Mipui Aw 1.1.2015

MIPUI AW

SPECIAL ISSUE

Vol. XXI Issue No. 1 Kristian |halai  Pawl  Saikhamakawn Branch  Kumthar ni Dt.1.1.2014

Vawiin chang vawn

            Naktukah chuan engnge lo awm dawn in hre si lo. In nunna chu engnge ni? Chhûm rei lo te lo lang a, ral leh ta mai \hin ang hi in ni si a.

KOHHRAN PROGRAMME

1.1.2015

Kumthar Ni

|antu              : Pi Lalrinpuii

Thupui           : Inpumpekna

Thuhriltu       : Upa Lalzuiliana

            Vawiin chawhma inkhawmah hian kumthar thawhlawm a awm anga, Biak In kawtah bawm dawh niin thildang thlai ang chite chu Kohhran Hmeichhia ten an buaipui ang. Tin, kumthar thawhlawm hi Upa C.Lalmuankima, kum 2015 Kohhran Chairman-in a hlân ang.

Zân inkhawm

Thupui           : Engpawh tâwk tura inpeih

Thuhriltu       : Upa Zairemthanga

2.1.2015

Zirtawp zân

Thuhriltu       : Pu Lalrintluanga       

3.1.2015

Inrinni zân

Missionary thlah Inkhawm

DUHSAKNA & CHIBAI  BUKNA

Kum 2015 min hruai thlengtu Pathian chungah lawmthu awm sela, he kum tharah hian rilru thar nen; kan hun kal tawh kan thil tihsual leh kan sûlhnu hluite inûm tîr lovin kan hmalam hunah hmatiang sâwn tumin \an lâ ila, kum \ha leh hlawhtlinna kum; kan tân alo nih \heuh theih nan Mipui Aw Editorial Board-te chuan Kumthar chibai kan bûk che u a, duhsakna kan hlân a che u.

SERMON

ENGKIM TANA HUN RUAT

            Engkim t^n hian hun ruat a awm a, v^n hnuaia thiltih zawng zawng t^n hun remch^ng a awm: Pian hun a awm a, thih hun a awm; Phun hun a awm a, thil phun phawi hun a awm; Tihhlum hun a awm a, tihdam hun a awm; |hiat hun a awm a, siuam leh hun a awm; |ah hun a awm a, nuih hun a awm; S<n hun a awm a, l^m hun a awm; (Thuhriltu 3:1-4)

            Mihring te hun bi chhiara kum khat chu kan hmang zo leh ta reng mai a. Kum thar, a ni khatna kan hmang \an leh ta. Heng hun bi thar lo in her chhuak \hin hi tu tan nge  kan ngaihtuah ngai em le? Lalpa huan he kan awmna leilung leh a chhunga awm zawng zawngte tan hian hun bi fel tak min ruahman sak hi a va ropui tehlul em!! Ngun taka chhut chian hian Pathian remruat dan \hat zia leh fel zia te, mihringte leh he khawvela a cheng nungchate leh thing leh mau leh hnim hring zawng zawng tan Pathian hunbi ruat \angkai zia te hi a va ropui em!

            Kum kal taah khan thil chi hrang hrang kan chungah a lo thlengin kan hma chhawn ngei ang a. Khang ang zawng zawng kan tawrh lai leh kan chunga a lo thlen lai khan Pathian hi dema,sawi chhiat mai pawh a awl \hin. Mahse Pathian thuin Engkim tana hun ruat a awm thu chiang takin min hrilh a. Chung kan tana hun ruatah chuan a chang chuan kan hlim a,kan nui a. A chang leh kan lung a chhia a, kan \ap bawk a. A changin lu kan sun a, a changin kan l^m bawk \hin. Heng zawng zawng hi Mihring zawng zawngte chunga thleng vek thei leh thleng vek tur a ni. Chu mi a nih avang chuan  Kum 2015 kan hman turah hian engpawh i chunga lo thleng turah ngai la, Pathian rorel danah lawm thiam hi zir a ngai a ni.

            Aw le,  kum hlui kan hman liam tak kha thlahin kum thar kan hmang leh \an ta a. Tumah rengin kan hma hun tur kan hre lawk lova. Hlim leh lawm taka kan lawm, he kum thar 2015-hi i eng kum tur nge ni ang i ngaihtuah ngai em. Pathian huat thu ni lo se, i thih kum tur lawmin hlim takin hun i hmang pawh a ni thei a, i chunga lo thleng tur i hriat lawk si loh avangin i hun hman Pathian duh zawnga i hman ngei a ngai a ni.

             Engkim t^na hun remch^ng min siam hi eng atan a remch^ng nge ni ang le? Alam kan hnaih theihna turin Pathianin hun remch^ng min siam sak a ni tih i hre reng ang u. Chuvangin hun remch^ng Pathianin a pek che hi \ul lo takin her liam tir mai lo la,  Pathian duh dan ngei a i hman theih n^n, i kawng zawh lai kha chhut nawn leh  ang che. Heng hun leh kum thar kan hman \hin hi hun bi in her chhuak pangngai a her chhuak leh mai ang a i ngaih chhung chuan, engpawh i chunga a lo thlenin i lungawi ngai lovang a, Pathian i dem fo \hin ang. Mahse, thil engkim hi Pathian hian kan tan a rel fel \hin a, chung a rel fel saah chuan thianghlim taka nung turin min duh a ni.

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

KUMTHAR CHIBAI

            Kan Chanchinbu tlâwm tak ‘Mipui Aw’ chhiartu zawng zawngte KUMTHAR CHIBAI kan bûk a che u. Kum 2015-ah hian kan chanchin bu Mipui Aw hi min hlut saka, min chhiar sak leh vek turin kan inngên leh a. Tin, Kum a lo thar angin Editorial Board pawh mi thar kan ni nual hlawm bawk a, chanchinbu-a thu chhuah tûr nei chuan  Editorial Board, a tu a te hnênah pawh kan theh lût \hin dawn nia.

            Tualchhungin kan chanchinbu neih chhun ‘Mipui Aw’ hi kan tualchhung hmêl lanna leh kan inhriatpawhna hmanraw pakhat anih avangin kan infinchhuah zêl pawh a \ha âwm e. A enkawltute hi mifing ber berte kan ni bik lova, a thiam ber berte kan ni lo bawk nen, sawisêl duh leh thurâwn pe duh kan awm anih pawhin lâwm takin in sawiselna leh in thurâwn kan lo beisei reng ang.

            Sermon, Article leh thildang pâwl leh mimal thil chhuah tur nei chuan  hming leh Address chiang taka târlangin Editorial Board-te hnênah kartin Zirtawpni zan dar 9 ral hmâin kan thehlût \hin dawn nia. Amaherawhchu he chanchinbu hi K|P hnuaia awm anih avangin chanchinbu-a târlan atâna mawi lo erawh thliar hrang thiam ila a duhawm leh zual ang e.

TUALCHHUNG KOHHRAN HRANG HRANGTE KUMTHAR  HMAN DAN TUR

Presbyterian Kohhran

            Ni 1.1.2015 (Kumthar Ni)  hian Bawng, Vawk, ar, Alu leh Artui nen ruai\heh a ni ang.

UPC North East India

            Ni 1.1.2015 (Kumthar Ni) hian Bawng, Vawk leh ar nen ruai buatsaih a ni ang.

UPC Mizoram

            Ni 1.1.2015 (Kumthar Ni) hian Bawng, Vawk leh ar nen ruai buatsaih a ni ang.

K|P HNATLÂNG

            Ni 2nd Jan., 2015 (Zirtawpni) hian Kristian Thalai Pawl ten ruai\hehna leh Biak In leh a vêl thenfai hnatlâng neih tur a ni a. Member zawng zawng te hnatlâng vek turin kan in hriattirin kan inngên e.

MISSIONARY THLAH DAWN

            Ni 3rd Jan., 2015 (Inrinni) zan Kohhran Inkhawm ah hian kan member pui Nl. Jennifer Lalremruati chu Jharkhand-ah Missionary in a kal dâwn tâk avângin thlahna hun hman a ni dawn a. K|P in thlahna thilpek a hlân dawn a,tin, zaipawl neih sak tum  a ni bawk.

KUM 2015 CHHUNGA MIPUI AW SEMTU TURTE

BIAL 1-NA

Tv. Lalbiakdika &

Tv. Lalhriatrenga

BIAL 2-NA

Tv. Lalchhuanvawra &

Tv. Zonunmawia

BIAL 3-NA

Nl. MS Dawngliani &

Tv. Lalrindika

BIAL 4-NA

Tv. Lalmuansanga &

Tv. Malsawmkima

BIAL 5-NA

Tv. Zochhuanawma &

Nl. Lalrinkimi

BIAL 6-NA

Nl. Nancy Zoremsangi &

Nl. C.Lalruatsangi

BIAL 7-NA

Tv. Laldawngliana & 

Tv. R.Zorammuana

BIAL 8-NA

Nl. Lalhmangaihsangi &

Tv. Vanlalhmangaihzuala

BIAL 9-NA

Tv. Lalhruaitluanga &

Nl. Lalmuansangi

Q. Engnge an sawi?

Ans.= Engmah an sawi lo.

(Chawngkhûm dân tlâng huat loh)

* Ka thlalâk in lo sâwngbâwl vêl a ni maw, in thlalâk ka kawl ve nual ania.              - Upa  Muantea

* Khiangkâwi ipte ah dan ka’n hrilh ang che u, dâr a bah hian Pavalai ania, nghâwng a awrh hian K|P a ni thung.                         - Pu Dingtea

* Nula ho khan ka kekawr tlâng hi lo vei ve chhên s’u.

                        -Upa Lawmchhunga

* Kan thlân hnuaia khuai hi tuman lo khawih tawh suh u aw...

                        - Upa Zama

* “Catch them young” policy hi a lo fuh dawn riau mai

                        - Tv. Rinawma

* Hei ‘engemaw’ Group ka buatsaih (create) dawn a, tunge ka add dawn, insawi teh u?

                        - Tv. Dingtea

*  Kum a thar ta bawk a, vawiin chu Pro-pic tur  thlâ la teh ang 

            - Pi Partei (PCA nu)

* Kumin hi ka kum engzatna nge ni ta leeee?        - Nu Thlanpuii (Ch.K.I)

* Kumin chu ka kum \hat kum a ni dawnin ka hre tlat .   - Pu Pâtea

* Tleirawl te u, in va han nalh siau siau ve le!!!    - Tv.  Valbuanga

* Ka chhûngte hian ka mamawh an hre lo..                - Tv. P.C.A

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 400