Mipui Aw 27.9.2015

MIPUI AW

KARTIN CHHUAK

Vol. XXI Issue No. 39 Kristian Thalai  Pawl  Saikhamakawn Branch  Pathianni Dt.27.9.2015

Vawiin changvawn : Aw, LALPA chawimawiin hla thar sa ula:

Leilung luah zawng zawngte u, LALPA chawimawiin zai rawh u.

LALPA chawimawia hla sain, a hming fak ula;

Ni tin a chhandamna thu chu hriattir rawh u.                                                           (Sam 96:1-2)

KOHHRAN PROGRAMME

27.09.2015 (Pathianni)

Sunday School

|antu              : Pi Sanghluni

Zirlai 36-na    : Baptisma Sacramen

Chawhnu Inkhawm

Nu leh pa te ni

Thupui                       : Nu leh Pa chawimawi

Thuhriltu       : Pastor C.Sapkaia

                        Zân inkhawm

Kristian Chhungkaw ni

Thupui                       : Nu leh Pa te mawhphurna                                         - Fate Lal Isua hnena hruai

Thuhriltu       : Upa Lalz^ma

Tunkar chh<ng Beihrual Thupui 

September28  : Thuhretu tih awmzia

(Thawh\anni)                    

September 29 : Thuhretu nihna hmun

(Thawhlehni)               

September30  :Thu hretu nihna hmun

(Nilaini)            

PAVALAI INKHAWM PROGRAMME

01.10.2015 (Ningani)

Hruaitu           : Pu T.K.Manga

|antu              : Pu Lalthanhranga Ralte

Thuhriltu       : Pu Kamzawngliana

PAVALAI  FELLOWSHIP

27.09.2015 (Pathianni tlai)

Hruaitu           : Pu F.Lalrinpuia

|antu              : Pu J.Malsawma

A hmun          : Sunday School Hall

|awng\ai ho leh Sharing-a hun hman tur a ni.                                                          

SERMON

                           I PIANG THAR TAWH EM?

            Tin, Isuan a chh^ng a, a hn>nah, “Tih tak meuhvin, tih tak meuhvin ka hrilh a che, mi tupawh an pian thar loh chuan Pathian ram an hmu thei lo vang,” a ti a.(Johana 3:3)

            Tin, Mosian thlalerah r<l a khaik^n ang khan mihring fapa hi khaik^nin a awm bawk t<r a ni; tupawh a ring apiangin amah av^nga chatuana nunna an neihna t<rin. Pathianin khawv>l a hmangaih >m >m a, chutichuan a Fapa mal neih chhun a pe a, amah chu tupawh a ring apiang an boral loh va, chatuana nunna an neih z^wk n^n. Khawv>l thiam loh chantir turin Pathianin a Fa khawv>lah a tir lo, khawv>l amah av^nga an dam theihna t<rin a tir a ni z^wk e. (Johana 3:14-17)

            Kan Bible-ah hian Pianthar thu hi a lang tam lo hle a, mahse, Isua Krista rin a pawimawhzia a sawi uar hle thung. Tun \umah hi chuan eng vangin nge Lal Isua hian Nikodema hn>nah ‘ Mi tupawh an pian thar loh chuan Pathian ram an hmu thei lovang’ a tih chhan hi kan chhui bing d^wn a ni. A hmasa berah chuan, Nikodema hi tu nge? tih hi han chhui hmasa ila.Bible-a kan hmuh d^n chuan Nikodema chu Pharisaite zinga mi a ni tih kan hmu a. Lal Isua hun lai hian Pharisaite nun d^n chu mi tam chuan kan hre chiang hle ^wm e. Tin, Bible-ah hian Pharisaite awm d^n leh khawsak d^n phung chu kan hmu hnem viau bawk. Pharisaite hian Mosia, Pathianin d^n a pek sawm(10) te kha theiht^wpin an z^wm a. He tih hun lai hian Mesia a lo kal dawn tih chu hre tho mahse, Lal Isua hi Mesia a nih an ring lo a ni. Chu mi avang chuan Lal Isua hian Nikodema pawh hi ‘I piang thar tur a ni’a ti a ni. Nikodema hian Lal Isua hi ring ngat se lang chuan ‘I piang thar tur a ni’ a ti kher awm lo ve. ‘I rinna hi i dam pui a ni’ a ti ve hial z^wk ngei ang.  Piang thar tih leh Isua Krista ring tih hi thil thuhmun a ni tihna a nih ber chu. Lal Isua hian a kianga awm tam ber a zirtirte hi thil tam tak a zirtir a, mahse a amah an rina an duh avang hian pianthar a ngai tih hi a zirtirte hnenah a sawi ngai reng reng lo. Isua ring lotu t^n chuan pian thar a ngai a nih chu.

                A pahnihnaah chuan, I piangthar ve tawh em? tih hi han chhang  leh d^wn ila. Johana 5: 24-ah chuan ‘Tih tak meuh vin, tih tak meuhvin ka hrilh a che u, tupawh ka thu hriaa mi tirtu ring chuan, chatuana nunna a nei tawh, thiam lohvin a  awm lo va, thihna ata a chhuak a, nunnaah a lut ta zawk a ni’a lo ti a. Lal Isua thu hriaa ringtute chu mi piangthar kan ni a, kan piangthar vek tawh tihna a nih chu. Tirhkoh Paula chuan Timathea hnenah chuan ‘Rinna tak tak nagmaha awm chu ka hre reng si a, chu rinna chu a tirin i pi Loisii-ah chuan a awm a, i nu Euniki-ah chuan a awm bawk a, nangmahah pawh a awm tih dik takin ka hria.’ tih kan hmu leh a. Vawiin thleng hian ringtu tam takte pawh hian tih sual leh tih fuh loh kan nei ni a lang chu, kan fata Beginer a\angin Senior Dept. thlengin Pathian Thu kan zirtir \hin a, a tawpah Camping luh leh ngaiah kan  chhuah tir leh \hin. Isua Krista ringtu, chu an rinna chu ti \hang lian tur kan ni zawk a ni. Lal Isua thih hnuah hi chuan tupawh, piang tawh leh piang leh tur t^n Lal Isua hi a lo thi daih tawh a, chu chu awi leh ring mai tur kan ni. Chu mi ringtute chu mi piangthar an ni a, chu miah chuan awm reng a, min chhandamtu duh dana kan awm zui zel hi kan tih tur ber chu a ni. Hei lo hi piantharna dang a awm chuang lo reng reng lova, chhandamna dang pawh a awm chuang lo. Chuvangin chhandam tawh i ni a, chhandam te nuna i nun kha a pawi mawh ber chu a ni.                 

                             

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

CHHIAR ZIR A NGAI EM?

            Thu ziak chhiar hi thil har ve tak mai a ni a. A chhiar thiam lo leh a chhiar mi lo t^n chuan a awmze bo \haka chhiar theih a ni. Tin, thu chhiar thiam leh a chhiar miin an chhiar chuan a ngaihnawm hle thei bawk. Mizote hian thu chhiar kan uar hle a, kan Inkhawmna apiangah inkhawm hruaitu, \antu, thuhriltu leh thupui hawngtu te chuan Bible kan chhiar deuh zel \hin. Chung mi te zingah chuan an thu chhiar chu Bible a ni emaw thu dang an chhiar emaw a nih pawhin a chhiartu a zirin a ngaih thlak a nuamin a nuam lo hle \hin.  heng thu ziak chhiarah hian mi thiam sang tak pawh chhiar thiam lo leh bahlah nuka an chhiar chang a awm \hin. Tin, mi thiam sang teh vak lo pawh an thu chhiar ngaihthlak nuam tak pawh a awm \hin. Chuvang chuan thuziak chhiar hi tzir s^n leh zir hniam lamah a in nghat vek lem lo a ni.

            Rawngbawltu, thu ziak chhiar lama rawngbawltu, a bik takin Nilaiz^n thupui hawngtu tan phei chuan chhiar tur a tam thei hle a. He rawngbawlna pawimawh tak pakhat hi ka thu chhiar d^n azirin a lo ngaithlatute t^n ngaihnawm tak a nih loh vek pawhin ninawm tak a ni thei tih kan hriat a \ha khawp mai. In lamah inbuatsaih nasat a ngai  hle a. Thu chhiar thiam vek lo chi ka nih phei chuan vawi eng emaw zat ka lo chhiar chhuah a, chhiar ka lo zir a ngai a ni tih i hre thar leh ang u.

           

ARTICLE

A  TLAI  HMA  NGEI  HIAN

Pc. Mapuia

            Mi thil ngaihtuah peih leh chhut peihte ngaihdan awmsa hmuh atang ringawta ngaihdan siam thiam ve ngawr ngawr thin mi rilru tlem nih chuan midangte thlamuan a, chhawk huai theih tur khawp thaikawi thiam chu thil har tak a lo ni hi. Nun nan chauha tluak nei em ni ka ni? tih zawhna lian tak in zawh chang erawh chuan ngawih reng lah thil har tak a ni thung si. Hmalam hun thlira lungleng tak vawng vawng thu awm suh, hun kaltawh leh kum ral ta te thlir a, inchhir fo thin mihringte hi, chu hun luangral tawhin sulhnu a hnutchhiah ngei mai chu kan kurpui fo a thin reng a ni.

            Fur khaw hnawng chuar leh ruahtui far fup fup kara mal ngawih ngawiha awm nia in hriat hun a lo thleng a, zing nichhuak engmawi tak leh zan khawthiang em em kara thli thaw vuk vuk chuan hmanlai hun ngaihtuahna a ti kalthui ting mai. Arsi te lah mawi takin a pe tuar bawk si, chutih mek laia  thla eng kan thlahlel em em lawi si hian thinlung tuihal zia a lantir a. Theihchangse kohkir ka nuam ngei e, ti a rilru kawm mual mual chungin khawharna thuthmun chu kalsan a har hle lawi si. Chutah zet chuan siamtu themthiamzia lo langin, kan suangtuahna chuan kan duhna hun leh hmunah ngei chuan min hruai kir leh thei mial lo maw? ti a Pathian themthiamzia chhut daih tur chuan ngaihtuahna seng peih tak mi nih a ngai thung.

            I duh em em te, i thlakhleh em em leh i hmangaih takzet kha i bulah, i khawh leh ban phakah a awm reng dawn a ni chuan engto tur a awm lem lo. Hmalam hun thlira kan khawsak phung rel fel bak thildang engnge awm chuang ang. Nimahsela, lungngaihna te, lunglenna te leh inchhirna kan neih fo te hian lantir leh ri chhuak hauh lova sawichian em em thil engnge maw chu an nei niin a lang bawk si. A ruk tea inthup langchhuak chiang em em lawi si chu a ni kan nuna thil pawimawh em em chu! Chetzia leh kan awmdan phung atang ringawt pawh hian kan hmangaihzia leh kan thlakhlelhzia te, kan duh ngawih ngawih a ni tihte pawh sawi kher ngai lovin a lang chhuak chiang thin hle mai. Mahse i hmangaih khan engtinnge i hmangaih a ni tih a hriatchian bal theih ang a, min thlahlel takzet a ni tih hi hriatchian har ka ti, tih zawhna nei ru reng chungin i thlakhlelh em em kha a awm mek em tih zawng hriat har tak tur a ni. Hmangaihna aw ri tluka mawi leh thlakhlelhawm, hriatchakawm hi khawvel rimawi zawng zawng pawh hian a tum chhuak zo dawn em ni, thinlung chhungril atanga chhuak a nih miau vangin a chhingzo reng an awm lawng nge. Chu rimawi hlu tak chu engtika hmanah nge kan khek a, a hre tur dik takin a hria em tih zawhna hi awlte mah nise, chhan zawng a harsa si!

            Kan kualzinna khawvelah hian bianga thlantui luang zawih zawih a kan thawhchhuah tluka hlu hi awmchung lovin lang thin mahse, nasa taka thawka kan neih theih hauloh tur rohlu engnge kan neih ti a mahni ngei kan inzawh thiamte hi thilpawimawh tak a ni awm e. Hmangaihna kut nem nuam tak leh duhawm tak te, chu thinlung atanga chuak aw mawi tak te hian awmzia a awmloh hun a thleng thei reng a ni tih hi thil awihawmloh tak a ni thei e, mahse a tak a nih tlat si. Engpawhnise, hun hian mihringte nunah engnge a liampui a, kan neih rohlu engnge a liampui tih ngaihtuaha chhutchian a tul a, lunglenna te, khawharna leh inchhirna te hi hun lo la awm tur vanga kan neih nilovin hun liam tawh hnu vang a ni tih hrechhungin hringnun kalphung hi i chhut tlang teh ang u. Tichuan, kan thupui nena inmil hauhlo thuziak emaw ti a lang thei hi, a inmil zia kan hre thei ngei ang.

BENG TI VAR

MOBILE PHONE HMANG TUTE TANA HRIATTUR PAWIMAWHTE

1)Mobile phone hi taksa hlat thei ang bera ken/hman \hin tur.

2)Lu hnaih lo thei ang bera handset hman tur, Earphone (wired/bluetooth) hman.

3)Mobile phone hi i lu nen insiktir/indehtir tam loh tur. Radio Frequency (RF) energy nasa tak avangin lu hnaih lutuk hian Radio frequency energy nasa tak a la lut thei.

4)Mobile call hun chhung tih rei loh.

5)Text Message a tam thei ang hman,voice call aiah.

6)Loud speaker mode a daha inbiak, taksa leh lu lam hlat nan.

7)Radio signal a chakloh hian mobile ah a transmission power a pung a.Signal \ha zawng hram la, chutiang hunah chauh hmang bawk la.

8)Tarmit thir hmanruaa siam bun lai leh sam huh laiin mobile phone hman loh tur, achhan chu thir (metal) leh tui hi Radiowaves kaltlang theihna \ha lutuk an ni.

9)Call in connect lai tak hi power tamtak inpekchhuah lai anih avangin call in connect (Call pick) fel hnuah chauh bengah ngaihthlaka inbiak \an chauh \hin tur a ni.

10)Hman tur i neih chuan Landline (wired) call atan hmang zawk la, Mobile phone aiah.

11)I phone nun laiin, i âwm ah leh kekawr ipteah keng lola. Mobile phone nungah hian minute tin power sang tak network zâwngin a kalchhuak reng a ni.

12)Naupangte mobile hman tam tir lo hram ang che, radiation hlauhawm thei tak laka hriselna alo him nan.

13)Mi taksaa medical implant neite chuan 15cms a hlaah cell phone dah ngei2 thin tur a ni.

BELIEVE IT OR NOT

1. English Footballer lâr tak takte (Top) hian UK a mi pangngai hlawh aia let 200 in an hlawh hnem zawk!

2. Adidas in official taka Football, World Cup a an hman hmasak ber chu kum 1970 khan a ni.

3. World cup ah hian Goal 9 khung thei ram hi 1 chiah a la awm! Hungary ram hi a ni. (9-0 in Korea an hneh a, 10-1 in El Salvador an hneh bawk, 1954 leh 1982 te khan).

4. Pele hian Kum 22 chhung game 1363 khelin vawi 1281 teh meuh a score hman. Game tinah goal 0.94 score ang ziah anih chu!

5. 1990 World cup semi final a Italy Vs Argentina ten an khelh khan French Referee Michel Vautrat chuan extra time Minute 8 teh meuh an khel mai a. A chhan chu, a hun pek belh chin a lo theihnghilh vang a ni.

6. World cup a thil vang tak tur chu German Backenbaeur chuan a dawng tlat mai! Captain leh coach ni in 1990 khan an champion!

Source: Manorama year book 2015

BIBLE  QUIZ  No. 91

MARKA  BUNG 6-10

A kâr âwl dah khat rawh :

Q1. Tin, amah vekin an hnenah, “Khawiah pawh in thlenna inah chuan, chuta ta in chhuah hma loh chu ________________________ reng ang che u.

Q2. Mosian, “I nu leh i pa chawimawi rawh,’ ‘Tupawh a nu emaw, a pa emaw sawichhia apiang chu ______________ mawlh rawh se,’ a ti si a;

Q3. Tin, ani chu a zirtirte hnenah lawngah chuan a chuang ta nghal a, Dalmanutha _______________ chu a thleng ta a.

Q4. Tichuan, chu thu chu an vawng reng a, “Mitthi zing ata ___________________________ chu eng tihna nge ni ang?” tiin an inzawt thin a.

Q5. Tin, inah chuan a zirtirte chuan chung thu chu amah an zawt leh a. Tin, ani chuan an hnenah, “Tupawh a nupui maa mi dang nei apiang chuan a nupui chu a __________________________ a ni;

A bung leh châng dah rawh :

Q1. Tin, khaw teahte, khaw lianahte, lovahte, khawiah pawh a luhna apiangah damlote chu dawr hmunahte an muttir hlawm a, a puan hmawr tal deh theih an dil chiam a; tin, amah dek apiang chu an dam ta zel a.

Bung: ...............          Chang: ....................

Q2.  “Ani chuan engkim tha takin a ti a; bengngawngte a tihvarsak a, tawng thei lote pawh a titawng thin,” an ti a, mak an ti nasa em em a.

Bung: ................         Chang: ....................

Q3. Chi hi a tha e; nimahsela, chi pawh hi a dak tawh chuan engin nge an tihal leh ang? Nangmahni ngeiah chi nei ula, inngeih rawh u,” a ti a.

Bung: ................         Chang: ....................

Q4. Tin, Isuan a hnenah, “Kal tawh rawh, i rinna hi i dampui a ni e,” a ti a. Tichuan a hmu thei ta nghal a, kalkawngah chuan Isua a zui ta a.

Bung: ................         Chang: ....................

Hming : ......................................................

Section : .....................................................

BIBLE QUIZ  NO.90  RESULT

Chhanna lut zawng zawng : 3

Chhang dik vek                       : 3

Lawmman dawngtu: Vanlalpeki (T. Sec)

            Bible Quiz chh^nna leh lâwmman hi Circulation Manager C.Laldawngliana hnenah thehluh a, lam \hin tur a ni.

ZORAM PUM HUAP |AWNG|AI RUAL

            Central K|P huaihawta ni 27.9.2015 (Inrinni) chawhma dar 11:00 a A.R.Ground-a Zoram pum huap sual thupha chawi \awng\ai rualna hun hman a kal zawng zawngte chungah K|P Branch Committee chuan lawmthu a sawi e.

            Zoram pum huap sual thupha chawi \awng\ai rual hi Aizawl khawpui chhung Branch te chu A.R.Ground ah neih niin Khawpui pâwn Branch te chu mahni remchan dan anga hman a ni.

Sd/- (PC. VANLALHRIATPUIA)

Secretary

Kriatian |halai Pawl

Saikhamakawn Branch

LAWMTHU SAWINA

            Ni 25.9.2015 (Zirtawpni) chhun a World Vision India in kan Branch sum tuak nan AIDS Awareness Campaign an rawn neiha hun hlu tak senga rawn kalte chungah lawmthu kan sawi e.

            Tin, sumtuakna min ngaihtuahsaktu Pu Albert Lalremsanga h/o Vanlalengi chungah lawmthu kan sawi bawk e.

Sd/- (PC. VANLALHRIATPUIA)

Secretary

KTP, Saikhamakawn Branch

LAWMTHU SAWINA

            K|P Marka Group te chuan sum tuak nan Jumble Sale Group member-te a\anga kan rawn khawn phal taka min lo petute zawng zawng chungah lawmthu kan sawi a.

            Tin, a khawnkhawmnaa member hnatlangte leh ni 26.9.2015 (Inrinni) zingkara a zawrhchhuah hnatlanga thawkchhuak zawng zawngte chungah lawmthu kan sawi bawk e.

Sd/- (LALRINNUNGA)

Secretary

Marka Group, K|P

 MHIP HRIATTIRNA

            MHIP Siakhamakawn Branch chuan Dt. 3.9.2015 (Saturday) hi kan Branch Day a ni a, hemi ni hian zingkarah khawlai tifaia hnatlang neih tur a ni a, member te a tam thei ang ber hnatlan i tum \heuh ang u.

Sd/-

(LAWIZIKI)

Secretary

MHIP, Saikhamakawn Branch

HRIATTIRNA

            RKVY hnuaia Ramri lui zâu leh Reraw lui zâu Farmer Group Association te thawh\anni zing dar 6:30 ah Pu Lalpianthanga (Mâpuia) te in ah thu pawimawh tak ngaihtuah tur a awm avangin kim taka kalkhawm tur a ni e.

Sd/-

(F.LALHMACHHUANA)

Secretary

Ramri lui zâu leh Reraw lui zâu Group Association

LAWMTHU SAWINA

            Kan inluahlai chu leimin vanga luah hlauhawma a awm avanga kan insawnchhuah chungchangah min insawnpui a, a \ul ang ang min thawhpui a minpuitute zawng zawng chungah lawmthu kan sawi tak meuh meuh e.

            Keini chuan engtikahmah kan chunga in\hatna hi kan rul seng dawn lo che u a, Lalpan a let tam takin malsawmna in vur zel che u rawh se.

In khawngaihna dawngtu,

Dengthangpuii te chhungkua

Saikhamakawn

Zanin EPL inkhel tur

Watford Vs Crystal Palace (8:30)

Thawh\anni zan

West Bromwich Albion Vs Everton (12:30)

TUALCHHÛNG

, Pi Dengthangpuii m/o Lalramenga te chu an inluah V.Sec a\angin Pu Lalchhanhima in (Ch.Sec) ah an insawn.

, Pu Vanlaldika s/o Lalngaii (T.Sec) te chuan Scooty (Rodeo) thar an lei.

KAN BIBLE CHUNGCHANGA KOHHRAN HO HNENA THUCHAH

            Bible hi Pathianin a mite tan a pek, thunung leh zahawm tak a ni a, Kohhran hoten kan ngaihluin kan dah pawimawh hle a, a lehlin leh chhut thu ah pawh Bible Society of India in Kohhran ho nen inbe râwnin fimkhur takin a kalpui \hin.

            Tun hnaia King James Version (Mizo-English Parallel Bible) mimal lehlin thar lochhuakah hian kan Bible hman lai lehlin chungchang sawiselna leh miin an hnualsuat theihna tur hial tarlan a ni hi pawi kan ti hle.

            Bible Society of India kutchhuak, tuna kan hmanlai hi kan mithiam ten Pathian rawn chunga uluk leh fimkhur taka an lehlin a ni a; kum tam tak chhung Pathianin a Kohhran hote alo hruaina leh Thlarau lam malsawmna tam tak alo pekna anih avangin hnualsuatna tur engmah a awm lo tih kan inhriat thartir a. Synod Executive Commitee (SEC) chuan Pathian biak Inkhawmah pawh Bible Society kutchhuak ngei hman tur, tiin alo rel tawh nghe nghe a ni. (SEC 235:43).

            Krista khawngaihna in hnenah awm zel rawh se.

* Darkar khat lek na tuara awm hi, nikhat nuamsa taka awm nên a reizawng a inang reng.

- Thomas Fuller

* Thil ti sual ngai miah lo chuan thil thar a ti lo a ni

- Albert Einstean

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui Aw 20.9.2015

MIPUI AW

KARTIN CHHUAK

Vol. XXI Issue No. 38 Kristian Thalai  Pawl  Saikhamakawn Branch  Pathianni Dt.20.9.2015

Vawiin changvawn : Zilhhau fo pawh a ring ti khawng tlat chu Vawilehkhatah tihtliahin a awm ang a, tihdamna a awm lo vang.

Mi fel an lo pun hian mite an l^wm \hin a, Mi sualin ror>lna an chanin mite an r<m \hin.                                                            (Thufingte 29:1&2)

KOHHRAN PROGRAMME

20.09.2015 (Pathianni)

Sunday School

|antu              : Pi Sailothangi Sailo

Zirlai 35-na    : Sakramen awmzia leh a                                                      \angkaina

Chawhnu Inkhawm

Thuhriltu       : Nl. C.L.H.Thangi

                        Zân inkhawm

Thuhriltu       : Chanchin\hamawii

Tunkar chh<ng Beihrual Thupui 

(Kristian chhungkaw hapta)

September21:Kristian chh<ngkaw (Thawh\anni)                     \ha teh d^n t<r

September 22 : Kristian chh<ngkaw maw-

(Thawhlehni)                hphurhna Kohhranah

September23  : Kristian chh<ngkaw maw-

(Nilaini)             hphurhna \henawm khawv>ngah

September24  : Kristian chh<ngkaw maw-

(Ningani)               hphurhna khawtl^ngah

September25  : Kristian chh<ngkaw maw-

(Zirt^wpni)       hphurhna ram leh hnamah    

September26 : Kristian chh<ngkaw maw-

(Inrinni)                    hphurhna sawrk^rah          

                                                                                                                         Niz^n a\ang khan Hlimen Pastor Bial chh<nga Senior Department Inkh^wmpui chu Hlimen Vengthar Kohhranah hman \an a ni a. Bial Zaipawl leh Hlimen Kohhran Senior Dept. Zaipawl ngaihthlak a ni a. Presbyterian Kohhran Thurin No X  sawi rual ngaihthl^k a nih mai bakah Kohhran tin Senior Dept. Secretary report ngaihthl^k a ni bawk. Vawiin chawhnu inkhawm b^n  Fellowship zawhah Khawmpui hi a \iak ang.  Vawiin lam Prog. phek hnung lamah tar lan a ni e.               

SERMON

                           KAN TIH VE  TEL LOVIN

            Rinna av^nga khawngaihnaa chhandam in ni; nangmahni thawh chhuah a ni lo va, Pathian thilp>k a ni; thiltih a v^ng a ni lo ve, chutilochuan miin a chhuang dah ang e. ( Ephesi 2:8&9)

            Rinna chuan a thiltih nen a thawk d<n a, tin, thiltih av^ngin a rinna chu a famkim ta tih i hria e. ( Jakoba 2:22)

            Thlarau tel lovin taksa chu thi a ni, chutiang bawkin thltih tel lovin rinna pawh chu thi a ni. ( Jakoba 2:26)

            Tunlai khawvelah Pathian Thu hi mitam tak hian kan chh<t nasain kan ching let nasa hle a. Kan chhut nasat leh kan chin leh nasat em av^ngin Zoramah ngi pawh Pathian Thuin a tum lam ni miah lova kalpui tam tak kan awm \h$n a ni. Tunlai zirtirna l^r tak pakhat chuan ‘Ring thei kan ni lo, he mihring hi chuan a rin zawh poh leh a ringhlel tulh tulh mai a ni, kei ni rinna lam hi Pathianin a pawm lova, Pathianin a Fapa Isua Krista a rinna zawk hi kan thiam channa a ni e, keinilo tih ve hi a ngai lo ve, he ti hian lo awm tawp i la, chhandam kan ni mai’ tiin a zirtir a. Ngaihtuah chiang lo leh zir chiang >m >m lo t^n chuan a dik kher mai tih mai theih a ni.Mahse Pathian Thu dik z$k tluak a ni em? tih i han zir d^wn teh ang u. 

                Chhandamnaah hian keini hian tihtur kan nei ve reng em? tih hi han bih chiang hmasa ta i la. Kan Bible-in  min hrilh d^n chuan “Rinna av^nga khawngaihnaa chhandam in ni; nangmahni thawh chhuah a ni lo va, Pathian thilp>k a ni; thiltih a v^ng a ni lo ve, chutilochuan miin a chhuang dah ang e.” ( Ephesi 2:8&9) Tiin kan hmu a ni a. Chhandamnaah chuan keimahni thawh chhuah chu a ni lo tih a chiang hle a, keimahni thawh chhuah ni se kan chhuang hle d^wn a ni tih Bible-in min hrilh si a.Kan chhuan ve t<r awm lo lovin Pathian chuan chhandamna chu a thl^wnin min thawh sak a ni. He ti hian i han sawi teh ang; ‘ Lui pakhat a awm a, chu mi lui r^l leh lamah chuan kai ngei tur a ni a, chu mi a kai ve lo chu tihhlum t<r an ni. Chu lui kan k^n a kan kai theihna tur chuan mi pakhat hian lei min dawh kai sak a. Lei a dawhnaah chuan a mah vekin eng kim a thawk a, e \ul leh ngai zawng zawng chu  amahin a ti vek a. Tichuan kal kai theihin min siam sak ta a ni. Chu lei min dawh sak hmang chuan r^l leh lam chu awlsam takin kan kai thei ta a ni.

                A nih leh tah chuan eng nge tih t<r kan lo nei ve reng em? Aw, nei e; kha lei min dawh kai sak kha kei mahni ngeiin kan zawh kai a ngai a lawm le. A lei min dawh sak kai hi a chhe em mai, ka zawh ngam lo tih chi a ni lova, chhandama kan awmna t<r chuan kha lei kha kan zawh ngei a ngai a ni. Kha lei kha zawh lova, mahni a lui hleuh kai awm se, lei min dawh sak tu ai khan amah a inchhuang ngei ang. Chu tak chu  “Rinna chuan a thiltih nen a thawk d<n a, tin, thiltih av^ngin a rinna chu a famkim ta tih i hria e. (Jakoba 2:22)Thlarau tel lovin taksa chu thi a ni, chutiang bawkin thltih tel lovin rinna pawh chu thi a ni.” ( Jakoba 2:26) a lo tih chu a ni. Chhandamna hian kan thawh chhuah a awm  ve miah lova, mahse chhandamna chang tur chuan Lal Isuan min thawh sak tawh chu ringin, chhandamte kalna tur amin siamah chuan kan kal ve a lo ngai ta a ni. Awm mai mai leh ti \ha duh lo hi chhandamna an chang ngawt d^wn lova, Isua kan ringa, a chhandamna pawh kan awih a ni tih lan tir n^n akawng min buatsaihah a duh z^wng ti a, tiam chin lam pana kal zel t<r kan ni. Chhandam ka ni tawh tih av^nga sual lam kawnga tl^n lui z>l te chhandamin an awm d^wn lo. Thil \ha ti at^n Krista Isua ah min lo siam tawh a, kan awmna t<r min buatsaih lawk chu thil \ha tiha Pathian duh z^wnga nun  hi a ni. 

                    

                                     

                             

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

DARTHLALANG

            Mihring hi insawis>l kan hr^t hle mai a, mahni aia danglam hret kan hmuh chuan kan inr>lin kan in sawi chhe nghal bawrh bawrh \hin. He tia midang kan va sawisel leh kan va rel hian khawi a\angin nge kan teh ber \hin ni ang le? D^n leh d<n lam a\angin \hen khat chuan kan teh nge ang a, \henkhat ve thung chuan mahni ngaihd^n a\angin kan teh bawk ang. Tehna hrang hrang kan lekin kan teh kual vel \hin a, heng zawng zawng hmanga kan teh hian kan huat zawng leh kan duh loh zawng mi chu an tlin theihna lai hmanga teh a har \hin khawp mai. Keimahni kan fihlimna lam a\anga teh phei chuan teh tling a har hle bawk \hin. A nih chuan mi dang \ha zawka ruat chu thil harsa tak a ni \hin.

            Kan Bible-ah chuan uire nu, a uire lai tak an man, Judate d^nah phei chuan tlinna r>ng nei lo kha Lal Isua hnen an hruai khan  Lal Isua khan eng tin nge a lo tih kha? Lal Isua chuan Sual nei lovin d>ng hmasa ber rawh se tiin a lo chh^ng a nih kha. Lal Isua hian Khawvel d^n a\angin kha uire nu kha lo teh selang chuan a teh tling zo kher lovang. Mahse Pathian anihna a\angin a lo teh a, a rawn hruaitu mipui zawng zawngte n>n sualna nei lo tumah an awm lo tih hre reng chungin khatiang khan a lo chh^ng a nih kha. Kei ni pawh hian mi kan sawis>l d^wn leh kan r>l d^wnin Pathian lam thl$r hmasa \h$n ila, kan in enna darthlalang atan Bible i hmang \h$n ang u.       

           

ARTICLE

SAKAWLH

- Rev. Remlal Faka Chawngthu

            Tun hnaia internet lama thu thehdarh langsar tak pakhat chu US rorel khawlin America mipuite hriselna lam enkawlna dan thar a pass tak 'Obamacare' an tih mai leh sakawlh sawi zawmna a ni. He dan hming tak chu Patient Protection and Affordable Care Act [HR 3590] (PPACA) tih a ni a, a tawi zawngin Affordable Care Act (ACA) an ti bawk. America ram mipuite hriselna vawn \hat leh enkawlna kawnga huam zau zawk leh senso tlem zawka hmalakna thar Obama sawrkarin a duan a ni. Mizoram-a kan Health Care Scheme ang deuh hi a ni ber awm e.

            Social media hrang hranga thu theh darh ka lo hmuh ve chu Jonathan Annobil-an August, 2014-a a ziah nia tarlan a ni a. A sawi dan chuan he dan an pass tak avang hian America mipuite chuan an hriselna lam enkawlna dawng turin an chalah emaw, an banah emaw chip chi khat Radio-frequency Identification (RFID) an phum vek a ngai tawh dawn a. Hei hi sakawlh chhinchhiahna thlen dik tirtu tur a ni, a ti. Hei hi thu dik lo a ni.

            US Congress-in Dan an pass takah hian mihring taksaa RFID chip phum tura tihna engmah a inziak lo. He Dana CHIP tih a lanna awm chhun chu naupang hriselna enkawlna bik tur programme hming lamtawi, CHIP (Children’s Health Insurance Program) an tih hi a ni mai. A bak a awm lo.

            Kum 2010 lama an chhawp chhuah hmasak, America’s Affordable Health Choices Act of 2009 HR 3200 (HR 3200 tia sawi bawk)-ah khan damdawi lama inenkawlna hmanrua (medical devices) dam lo taksaa dah

chungchang hi a lang ngei a. Mahse he dan hi pass a ni loh bakah chip phum tur tih lam a awm lo hrim hrim bawk. Dam lo taksaa medical device (entirnan pacemaker, malpui ruh thlakna, etc) phumte chhinchhiaha, enkawl zui chungchang a sawi mai zawk a ni. RFID hi he dan pass tak lohvin a sawi tel 'Class II device' a tih huang chhunga mi a nih avangin an sawi vawng ta pawh a ni thei ang.

            Khawl emaw technology engpawh, a nawlpuiin kan hriatthiam chiah si loh, thil thar danglam deuh apiang lo hmuh sakawlh em em nghal zel mai te hi bansan a va hun em! Hetiang thu thehdarh chungchangah hian fimkhur lehzual pawh a tha hlein ka hria, chhiar zau ve thei lo leh hrethiam pha lo mi tam takte a tihchiai \hin avangin. Chip (or microchip) pawh chu lo phum teh reng sela America mipuite hman tur a ni mai dawn a, Mizoram-a mi daihten lo hlauh em em tur pawh a ni lo asin maw le, ti r'u? A thu hrimin a hring ahran a sakawlh lo lang tur insawithaih vak vak hi Bible ziahna dinhmun (context) leh apocalyptic literature kalhmang man fuh tawk loh vang a ni ber lo' maw'n le, ka ti.

            Hre chiang lehzual duh tan heng linkah te hian en theih a ni:

1) PPACA (Dan pumpui) -

http://www.gpo.gov/fdsys/pkg/PLAW-111publ148/pdf/PLAW-111publ148.pdf

2) Health Care and Education Reconciliation Act of 2010 -

http://www.gpo.gov/fdsys/pkg/PLAW-111publ152/pdf/PLAW-111publ152.pdf

3) Microchip phum chungchang sawifiahna -

http://obamacarefacts.com/obamacare-microchip-implant/

http://www.snopes.com/politics/medical/microchip.asp

    

BENG TI VAR

MIZORAM AH KUM 18 AIA NAUPANG TEN SEX AN HMAN CHUAN, JAIL KUM 20 TAL AN TANG THEI

            Mizoram hi India rama district atangin UT ah kan kaisanga, 1987 khan, state anga "promote" kan ni. India rama dan hian min huam veka, mahse tribal te kan nih vek avangin, VI Schedule in Mizoram hi chu vanneihthlak takin min huam. VI Schedule hian Northeast state zawng zawngte hi a huam ve lo a, entirnan, Manipur hi chu V Schedule chauhin a huam ani.

            India rama dan te hian kan tribal zia a ti chingpen ang tih hi kan hlauh amaw kan zia nen a inmil hlawl lo ang tih kan hlauh chuan, India in dan a siam hi kan apply lo thei a ni; hei hi VI Schedule pawimawh na em em ani.

            India ramah hian VI Schedule nei ve lo, mahse India ram dan block thei chu Jammu and Kashmir chiah khi ani. An ni khi chuan, schedule vel mai mai an neilo a, constitution hrang hlak an nei ani.

            Engpawh nise, Mizoram hian, vanneihthlak takin he Schedule hi hman nachhan tur kan la nei vaklo a, India ram dan te chu kan la apply vek. 2013 khan, India in rape/pawngsual dan hi a amend a, dan thar a siam - The Criminal Law (Amendment) Act 2013 - rape / pawngsual case te hi a hma aia, hremna khirh zawk pek an nih theih nan.

            Mipa leh hmeichhia te hi mipat hmeichhiatna lamah an inhman theihna kum hi dan ang chuan kum 18 a ni. Tin India ramah hian, leh Mizoram ah hian, rape/pawngsual case hi hmeichhia te chauhin an file thei a ni. Hmeichhia in a duh ve reng anih pawhin, kum 18 ala tlin loh chuan, a mipa chu dan anga na takah hrem theih anih avangin, kum tlinglo te nen mipat hmeichhiatna inhman hi danin a khap tlat a, hmeichhe kumtlinglo mipathmeichhiatna lo hmanpui te chu rape/pawngsual case siamkhum theih an ni a, jail an tang thei a ni. A hmeichhia in a duh emaw a duhlo emaw, rape / pawngsual a tling tho tho.

            Rape/pawngsual avanga, hmeichhia a thih erawh chuan, emaw zenga chhuah anih chuan, a pawngsual tupa hi a tlem berah kum 20 jail a tang tur a ni. Amah a "natural life" chhung zawng.

            Mizoram ah hian, police sawi dan chuan, mipa ten, kumtlinglo awmzia an hriatloh avangin, pawngsual case an awrh nual. Tin, hmanlai Mizo mipa rilru hmeichhia te chuan an duh pawhin an do ve tur ani tih hi chu paih hmak chi ani ang; kum 20 tal jail an tang duhte anihloh chuan.

## Sun Mingming leh a nupui Xu Yan, China a mi te chu an nupa san zawng belhkhawm chu feet 13 leh inches 10.72 a ni a a, khawvela nupa sâng ber an ni. Sum Mingming hi feet 7 leh inches 8.98 a sang a ni a, a nupui Xu Yan hi feet 6 leh inches 1.74 a sang a ni ve thung. An pahnih hian Beijing-ah August ni 4, 2013 khan an innei.

BIBLE  QUIZ  No. 90

MARKA BUNG 1-5

A kâr âwl dah khat rawh :

Q1. Tin, “Nang ka Fapa duh tak i ni a, i chungah ka lawm em am a ni,” tiin ____a\angin aw a lo chhuak a.

Q2. Engpawh ni sela, khawvelah Mihring Fapain ________________ ngaihdam theihna a nei tih in hriat nan,’ “(zeng hnenah chuan)

Q3. Andria te, Philipa te, Bartholomaia te, Matthaia te, Thoma te, Alphaia fapa Jakoba te, Thaddaia te, Kanana mi Simona te, a _____________________ Juda Iskariota te an ni.

Q4.  Tin, chutiang bawkin pialtlep chunga theh chu heng hi an ni: ______________ anhriat veleh lawm taka pawm nghalte hi;

Q5. (Isua chuan a hnenah “Nang, ramhuai bawlhhlawhpa, ___________________ chhung ata hi chhuak rawh,” a lo ti tawh si a.)

A bung leh châng dah rawh :

Q1. Nimahsela ani chu a chhuak a, chu mi chanchin chu nasa taka tlangaupuiin a puang darh ta a: chutichuan Isua chu alangin khuaah a lut thei ta lo va,

Bung: ...............          Chang: ....................

Q2. Chutichuan, Mihring Fapa hi Chawlhni chungah lam pawh hian Lal a ni,” a ti a.

Bung: ................         Chang: ....................

Q3. Tupawh Pathian duhzawng ti apiang chu, chu mite ngei chu ka unaute, ka farnute, ka nute an ni asin,” a ti a.

Bung: ................         Chang: ....................

Q4. Tin, hlauh namenin an hlau ta lo va, “He mi hi tunge ni le, thli leh dil lam pawhin a thu an awi hi?” an inti hlawm a.

Bung: ................         Chang: ....................

Q5. Tin, anin an hnenah, “Hei hi tuman hre suh se,” a ti tlat a; tin, ei tur pek tur thu a pe a.

Bung: ................         Chang: ....................

Hming : ......................................................

Section : .....................................................

BIBLE QUIZ  NO.89  RESULT

Chhanna lut zawng zawng : 4

Chhang dik vek                       : 4

Lawmman dawngtu: Vanlalpeki (T. Sec)

            Bible Quiz chh^nna leh lâwmman hi Circulation Manager C.Laldawngliana hnenah thehluh a, lam \hin tur a ni.

SENIOR DEPARTMENT iNKHAWMPUI   pROGRAMME

  Ni 20.9.2015(Pathianni)Chawhma

Dar 10:00AM : Pathian Biak Inkhawm

Chairman: Upa Vanlalzuia Bial Chairman

Thupui : ‘Thuawihna’ I Samuela 15:22-23

Sawitu : Pastor C. S^pkaia, Bialtu  Pastor

Zaipawl  :  1) Saikhamakawn Senior Dept.

   2) Hlimen D^mveng Senior Dept.

Combine Choir : Senior Dept. pumpui

KHB No 29 ‘Aw kan Pathian I  rinawmzia a ropui’

Conductor : Pu Biaknghinglova HlimenVengthar Senior Dept. Leader

Ni 20.9.2015(Pathianni)Chawhhnu    Dar1:00PM : Pathian Biak Inkhawm

Chairman:    Upa C.Lalmuankima        Bial  Secy. Sr.

Thuchah sawitu : Upa Vanlalzuia Bial   Chairman

Zaipawl  :  1) Melthum Senior Dept.

               2) Hlimen Vengthar Senior Dept.

     INKHAWM BÂN FELLOWSHIP

A hmun : Hlimen Vengthar Kohhran  Hall

Hruaitu : Pu Lalduhkima Senior                Dept.   Leader Saikhamakawn

      Fellowship Item tur hi Senior Dept. tin a\angin pahnih \heuh neih tur a ni.

    Pathianni chawhma leh chawhnu Inkhawmah thilpek lakkh^wm a ni ang a, chawhma inkhawm hi Bial Treasurer hnenah a l<t ang a, chawhnu Inkhawm a mi chu a thlengtu Kohhran pual a ni ang.

DAIFIM PLASTIC TUIZEM

Tuizem \ha leh tlo i lei duh a nih chuan engtiklai pawhin biak pawh theih reng kan ni e.

Rate:

                  1 Litre= `5

            Aizawl khaw chhung a thlawnin kan dah sak thei e.

Contact: 9612216591

LAWMTHU SAWINA

  Ni 17.9.2015 (Ningani) a Pu R.Lalmuanpuia In slap chh<nga hnatlang kan neih t^kah member hnatlang zawng zawngte chungah Branch Commitee chuan lawmthu a sawi a. Tin, Branch sum tuak n^na inhlawhna min siamsaktu Pu R.Lalmuanpuia Kan Branch Leader hnenah pawh Branch Committee chuan lawm thu a sawi e.

Sd/- (P.C.Vanlalhriatpuia)

Secretary K|P

LAWMTHU SAWINA

            Kan fapa H. Lalmalsawma ni 14. 9. 2015 Zamuang daia motor accident-a a boral chungchangah khawtlang mipuite min khawngaih a, min lainat tute kawng tinrenga min buaipui tute chungah thinlung takin lawmthu kan sawi tak meuh meuh a ni.

In khawngaihna dawngtu

Sailothangi Sailo te chhungkua 

Saikhamakawn

 ZORAM PUM HUAP |AWNG|AI RUAL

            Central K|P huaihawtin ni 27.9.2015 (Inrinni) chawhma dar 11:00 hian A.R.Ground-ah Zoram pum huap sual thupha chawi \awng\ai rualna hun hman tur a ni a, Program duan lawk:

HUN KHATNA:

Hruaitu: Dr. Julie Remsangpuii

(Trreasurer, CK|P)

Thupuan: Upa Zonunmawia

(General Secretary, CK|P)

Thuchah tawi: Rev. J. Lalremsiama

(Leader, CK|P)

|awng\ai rual

HUN HNIHNA:

Hruaitu: Pu Samuel Laldingliana

(Asst. Secretary, CK|P)

Thuchah tawi: Rev. Lalrinmawia

(Moderator, Mizoram Synod)

|awng\ai rual

Malsawmna: Rev. Lalzuithanga

(Senior executive Secretary)

TUALCHHÛNG

, Pu C. Kapliana h/o Pi Lalrinpuii (T.Sec) chu Falkawn Referral Hospital a enkawl a nih hnuin a lo chhuak.

, Lalremsangi d/o Laltlawmlova (Ch.Sec.) chu damlohna avanga Civil Hospital-a enkawl anih hnuin alo chhuak

,Pi F. Lalrinkimi w/o Pu Robuanga (V.Sec) chu Serchhip ah an transferred.

HRIATTIRNA

            Electoral Roll a inthun thar duh tan te, Roll-a hming dik lo te, nu leh pa leh nupui pasal hming dik lo te (Photo I.D Card a diklo te a huam vek) tih dika siam \hatna hun hawn a ni leh ta.

1) Inthun thar turte chu India khua leh tui dik tak, Jannuary 1, 2016 a kum 18tling an ni ngei tur a ni.(birth Certificate xerox leh passport size thil tel tur).

2) Hmun dang a\anga rawn insawn turte chuan an awmna hmasa Serial No. te, Part No. leh a \ul dangte hriattur.

3) Hming etc. tih dik tur te , insawn turte chuan passport size thil tel zel tur.

Dilna hi October 14, 2015 thleng hun hawn a ni a. Pu J.F. Lalzama, BLO hnenah hun tiam chhung in thehluh tur a ni. Hun tiam ral hnuah dilna pawm theih a ni tawh lo ang.-

Sd/-

(LALZAMA)

BLO Saikhamakawn

NIHLIAP CHHAR

            Pi R. Zasangi dawrah Nihliap theihnghilh chuan a awmdan chiang taka sawiin lam tur a ni e. Tun thla ral hmaa lam a nih loh chuan sawi buai theih a ni lo ang.

* Beiseina nei lo mihring chu a la boral ang a, beiseina neitu erawh a la ropui ang.

* I hlim leh lawmin i siamtu Pathian hrereng la, I lungngaih laiin amah au thin ang che.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330