Mipui Aw 29.5.2016

MIPUI AW

KARTIN CHHUAK

Vol. XXII Issue No. 22 Kristian Thalai  Pawl  Saikhamakawn Branch  Pathianni Dt.22.5.2016

Vawiin   changvawn

            Nimahsela, demna che ka nei a ni, i hmangaihna hmasa ber kha i bân tâk avangin. Chutichuan, i tluksan tâk chu hre reng la, simin, atira i thiltihte kha ti leh rawh, chutilochuan i hnenah ka lo kal ang a, i sim loh zawngin i khawnvar dahna kha a hmun ata ka sawn ang.

KOHHRAN PROGRAMME:

Ni 29.5.2016 (Pathianni)

10:00am (Pathian Biak Inkhawm)

Hruaitu    : Pu Zahmuaka

                   (Fin. Secy., BK|P)

Thuchah  : Tv. R.Lalawmpuia
                   (Commt. Member., BK|P)

Zaipawl    :Hlimen Kohhran

                   Melthum Kohhran

                   Saikhamakawn Kohhran

                   Hlimen Damveng Kohhran

                   Hlimen Vengthar Kohhran

K|P INKHAWM PROGRAMME

Ni 30.5.2016 (Thawh\anni Z^n)

Hruaitu           : Pu R.Lalmuanpuia

|antu              : Nl. F.Lalrinfeli

Thuhriltu       : Tv. Pc. Vanlalhriatpuia

Thilpek lakh- : Nl. Lalhruaitluangi

awmtute     leh Nl. Dephony Ramengmawii

Zai hruaitute  : Nl. Lalngaihawmi Ralte

(15-30 May)      leh Tv. Lalfakzuala

Key Boardist  : Tv. Vanlaltluanga

KOHHRAN HMEICHHE INKHAWM PROGRAMME

Ni 31.5.2016 (Thawhlehni Z^n)

Hruaitu           : Pi Hmangaihsangzuali

Tantu              : Pi Vansiami

Thuhriltu       : Pi Lalchhanhimi

KOHHRAN PAVALAI PROGRAMME

Ni 2.6.2016 (Ningani)

Chairman       : Pu T.Lalrinthanga

|antu              : Pu C. Lalremruata

Thuhriltu       : Pu Pu Zakhuma

Khuangpu      : Pu H.Remtluanga leh

                          Pu Lalthanliana Ngente

Thilpek Lakhawmtu: Pu Kamzawngliana

SERMON

LALPA CHENNA BIAK BUK

“Tichuan inbiakna puan in chu chhumin a rawn tuam ta mup a, biak bûk chu LALPA ropuinain a lo khat ta a”

(Exodus 40:34)

         

          Israel faten Aigupta an chhuahsan a\anga thlaler a an zinkawng an zawhlai chuan Pathian an biakna atan Biak buk an din ta a. He Biak buk an din dan tur chipchiar leh kimchang chu Pathianin Mosia a hriattir a, chumi ang tak chuan an din ta a ni tih kan Bible ah chiang takin kan hmu a ni.

         

          Biak buk an din zo chiah a, chu Biak buk chu Lalpa ropuina chhumin a rawn tuam ta mup mup a, chu chhum chu zanah chuan mei angin a lang a, (Num.9:16) Israel fate zawng zawngin an hmu thei vek a ni. Thlaler a awm an ni a, zin kawng zawh a kal reng an nih avangin, chu Biak buk chu zawn sawn mai theih tura buatsaih a ni a, chhum a invawrhsana chumi Biak buk a kiansan veleh kal zai an rel a, an kal leh \hin a, hmun khatah intawhkhawm chang pawh an nei \hin.

         

          Amah biakna tura buatsaih Biak Inah Pathian a lo tel \hin a, a thlarau thianghlimin a awmpui reng \hin. Tunlaiah Pathian Biakna tur a din Biak In pan peih lo a, kan thinlungah a lian sawt hle, Israel fate Kannan ram pana kal lai pawh a Biak buk hmanga kal hun leh chawlh hun lo hriattir tu khan tunlaiah pawh hian amah kan biakna tura din biakna hi kan Pathian a ngaipawimawh tih hi kan hriat thar a \ul khawp mai.

         

          Kan Pathian hian kan sual ang ang a Biak In a amah pawl leh fak tura kal hram hram te nun hi a ensan ngai lo a ni. Solomona temple kha chhum chuan a mite pawl nan hman a\hulh phah chuang lo.

         

          Israel fate chhum leh mei a hruai a, Biak buk an dinna hmanga pawl a enkawl zui zel \hin tu Pathian kha a la ngai reng a, tunah pawh hian kan hnenah thlarauin min awmpui reng a ni.

Lalpa’n a thu malsawm rawh se. Amen.     

         

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

KALPHUNG/INRELBAWLNA DAN

            Pawl reng reng tha taka a kal theihna’n leh member ten lungrual taka hma an lak tlan dial dial theihna atan chuan Pawl kalphung/inawpna dan felfai tak an neih a ngai \hin a.  Member ten  pawl kalphung chu an hriat chian hle a tul \hin a. Hruaitu te ngat phei chuan an bel hle a tul \hin. Inkaihhruaina tha nei lo pawl reng reng an ziktluak tak tak ngai lo,

            Chuvangin, engpawlah pawh tel ila pawl inkaihhruaina dan te hi kan ngaipawimawh hle reng tur a ni. Pawl kalphung ngaipawimawh lo hruaitu ngat phei chu pawl tana mi hnawksak ber an ni zawk \hin.

            Kohhran ngat pawh hian inawpna dan/kalphung  fel tak kan nei \heuh a, chutiang nei lo Kohhran chu rei a kal thei tak tak ngai lo. Chuvangin, Kohhranah kan awm anih chuan kan awmna Kohhran kalphung leh inawpna dan chiang takin kan hre tur a ni a, rawngbawltu kan nih ngat phei chuan kan bel hle tur a ni.

            Kohhran kalphung leh inawpna dan pawh hre mumal lo Rawngbawltu kan lo awm anih chuan inngaihtuah chian a tul khawp ang.....

ARTICLE

SOLOMONA  LAL  ROPUI  VRS  RAM  TUKTINPAR PAKHAT

            Pathian chuan Solomona chu, “Dil teh, eng nge ka pêk ang che?” a ti a. (Keini hi min ti ve ta se eng tak dil ang i maw?). Solomona, Israel mipui an tam lam pawh \iau vaivut zât zet (IIChroni 1:9) chunga lal khân inngaitlâwm tâwpin Pathian mite rorelsak turin theihna a neih lohzia hre rengin, a mamawh nia a hriat finna leh hriatna a dil a. Dil tur diktak Pathian hnênah a han thlen meuh chuan Pathian chuan a pe chiang hle mai. A dil loh thleng thlengin, a hnu leh hmalama lalte pawhin anla neih ngai rêng rêng loh tur sum leh pâite, hausaknate, chawimawinate zuk pe tel a maw le! Tunlâi \awng takin Bonus atân chuan pui ve rem rem tak chu a ni.

            Pathianin finna leh hriatna, sum leh pai leh hausakna a pêk, chawimawinaa a thuam lal Solomona chu a ropui nangiang mai le. I Lalte 10:23-ah chuan “Chutichuan, lal Solomona chuan khawvel lal zawng zawngte chu hausakah leh finah a khûm vek a.” tiin a ziak ngat a ni. Seba lalnu chuan Solomona finna leh hausak ropuizia a mit ngeia an hmuh chiah chuan, ‘a zâtve pawh min lo la hrilh lo anih hi’ ati thlâwt anih kha. Chumai pawh chu ala ni lo, amaha Pathianin finna a dah ngaithla tur ringawt khân khawvela mi zawng zawngte khân an rawn pan huai huai \hin, tiin I Lalte 10:24 a sawi hial a ni.

            Heti taka Pathianin finna leh hausakna a pêk hian nupui ringawt pawh lal fanu \hiau 700 leh hmei 300 a nei a. A nikhat ei ral pawh hi pui rem rem tak a ni. Chhangphut \ha chi - 5000 kgs, chhangphut narân - 10000 kgs, ran châwm thau - 10,  bawngpa rama tla \hin - 20, berâm - 100 leh a zat sawi lohin sakhi, sazuk, saza leh ar châwm thaute zuk ni hem mai a (Lehlinthar). Thuhriltu bûah phei chuan amah solomona ngêiin ‘Ka mit ît zâwng apiang ka hlah lo,’ tiin a sawi hial a ni. Tunlai hun thleng pawh hian mihring mahni mit ît zâwng apiang hlah lo hi an piang tawh a ngem?

             Khatih hunlai a Tangkaruate a hlut tehreng nên khân I Lalte bung sawmah chuan Solomona hunlai hian tangkaruate chu eng huah mah an ngai lo zuk ti a mawle! Temple leh ama in sakna atân rangkachak a hman hnem tehrêng nên, phaw siam nân ten a hmang a, a no zawng zawng kha rangkachak vek a ni a, Lebanon ngawpui a a in chhûng bungbelte phei chu avaiin rangkachak hlir hlaka siam vek a ni.

            Heti taka lal ropui, finna, hausakna leh chawimawina Pathianin a pêk. Lal dang zawng zawng a hmâa lo awm tawhte leh a hnûa lo awm tur zawng zawng pawh khûm vek tur khawpa Pathianin a thuam hi engtin nge Thuthlung thar lamah kan Lal Isua khan a sawi, i han thlir chhin teh ang.

            Chanchin tha Mathaia bung bung ruk tâwp lamah, Lal Isuan “Lungkham luat a sawt lo”, tih chungchâng a zirtirnaah hian tehkhinna atân he lal ropui tâwp hi a rawn thur chhuak nalh mai. A ropui teh lul nên, “Solomona meuh pawh a ropuina zawng zawnga a inthuam khân, hêng tuktinpar pakhat tluk pawh hian cheiin a awm lo” zuk ti mauh a mawle!!!!

BENG TIVÂR

DEFAMATION CASE

           

            Defamation chungchang hi thil tisual tute hremna dan inziahna, IPC an tih mai, Indian Penal Code Sec. 499-502 naah a chuang a, Tupawhin, thuin emaw, \awngkam in emaw, chhiar tur chiin emaw, zaizirin emaw, hmuh theiha a lem siam emaw, ziaka tlangzarhna hmangin emaw, midang leh chutiang puhna si a tihchhiat tum a nih a, chu puhchhiatna chuang a hming mawina tichhe thei ngei tura ringa chutiang ti a nih chauh loh chuan, chutiang inpuh chhiat tumna ang chite chu- ‘inpuhchhiatna’ Defamation tih a ni. IPC Sec. 499 ah hian Defamation awmzia hi chi li ah \henin a hrilhfiah a. Chungte chu- i) Mitthi tawh puh hmingchhiatna, ii) Company emaw a pawl anga puh hmingchhitana, iii) Elhsen emaw ngaihmelh theih zawnga intihhmingchhiatna.

            A palinaah chuan inpuhhmingchhiat theih  lohna a hrilhfiah thung a. Chu chu mi a tihchhiata tuma a puhna a neih khan chumi a tih tumin engah mah a ngaih loh a, a nunphung, a chetzia, a khawsak phung leh miin an ngaihdan sawhsawna a an puh a, chung an rinna an peka tihdanglam leh chuan intihhmingchhiatana defamation a ni lo. He a hrilhfianhna palina hi zau zawkin han luhchilh ila. Mi dik lo ni a kan puh dawn a nih chuan a hma in inkamlawkna kan nei vek tur a ni a. Chutiang thil kan nei sa thlap a nih chuan Sec. 4 in a hrilhfiah angin inpuh hmingchhiatna a tling lo a. Defamation case file theih a ni hek lo. A mal mal a sawifiah han tum ila:

i) Thudik tak \anchhan a nihin.

ii) Sawrkar hnathawk te thil tih dik loh hailanna a nihin.

iii) Vantlang \hatna tura tih a jihin.

iv) Court thutlukna a nihin.

v) Court thutluknaa lungawilohna emaw, justice zawnna a nihin leh,

vi) Rorelna dik awm theihna tur a nihin.

            Heng a chunga exception kan tarlan takte \anchhana hmanga sawichhuak emaw tarchhuak a nih chuan eng ang pawhin mi zahawmna ti bawrhbang pawh ni mahse, inpuhhmingchhiatna anga ngaih a ni lo a, dan tlawhchhan pawha hrem theih a ni hek lo. Amaherawhchu, chutiang ni lo dawt thu leng vel leh rin thil thu mai mai hmanga mi chunga mualphona thlen a nih vaih chuan danin thu delhkilh lian deuhaha a ngai thung a. IPC Sec. 500 naah phei chuan chutiang diklo taka mi puhtu te chu kum 2 thlenga tan tir theihna emaw leh lei chawi tir theihna emaw a pahniha hremna emaw hmanga hrem tur a ni tiin thutlukna a siam rup mai. Chuti a nih vangin, mi chhiatn lai hi a tka finfiahna kan nei te a nih ngawt loh chuan kan sawi ve mai mai tur a ni lo. A chhan chu thil hotea langah Jail bang kan zut ve hlauh dah ang e..      

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

LAWMTHU SAWINA

            Ni 28.5.2016 (Inrinni) a Saikhamakawn Kristian |halai Pawl te’n Bial K|P Hla Kûtpui leh Bible Quiz intihsiakna tura inbuatsaihna hnatlâng kan neih zawh t^kah, hnatlânga thawkchhuak member zawng zawngte chungah lawmthu kan sawi e.

Sd/- (PC. VANLALHRIATPUIA)

Secretary

K|P, Saikhamkawn Branch

SYNOD MUSIC SCHOOL ADMISSION

            Synod Music School hnuaiah a hnuaia tarlan ang hian Tonic Solfa & Staff Notation, June - August, 2016 chhunga zir duhte tan Seat dil theih a  ni a. Dil duhte chuan ahnuai a tarlan hi hriat nise:

1. Worship Department, Synod Office a\anga dilna Form lachhuakin May ni 26, 2016 ral hma ngeiin Synod Office, Worship Department-ah thehluh tur a ni. May ni 27, 2016-ah seat chang turte hming tarchhuah a ni anga, zir tura thlante chuan May ni 30 & 31, 2016 chhungin Admission tihfel tur a ni ang.

2. June ni 1,2016 a\anga class \an tur a ni ang.

3. Dilnaah mahni awmna Kohhran lehkha thil tel tur a ni.

4. Hriat tur \ul dang chu dilna Form-ah tarlan a ni.

Sd/- (REV. B.SANGTHANGA)

Executive Secretary

i/c Worship Committee

LAWMTHU SAWINA

            Saikhamakawn in kan mamawh em em  Transformer dah tura hma lak a nih a, a dahna hmun turah Pipe a lo awm avangin PHE hotu te sawn turin ngen an ni a, sawn tur hian pipe lei a ngai a, Pu KS Thanga bialtu MLA in pipe min leisak a, tin, a zâwnna tur zawng zawng Pu Zarzoliana’n a tum bawk a. Heng kan khawtlang tana thil min tihsaktute chungah hian Saikhamakawn Local Council chuan thinlung takin lawmthu kan sawi e.

Sd/- (R.BIAKTHANSANGA)

Secretary

Saikhamakawn Local Council

BO CHHAR

            Chabi bawr chhar a ni a, a tibo chuan 8974734735 ah ngaihven  theih a ni e.

  

BIBLE QUIZ LEH HLA KUTPUI PROGRAMME

A hun: 28-29.5.2016

A hmun: Saikhamakawn Kohhran Biak In

Pathianni chawhnu

Hruaitu: Pu Lalremruata (Commt. Member., BK|P)

Thuchah: Pu H.Zothansiama (Commt. Member., BK|P)

Zaipawl: Hlimen Kohhran

Hlimen Damveng Kohhran

Chawhnu inkhawm ban

(Praise and worship)

Hruaitu: Tv. Lalhminghlua (Commt. Member., BK|P)

Praise Group

Leader: Pu Rony Zodingpuia (Commt. Member., BK|P)

Pathianni zan

Hruaitu: Pu Lalduhkima (Asst. Leader, BK|P)

Thuchah: Pastor C.Sapkaia (Bial Chairman)

Quiz result puan leh lawmman sem: Upa C.Lalengzauva {Bial Secy. (Sr.)}

Zaipawl: Bial Zaipawl

Saikhamawkawn Kohhran

Zan inkhawm ban felloship

Hruaitu: Pu C.Lalnunsanga (Commt. Member., BK|P)

Inhmelhriattirna : Bial Zaipawl Member-te

Female Voice: Saikhamakawn Branch

Solo: Lalrempuia, Hlimen Damveng Branch

Female Voice: Melthum Branch

Musical Skit: Hlimen Branch

Female Voice: Hlimen Vengthar Branch

Solo: Pu Reuben Vanlalenkawla, Melthum Branch

Live Band: Hlimen Branch

Group Singing: Saikhamakawn Branch

Live Band: Hlimen Damveng Branch   

TUALCHHÛNG

, Pu R.Lalsangzuala h/o  Lalengpuii (V.Sec) te chuan chhungkaw mamawha hman atan Scooty (Vespa) an lei thar.

, Pi Liansangi w/o C.Zakhuma (V.Sec) chu damlohna avanga Greenwood Hospital-a enkawl anih hnûin alo chhuak.

, Pu J. Thantluanga h/o Rampuii chu Alpha Hospital-a damlohna avânga enkawl anih hnûin alo chhuak.

LAWMTHU SAWINA

            Saikhamakawn Badminton Club te District Badminton Association (DBA), Aizawl South Zone  Tournament-ah Mens Team leh Under 19 (Boys Team) ah te kan chhuak ve a, Mens Team hian ITI Badminton Club hnehin Semi Final-ah Mission Veng Badminton Club te kan hneh zo ta lova, Under 19 (Boys Team) hian Final lutin, he thu buatsaih lai hian result kan hre hman ta lo.

            Hetianga Tournament kan chhuah theih nan mi \hahnemngaite, sum leh pâi a min \anpui a, thâ leh zung sêngtu zawng zawngte chungah leh min Sponsor tu Fancy Electronics-te chungah lawmthu kan sawi tak meuh meuh e. Tin, kan Players leh min \awiâwmtu mipui zawng zawng chungah lawmthu kan sawi a, kan Local Council Members Pu Rochungnunga leh Nl. K.Vanlalruati ten min rawn \awiâwm \hin a, an chungah kan lawm hle bawk.

            Kan hmâah Tournament hrang hrang kan hmachhawn chho leh dawn a, mi \hahnemngai tak tak leh \âwiâwmtu kan mamawh chho zel dawn a, in mi puihna leh \awiâwmna kan han dilin kan inngen bawk e.

Sd/-

(F.LALDINGLIANA)

Secretary

Saikhamakawn Badminton Club

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350

Mipui Aw 22.5.2016

MIPUI AW

KARTIN CHHUAK

Vol. XXII Issue No. 20 Kristian Thalai  Pawl  Saikhamakawn Branch  Pathianni Dt.15.5.2016

Vawiin   changvawn

“Tin, Pathian hmangaihtu, amaha ruat anga a kohvate tan chuan, an thatna turin engkimin a thawhsak hlawm thin tih kan hria;” (Rom 8:28)

KOHHRAN PROGRAMME:

Ni 22.5.2016 (Pathianni)

Chawhma Inkhawm

|antu              : Pi F.Lalrinkimi

Zirlai -na        : “Thlamuantu Thlarau                                   Thianghlim hnathawh”

Chawhnu Inkhawm

Thuhriltu: T.Upa C.Vanlalsanga

                        Zân inkhawm

Thuhriltu: Upa Lalrindika

K|P INKHAWM PROGRAMME

Ni 23.5.2016 (Thawh\anni Z^n)

Hruaitu           : Pu Lalchhandama

|antu              : Tv. Lalramchuana

Thuhriltu       : Pu Lalduhkima

Thilpek lakh- : Nl. Vanlaltlani leh

awmtute               Nl. Babie Lalhmangaihzuali

Zai hruaitute  : Nl.Lalngaihawmi Ralte

(15-30 April)    leh Tv. Lalfakzuala

Key Boardist  : Tv. Vanlaltluanga

KOHHRAN HMEICHHE

 INKHAWM PROGRAMME

Ni 24.5.2016 (Thawhlehni Z^n)

Hruiatu           : Pi R.Zothanmawii

Tantu              : Pi JH Pekmawii

Thuhriltu       : Pi Rokhawli

KOHHRAN PAVALAI PROGRAMME

Ni 26.5.2016 (Ningani zan)

Sharing leh \awng\airual

Hruaitu           : Pu C.lalchhuansanga

|antu              : Pu C.Saienga

Thuhriltu       : Pu Lalduhkima

Thilpek lakhawmtu: Pu Lalthlamuana

Khuangpu      : Pu Vanlal fela leh Pu Lianchia

SERMON

tawngtai  hun  a  ni  e

            “Engah mah mangangsuh u; engkimah tawngtai leh dilin, lawmthu hril tel zelin, induhnate chu Pathian hnenah hriattirin awm zawk rawh se. Tichuan Pathian thlamuanna, rilru reng renga hriat sen loh khan, in thinlung leh in ngaihtuahnate chu Krista Isuaah chuan a vensak ang che u). Phillipi 4: 6,7

            Mihringte hi khawvelah hian harsatnate kan tawk \hin, chung harsatna te kan tawh hian \awng\aina hi beidawn tawpah chauh hian kan hmang fo \hin. Mi pakhat Cancer natna nei hi a awm a, a chhungte leh a vela miten a taksa chu natna chuan a eichhiat zel chu an thlir \hap lai chuan mi pakhat chuan, “Engkim an tih theih ang chu an ti vek tawh, \awng\ai bak chu tihtheih a awm tawh lo” a ti a.

            Mi pakhat ve thung chu buaina namen lo mai a hnathawhna lamah a tawk a. Chu a buaina chu ama tan leh a hnathawhna company te kal zel dan tur a thil pawimawh a ni a. A tawpah chuan heti hian a ti a, “He thil ti fel tur hian ka theih tawp ka chhuah tawh a, tih theih dang ka nei tawh lo. Tunah chuan \awng\ai \an a ngai a ni” a ti.

            A chhunga kan sawi dinhmun pahnih a dingte hian \awng\aina hi an beidawn tawpah an hmang chauh tih kan hmu. Engkim mai mihring a\anga tih theih ang chi zawng zawngin a daih tawh loh chinah chauh \awng\aina in hmun a chang a ni. Beidawn tawpa beiseina neih chhunah kan hmang fo \hin tih a lang chiang hle.

            |awng\aina hi beidawn tawpah chauh kan hmang tur em ni ang? Ni lo ve, a tawpah hmang lovin kan tih tur hmasa ber chu \awng\aina a ni zawk a ni. A letling zawng hian kan hmang fo \hin. Engkim kan tih dawn hian tawngtai hmasak hi kan tihtur zawk a lo ni.

            I Thessolonika 5:17 ah chuan Bang lo \awng\ai turin min ti a ni. Keini chu kan mangan tawpah Pathian hi kan au chauh \hin a, engkimah lawmthu hril tel zela \awng\ai tur kan nih hi kan hre lo va, kan chak loh phaha, kan ro phah \hin a ni. Kan Bible chang tarlanah pawh engahmah mangang lo turin leh engkimah \awng\ai leh dil chungin kan hun kan hmang zawk tur a ni tih min hrilh.

            |awng\aina chang kan hre tawh lo a ni mai thei, kan peih loh lai ber pawhin \awng\ai turin kan Pathian hian min duh a ni. |awng\aina hian thil a ti thei si a.

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

CHAPONA

            Zir mite chuan thil awm \an tirh a\anga sual awm hmasa ber chu chapona hi a ni e; an ti \hin. A chhan chu vân indonaah khan Setana kha a chapona vâng a ni; an tih vângin. Mihring hrim hrim hian engemaw kawng talah hi chuan chapona hi chu kan neih \heuh a rinawm. Kan lo hausa deuh a ni emaw, lehkha kan lo thiam deuh bîk a ni emaw, thiam thil engemaw kan loh neih bîk deuh vângte pawh a ni thei e. Hetiang kawngah hi chuan kan insûm hrâm hrâm \hin pawh a \ha âwm e. Chumai bâkah mimalah mai nilo, a pâwl angte, kohhran leh vêng ang chîah te pawh hian alo chapo theih viau mai bawk. Entirnan: Football Team \ha tak mai kan nei a, kan tum pui apiangte chu kan hneh zêl mai si a, min hneh theitu an awm lo; han tih ang chite. Hetiang chiah hian kan chungah eng pawh lo awmin lo thleng sela, eng dinhmunah pawh ding ila chapova uang mai lovin kan dinhmuna min hruai thlengtu zawk Pathian lam thlir chung zêlin leh tumah hi tla chhe thei lo kan awm lo tih hre reng chungin kan dinhmun \hatna leh dinhmun\hat lâi hian chapo leh uang mai lovin inngaihtlâwmna nun i zir hrâm hrâm zêl ang u.

ARTICLE

SHORT HISTORY OF ROCK MUSIC

            Rock music hi rimawi chikhat, lar chak tak mai, kum 1960 vel bawr a\anga thawm rawn nei lian \an a ni a. Rock and roll, rhythm and blues, country music, folk music, jazz leh classical music kaihkawp a ni. Rock band emaw, rock group ah emaw chuan a lo berah mi pathum emaw pali an ni \hin a. Lead guitarist, bass guitarist, lead singer leh drummer te chu rock band tikimtu an ni. Kum1970 hnulam khan soft rock, glam rock, heavy metal, hard rock, progressive rock leh punk rock te chu a piang a. 1980 hnulamah new wave, hardcore punk leh alternative rock te a rawn piang ve leh a. 1990 hnulam khan grunge, Britpop, indie rock leh nu metal te a pian belh ve leh bawk.

A bul atangin (1940s-1960s):1950s velah Chuck Berry a rawn lar chho a, ‘60s rawn inher chhoh chuan Chuck Berry ngaisangtute zinga mi Rolling Stones chuan rimawi chi thar hmangin khawvel an rawn tuam \an a.

Rock Music darh chho (1970s) : Rock music chuan rimawi ngainatute thinlung a luah hneh tawh hle a, hetiang taka mi a hneh avang hian band pawh an pung chak hle mai a. 1970s chho khan Led Zeppelin an rawn inlar a, a hmaa rock music kalphung kha rawn thlak danglamin hard rock leh heavy metal hmangin ram an rawn la \an a. Hetih lai vel tho hian Pink Floyd chuan rock music chi dang leh, psychedelic rock chu khawvel hmaah an rawn phochhuak ve bawk a. 1970s chho ah hian ‘hippie band’ Sex Pistols te chu rawn dingin rimawi ring deuh mai, midangte na taka nawr thei hla thu nen punk rock bul an rawn \an ve leh a. Hemi chhung zawng hian Industrial rock hi chu a dang angin lar hluai lo mahse an kal chho ve reng a. Rock ngainatute chuan Deep Purple, Led Zeppelin, Black Sabbath leh Judas Priest chu an atchilh nghet tlat tawh mai a ni.

Rock Music a in\hensawm (1980s) : 1980s ah hian kan ramah pawh kan lo hmelhriat em em, heavy metal chu a rawn lar hle mai a. British band Iron Maiden leh Def Leppard te chuan rimawi danglam tak mai hmangin rimawi ngainatute an rawn run a. Van Halen, Metallica, Megadeth te chu hahipa sawi an ni a.

Glam metal (1980s) : 1980s a inher chhuah chuan rock music style dik tak leh glam look an tih mai chu rawn chawhpawlhin Queen chuan mi hriat a hlawh viau a. A vocalist Freddie hi sex hman pawlawh vanga HIV/AIDS kai a ni a, 1987 Easter khan a inhre tawh a mahse a negative angin a sawi a ni. Khatih hun lai khan HIV/AIDS vei te hian enhranna an tawk nasa hle a, hei vang hian Freddie pawh a inpuang duh lawk lova. A chhan pawh a chhungte’n endawng an hlauh a venthawn vang a ni. Chanchinbu lam chuan a damloh thu an chhuah chuai chuai a. A tawpah chuan statement a siam ta. November ni 24, 1991 a ni. Freddie chuan AIDS a vei thu a puang a, “Tunah chuan he natna hi ka fans te zawng zawng in do let turin ka duh a ni, thudik in hriat a hun tawh a ni tiin a sawi a ni. A taksa sipai te chu an chhe tawh hle a, natna an do thei tawh lova hemi tuk November 24 ah hritlang awmna vangin a boral ta a ni. Motley Crue, Ratt, Quiet Riot, Guns N’ Roses, Warrant, Poison, L.A. Guns, Faster Pussycat, Twisted Sister leh band dang tam tak te chuan 1987 vel a\angin thawm an rawn nei lian hle a. Sam sei tak, \henkhat chu thur deuh bem bum an put bakah make-up an hmang nasa a, an thawmhnaw pawh mi mit la thei tur ber, leather, jeans tih vel an inbel nasa hle.

Rock Music pianthar lehna (1990s) :Kum 1991 khan Nirvana chuan ‘Nevermind’ album an tichhuak a, alternative rock chu a alh chho ta hluai mai a. Hemi rual hian grunge rock an tih mai, hard rock leh punk rock inpawlh chu a rawn lar chho a, hetiang lam auchhuahpuitu Soundgarden te chuan rimawi khawvel chu an al hneh hle mai a. Nirvana dintu Kurt Cobain chu a intihhlum tak avangin alternative rock pawh hian thawm a nei chau nghal vat a, rock music kalphung pangngai chuan rimawi khawvelah thawm a rawn neih len leh phah a. Limp Bizkit chuan hard rock leh rap inpawlh hmangin style thar danglam tak mai an rawn larpui a. Red Hot Chili Peppers te chu funk fusion a hriathlawh pawl an ni. Kum zabi 21 na a rawn inher chhuah meuh chuan 60s vel bawra rock ang kha a rawn piang chhuak \ha leh a, mahse an kalphung erawh tunlai rimawi nena kaihkawp a ni tawh thung a. Heng zingah hian Linkin Park chu a langsar pawl an ni a, anni hian hip-hop leh metal an kaikawp a. 3 Doors Down chuan hard rock lam kalpui chungin contemporary music chu an telh a, style danglam tak mai an rawn nei a ni.

BENG TIVÂR

MIZORAM CHHIARPUI HMASA PATHUM CHANCHIN

           

            Kum 1901 ah Mizoram chhiarpui (Public Census) hmasa ber neih a ni a. He tih lai hian Mizo zingah lehkha thiam an la tam lo hle a, khawchhiar tur pawh an la tam lo hle a ni. Khawchhiar tur pawh Aizawl leh Lunglei ah an ko khawm a, lehkha an zirtir chawp a, a \hente phei chu lehkha chhiar leh ziak thlengin an zir tir a ni. He mi \um a Mizoram chhiarpui neih dan chu, hetiang hi a ni:

(1) Mizoram a khaw awm zawng zawng 239,

(2) In awm zawng zawng 15668,

(3) Mihring awm zawng zawng 82434 a ni.

(1) Lusei awm zawng zawng mi 36332

(2) Pawi awm zawng zawng mi 15038

(3) Ralte awm zawng zawng mi 13827

(4) Hmar awm zawng zawng mi 10411

(5) Paihte awm zawng zawng mi 2870

(6) Midang awm zawng zawng 3955

SAKHAW LAM :

(1) Ramhuai bia 78659

(2) Hindu sakhua 3373

(3) Muslim sakhua 202

(4) Bhudish sakhua 137

(5) Kristian 45

(6) Sikh 25

* Mizo mipa lehkha thiam zawng zawng 736

* Hmeichhia lehkha thiam zawng zawng 25

            Tin, Mizoram Hmeithai awm zawng zawng 6734,Mi â awm zawng zawng 222. Piangsual awm zawng zawng 514.

            Kum 1911 ah Chhiarpui vawi-2 na neih a ni a, Bawrhsap W.M.Kenedy niin lehkha thiam pawh an tam ve ta. Mizoram mipui zawng zawng 91204. Kristian 2461 leh lehkha thiam 3635 an ni.Hemi kum hi Mizoram ah mau tam a ni a. He mi kum a\ang hian Mizo ten sumdawn an ching ve \an ta. Sairang khua chu Lawnga thlen avangin sumdawnna hmun \ha tak a ni.

            Kum 1921 ah Chhiarpui vawi thumna a ni a. Bawrhsap chu W.L.Scott (B.Sc., M.A ) a ni a. Mi \ha leh fel tak a ni a. Mizoram bawrhsap zinga kai sang ber a ni a, Shillong ah Assam Governor Councillor a kai a, chumi hnuah ‘Sir’(Knight) kai in rei vak lo chu Governor ah a \ang nghe nghe. Kum 1921 ah chuan Mizoram mi zawng zawng 98406,Kristian 27720,lehkha thiam 6183 an ni. Kristian an pung hle a ,chhiarpui hmasa aiin 25259 in an pung a ni.

            Kum 1931 ah Chhiarpui hi thil mak tak a ni. Kristian leh lehkhathiam an pung nasa a, hetih laia Bawrhsap chu Helme sap a ni. Mizoram mi 124404 an tlinga,Kristian 59123,lehkha thiam 13320.Chhiarpui hmasa aiin Kristian 31403 in an punga,lehkha thiam pawh 9137 in an pung bawk a ni.

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

SAIKHAMAKAWN

BASKETBALL CLUB

            Ni 20.5.2016 (Zirtawpni) zan dar 7:00 pm khan YMA R<n ah kan vengchhunga a hmasa ber atan Saikhamakawn Basketball Club din a ni a, hemi zan hian hruaitu inthlang nghalin, heng mite hi hruaitu atana thlan chhuah te an ni:

President: Pu Lalzokima

Vice President:

            Tv. Michael Lalrinhlua

Secretary:  Tv. P. Lalnunsanga

Asst. Secretary:  Tv. Lalhlimawma

Treasurer:   Tv. Zorammuana 

            Tin, vengchhung mipui tupawh Club a member ni duh tan kum khat chhung atan membership fee Rs. 20/- a ni a, membership fee hi heng a hnuaia mite hnenah hian pek theih reng a ni e.

Vanapa Sec: Tv. Zorammuana

Taitesena Sec: Pu Lalzokima

Chawngbawla Sec:

Tv. P.Lalnunsamga

NEICC INKHAWMPUI VAWI 77-NA

            May 19 - 22, 2016 chhung hian North East India Christian Council (NEICC) Session 77-na, Second Biennial Session ni bawk chu Baptist Church of Mizoram, Serkawn, Lunglei-ah neih mek a ni a, thupui chu "Christian Presence in the world" a ni.

            Zirtawpni (May 20, 2016) nilengin Standing Committee meeting a awm a, zantin vantlang Pathian Biak Inkhawm a awm. Inrinni(May 21) zan atangin Thupui ngaihthlak a ni a, Pathianni (May 22) zanah President kalchhuak Rev. Zosangliana Colney, Mizoram Synod hnen atangin Valedictory Sermon ngaihthlak a ni bawk ang.  Tuna NEICC hruaitute chu-

1. President : Rev. Zosangliana Colney, Mizoram Synod

 2. Vice President :  Rev. Khongir,  KJP Synod Sepng & Rev. Dr. Solomon Rongpi  CBCNEI (Council of Baptist Church in North East India)

3. Secretary            :    Rev. R. Lalnunzira Baptist Church of Mizoram

4. Treasurer            :    Elder Lyngkhoi KJP Synod Mihngi

|AWNG|AI RUAL DAWN

            Vawiin ni 22.5.2016 (Pathianni) Chawhnu Inkhawm ban hian  Ni 28-29.5.2016 (Inrinni leh Pathianni) lo awm tura Hlimen Pastor Bial Kristian|halai Pawl Bilbe Quiz leh Hla K<tpui lo awm tur atan K|P member te Biak Inah \awng\ai rualna nei tur a ni a, member te a tam thei ang ber tel turin kan inngen in kan inhriattir a ni e. He hun hi Pu Lalduhkima kan Branch Leader in min kaihruai ang.

Sd/-

(P.C  VANLALHRIATPUIA)

Secretary

K|P Saikhamakawn Branch

KOHHRAN MIPUITE SAWMNA

            Karleh ni 28.5.2016 (Inrinni) zan a\anga ni 29.5.2016 (Pathianni) lo awm turah hian Hlimen Pastor Bial Kristian |halai Pawl chuan kan Kohhranah Bible Quiz leh Hla K<tpui a hmang dawn a. Kohhran mipuite a tam thei ang ber hemi hunah hian min tel pui turin kan ngenin kan sawm a che u. 

  

MUSIC ZIR THEIH

            Synod Music School hnuaiah a hnuaia tarlan ang hian Tonic Solfa leh Staff Notation June-August 2016 chhunga zir duhte tan seat dil theih a ni a. Dil duh te chuan a hnuaia tarlan te hi hriat nise:

1) Worship Department Synod Office a\angin dilna form la chhuakin May ni 26,2016 ral hma ngeiin Synod Office, Worship Department ah thehluh tur a ni. May ni 27, 2016 ah seat chang turte hming tarchhuah a ni ang a, zir tura thlan te chuan May ni 30 leh 31 chhungin Admission tih fel tur a ni ang.

2) June ni 1,2016 a\anag class \an tur a ni ang.

3) Dilna ah mahni awmna Kohhran lehkha thil tel tur a ni.

4) Hriat tur \ul dang chu dilna form ah tarlan a ni.

Sd/-

(REV. P.C PACHHUNGA)

Executive Secretary

i/c Worship Committee    

TUALCHHÛNG

,      Pi Lalrammawii (Seni) w/o Pu Lalpianthanga (Ch.Sec) chu damlohna avangin New Life Hospital ah enkawl mek a ni. 

, Pi Liansangi w/o Pu C.Zakhuma (V.Sec) chu Falkawn Hospital a enkawl a nih hnuin a lo chhuak. 

,   Pu Vanlalfala h/o Pi Vanlalzawmi (Ch.Sec) chu zai avangin Falkawn Hospital ah enkawl mek a ni.

,         Pi Lalngaihawmi (Awmtei) w/o Pu Lalbiakthanga (V.Sec) te chuan a pathumna atan fapa an nei thar.

LAWMTHU SAWINA

            Kohhran Pavalai Pawl, Saikhamakawn in sumtuak nan ni 14thMay, 2016 (Inrinni) a arsa kan zawrh, tlawmngaia min dawrtute zawng zawng chungah khan Pathian hmingin lawmthu kan sawi tak meuh meuh a ni.

            Hming ziak sa tawh chang ve ta lote chungah pawh khan ngaihdam kan dil nghal bawk e.

Sd/-

(LALRINPUIA)

Secretary Kohhran Pavalai Pawl

HRIATTIRNA

            Kum 2016 YMA Day chu

keini Branch YMA chuan ropui takin hman a tum a. Infiamna chi hrang hrang a hun hman tur a ni a. Day hi June ni 13 (Thawh\anni) a\anga June ni 15 (Nilaini) chhung hman tur a ni a. Tin June ni 1 (Nilaini) a\anga ni 15 (Nilaini) hi YMA Saikhamakawn Branch chuan Faina hunah a puang a. Hemi hun chhung hian vengchhung chhung tin te mahni In leh a v>l ti fai \heuh turin kan inngenin kan inhriattir a ni e.

Sd/-

(C.LALDAWNGLIANA)

Secretary

YMA Saikhamakawn Branch

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350