Mipui Aw 28.5.2017

MIPUI AW

KARTIN CHHUAK

Vol. XXIII Issue No. 22 Kristian Thalai  Pawl  Saikhamakawn Branch  Pathianni Dt.28.5.2017

KOHHRAN PROGRAMME:

Ni 28.5.2017 ( Pathianni)

Chawhma Inkhawm

|antu : Pi J.H Pekmawii

Zirlai 19-na : “Tawtawrawt hmasa pali te”

Chawhnu Inkhawm

Thuhriltu :  Rev.Lalramliana Pachuau

Zan Inkhawm

Thuhriltu :  Rev.Lalramliana Pachuau

K|P INKHAWM PROGRAMME

Ni 29.5.2017 (Thawh\an Zan)

Sermon Inkhawm

Hruaitu : Nl.F.Lalrintluangi

|antu : Tv. Lalhmingsanga

Bible Chhiar 

kaihruaitu : Tv. Malsawmdawngliana

Chhiar tur : (I Petera 3:8-12) 

Thusawitu :  Tv. Lalnunzira

Thawhlawm          Nl.Ruthi Lalenkawli leh

lakhawmtu turte:        Nl. C.Zodintluangi

Zai hruaitute   : Tv. Lalhmangaiha leh Tv. Laldinpuia 

Keyboardist : Pu Lalchhandama

VAWIIN TLAI K|P FELLOWSHIP

A hmun : Sunday School Hall

Hruaitu : Tv. P.C Vanlalhriatpuia

|antu : Tv. H.Lalremruata 

               (c/o K.Roliana)

Group hrang hrangte Recreational Games intihsiaka a hun hman a ni ang

KOHHRAN HMEICHHE

INKHAWM PROGRAMME

Ni 30.5.2017 (Thawhleh Zan)

 Sermon Inkhawm

Hruaitu : Pi R.Zothanmawii      

|antu : Pi Zothanpuii

Thusawitu : Pi Zuimawii

KOHHRAN PAVALAI PAWL

INKHAWM PROGRAMME

Ni 1.6.2017 (Ninga Zan)

Sermon Inkhawm

Hruaitu : Pu H.Remtluanga          

|antu : Pu Khualkunga

Thuhriltu : Upa C. Lalmuankima

Khuangpu : Pu Lalthanliana Ngente leh

 Pu Lalbiakvela

Thawhlawm lakhawmtu: Pu Vanlalhriata

TIH DAM I DUH EM?

-Nl. Lalrinchhani

Branch Comt.Member

Chung thil hnuah chuan Judate kut pakhat a awm a; Isua Jerusalem khuaah a han kal a. Tin, Jerusalem-ah chuan beram kawngkhar kiangah dil a awm a, chu chu Hebrai tawngin Bethesda an ti a, hulhliap panga a nei nghe nghe a. Chungah chuan damlo te, mitdel te, kebai te, zengte tam tak an mu hlawm a. Tin, chutah chuan kum sawmthum leh kum riat na mi tu emaw a awm a. Tin, Isuan a mu chu a hmu a, chutiangin rei tak a awm tawh tih a hria a, a hnenah, “Tihdam i duh em?” a ti a. Tin, mi damlo chuan, “Ka pu, tui a fawnin dila mi dahtu ka nei lo va, ka kal chhungin mi dangin mi pen thlak khalh thin,” a ti a, a chhang a. Tin, Isuan a hnenah, “Tho la, i awngphah la la, kein kal tawh rawh,” a ti a. Tin, thawklehkhatan chu mi chu a dam ta nghal a,a awngphah chu a la a,a kal ta a. (Johana 5:1-10) 

A chunga kan thupui leh kan BIBLE chang tarlan a\ang hian kan sawi tum chu a hriat mai awm e. Kha Bethesda dil fawnah khan damna a awm a, chumi damna duh leh mamawh tamtak an awm a, an taksa damna duhin Hulhliap ah an mu hlawm a, natna in anglo tak tak te an ni ngei ang, chung zingah chuan zeng na rei tawh tak pakhat chu Isua khan tihdam i duh em? tiin  a zawt a, a ni chuan engtinnge a lo chhan, ‘AW’ a ti mai lo, kha dil fawn ah khan ama taksa a dam theihna turin dahthlatu  tur an awm loh thu in a chhanga nimahsela, Isua chuan tho la i awngphah la la ke in kal tawh rawh a ti a, chumi chuan Isua khawngaihna ropui tak chang in a \awngkam khat kha Bethesda dil a inchiah kher ngai lovin a tan damna, taksa damna a chang thei ani.

Keini pawh kan rilru leh kan taksa a damkim lo thei kan taksa ah natna tinreng in min bawm a ni thei chung zawng zawng te nen chuan kan thlarau thleng a tidam theitu chuan tihdam i duh em? min ti a sin. Min kalpui a min tihpui tu tur an awmloh vang khan kan damna tur kha kan pumpelh thei asin. Kan thlarau ngei damna tur pawh kha midang kan nghah a kan beiseina a, min puih hun kher kan nghahna lamah khan kan damlo thei asin. Min puitu tur nghah reng a kan awm chuan kan dam theilo ang. Keimahni ngei hi thawkchhuak ve ila hma la ve ila, englai pawhin min pui thei reng tu hi a awm a sin, chumi chuan min tidam thei a kan taksa, rilru leh kan thlarau thlengin,amah kan hriat loh vangin kan hai pawh a ni thei e, mahse ani chuan min kalsan ngailo kan tan a awm reng a, kan tan kraws ler ah a tuar a,nun kan neih nan chatuan a tan tho leh asin.

Nang leh kei hian kan vah bosan in kan tluksan pawh a ni thei, mahse a ni chuan min nghak reng, chumi ngei chuan chatuan a kan boral a phal lo mai ni lovin chatuan hremhmun ah kan luh a phal lo a, a khawngaihna leh lainatna a kang ngai silo a, chu zeng tidamtu Isua ngei chuan nang leh keihi tidam i duh em? I thinlung i rilru i ngaihtuahna  zawng zawng khan ka tidam thei che tidam i duh em? tiin min zawt a sin. Engtinnge kan chhan ve dawn le.?

EDITORIAL  BOARD

Editor :                                    

Pu C. Lalmuanpuia                        8974807213

Joint Editor: 

Tv. Laldinpuia                               9862813325

News Editors :

Pu Tommy Zirnuntluanga             9862913684

Tv. Lalnunzira                              9862664253

Tv. Lalawmpuia                            8259910570  

Nl. Zohmingmawii                        8794773133

Tv. Lalruatsanga        

Circulation Manager:

Tv. C. Lallawmawma                  8974509821

Nl. C.Zosangliani                        8731005507

Editorial.....

Tualchhung in hma kan sawn ve zel a, zirna kawngah eng result pawh chhuak se tualchhung a\angin result lawmawm tak tak kan hmu \hin a, a lawawm \hin hle ani. Kan thiam kan finna te hi Kohhran leh khawtlang tan a hman tlak ni tur a kan nun kan inbuatsaih a kan \hat lai hun a nun  hman fimkhur a pawimawh hle.

Tun hnai ah Infiamna kawngah pawh hma nasa takin kan sawn a, a buaipuitute leh infiammite inpek na a ropui khawp mai, kan beisei ang leh kan duh ang result hmu nghal mai lo mah ila, beidawng lova kan beih zel a tul khawp mai, heng infiamna te hian kan nun ah a \ha zawngin nghawng nei se la, veng dang infiammi te insum theihna leh an in vawn dan te zir in enge kan veng hian hmasawnna tur kan neih tih kan zir chhuah thiam a \ul hle awm e.

|halai infiamna kawng a thiamthil nei \ha tak tak,veng ti mawi a ti hming \ha thei tu tur kan veng pawh hian kan nei ve nual tawh \hin, enge kan hlawhchham \hinna chhan bulpui ber kan tih chuan insumtheihna kan tlachham lutuk hi niin alang, hlawhtling a mi veng te entawn ni ve tur chuan tun a kan tui a kan beih hram hram na hi chhawm nung zel tur a kan rilru kan inbuatsaih thar sauh sauh a \ul hle.

A bik takin infiamna kawnga huhova kan chetna ah hian veng hming a lang awl \hin a, he khawtlang kan veng neih chhun miten a an hriat an hmuh mawi theih nan kan infiammi te hian kan hlawhtlin lohna te min ti hnualtu ah \ang mai lova, hmasawnna kawng zawh theih nan min ti \ang tu ah hmang zel ang u. 

A  CHHE  LAI  SIAM|HATU K|P  MEMBER-TE

Eng kawngah pawh danglamna, hmasawnna, khawvel finna leh thlarau lama harhtharna a lo thlen hian a kila lung pawimawh Mihring (Corner Stone) an awm ngei ngei \hin. Khawvel History kan chhiar chuan mi ropui tak tak, mahni ram, khawtlang leh Kohhran tana chhenfakawm kan hmu \euh ang. Heng mite inpekna leh thawhrimna vang hian midangte'n malsawmna nasa tak an dawn phah \hin a ni.

Kristian |halai Pawl te hian eng danglamna nge kan thlen ve theih ang, engah hian nge a kila lung pawimawh kan nih ve theih ang tih kan ngaihtuah a ngai ta hle a ni. |halai kan ni a, kan hlim a, kan engthawl a, lungkham em em kan neih loh lai hian kan society, kan ram politics leh kan Kristianna dinhmun tlahniam zel hi kan ngaihtuah ngai em? Kan \henawm State leh ram danga cheng Kristian pawh ni ve lem loten an ram leh hnam an vei a, a siam\hat hna thawk turin thih ngam lu puin an pen chhuak mek a ni tihte hi kan ngaihtuah a ngai. ISIS kan tihhote hi Muslim \halai an ni a, an sakhaw humhalh nan \ha nia an hriat avanga hetianga che mek hi an ni. An hmalak dan kawng chu eng pawh ni se, an sakhaw humhalh nan thih pawh an hlau ther te lo a nih hi. Kan thupui hi 'A chhe lai siam\hatu K|P Member-te' tih a nih angin keini KTP member-te hian eng mawhphurhna nge kan neih, engnge kan tih theih, engnge kan \angkaina tur tih chu kan thlur bing dawn a ni.

1. A chhe lai siam\hatu-Chhungkuaah: Hun  rei  tak  a\ang  khan  Kohhran Hmeichhiaten Kristian chhungkaw din pawimawhzia leh \ulzia an lo tlangaupui tawh \hin a. An theihtawp leh phak tawkin hma an la thin. A ni lah tak a, Kristian chhungkaw din hi a pawimawhin kan ram, hnam leh sakhaw din chhuahna tur hian Kristian Chhungkaw din aia pawimawh hi a awm kher lo ang. Mi fingte'n chhungkua hi khawvela sawrkar te ber leh hmasa ber an lo ti \hin a. Chhungkua ber a fuh loh chuan kan pawnlam nunphung hi a fuh tak tak thei ngai lo vang. Lui pawh a hnar a nut chuan

a mawng lam a nu \hin, a hnar a fim chuan a mawng lam pawh a fim \hin tih a nih kha  maw. Chuvangin keini  Kristian |halaite hian kan chenna chhungkua \heuh hi vei ila, kan rama sualna lo hluar zelte pawh hi kawng tam takah a ziaawm phah ngei  ngei  ang.  Kan  Kristianna  hi chhungkua a\anga in\an tur a ni a, chutih laiin chhungkua kan ngaihthah avanga kan

nih tur ni pha ta lo hi kan tam hle a ni. Chuvangin keimahni chenna chhungkua \heuh hi vei thar ila, a chhe lai siam\hatu ni \heuh turin rilru thar kan put a \ul a ni.

2. A chhe lai siam\hatu-Kohhranah : K|P thil tum pali zingah khan Kohhran kutke ni tura \halaite buatsaih tih a awm a, chuvangin  K|P-te  hi  Kohhran innghahna tur ban rinawm kan ni tih hriat thar  a  ngai.  Nakina  kan  Kohhran dinhmun tur hi vawiina K|P member-te khawsa zia hian a hril thui dawn khawp tih hi inenfiah nan kan hman fo a va \ul em! Khawthlang ram kan thlir chuan an \halaiten  Kohhran  leh  sakhua   an

ngaihsak loh avangin Kohhran a tluchhe nasa em em a. Biak Ina Pathian be tura kal \halai an awm mumal tawh lo tih thu han hriatte hi a lungchhiatthlak hle a ni. Kohhran programme-a tel aia min awi tleitu leh hlimna min thlentu thildang kan buaipui nasa ta hle mai a. Hengte hi nakina

kan  Sakhaw  nun  leh  Kohhran tlukchhiatna hmahruaitu a la ni ngei dawn a ni. Chuvangin keini Kristian |halaite hi Kohhran tluchhe zel tur leh Kohhran huangchhunga dik lo leh fel lote siam\hatu tur kan ni tih hriain kan Kohhran leh a lu Krista tan innghahna, a chhe lai siam\hatu ni zel turin i inbuatsaih ang u. 

3. A chhe lai siam\hatu-Khawtlangah: Kan khawtlang nawm leh nawm loh hi a chhunga chengte zir leh zir loh a ni \hin. Kan khawtlang tinuam lotu ruihhlo leh sualna chi hrang hrangte hi keini Kristian |halaite hian hma kan lak phawt chuan kawng tam takah kan siam\ha thei ngei ang.  YMA, Local Council, etc. tih tur mai ni lovin keini Kristian |halaite ngei mai hi kan society hmelma thil \ha lote (Social Evils) umbo turin kan \ha ber. Kohhran pate, John Calvin-a te leh Martin Luthera te pawh kha khawtlanga sualna awm vei em  em  leh  a  umbona  kawnga \hahnemngai tak an lo ni. Chuvangin keini pawhin kan phak tawk leh theihtawpa helama ke pen ve hi kan Bible min zirtirna leh kan rawngbawlna tur liau liau a ni tih hre thar chungin kan khawtlangah a chhe lai siam\hatu i ni zel teh ang u.

4. A chhelai siam\hatu - Kan ram inr>lbâwlnaah : Kan ram han tih hian kan sawrkar inrelbawlna leh Politics lam sawi  kan  tum  deuh  bik  dawn  a  ni. Mizoram hi Kristian ram ni si, heti tak maia hma kan sawn thei lo leh development-a kan hnufum hi a veiawm takzet a ni. Inthlang ram (democracy) kan ni a, kan ram hruaitu turte kan thlang \hin a. Chung kan thlan chhuahten vawiin nia kan ram min hruai thlen chin hi a lungawithlak kan ti em?   

Kan  biak  Pathian  hi  Dikna  Pathian, Rinawmna leh Felna duh a ni a. Bible-ah pawh rorelna dik chu luipui anga luantir tura min tih thu kan hmu. Kil hrang hranga kan ram dinhmun han thlir hian siam\hat ngai chu a awm tih a hriat a ni. Keini  Kristian  |halai,  Lalpa  tana  bungbel thianghlim leh hmantlakte hian kan ram siam\hatna tur hian tha kan thawh ve hi a hun tawh a ni lo’m ni. 

Ral khat a\anga uipui tuilian thlir mai lovin, he kan Zoram, Lalpa zawn chhuahah hian Dikna, Felna  leh Rinawmnain  hmun a chana, kan sawrkar inrelbawlna hian kawng dik a zawh theihna turin hma kan lak loh chuan kan rama eir<kna leh hlemhletna avanga hmasawnna awm lo hi a tuar nasa ber tur chu \halaite tho hi kan ni tih hriain kan sawrkar hotute dik lohnaah pawh awrawl kan chhuah ngam a \ul ta. Zawlnei Amosa khan a hun laia lal leh miliante nawmchenna leh rorel dik lohna kha nasa takin a au chhuahpui a, a sawisel ngam a nih kha. 

Vawiinah pawh hian he kan ram zim te, mihring pawh tlem te ah hian heti tak maia hlemhletna leh duhamna sualin min run hi a pawiin hetiang tih chingte dona kawngah hma kan lak ve loh chuan kan Pathian hi kan lakah a lungawi lo ang tih a hlauhawm hle a ni. Kan Kristianna hi Vanram kaina tur chauh ni lovin, Lei Vanrama siamna tur pawh a ni tih hi hre thar leh ila. Mi zawng zawng intluktlanna leh inhmangaih tawnna, induhsak tawnna hmunah kan Zoram hi siam i tum teh ang u. Chutianga kan tih chuan he kan ram hi a lo nuam ang a, kawng tinrengah hmasawnna rah duhawm tak kan hmu dawn a ni. 

A  tawp  berah  chuan  kan  khawvel  hi |halaite khawvel a ni a, \halaite sukthlek hian kan nunphung a kaihruai deuh zel a ni. Chuvangin Kristian |halaite hian kan chhungkua, Kohhran, khawtlang leh sawrkar kalphung dik lo leh fel lovah hian mawh kan phur tlat tih hriain’A chhe lai siam\hatu’ kan nih \heuh theih nan kan hmazawn \heuhah Pathian rinchhanin ke i pen ang u. 

  NUI  TAM RAWH

Reader Digest thuziak zinga \ha deuh chu “Nuih hi damdawi \ha ber a ni” (Laughter is the best medicine) tih hi a ni. Mahse, nang chuan, ‘Ka nuih a zat miau loh chuan engtin nge ka nuih tam theih ang?’ i ti tiraw?

Nia, mi \henkhat chuan thil engkim hi an la runthlak lutuk fo. Eng emaw chang chuan a \hatna lai a awm ve zauh \hin na a, nuihpui hawk hawka hahdamna ni mai tura runthlak lutuka thil kan ngaihtuah \hin hian kan nunah lungngaihna leh harsatna a zual phah fo. Harvard University Professor, William James-a chuan, “Hlim lo chung pawha hlim taka han awma, han nuih luih hian hlimna tak takin a rawn zui mai a ni,” tiin a sawi. America rama Insurance Company-a thawk zinga hlawhtling ber pakhat Franklin Better-a chuan, “Hlim hmel pu mite hi eng lai pawhin an duhawm reng a ni, a ti bawk.

William James-a hi chuan, “Kan hlim vanga nui lovin kan nuih vang hian kan hlim chhunzawm \hin,” tiin a sawi bawk. Hlim taka nuih i duh chuan i hlim theihna tur kha nangma kuta awm a ni a. I nuih a zat loh hle lai pawhin darthlalangah han inen la, nangmah ngei kha infak la, “Ka hmel hi chu a \ha mawle!” te tiin han insiamchhe vel la. I nuih a za chawp ang a, i nui hawk hawk mai ang. A nih loh vek leh thleng sil pah te, insu pah te, eng emaw ti pahte khan ring zet zetin han zai la, han intithawveng lui teh, i nuih a za chhunzawm mai ang.

Comedian, Steve Martin chu tuk tin darthlalang hmaah minute 5 chhung a nui lui ziah nia! Nuih fo theih hian kan mood a ti fuh thei a; phurna leh thahrui min pek belh fo a lo ni. Engto nei miah lo va, za em ema nui hawk hawk theihna \ha tak chu thil sual tih loh hi a ni. Mihringte hi kan nun a thlamuan a, hlauhthawn kan neih loh a, thil \ha lo tih kan chin loh a, rilru \ha tak kan put \hin phawt chuan hlim tura siam kan ni. Kan hlim loh chhan tam ber hi chu thil \ha lo tih kan chin vang te, kan rilru \hat tawk loh vang te a ni fo. Nun hahthlak leh khirh lutukin nun hmang duh hauh suh; a atthlak teh mai a nia. 

Pathian malsawmna i dawn tamzia ngaihtuah la, hlima nui hawk hawk tur i ni asin. Zanah tui takin i mu a, zingah thawh i hai phung a, i zung \euh thei a, dulkiar khawpa chawi ei nghek tur i nei a, ei theihna turin hrilselna pek i ni bawk a. I vannei teh asin. Pathian avang hian hlimna leh nuihna tur a tam em em a. Chu chu hriain Nehemia chuan, “Lalpaa lawmna chu in chakna a ni si a,”(Nehemia 8:10) a ti. Pathian duh zawnga nun hmang mite an hlim \hin. Nui tam i duh chuan i nuna thil \ha lo i chin \hin kha bansan daih la, tluang takin nun han hmang teh. Pathian hian a duh zawnga nung \hinte hnenah chuan hlimna a pe a, harstana hnuaiah pawh zangkhai takin an nui hawk hawk thei talt \hin. Chu nun hlimna thuruk chu pek i ni e. “I ka nuihnain a tikhat ang a, i hmui pawh hlim au thawmin.” (Joba 8:21)

FACEBOOK CHUNGCHANGA CID (CRIME) THUCHUAK

1) IPC Sec 500 hmangin intihhmingchhiatna post siam vangin kum 2 thleng tantir theih a ni.

2) IPC Sec 504 hmangin chi leh chi, pawl leh pawl, hnam leh hnam inkara buaina chawk chhuak thei post siam hi kum 2 thleng tantir theih a ni.

3) IPC Sec 509 hmangin hmeichhe zahawmna tibawrhbang zawnga post siam hi kum 1 tantir leh pawisa chawitir theih a ni.

4) IPC Sec 354(iv) hmangin zahmawh rawngkai thu post/comment/thu thawn hi kum 1 lungin tan theih a ni.

5) IPC Sec 292 hmangin mipui hmuh theiha zahmawh rawngkai post hi kum 2 emaw, kum 5 thleng emaw tantir theih a ni a, kumtlinglote hmuh theiha tarlan phei chu IPC Sec 293 hmangin kum 3 emaw, kum 7 thleng tan theihna a ni.

6) IT Act Sec 67 hmangin zahmawh rawngkai post hi kum 3 emaw, kum 5 thleng tan theih a nih bakah cheng nuai 5-10  thleng chawi theihna a ni.

7) IT Act Sec 66E hmangin mi remtihna loa an zahmawh thlalak (serh leh hmeichhe hnute telin) emaw, video emaw, saruak thlalak emaw, post siam hi kum thum theng tan theihna leh `3,00,000 thleng chawi theih a ni.

8) IT Act Sec 67A hmangin sex video emaw, mi sex hmanglai thlalak emaw post hi kum 5 emaw, kum 7 thleng lung In tan theihna a nih bakah `10,00,000 chawi theihna a ni.

9) IT Act Sec 67B hmangin kumtlinglo zahmawh rawngkai emaw, saruak thlalak emaw, an zahawmna tichhe thei tur zawng emawa post siam hi kum 5 emaw, kum 7 thleng tan theihna a nih bakah cheng nuai 5-10 chawi theihna a ni.

THU ROTLING

“Miin Kohhran hi nu atan a neih loh chuan Pathian chu Pa atan a nei thei lovang”

                                                                                                              -Cyprian

KAR HMASA RAM PUM HUAP KOHHRAN PAVALAI PAWL MEET VAWI 3-NA REPORT TLANGPUI

1. Riak lut :1460

2. Inrinni lang a chaw ei : 4503 Pathianni langa chaw ei : 24174 Zirtawp zan inkhawm zat : 21025 Inrinni chawhma inkhawm zat : 2181

6. Inrinni chawhnu Lengkhawm : 891

7. Inrinni zan Inkhawm zat : 2902 8. Pathianni chawhma inkhawm zat : 3771 

9. Pathianni Chawhnu inkhawm zat : 4450

10. Pathianni zan inkhawm zat : 5100

(Pathianni a\ang hian Meet atana buai leh che vel te zawng zawng chhiar tel \an an ni)

11. Pathian hnena thilpek:

Pathianni chawhma : `66,025/-

Pathianni zan : `80,743/- TOTAL  : `1,46,768/-

|anpuina dawn te:

Synod Revival, Kohhran 2 leh Kohhran Pavalai Pawl 27 a\angin `5,29,000/- dawn a ni a, Synod Revival tello hian `79,000/- dawn a ni. 

             Inkhawm thawhlawm a  hmuh zawng zawng leh |anpuina  dawn te belhkhawm hi (`1,46,768 + `5,29,000) = `6,75,768/- a ni.

Sum dinhmun:

Budget :`15,00,000.00

Hman zat : `13,42,092.00

Hman bang : `1,57,908.00

STATE REFERRAL HOSPITAL, FALKAWN BUS TIMING

Bus chhuahna:

    CH(A)                 RH(F)

8:00 AM      -     9:30 AM

9:00 AM      -     1:00 PM

11:00 AM    -     2: 00 PM

3:30 AM      -     4:30 PM

CH(A) =  Civil Hospital, Aizawl.

RH(F) = Referral Hospital, Falkawn.

, Pi Lianzampuii w/o Pu Zoramthanga (T.Sec) chu damlohna avanga  Christian Medical College, Vellore ah enkawl a nih hnuin an lo haw.

, Pi Lalchharliani w/o Upa Lalzama (Ch.Sec) chu damlohna avanga Alpha Hospital ah enkawl a nih hnuin a lo chhuak.

, Noelle K.C Lalrinsangi d/o Pu Zonunsiama Ralte (T.Sec) chu damlohna avangin Aizawl Hospital ah enkawl mek a ni.

, Pu Zairemmawia h/o Pi Lalthangliani (T.Sec) chu damlohna avangin Synod Hospital, Durtlang ICU ah enkawl mek a ni.

, Immanuel Lalmuanzuala s/o Pu Robert Lalsiamliana (T.Sec) chu damlohna avangin Aizawl Hospital ah enkawl mek a ni. 

 POLICE CONTROL ROOM

Police Control Room (PCR) hi MPRO Hqrs. Aizawl ah changtlung zawka kalpui mek a ni a, mi tupawhin Police concern thila harsatna emaw update information entirnan accident, kangmei, kawngchhia leh a dangte Police tena immediate action/response an lak theihte hriattir tur in neih chuan heng number-ah te hian a hriattir theih reng e. Phone No : 0389 - 2334327.Mobile No : 9862899962 (Whatsapp Number). Intercom No : 255 through 2333576/ 2333577/ 2334172. Fax No : 0389 - 2335359. Email : policecomputercell@gmail.com

MIZO DAMDAWI

Taksa kang: Taksa kangah hian far\uah hnah rawhvap hi kang pilah khan bel a \ha hle bawk.

Ha nget: Ha ngetah hian far\uah hling nei, a tak leh a pawn pil inkara a dal hi \hiahsawmin a dam daih thei.

AWMVEL DAMDAWI TE

1) Ankhapui hnah densawm tui sawr hnawih.

2) Makpazangkang hnah rawtsawm tui hnawih.

3) Tuaibur rawhvap hnawih

4) Hmawng pil tui nen chhum tui a chanve chhuan kang tui in tir.

5) Sam\awkte hnawih

6) Chahpui bulbawk tah tui hnawih 

7) Arakhaum hnah tui sawr bel. 

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350

                            

Mipui Aw 21.5.2017

MIPUI AW

KARTIN CHHUAK

Vol. XXIII Issue No. 21 Kristian Thalai  Pawl  Saikhamakawn Branch  Pathianni Dt.21.5.2017

VAWIIN CHANGVAWN

LALPA chu fak rawh u. Aw, LALPA hnênah lawm thu hril rawh u; ani chu a tha si a: A ngilneihna pawh kumkhuain a awm dawn si a. 

(Sam 106:1)

KOHHRAN PROGRAMME:

Ni 21.5.2017 ( Pathianni)

Chawhma Inkhawm

|antu : Pi F. Lalrinkimi

Zirlai 18-na : “Chhinchhiahna pasarih leh rangkachak”

Chawhnu Inkhawm

Thuhriltu :  Upa Lalzuiliana

Zan Inkhawm

Thuhriltu :  Pu Lalrintluanga 

K|P INKHAWM PROGRAMME

Ni 22.5.2017 (Thawh\an Zan)

Sermon Inkhawm

Hruaitu : Tv.R.Zodinsanga

|antu : Vanlaltluanga

Bible Chhiar 

kaihruaitu : Nl.Lalhruaitluangi

Chhiar tur : (Gal. 5:16-26) 

Thusawitu :  Pu Tommy Zirnuntluanga

Thawhlawm    Nl.Dephony Ramengmawii 

lakhawmtu turte:        Nl. Lalmuanpuii

Zai hruaitute   : Tv. Lalhmangaiha  leh Tv. Laldinpuia 

Keyboardist : Pu Lalchhandama

KOHHRAN HMEICHHE

 INKHAWM PROGRAMME

Ni 23.5.2017 (Thawhleh Zan)

Group tin te Kristian Chhungkaw Zan a hun hman tur a ni.

KOHHRAN PAVALAI PAWL

 INKHAWM PROGRAMME

Ni 25.5.2017 (Ninga Zan)

Short Sermon Inkhawm

Hruaitu : Pu Lalrinpuia            

|antu : Pu Rinngaihzuala

Thusawitu  Pu F.Sanghlira 

turte         : Pu Tlangruata

Khuangpu : Pu C.Zakhuma leh

 Pu Denis Rohmingliana

Thawhlawm lakhawmtu: Pu T.K Manga

KHAWPUI THIANGHLIMAH KHIAN TUTE NGE LUT ANG?

Pathian thu hi a pawm nuam leh thiangzau zawnga inzirtirna a tam hle mai a, a khawngaihna chauh tui puia khawngaihna rorela awm si lo kan tam hle niin a lang. Kan Pathian hi a thianghlim a, a tlansate awmna tur van khawpui pawh khi a thianghlim a, a chhungah chuan mi tumah hi fel lohna chhete pawh paipawn chungin kan lut thei dawn lo tih hi Bible min hrilh dan a ni a. Van khawpuia lut thei turte chu heti hian min hrilh: "Thil bawlhhlawh reng a lut hauh lo vang a, thil tenawm tite leh dâwt hmangte pawh an lut hek lo vang; Beram No Nunna Bua hming an ziakte chauh an l<t ang," tiin. (Thupuan 21:27)

Heta 'Thil bawlhhlawh leh tenawm' a tih hi sual langsar chauh ni lovin mimal chhungril nun bawlhhlawh rukna hi a ni ber zawk a, hetah hian mahni \heuh inenfiah a va ngai em! Kan Pathian thianghlim leh duh fir tak hian engtiangin nge min hmuh hlawm ang aw? Mihringte hi mahni rilruin dik a tih a\anga kan inteh chuan kan inteh tling viau zel a, Pathian thu a\angin inenfiah hlawm ila chuan kan nun hian mite hriatpui tlak loh thil kan kawl furin a rinawm. Sual inthupte lakah hian tihthianghlim kan va ngai em!

Mihring zingah hian \hat tum, thei si lo leh fel tum, thei si lo an awm laiin \hat tum hauh lo, \ha lote, dik tum hauh lo, dik lote an awm bawk a. Pathian duh dana nun tum hram hram chunga mi chak lo an awm laiin Pathian ngaihsak peih lo, nun fel lo an awm bawk. Kan Pathian hian theihtawp chhuah chung pawha mahni intithianghlim zo lo kan ni tih hi min hriatsak reng a, mahse, fel zo lo

chung pawha felna <m tlat mi, thianghlim zo lo chung pawha Amah ngai tlattute chu khawngaihnain tlingah min pawm a, Amah zawkin kan nun min luhchilhin ni tinin felna kawngah min hruai zel \hin a ni.

Tirhkoh  Paulan  Krista   hnenah khenbeha a awm thu a sawi khan, a nuam tih zawng, a nun duh zawng, a thlakhlelh thil, a thinlung puthmang bakah a nun nen lam a thlah fai vek thu a sawina a ni a. "Nimahsela ka nung a ni, keimah erawh chu ka ni tawh lo, Krista chu keimahah a nung zawk a ni," a tih hian, ama thua nung

a ni tawh lo va, Krista chuan a nunah thuneihna a chang pumhl<m tawh a tihna a ni bawk a ni.

Tichuan  Pathian  fa  dik takte  chu keimahni chakna leh theihna ni lovin, ni tin Thlarau Thianghlim tihthianghlimna chang zelin Thianghlimna Khawpui khi hruai thlenin kan  awm  dawn  a  ni.  Amaherawhchu, Pathian thu bengrawnga khung peih lo leh thlarau hruaia awm peih lote erawh chuan tihthianghlimna an chang thei lo va, Pathian hmangaihnain natna leh chhiatna te, tawrhna leh manganna te hmanga a ko chhuaka, tisa lam  chhiat  vek  hnuah  chhungril  lam tihthianghlimna an chang ve leh hlauhte a nih loh chuan van khawpui khi an l<t ve lo vang. Van khawpui chu Thianghlimna khawpui a ni si a.

  Tihthianghlimna kan chan z>l theih nan Lalpan malsawm rawh se, Amen.

EDITORIAL  BOARD

Editor :                                    

Pu C. Lalmuanpuia                        8974807213

Joint Editor: 

Tv. Laldinpuia                               9862813325

News Editors :

Pu Tommy Zirnuntluanga             9862913684

Tv. Lalnunzira                              9862664253

Tv. Lalawmpuia                            8259910570  

Nl. Zohmingmawii                        8794773133

Tv. Lalruatsanga        

Circulation Manager:

Tv. C. Lallawmawma                  8974509821

Nl. C.Zosangliani                        8731005507

Editorial.....

Mihring hi kan rilru hian he kan nun hi min lo kaihruai nasa khawp mai a, kan pi leh pu ten Pialral kal anlo chak em em thin Faisa ring a hna hah tak a thawh ngai tawh lo kha an lo thlahlelh in an lo beisei fo thin a, mahse chu an beiseina chu tun kan din hmun han en hi chuan kan pi leh pute chak thin Pialral chu kan theng a ni mai lo maw? Hna kan thawh pawn hah lutuk awm lo vin kan duh duh kan nei in kan lei thei a ni ber tawh mai a, kan khawvel thang chak zel in a ke 

n tel te pawh a ni ngei ang. Kan pi pute kha lo tho leh ta sela chuan mak ti leh hmuhnawm tiin thalai te khawvel hi an thlir ngei ang. Kan awmna atang in khawvel tukver ah kan dak a, kan duh leh mamawh chu kal hah ngailo vin kan nei in kan lei tawh si a, mit a hmuh theih khawp in a thangchak mek zel a ni.

         Chu kan khawvel thang chak lutuk chuan he kan nun kan rilru sukthlek pawh a kuaiher danglam nasa sawt hle mai. Chu chuan engkim hi kan pi leh piten an thiltih thin thinlung tak a an lo tih chu kan khawvel thangchak lutuk hian a kuaiher danglam vek emmaw tihtur khawp in kan kalpah vel mai mai tawh ni te hian a hriat thei. Thil kan han ti hluai a mahse rei hi kan daih tak tak lo emaw tih tur khawp in he kan ringtu nunah pawh a thleng mek a  ni. Chhuanlamah hmang in mahni in kan buai tawk em em tawh mai a, mahse keimah ni hlawkna tur a nih erawh chuan hun hian min dang lemlo thung. Chu tak chuan kan rilru kan pek na lam a ti langchiang em em a ni. Keimahni hlawkna lam a kan rilru kan pek ang hian Lalpa tan pe ila kan ram hian hmasawnna rahbi thar a chuangkai ngei ang, kan rilru hi a pawimawh hle mai.

 ISUA LEH SOCIAL NETWORK

“Mi zawng zawng hnena i sawtna a lan theih nan chung thilahte chuan taima la, chungah chuan inhmang zo rawh.” I Tim 4:15  

       Isua hun lai khan tunlai ang hian heng kan media changkang tak takte hi a la awm ve lo va, chuti chung chung chuan Media an neih chhun \awngka (oral media) leh thuziak (scroll writing media) kha a hmang \angkai em em lawi si a ni. Rawngbawlnan a remchang apiang a hmang ve mai a. Mi sual inah a luh laiin mi fel inah a lut a, mirethei inah a luh laiin mi hausa inah pawh a lut bawk a. Mipa hmeichhia a thliar ve hek lo. Zin veivah nan (transportation) chuan man chawi ngai - Lawngte kha a hmang ve tho bawk ang tih a rinawm em em. Sabengtung te pawh chuangin a hunlaia hmanruate kha a hmang \angkai a ni tih kan hria.

Vawiinah hian Isua kha mihringah rawn chang \ha lehin kan bulah awm ta se, social network hrang hrang heng Facebook te, Whatsapp te, Hike etc te hi a hmang ve mai ang em? Rawngbawlna atan a \ul hunah chuan a hun laia zin veivahna(transportation) \ha leh media a hmang \angkai ang bawkin heng hi a hmang \angkai ang tih a rinawm em em a, heng hi Isua duhzawnga kan hman leh kan kawihher hi Isua pawh a lawm em em ang tih a rinawm a ni.

1. Thu \ha kan post hi \angkai lehzual:  Pulpit a\anga thusawi hian inkhawmpui leh programme pawimawh tih lohah chuan ngaithlatu an tam lo \hin. Kohhrana mi hla kan tih te phei chuan thusawi \ha tak tak an ngaithla tam lo fo. Chung mite chu an inah kalin kan luhchhuak reng thei lo va. A hman pawh kan hman kher lo thei. An tana chanchin\ha hrilhna \ha chu he social networking hi a ni ang tih a rinawm hle.

Thu kan post dawna \awng\aina nena kan hlan thlap hian Pulpit a\anga kan sawi tlukin Pathianin a hmang duh ang tih a rinawm em em a.  A thawktu tur thlarauvin a hman chuan, “Isua hi lo ring ve tawh rawh u” tih mai pawhin rampum a tuam thei tih hriain he social networking hi Pathian rawngbawlnan a va \ha lehzual em. (Tin, an hnenah, “Khawvel zawng zawngah kal ula, thil siam zawng zawng hnenah chuan Chanchin |ha hi hril rawh u. Marka 16:15)

2. Social Media Ethics thlirna a\angin: Social Networking hrang hrangah Pathian thu sawihona group hrang hrang a awm a, heng hi a \hat viau rual hian hmansual theih a ni tih erawh hriat a \ha hle. Kan huatzawngte Pathian thua vawm nan te, insawi\haih nana Pathian thu hman te, uchuak taka Kristian thurin dik tawk lo leh firfiak(extreme) thehdarh nante hman a awm thei hle a. Extreme rawngkai hrim hrim hi thil dangah pawh a lo him lo tlangpui. Tin, nileng lenga engmah hnathawk si lova helama inhmanral ve theih bawk a ni a. Chintawk hriat a \ha hle.

Pathian thu hi a hunah te, hun lovah te puang zel tura tih ni bawk mah ila; kan tihtur (duty), kan mawhphurhna(responsibility) \hulh phah nana heng social networking hman erawh Pathian thu tum a ni hauh lo thung. Helama thawk tura a bika rawih kan nih si lohva kan tih tur \hulh khawpa inhman ral a hlauhawm hle a, heng lakah hian inven a tha hle awm e. (Engkim tan hian hun ruat a awm a, van hnuaia thiltih zawng zawng tan hun remchang a awm. Pian hun a awm a, thih hun a awm. Phun hun a awm a, thil phun phawi hun a awm. (Thuh 3:1-2)

3. Social Networking leh \halaite: |halai Kohhrana inhmang te chuan Isua duhzawnga he social networking kan hman thiam a \ha hle. Kan khawvel changkang zelah social network hi a chagnkang telh telh ang tih pawh ring ila. Chutih laiin ringtute chu helam kawngah hian kan danglam tur a ni a. Hengah hian kan inhmang ral tur a ni lo ve. Heng hi \angkai takin a \ha zawngin hman tum ila. Kohhrana inhmang tak zirna lama fail nih kan inhmeh lo ang hian kan zirnaah mite aiin kan zir nasa zawk tur a ni. Chuti ni lova kan hlawhchham chuan Kohhran hi inhmanna tur a ni love miin an ti mai ang a, Krista leh Kohhran hmel kan ti bal thei dawn a ni. Kohhrana inhmang te hi a inhmang lo te ai chuan kan changkang zawk a, thil engpawh ti dawn ila kan hmantlak zawk tih a hre tute kan ni. Hei hian rinna lamah nasa takin min pui a, puitlinna lamah min hruai \hin. |halai, Kohhrana inhmangte chuan taima nih te hi kan inhmeh em em a. Thatchhia leh zawmthaw tak nih kan inhmeh lo bawk a. Chhungkua leh midang tana chhawr nahawm, rintlak nih tum zel ila. Zirna kawng thuah te, eizawnna thuah te pawh midangte pawl phak thei tura kan \an a, mahni intodelh thei tura \an kan lak a \ul hle a ni. Social Networking \angkai taka hman i tum zel ang u.

THALAITE SUANGTUAHNA KHAWVEL

“Chhungkaw khawsak pangngai ve tak hnuaiah lo pianga, lo seilianin, ka naupan lai a\angin ka duh tinreng leh ka chak zawng apiang chu ka hmaih ngai lo. Damloh awmzia ka hre lo va, thi thei turah ka inngai ngai hek lo. Ka nun a nih miau avangin ka thu ber a, thununna leh zilhhauna ka ngai pawimawh ngai hek lo. Hlimna chu zawngin hmun tin kil tin ka hrut a, pawisak nei hauh lovin khawvel ka ch>n a, nuam tura ka rin leh hlimawm tura ka ngaih apiang chu ka bawh a ni ber. Sum leh pai ni se, ka thawh chhuah aia tam ka nei bawk! Hei lo liama vanram tlafual a awm dawn chuang em ni?” tiin ingaihtuah ngai em? 

A nuam viau ang le! Kan duh dan dana kan nun hmana, zilhhauna leh thununna hnuaia awm kan peih lo \hin a ni lo’m ni? Kan thawhchhuah aia tam sum leh pai neih chu sawi loh, kan neih loh thleng thlengin, kan duhzawng leh $tzawng chu neih hrâm kan tum \hin zawng a nih hi! Rosum <min unau, chhungkua kan innghirngho va, thisen hial chhuah pawh kan hreh ta lo. Kan nunah hian Hmangaihna leh Lainatnain hmun a chang tlem ta. A pui a pangin kan duhzawng leh chakzawng <min kan tlan a, kan tum ber erawh kan \helh fo.

Theihtawp kan chhuahna lam hi a dik meuh em? He Khawvel thil ral leh mai turte kan ngaihtuah luatah hian a pawimawh ber kan Nun kan hloh leh si lo maw? Kan fate kawng dik kawhhmuh aiin kan ni tin khawsak ngaihtuah hian kan lo buai tâwk viau zawk le! In leh lo \ha tak kan din a, tah chuan kan chhungkua kan him em? Ngaihtuah a tam hle mai. Eng pawh tiin, engtin pawh awm ila, kan duh ber chu 'Hlim' a ni a, kan zawn dan leh zawnna hmun a inang lo mai a ni. Kan hlimpui a, kan nuihpui \hinte bawk kha kan \ahpui leh \hin. Isuan, "Keimah hi kawng leh thutak leh nunna ka ni; keimaha kal lo chu tumah Pa hnenah an thleng ngai lo" (Johana 14:6) a tih ang hian, Isua hnungzuitu, a sipai rinawm ni turin hun kan neih lai hian Kawng dik chu zawh ila, damchhung reilote atana inham hnawk lovin, Chatuan atan inbuatsaih zawk ang u.

NAUPANG PUAL

THUAWIHNA

Vawikhat chu khaw te reuh tê pakhata mipuite hian eng thil nge an nu leh pate hian an ngaihhlut ber ni ang, tih zawn chhuah an duh a. Chumi zawng chhuak tur chuan intihsiakna an khuaa naupang zawng zawngte tan an buatsaih ta a. Intihsiaknaah chuan hmanraw thar changkang tak, Prof. Crank Shafte-a siam chhuah, Gladometer an tih mai chu endiktu atana hman tur a ni. Gladometer chu khawl chi khat, a bul hnai leh a chhehvela mi tupawh eng tiang chiaha nasain nge an hlima an lawm tih dik taka lo teh thei tura duan a ni. Intihsiakna chu an \an ta a, Hall khat tlatin nu leh pate chu intihsiakna en tur chuan an pungkhawm a, chu khuaa naupangte chuan an thiam thil chi hrang hrang hmangin an nu leh pate chu tihhlim tumin intihsiakna chu an rawn bei a. Intihsiakna an neih lai leh an zawh hlim apiang chuan khawl chuan an nu leh pate hlim dan zawng chu a lo teh zel a. Mipa naupang pakhat chuan a vawk, uluk taka a enkawl chu nu leh pate hmaah chuan a rawn lâmtir a. A dawtah hmeichhe naupang lo ding chhuak lehin Vantirhkohte tum ang hiala mawiin Violin a rawn tum a. Chumi hnuah mipa naupang thluak \ha tak mai rawn p>n chhuak lehin Lehkhabu lian zet mai chu nâl tak leh thiam takin nu leh pate hmaah chuan a rawn chhiar zat zat a. Mahse, chu'ng thil hmuhnawm leh ngaihnawm tak takte chu an nu leh pate ngaihhlut zawng a ni vak lo a ni mai thei, Gladometer-ah chuan a kâwk sang tehchiam lo. 

Intihsiakna tâwp an thleng dawn ta, mipa naupang pakhat hi a rawn p>n chhuak leh a, eng thil mah rawn ken a neih loh mai bakah eng thil mah thiam pawh a nei lo. Dawhsânah chuan ngawi rengin a rawn ding ringawt a. Intihsiakna buatsaihtute chuan mak ti takin chu mipa naupang chu an en a, "Bawiha, eng thil nge min entir ve dawn le?" tiin zawhna an zawt ta tawp mai a. Chu mipa naupang chuan mawlmang takin ti hian a lo chhang a -"Naupang thuawih tak ka ni," tiin. Hall chhung chu pin drop silence an tih ang maiin thawm a awm eih lo. Chu thu tawit> nu leh pate'n an hriat chuan an thinlung a khawihin an hlim tak zet a ni. Gladometer chuan nu leh pate hlim dan chu a lo teh lehin a kâwk sang zel a, a tawpah phei chuan a teh theih chin sang ber a kawk ta hial a ni. Tichuan, chu mipa naupang chuan intihsiakna lawmman chu a dawng ta a, intihsiakna buatsaihtute pawhin an thil zawn chhuah tum ber chu Thuawihna a ni tih an hre thei ta a ni.

He mipa naupang hian thiam thil engmah a nei lo va, mahse, naupang zawng zawngte intihsiaknaa tel vek tur a nih avangin huphurh takin a chanvo tihhlawhtlin nan a rawn tel ve a, a thuawih theihna chu a rawn din chhuahpui ve rawih a, mahse, chu a rawn din chhuahpui ngei chu an thil zawn mek a lo ni si, pakhatna a nih phah ta a ni. He naupang hian engmah thiam ka nei lo, tiin intihsiaknaah khan tel ve lo sela chuan pakhatnaah a ding thei lovang, tin, intihsiakna an buatsaih chhan ber pawh a hlawhchham dawn tihna a ni. Thuawihna ringawt pawh hi lawmman lak theihna a ni tihna a nih chu.

DCSO AIZAWL WEST THUCHHUAK

No.B.13015/1/2016-DCSO (W)

RETAILER DAWR HAWN HUN BITHLIAH CHUNGCHANG

Mizoram Sawrkar-in National Food Security Act, 2013 a kalpui tak avang hian mipuite hnenah sawrkarin buhfai quota a thla bi a pek a lo ni ta a, FCS&CA Department hnuaia Fair Price Shop Dealer /Retailer zawng zawng ten thla pumpuiin an dawr an hawng tur a ni. Hei hi mipuite’n sum leh paia harsatna an neih pawha huntiam chhung (Thlakhat chhung) a an quota an lak theihna tura ruahman a ni. Fair Price Shop (Retailer) te hian Pathianni tiam lovin Zinglamah Dar 06:30 leh dar 08:30 inkar leh tlai lamah Dar 03:30 leh dar 05:30 inkar chhungte hian Fair Price Shop an hawng ngei ngei tur a ni.

KAN VENG FOOTBALL TEAM  CHAK

TT Royte Trophy CYMA Football Trophy kal mek ah ni 18.5.2017 (Ningani) khan RG Stadium, Mualpui ah kan veng leh Venghnuai intumin hun pangngaiah 2-2 a inhnehtawkin kan veng a\ang hian Lallawmawma leh Lalruatkima Rivung ten goal an thun a. Penalty shootout a chak zawk zawn niin kan veng team ten 4-3 in hnehna an chang ta a ni. Naktuk dar 1:30 hian  RG Stadium ah kan veng Football team ten Electric Veng an hmachhawn leh nghal dawn a ni. Vengchhung mipui a tam thei ang berin i \awiawm ang u.

THUROTLING

“Vanneihna hi a awm, mahse mi taima te chungah chauh a awm.”   

-Thomas Jafferson

“I inngaihtlawm takzet chuan engmahin a tibuai lovang che”                     

-Mother Teresa

FRANKIE TUI THIANGHLIM

Tui thianghlim tak 5000 litres `1800/- in engtiklai pawhin kan pe thei reng e.

Pantea

Contact: 9774102517    

RAM PUM HUAP 

KOHHHRAN PAVALAI PAWL MEET VAWI-3 NA HMANG MEK

Rampum huap Kohhran Pavalai Pawl Meet vawi 3-na chu ni 19.5.2017 (Zirtawp zan) a\ang khan Ramhlun North Kohhran Biak Inah Hman \an a ni a. Meet Thupui atan hian ‘Chhungkuaa Lalpa rawngbawl’  (Jos. 24 : 14) niin,   sawitu ah Rev. Lalsangbera a ni a, zanin hian a \iak ang. Meet hi a zan hmasa berah Rev. Lalzuithanga, Moderator, Mizoram Synod hnen a\angin Pathianthu chah ngaihthlak a ni a, zaipawl Mizoram Synod Choir leh Kohhran Pavalai Pawl hrang hrangte an zai bawk a ni. Vawiin leh zanin hi Pathianthu chah ngaihthak leh Kohhran hrang hrang Pavalai Pawl te Pathian fak hla sa in hun hman a ni ang.

KOHHRAN HMEICHHE PI CHHUNGTEI GROUP INKHAWM DAN TUR

A hun : 23.5.2017 (Thawhleh zan) dar 7:00

A hmun : Pu Lalzawmpuia In

|antu  : Pi P.C Lalrokimi

Thupui sawitu : Pi Zuimawii

Thilpek lakkhawm a ni ang

Sd/- Pi Chhungtei Group

Kohhran Hmeichhia

MUSIC  ADMISSION

Synod Music  School-ah Tonic Solfa  & Staff  Notation (Puitling  tan -zing karah  leh naupang  tan -  tlaiah) June-August, 2017 chhunga zir duhtetan seat diltheih a ni a. Dil duhte chuan a hnuaiatarlante hi hriat ni se:-

1) Worship  Department, Synod  Office  atangin  Dilna  Form  la  chhuakin May  ni  30,  2017  ral  hma  ngeiin  Synod Office-ah  thehluh  tur  a  ni.  May  ni  31,  2017-ah  seat  chang  turte  hming  tarchhuah  a  ni  ang  a,  zir  tura  thlante chuan June ni 1 & 2, 2017 chhungin Admissiontih feltur a ni ang.

2)  June ni 5, 2017 atanga classtantur a ni ang.

3) Dilnaah  mahni  awmna  Kohhran  lehkha  thil  tel  tur  a  ni.

4) Hriat  tur tul  dang chu  dilna Form-ah  tarlan a  ni.

Sd/-REV.B.SANGTHANGA

Executive  Secretary  i/c  Worship

, Pi Lianzampuii w/o Pu Zoramthanga (T.Sec) chu damlohna avangin  Christian Medical College, Vellore ah enkawl mek a ni.

, Pi Lalchharliani w/o Upa Lalzama (T.Sec) chu damlohna avangin Alpha Hospital ah enkawl mek a ni. 

, Pu Lalliantluanga h/o Pi R.Lalthansangi (V.Sec) chu damlohna avangin naktuk hian Birla Hospital, Kolkata ah an kal dawn.

, Pu R.Lalmuanpuia h/o R.Lalthanmawii (V.Sec) chu damlohna avangin Aizawl Hospital ah enkawl mek a ni.  

MZ - 09 A PIANG DAWN E

Government of Mizoram, Transport Department Notification No.G.11016/14-TRP, Dated Aizawl, the 15th May, 2017-ah Aizawl District chu Urban District leh Rural District-ah \hen a ni. 

Urban District hian chhuah lamah (East) Zêmabâwk a?angin Tanhril, tlâk lamah (West) Sakawrtuichhûn thleng a huam a. Hmâr lam (North) Selesih a\angin chhim lamah (South) South Hlimen thleng a huam bawk. District Code-ah MZ 01 hman zui a ni ang a, Tûna District Transport Office, Chaltlang hi Aizawl Urban District Transport Office tia a hming thlâk a ni a, building ngai hman a ni ang.

Rural District hian Aizawl District huam chhûnga Aizawl Municipal Corporation Area pâwn zawng (Excepting AMC Area) a huam a. Code-ah MZ - 09 hman a ni ang. Office hi Inter State Bus Terminal Building, Chaltlang Aizawl (DTO thlang chiah)-ah a awm ang. Hei hi Order chhuah a\anga hman nghâl tûr (Immediate effect) a ni ang. District Code awm dan;

MZ 01 - Aizawl (Urban Area)

MZ 02 - Lunglei

MZ 03 - Saiha

MZ 04 - Champhai

MZ 05 - Kolasib

MZ 06 - Serchhip

MZ 07 - Lawngtlai

MZ 08 - Mamit

MZ 09 - Aizawl (Rural Area)