu R.Lalmuanpuia

|antu              : Pu Vanlaldika

Thuhriltu       : Pu Lalduhkima

Solo                 : Nl. Brigitte Zonunmawii

Thilpel lakh    : Nl. Vanlalmalsawmi

awmtu turte   : Nl. Pricilla Lalramsangi

March thla chhunga hla hruaitu leh

musician turte

Hla hruaitu    : Tv. Lalhmangaihzuala

turte                  Nl. Lalrinhlui

Musician         : Pu Lalduhkima

KOHHRAN  HMEICHHE

PROGRAMME  (26. 3.2013)

Hruaitu           : Pi Vanlalhruaii

|antu              : Pi Lalengpuii

Thuhriltu       : Pi Laltlanzari

           

           

SERMON

Ram  lo  thleng  tur

            Tin, a hma lama kalte leh a hnung lama rawn zuite chuan, “Hosanna! Lalpa hminga lo kal chu fakin awm rawh se, Ram lo thleng tur, kan Pa Davida ram chu chawimawiin awm rawh se. Chungnung berah khian Hosanna! tiin an au va.         Marka 11: 9 & 10

Bible thu kan târlan a\anga khian Ram lo thleng tur a tih tak chu
       “Davida ram” a ni tih kan hmu a. A nih chuan Davida ram chu eng ram ber nge ni ta ang? Ti hian sawi ta ila; Davida chuan Jebus khawpui (Jerusalem) chu a do a, a hneh ta hlauh mai a, chumi khawpuiah chuan a awm ta nghâl a ni. Lal chak tak mai  rawn ni chho zelin Israel-te hmêlma lian ber Philistin hote pawh a titlâwm ta a ni. A lal ram chu a râlmuangin hmêlma lakah pawh an him hlê a ni âwm e. Kum 40 chhûng zet a lal nghe nghe. Hetiang taka Israel hnam tâna himna leh ralmuanna hun hi Isua’n  Jerusalema a luh khân a rawn din dâwn nia an ngaih avangin “Ram lo thleng tur, kan pa Davida ram” an ti niin a ngaih theih.

            An beisei angin Lal Isuan chuan hmuhtheih hmelmate a rawn bei ta hauh si lova. A zirtîrnaah phei chuan hmêlmate hmangaih turin a ti zawk daih a ni. Israel ten an beisei angin a rawn thawh leh tâk siloh ah chuan an hâi chiang hle a ni tih pawh kan hre vek âwm e. Lal Isua chuan mihring chhûnga Setana’n a ram nghet taka a din chu \hiah a, Ama ram chu din a tûm zâwk a ni. Pâwnlam hmuhtheih en lovin chhungril sualna a rawn timualpho ta zel zawk a ni. Mihring nun chu thlân pâwnlam hnawih vâr; a chhûnglama mihring \awih leh thil lung bawlhhlawh tak tak ni si angte in a rawn tehkhin ta chat chat a nih kha. Heng nun bawlhhlawh tak atâ min chhanchhuaha chatuan nun min pek hi a tum ber leh alo kal chhan ber pawh a ni a, hei tak hi Ram  Lo Thleng Tur  tia an beisei chu a ni kan ti thei ang. Chhûnglama thleng tur a nih avangin Israel ten an hrethiam lo pawh a ni ang e, an hai tlat si a.

            A nih chuan Ram Lo Thleng Tur kan tih hi vawin ni thleng hian lo thleng tur angin kan la nghâk reng dawn em ni? Lal Isua chuan a thihna leh thawhlehna hmangin vân nun mihringteah a rawn din ta. Ram lo thleng tur chu tunah chuan kan hnênah alo thleng ta anih hi. Davida ram chu a râlmuangin a hmêlma lian ber pawh a hneh zel ang khan, Lal Isuan mihring chhûnga; a ram a rawn dinah hian hmêlma setana chu nitina tihtl^wmin a awm zâwk \hin a ni. Nimahsela \henkhat nunah chuan Pathian ram mihring chhûnga awm tur hi ala thleng lo fo \hin. Lalpa ka nunah hian I ram lo thleng rawh se tia \awng\ai chungin Pathian âu ila, Isua Lal berna nun nei tawhte pawhin la neilote tân i thawk zêl ang u.

                       

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

BEI NGE SEI RÛN DUNG

            Upa chuan, “Bei nge sei rûn dung” tiin hma lam an pan \auh \auh \hin. Hetiang anih tawh chuan manganna emaw harsatna engemaw tak an hmâah a awm tihna a ni a, chutah chuan an sual luiin an bei fat fat \hin. Chumi awmzia chu beiseina chhetê, la alh ve tang tang chu chhêm nun tumin hma lama thil awm chu thlirin; sîrlam emaw hnunglam emaw a thil awm chu theinghlihin an tum ram chu an bei hrâm hrâm \hin a ni.

            Mihring kan nih chhûng hian lungngaihna leh harsatna hual vêl karah nitin nun hmang \hin kan ni ti ila kan ni ti ila; kan sawi sual âwm love. Kan hnathawhna a ni emaw, kan zirna a ni emaw; kan eizawnna pawh nise. Mihring nih chhûnga tluang parha nun hmang leh harsatna tâwk ngâi miah lo hi chu kan tam âwm love. Chuvangchuan kan thil tihna kawng engkimah hian bul kan \an tawh anih chuan a tâwp thleng tur hian theih tâwp i chhuah \hin ang u. “Bei nge sei rûn dung” tiin kan hmâa hmachhawp awm apiang hi sual lui ila, hlawhtlinna chuan min rawn ûm zui ang tih beisei tlat chungin beidawnna hi kan tâ anih rual hian tum chuan kan tân kawng a awm a ni tih hi i vawng tlat ang u.

ARTICLE

DÂN  NGE  RILRU

-Pc. Hriata.

            A hmasain dân hi engvanga lo awm nge ni ang tih hi ngaihtuah tham tak a tling âwm e. Pathianin khawvel a siam tirh khan dân a awm lo ti ila kan sawisualin a rinawm loh. Hnial hrât \henkhat chuan ei suh tih dân a awm an ti khauh mai thei e, mahse dân nilovin thupêk a ni zawk niin a lang. Thupêk an zawm loh vangin hun lo kal zelah dân a lo awmphah ta zâwk a ni. Awle, dân han tih mai chuan rilruah lo lang thei apui a tam khawp mai. India ram ngat phei chuan dân hrang hrang a ngah mai a, zawma zawm sên rual loh ti ila kan sawi uâr hret mai thei e, engpawhchu nise kan nei tam thawkhat hlê a ni. Tin, pâwl hrang hrang, a lian leh tesêp deuh thlêng pawhin pâwl dân kan nei firfer hlawm bawk a. A \ha nge \halo tih pawh hriatthiam a har viau mai. Dân chu thil \ha tak a ni a, chu dân chu amah ringawta a awm chuan thil awmze awm lo a ni, a zâwmtu mihring a awm ngêi ngêi a ngai. Chu mihring chuan dân chu a rilruin nguntaka a ngaihtuah hnûah duh chuan a zâwm a, a zâwm lo thei bawk a ni. Tin, hêng dân \ha tak tak hi mihring vêkin a rilru ngaihtuahna uluk taka sêngin a siam, a zawm lam pawh mihring rilru vêk a pawimawh leh ta bawk a ni.

            Pathianin mihring a siam hian chhia leh \ha hriatna \ha tâwk tak mai min pe a. Chu chu kan rilru hi a ni âwm e. He kan rilru hian thil \ha engkim mai hi a hria a, chutiang bawkin thil \halo tinrêng a hre bawk. Greek ho chuan nausên lo piang hlim hi a thluakah engmah hriatna awmsâ a awm lo a ni (Blank state) an ti a, a hriatna neih zawng zawng hi a tawnhriat a\anga nei a ni e tiin an sawi \hin, thil \ha leh \halo pawh zirtir ngâi a nî tihna anih chu.  He ngaihdân hi pawmawm viau mahse keini ringtute ngaihdân a\ang chuan a dik lo theiin alang. Mihring rilru leh hriatna kan tih hi a lo chhuahna ber chu kan thluak hi nîin a hriat theih a, mahse thûk zâwka ngaihtuah chuan kan thlarau a\ang veka chhuak a ni.  Chu kan thlarau chu Pathian thaw a\anga kan neih a ni a, Pathian anpui kan nihna tak pawh a ni. Hei vâng hian mihring lo piang rêng rêng hi zirtir vak leh tawnhriat vak ngâi lovin thil\ha leh \halo chu hre ngêi ngêi tur kan ni. Heivang tak hian dân hi awmlo mahse kan rilru hian thil\ha leh \halo chu a hre tura ngaih theih a ni tih hi thil pawmawm tak a ni.

            Dân chungchang hi han chhui ve leh ta ila. Dân chu mihring pianken a ni ve lova, mihringin ngun taka a rilru leh hriatna zawng zawng sênga a siam/duan chhuah a ni \hin. Chu dan \ha tak chu engtia zawm tur nge tih pawh a siamtu mihring rilru chuan a hre nghal vek bawk \hin a ni. Hetiang a nih avâng hian dân chungchânga chiang taka lo lang tâ chu; dân rêng rêng chu mihring rilru a\anga lo chhuak a ni a, a zawm leh zawm loh thûah pawh mihring rilru bawk a pawimawh tih a chiang ta hle a ni. Dân chuan thil\ha zawm tur a sawi rualin a zawmlote hremdân turte a siam a. Dân chu thil\ha anih tlat avângin khawi ramah pawh awm la; dân zawm chu a him a, hremna pumpelhna pawh a ni. Dân zâwmtu chuan thil\ha a ti a ni tiin sawi pawh ni ila kan sawi sual hauh lovang. Heivâng hian eng dân pawhin a thilphût chu thil \halam a nih avângin mihring rilru hian thil \ha chu a hria a, thil \ha lo pawh a hre bawk a, a chhan chu dân lo chhuahna chu mihring rilru a nih tlat vâng a ni.

            Dân leh rilru chungchâng chu kan sawi nual tawh a. Rilru hi dân lo chhuahna a nih avangin dân hi awm lo mahse mihringten thil \ha chu kan ti thei tho tih a chiang hle. Tin, kan dân neih hrang hrangte hi \ha taka hmana kenkawh a nih theih nante, kan dân  siam rêng rêngte hi hlawhtling taka hmana zawm a nih dâwn chuan mihring rilru siam \hat phawt angâi a ni. Dân \ha tak tak kan siamte a nihna anga hman a nih theih nan dân bawhchhe \hin mihring rilru hi \ha lam kawngah kan in zirtir hmasak phawt chuan kan dân hian awmzia a nei leh zual ngêi ang.

HRISELNA HUANG

BUILUKHAM

A chanchin tlângpui: A kûng hi 5ft vêla sâng a ni tlângpui. A pâr hi nainâwk rawng a ni a, a rah kâwr hi a sen a, a hmin hnûah a kâwr a puak keh \hin. A chhûng ami a ei theih bawk.

Damdawia hman theihte: A zung.

Damdawia hmannate:

Kal \ha lo: A zung 25gms den deuh hnûah tui 400ml-in mei na vak lovah a tui 50ml anih thlengin chhum a, 25ml zêlin karkhat chhûng nitin zingah leh tlaiah in tur.

Mawngmirh, zun in: A zung 10gms leh di zung 10gms den deuh hnûah zankhuain tuiah chiah a; a tûk zingah a chiahna tui chu thlit chhuah a, karkhat chhûng nitin zingkarah thil ei emaw in emaw hmâin in \hin tur a ni.

BULUIH

A chanchin tlângpui: Buluih hi thlâi puitling thei chi “annual plant” a ni. Thlâi hel ei chi a ni a, \henkhat chuan kan/chhum pawhin an ei tho bawk.

Damdawia hman theihte: A bul bâwk leh a chi.

Damdawia hmannate:

Pum nuam lo: A bul bâwk a helin ei tur.

Zun kawnga lungte awm: A bul bâwk a helin ei a \ha.

emaw

A bul bâwk densawm tui sawr 50ml zêlin nikhatah vawi thum in tur, a hnah den sawm tui sawr in pawh a \ha.

Pân: A bul bâwk den sawm tui sawr 25ml zêlin nikhatah vawi thum in tur.

Thi neih mumal lo: A chi râwt dip 2gms leh khawizu 2ml chawhpawlh a, nitin zing leh tlaiah ei tur a ni.

Bengchhûng nâ: A bul bâwk den sawm tui sawr 250ml lah chhawhchhi hriak 250ml chawhpawlh a, mei na vak lovah 250ml anih thlengin chhuan kang tur. Puan hmangin a hriak sawr chhuah a, a hriak chu nitin bengchhûngah far hnih far tur a ni.

Thinlian: A bul bâwk ei a \ha.

BIBLE  QUIZ  No.12

EZRA BUNG 1-5

A kâr âwl dah khat rawh :

Q1.Sephatia thlahte chu __________ .

Q2.An ziak ang khan bawkte kût chuan an kût a, ni tina tih tûr chin ruat, a bi tawk thliah ang zelin ________________ hâlral thilhlan chu an hlan a;

Q3.Chutichuan chu mi rama mite chuan Juda mite kut chu an _________________________ a, an in sa chu chu an tibuai a.

Q4.Tin, hetiang hian an hnênah, “He mi ___________ sa tute hming hi tute nge ni?” kan ti a.

A bung leh châng dah rawh :

Q1.rangkachak no sawmthum, tangkaraw no chi dang zali leh sawm, bungbêl dang sâng te nên.

Bung: ...............          Chang: ....................

Q2.Pahathmoaba thlah zinga Jesua leh Joaba thlahte chu 2,812.

Bung: ................         Chang: ....................

Q3.Thla sarihna, ni khat atangin hâlral thilhlante LALPA hnêna h an hlan tan a: nimahsela LALPA biak in lungphûm chu an la phûm lo va.

Bung: ................         Chang: ....................

Q4.Hotu Rehuma leh lehkha ziaktu Simsaia chuan Jerusalem-a mite hekin Persia lal Artazerzia hetiang lehkha hi an thawn a:

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 11 RESULT

Chhanna lut zawng zawng : 2

Chhang dik vek                       : 2

Lawmman dawngtu     : Lalthlamuanpuii (V.Sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

           

JOINT  COMMITTEE  HRIATTIRNA

            Ni 21.3.2013 zâna Saikhamakawn NGO hrang hrang (YMA, MHIP, MUP) leh Local Council te meeting thurêl angin hetiang hian mitthi thlalâkpui dân leh chhiatni a khawntesêp khawn dân tihdanglam a ni.

            1. Chhiatni a khawtesêp: Chhiatni a khawntesep khawn dân kan hman mêk: In tina buhfai no 1(khat) leh pawis `10/- a khawn \hin chu buhfai no 1 (khat) leh pawisa `20/- a khawn tawh nise tih a ni.

            2. Mitthi thlalâkpui dân: Chhiat tâwk an awmin thlalâkpui dân rualkhai zawk leh hun reilo zawk hman anih theih nân thlalâk hi hmeh 15 (sawmpanga) aia tam lo thlâ lâkpui ni tawh se tih a ni bawk.

            Hêng a chunga Joint Committee in thutlûkna a siamte hi hman nghâl tura tih a ni a, mitinte kan han inhriattir a ni e.

Sd/-

(K. LALHULIANA)

Recording Secretary

Joint Committee Saikhamakawn

PAVALAI INKHAWM PROGRAMME

A hmun    : Vestry

A hun       : 28.3.2013 (Ninga zân)

Chairman : Pu VL Zidinga Sailo

|antu        : Pu R.Vanlalsanga

Sermon     : Pu Kamzawngliana

HRIATTIRNA

       Kulikawn to Hlimen Taxi welfare-te chuan hetiang hian Rate chungchângah ruahmanna thar a siam a, Mipui ten min zawm sak hrâm kan beisei. Heng ruahmanna hi April thla a\anga hman \an tur ani.

       1) Kulikawn a\anga Melthum kâwn thleng `15/- a ni ag a. Passenger ten `5 an neih loh cuan `20 an chawi \hin ang. Kulikawn a\anga Hlimen Venglai thleng `20/- a ni bawk ang.

       2) Tlâi lamah Bus service hnuhnung ber a chhuah hnûah chuan Fair `20/- khawi vêng pawhin an chawi ang.

       3) Hire rate hi Saikhamakawn `60. Melthum `70. Hlimen `80 a ni tawh bawk ang.

Sd/-

(DENGLIANSANGA)

Kulikawn to Hlimen

Aizawl Taxi Welfare

HRIATTIRNA

            AMC a\anga thu hmuh angin Chêkbâwk-a huan/ram nei zawng zawngte pass neih ang ang Xerox copy leh original ni 31.3.2013 (Pathianni) ral hmâin Local Council hnênah thehlût vek tura hriattir kan ni e. Thehlût lo chu ram ruakah puan a ni ang a, tumân an sawi buai thei lovang.

Thehluhna tur:

1. Pu Zoramthanga, Local Council Chairman

2. Pu Zonunsanga, Local Council Secretary

Sd/-

(ZONUNSANGA)

Secretary

Local Council, Saikhamakawn

LAWMTHU SAWINA

            K|P Marka Group-te chuan nimin ni 23.3.2013 (Inrinni)-a kan Tûmkau zawrh min lo leisaktute zawng zawng chungah lawmthu kan sawi a, tin, Tûmkau phal taka min sah tîrtu Pu H.Vanlalfala, Pi Hrangthangvungi leh Pu C.Laldawngliana te chhungkaw chungah lawmthu kan sawi tak meuh meuh bawk e.

Sd/- (ZOHMINGMAWII)

Secretary

Marka Group, K|P

NPSS KAWNG ZAWH

                  Vawiin hi Isua Krista ropui taka Jerusalem aluh ni champhaphâk, Tûmkau ni (Palm Sunday) a ni a, NPSS chuan Tûmkau nên kawng an zawh a ni.

TUALCHHUNG

,Pu Laldanglova h/o Lalringaii (Ch.Sec) chu damlohna avângin Synod Hospital, Durtlângah enkawl anih hnûin alo chhuak.

,Pi Vanlalruati d/o H.Lawma (V.Sec) chu damlohna vangin Civil Hospital-ah enkawl mêk a ni.

,Pu Zosangliana h/o Sangawii (T.Sec) chu damlohna avangin Delhi-ah refer a ni a, zai niin enkawl mêk a ni.

,Lalhminghlûi d/o Allan Lalramhluna (V.Sec) chu damlohna avangin Civil Hospital-ah enkawl mêk a ni.

,Pu Vanlaldika h/o Lalnunmawii te chuan a pakhatna atân fanu duhawm tak an nei thar.

            Zânin inkhêl turte international match anih dawn avângin kim chang takin kan târlang thei lo.

WORLD TB DAY

( Kan dam chhûng hian TB vânga thihna hi i ti tâwp ang u )

1. TB hrik hi boruak a\anga hip luh anih avangin mi zawng zawngin kan vei thei.

2. TB vei nia rinhlelh turte chu:

    * Chawlhkâr hnih emaw a aia rei khuh       * Chaw ei tui lo, rihna                                                                                                     tla hniam

    * Âwm chhûng nâ                                       * Khâk thi

    * Tlâi lam khawsik                                      * |halbe bâwk

( Hêng bâkah hian taksâa TB awmna hmun azirin alan chhuah dân a danglam thei)

3. TB finfiahna leh TB damdawite hi Sorkar damdawiin bâkah, Synod Hospital, Durtlâng leh Christian Hospital, Serkawnahte a thlâwnin a awm.

4. Chuap TB veite hian kum khat chhûngin mi 10-15 an kâichhâwng thei a, chuvangin TB natna rang taka hmuhchhuah leh damdawi kim taka ei hi a damna leh inkâichhâwnna laka vengtu pawimawh ber a ni.

5. TB veiin damdawi a ei \hat loh chuan, a âia natna khirh leh enkawl dam har tak, MDRTB (Multi Drug Resistant   TB) an vei thei. Mizoram chhûngah pawh MDR-TB vei sawmnga chuang hmuhchhuah tawh a ni.

6. MDR-TB vei nia rinhlelhte chu an khâk phâi lamah thawn a ngai a, Sorkarin a thlâwnin a thawn sak bâkah damdawi pawh a thlâwna pêk an ni.

T.B vanga thihna a awm tawh loh nân mitin ten \an ila ang u.

Issued by Dr. Vanlalhruaii, state T.B. officer.

Directorate of Health Services, Aizawl, Mizoram

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300