Mipui Aw 28.6.2015

MIPUI AW

KARTIN CHHUAK

Vol. XXI Issue No. 26 Kristian Thalai  Pawl  Saikhamakawn Branch  Pathianni Dt.28.6.2015

VAWIIN CHANGVAWN

            Tisa dana in awm chuan in thi ngei tur a ni; amaherawhchu taksa thiltihte Thlarauva in tihhlum \hin chuan in nung ang. Pathian Thlarau hruaia awm apiangte chu Pathian fate an ni si a.

                                    -Rom 8:13 & 14

KOHHRAN PROGRAMME

28.06.2015 (Pathianni)

|antu              : Pi Zothanmawii

Zirlai 22-na    :Isua Krista mizia chungchanga zirtirna diklo te

Chawhnu Inkhawm

Thuhriltu       : Pu Khawlhmingliana

                        Zân inkhawm

Thuhriltu       : Upa Lalrindika

            Thawh\anni zan a\anga Zirtawpni  zan dar dar 9:00 - 12:00 ah \awng\ai inkhawm hun hman \hin tur a ni a, Nilaini zan a\anga Inrinni zan thlengin Crusade neih leh a ni anga, Speaker atân Upa C.Lalmuankima ruat a ni.

K|P PROGRAMME

29.06.2015 (Thawh\anni Zan)

(Thupui Zir)

Hruaitu           : Pu Lalduhkima

|antu              : Nl. Pricilla Zodinpuii

Thupui hawngtu: Tv. C.Lalmuanawma

Thilpeklakha-            : Nl. Lalawmpuii (OPI) leh

awmtute           Nl. Lalrinmawii (Apuii)

Zai hruaitute  : Nl. Lalngaihawmi Ralte leh (01-15 June)      Tv. Abraham Lalnunthara

Keyboardist   : Tv. Zomuanpuia

KOHHRAN HMEICHHE PROGRAMME

23.06.2015 (Thawhlehni Zan)

Hruaitu           : Pi R. Lalzuali

|antu              : Pi Vanlalbiaki

Thuhriltu: Pi Zuimawii

SERMON

                     THI RENG SI NUNG HMING PU

            “Tin, Sardis khuaa kohhranho tirhkoh hnenah  chuan he ti hian ziak rawh:

            ‘Pathian Thlarau pasarih leh arsi pasarih neia kh^n h>ng thu hi a sawi a ni. I thiltihziate ka hria, thi reng si a, nung hming i put hi. Inv>ng la, i thil la neih thi lek lekte chu tinung leh rawh; i thiltihte r>ng ka mit tlung zo ka hmu si lo. Chutichuan i thu dawn leh ngaihthlakte kha hre reng la, pawm la, sim rawh. I inv>n loh zawngin rukru angin ka lo kal ang a, eng hunah nge ka rawn ph^wk d^wn che i hre si lo.(Thupuan 3:1-3)       

            Zoram ringtute hi Pathian rawng kan bawlna kawngah hian  enge kan dinhmun mahni kan  inhriat chian a ngai hle mai. Ni a kan in hriat ai hian Pathian mithmuhah hian kan  lo hniam viau thei tlat a ni. Tin, rawngbawlna kawngah hian tihdan hlui chhawm a, rei tak kal pui theih a ni a. Chungah chuan kan thiltihziate hi Pathian mithmuhin tun hunah hian a tling zo ang em? tih kan inenfiah fo a \ul hle a ni. Rawngbawlna chanvo min ruat ang chu hlen \ha tak, hnungtawlh hran lo, suala tl<k pawh awm chuang lem lo, mahse hma lam pan der si lo, rawngbawlna pawh nung em em tawh si lovin hun rei tak rawng a bawl theih hle. Chung rawngbawltu te chu kan Bible-in  ‘Thi reng si a, nung hming pu’ a tihte hi an ni thei ang em le? Heng z$ngah pawh la tel pha lo, mahni chanvoneih hun chauhva che chhuak \hin rawngbawltu a la awm theih bawk. Tin, chanvo neih pawh a che chhuak thei tawh lo rawngbawltu a la awm leh theih bawk. H>ng rawngbawltu chi hnihte phei chu nung hming pu a ni ph^k ang em? 

            Pathian hian a rawngbawltute hi eng anga nung tur hian nge min beisei a, min duh tih hriat chian fo a \ul bawk. Pathian hian rawngbawltute hi rawng an bawl sak mipuite hnenah, eitur pe a,an mahni hrai tlai turin, ‘Nangmahnin eitur pe rawh u’ a ti a ni. Mahse,  Lal Isua hian keimahni ringawt chuan eitur kan neih loh zia a hre chiang >m >m a, chuvangin AThlarau thianghlim chu kan hman theih turin min pe a ni. Sardis khuaa Tirhkoh pawh hian amah a Thlarau thianghlim awm chu hmang chhuak lovin, a ma mihring chakna leh theihna  hmang rawng a bawl \hin a vangin a rawngbawlna chu a nung thei tawh lova. Chuvangin Pathianin a hnenah thupuan a chhuah ta a ni.

            Rawngbawltu zawng zawngte u, i rawngbawl dan inbih chiang la, Pathian mittlungin tunah khan rawng i bawl em? Tuna Thlarau thianghlim nangmaha awm thi lek lek kha ti nungin rawngbawlna tharin ke p>n rawh. Chutichuan nangmahah khan miten eitur an lo nei tawh ang a, nangmahah mite an ch^wl muang thei tawh d^wn a ni.

                                     

                             

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

Fimkhur a \ul

            Fûr vânglai kan la nang chho zêl dawn a, ruahtui tam tak kan la hmachhawn dawn niin alang. Kan hriat \heuh angin hmânni lawkah pawh kan vêngchhûng ngeiah ruahsur avanga harsatna tâwk te pawh an awm kha. Leimin neuh neuh leh chhiatna hrang hrang a thleng chho leh dawn \an ta. Hêngah hian chhungtinte kan fimkhur tlân a \ûl viau âwm e. Mihring dan rual loh chhiatna chu a awm teh meuh mai, mahse, engemaw chen hi chu kan lo inven theih leh han fimkhur deuh a, pumpelh mai theih a awm ve bawk \hin. Chuvangchuan kan in leh a vêlah tui tling luang ral thei lo ang chite kan luan ral tir zung zung a, kan inbul vêlah tuihawkluankawr siam ang chite leh tuihawkluankawr awmsa alo awm anih pawhin bawlhhlawh leh thildangin a hnawh leh hnawh lohte ngun takain enfiah \hin ila. Tin, kan tuichhe paihna te a him tawk em? tihte leh ruah sur hun a kan inchung leh khawi emaw lai a\anga tui baw hawk, leimin leh chhiatna thlen thei awm tur ang chite endikin taihmâk i chhuah hrâm hrâm \hin ang u. He fûrpui chhûng hian mitinte kan him tlân theih nan i fimkhur tlâng ang u. 

                       

ARTICLE

NOVA TUILÊT LEH CRETACEOUS-PALEOGENE EXTINCTION AND TRANSITION

            Cretaceous-Paleogene extinction and transition event chu kan sawi tawh angin, Chhiatrupna (Biotic crisis) khawvel in kan tawrh hnuhnun ber ni in, thilnung 75% chimih(extinct) na kha a ni a. Kum maktaduai 66 kal ta a mi kha a ni, he hun hi Dinosaurs te chimih duak na leh tunlai thilnung ho in a khawvel an rawn luah \anna hun a ni a, hemi hmalam hian mihring te hi an la awm lo nge ni an fossil hmuh tur a awm lo a ,\henkhat sawi dan chuan Cretaceous period lai hian dinosaurs te leh mihring te hi an lo awm ho(co-exist) tawh thin a, mahse mihring te leh tunlai ramsa ancestor te chu he extintion event hian an damkhaw chhuak a, pumraw lian leh insaseng thei lo ho erawh an chimit vek thung an ti a ni. He extinction event thlen hnu hian a dam chhuak paleogene ho te chuan khawvel hi an rawn luah chho ta a ni. Paleogene ho hun hi mammal ho rawn evolve/awm \an hun a ngaih a ni Mihring te evolve nge kan nih a Pathian siam kan nih tih lam sawi kan tum lova, engtik hun(period) lai emaw a\ang a rawn awm \an kan ni a, chu hun chu hriat theih ni chiah tawh lo mah se mihring te hian he chhiat rup na hi kan lo pal tlang ve tawh tho a ni mai thei, Bible-ah te leh Sumerian text(tablet) ah te pawh tuil>t nasa tak khawvel hian a lo tawrh tawh thu kan hmu a, Cretaceous extinctinct chhan erawh Asteriod in lei a den vang ah an ngai thung a ni.

             Nova tuil>t leh Kpg  Asteroid Impact hian inzawmna a nei thei ang em? Bible a Genesis kan keu chuan bung 6-9 hi tuilet chanchin deuh vek a ni a, eng hun a thleng chiah nge tih hriat a har hle a, Bible chronology lam chhui tute pawn a hun tak an hre thei bik lo a ni, kan rin aiin a lo hla daih zawk mai thei a, Cretaceous period lai hian Adama te pawh an lo awm daih tawh mai thei a, Kpg Asteroid Impact thlen lai leh Nova tuil>t hi a lo in ang reng mai thei bawk. Zawhna awm thei chu Nova tuil>t kha eng in nge thlen? Gen 7:19 ah van a tui awm pun belh thu kan hmu a “Lei chunga tui te chu nasa takin a lo pung a.....” kan chenna atmosphere a tui nasa tak a ti pung/vawrh chhuak thei chu Asteriod Impact chiah a ni a, a scientific zawng tak chuan, chu chu khawvel pum a tsunami a tuam thei leh tui tamtak atmosphere a vawrh chhuak thei tu chu Kpg Asteriod Impact kha a ni mai awm e a tih theih awm e. Gen 7:11 ah chuan tui thuk zautak hna zawng zawng a in sah vek thu kan hmu leh a, hemi thleng tur chuan megathrust-earthquake a awm a ngai awm e, Kpg impact hian megathrust-earthquake chu a siam thei a, lei a den nghawr avanga lei kak/khi nasa tak in siam a\anga tui lo chik chhuak a ni thei awm e.

            Tuna kan atmosphere a tui (tuihu/water molecule) awm zawng zawng hi lei lam ah rawn tla vek ta se, khawvel pum hi feet khat vel in a chim pil thei ang an ti a, an awmna chu vawt hle mahse tui ah chang in lei lam an rawn tla thei lo a, a chhan chu an pure em em a ice crystal a in form tur chuan Ice crystal sa emaw, vaivut nawi emaw, micro meteorite emaw a ngai a chu chu bawm khawm in crystal ah in siam in, tui molecule te chu an in belh bawm zel a ice crystal lian tak(molecule lak a lian) a lo nih hnu ah lei lam ah lo tla in friction vang in Ice crystal chu tui far a lo chang a ruah a lo sur ta \hin a, molecular level a ruah in siam dan a ni a.Nova hunlaia tuil>t kha Kpg impact vang ah lo ngai ta i la , a ni e ka tihna ni lo in; kha impact vang khan khawvel chu tui in a chim pil thei a, a tui vawrh chhuah lei lam a nasa taka a lo sur leh hnuah pawh rei tak ruah a la sur a, kha Asteriod in a vawrh chhuah dirt particle te khan van boruak a tui hu awm chu ruah ah a sur tir leh ni awm tak a ni. Hei hian hun rei tak chu a awh thei hrim hrim bawk a, he thil thlengah hian kan sawi tawh ang in thilnung zawng zawng zinga 75% chu an chimit a heng zing ah hian Dinosaurs ho pawh an tel a ni, han suangtuah zui deuh ila; 25% zingah marine species (Tuia ch>ng chi) engemaw zat an tel a, chung ho tel lo chuan khawmual a cheng chi nupa tuak chauh hi Nova lawngah an chuang a tih theih awm e, a damchhuak survive a\anga chhut in; Nova lawngah chuan an leng mai..

BENG TIVAR

MIZORAM CHHIARPUI HMASA PALI (4) CHANCHIN

Kum 1901 : Mizoram chhiarpui (Public Census) hmasa ber neih a ni a.He tih lai hian Mizo zingah lehkha thiam an la tam lo hle a,khawchhiar tur pawh an la tam lo hle a ni.Khawchhiar tur pawh Aizawl leh Lunglei ah an ko khawm a,lehkha an zirtir chawp a,a thente phei chu lehkha chhiar leh ziak thlengin an zir tir a ni.He mi tum a Mizoram chhiarpui neih dan chu,hetiang hi a ni. (1) Mizoram a khaw awm zawng zawng 239 (2) In awm zawng zawng 15668 (3) Mihring awm zawng zawng 82434 a ni.

(1) Lusei awm zawng zawng mi 36332

(2) Pawi awm zawng zawng mi 15038

(3) Ralte awm zawng zawng mi 13827

(4) Hmar awm zawng zawng mi 10411

(5) Paihte awm zawng zawng mi 2870

(6) Midang awm zawng zawng 3955

SAKHAW LAM :

(1) Ramhuai bia 78659

(2) Hindu sakhua 3373

(3) Muslim sakhua 202

(4) Bhudish sakhua 137

(5) Kristian 45

(6) Sikh 25

Mizo mipa lehkha thiam zawng zawng: 736

Hmeichhia lehkha thiam zawng zawng: 25

Tin,Mizoram Hmeithai awm zawng zawng: 6734, Mi â awm zawng zawng 222.Piangsual awm zawng zawng: 514

            Kum 1911 : Chhiarpui vawi-2 na neih a ni a,Bawrhsap W.M.Kenedy niin lehkha thiam pawh an tam veta. Mizoram mipui zawng zawng 91204.Kristian 2461 leh lehkha thiam 3635 an ni.Hemi kum hi Mizoram ah mau tam a ni a. He mi kum atang hian Mizo ten sumdawn an ching ve tan ta.Sairang khua chu Lawng a thlen avangin sumdawn na hmun tha tak a ni.

            Kum 1921 : Chhiar pui vawi thum na a ni a.Bawrhsap chu W.L.Scott M.A.Bsc. A ni a.Mi tha leh fel tak a ni a.Mizoram bawrhsap zinga kai sang ber a ni a,Shillong ah Assam Governor Councillor a kai a, chumi hnuah ‘Sir’(Knight) kai in rei vak lo chu Governor ah a tang nghe nghe.

            Kum 1921 ah chuan Mizoram mi zawng zawng 98406,Kristian 27720,lehkha thiam 6183 an ni.Kristian an pung hle a,chhiarpui hmasa aiin 25259 in an pung a ni.

            Kum 1931 chhiarpui hi thil mak tak a ni.Kristian leh lehkhathiam an pung nasa a,hetih laia Bawrhsap chu Helme sap a ni.

Mizoram mi 124404 an tlinga,Kristian 59123,lehkha thiam 13320.Chhiarpui hmasa aiin Kristian 31403 in an punga,lehkha thiam pawh 9137 in an pung bawk a ni.

            Kum 1941 chhiarpui : Indopui 2 na ani tawh a.He tih laia Superintendent of Lushai Hill chu M.C Call a ni a.He chhiarpui hi tih danglam deuh ani. Tlang mi ho hi ‘Tribal’ an ti a,sakhaw lam anti lang lo.Kristian zat hi Kohhran lam in chhiarna lak a ni.

BIBLE  QUIZ  No. 78

MARKA  BUNG 11-15

A kâr âwl dah khat rawh :

Q1. Tichuan, Isuan thing chu a bia a, “Tun achinah kumkhuain i lakah tuman ____________ ei tawh suh se,” a ti a. A zirtirhote chuan chu chu an hria a.

Q2. He Pathian Lehkha thu hi in chhiar lawm ni?‘In satute lung duh loh kha, ‘Chu ngei chu a kila _______________ \angkai ber a lo ni ta.

Q3. Tin, tihhlum turin unaupa leh unaupa an inmantir ang a, pa pawhin a fa a mantir bawk ang; fate pawhin an nu leh an pate an do vang a, an ______________________bawk ang.

Q4. Nimhsela, thenkhat chu an tinur ta hlawm a, “eng atan nge ___________ rimtui hi a tihboral mai mai ni?

Q5. Tin, nuihza siam nan an hman zawhin puan sen duk chu an hlip a, ama puan an sintir leh a, kraws-a ____________________ turin an hruai chhuak ta a.

A bung leh châng dah rawh :

Q1. Tichuan Isua an chhang a, “Kan hre lo,” an ti a. Tin, Isuan an hnenah, “Kei pawhin tu thuin nge heng thil hi ka tih ka hrilh bik lo vang che u,” a ti a.

Bung: ...............          Chang: ....................

Q2. Heng zawng zawng hian an neih liama mi an thlak a ni; ani erawh hi chuan a duh lai tak, a neih chhun tak, a intunnunna tur zawng zawng chu a thlak vek a ni,” a ti a.

Bung: ................         Chang: ....................

Q3. Tin, in hnena ka sawi hi mi zawng zawng hnena sawi ka ni. Inring rengin awm rawh u,” a ti ta a.

Bung: ................         Chang: ....................

Q4. Tin, ar khuan vawi hnihna chu a khuang ta nghal a. Tin, Petera chuan Isuan a hnena, “Ar vawi hnih a khuan hmain nangin vawi thum mi phat ang,” a tih thu kha a lo hre chhuak leh ta a. Tin, chu chu a ngaihtuahin a tap ta a.

Bung: ................         Chang: ....................

Hming : ......................................................

Section : .....................................................

BIBLE QUIZ  NO.77  RESULT

Chhanna lut zawng zawng : 6

Chhang dik vek                       : 6

Lawmman dawngtu: Lalvenhimi (T. Sec)

            Bible Quiz chh^nna leh lâwmman hi Circulation Manager C.Laldawngliana hnenah thehluh a, lam \hin tur a ni.

SOLAR INVERTER

            Aizawl Municipal Council (AMC) hnuaiah hêng a hnuaia ami Solar Inverter hrang hrang hi alo thleng a, mipuite tan dilna form nen  lei theihin a awm ta e:

1. Module-500Watt

Inverter-1.2KVA         `59,550/-

Battery-150Ah(2nos)

Average load and duty cycle: 350W

Load for 4hrs (Approx)

2. Module-300Watt

Inverter-1.2KVA         `48,500/-

Battery-150Ah(2nos)

Average load and duty cycle: 210W

Load for 4hrs (Approx)

3. Module-200Watt

Inverter-750VA           `37,800/-

Battery-120Ah(2nos)

Average load and duty cycle: 140W

Load for 4hrs (Approx)

4. Module-150Watt

Inverter-750VA           `26,000/-

Battery-120Ah(1nos)

Average load and duty cycle: 105W

Load for 4hrs (Approx)

5. Module-125Watt

Inverter-600VA           `23,500/-

Battery-100Ah(1nos)

Average load and duty cycle: 90W

Load for 4hrs (Approx)

6. Module-30Watt

Charge Controller        `6,500/-

Battery-40Ah

9Watt CFL bulb (2nos) free

7. Module-20Watt

Charge Controller        `5,600/-

Battery-20Ah

7Watt CFL bulb (2nos) free

8. Module-10Watt

Charge Controller        `3,100/-

Battery-7.5Ah SMF

5Watt LED bulb (2nos) free

Dilna Form-ah hêngte hi thil tel angai:

1) Pasportsize photo 1

2) Attested Copy of Voter ID 1

3) Attested Copy of Ration Card 1

         Hrechiang duh tan Pu Lalremruata (LC Member) hnenah zawhfiah theih a ni e.

            MATTHAIA GROUP HRIATTIRNA

            K|P Matthaia Group member-te 30.6.2015(Thawhlehni) zan dar 6:30 hian Matthaia Group member tinte hnenah Group intlawhchhuah pahin Jumble Sale ami tur thawmhnaw kan rawn khawn dawn a, Group Member tinte kan inhriattir a ni e.

            Tin hemi zana hnatlang tur hian Group member zawng zawng te thawh chhuah tum ila, Tv. P.C. Vanlalhriatpuia te Inah innghahkhawm tur a ni e.

Sd/- (F.LALDINGLIANA)

Secretary

K|P Matthaia Group

SKKBC HRUAITU THAR

            Saikhamakawn Badminton Club (SKKBC) te chuan Ni 20. 6. 2015 khan Rising Day hmangin hruaitu thar thlanna kan nei nghal a,. Heng mite hi hruaitu atan thlan chhuah an ni:

President: Pu C. Lalhmangaiha

V. President: Pu C. Lalzarliana

Secretary: Tv. F. Laldingliana

A. Secy.: Tv. P.C. Vanlalhriatpuia

Treasurer: Tv. Lalfakzuala

Fin. Secy: Pu Ramthianghlima

Sd/-

(F.LALDINGLIANA)

Secretary

SKKBC

LAWMTHU SAWINA

            Ni 20. 6. 2015 tlaia leiminin kan in a rawn delh chungchangah vengchhung mipuite, YMA leh Local Council te chungah thinlung takin lawmthu kan sawi a, mimal tin hnenah lawmthu kan sawi thei lo a, hei hi kan lawmthu sawina ah min lo pawm sak turin kan ngen a che u.

In khawngaihna dawngtu

R. Biakthansanga te chhungkua

Saikhamakawn

TUALCHHÛNG

, Nl. Lalruatsangi d/o C. Lalengzama (V.Sec) chu damlohna avanga Synod Hospital, Durtlangah enkawl a nih hnuin a lo chhuak.

, Pu C. Lalhnehzauva h/o R.Zasangi (V.Sec) chu damlohna avanga Aizawl Hospital-a enkawl a nih hnuin a lo chhuak

INTLANSIAKAH PATHUMNA

            Tv. Malsawmdawngkima (Mama) s/o B. Lalrinzauva (Ch.Sec) chu Mizoram pum huap Olympic Day Intlansiakah Pathumna a ni a, hetiang Mizoram pum huapa lang pha vengchhunga kan nei hi Mipui Aw Editorial-te chuan kan lawmpui a, a kal leh zelna turah duhsakna kan hlan e.

CHATUAN RAM LAMAH

            Evan. Hriakmawia (Kum 65) chuan ni 24. 6.2015 (Nilaini) dar 6:30 pm khan Heart Attack avangin chatuan ram min pansan ta. Mipui Aw Editorial Board-te chuan a kalsan tâk a nupui fanau, chhung leh khatte Lalpa’n awmpuiin, thlamuan se tih hi kan \awng\aina a ni.

LAWMTHU SAWINA

            Ni 20. 6. 2015 tlaia tuihâwkin kan in a rawn hawrh chungchangah vengchhung mipuite, YMA leh Local Council te chungah thinlung takin lawmthu kan sawi a, mimal tin hnenah lawmthu kan sawi thei lo a, hei hi kan lawmthu sawina ah min lo pawm sak turin kan ngen a che u.

In khawngaihna dawngtu

Vuli te chhungkua

Saikhamakawn

VAWIIN KHAWCHIN

A lum lai berin: 260C

A vawh lai berin: 220C

Chawhma lamah 3mm, chawhnu lamah 3mm, zan lamah 0mm

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui Aw 21.6.2015

MIPUI AW

KARTIN CHHUAK

Vol. XXI Issue No. 25 Kristian Thalai  Pawl  Saikhamakawn Branch  Pathianni Dt.21.6.2015

KOHHRAN PROGRAMME

21.06.2015 (Pathianni)

Rualbanlote Ni

|antu              : Pi Rokhawli

Zirlai 22-na    : Chhandam nihna

Chawhnu Inkhawm

Thuhriltu       : Pi Khawlvuani

                        Zân inkhawm

Thupui           : Rualbanlote hmangaihtu - Isua

Thuhriltu       : Upa Lalzama

(Tualchhunga Rualbanlote pualin thilpek lakkhawm a ni ang)

K|P PROGRAMME

22.06.2015 (Thawh\anni Zan)

Hruaitu           : Nl. Briget Zonunmawii

|antu              : Tv. R.Lalhmingsanga

Thuhriltu       : Tv. Pc. Vanlalhriatpuia

Thilpeklakha-            : Nl. Lalrinliani leh

awmtute           Nl. Vanhlupuii

Zai hruaitute  : Nl. Lalngaihawmi Ralte leh (01-15 June)      Tv. Abraham Lalnunthara

Keyboardist   : Tv. Zomuanpuia

K|P FELOWSHIP PROGRAMME

21.06.2015 (Pathianni tlai)

Hruaitu           : Pu Lalhmangaihzuala

|antu              : Tv. Lalzarmawia

KOHHRAN HMEICHHE PROGRAMME

23.06.2015 (Thawhlehni Zan)

Hruaitu           : Pi Hmangaihsangzuali

|antu              : Pi  Laldawngliani

Thuhriltu       : Pi Lalchhingpuii

PAVALAI FELOWSHIP PROGRAMME

21.06.2015 (Pathianni tlai)

A hmun          : Pu R.Lalsangliana te In

Hruaitu           : Pu Allan J.Lalramhluna

|antu              : Tv. Pu Lianchia

Sharing leh \awng\ai ruala hun hman a ni ang.

SERMON

                     THLARAU THARA RAWNGBAWL

            Chutichuan Pathian khawngaihna avang hian inthawina nung leh thianghlim leh Pathian lawm tl^k ni turin in taksa chu in hl^nah ka ng>n a che u; chu chu in rawngbawlna awm reng a ni. He khawv>l  d^n ang hian awm suh ula; Pathian duhz^wng a \ha leh lawm tl^k leh \hat famkim chu in hriatfiah theih n^n in rilru a thara awmin lo danglam z^wk tawh rawh u. (Rom 12:1-2)

            Thlarau thara rawngbawl han tih hian mi tam tak ngaihdan a inang lo thei viau ang. Mi \henkhat chuan Thlarau hlui leh thar a awm chuang em ni? ti a zawhna pawh a awm thei ngei ang. Ni e, a dik khawp mai, Thlarau hlui leh thar hi a awm chuang lova. Thlarau thianghlim chuan min chen chilh reng a, hmana thlarau thiang hlim leh tuna thlarau thianghlim pawh hi a ngai reng a ni. Mitin hnenah thlarau thianghlim chu pek kan ni a, a ma zarah nung leh che kan ni bawk. Chu thlarau thianghlim chu a lo dawngsawngtu a zirin, thlarau mi leh mi lo kan teh mai zawk \hin.

            Thlarau Thianghlim chuan ze hrang hrang a nei a, chu a zia chu hriatthiam a har hle a, mihring hriatna hi chuan a hmu phak lova, kan rin dan leh kan ngaihdanin kan teh fo \hin bawk. Chu a zia hrethiam tur chuan keimahni ngei pawh kan chet chhuah a, kan inpekve a ngaiin, Pathian hnenah \awng\ai a hriat thiamna dil a ngai hle a ni. Mitin hn>nah Thlarau thianghlim chu pek vek ni mahse, keimahni lamah Thlarau thianghlim chuan zal>n taka hna a thawh theih si loh chuan eng ang a rawngbawltu lian leh fing pawh nise, rawngbawlna nung a nei thei \hin lo. Rawngbawltu tam tak, kan dinna ngaia ding rei tawh, hnungtawlh chuang lo, hmapawh sawn em em lo, chanvo leh thildang chu hlen \ha em em si, mahse a rawngbawlna chuan rah r>ng chhhuah thei si lo a awm theih hle a.Chung ang mi chu Thlarau thara rawngbawl ngai an tih tak chu a ni \hin. Chutiang mi chu Piangthar lo ni si lovin, an rawngbawlna chuan rah reng a chhuah thei lova, an rawngbawl sak mipuite tan eitur an nei ngai lo fo \hin. Ringtu nun chu hmalam pana ke pen hret hret tur kan ni a, hmalam p>n thei lova min siamtu taka chu kan paihthlak ngam a ngai a ni.

            Rawngbawltu tamtak te, kan rawngbawlna hi a nung em? kan rawlbawlnaah hian kan rawngbawl sak mipui ten eitur an hmu em tih kan ngaihtuah a ngai hle a ni. Chung rawngbawlna chu rawngbawlna thi a nih a vangin Pathian hnena inhlan thara, kan tih peih loh \hin te tih thar a ngai a. Pathianin min duh tawh lo emaw, kan tlin tawh lo emaw ti mai lova, intuai thara, pen chhuak tur kan nih hi hre thar lehin, kan inpekna chin chinah Lalpan mal min sawm d^wn a ni tih  i hre thar leh ang u. Kan rilru athar a awm a, danglam tur kan ni a, chu chu Thlarau thara rawngbawl chu a ni.

                                     

                             

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

KAN HARH VE EM?

            Vawiin ni hi Mizo ten kan hre \heuh ang a, ‘Lalmanga nu lawm rawih ni’ ti a an lo sawi \hin kha a ni. Mahse  he lam chu rilruah a awm lo riau mai, rilrua awm lam han tar lang leh phawng phawng mai teh ang. Ni rei ni leh ni lo ngaihtuah lovin, a \ul a ni ang e mau ch^ng puah leh phawng phawng mai ang aw!!!

            Ti hian ka ngaihtuah a, Lal Isua  he khawvela  hring a rawn chan lai kh^n, kha tih hun lai an sakhaw puithiam leh rawngbawltu tam zawk te khan an dodal nasa hle mai a. A mah Lal Isua thu  sawi ngei mai pawh khan Pharisai te leh Puithiam tethinlung kha a ti keh thei lo a ni a. Lal Isua hn^wl a, a mah khengbet tuteah an  \ang ta zel a nih kha. A hun lai ngaihtuah chuan an thiam lohna leh an diklohna a lang chuang lo. Nghet takin an ding a, an nghing eih lo a nih kha. Han chhui han chhui ila Isua Krista kha an ring thei tlat lo, Pathian Fapa a nih kha anring thei lo a ni. Mahse, an va han ti fuh lo em! Lal Isua thisen mawh phurtute an lo ni ta, a rapthlakin a pawi hle a ni.

            Tun hunah hian Thlarau thianghlim chuan  Kohhran hote min fang m>k a, rawngbawltu tam tak te hian Thlarau thianghlim hnathawh kan hmuh te hian kan thinlung min chawk harh em? Nge a do z^wngin kan awm zawk? |henkhat chuan ralkhat a\angin kan thlir a, a dik leh dik lo kan lo teh \hin a nih hi. Thlarau thianghlim meuhin a auh ei zawh loh rawngbawltu kan ni em? Rawngbawlna nung nei tawh si lo hian nghet takin i lo ding ve reng thei a nia aw. Eng dinhmunah nge i din a, i harh ve em? Nge Pharisai rilru i pu reng dawn? 

                       

ARTICLE

KELKANG HLIMPUI - 4

Kelkang hlimna-ah hian hrilhlawkna dik tak tak thleng a awm a, chung te chu :

1. 'Mizoramah buhfai a sur ang, Pathianin faisa-in min chawm ang' tih chu kum 1970 atanga tun thlenga supply buhfai kan hmuha hian hmehbel thei a ni.

2. Kelkang Biakin hmun tur kum 1939-ah khaw pawn, dai pawn lam mualpawng, nasa taka laih ngaia an teh chu, chumi hmun laih zawl sa-a kum 1950 khan an sa.

3. Hlimna avangin mi 3 an man ang an tih chu thleng dikin, chung mitangte an lo chhuah dawna lir a nghing ang tih pawh a thleng dik.

4. 'Burma ram hausakna kan tem ang' tih pawh kum 1952 atanga insumdawn tawnna kan neih nen sawizawm thei a ni.

5. 'Burma atangin mi an lo pem ang' tih pawh a dikna hmu tu te kan ni.

6. 'Hlimna hi Mizoramah a reh tawh lo vang' tuna pawh hlimna chuan kohhran te min la chamchilh reng a ni hi.

7. Rambuai tur lemchan hrilhlawkna dikzia pawh kan hre tlang e.

8. 'Kumpinu a tlawm ang' tih pawh sawizui vak a ngai lo.

9. Lalin ? 60 a chawi ang tih pawh thleng dikin Kelkang lalin Bawrhsap hnena a chawi.

10. Kum 1937-ah an buh thar tur zat an hrilhlawkte pawh a dik bawk.

Kum 1937 khan Lungdup mual tuipui kam thlengin thlawhhma an nei a, kum sawm chuang leng ram a ni lehnghal. Harhna a thlen hian hnuhpui an thlo zo hman tawh a, hnuhhram erawh tlem a zawngin a thlo ve hlek hman chauh a ni. Ram tha an nei avangin hnim deuh mahse buh in a ngei em em tho a, chuvangin pa berh in hnih thum in buh an thar tlem deuh tih mai lo chu, harhna avangin lo lam ngaihsak hman lovin thla tam awm hlawm mahse, rin aiin buh an thar tam a, an tam chuang lo a ni.

He harhna-ah hian lam leh ze chi hrang hrang te pawh a rawn chawrchhuak ve a ni.

* 'Kaih chhuah låmna' pawh a awm ve a. Chutianga kaihchhuah atanga hlim chho ta chu tam tak an awm a ni.

* 'Tai nei lam' tih pawh mihlimlo hovin mhlim lamte an puh fiamna pakhat a nia. Chung mi te chuan, mihlimho chu anmahni tai råna låm angin an hmu a ni mahna.

* 'Nek chhuah lam' pawh a lar a. Mi lam turin an nek chhuak thin a ni. Lâm chak, låm ngam silo te an cho chhuak a. Lam chak ve lem lo, an nek chhuah avanga hlimna chang ta pawh an awm ve tho.

* Ze nawi chikhat 'Thlarau sem leh dawn' te pawh a awm a, thenkhat tan chuan ze nawi a ni chuang kher lo.

* Chibai kuta inbukna hi a nasa khawp mai a, hlim hma erawh kha chuan a awm lo tluk a ni. An inchibai huai huai thin a ni.

* Thlarau hruaina/hrilhna atangin thilbo te pawh an zawngin an hmu thin a ni.

* Dai theu na hrang hrang awmin an Se hlin tur ti em em te pawh mihlimin thlarau lam dai theu-in awlsam takin an hling thin a ni.

* Ze chikhat, Bawng-ina Isua hrin tumna te pawh a awm.

* Tawngtaina thilpek, damlo an tawngtai te pawhin an dam dawn leh dawn loh an hre thei thin.

* Bible ngainatna a nasa in an chhiar nasa a, Pathian thu hriatna lamah hmasawnna ropui tak hmuh tur a awm.

* Bible chang thlanna thilpek a tam khawp mai. An kut chu Thlarauvin a hmang a, Bible chu keuvin, chang thlan chunga an zu fu chat mai thin a ni.

* Biakin inkhawm laia bawp khawkherha thut hi mihlimho chuan an phal hauh lo a, an phet thla zung zung mai a ni.

* Lu chunga kut nghata tawngtai ngamlo an vang hle bawk a ni. A mi huat thin deuh te lu chunga te pawh tulna avangin kut nghatin an tawngtai zel thin. He hlimpuia thil langsar tak a tling pha reng a ni.

Kelkang hlimna hi a ropui a, a hnu zela pawh a thleng ta fo reng a ni. Kum 1965 khan hlimna thlengin, chu chu thu lama harhna a ni ber a. Lam dan pawh a tluang hle. Kum 1974-ah pawh an hlim nasa hle a, an tawngtai nasa hle bawk a ni. Låm hlimna chu kum 1982 khan a thleng leh a. Hemi tum hian khawlaia Pathian thuhril an uar hle. Kum chanve laia rei a awh a ni. Kum 1992-a harhna atangin hlim thar eng emaw zat an awm a, khawlaia thu sawi te pawh an uar a. Tlaivara Biakina tawngtai leh Bethel te pawh an uar hle a ni. Kum chanve vel a awh leh.

Kum 1937 Kelkang hlimpui hi a ropui a, Zoram ringtute tan a hlu in, a chhenfakawm hle a ni. Chhimtu leh pur chaw-tu pawh hmun hrang hrang atangin an tam khawp mai. Zu hmun atanga rawn chhuak ring thar pawh an tam khawp mai. Zoram ramthim Kristian rama let tu hmanraw pawimawh tak pakhata a chhal thei hial ta ve ang.

BENG TIVAR

COLOSSUS OF RHODES

(seven most wonders in ancient)

            Greek titan Ni(sun) pathian lim ropui em em Helios antih 30 meters zet a sang hi Rhodes thliarkâr (BC 292-280) vela din a ni. He milim ding hi (BC 304) a Cyprus ram lal in Antigonus I Monophthalamus-an Rhodes a hual hlawhchham a, an lo hneh lêt lawmna entirna atana lim hi din a ni a, tin, hmanlai khawvelah chuan milim sang ber tia chhâl a ni hial \hin a, mahse vanduaithlâk takin (BC 226) a lirnghing khan atichhe ta hlauh a ni.

            Greek ho hi hmun tam tak ah an lal a, anmahni leh anmahni vêk pawh hi an indo fo \hin a. 4th Century BC khân Egypt lal Ptolemy chuan Antigonus I Monophthalamus-an arawn rûn palh hlauin invenna nasa tak ruahmanna an lo siam ve bawk.

            Hun a lo kal zel a, BC 405 khan Egypt a\angin \anpuina nasa tak Rhodes khawpui chuan a dawng a, chu puihna hmang chuan, Antigonus-a sipai,bungrua leh hmanrua \hahnem tak, 300 talent, 6000 drachmae, 25.80 Kg silver an indonaah chuan an mansak a, chumi hralhna sum hmang chuan an pathian helios-a lim an ram tâna a hnathawh ropui entirnan he Colossus of statue (helios) lim hi an din ta a ni.

MIZO THIL BER KAI TE

1.Lungphun sang ber- Gospel Centenary lung,Chawngtlai(San alm-24ft,hlai lam-21ft,leh chhah lam- 2ft)

2. Bûng lian ber- Lianphunga Bûng, Sateek

3. Nitin chanchinbu chhutchuah tam ber - Vanglaini.

4.Thlatin chanchinbu chhuah tam ber- Kristian Tlangau(28,000 copies)

5. Primary School naupang upa ber- Zokunga (kum 72) Ngopa Kum 1983 khan P/s a kal.

6. Hming sei ber- Khawsawm Lawmthang Tupuilianral Laldang vangkhua Zaleng Thankhum Rualtinchhingzo Hnamtinsawivel Sialthansangi (Rengdil khua)

7.Mizoram Arm Police hmasa ber-1st Battalion MAP(Aug 1,1973-a din)

8. Hall lian ber- Saikuti hall Lunglei.

9. Mizorama Presbyterian Kohhran zinga Kohhran upa ber- Mission Veng Kohhran - kum1898-a din.

10.Mizoram thingtlanga School awm hmasa ber- Khandaih(Aug 1,1903)

11.Pûk lian ber- Pûkzing pûk, Pûkzing(a zau zawng -360ft, san zawng-96ft, Thuk zawng-250ft, A chhung area- 9560ft.

12. Khuang lian ber- Mizoram Gospel Centenary khuang.

13. Tlang sang ber- Phawngpui, ft. 6873.

14. Lui sei ber- Tlawng, 185.15Km

BIBLE  QUIZ  No. 77

MARKA BUNG 6-10

A kâr âwl dah khat rawh :

Q1. Tin, amah vekin an hnenah, “Khawiah pawh in thlenna inah chuan, chuta ta in ______________________ hma loh chu thleng reng ang che u.

Q2. Tin, amah vekin an hnenah, “Nangmahni thurochhiahte chu in pawm theihna turin _______________ thupekte in duh lo hi rem in hre zet mai e!

Q3. Tin, Pharisaite an lo chhuak a, amah fiah nan, a lakah van ata chhinchhiahna zawngin ani chu an _________________ ta a.

Q4. Tin, tlang ata chu an chhuk laiin, Mihring Fapa, __________________ zing ata a thawhleh hnuah chauh lo chuan an thil hmuhte chu tumah hrilh loh tur a ti tlat a.

Q5. Tin, a deh atan a hnenah naupang tete an rawn hruai a; tin, __________________ chuan an lo hau va.

A bung leh châng dah rawh :

Q1. Tin, khaw teahte, khaw lianahte, lovahte, khawiah pawh a luhna apiangah damlote chu dawr hmunahte an muttir hlawm a, a puan hmawr tal deh theih an dil chiam a; tin, amah dek apiang chu an dam ta zel a.

Bung: ...............          Chang: ....................

Q2.  “Ani chuan engkim tha takin a ti a; bengngawngte a tihvarsak a, tawng thei lote pawh a titawng thin,” an ti a, mak an ti nasa em em a.

Bung: ................         Chang: ....................

Q3. Tupawh tun lai chuan uire leh thil tihsual hmangte zinga keimah leh ka thu zahpui apiang, Mihring Fapa hian, vantirhkoh thianghlimte nena a Pa ropuinaa inthuama a lo kal hunah chuan, chu mi chu a rawn zahpui ve thung ang,” a ti a.

Bung: ................         Chang: ....................

Hming : ......................................................

Section : .....................................................

BIBLE QUIZ  NO.76  RESULT

Chhanna lut zawng zawng : 2

Chhang dik vek                       : 2

Lawmman dawngtu: C.Lalhmangaihzuali (V. Sec)

            Bible Quiz chh^nna leh lâwmman hi Circulation Manager C.Laldawngliana hnenah thehluh a, lam \hin tur a ni.

KOHHRAN PAVALAI PROGRAMME

A hmun: Biak In

A hun: 25.06.2015 (Ningani Zan)

Hruaitu: Pu TK Manga

|antu: Pu J.Thantluanga

Thuhriltu: Pu KL Biak\huama

LAWMTHU SAWINA

            Ni 6. 6. 2015 (Inrinni) a Vanapa Section sum tuak nan a ar kan talh min dawrtute zawng zawng chungah lawmthu kan sawi a. Tin, zan rei tak thleng a a buaipuitute leh a tuk a a zawrh chhuah na a hnatlang chhuak te zawng zawng chungah lawmthu kan sawi bawk bawk e.

Sd/-

(TOMMY ZIRNUNTLUANGA)

Secretary

Vanapa Section, Y.M.A

Saikhamakawn Branch

CHAWHCHAWRAWI

¤ A tui neia chawhmeh i kan chuan coffee tlêm thlâk la, a rawng a mawi duh a, a rim a danglam phah chuang lo.

¤ Khawizu fir/ a tak leh tak lo i hriat duh chuan tuiah tlêm far la, a ral mai chuan khawizu fir ani lo. Khawizu reng reng tuiah a ral thei lo.

¤ Atta i kan dawnin maida \ham khat vel telh la, kan puar a tiawl duh.

¤ Thingpui i lum dangdai deuha tih rimtui i duh chuan thingpui i lum laiin serthlum kawr tlem thlak ang che.

¤ I chini dahna a hnâwng anih chuan a burah toilet paper dah tel ang che.

¤ I thil kan in tel a hip nasat i duhloh chuan telah khan chi tlem thlak hmasa ang che.

¤ Artui pum chhum zai lep nan chemte aiah khawlla hmang la, a pan nalh duh zawk.

¤ Dawnfawh kâwr hi pho ro la, râwt sawm vek la, dah \ha ang che. Soda angah a hman theih.

¤ Alu i chhum dawmin pin in vit kual la, a keh loh bakah a hmin hma

            K|P CHAWNGHEI |AWNG|AI

            CK|P General Conference rorel Inkhawm-in thu a pass tawh angin vawiin tlai dar 5-6 inakrah hian Kristian |halai Pawlte chawngheia \awng\aina Biak In ah neih tur a ni a, Member zawng zawngte \hahnemngai taka kal i tum ang u. Tin, hemi hunah hian a duh apiang tan tel theih a ni bawk ang.

BIAL HRUAITU TEN TLAWH DAWN

            Hlimen Pastor Bial K|P hruaitute chuan ni 22.6.2015 (Thawh\anni) hian Hlimen Kohhran an tlawh dawn.

COMPUTER ADMISSION OPEN

            Govt. of Mizoram (MSCTE) Affiliated Institution hnuaiah computer course hrang hrang CCA, DCA, C, C++ ,Java, Web Developing/Design leh Video Editing ah te admission hawn m>k a ni a, scholarship kan dil sak thei bawk e. Computer Engineer kaihhruaina hnuaiah eizawnna tlak khawpa thiam turin i duh ang course kan zirtir thei reng bawk che. Seat tlem a la awm e.

Spoken English leh Stenography ah pawh admission hawn a ni ta e.

Timing:  6:00am - 6:00 pm

Mizoram Professional Computer Institution (MPCI)

New Street, Mission Veng, Opposite SBI

Ph- 9862363005/ 03892310866

ZAWNG|AH |IAK

            Zawng\ah (|ahlim) \iak, Polypot pakhat `50/- in lei tur kan nei e.

In \hian,

C.Lalhmunngheta

Saikhamakawn

TUALCHHÛNG

, Pi Lalrinpuii w/o Liankunga (L) (T.Sec) chu damlohna avangin Greenwood Hospital-ah enkawl mek a ni.

, Pu Lalhnehzauva h/o R.Zasangi chu damlohna avangin Aizawl Hospital-ah enkawl mek a ni.

, Tv. Lalmuanpuia s/o Siammawia (T.Sec) chu damlohna avanga Greenwood Hospital-a zai anih hnuin alo chhuak.

, Nl. F.Lalrintluangi d/o F.Lalrinpuia (T.Sec) chuan Lunglei AIR ah Radio Announcer hna a hmu thar.

MUSIC SCHOOL

ADMISSION

            Synod School of Music hnuaiah a hnuaia tarlan ang hian Keyboard July - December, 2015 chhunga zir duhte tan seat dil theih a ni a. Dil duhte chuan a hnuaia tarlan hi hriat ni se:

1. Music Deptt., Synod Office a\angin dilna Form lachhuakin June ni 23, 2015 ral hma ngeiin Synod Office ah theh luh tur a ni. June ni 24, 2015 ah Seat chang turte hming tarchhuah a ni anga, zir tura thlate chuan June ni 24 - 26, 2015 chhungin Admission tihfel tur a ni ang.

2. July ni 1, 2015 a\anga class \an tur a ni ang.

3. Dilnaah mahni awmna Kohhran lehkha thil tel tur a ni.

4. Hriat tur \ul dang chu dilna Form-ah tarlan a ni ang.

Sd/-

(REV. PC PACHHUNGA)

Executive Secretary

i/c Music

UI NOTE LEI TUR NEI

            Ui note lei duh tan pakhat `500/- in lei tur kan nei e.

In \hian,

C.Zakhuma h/o Dengkungi

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330