Mipui Aw 26.6.2016

MIPUI AW

KARTIN CHHUAK

Vol. XXII Issue No. 26 Kristian Thalai  Pawl  Saikhamakawn Branch  Pathianni Dt.26.6.2016

KOHHRAN PROGRAMME:

26.6.2016 (Pathianni)

Chawhma Inkhawm

|antu              : Pi Lalhmunruati

Zirlai 23-na    : “Kohhran \iak tir tana Thlarau Thianghlim hlutna”

Chawhnu Inkhawm

Thuhriltu: Upa Lallawmchhunga

                        Zân inkhawm

            Thuhriltu: Pu Khawlhmingliana

K|P INKHAWM PROGRAMME

27.6.2016 (Thawh\anni Z^n)

            Tlangnuam ‘S’ Branch in min rawn tlawh ang.

Hruaitu           : Pu Lalduhkima

|antu              : Nl. H. Lalhriatpuii

(Tlangnuam ‘S’ branch)

Report                        : Branch Secretary-te pahnih

Thuhriltu       : Tv. P.C. Lalruatfela

(Leader Tlangnuam ‘S’ Branch)

Thilpek lakh- : Nl. Lalmuanpuii leh Nl.        awmtute            Lalremtluangi

(Saikhamakawn Branch)

Zai hruaitute  : Tv. Ricky Lalrinkima

Musician         : Music Sub Committee           (Saikhamakawn Branch)

Inkhawm Ban Fellowship Programme

Hruaitu           : Pu Eddie R. Rothangpuia

(Asst. Leader Tlangnuam ‘S’ Branch)

Thusawi tawi             : Pu R. Lalmuanpuia

(Asst.Leader Saikhamakawn Branch)

Special item    : Quartet,

                        Solo  (Tlangnuam ‘S’ Branch)

                        Shadow Dance,

Female Voice (Saikhamakawn Branch)

            Ei leh in a awm bawk ang.

KOHHRAN  HMEICHHE INKHAWM  PROGRAMME

28.6.2016 (Thawhlehni Z^n)

Hruaitu           : Pi Lalhmangaihi

|antu              : Pi Lalnunfimi

Thuhriltu       : Pi Sanghluni

SERMON

I DINTHAR LEH ANG U

“Kan chan a chhiat zia hi inhmu a, Jerusalem a ram tihte , a kawngkharte a kâng tihte pawh inhria a: hawh u, sawichhiat kan nih tawh loh nân Jerusalem kulh chu i din leh ang u.”                                                                 - Nehemia 2:17

            Nehemian lungngâi taka lal hnênah a intur no a hlan lâi khân lal chuan, “I damlo pawh a ni si lo a, engtizia nge lungngâi hmêl i put chu le? Thil dang a ni lovang, i rilru lam a lungngâi a nih hi maw,” tiin a zawt anih kha. Lungngâi chunga lal no hlan chu thil tih chi loh tawp tur a ni a. Mahse a ngâi si a. Keini pawh lungngâi chungin kan Lalpa kan pâwl fo \hin. Chu kan lungngaihna chu Nehemia ang hi a ni vek kher lovang. Lalpa chuan hlim taka lêngdun tura min duh lâiin; Amah kan hlatin, beidawnna khurah kan lut leh fo thin. Tichuan, a hnênah tlu lûtin Lalpa kan au chiam \hin. Kan thinlunga Jerusalem kulh chim, kâng chhe thawhte hi siam\hat duh tak takna nên Lalpa hnênah kan  tlu lût \hin em? Nehemia ang a; siam\hat duh tak takna thinlung nên Lalpa hi pan ila, Ani chuan min \anpui a hreh loh kha, kan tawrhnate pawh A lam kan hnaih theihna tur atân leh min siam\hatna tur a hmanrua a ni thei a ni.

            Kan lungngaih kan mangannate hi kan chhungkua vângte pawh a ni thei a, kohhran a kan rawngbâwlpui leh kan kohhran kan vei êm vângte pawh a ni thei e. Lal hnênah in tur no a hlan dawnin a thianghlim leh a thianghlim loh fiah nân Nehemia khân a in hmasa \hin a. Chumi hnûah lal hnênah a hlân chauh \hin anih kha. Chutiang deuh chuan kan mangannate Lalpa hnên kan thlenin, thlen tlâk a ni em? tih ngaihtuah chungin Lalpa hnên i thlen \hin ang u. Nehemia kha amah ngêi kal a, siam\hat hnâ chu thawk turin a kal a, a mamawh leh \ul ang zawng zawng pawh lal hnênah  a thlen a; pêkâ a awm ang khân, kan Lalpa hian thinlung lungchhia leh inchhir ngawih ngawiha A lam hawite; a thlahthlam ngai lo a ni tih i hre thar leh ang u. Keini pawh kei mahni ngêi kan chêt ve a ngâi a, theih tâwp chhuah a  kan thawh hnûah Lalpan min pui chauh dawn a ni tih i hre thar leh ang u.

            Israel faten Nehemia hova Jerusalem kulh siam\hat hnâ an thawh lâi khân sawichhiatna leh hmelmate beihna  kârah; an tlangval zatve ten fei, thal leh khandaih hmangin  an vêng reng a, kulh siam\hat hnâ thawktute ngêi pawhin khandaih an pâi \heuh anih kha. Keini  pawh kan chhungkua , kohhran leh kei mahni thinlung ngêi siam\hat hnâ kan thawk dawn tak tak anih chuan; kan kâwng chu thutaka hrêngin, felna âwmphaw chu hain, remna chanchin \ha inbuatsaihna chu kan ke a bunin kan indin thar leh thei ang. Chûlopawh chu rinna phaw chu la a, chumi chuan misual thal alhthei zawng zawng a timit thei tih ( Ephesi 6: 14-16 ) kan hriat kha. Hawh u, sawichhiat a kan awm tawh loh nân kan thinlung, kan chhungkua leh kohhran a, Jerusalem kulh chim leh kâng chhe tawh hi i din thar leh ang u.

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

                                    ALAN DÂN ANG A NI VEK LO

            Pa pakhat chu kawrchung Suit nên, Khiangkâwi ipte-a Pathian Lehkhabu Thianghlim leh Kristian hla bu ak chungin alo kal phei a, Biakin lam a pan han hmuh chuan Pathian thu awih tak, sualna nei lo leh mifel famkim hmuhin kan lo hmu \hin, zaidam, nêlawm leh \anpui ngâite \anpui \hin niin a lang a ni. A thupuia kan hman ang chiah hian, thil rêng rêng hi alan dân ang a ni vek kher \hin lo. Pathian thu chu alo awih pawh a ni mai thei e, amaherawhchu kan Pathian thuin a sawi angin, tumah hi mifel tak rêng kan awm si lova, sualna neilo mihring pawh hi kan vâng viau âwm e, a tlin lohna leh a fel tâwk lohna sawi tur pawh a awm \euhin a rinawm. Chutiang ang deuh chiahin mi pakhat alo kal leh a, a T-Shirt hâkah chuan Rock Band pakhat hming leh thlalâk, râng reih ruaihin a chuang a, Jeans kekawr fual taka hâin a khup a \et hnuang bawk a, Converse da tawh lampang hi a rawn bun bawk a, amaherawhchu kawm a nuamin a zaidam a, a neih ang ang chu \anpui ngâite bâwm dawhah chuan a rawn thlâk leh thung si. Thil hi a lan dân ang anih vek kher loh avangin. Amaherawhchu a lan dân ang hi chu engemaw chenah hi chuan a ni ve ngêi bawk \hin. Chuvangchuan thil kan teh hian a lan dân lam a\anga teh mai lovin, a nihna tak hmuhfiah a\ang hian teh kawp i tum \hin ang u.

ARTICLE

ATLANTIS- THAWNTHU NGE THIL AWM TAK TAK?

            Atlantis chungchang ziak tu chu Greek philosopher Plato a ni a, a, kum 360 BC a thuziah “Timaeus and Critias” ah a tarlang a ni. Kum 11,000 kal ta khan Atlantic tuifinriat lai tak Pillar of Hercules bulah thliarkar ram pakhat a awm a, chu thliarkarah chu mifing leh mithiltithei tak tak hlir awmna a ni tiin Palto hian a ziak a ni. He thliarkara mihring chengte hian leilung hausakna tam tak chu he thlairkar chhungah hian an nei vek a ni. He thliarkar hi insumdawn tawnna hmunpui pawimawh tak a ni a. Atlantis thliarkar hi a awm tak tak nge thawnthu mai tih inhnialna tam tak a awm \hin. Mi tam takin an rin dan chuan Atlantis hi thawnthu mai niin Plato khan politics chungchanga  chungchanga a ngaihdan tehkhinna nana a duan chhuah mai mai niin an sawi a, \henkhat erawh chuan a awm tak a tak niin an ngai tlat thung a, khuarel chhiatna rapthlak takin  lo thleng thutin a tichhe ta ah an ngai thung a ni.

            Plato-a’n kum 360BC daih tawh a ziah dan chuan Atlantis chu Atlantic tuifinriata  thliarkar thiltithei tak leh hmasawn tak niin a ziak a. Tuna Libya ram leh Turkey belhbawm aia pawhin a lian zawk a, island dang kal pawhna kawng pawimawh tak niin a sawi bawk a ni. Plato hian a thuziah ah hian Atlantis leilung awm dan a sawi lang bawk a; hmar lam chu tlang ram niin, chhim lam chu tupui kam leh phaizawl niin a ziak bawk a ni. Kum 9600BC velah Atlantis chuan Europe khawthlang lam leh Africa a run a, sal ah mi tam tak an man bawk a, Athens a r<n leh a tum a, a hlawhchham tak hnuah he thliarkar hi nikhat thilthuah tuihnuaiah a pil ta niin a ziak a ni. Zir mi leh ziak mi tam tak te chuan Atlantis awmna \hin angaih an in rin siak \hin a, he Plato lehkhabu ziah a\ang hian hmakhawsang thiltithei tak niin an ngai a ni. Hemi chungchang a thil ni thei awma lang chu Plato hian a ziah bawk chu Crete thliarkar a Minoan civilisation leh a bul hnaia thliarkar tho Santorini a ni a, tlangkang nasa takin a chhilh vek niin a ziak a ni.

            Atlantis hi Greek ho tuipui Pathian-Poseidon a thuhnuaia awm niin Plato hian a ziak a. He rathliarkar chhunga tlang chungah hian temple awmin chu chu Poseidon chawmawina leh biakna a ni a, he lai hmuanh hian an roreltute chu dan te, thutlukna te la tur leh chhiah pe tur te in Poseidon hnenah an kal \hin niin a ziak a ni. He thliarkal ah hian an inkal pawhna leh insumdawn tawnna pawh a changkang em em a, an tui lakna chuan a bial zawngin a hual tluan chhuak vek niin Palto hian a ziak a, a bial zau zawng hi m>l 11 vela thui niin a sawi bawk. An khawpui plan pawh a changkang em em a, an khawpui piah lamah chu lei \ha hmun niin m>l 330 laia thui leh m>l 110 a zau a ni a, chu chu tui lakna in a hual leh vek bawk  a ni. A ram chhung chu thei leh thlai leh ramsa ten an ngeih em em a ni. Hun a lo kal zela a tir chuan Atlantis a mi chengte chuan dik leh pangai takin an nung \hin a, mahse chu an nun dan leh khawsak dan chu a lo inthlak tial tial a, duhamna leh thuneihna chuan a rawk zo ta a ni. Chu an sualna chu an pathian Zeus chuan duh lovin a hrem nan lirnghing rapthlak tak leh megatsunami hmangin a hrem ta niin Palo hian a ziak a ni. Mi \henkhat in an rin dan chuan 5000BC khan Black Sea chu a lian vak a, chu chuan a chim pil ta niin an ring a, hei hian Bible a Genesis a tuilet nen khan inkungkaihan thuk tak nei niin an sawi a ni. Atlantis awmna lai awma an rin hi a awm nual a, Meditearranen tupui te leh Antartica lama awm ni ten an ring a, a \hen chuan Carribean bul heng Batabano Bay, Bahamas, leh Bermuda Triangle zawn velah hian awm turah an ngai bawk a ni. |henkhat erawh chuan tuna South America khawmualpui hi ni thei ang ten an ring a, South America map a  Andes tlang awmna lai vel bawr leh Palto in Atlantis Map a ziah nen hian inana tam tak a nei niin an sawi a ni.      

           

BENG TIVÂR

#  South Africa a Alexandria Johannesburg khua chuan an state chhung mi tupawh, sazu 60 man theite hnenah a thlawnin Cell Phone an pe.

#  Philip Osention, Beijing a wine dawra thawk chuan  a kut pakhatin wine no 51 a keng thei.

#  Yang Jinlong, kum 7 mi, pound 150 a rit chuan mihring chuan khatna car a pawt kal thei.

#  Dawt i sawi apiang khan i hnar(nose) kha a sa \hin.

#  Nicole Delien, North Fayeette, a mi hian natna dangdai tak a nei a, \um khatah thla hnih chhungte a muhil \hin.

#Robert Starr, Bumble Bee II, kum 1983 a siam chu khawvelah pilot khalh thlawhtheihna te ber a ni a, a hlai zawng hi feet 5 leh inches 6 chauh a ni.

#  Vei khawrte hi kut dinglam hmang thiamte aiin an dam hun chhung a tawi zawk.

#  February 18, 1983 khan Mexico ram chuan President pathum an nei.

#  Kum 1937 khan khawvela car thlawkthei siam hmasak ber, Waldo Waterman siam, Arrowbile chu a vawikhatna atan a thlawk chhuak.

#  City Montessori School, Lucknow, India a mi chuan zirlai 39, 437 a nei.

# China ram hian College leh University zirlai maktaduai 30 chuang a nei a, hei hi Afghanistan ram mipui aiin an tam zawk.

#  Adelie Penguin pa hian an bu tur chu uluk taka lung an thlan khawm hmangin an siam \hin.

#  April 30, 2012 khan Moscow-a park a a kaltlang laiin, Konstantine Myakush chu a nghawngah infiamnaa thla kah sualin a nghawng a chhun tlang a, mahse a damchhuak.

#Khuai chikhat Sweet  Bees an tihte hian Mihring leh ramsa thlan ngah chite vun pawn lam liakin chi al an lakhawm \hin.

#  Hmarchaa a thakna lai tak hian a eichhetu fungi leh thil dang lakah thlai hi a venghim a ni.

#  Carbonemys Cofrini, tunhnaia an Satel hmuhchhuah thar ‘Coal Turtle’ an tih hi south America ah kum maktaduai 60 liamta khan an cheng \hin a, car te chi tiat thlengin an \hang lian thei a ni.

#  I kiu a\anga i banr>k inkar leh i kephah thui zawng kha a inchen reng.

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

DIRECTORATE  OF LAND REVENUE AND SETTLEMENT,  MIZORAM : AIZAWL

HRIATTIRNA

            Pu Lalrinliana s/o Lalpianga(L) of Saikhamakawn hian a LSC No. 104603/01/169 of 2005, Saikhamakawn veng ami hi a ti bo a rawn insawiin Office-ah re-issue a rawn dil a. A dil anga tihsak a rem lohna tur chhan engpawh hria chuan Chanchinbu a chhuah a\anga ni 30 hma ngeiin a hnuaia address ziakah hian hriattir tur a ni. Hetiang LSC pek chhuah leh alo nih chuan LSC hmasa chu cancel nghal a ni.

Sd/-     Director,

Land Revenue and Settlement

Mizoram : Aizawl

KOHHRAN PAVALAI

PROGRAMME

30.6.2016 (Ningani Zan)

Hruaitu      : Pu T. Lalrinthanga

|antu         : Pu Rinngaihzuala

Khuangpu      : Pu H. Remtluanga & Pu Lalthanliana Ngente

Thilpek Lakhawmtu :

                    Pu Kamzawngliana

Sharing leh \awng\ai ruala hun hman tur a ni ang.

CHATUAN RAMAH

            Pi Saihnuni (80) chuan ni 22.6.2016 (Nilaini) khan chatuan ram min lo pan san ta a, Mipui Aw Editorial Board te chuan thinlung takin kan tawrhpuia, a kalsan tak a chhungte Lalpa’n vengin awmpui zel rawh se tih hi kan \awng\aina a ni e.

LOCAL COUNCIL HRIATTIRNA

            Electric Bill complain tur chuan thla thar ni 15 hma-in complaint an ti tur a ni a, ni 15 ral hnuah chuan a siam \hat theih tawh lo va, electric bill complain tur reng reng chuan thla thar ni 15 ral hmaa tih \hin tur a ni e.

            Tin tun thla kal tâa Tui bill  mahni chawi \hin zât aia tam chawi leh complain tur nei te chuan Local Council hriattir tur a ni bawk a ni.  

            Saikhamakawn ram chhunga huan/ram nei tuten ni 27.6.2015 (Thawh\anni)  a\anga ni 16.7.2016 (Inrinni) chhungin kan ram feh kawngin a paltlang te sialfai vek tur a ni a, kawngba hnim alo lian deuh a nih pawhin, hlo râla kâp chuan a hnuh ruang zuah mai lovin an samfai tur a ni. Mahni huan/ram chhûnga kalkawngte ti fai \halo leh ti duh lo an awm anih chuan Local Council in \ha a tih angin hmâ ala ang. He thu chhuah hian Ch>kb^wk lama ram nei leh Ramri lama ram neite a huam vek a ni.

Sd/- R.BIAKTHANSANGA)

Secretary
Saikhamakawn Local Council

BADMINTON CLUB

Saikhamakawn Badminton Club chuan nimin ni 25.6.2015 (Inrinni) khân an Club Rising Day vawi 2-na chu hmangin nilenga infiamna hun hmangin tlaiah chawhlui an kilho nghal bawk.

Tin, hemi ni vêk hian kum 2016 -2017 atâna Club hruaitu tur thlanna neih nghal a ni a, thlan tlin tâkte he thu buatsaih lai hian kan hre hman ta lo.

LAWMTHU SAWINA

            Ni 20.6.2016 (Thawh\anni) a\anga ni 25.6.2016 (Inrinni) chhung khan Kohhran Sunday School Hall ah Pathian mamawhtute nen Pathian pawlna neia riah hona neih a ni a. Hemi hun chhunga sum leh pai leh a \ul anga min \anpuitu te leh \awng\aina a \an min lak pui tute chungah lawmthu kan sawi tak meuh meuh a ni.

            Kohhran Sunday School Hall, eirawngbawlna leh a \ul dang phal taka min hmantirtu Kohhran Committee leh eirawng min bawlsak a, a \ul apiang min puihbawm tu K|P Evangelical Cell te chungah Lalpa hmingin lawmthu kan sawi tak meuh meuh a ni.

Sd/- (C.LALHRUAIA)

Secretary

Moria Group

HRIATTIRNA

            Dt 2.7.2016 (inrinni) hian Taitesena Section, YMA chuan Section Memberte infuihtharna hun, Holiday palace, Sihhmuiah a nei dawn a, hemi ni atan hian ei leh in leh bus kalna tur ngaihtuah a ngaih dawn avangin member kal duh turte chu ni 29.6.2016 (Nilaini) ral hma ngeiin Pu Zonunsiama Ralte (Secy.) leh Nl. Lalhruaitluangi (Tre.) te hnenah inreport tur a ni e.

Sd/-  (ZONUNSIAMA)

Secretary

Taitesena Section, YMA

TUALCHHÛNG

,  Pu Ramdinsanga h/o Lalsangliani (V.Sec) te chuan chhungkaw mamawha hman atan Bike (Splendor) thar an lei.

,  Pu Khualkunga h/o Lal\anpuii (V.Sec) te chuan chhungkaw mamawha hman atan Bike (FZ) thar an lei.

,  Pi Zosangpuii w/o Lalrinkima (Ch.Sec) chu BN Hospital a zai a nih hnûin alo chhuak.

ADMISSION NOTICE

            Kumin 2016 July thla a\ang hian University Grant Commission (UGC) hnuaia Pa khâwi zirna (Diploma Course in Mushroom Cultivation) Batch 2-na chu Pachhunga University College ah \an a ni leh dawn a. Pawl 12 pass chin, a duh apiang tan dil theih a ni. Mi 50 tan seat a awm a, a zir hun chhung hi kum khat niin, thlatin stipend Rs.1000/- pek an ni ang.  Dilna form hi office hun chhungin office-ah lam theih a ni. Dilna hi June ni 30, 2016 hmaa thehluh tur a ni. Hrechiang duh tan 8974287073/9862013567 ah te hian zawh chian theih a ni e.

Sd/-

(TAWNENGA)

Principal

Pachhunga University College

Euro 2016 Round of 16 a intum turte leh khelh hun tur:

(w.e.f. today)

Crotia vs Portugal

(26 june, 12:30 a.m)

France vs Rep. of Ireland

(26 june, 6:30 p.m)

Germany vs Slovakia

(26 june, 9:30 p.m)

Hungary vs Belgium

(27 june, 12:30 a.m)

Italy vs Spain

(27 june, 9:30 p.m)

England vs Iceland

(28 june, 12:30 a.m)

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350

Mipui Aw 19.6.2015

MIPUI AW

KARTIN CHHUAK

Vol. XXII Issue No. 25 Kristian Thalai  Pawl  Saikhamakawn Branch  Pathianni Dt.19.6.2016

Vawiin   changvawn

 Thlarau lama thehtu erawh chuan Thlarauva mi chatuana nunna a seng dawn a ni. (Galatia 6:8)

KOHHRAN PROGRAMME:

Ni 19.6.2016 (Pathianni)

Chawhma Inkhawm

|antu              : Pi Sangchhingpuii

Zirlai -22 na   : “ Thlarau Thianghlim                                      hnathawh kal zel”

Chawhnu Inkhawm

Thuhriltu: Upa Zairemthanga

                        Zân inkhawm

(Rualbanlo te Ni)

Thupui: Isua-Rualbanlo te hmangaihtu

Thuhriltu: Pu Siamliana

K|P INKHAWM PROGRAMME

Ni 20.6.2016 (Thawh\anni Z^n)

Kumpuan thupui zir

Hruaitu           : Pu Lalremruata

|antu              : Tv. T.Lalengmawia (Puia)

Thupui                       : “Pathian nena len dun”

Hawngtu        :  Tv.C.Lalmuanawma

Zai hruaitute  : Tv.Lalhmangaiha

(16-30 June)     leh Tv.Nathan Lalzuisanga

Keyboardist   : Tv.Zoliankima

KOHHRAN HMEICHHE

 INKHAWM PROGRAMME

Ni 21.6.2016 (Thawhleh Z^n)

Hruaitu           : Pi Ropari

|antu              : Pi Lalchhuanawmi

Thuhriltu       : Pi Lalngaii

KOHHRAN PAVALAI PROGRAMME (Ni 23.6.2016 )

(Sharing leh \awng\ai rual)

Hruaitu           : Pu T.Lalrinthanga

|antu              : Pu Lalthlamuana

Khuangpu      : Pu H.Remtluanga leh

                          Pu Lalthanliana Ngente

Thilpek lakhawmtu: Pu Kamzawngliana

Pavalai Fellowship programme - Page 4 ah

SERMON

MALSAWMNA

“He rilru, Krista Isua pawha awm bawk kha, nangmahniah awm rawh se; ani zawngin Pathian anga awma Pathian tluka awm chu thil thlakhlelh hleih theihah a ruat lo va, mihringte anga lo piangin, bawih angah a insiam ta zawk a, amah leh amah a intitlawm ta zawk a.” (Philipi 2:5-7)

            Khawvel hmun hrang hrangah hian pawisa hi thiltihtheihna a ni tiin pawisa buaiin kan buai nuai nuai a. Pawisa hmangin ka thil duh zawng kan lei a, kan duh hrang hrangte kan ti \hinin, thawmhnaw te, lirtheite leh thil dang dang lei nan kan hmang \hin. Khawvel hnamzia a pawisa ngaina hnam chuan Lal Isua rinna kawngah harsatna an tawk fo \hin. A \hen chuan pawisa hi chhungkaw rorelnan an hmang a, pawisa pek duh lohah te invauin sawrkar pawhin thuneihna te neih an tum \hin. An duh dan anga midang an awm tir theihnan pawisa an hmang \hin.

            Lal Isua nen chuan kan va danglam \hin em! Ani chuan natna chungah thuneihna a nei a, midangte a tidam \hin. Thli leh tuifawn chungah thu a nei a, hlauhna ata chhandamnan a hmang a, thil siam theihna a nei a midang ril\am te tihpuarnan a hmang a. Sual chungah thuneihna a nei a, midangte a ngaidam \hin. Ama nunna chungah ngei pawh thuneihna a nei a, mahse chhandam kan nih theihnan a nun min hlan a ni.

            Lal Isua chuan thuneihna zawng zawng a nei a, ama tan hmang lovin midangte tan a hmang zawk \hin. A zirtirten zanriah hnuhnung an kil lai khan ‘LALPA’ tiin an ko a, mahse kha tah khan amah chauh chhiahhlawh a awm si, a zirtirte ke a sil sak vek a nih kha.Keini nen chuan kan inang lo \hin hle mai. Kan pawisa neih tlemte pawh kan ui a, kan tih theih tlemte pawh ka ti peih lo va, a ti peih leh thawk hram hram te kan la sawisel duh hial \hin. Chutiang mihring chu kan ni, thlak danglam kan va ngai em.

            Keini ngei pawhin kan nun hluite kan kalsan a hun tak zet zet a ni. Lal Isua anga kan awm theihnan Thlarau Thianghlim hi kan auh reng a pawimawh a ni. Rawngbawltute pawh chhiahhlawh nun kan neih a ngai. Midangte leh kan member te tan rawngbawltu kan ni, thuneihna kan chan hi midangte tan malsawmna nise a va duhawm dawn em! Mahni in tih len nan mai te, mahni \anghma hai nan mai te, mahni duh dan kal tlang pui nan te a hmang mai lovin, midangte tan i hmang zawk ang u. Chu chu Lal Isua duh dan pawh a nih a rinawm a ni.

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

                                    Mipui Aw, Kristian |halai Pawl chanchinbu hi kum 21 lai kan lo chhuah ve ta reng mai. Hun hmasa lamah K|P hruaitute inpekna zarah Typewriter-a chhu chawp in, Cyclostyle in zankhua deuhthaw in her chawp a ni \hin. A hun lai khan an hah thei hle awm e. Rawngbawlna a ngaiin a buaipui tute’n hah taka an lo buaipui tawhna zar zovin vawiin ni ah chuan hahdam takin kan lo chhuah thei ta a.

            Tun hma lam deuh kha chuan tualchhung ah chanchinbu dang a chhuak ve \hin a. Kohhran |halai chanchinbu a nihna angin Kohhran chanchin leh hun ruat chauh atan hman a ni \hin. Tun hnaiah erawh vengchhungah chanchinbu chhuak dang a awm remchan rih takloh avangin veng chanchinthar leh Fakna (Advertisement) lam pawh chhuah a ni zel a. |henkhat chuan K|P chanchinbu a ni si a, tiin a chhung thu pawh tlemin khuahkhirh na chen nei mahse, vengchhung chanchinbu anga ngaih anih avangin, duh anga khuahkhirh theih lohna chen a awm a, chutiangah chuan Kohhran mi \henkhat te ngaihhnathiamna te pawh kan han dil nghal nise. Engemaw chang chuan mipuite chhiar duhzawng tak Article Kohhran thil ni lemlo te pawh zeh tel a ni \hin a, Branch \henkhat te chanchinbu chhuah dan nen inang lohna tamtak a awm a, chhiartuten engemaw chen ah hriatthiamna nena kan en deuh a ngai rih a nih hmel.

ARTICLE

AREA 51 LEH ALIENS TEN INZAWMNA AN NEI EM?

            Khawvel ah hian hmun danglam leh thupruk chi hrang hrang a awm a, chung zinga lar pawl tak chu Area 51 hi a ni a. Area 51 hi khawvela thil mak hriatthiam loh leh thuruk mipui vantlang hriat thiang loh awmna nia sawi a ni a. Area 51 hi United States a Nevada thlaler a awm niin, sipai inkulhna hmun pakhat a ni a, kum 1951 ah din a ni a, US sawrkar hnuaia mi niin, Air Force ho in an enkawl a ni a, nuclear, missile leh ralthuam chi hrang hrang an enchhina hmun leh an siamchhuahna hmun pakhat a ni. Area 51 hi a hming dik tak chu Homey Airport a ni a, a chang chuan Groom Lake tih a ni bawk a, he Area 51 tih hi chu Central Intelligence Agency a\anga a lan dan chuan Vietnam War laia a put tak niin an sawi. Hming chi hrang hrang neiin chung te chu Paradise Ranch, Home Base leh Watertown tih te a ni.  Area 51 hian chanchin mak dang dai tak tak a nei a, he hmuna an ralthuam leh an thil siamchhuah enchhinna reng reng hi a ruk thei ang ber a enchhin vek a ni. A chhan chu mi tam tak hian helai hmunah hian Palnet dang a\anga rawn kal Aliens te nen inzawmna an nei niin an sawi \hin a ni. Hun rei tak chhung chu US sawrkar hian Area 51 awm thu hi a thup tlat a, tichuan August ni 15, 2013 khan Central Intelligence Agency chuan Area 51 awm thu hi a vawikhat nan a puangzar ta chau a ni. Area 51 hian thuruk mak tak tak mipuite hnena puanzar thiang loh chi hrang hrang neiin sawi \hin a ni a, chung te chu:

1) He hmunah hian mi tam tak chuan van lamah eng mak tak leh dang dai tak zanah a awm \hin niin an sawi, an sawi zel dan chuan he hmun chung van a eng rawn awm \hin hi mihring siamchawp leh thlawhna a\anga eng rawn chhuak a ni thei lo an ti a ni.

2) He hmun hi US sawrkar hian khaw awm dan thunun theihna leh khuahkhirhna (weather control) hmun ni a sawi a ni.

3) He hmunah hian US sawrkar hian duh duh kaltlang theihna (teleportation) technology an siam thei niin an sawi.

4) He hmunah hian Alien te UFO dah\hatna hmun ni a sawi a ni.

5) Aliens thi tawh te UFO chesual avanga leia rawn tla te ruang dah\hatna leh lo zir chianna hmun a sawi a ni a.

6)Aliens te leh US sawrkar hnathawh hona hmunpui a sawi a ni.

7) He hmun a\ang hian mihring leh Aliens thlapawlh an siamchhauk niin an sawi.

8) He hmun hi US sawrkar hian hun pawhsei theihna leh tih tawi theihna duanchhuahna atan a hmang nia sawi a ni.

8) He hmun hi US sawrkar in thahrui hmang ralthuam changkang ber ber a siamchhuahna hmun a sawi a ni.

9) An sawi zel dan chuan he hmun hi US sawrkar chuan mihringin a hmuh theih loh leh a thliar hran theih loh hmanraw changkang tak tak a siamchhuahna atan an hmang ni a sawi a ni.

10) He hmun hi US sawrkar in khawvela sawrkar pakhat (one world government) duan chhuahna tana a hmang \angkai hle a sawi a ni.

11) Heng bakah hian he Area 51 lei hnuaiah hian rail kawng changtlung taka siam niin chu rel kawng chuan North America khawmual pumpui hi a pawh in a tantlang vek niin an sawi bawk a ni.

            Heng bakah hian kan sawi tawh angin Area 51 leh Aliens/UFO nena inzawmna thuk tak an nei niin kan sawi tawh kha. Hemi chungchang hi mit ngei a hmu a insawi pawh an awm a. He hmuan Aliens/UFo te ne  inzawmna an nei tih sawichhuak hmasa ber tu chu he hmuna lo thawk a Scientist lo ni tawh Boyd Bushman a ni a, Boyd hian a thih hma hian a \hianpa aeroscape engineer Mark Patterson hnenah a thil hmuh thu a hrilh a ni.              Mr.Boyd hian Area 51 chungchanga a interviewna video a tihchhuah ah chuan amah chu Alien UFO siam\hatna a engineer a nih thu a sawi a, he hmunah hian Aliens te nen thawk ho in Aliens \henkhat te chu he hmunah hian an thi ve \hin niin a sawi. Mr. Patterson a hrilh zel dan chuan Area 51 a Aliens te hi planet pakhat ‘Quintumnia’a\anga rawn kla niin, chu planet ‘Quintumnia’ chu kan awmna lei a\anga m>l tluklehdingawn 40000 vel a hla a awm niin a sawi. Heng Aliens te hian rawn kal nan hian thlawhna thleng anga bial 38 diameter vela lian an hmang \hin tiin a sawi. Mr. Boyd hian a sawi zel dan chuan Aliens rawn kal \hin te nen hian an in \hian \ha em em a, an hmelma an awm bawk niin a sawi a,heng Aliens sual chi vang hian mi 19 lai chu inven an lo tumna lamah an thih phah niin a a sawi a,Aliens fel chi leh an thawhrualpui te chu ‘Wrangler’an ni a, a sual chi leh an hmelma te chu ‘Rustler’ niin heng ho hi lei a bawng ru bo \hin tute niin a sawi. Boyd chuan Aliens te chu feet 5 hnuailam niin mihring ruangam ang ni ve tho an ni a ti a, an mit te leh an hnar te chu mihring nen danglamna vak a awm lo a, ke zung\ang panga leh kutzung\ang panga nei ve to niin a sawi a, an in pawh nan an inbiak ve a ngai lo a, in be lo in rilru thua inhriat tawn theihna an nei tiin a sawi bawk a ni. Boyd bakah hian midang pawh he Area 51 hmun velah hian UFO hmu \hin an awm nual bawk a.  Kum 2014, July thla khan khualzin pakhat Sandra chuan bus tukverh a\angin he Area 51 awmna hmun Nevada ah hian UFO a hmuh thu leh bus tukverh a\ang hian video a a lo lak thu leh chu video chu a la kal reng thu a sawi. He UFO a hmuh hi a tir chuan sava emaw bawlhhlawh thlawk emaw a ti a, a thlawh chak em avangin enge a nih a chiang thei lo a, a hnuah a video a lak chu a ennawn leh chuan UFO ngei niin a sawi a ni. Scientist pakhat Jason MCClellan pawhin Area 51 ah hian UFO leh Aliens a hmuh thu leh a thlalak te pawh a kawl thu a awi bawk.

            Heng bakah hian kum 71 mi Bruce Burgess, Area 51 a mechanical engineer lo ni tawh \hin in interview a a sawi dan chuan thleng thlawkthei ruangam siam chhuahtu niin a in sawi a, chu a thleng thlawkthei a siam chu UFO chesual palh lei a rawn tla angin a siam \hin thu leh US pilot ten inzirna tan an hmang bawk niin a sawi a, Aliens pakhat a hming ‘J-Rod’a tih nen chuan thawk duh \hinin amah chu Alien te rilru \awng lettu niin  a in sawi bawk a ni.  Kum 2004 khan Dan Burisch chuan Area 51 ah hian Alien ‘J-Rod’ nen hian thawk dunin Alien virus hmanga Alien dang siam chhuak \hin niin a in sawi bawk a ni. He Area 51 tlawh chhan hian film leh docomentary pawh chi hrang hrang siam a lo ni tawh a, chung zinga kan hriat lar em em chu kum 1996 a siam Will Smith channa “Independence Day” kha a ni. He Area 51 a thil chi hrang hrang thleng \hin leh hmuh \hin hian khawvel mipuite beng a verh em em reng a. Tun kum 2016 kum tawp a America President thlanna lo awm turah hian Democartic party Candidate tur Hilary Clinton chuan President a thlan tlin a nih ngat chuan Area 51 a thuruk / thupruk zawng zawng leh Alien/UFO files zawng zawng America mipui hriatah a pholan vek tur thu a sawi ta hem mai a ni.    

BENG TIVÂR

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

KTP  HUANG

ZAIPAWL

            Kohhran Pavalai Pawl, Hlimen Pastor Bial meet vawi 3na chu ni 13-14 August 2016 hian Saikhamakawn Kohhranah neih a ni dawn a, 14/6/2016 Pathian ni zan hian kan Kohhran zaipawlte zai tura sawm leh beisei kan ni a, min beisei ang hian zaipawl neih tum a ni a, a zir hun tur erawh chu Music Sub-Committee ten ruahmanna an rawn siam ang, member te a tam thei ang ber zir turin in buatsaih ila a tha a nge.

BRANCH  TLAWH  DAWN

            27 June 2016, Thawhtan zan hian Kristian Thalai Pawl, Tlangnuam South Branch chuan kan branch min rawn tlawh dawn a, hun hlimawm tak leh thlarau lamah pawh hlawk taka kan hman theih nan member ten thahnemngai takin Pathian hnenah i hlan ang u.

            Programme kimchang hi kar leh lamah tihchhuah a ni ang.

YRC  PUAL  HNATLANG

            Ni 25/6/2016, Inrinni hian YRC puala sumtuak nan Motor sila hnatlang neih tur a ni a. Biak In kawt kawngpuiah sil tur a ni ang. Memberte thahnemngai taka thawkchhuak turin kan in ngenin kan in beisei a ni e.

            Youth Recreation Centre (YRC) sak a nan hian Central KTP chuan kum tin khawpui chhung branch tin member pakhat zelah 50 thawh turin min beisei thin a. KTP Saikhamakawn branch committe chuan Rs 50/- khawn hi member te tan phurrit a tling thei nia a hriat avangin branch huapin YRC pual a sumtuak na tur ruahmanna siam a ni ta a ni.

BIAL HUAPIN 

THISEN  PE  DAWN

            October thla hian Kristian Thalai Pawl, Hlimen Pastor Bial chuan Bial huapin Synod Hospital tan Thisen pek runpui  a nei dawn a, memberte kan in hriattir lawk a ni e.

  

MOTOR

  

S iL

            Kristian Thalai Pawl, Saikhamakawn Branch chuan YRC sum tuak nan 25/6/2016, Inrinni hian Biak In kawt kawnpuiah Motor sil hnatlang a nei dawn a. Tlawmngaia motor  sil tir turin vengchhung mipuite kan in ngen a ni e.

A sil man pawh hetiang hi a ni e.

i) Two wheeler                       - Rs. 60

ii) L.M.V                    - Rs. 120

iii) M.M.V                  - Rs. 180

KOHHRAN  PAVALAI

FELLOWSHIP  PROGRAMME

A hun       : 19.6.16 Chawhnu inkhawm ban

A hmun    : SS Hall

Hruaitu     : Pu D Thangbawia

Tantu        : Pu Rinngaihzuala

      Tawngtairual leh sharing a hun hman tur a ni.

SKKBC HRIATTIRNA

            Saikhamakawn Badminton Club chuan ni 25.6.2016(Inrinni) hian Rising Day chu YMA Community Hall ah a lawm dawn a, nilenga infiama hun hman a ni dawn a, hruaitu thar tur thlanna neih a ni nghal dawn a, tlai lamah chawhlui kil ho a ni nghal bawk ang. Club memberte tel vek tura sawm leh hriattir kan ni e.

            Hemi ni atan hian member ten Rs 100/- theuh thawhkhawm tur a ni a, a pekna hmun turte chu-

Pu C. Lalhmangaiha (T.Sec)

Tv. Pc. Vanlalhriatpuia (V.Sec)

Pu Ramthianghlima (Ch.Sec)

            Tin, club member renewal fee pawh heng mite hnenah hian pek nghal theih a ni e.

Renewal Fee - Rs 50/-

Sd/-(F.LALDINGLIANA)

Secretary

Saikhamakawn Badminton Club  

TUALCHHÛNG

, Pi Lalramnghaki Chawngthu w/o Pu Lalrinkima (T.Sec) Bethany Hospital a zai a nih hnuin a lo chhuak.

, Pu Zohmingliana h/o Pi Lalchuani te chhungkua chuan tul leh mamawha hman atan Car (Chevrolet Spark) thar an lei.

                            Thalaite  fuihna thu thawi

i) Electronic media ie. Computer, Smart Phone, T.v. etc. kan khawih a, kan hman tam aia nasa hian Print media (Lehkha bu) tha chhiar tam hi tunlai thalai ten kan mamawh a ni. Hemi kawngah tan lak a hun e.

ii) I thil hmuh apiang en liam mai thin thalai nih tum lo a, eng anga thil ho leh mawlmang pawh in awm chhan a nei tih hria la,a thatna leh thatloh na pakhat tal hmuh tum talh thin ang che.

iii) Khawvelah i thuhnuaia i dah pumhlum theih awmchhun chu nangmah chaiah kha i ni.

ADMISSION NOTICE

            Kumin 2016 July thla a\ang hian University Grant Commission (UGC) hnuaia Pa khawi zirna (Diploma Course in Mushroom Cultivation) Batch 2-na chu Pachhunga University College ah \an a ni leh dawn a. Pawl 12 pass chin, a duh apiang tan dil theih a ni. Mi 50 tan seat a awm a, a zir hun chhung hi kum khat niin, thlatin stipend Rs.1000/- pek an ni ang.  Dilna form hi office hun chhungin office-ah lam theih a ni. Dilna hi June ni 30, 2016 hmaa thehluh tur a ni. Hrechiang duh tan 8974287073/9862013567 ah te hian zawh chian theih a ni e.

Sd/-

(TAWNENGA)

Principal

Pachhunga University College

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350