Mipui Aw 29.3.2015

MIPUI AW

KARTIN CHHUAK

Vol. XXI Issue No. 13 Kristian Thalai  Pawl  Saikhamakawn Branch  Pathianni Dt.29.3.2015

Changvawn : Aw LALPA ngain ngun takin mi en chhuaka, mi hre ta. Nangin ka \huh leh ka din hi i hre \hin a, Ka ngaihtuahna hi hla tak a\ang pawhin i hre thiam \hin. Ka kal leh ka mu hi mi en ngun \hin a, Ka awm d^n zawng zawng hi i hre vek a. Ngaiteh, aw LALPA, nangin i hriat fai vek loh chu, ka leiah hian thu reng reng a awm lo. Sam 139:1-4

KOHHRAN PROGRAMME

29.03.2015 (T<mkauni)

Sunday School

|antu              : Pi Ain^wnpari

Zirlai 11-na    : ‘Pathian Mizia’

Chawhnu inkhawm

Thupui                       : Chawimawi phu Isua

Thuhriltu       : Pi Khawlvuani

Zan inkhawm

Thupui                       : Thenfai ngai kan taksa Temple

Thuhriltu       : T.Upa C.Vanlalsanga

                K|P PROGRAMME

30.03.2015 (Thawh\anni z^n)

            Tirhkoh chawmna pual (faith promise night) Inkhawm

Hruaitu           : Nl. Zohmingmawii

|antu              : Tv. Tlangdingliana

Thuhriltu       : Pu R.Lalmuanpuia

Thilpek lakh    : Nl. Hmingthanpuii leh

awmtute           Nl. Lalduhkimi Ralte

Special Item   : Male Voice

Hla hruaitute : Tv.C.Laldawngliana leh

(Ni 16-31march)      Tv.Abraham Lalnunthara

Keyboardist    : Pu Lalduhkima

           

KOHHRAN     HMEICHHE PROGRAMME

31.03.2015 (Thawhlehni Z^n)

Sermon Inkhawm

Hruaitu           : Pi Lalchharliani

|antu              : Pi Laldingpuii

Thuhriltu       : Pi Lalmuankimi

SERMON

LUNGKHAM

       Tin, a zirtirte hnenah chuan, “ Chuvangin ka hrilh a che u, ‘Engnge ka ei ang aw?’ tiin in nunna thu leh, ‘ Engnge ka silhin ka f>n ang aw?’ tiin in taksa thu lungkham suh u. Eitur aiin nunna a thupui z^wk a ni, silhfen ai pawhin taksa a thupui zawk a ni.  Cho^kte hi ngaihtuah rawh u, buh an tuh hek lo, an ^t hek lo, z>m te, buh in te pawh an nei lo; nimahsela Pathianin a ch^wm si a; nangni chu savate ai chuan in hlut zawk zia mai chu! Tin, nangni zingah lungkham avangin tuin nge mahni dung lam tawng khata ti s^ng chuang thei?” He mi t> mah ti thei lo che u a, engati nge thil dang in lungkham \hin? (Luka 12:22-26)

            Lal Isua hian amah ringtute hi a ngaihtuah hle a, Bible hi chhiar chhiar i la, Pathian ring tak tak tute Pathian hian a ensan loh zia chiang takin kan hmu a. Hausa tak ni lo mahse, rethei tak leh  mi neih awt reng rengin an awm ngai lo tih chiang takin kan hmu a ni. He khawvelah mihringte hi intlansiakna a nasa >m >m a, duham leh rual el reng rengin kan hun kan hmang zo a ni ber a. A chang phei chuan Pathian pawh pawl hman lo khawp hian kan eizawnna leh kan nitin hna kan thawk \hin. Lal Isua hun lai ngei pawh hian, a zirtirte ngei pawh an ei leh in tur te, an silhfen inbel turte an ngaihtuah buai ve viau \hin ni ngei tur a ni. Lalsuan Bible chang kan tarlan takah khian a zirtirte hnena a sawi chiang takin kan hmu a ni.

            Kan sawi takang khian mihringte hi mahni neihsaah pawh lungawi lo \hin, a dang duh belh zel \hin kan ni a. Mi neih ang neih ve loh hlau reng rengin kan awm bawk a, duhamna leh rualelna chuan kan thinlung a luah zo \hin. He khawvela kan awm chhung chuan heng hi a bang dawn lo a, kan ei leh in tur, kan silh fen tur ngaihtuah te pawh a \ul zel ngei dawn a. Heng hi kan mamawh lo tihna ni lovin, Pathian ngei pawh hian heng zawng zawng hi kan mamawh tih a hre reng a ni. Mahse, heng kan mamawh thil zawng zawng te ai hian kan nunna ber, amah Lal Isua Krista hi a pawimawh zawk tih chiang takin min hrilh a tum a ni. Kan ei leh bar kan zawn danah te, kan nitin hna kan thawh dan zawng zawngah te, Pathian theihnghilh \hak a, a mah aia thil dang lungkham kan neih hi a duh lo a ni.

            Isua Krista hian a mah zuia amah ringtute chu a ensan ngai lova, cho^k te ngei pawh hna pawh thawk lo, buh pawh tuh lova, at hek lo pawh, ei tur tla chham an awm lo a ni tiin min hrilh a. Keini Isua ringtute pawh a mah hi ring tak tak a, khawvel hun kan hman mekah hian Isua krista hi kan lungkham ber ni turin min duh a ni. Amah ringa a mah dah hmasatute chu, kan mamawh tinreng hretu chuan min kal san dawn lo tih hriain, nitin kan thiltih kawng engkimah amah i dah hmasa ber zel ang u.

           

                             

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

TUMKAU NI 

            T<mkauni hi Mizo Krostian-te hian kan la urhsun khawp mai a, eng tik a\angin nge Kohhrante hian kan hman \an a, Sunday School naupangten Pathian faka kawngzawh hi an lo hman \ante hre kher lo mah i la, Mizoram khua leh veng hrang hranga Kohhran Sunday School naupang ten tukin zingah hian mahni veng \heuhvah kawng zawh kan neih vek  a rinawm. He mi a\ang ringawt pawh hian tumkauni hi Mizo Kristiante hian kanhlut hle tih a hriat theih a ni. Kan Lal Isua Khawvela a lo len laia Lal anih chawimawi a hlawhna hriatrengna hun kan la hmang thei hi a lawmawm hle a ni.

            Engpawh nise kan Lalpa Isua Krista hian chawimawi hi a lawm a,tin, chawimawi hi a phu ve reng bawk. hetih hun laia chawimawi a nih lai hian amah faka au zawng zawngte hian Isua Krista hi Lal, Lei leh V^n, khawvel chhandamtu a nih hi an ring takzet ang em tih hi chhut tham chu a ni ve reng reng mai. Khatia chawimawi a awm lai a khap ngai khawp a au nasa si kha, manin a awm a, Kross-a khengbet tura a Kross an puttir lai kha chuanchawimawina zawng zawng a reh zo si a nih kha! Kha tiang ang leka chawimawia t<mkau nena kawng zawh kha i ni ve ang em le!!!??

           

ARTICLE

            Zanah kan han mut a, kan mut hilh hma si, rilru a insawr bing lai hian hringnun damchhung reilote hi ka ngaihtuah \hin. Siamtu Pathianin min lo duan d^n hi a chang chuan ropui ti hle \hin mah ila, a ch^ng erawh chuan a ho ka ti viau lawi si. Bible han en ila Pathian anpui ngeia a siam, Pathian siam zingah chuan ropui ber kan ni a. A ropuina zawngah chuan mihring thiltih ropui tak tak te, a thil ngaihtuah chuan turru tak tak mai te hi he mihringah hian Siamtu Pathian chuan ngaihtuah chhuak thei turin finna a lo dah thlap mai a. Chutianga ropui leh thiltithei tak kan nih lai vek chuan thil siam dang, Ramsa chi hrang hrangte ka han ngaihtuah leh a. Mihring aiin an chak a, an thiltihtheihna lamah chuan Mihringte tluk phak rual loh an ni leh lawi bawk si. Mahse chung ramsa chak pui puite pawh chu eng emaw lai chuan mihringten kan duh duhin kan kai kual leh thei  tho bawk si. Pathianin min siam dam phung hi a ropui a ni a tih loh theih  loh.

            He khawvel kan hmuh tirh phat a\angin kan taksa reng reng engkim mai \hang lian thei a min siam te hi amak a, kan taksaa awm kan samzai te, kan kut leh ke tin leh kan hmul hrang hrang te \han lai erawh kan hre leh miah thung si lo.Tin, kan taksa pawn lam zawng zawng, mahni taksa kan hmu kim thei miah lo mai te hi ho viau mahse a mak ve reng reng a ni. Tichuan, naupan tet a\angin kan thih thlengin thil tam tak tiin thawk \hin mah ila. Mahni taksa, kawchhung chu sawi loh kan pawnlam lang thei pawh hmu kim lovin hringnun damchhung chu kan hmang ral vek dawn chu a ni si a.

            Pathian anpuia siam nisi, a \hen lian tak tak, \henkhat erawh t> ve tak tak kan awm bawk a. Tin, kan vun rawng inang lo tak tak mai te hi, kan naupan laia kan zir \hin dan chuan ‘Kan vunrawng danglam chhan chu ch>nna ram vang a ni’ tiin. Mahse, hei hi adik chian angem le? Tunlai khawvelah Mihring kan inchenpawlh nasa a, mi hang chu an ahang zel a, mi ngo tak chu an ngo zel tho si a, kan lo zir \hin kha a dik lo hle a nih dawn hi a, tiin ka ngaihtuah let a. Tin, Mihring  hei zat awmah tumah reng reng inang kan awm miah lo mai te hi a mak em em a ni. Siamtu Pathian themthiam zia hi chu aw!! He mi te hi an in ang danglamna a awm lo reng reng tih tur kan awm miah lo, ‘an va inang e’kan han tih pawh hi danglamna kan lo awm ve zel ani.

            Pathianin min duan dan ropui tak leh chu, thil chi hrang hrang kan eiin kan in a, mahse, kan vawih emaw kan > a nih loh chuan kan kawchhunga kan thil ei \awih nam miah lova kan awm thei te hi a ropui hle mai bawk.Chutiang lam thil ropui tak tak mai Pathianin mihringte min din nah hian sawi tur tam tak a awm thei ang, mahse, kan sawi vek seng dawn lo. Kan mitin a hmuh a, kan bengin a hriat theih mai dan te, kan hnarin rim a lo hriat theih mai d^nte hi ngaihtuah tham a tling a ni. Siamtu Pakhatin a duan ni si, duh zawng ,\ha tih zawng leh châk zawng kan nei h te, mawi kan tih zawng inang lo nuaih mai te hi Hringnun min khalh ngiltu pakhat chu a ni ngei ang le.

            He hringnun damchhung reilote hi ngaihtuah kir ila, thil kan hriat theih tirh a\angin kan tun hun hman thleng hian a kip akawiin ziak leh dawn ila tunge mahni thil tih tawh zawng zwng ziak kim thei ang le? kan hun hman tawh \henkhat te chu chiang lo ruai chuan kan la hria ang a, \henkhat erawh hriah tawh miah loh kan nei ngei bawk ang. Chutiang reng reng chua n kan hringnun \heuh hi kan hmang zo dawn a. He hringnun damchhung reilote hi a hmang thiam thiam mi vannei an ni ang a, a hmangthiam lo deu chu mi vanduai an ni ang. Engtin nge he hringnun damchhung reilote hi i hman ve zel dawn le?    

BENG TI VAr

MIZORAM KUM PAWIMAWH THENKHATTE

1. AD 1250 Pi leh Pu ten Khampat Bung an phun

.2. AD 1550- 1600 Lentlang vela an chen

3. AD 1730- 1760 Mizoram an rawn luh

4. AD 1750 Selesih in 7000khaw din

5. AD 1800 Tlangval hmeltha Lianchia thih

6. AD 1856-1859 Chhim leh Hamr indo

7. AD 1862 Mau tam vawikhat na

8. AD 1880 Thing tam vawikhatna

9. AD 1872 Vai len Vawikhatna

10. AD 1875 Inner Line Notification siam

11. AD 1876 Lal Vuttaia thih leh thlichhe tleh

12. AD 1884 Nov. 3 Arsi tlak

13. AD 1887 Vai len vawihnihna

14. AD 1890 * Kumpinu (British) in Mizoram a awp tan * Capt H.R Brown, Bawrhsap hmasa ber

15. AD 1894 Jan 11 * Missionary Rev. F.W Savidge lehRev. J.H Lorrain te lo luh * A,AW,B Neih tan April 2 * School neih tan

16. AD 1895 Aug 21 Mizo tawng khawl chhut hmasa ber ‘Chhanchintha Luka ziak’ neih

17. AD 1896 Biakin hmasa ber a ding

18. AD 1897 Assam hnuai ah Mizoram a awm tan

19. AD 1898 Aug 31 Presbyterian Kohhran din

20. AD 1899 Jun 25 District Jail Aizawl ah din

21. AD 1901 * Sunday School neih tan * Mizoram chhiarpui hmasa ber (Mihring 82,434)

22. AD 1902 * ‘Mizo leh Vai’ chanchinbu chhuah tan * Christmas hman tan

23. AD 1903 Mar 13 * Baptist Kohhran din * Lower Primary School exam hmasa ber

25. AD 1906 *Sunday School exam hmasa ber (Serkawn ah) *Harhna hmasa ber thlen

26. AD 1907 Aizawl Theological School Din27. AD 1908 Middle SchoolHmasa ber din

28. AD 1910 * Presbyterian khawmpui (Presbyterian leh Baptist) * Aizawl Bazar din (Col. I.A Bawrhsap) * Mizorama bawih ban

29. AD 1911 * Mau tam vawi hnih na * Christian Tlangau Chanchinbu chhuah tan * Printing Press Mizorama awm tan

30. AD 1913 Mizo Pastor hmasa ber (Pastor Chhuahkhama)

31. AD 1916 * Mizo tawngThuthlung tharbu neih * Salvation Army din

32. AD 1918 Presbytery Aizawla neih in Beirual hman arel Mar 15- 18 June thla atangin beirual hmantan a ni

33. AD 1920 Kristian hlabu neih tan

34. AD 1921 * Synod Bookroom hawn tan Apr 22 * Saikuti hlaphuah thiam thih

35. AD 1925 Roman Catholic din

36. AD 1929 Thing tam vawi hnih na

37. AD 1930 * Thlanmual neih tan * Durtlang Hospital din

38. AD 1933 Mizoram leh Cachar ramri siamthat

39. AD 1935 Jun 15 Young Lushai Association (Y.L.A) din

40. AD 1942 * Chana pawl din * Aizawl to Silchar kawng siam

41. AD 1944 Mizo High School din

42. AD 1945 * Pathian thuzirna hmasa ber ‘Jubilee Bible School’ Serkawn ah din * Mizo Union din

43. AD 1947 * Young Mizo Association (Y.M.A) din Jul 15 * United Mizo Freedom Organization din

44. AD 1950 Feb 15 United Pentecostal Church (U.P.C) din

45. AD 1951 Thalai Kristian Pawl (T.K.P) din kum

46. AD 1952 * District Council din * MDC inthlan hmasa ber

47. AD 1953 Apr 3 Aizawl - Lunglei Motor kawng hawn (By Pandit Jawaharlal Nerhu, 1st P.M of India)

48. AD 1954 * Village Council thlan hmasak ber

49. AD 1904 Kohhran dan thianghlim a innei hmasa ber (Hrangpuia leh Siamliani)

BIBLE  QUIZ  No. 65

ZAKARIA 1-5

A kâr âwl dah khat rawh :

Q1. Chuvângin heti hian an hnenah va sawi rawh: Sipaihote LALPA chuan heti hian a ti e, Kan lam lo hawi ula, kei pawh in lam ka lo hawi ang, Tih hi ____________________ LALPA thu chhuak a ni.

Q2. a hnênah, tlan la he tlangvâl hnênah hian, Jerusalem hi ami tam vang leh ran rual tam vangin Khaw hungna nei lo anga ____________ a awm dâwn a ni.

Q3. Tin, kei chuan Lukhum mawi tak khumtir rawh se, ka han ti a.  Tichuan lukhum mawi fe chu an khumtir ta a, silhfenin an thuam a, tin, LALPA ______________________ chu a kiangah a ding a.

A bung leh châng dah rawh :

Q1. Tichuan kei chuan, Heng hi eng rawn ti tûr nge an nih? Ka ti a. Ani chuan, sawng saw tumah dak chhuak ngam reng awm tawh lo khawpa Judate tidarhtu ki chu an ni a;

Bung: ...............          Chang: ....................

Q2. Mi zawng zawngte u, LALPA hmaah chuan ngawi \hiap rawh u: Ani chu a hmun thianghlim ata a lo tho tawh si a, Tiin va sawi rawh, a ti a.

Bung: ................         Chang: ....................

Q3. Chumi niah chuan mi tinin grêp hrui hnuaiah te leh

Theipui hnuaiahte mahni thenawmte in sawm \heuh tawh ang, Tih hi Sipaihote LALPA thu chuak a ni, tiin a tiam ta a,

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 64 RESULT

Chhanna lut zawng zawng : 7

Chhang dik vek                       : 7

Lawmman dawngtu: Stephen Lalhruaisanga (V. Sec)

         Bible Quiz chh^nna leh lâwmman hi Circulation Manager C.Laldawngliana hnenah thehluh a, lam \hin tur a ni.

BO ZAWNNA

            Gas Consumer Card Pu Lalremruata s/o Phirthanga Saikhamakawn ta chu a neitu ni lo in Lalnithanga Local Council secretary hnen a\anga lak chhuah a niin a lang a, a lo al chhuak chuan khawngaih takin in lakna ah rawn k$r leh la a lawmawm ngawt ang.

Sd/-

(LALNITHANGA)

Secretary

Local Council, Saikhamakawn

LAWMTHU SAWINA

            Ni 28. 3. 2015 a Naupang Sunday School T<mk^u ni atana kan T<mk^u zawrh min lei sak tute zawng zawng chungah lawmthu kan sawi e.

Sd/-

(LALRINNUNGA)

Secretary

K=P Marka Group

SKKBC HRIATTIRNA

            Saikhamakawn Badminton Club chuan ni 28.3.2015 (Inrinni) a One-Day Match, Club Member; puitling chin tan bik a buatsaih tur kha tualchhungah chhiat tawk an awm avangin ni 4.4.2015 (Inrinni) hian sawn a ni e.

Sd/-

(F.LALDINGLIANA)

Secretary

SKKBC

CHATUAN RAMAH

            Hnenthangi (Kum 67) chuan ni 26.3.2015 (Ningani) dar 10:45pm khan Chuap Cancer avangin he khawvel nat leh hrehawmna kalsanin chatuan ram min pan san ta.

            A kalsan tak a a pasal fanau, a chhung leh khatte mipui Aw Editorial Board-te chuan kan tuarpuiin; Lalpan awmpuiin vengin thlamuan sela tih hi kan \awng\aina a ni.

MIPUITE NGENNA LEH HRIATTIRNA

            Kum 2014 a Krismas leh Kumthar kan veng kawngphei Section Y.M.A ten an chei kha rin aiin a ropuiin a lo mawi a, khawpui chhunga ti \ha leh chei mawi zingah kan tel pha hial a, Section hruaitute leh mipui, mi \hahnemngaite chungah lawmthu kan sawi e. Tun kum 2015 kum tawpah pawh hian chei leh ngei tum a ni a,  chhungtin te \hahnemngai taka  \an la sauh sauh a, theih ang tawk thawh \heuh turin kan sawm a che u. Tin k^wnchei chungchangah hian intinah lehkha rawn sem tum a ni e tih kan inhriattir l^wk a ni e.

Sd/-

Secretary

K^wnchei Sub Committee 

NGENNA LEH  HRIATTIRNA

            Taitesena section in Dt. 28. 3. 2015 (Inrinni) a blanket s<k hnatlang neih a lo tum chu vengchhungah chhiat tawk an awm avangin karleh Dt 4. 4. 2015 (Inrinni) ah sawn a ni tih kan inhriattir a, tin, section huam chhunga blanket s<k tur neite khawngaiha midang lo s<k tir lova section hnatlan hun min nghak hr^m hr^m turin kan ngen a che u.

Sd/-

(ZODINPUIA)

Secretary

Y.M.A Taitesena Section

ADMISSION NOTICE

            Brighter Higher Secondary School chu Upper Republic a\angin Kulikawn, Tlangnuam Road (Hauva&Sons building) ah sawn a ni a, Class- IX to Class- XII (Art & Science) ah Admission a hawng mek e. Kal hmasa apiang duhsak an ni ang. Tin, First Division chin tân Concession siamsak an ni ang.

Contact:         8414956902

                        9862325305 (4-4)

TUALCHHUNG

,C.Zohmingmawia s/o C.Lalthlamuana T.Sec. damlohna avanga Urban Hospital Hlimenah enkawl chu dam takin a lo  chhuak.

, Vanlalpeka s/o C. Lalnunmawia  T.Sec (Bethel Veng) chu khawsik avangin Kulikawn damdawiinah enkawl a nih hnuin a lo chhuak

, Lal\anpuii d/o Thangluaia (Ch. Sec) chu damlohna avangin Greenwood Hospital ah enkawl m>k a ni.

, Reuben C. Vanlalpekhlua  s/o Stephen Lalchantluanga (V.Sec) chu Alpha Hospital ah enkawl a nih hnuin a lo chhuak

, Pi Lalnghilhlovi w/o Lalhlimpuia (Ch.Sec) chu damlohna avangin Kulikawn Hospital enkawl mek a ni.

KELKÂNG HARHNA CHHIM

            Presbyterian Kohhran, Saikhamakawn chuan ni 24.3.2015 (Thawhlehni) khan KelK^ng harhna chhim turin mi 52 riakin an thawkchhuak a, ni 27.3.2015 (Zirtawpni) khan an lo haw.

SUNDAY CHANCHINBU SEMTU TUR DUH

      Kohhran hrang hrang rawngbawlna chanchinbu, Sunday apianga chhuak tur “KRISTA WEEKLY” tih chu May thla a\ang hian tihchhuah a ni dawn a, vengchhunga sem duh chuan a hnuaia phone no. ah hian zawhfiah tur a ni e.

Hlawh:

Copy 1 ah `10/- zel

Copy 50 chinah `50/- zel belh/bonus.

Copy 100 chinah `120/- zel belh/bonus

Contact:         9612824095

                        Krista Weekly

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui Aw 22.3.2015

MIPUI AW

KARTIN CHHUAK

Vol. XXI Issue No. 12 Kristian Thalai  Pawl  Saikhamakawn Branch  Pathianni Dt.22.3.2015

Changvawn : Aw LALPA ngain ngun takin mi en chhuaka, mi hre ta. Nangin ka \huh leh ka din hi i hre \hin a, Ka ngaihtuahna hi hla tak a\ang pawhin i hre thiam \hin. Ka kal leh ka mu hi mi en ngun \hin a, Ka awm d^n zawng zawng hi i hre vek a. Ngaiteh, aw LALPA, nangin i hriat fai vek loh chu, ka leiah hian thu reng reng a awm lo. Sam 139:1-4

KOHHRAN PROGRAMME

22.03.2015 (Pathianni)

Sunday School

|antu              : Pi Lalhmangaihi

Zirlai 11-na    : ‘Pathian Zepui-11-na’

Chawhnu inkhawm

Thuhriltu       : Pu Siamliana

Zan inkhawm

Thuhriltu       : Pu Khawlhmingliana

                K|P PROGRAMME

23.03.2015 (Thawh\anni z^n)

Hruaitu           : Nl. R.zonuntluangi

|antu              : Nl. Vanhlupuii

Thuhriltu       : Pu Lalchhandama

Thilpek lakh    : Nl.Lalnunpuii Hrahsel leh

awmtute           Nl. Eden Lallawmzuali

Hla hruaitute : Tv.C.Laldawngliana leh

(Ni 16-31march)      Tv.Abraham Lalnunthara

Keyboardist    : Pu Lalduhkima

           

KOHHRAN     HMEICHHE PROGRAMME

24.03.2015 (Thawhlehni Z^n)

Sermon Inkhawm

Hruaitu           : Pi Ropari

|antu              : Pi J.Lalhmingliani

Thuhriltu: Pi Vanlalhruaii

SERMON

CHIBAI

K.Lalfakawma nu.

            Chutichuan a hun a thleng dawn ta, tunah pawh a thleng tawh mek, chumi hunah chuan Pathian chibai buktu tak tak ten thlarau leh tihtakzetin pa chibai an buk ang. Pa in chutiang mi chu a chibai buktu turin a zawng a ni. Pathian chu thlarau a ni, a chibai buktu ten thlarau leh tihtakzetin chibai an buk tur a ni a ti a.

            Keini ringtu piangthar te hian Pathian hi thinlung leh tihtakzetin chibai kan buk leh buk lohte mahni \heuh han in en ila, tirhkoh Paula pawhin mahni infiah fo turin min chah anih kha. Ringtu tam tak chu alanga mawi a Pathian chibai buka rilru tak taka buk lote pawh kan lo awm mai thei a ni. Rilru tak taka buk lova a awm tawk leh a mawihawih tawk chauha Pa chibai kan buk chuan kan Pathian duh zawng a ni lo a ni.

            Bible-a kan hmuh ang hian Pathianin kan rilru leh ngaihtuahna zawng zawngte, kan thiltih zawng zawngte nen lama amah Pathian chauh hi chibai buk turin min duh thu kan hmu a, chutianga amah chibai buk turin mi tam tak chuan ramthim ramro ah te kalin Pathian chibai bukin an awm mek a ni.

            Keini helaia mahni in lum a\anga Pathian pawl \hinte hian tihtakzetin Pathian chibai kan buk \hin em le? Pathian chu thlarau a ni a, kan rilrute pawh hre vektu a ni si a, a tante hi hrehawm kan tuar ngam ve dawn em le?

            Tunah pawh kohhran hmalaknain Kelkangah kan kal dawn a ni a, Pathian thlarau mamawhtu tak tak lo tan chuan hrehawmte pawh tawrh angai dawn a, mahni in angin ei in te, tui leh inthiarna thlengin a awm theih dawn loh a, kan inhuam dawn em le, mikhual an tam avang leh an kohhran an khua an tam loh avangin khawlaiahte pawh riah a \ul mai thei a, chutiang tur chuan kan inhuam pawh angai dawn a ni.

            Mahse, Pathian thlarau mamawh tak tak tan chuan hrehawm pawh lawmnaah a chang thei dawn a ni. Helaia kan awm chhung hian kan theihna zawng zawng a Pathian kan hmangaih a, kan thlarau tan rilru inngaitlawm taka chibai kan buk hi a \ul hle a ni.

            Mi chapo leh induhtawkte chu Pathianin a duh lo a, mi inngaitlawmte a hmangaih \hin a, chuvangin Lalpa kan Pathian hi hmuntin a awm thlarau anih avangin kan ngaihtuahna leh kan hmalam hunte lama min hriatsaktu a ni si a, chutianga thiltithei, engkim mai hretu a ni a, mahse a Pathianna dah\hain kan sualna leh bawhchhiatna avangin bawih ang hiala inngaitlawmin hrehawm tinreng tuarin kan tan a rawn thi a, kan tan a tuarna hi keini ringtute pawh hian lawm nachang hria ila, thinlung leh tihtakzetin kan Pathian lei leh van siamtu hi chibai i buk \heuh ang u.

            A naka thisen leh tui lo luangchhuak a bawih (Sal) anga inngaitlawm a thi khawp hial a apa thu zawmtu Isua Kriata hi chibai i buk lo anih chuan Setana chibai i buk tihna a ni.

                 

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

Intodelh 

            Ram changk^ng apiang an intodelh a, ram hnufual apiangin mamawh an ngah thung. Tin, intodelh tur chuan ram hruaitu \ha neih angai \hin. Ram hruaituten an zir loh chuan ram economic a tla chhia a, ram ropui tak tak pawh an tlu chhe rup \hin. Chutiang a thlen loh nan inkaihhruaina \ha neih a ngai a, kalphung fel tak pawh siam a \ul \hin a ni. Tin, ram hruaitute bakah ram mipui ten an zir a ngai hle bawk. Ram hruaituten theih tawp chhuah \hin mahse, mipuiten an zir loh chuan ram intodelh a nih theih chuang loh \hin. Ram intodelh ni tur chuan a ram mipui zawng zawngte \anrualna \ha neih a ngai a ni.

            Chhungkua pawh chhungkaw intodelh ni tur chuan rorelna fel leh \ha neih a ngai a. Chhungkaw member zawng zawng tan inkaihhruaina \ha tak siam a \ul \hin. Chhungkaw zawng zawngte kan sum thawh chhuah leh kan sum lak luh a inang lo viau thei a, mahse, sum lak luh inang \heuh \heuhah, economics \ha leh chhungkaw inrelbawlna \ha chuan a sum lak luh ang ang chu thiam takin a hmang \hin a, chhungkaw intodelh takin an awm thei \hin. I sum lak luh chu tam mahse, ruahmanna fel tak i neih si loh chuan, thil ho tak pawh mi ta i hawh d<k d<k reng mai ang.a

           

ARTICLE

SWINE  FLU !

            Tunlaia natna hri leng India ram min chenchilh tu, thenkhatin an thihpui mek ‘Swine Flu’ H1N1 hi Influenza chikhat a ni a, kum 1930 khan Japan ramah vawkah hmuhchhuah a ni. Vawkah hmuhchhuah ni mahse, vawk natna bik a ni chuang lova,  tunah chuan mihring leh mihringa inkaichhawn natna hri a ni ta a ni. He natna hian Mizoram ngei pawh min luhchilh mek a, he natna vei mi 4 hmuchhuah tawh an ni a, thihpui erawh vanneihthlak takin kan la awm lo a ni.

            A lan chhuah dan :- (a) Khawsik sang 101F/38.5C leh a chunglam lo awm thut (b) Thlan bual (c) Khuh leh hrawk na (d) Tihrawl leh ruh na tak (e) Hnar ping leh hnap tui (f) Lu na leh chau, hah hma (g) thawchham leh thawk lam harsatna te hi a lan chhuah dan tlangpui a ni.

            Engtin nge an inkaichhawn?:- Hritlang pangngai ang bawkin khuh leh hahchhiau atangin a inkai chhawn theih a, tin, a hri vei mekte khuh per emaw, hnap tui emaw khawi maw laia lo kai ta se, chu chu kut lawngin tu emaw in lo khawih ta se, kut sil fai lova a hmui hmai vel a khawih atang tein kai theih a ni. Hei vang hian puipunna hmunah leh mi awmkhawmna hmunah te kai a awlsam bik a ni. Chuvangin hnathawhna leh vahvelna, puipunnaah te kan fimkhur a pawimawh a, thil khawih mai mai te chin loh a pawimawh hle a ni.

            Inven dan tur :- (a) Swine Flu vei nia rinhlelh te chu inah tawm a, hna leh school pawh chawlhsan rih tur (b) Hmui leh ka, khuh leh hahchhiau in hup thin tur. (c) Kut silfai ngun tur (f) Hrisel taka kan awm theih nan, a hun taka mut leh mut tam tum tur, insawizawi that tur, tui in tama chaw tha inchawihtawk a ei te a tha.

            Tunah hian Mizoramah he natna veite enkawlna damdawi Tamiflu hi a lo thleng tawh a, tun dinhmunah chuan damdawi lamah chuan a thlaphanawm loha ngaih a ni.

            Tute nge rinhlelhawm zual :- H1N1 natna vei awmna, a hri lenna hmun atanga lo kal te leh he natna veite nena cheng ho te hi a rinhlehlawm zual an ni nain hmundang atanga lo lut ni kher lo pawh he natna vei hi awm theih tho anih avangin fimkhur tluk a awm lo a ni.

            Health Deparment lamin theihtawp chhuahin he natna laka kan him zawk theih nan tan a la mek a. Rinhlelh kaite chu Phone No. 0389-2300187 ah hriattir tur a ni a, tin, he natna chungchanga zawhfiah duh nei chuan Phone No. 0389-2319279  IDSP Cell, Directorate of Health Services-ah zawhfiah theih a ni bawk a ni.

            He natna hian kan ram min luhchilh tawh pawh nise, mangang leh thlaphang a phili buai mai lovin in veng fimkhur ila. Tin, a veite hi an thi ngei ngei chuang lova ni tih pawh kan hriat a tha, tun dinhmunah chuan a vei zingah 5.3% vel in an thihpui niin mithiamte chuan an sawi a ni. Chuvangin he natna hrileng lak atang hian kan fimkhur a, inven a tulnaah te kan inven thiam chuan ka fihlim thei a ni tih mipui ten a i hre thar ang u.

BENG TI VAr

BILL GATES HAUSA LEH TA BER MAI.

            Kum 20 chhungin Bill Gates hi khawvela mi hausa berah kum 16 puan a ni ta. Forbes magazine chuan khawvela mi hausa list thar a tichhuak leh a, Mexican businessman Carlos Slim aia sum ngah zawk-ah Bill Gates a dah leh ta vang mai.

            FB siamchhuaktu pa, Mark Zuckerberg chu a thil neih hlut zawng hi $33.4bn niin an chhutsak a list 16-na-ah an dah a ni.

Forbes 2015 ranking of richest people:

1. Bill Gates $79.2bn (Microsoft)

2. Carlos Slim Helu $77.1bn (Phones and construction in Mexico)

3. Warren Buffett $72.7bn (Global investor)

4. Amancio Ortega $64.5bn (Zara and other fashion chains)

5. Larry Ellison $54.3bn (Oracle data storage technology)

6. Charles Koch $42.9bn (Industrialist)

7. David Koch $42.9bn (Industrialist)

8. Christy Walton $41.7bn (Walmart retail giant)

9. Jim Walton $40.6bn (Walmart retail giant)

10. Liliane Bettencourt $40.1bn (L'Oreal cosmetics firm)

BIBLE  QUIZ  No. 64

HAGAIA

A kâr âwl dah khat rawh :

Q1. Tam tak in chîng a, tlêmte in seng si; in ei a in tlai si lo; in in a in kham si lo; in sin a, in lum chuang si lo; inhlawhfa chuan ip pawpa thlâk atân mai a _________________ a ni.

Q2. Tichuan Seatiela fapa Zerubabela leh Jehozadaka fapa puithiam lalber Josua leh mi la awmchhun zawng zawngte chuan LALPA an pathian aw leh LALPA an pathianin a tirh anga zâwlnei Hagaia thu chu an _______________________ ta a; mite chuan LALPA chu a hmai hmaah chuan an \ih ta a

Q3.Aw Jerubabel, tûnah chuan huai takin awm rawh, tih hi LALPA thu chhuak a ni; Aw puithiam lalber Josua, Jehozadaka fapa, nangpawh chak takin awm rawh; tin, nangni he rama mi zawng zawngte u, chak takin awm bawk rawh u, tih hi LALPA thu a chhuak a ni; thawk rawh u, in hnênah ka awm si a, tih hi Sipaihote ________________ thu chhuak a  ni:

Q5.Tangkarua hi ka ta a ni a, rangkachak hi ka ta a ni, tih hi sipaihote ________________ thu chhuak a ni.

A bung leh châng dah rawh :

Q1. Hmuh \euh in beisei a, ngaiteh u, tlêmte a lo ni; inah in rawn thlen a, ka lo chhêm bo va. Eng vâng nge ni? Tih hi sipaihote LALPA thu chhuak a ni. Nangni inlam pan \heuhva in tlân haw thuai \hîna ka in chu a ram dêr avâng a ni.

Bung: ...............          Chang: ....................

Q2. Lal Daria lal kum hnihna, a thla rukna, chumi thla ni sawmhnih leh ni linaah chuan.

Bung: ................         Chang: ....................

Q3. Thla sarihna, chumi thla ni sawmhnih leh ni khatnaah zâwlnei Hagaia kutah LALPA thu a lo thleng a:

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 63 RESULT

Chhanna lut zawng zawng : 12

Chhang dik vek                       : 12

Lawmman dawngtu: Lallawmsanga (V.Sec)

         Bible Quiz chh^nna leh lâwmman hi Circulation Manager C. Laldawngliana hnenah thehluh a, lam \hin tur a ni.

LAWMTHU SAWINA

            Ni 12. 3. 2015 a accident kan tawh chungchangah khawtlang mipuiten min buaipui na zawng zawng ah lawmthu kan sawi tak meuh meuh a, Kan chunga in \hatna te Lalpan a l>t tam takin rul che u rawh se.  

In khawngaihna dawngtu

V. L. Malsawma te nupa

(Taitesena Section)

ENTLANG

* Kan veng d^n lek kawh chungchang hi kan ngaihtuah ve ngai em le? “Veng chhungah ui leh ar chhuah khap tlat a ni” tiin kan au kh^wk rum rum a, ui leh ar chu zalen takin an chhuah a , an tl^ sup sup a, tuman an man lo. Zu zawrh khap chungchang chu kan au ngai tehchiam lo, kan check a, miin ama in tur f<n hnih khat lek a kawl pawh kan man a, check tura kan kal pahin ar tla sup sup kan pal darh a, ui chhuah vaccine la r>ng r>ng lo in a buah tuarh tuarh a, a seh lo chauh a, an kal p>l leh pur pur lawi si hi ka lo ngaihtuah \hin a. Dan hnuai veka awm leh l>ng \heuh si, heti taka in la hleia d^n hmanga ro kan rel lawi si hi mak ka ti em a, in lo ngaihtuah ve \hin em le???    

Hmingthupa

Saikhamakawn

KELKÂNG HARHNA CHHIM DAWN

            Presbyterian Kohhran chuan tawhlehni ni 24 a\anga ni 27-ah khian Kelkâng harhna chhimin mi 50 chuang  an kal dawn ta. Harhna ropui tak an rawn haw puia, Kohhran leh khawtlangin kan hlawkpui theih ngei nan i \awng\ai pui ang u.

KELKANG KAL TURTE HRIATTIRNA

            Kelkang Harhna chhim tura kal tur zawng zawngte zanin inkhawm banah S.S. Hall-ah inhmuhkhawm tur a ni. Thu pawimawh tak sawiho tur a awm avangin Kelkang kal turte chu kim ngei tur a ni. Heta kal lo te chu Kelkang-a kal lo tura ngaih an nih dawn avangin kal tumte chu kim ngei tur a hriattir kan  ni e.

SKKBC HRIATTIRNA

            Saikhamakawn Badminton Club chuan ni 28.3.2015 (Inrinni) hian One-Day Match, Club Member; puitling chin tan bik a buatsaih dawn a, tlaiah chaw eikhawm nghal tur a ni anga, heta tel tur chuan Entry Fee `100/- leh mahni hming ahnuaia mite hnenah hian ni 26.3.2015 ral hma in pek tur a ni e:

Tv. Lalfakzuala, Tv. F.Laldingliana

Tv. Pc. Vanlalhriatpuia

            Tin, club member ni duh tan a hnuaia mi engemawber ang hian anih theih bawk:

1. Club Member chauh: `100/-

2. Distric Affiliation  + Club Member: Passport size copy 2 + Birth Certificate Xerox + `100/-

            Transfer ti duh tan erawh Transfer Season-ah Document hi submit chauh tur a ni ang a, Club Member `100/- in alo tih lawk theih.

Sd/- (F.LALDINGLIANA)

Secretary, SKKBC

COMMunity hall a inkhel |hin te hriattirna

            Saikhamakawn Community Hall a inkhel \hin ten thla thar ni 10 ral hma apiangin fee pek vek tur a ni e. A pe lo te chu an inkhel thei tawh lo ang. Hetiang hian fee pek tur a ni:

Puitling tan thla khat ah: ` 30/-

Naupang tan thla khat ah: `15/-                      Sd/- (M.S.DAWNGLIANA)

Secretary i/c

Saikhamakawn Community Hall

ADMISSION NOTICE

            Brighter Higher Secondary School chu Upper Republic a\angin Kulikawn, Tlangnuam Road (Hauva&Sons building) ah sawn a ni a, Class- IX to Class- XII (Art & Science) ah Admission a hawng mek e. Kal hmasa apiang duhsak an ni ang. Tin, First Division chin tân Concession siamsak an ni ang.

Contact:         8414956902

                        9862325305 (4-3)

ADMISSION OPEN AT         F. THANGMAWIA            MEMORIAL SCHOOL

            F. Thangmawia Memorial School, Melthum ah KG-1 to Class  VII admission hawn m>k a ni e

Sd/-

PRINCIPAL

 F. Thangmawia Memorial School (A Unit of Home Mission School)

Melthum

LAWMTHU SAWINA

            Ni 21. 3. 2015 a Vanapa Section YMA blanket s< a hnatlang zawng zawng te chungah lawmthu kan sawi a, tin, blanket s<k tur min pe tute zawng zawng chungah lawmthu kan sawi bawk a ni.

Sd/-

(TOMMY ZIRNUNTLUANGA)

Secretary, YMA  Vanapa Section

TUALCHHUNG

, Pu V.L. Malsawma h/o Pi K. Lalmuanpuii (T.Sec) chu                accident avanga Aizawl Hospital (Khatla) ah enkawl a nih hnuin a lo chhuak ta.

, Pi Lalengzami chu Hlimen a\anga lo pemin Pastor Biakchhawna Inhnuai Taitesena Section Bethelvengah in a rawn luah.

, Pi Lalzokima h/o Zodingpuii te  chhungkua chu Venghlui a\angin Pi Huanmawii inchung T. Sec.-ah an rawn pem.

,C.Zohmingmawia s/o C.Lalthlamuana T.Sec.chu damlohna avangin Urban Hospital Hlimenah enkawl mek a ni.

ADVERTISEMENT

Xerox, Lamination, Passport, Photo print,s fiah fel takin kan print thei e. Veng dang pan buai ngai lovin min han pan ve teh le.

 Zodinthari w/o Zarzoliana Saikhamakawn

Taitesena Section

Contact: 8974615029

                9612194701

ADMISSION NOTICE

            Candid English School, Saikhamakawn chuan kum 2015-2016 Session atan Kg 1 - Cl VIII Admission a hawng leh ta. Naupang ten thiamna tak tak an chhar chhuahna School-ah hian i tu leh fate rawn Admit rawh le.

Admission fee :

Kg I & KgII - `1200/-

Class I - VIII - ` 1500/-

            Admission-ah hian April thla fee a tel nghal ang.

 Hrechiang duh tan

Principal

Ph. : 8731066929  (3-3)

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330