MIPUI
AW
KARTIN CHHUAK
Vol. XIX Issue No. 43
Kristian Thalai Pawl Saikhamakawn Branch Pathianni Dt.27.10.2013
KOHHRAN
PROGRAMME
27. 10. 2013 (Pathianni)
Chawhma Inkhawm
|antu :
Pi R. Zothanmawii
Chawhnu Inkhawm
Thuhriltu :
Upa Lallawmchhunga
Zân Inkhawm
Thuhriltu :
Upa Zairemthanga
K|P PROGRAMME
Dt.
28. 10. 13 (Thawh\an zân)
Hruaitu : Nl. Zohmingmawii
|antu : Nl. Jennifer Lalremruati
Thuhriltu : Pu R. Lalmuanpuia
Thilpel lakh : Nl. Ruthi Lalenkawli
awmtu turte : Nl. Lalhruaitluangi
October thla chhûnga hla hruaitu leh
musician turte
Hla hruaitu : Tv. R. Zodinsanga
turte Tv. F. Laldingliana
Musician : Pu Lalremruata
VAWIIN
TLAI FELLOWSHIP
A hmun : S.S. Hall
Hruaitu : Pu C. Lalnunsanga
|antu : Nl. Malsawmtluangi
Quiz : Tirhkohte Thiltih a\anga neih tur a ni.
Quiz master : Pu Lalchhandama
Memberte \hahnemngâi takin i kal ang u.
kohhran hmeichhe PROGRAMME
Dt.29.10.2013 (Thawhleh z^n)
Hruaitu : Pi Lalchharliani
|antu : Pi Zothanpuii
Thuhriltu : Pi Lalchhanhimi
SERMON
PATHIAN THU
“Pathian
thu hi a nung a thil a titheia khandaih
hriam tawn eng ang ai pawhin a hriam a, nunna leh thlarâu, ruhtuah leh thling
phel hrang khawp hial in a chhun thei a, thinlunga ngaihtuah leh tumte hi a hre
nghâl thei a ni”
Pathian thu kan
hriat theih leh kan hmuh theih awlsam ber chu Pathian lehkhabu thianghlim (Holy
Bible) hi a ni. Chanchin\ha Johana ziakah chuan “A tirin thu a awm, thu
chu Pathian hnênah a awm, thu chu Pathian a ni” ti te in min hrilh bawk
a. Pathian chu a thu ah a awm a, mihringin thu kan sawi ang leh thu kan ziak
ang mai hi a ni lo tih a hriatchian theih âwm e. Hemi anih avâng hian Pathian
thu chu thiltithei tak leh Amah ring duhlo tân chuan hlauhawm tak a ni tih kan
hriat a \ul hle bawk.
Pathian thuah
mihring ten suala kan tlûksan thute, Amah pawh ngaihsak lova kawng danga kan
pênsan tâk thu te min hrilh a, kan chan tur pawh hremhmun anih thu min hrilh
bawk a, chumi a\angin a fapa thisen ngeia min tlan thute min hrilh bawk. Lal
Isua nunna chu kan nunna a ni a, a thianghlimnate, a felnate, kan tân sual laka
min tlantu ( IKorinth 1:30) anih thute
min hrilh a, kan chanvo a ni tih hriaa lâwm tak a kan pawm mai a \ul a,
keimahni lamah danglamnate, hlim ruk riaunate zawng lova Pathian thuin kan
nihna a min puan saka lo awih mai hi kan tih tur a ni a, Pathianin min hrilh
ngei a ni tih hriaa lâwm tak a ‘AMEN’ lo tih mai hi kan tih tur a ni. Khawilai
Evangelist Speaker-in min hrilh aiin a rinawmin a nghet zawk a, a chiang zawk
bawk.
Mahnia thu awm Pathian kan nei a,
hei vâng hian ramhuaite pawhin Pathian thu hi an hlau a, natna pawhin a ngam
hek lo. Kohhran Upa-in damlo a \awng\ai chuan Pathian thu in a dam ang; a tih
avângin damlo chu a dam mai dawn a ni, a daw ve ngai si lo. Amah ring duh lote
tân hremhmun a buatsaihte hi a tak a ni tih kan hriat a, hmangaihnaa khat
Pathian ni mahse; a thu awih duh lo leh a fapa nunna engahmah ngâi duh lova;
nunna neih nân hmang duh lote chu a hrem ngêi dâwn a ni tih min hrilh hi kan
Pathian hian a hmangaihna vângin a sût leh dawn hauh lo, a hlen ngêi ngêi dâwn,
“Ka kâa thuchhuak chu thiltih nei lovin a lo kîr leh lovang” titu
hi kan Pathian a ni a.
.
EDITORIAL BOARD
f
Editor
:
Tv.F.Laldingliana - 9862378567
Jt.Editor:
Pu
R. Lalmuanpuia - 9612159842
News
Editors :
Tv.PC.Vanlalhriatpuia - 9862732381
Pu.C.Lalnunsanga -
9612413287
Tv.P.Lalnunsanga -
9612324588
Tv.Laldawngliana -
8974743091
Tv.Lalhmangaihzuala - 9862846345
Nl. Lal\anpuii -8974243380
Circulation
Manager:
Tv.R.Zodinsanga - 8974743073
Editorial.........?
INFIAMNA (SPORT)
Kan
veng Saikhamakawn-ah hian infiamna ang tur chi hi a hmun leh hmâ kan nei \ha lo
hle mai tih chu mitin hian kan hre \heuh âwm e, kan \halai tam tak rui theih
thilah leh mahni tâna \ha lo thil chi hrang hrangin a ei ral mêk dan han
ngaihtuah phei chuan a lungawithlâk loh tak zet a ni. Khawtlang hruaitu lo ni
tawhte leh ni mêkte tân pawh hian a harsa ang tih a rinawm a ni; a hmun hmâ
hian a zir miau loh avangin. Amaherawhchu kan theih chin chinah hian kan
\halaite, kan vêng hmalam hun tur atan hian kan buatsaih a pawimawh bawk si a.
Kan theih chin chinah leh kan phâk ang tawk tawkah hian hetiang lamah hian hmâ
kan lâk hret hret a \ha âwm e. Vawilehkhatah zo mai lo mah ila, nakîn hun; kan
tuchhuan lo kal leh zêl tur hmâkhua ngaihtuahin, a hlawhtlinna chu kan hunlaiin
hmuh theihin awm lo mahse kan boral hunah a hlawhtlin theih tho chuan mahni
chauh inngaihtuah lova kan vêng, kan khawtlang tân hian mimal tin hian thil \ha
pakhat tal hnutchhiah i tum \heuh ang u. Chu chuan hmasawnna min thleng ngêi
ang.
ARTICLE
TRANSFORMER
CHUNGCHANGA HMALÂKNA KAL MÊK
Kan hriat \heuh angin vengchhung mipuite; a bik takin Vanapa
Section veng hmâwr lam leh Chawngbawla Section lamte hian current kan hmu chhe
êm êm mai a. Transformer kan neih lâi hian min zo tawh lo tih a chiang a. Chumi
hre reng chuan vengchhung hruaitute pawhin chak takin hma an la fo tawh \hin a
ni. Kan mamawhna a nasat ziate, current hniam avangin current hmang buangrua
tamtak leh man to tak tak kan ti chhe nasa tawh a, kan tuar hle a ni tih kan hre
\heuh a, kan tawrhna a nasa hle tih hi kan pawm tlân vek a rinawm.
Transformer thar
kan neih theih nân Local Council lam pawhin nasa takin hma an la a, a lawmawm
hle. Rang tak leh hmâ takin kan hmu mial thei lo maw... tiin vengchhung \halai
intelkawm chu ni 11.10.13 zan khân Pu Robuanga te Inah inhmukhâwmin hmalâk dân
thar ngaihtuah a ni a. Chutianga hmalâk anih dâwn avang chuan hmingte invuahin
Saikhamakawn |halai Pawl tih phuah a ni nghal bawk a. Tichuan a theih ang anga
hmalâk \an chhoh nghâl a ni ta a.
Hmalâkna hmasa
ber atan S.E ah Transformer thar dah belh dilna ni 18.10.2013 khan theh luh a
ni a. |halai tam tak kalin he dîlna hi thehluh a ni nghe nghe. Tichuan S.E
chuan Transformer dahna tur ram pe phal an awm leh awmloh thute min lo zawt
nghal a, an awm thu chiang taka hrilh nghal a ni. Tichuan ram pe phaltuin a
phalna lehkha siama rawn thehlut leh a, Estimate pawh siam nghal turin thu min
tiam nghal a. Hei bâkah hian kan vengin Transformer thar kan mamawh dân dik tak
hriatchian a nih theih nan Voltage Test nei bawk turin a ti nghal a ni.
Ni 21.10.2013
khân ram pek phalna lehkha nen S.E va hmuh leh a ni a, tichuan transformer
dahna tur hmun verification a rang thei ang bera tih anih tur thu leh
transformer kan mamawh takzet a ni tih hriatna tur voltage test nei tura tih
niin ni 24.10.2013 lama rawn ngaihven tura tih a nih leh ta a ni. Tichuan hemi
ni tlailam dar 7:00 a\anga 7:30 inkar vel khan kan veng lam bialtu JE Pu
Robert-a hoin an rawn en nghal a, kan current
hmuh chu volte 105 chauh a nihzia an rawn hmu a, hei hian transformer thar kan
mamawhzia a tilang chiang hle a ni. Tin, hemi tuk ni 22.10.2013 hian JE Pu
Robert-a ho vêk hian transformer dahna tur hmun an rawn verify nghal bawk a ni.
24.10.2013 a
ngaihven tura tih a nih angin hemi ni hian va kal leh a ni a. Estimate nuaih
sawmpakhat chuang man chu kan veng transformer atan siam peih diam a lo ni a,
chu chu Chief Engineer (C.E) hnenah kalpui lehnghal a ni a. C.E hian tun
dinhmunah sum a awm hrihloh thu a lo sawi a, mahse Project R-APDRP tunkum hian
alo chhuak dawn a, chu chu a lo chhuah veleh dah nghal turin thu min lo tiam a.
Chu project chhuah hun chu nghah hrih a ngai a. Vengchhung mipuite kan duh anga
hmâin kan hmu thei lo mai thei a ni tih i hre tlâng phawt ila. Kan sawi \hin
angin kan neih ngêi theih nan nang leh kei hi a mawhphurtu kan ni tih hria in i
\angtlang zel ang u.
Transformer thar
kan neih theih nâna ram phal taka petu Pu R.Lianzinga (L) te chhungkaw chungah
lawmthu kan sawi a, tin, ni 24. 10.2013 kan ei leh in min tumsak tu Pu C.
Lalhmunngheta chungah lawmthu kan sawi bawk e.
Pc.Vanlalhriatpuia
Secretary, Saikhamakawn |halai Pawl
HRISELNA HUANG
KUHVA
A chanchin tlângpui: Kuhva hi
Herala, Karnataka-ah leh India hmarchhak ram hrang hrangah an ching uarin Bengal, Maharastra, Tamil Nadu Odhisa
(Orissa) leh Andhra Pradesh-ah te pawh an ching ve bawk. A kûng puitling hi
meter 30 vela sang a ni tlangpui. Thingkung dang ang lo takin zâr emaw \ang
emaw a nei ve ngai lova, a kûng hi a ngil thei hle bawk a ni. Tun hnâi mai
a\ang khan Mizoramah pawh kuhva kan ching uar ve hle.
Kuhva hian
\angkaina a neih rual rualin a rah hian tûr a pâi ve a, a tûr hi nisâa pho
rovin emaw chhumin emaw a thah theih. Pânhnah nena ei \hin (tam lutuk lovin)
hian \hatna a neih lâiin zarda nena eipawlh erawh chu taksa tan a \ha lovin a
hlauhawm thei hle a ni.
Damdawia hman theihte: A rah, a
hnah.
Damdawia hmannate:
Ha chak lo (\ha lo), ka rimchhia: A rah no \hial deuh reng a \ha.
Rulhût: A rah chang tawh pho ro tih dip 25gms leh
bawnghnute no khat chawhpawlh a, thil ei hmâin ei a \ha.
Kala lungte awm: A rah
pho ro tih dip 5gms, bawnghnute no khat nen nitin zing leh tlaiah in/ei tur.
Hmeichhiat mipat lama chak nan: A
rah \henkhat, a kâwr kheh hnuah tuiin chhum sova, chumi hnuah nisaah pho ro
tur. A ro hnuah tih dip a, 5gms zêlin bawnghnute no khat nen zingkarah leh zan
mut dawnah ei \hin tur a ni.
Hnungzâng nâ: A hnah rawtsawm diak
a hnung na lâi zût nân hman tur.
Emaw
A hnah densawm tui sawr leh têl chawhpawlh a, hnungzâng zût nan
hman tur a ni.
KHUANGTHLI
A chanchin tlângpui: Khuangthli
hi thing lian ve tak a ni a, a rah hi savaten an duhin sava thang a tawktawrhah
an hmang \hin. Thingzai atan pawh an hmang \hin a, a thing hi a tlo êm avangin
a man pawh a to hle a ni.
Damdawia hman theihte: A zîk
no.
Damdawia hmannate:
Tonsil nâ: A zik no rawtsawm
diak 5gms zelin nitin zing leh tlaiah ei tur. Tonsil na zawn vel nghawngah
hnawih vawk tur a ni.
Hrawk nâ: A zil no rawtsawm
diak a hrawk pâwn lamah bel a \ha.
Khuangthli hian hrawk nâ nen inlaichinna a nei a, chuvangin hrawk
na chi hrang hrang damdawi atan a \ha.
BIBLE QUIZ
No.43
SAM BUNG 76 - 80
A
kâr âwl dah khat rawh :
Q1. Pasal\hate
chu rawkin an awm a, An muhil chu an muhil hlen ta a; Mi chakte pawh tumahin an
kut an lek ____________________ ta lo.
Q2. Zanah ka
ngaihtuah neuh neuh a, Ka dawn vêl a, ka inzawt \hin a; Ka thlarau pawhin
\hahnemngai takin a ____________________ a.
Q3. An
beiseina chu Pathianah an nghah theih a, Pathian thiltihte chu an theihnghilh
loh va, A thupêkte chu an zawm _____________________ nân:
Q4. Min
thlahtute khawlohnate kha kan lakah chuan hre reng suh ang che: I lainatnate
chuan min hmuak thuai rawh se: ________________ taka tihhniamin kan awm ta si
a.
Q5. A hma i tifai zel a, Thuk takin zung a kai a,
ram chu a awh ta ___________________ a.
A
bung leh châng dah rawh :
Q1. Ani chuan rorêltute huaina chu a sat bung ang a: Ani chu leia lalte tan chuan a
hlauhawm a ni.
Bung:
............... Chang:
....................
Q2. Mosia leh Arona kutin I mite chu berâm rual angin i
hruai \hin a.
Bung:
................ Chang: ....................
Q3. Chutichuan ani chuan a thinlung \hatna ang zelin
anniho chu a chawm a; A kut thiamnain a hruai ta a.
.Bung: ................ Chang: ....................
Q4. Chutichuan, keini i mite, i ran tlatna hmuna berâmte
hian, Kumkhuain lawmthu kan hrilh ang chia: Chhuan zawng zawng thlengin nangmah
fakna chu kan hriattir zel ang.
Bung
.................... Chang
.................
Q5. Aw LALPA, sipaihote Pathian, min hawi kirtir leh la; I
hmêl kha tieng ang che, tichuan chhandamin kan awm dawn nia.
Bung
.................... Chang
.................
Hming :
......................................................
Section :
.....................................................
BIBLE QUIZ NO. 42 RESULT
Chhanna lut zawng zawng : 10
Chhang dik vek :
10
Lawmman dawngtu: Lalchhanchhuaha (T.Sec)
Bible Quiz
chh^nna leh lâwmman hi Circulation Manager Tv.R.Zodinsanga hnenah thehluh a,
lam \hin tur a ni.
PAVALAI
INKHAWM PROGRAMME
A hmun : Senior Hall
A hun : 31.10.2013 (Ningani)
Hruaitu : Pu T.Lalrinthanga
|antu : Pu Suithanga
Sermon :
Upa Zairemthanga
DIRECTORY
DAH BELH TUR
Marka
Group K|P ten vengchhung Phone Directory kan siamah khân Phone number dah hmaih
kan nei a, a hnuai ami ang hian remchân dan ang angin lo ziah belh mai turin
kan inngên e. Tin, tihhmaih palhah ngaihdam kan dil bawk e.
Lalbiakliana :
9862732828
Hrangpuii (Puii) : 9862286638
Lalchhuanliana : 9436784922
Laltlankimi :
8974418626
C.Lalduhsanga :
9862022067
Zaithantluangi : 9862533069
Andrew C.Lalnunsanga
: 9862340927
Sd/-
(ZOHMINGMAWII)
Secretary
Marka
Group, K|P
OFFICE OF THE PRINCIPAL
F.T.M.S.A UNIT OF HOME MISSION
SCHOOL
MELTHUM, AIZAWL, MIZORAM
Kum 2014 - 2015 session atân K.G-I to Class-VI, lût thar tur tân Ni 30thOct 2013 thleng admission tih theih a ni.
Admission Fee:
KG - I and KG - II
`.1,500/-
Class - I to Class - VI `.1,800/-
(Office hun chhungin dawr theih kan ni)
Contact - 9862711998
Sd/-
(LALTHLAMUANA HNAMTE)
Principal
Home Mission School
LAWMTHU
SAWINA
K|P Matthaia Group-ten ni 26.10.2013
(Inrinni)-a Motor min sil tirtute zawng zawng chungah lawmthu kan sawi tak meuh
meuh e.
Sd/-
(ZODINSANGA)
Secretary
Matthaia
Group, K|P
COUNSELLING
TRANING
Central K|P buatsaihin Counselling
Traning Group-2 chu Aibawk Presbyterian Kohhran Biak Inah ni 25.10.2013 khân
neih a ni a, kan Branch aiawhin mi pali: Pu Lalremruata, Pu Lalchhandama, Pu
C.Lalmuanpuia leh Tv. Pc Vanlalhriatpuia te an kal.
Group-2 ah hian Bial 21 a\angin
Branch 80 a awm a, Branch 78 aiawh an kal thei a ni.Resource Person-ah hian Upa
Zonunmawia (General Secretary, CK|P) leh Pu Samuel Laldingliana (Commt. Member,
CK|P) te an ni.
HRIATTIRNA
Naktuk Thawh\an ni 28.10.13 a\ang
chuan nitin chanchin bu Daily News kan
dawr a\anga ka sem chhuah \hin chu kan dawr kan sak \hat dawn avangin ka sem
chhunzawm thei tawh dawn rih lova. Ka sem chhuah ai hi Pu Khawlhmingliana h/o
Pi C.Liankhumi te dawrah in lo lam \hin dawn nia.
In \hian
C.
Lalngheta
VAWIIN KHAWCHIN
A lum lai berin : 200C
A vawh lai berin : 190C
Chawhma lamah 2mm,
chawhnu lamah 4mm leh zân lamah 7mm (wheatherforcast.com). Accuwheather.com chuan chhun lamah 2mm leh zan lamah 4mm tla
turin a sawi thung.
TUALCHHUNG
,Pu Lalengmawia h/o Lalbiakmawii (Ch.Sec) te chuan a pahnihna atân
fanu duhawm tak an nei thar.
, Remruatpuia s/o Lalrinmawia (V.Sec) chu damlohna avânga Alpha
Hospital-a enkawl anih hnûin alo chhuak.
,Pi Lalmawizuali w/o Lalchhanhima (T.Sec) chu damlohna avânga Synod
Hospital-ah enkawl anih hnûin alo chhuak.
,Pu H.Remtluanga h/o Hmangaihzuali (V.Sec) chu damlohna avanga
Greenwood Hospital-ah enkawl anih hnûin alo chhuak.
,Pu Thangluaia h/o Vanlalbiaki (Ch.Sec) chu damlohna avanga
Greenwood Hospital-ah enkawl anih hnûin alo chhuak.
CHATUAN RAMAH
Pi Zasangi (Kum-71) chuan ni
19.10.2013 zan dar 6:30 khân rilpui Cancer natna avangin he lei hrehawm
kalsanin chatuan ram min lo pan san ta.
A kalsan tâk a chhungte leh laina
zawng zawngte kan tuarpui êm êm a, Pathianin awmpuiin vêng zel sela tih hi kan
\awng\aina a ni e.
Zanin EPL inkhel tur
Sunderland
Vs N.castle Utd. (7:00)
Chelsea
Vs Man. City (9:30)
Swansea
City Vs West Ham (9:30)
Tottenham Vs Hull City (9:30)
Zanin La Liga
Sevilla
FC Vs Osasuna (4:30)
Villarreal
Vs Valencia (9:30)
Real
Sociedad Vs Almeria (11:30)
Atletico
Madrid Vs Real Betis (1:30)
**Mifing chu a
hunah leh a hmunah tak a ngâwiin ngawih a chuh tlat thung \hin.
https://www.facebook.com/groups/SKKthalaipawl/
Saikhamakawn K|P e-mail : ktpskk@gmail.com &
ktp_skk@yahoo.com
PUBLISHED BY LITERATURE SUB. COMMITTEE K|P
SAIKHAMAKAWN BRANCH, COPIES : 300
