KTP SKK: February 2017

Sunday 12 February 2017

Mipui Aw 12.2.2017

MIPUI AW

KARTIN CHHUAK

Vol. XXIII Issue No. 7 Kristian Thalai Pawl Saikhamakawn Branch Pathianni Dt.12.2.2017

VAWIIN CHANGVAWN

Nimahsela Pathianin khawvel thil ate chu a thlang zawk a, mi fingte chu a tihmualpho theihna turin; tin, Pathianin khawvel thil chak lote chu a thlang a, thil chakte chu a tihmualpho theihna turin; tin, khawvel thil chhia leh thil hmuhsitawmte, thil awm lote nen lam Pathianin a thlang a, thil awmte chu engmah lova a siam theihna turin; chutichuan Pathian hmaah mi tumah an inchhuang thei lo vang.

(I Kor 1:27-29)

KOHHRAN PROGRAMME:

Ni 12.2.2017 (Pathianni)

Chawhma Inkhawm

|antu : Pu C. Saienga

Zirlai 5-na : Ephesi Kohhran hnena lehkhathawn

Chawhnu Inkhawm

Thuhriltu : ATC zirlai lo kal a\angin

Zan Inkhawm

Thuhriltu : Pu Khawlhmingliana

K|P INKHAWM PROGRAMME

Ni 13.1.2017 (Thawh\anni Zan)

Neihthil thehkhawm

A hmun : Sunday School Hall

Hruaitu : Pu C. Lalnunsanga

|antu : Nl. C. Lalawmpuii

Zai hruaitute : Tv. Lalhmangaiha

leh Tv. Laldinpuia

Keyboardist : Pu Lalremruata

KOHHRAN HMEICHHE

INKHAWM PROGRAMME

Ni 14.2.2017 (Thawhlehni Zan)

Inkhawmpui review leh Kristian Chhungkaw pual

Hruaitu : Pi Hualthangpuii

|antu : Pi Sanghmingthangi

KOHHRAN PAVALAI PAWL

INKHAWM PROGRAMME

Ni 16.2.2017 (Ninga Zan)

Hruaitu : Pu R. Chalkhuma

|antu : Pu F. Sanghlira

Khuangpu : Pu Biakthansanga leh

Pu Lalthanliana Ngente

Thawhlawm khawntu: Pu Suithanga

|awng\ai rual leh sharing a hun hman a ni ang

KAN OVER HRET, BALANCE A PAWIMAWH

- Rev.M.S.Dawngliana

Hman deuhah khan TMEF ten 'khawngaihna' an rawn chawi vawng vak a, khawngaihnaa chhandam nihna man thiamte chu 'Thutak fate' ah an rawn chhuah a. Mihring thil tih ve zawng zawng - Tluknaah leh chhandamna chan hnuah pawh, a chhia emaw a \ha emaw te pawh tling zo lo vek ('sim' chu sawi loh 'sim tum' pawh sual) ang hialin an rawn sawi a. Chhandamna chan hma leh chan hnua mihring dinhmun an rawn sawi pawlh vek a ni ber awm e. Tichuan, Kohhranho chuan chutiang em em a zirtirna chu Bible a\angin kan teh dik hlei thei ta meuh lova, "Khawngaihnaa chhandam tawh mihringin Thlarau Thianghlim \anpuina zara thiltih \hat a neih ve te chu Pathian pawh tilawm thei a ni ang e, thil \ha tih nei ve tura min duh vangin Pathian pawhin a hnathawh chhunzawm turin leiah Kohhranho a din reng a ni" kan ti a.

Khawngaihnaa chhandam chungchangah chuan Kohhrana thuhriltute ai mahin TMEF thuhriltuten an sawi fiah thiam zawk mahin a lang \hin. Mahse, chu khawngaihnaa chiangte erawh chu TMEF thuhriltuten an zirtir em em pawh ni miah lovin an \huthluang nual ta mai a, Kohhranho huho nun leh Pathian biakte pawh an thlahthlam nual a, an over hret! Tunlai hian TMEF te luhna kawngka ni lo lam a\angin 'tun hun Pathian thu' tiin hmu bik leh thlan bik nia inngai an rawn chhuak ve leh ta nual mai. Chu'ng mite chuan 'khawngaihna' chu an rawn chhuang ve ta hauh lo; chu mai ni lovin Khawngaihna hun chu 'liam mek', 'liam tawh' ang hialah an rawn chhuah ve ta thung a. Mahni lam inserh thianghlimna an rawn uar a, 'Manna eina ram' ni tawh lova thawhchhuah ram a nih tawh thu an rawn uar em em bawk a, thil \ha an tih viau lai chuan an thla a muang em em a, mahse an han chak loh leh deuh erawh chuan an thla a phang leh a, \awng\aipuitu an au leh chul a. Khawngaihnaa chhandam ni tawh lovin an inhria a, an thil \ha tih hmanga inchhandam tur niin an inhria a ni deuh tawh mai thei! Thim thuah hnih kal tlanga Zoram khawvar beiseitute, hnam thuthlunga harhte an nih fur avangin eng thuthlung dang mah, Chanchin |ha leh Thuthlung Thar tiata tuipui duh lotu Kohhran chu an duh khawp lo ta em em mai a, "Sawmte chu tam tak, thlante chu tlemte..." tih lai kha anmahni leh midangte an thliar dan chu a ni ta vah mai a. An tuipui thuthlungte tuipui ve lotu chu Pathianin a khawngaih leh khawngaih loh an sawi lova, an aia fel hmel leh sawiselna tur an hriat vak loh mi pawh ni se, 'thim thuah hnihin a nuai hlum tur' an ti hmiah mai a ni, an over leh hret!

Heng zawng zawng hi enge a chhan?

Balance kan thiam loh vang

Khawngaihna, Rinna leh Thil \ha tih te hi hrui thum hrual an ni. A engemaw ber hi miin a hnawl tawh chuan a ngaihtuahawm khawp ang. Pa leh Fapa leh Thlarau Thianghlim te hi Pathian pakhata Minung pathum an ni. Nicea thuvawn phei chuan "ang khata biak leh chawimawi..." tiin a dah. Uar bik nei lova inbuktawk taka vawn leh hnaih ngai an ni. Judaho chuan Pa Pathianin a hnam thlana a thlanna an uar lutuk a, tun thlengin Fapa Pathian an la hai tlat. Fapa Isua Krista hnathawh uar lutuktu (khawngaihna ringawt tuipuitu) chuan Thlarau Thianghlim \anpuina azara nun thianghlim neih leh thil \ha tih a thlahthlam thei bawk a, a thuthluangin a thiangzau halh thei. Thlarau Thianghlim ringawt uar leh lutuk pawhin Krista Kraws hlutna leh Khawngaihna ropuizia a tlanpel a, Thlarau Thianghlim \anpuina zara a sim ve theihna leh a invawn thianghlim vena te a chawi vawng lutuk thei bawk a, mi chak lo zawkte tanpui aiah a hmusit hlauh thei a, 'hnawl tawh' ang hialah a chhuah daih thei. Over lutuk a awl. Inven a va tul em!

Chutianga uar bik nei zirtirna reng reng chu hawisan ngam a \ha. Kan Pathian thu tlanpui danah hian thil pathum inbuktawk taka vawn ngai a awm - Khawngaihna & Rinna & Thiltih te hi.

"Hrui thum hrual chu a chat lawk lawk ngai love" - Thuhriltu 4:12b.

EDITORIAL BOARD

Editor :

Pu C. Lalmuanpuia 8974807213

Joint Editor:

Tv. Laldinpuia 9862813325

News Editors :

Pu Tommy Zirnuntluanga 9862913684

Tv. Lalnunzira 9862664253

Tv. Lalawmpuia 8259910570

Nl. Zohmingmawii 8794773133

Tv. Lalruatsanga

Circulation Manager:

Tv. C. Lallawmawma 8974509821

Nl. C.Zosangliani 8731005507

Editorial...?

FINNA

Khawvelah hian thiamna leh finna zirin kan hmanhlel a, nimahsela finna leh thiamna tluantling nei erawh kan awm chuang lo. Philosopher ropui tak takten zirtirna (philosophy) ropui takte chhawp chhuakin, kan zirin kan hre ning hlei hlui a. Mahse, mi inzir sang apiangte hian mahni, chhungkua leh khawtlangah ro an rel fel thiam chuang lova. Finna leh thiamna sang tual tualte hian buaina leh harsatna a tipunlun ta zâwk emawni tih mai tur a ni. Mithiam leh hre ril inti taktakten Kohhran leh kan Thurinte an nek a, an kher an kher a, kan Bible leh a chhunga thu awmte avangin inhnialna chi hrang hrangte a lo chhuak hnem ta tial tial a, rawngbawltu fate meuhin Pathian awm loh thute an au chhuahpui ta hial mai. Kan Pathian thu chuan LALPA \ih hi finna bul a ni, a ti hmiah mai a, a bul tel lova finna zawn chu ^tna a lo ni daih zawk a nih chu! Lal ropui leh fing Solomona meuh pawhin, “Pathian \ih la, a thupekte vawng rawh: hei hi mihring zawng zawng tih tur chu a ni mai,” a lo ti a. Âwih lovin, lehkhabu leh khawvel thila mi ril pui puite thusawite pawh ngaithla mah ila, Solomona hmuh chhuah aia \ha hi chu kan hmu chhuak kher âwm lo ve. Finna tak tak nei tur chuan a bul kan \anna tur leh kan tâwpna tur chu Pathian \ih leh a thu awiha zawm hi a lo ni.

ILP CHECK DAWNA HRIATTUR TLANGPUI

Guidelines For The Enforcement of The Inner Line Permit (ILP) Regulation in Mizoram :- Govt Notification a tih chhuaha ILP chungchang tlangpui pawimawh te :

1. Guidelines No 2 (1) a Categories of Persons to be exempted a tih a ILP neih ngai lo tura a sawi te chu Ram leilung fate, Govt Officer on Duty te, Security Forces leh an chhungte te, Sorkar hnathawk nghet (Regular & Permanent) te, Sorkar hnathawk Retired tawh Mizo nupui/pasal neih vanga Mizoram a awmzui te, Government Ukil leh Defence Panel of Government Ukil te, Govt Undertaking leh Corporation a thawk te chu ILP neih ngai lo tura awl an ni mahse man an tawh loh nan ID \ha tak an nei tur ani. ( Private company entirnan PWD hnuaia kawnglai ho ABCI, Tantia, Sunshine oversea, etc..hnathawkte hian ILP an ngai vek tih hriat a \ha)

2. Hnamdang \henkhat (Mu\ia/Mistiri/Mechanic etc) Mizoram Voter ID lo nei ve ta ngawt ten phakar chhuahin an tan ILP neih a ngai tawh lo angin an insawi \hin, ILP Check tuten thudik emaw tiin an man loh phah fo \hin mahse a chunga Guideline-a awl (exempted) list zingah an tel miau si loh avangin ILP an neih ngei a ngai tho. Voter ID leh ILP inzawmna a nei lo a ni.

3. Hnamdang hmeichhia an nupui / farnu te an pasal emaw an unau ten ILP an neih vang ngawtin awl theih an ni lo, an neih ve tho a ngai. Dan inti hre takin hmeichhia ten neih ngai ve lo tiin ILP check tute an lo bum fo \hin. Zirlai an nih chuan an zirna in siam ID an nei tur ani.

4. Mizo \henkhatin Adoption Certificate mumal pawh nilo Affidavit paper a hnamdang puitling an falak (Adopt) hi ILP awl phah tum nan hmang an awm, hei hi Kristianna kawra hmang tumna leh ILP awl theihna Dan a awm loh avangin ILP an neih ve tho a ngai.

5. Gorkhali / Nepali nazawng hi ILP awl theih ngawt an ni lo, kum 1950 hma lama awm te leh an thlah te chauh awl an nih avangin an Census List-a awm lo chu ILP an neih a ngai a ni.

6. Sorkar sponsored programme hmang tura sawm te chu ILP awl an ni, mahse a sponsor tu Dept in ILP awl an nihna Exemption Certificate an pe tur a ni.

7. Hnamdang miin Mizo nupui a neih vang ringawtin ILP awl theih ani lo, Guideline a awl theihna nei a nih loh chuan ILP an neih ngei a ngai.

8. Tunlaiin Restaurant / Hotel ah Tripura vai leh Garo te Cook a \an an intih hmuh a, ILP awl zingah an tel loh avangin an neih tho a ngai a ni. Tin, Workshop leh Servicing Centre ah te hnamdang leh Meitei tam tak an thawk bawk, kan ramin amamawh anih pawhin Dan anga ILP an neih ve ngei a ngai tho a ni.

Sorkarin ILP khaihhruaina a siam hi Ram Leh Hnam Humhalh nan chiang leh zuala hriat leh hman \angkai nise. Kan rama awm turte chu Dan dikin awm se kan ti mai a ni. Tul bik thilah chuan CYMA hruaitute biak rawn ni se.

ROADCUTTING KALPHUNGA PWD THU CHHUAH

Executive Engineer (Monitoring) for Engineer-In-Chief, PWD, i/c Information Cell chuan Aizawl huamchhung kawngpui laihchhiat kalphung chungchanga a thuchhuah chu a hnuai a mi ang hi a ni e:

Superintending Engineer, PWD, Building Circle huamchhung (Aizawl huamchhung) ah motor kawngpui laichhiaa tui pipe emaw thildang engpawh, mimal emaw pawl ho emaw Sawrkar Department te pawhin kawngpui laichat turin phalna an neih hmasak a ngai a. Chutiang ang hnathawk duhte chuan Executive Engineer-te hnenah plain paper hmangin dilna an siam a, phal sak an nih chuan Sub-Divisional Officer ten a siam \hat lehna tur proforma Bill an siam a. Kawng laichhe duhtu chuan a siam\hat lehna tur senso ngai pawisa te a pek fel hnuah chauh kawng laihchhiat phalna (Road Cut Permission) hi pek \hin a ni.

An pawisa deposit hi receipt fel taka pek a nih hnuah short code of 8782:R:PWD Challan hmangin CAR-7[see Rule 26(1)] Government Revenue atan State Bank of India ah deposit leh \hin a ni a. Pawisa tlingkhawm hi heng kawng laihchhiat thawm\hat lehna atan hman \hin a ni a, amaherawhchu a hlawm deuhva hna hi kalpui \hin a nih avangin hun engemaw chen chu thawm \hat (Restoration) lohva a awm Chang a awm \hin. Hei hi senso tlem zawka hnathawh a nih theih nana tih a ni.

Hetiang hi Department hnathawh dan kalphung a nih avangin hmun \henkhatah chuan phalna nei lova a ruk a ral a kawngpui lo laichhia an lo awm thei a, khawtlang hruaitu Local Council, YMA leh mi tupawh an \awiawmna leh venpuina PWD chuan a mamawh a, kalphung pangngai ang taka hnathawh a nih theih nan mipui \awiawmna PWD chuan a ngen tak meuh a ni e.

KUM 15 CHHUNGIN HMUN LI AH LEI AN VERH TAWH “OIL & GAS ZAWNGTUTEN FEE RS. vbc 23 AN CHAWI TAWH

Kum 2003 - 04 atangin company lian palite inremna ziakin Mizoramah oil leh gas zawn hna an thawk tawh a, tun thlengin exploration well pali verh tawh a ni. RTI zawhna chhan danin Mizoram (block pali) ah oil leh gas zawngtu main operator pali - ONGC, Oil India Ltd, Reliance Energy Ltd leh ONGC II hnuaiah Km2,12,427 bial chhungah oil leh gas zawn hna thawh a ni. Geology & Mineral Resources deptt. in zawhna an chhan danin, main operator ONGC hnuaiah lei verh (exploration well) pahnih leh OIL hnuaiah exploration well pahnih zawh tawh a ni.

Main operator Reliance leh ONGC-II hnuaiah operator result a awm lova. Reliance Energy Ltd chan Km23,619 area-ah operator tih tawp a ni a, NELP (new exploration licensing policy) X round-ah telh leh an nih theih nan buaipui mek a ni. ONGC-II hnuaia Km22,55 chu kutthlak a la awm lo bawk a ni.

Block palia main operator pahnihte hnuaiah hnuhma (achievement/status) a awm tawh a. Main operator ONGC chu Sept 5, 2003 khan inremna ziahpuiin anni hian Km25,340 changin Km22,660 an tuam tawh a, exploration well pahnih zo tawhin, survey hna an tan leh tawh a. Block dangah main operator Oil India Ltd chu May 22, 2007-ah inremna siam puiin km23,212 an tuam zo tawh a, exploration well pahnih zovin survey an tan leh mek bawk a ni.

Block pahnih dangte - Reliance leh ONGC-II hnuaiah chuan achievement engmah a awm lo a. ONGC-II hian Mizoram chhak kil, Manipur leh Assam inrina changin, Reliance lamin Mizoram chhim - Lunglei, Lawngtlai district an chang bawk a ni.

Oil & Gas zawngtu company-te hian kumin Jan 18 thleng khan petroleum licensing fee Rs vbc 23.13 chu state sorkarah an chhunglut tawh a. License fee chhungtute hi ONGC I, ONGC II, Oil, Naftogaz an ni. ONGC I hian kum 2003 a\anga 2016-17 thlengin kum tin fee an pe a, Oil India in kum 2007 a\ anga 2015-16, Naftogaz-in 2008 atang 2011-12 leh ONGC II in 2008 atang 2015-16 thleng an pe a ni.

Geology & mineral resources deptt-in zawhna an chhan danin, Mizoram chhungah oil leh gas commercial product awm ta se state sorkarin Oil-ah 12% a chang (royalty) dawn a, Gas-ah chuan 10% a chang dawn a ni. Oil & Gas ah hlawkna lo awm dawn ta se, central leh state non-tax revenue chan tur zawhna chu deptt chuan - FC 12na para 13.35 [ii] GoI recommendation angin 50:50 a ni tiin an chhang bawk a ni.

CYMA MORGUE VAN LEH BUS HMAN THEIH DAN

Central YMA Morgue Van (Ruang phurhna Motor) hman theih dan:

1. |um khatah `500 aia tlawmin a hman theih loh.

2. Aizawl khawpui chhung chu `500 anga chhut phawt a ni ang a. A hlat dan a zirin khawpui chhung mah nise a rate hi tihsan theih a ni ang.

3. Aizawl pawn - Lengpui, Sairang, Lungdai leh Aibawk bak chu KM 1 ah `40 a ni ang a. KM hi Garage a\anga Ruang dahna hmun a chhut tur a ni ang.

4. Lengpui - `1500

Sairang, Lungdai leh Aibawk - `700

Ruang zuitu mi 7 an chuang tel thei.

Ruang zuitu mi 18 chuan theihna Morgue Bus pawh hire tur a awm a. KM 1 ah `70 a ni.

Hrechiang duh leh hmang duh tan :

Duha (Driver) - 9615731722

Marina (Driver) - 8575894434

MIPUITE HRIATIRNA

DIPR NEWS

Pu C.Lalzarliana, Addl District Magistrate, Champhai District chuan Sec 144 CrPc 1973 (Act II of 1973) in thuneihna a pek angin, ran hrileng avanga ran vulhtu leh mipuiten harsatna an tawh lohnan a hnuaia mi ang hian thupek a chhuah a ni.

1) Ram dang Myanmar a\angin tumahin Vawk an la lut tur a ni lo.

2) State dang a\angin tumahin vawk an la lut tur a ni lo.

Thupek zawm lo tu chu IPC Sec 188 na hmangin hrem a ni ang. He thupek hian chhuah a nih a\anga Thla hnih(2) a huam ang.

Motor Vehicle Act, 1988 (Act No. 59 of 1988) siam\hatna leh Sawrkar Laipui, Supreme Court Committee on Road Safety thuchhuak angin Mizoram Larsap chuan Lirthei Ke 2 (Two Wheeler) khalh leh a hnung a chuang te chuan chetsual thila thihna an pumpelh theih nan Helmet (Bureau of Indian Standards in Helmet him china a pawm) khum vek turin thupek a chhuah a ni. He thupek hi a chhuah ni a\angin khauh taka hman nghal tur a ni.

RATION CARD LEH AADHAAR

Food & Civil Supplies Ministry in a puan danin, India ramchhunga Ration Shops 5.58 lakh te chu June, 2017 ral hnain Aadhaar Card nen thlunzawm vek tura hmalak mek a ni. Tunah hian Gujarat, Rajasthan leh Andra Pradesh ah te chuan hei hi tih tawh a ni. Sawrkar chuan June thla ral hma a mi zawng zawng Aadhaar neihtir vek tumin hma a la mek a. Mahse, tumah tihluih an ni dawn lova, a la ti duhlo te chu ti tura zirtir an ni ang. Tihluihna awmlo mahse, Ration dawr zawng zawng Aadhaar thlunzawm a nih hun chuan, ration la tur te chuan kutzungpui thla nema tih a ngai tawh dawn a. Neilo chuan lak theihloh a ni mai dawn a ni.

HRIATTIRNA

Mizorama zirlai naupang, MZU leh MBSE hnuaia, tribal scholarship dil zawg zawng te, scholarship hi sawrkarin Zirlai naupangte bank accounta a thun tan tawh dawn a vangin, scholarship dil zawng zawng ten, march thla hma ngei in, an bank account te,a hman theih/a nun leh nun loh check vek tur a hriattir leh ngen kan ni e.

TBZ NEIHTHIL THEHKHAWM

A hun : Ni 13.2.2017 (Thawhleh zan) dar 7:00

A hmun : Pu Zosangliana In

Hruaitu : Pu C. Lalrinmawia

|antu : Pi Lalchuangkimi

HLIMEN PASTOR BIAL KOHHRAN HMEICHHE INKHAWPUI HMANG MEK

Ni 10.2.12017 (Zirtawp) zan a\ang khan Hlimen Pastor Bial Kohhran Hmeichhe Inkhawmpui chu Hlimen Damveng Kohhran ah nghah mek ni a, zanin inkhawmah ah Pi Khawlvuani, Bial Kohhran Hmeichhe Chairman in Pathian thuchah a sawi ang a, kan Kohhran Hmeichhe zaipawl te an zai bawk ang.

LAWMTHU SAWINA

NECS Cup khel tur Saikhamakawn team tana `5000/- mim petu bialtu MLA Pu KS Thanga chungah leh `4000/- a Jersey min rawn sponsor tu Huanmawii Enterprise te chungah kan lawm tak zet a ni. Vengchhung a\anga sum leh pai leh thil dang min petu te chungah pawh lawmthu kan sawi a, an hming kan tarlang seng lova, a \ul angin tarlan zel kan tum dawn nia.

Sd/-Manager

Saikhamakawn Team

ADMISSION NOTICE

Candid English School, Saikhamakawn chuan kum 2017-2018 session atan KG1-Class IX admission a hawng leh ta. Zirtirtu experience tak tak ten, hmangaihna tak tak nena naupang an enkawlna school ah hian i tu leh fate rawn admit rawh le. Naupang zirna lama hnufual bik te special taka enkawl \hin an ni.

1. Admission fees:

1) KG1-Class IV : `1300/- (with April fee)

2) Class V-VIII : `1500/- (with April fee)

3) Class IX : `1700/- (with April fee)

2. Monthly fee:

1) KG 1- Class VIII : `600/-

2) Class IX : `700/-

Class IX New Comer tur te chu 11th February dar 11:00 am ah test neih tur a ni ang.

Sd/- (LALHNEMZOVI)

Principal

Candid English School

Contact: 8014413490/8415866502

LAWMTHU SAWINA

Ni 6.2.2017, Thawh\an Zan inkhawm ban a Mika Group member sum tuak nana rora thiara hnatlang chhuak zawng zawngte chungah lawmthu kan sawi a. Tin, inhlawhna \ha tak min siamsaktu Pu Lalchhandama (V.Sec) chungah lawmthu kan sawi bawk a ni e.

Sd/-

(C.LALDAWNGLIANA)

Secretary

K.|.P Mika Group

LAWMTHU SAWINA

Ni 6.2.2017, Ninga Zan a Jeremia Group member sum tuak nana rora thiara hnatlang chhuak zawng zawngte chungah lawmthu kan sawi a. Tin, inhlawhna \ha tak min siamsaktu Pu C. Lalromawia (V.Sec) te chhungkaw chungah lawmthu kan sawi bawk a ni e.

Sd/-

(LALRINNUNGA)

Secretary

K.|.P Jeremia Group

TONIC SOLFA & STAFF NOTATION ZIR THEIH

A hnuaia tarlan ang hian Synod Music School ah Tonic Solfa & Staff Notation (Puitling tan- zing karah leh naupang tan - tlaiah) March-May, chhunga zir duh te tan seat dil theih a ni a. Dil duh te chuan a hnuaia tarlante hi hriat nise:

1) Worship Department, Synod Office a\angin dilna form la chhuakin February ni 23, 2017 ral hma ngeiin Synod Office, Worship Department ah thehluh tur a ni. February ni 24, 2017 ah seat chang tur te hming tar chhuah a ni ang a, zir tura thlan te chuan February ni 27 & 28, 2017 chhunga admission tih fel tur a ni ang.

2) March ni 1, 2017 a\anga class \an tur a ni ang.

3) Dilna ah mahni awmna Kohhran lehkha thil tel tur a ni.

4) Hriat tur \ul dang chu dilna form ah tarlan a ni.

Sd/-

(REV.B.SANGTHANGA)

Executive Secretary

i/c Worship

ZANIN EPL FIXTURE

7:00pm-Burnley vs Chelsea

(Star Sports Select HD1)

9:30pm-Swansea vs Leicester

(Star Sports Select HD1)

, Pi Saphmuaki m/o Tv. Lalthazuala (T.Sec) chu damlohna avangin Alpha Hospital ah enkawl mek a ni.

, Nl. Vanlaltlani d/o Pu. B Lalrinzaua (Ch.Sec) chu damlohna avangin Falkawn Hospital ah enkawl mek a ni.

, Pi Pc. Lianzampuii w/o Pu C. Lalthlengliana (T.Sec) te nupa chuan a pathumna atan fanu duhawm tak an nei.

, Lalmuanzuala s/o Pu Zoramnghaka (V.Sec) chu tonsil zai avangin Civil Hospitalah enkawl mek a ni.

, Tv. Johny Laltanpuia s/o Pi J. Lalhmingliani chu damlohna avangin Synod Hospital Durtlangah enkawl mek a ni.

YMA HRIATTIRNA

1) Thlanmual ram chhungah pawl emaw, mimal emaw hma la tur reng rengin Branch YMA hruaitute hnenah inhriattir hmasak zel tur a ni.

2) Saikhamakawn vengchhungah in luah tir tur reng reng ten an luah hma in Local Council leh YMA hruaitute hnenah inhriattir hmasak zel tur a ni.

Sd/-

(C.LALDAWNGLIANA)

Secretary

YMA Saikhamakawn Branch

ADMISSION NOTICE

Kum 2017-2018 session a\angin Govt. Primary School, Saikhamakawn chuan English Medium KG I, KG II, Class I a hawng dawn a, tun a\angin admission a tih theih nghal e.

Admission Fee- Free

Monthly Fee- Free

Uniform- Free

Sd/-(LALPARLIANA)

Headmaster

Govt. Primary School, Saikhamakawn

RD SEPTIC TANK SERVICE

Septic tank khat, paihfai, commode block pipe line \ha lo, soakpit repairing, a thar siam engpawh hmun remlo leh harsa a mi pawh kan thawk thei reng e. Kan sulhnu a felfai a, service hlun leh rintlak kan ni e.

RATE: INBIAKREMNA

Contact: 9436199884

Mipui Aw 5.2.2017

MIPUI AW

KARTIN CHHUAK

Vol. XXIII Issue No. 6 Kristian Thalai Pawl Saikhamakawn Branch Pathianni Dt.5.2.2017

VAWIIN CHANGVAWN

“Amahah chuan engkim siam a ni a, vana awmte, leia awmte nen, hmuh theihte, hmuh theih lohte nen, lalthutphahte pawh, rorelnate pawh, lalnate pawh, thuneihnate pawh; engkim ama siam a ni, ama ta tur bawka siam a ni; tin, ani hi chu engkim awm hmain a awm reng a ni, amahah chuan engkim a ding ho bawk a ni.” ( Kolossa 1:16-17)

KOHHRAN PROGRAMME:

Ni 5.2.2017 (Pathianni)

Chawhma Inkhawm

|antu : Pi Tlanglawmi (Bial 8-na)

Zirlai 3-na : Krista Inlarna

Chawhnu Inkhawm

Thuhriltu : Upa Lallawmchhunga

Zan Inkhawm

Thuhriltu : Upa R. Lalngena

K|P INKHAWM PROGRAMME

Ni 6.1.2017 (Thawh\anni Zan)

Short Sermon leh |awng\ai rual

Hruaitu : Pu Lalduhkima

|antu : Tv. J. Lalremruata

Short Sermon Tv. C. Laldawngliana leh

sawitu turte : Nl. Lalrinchhani

Bible chhiartu tur: Tv. R. Lalawmpuia (Chhiar tur: Sam 119:17-24)

Thawhlawm Nl. Lalmuanpuii (KC Khaia)

khawntu turte: Nl. Dephony Ramengmawii

Zai hruaitute : Tv. Lalhmangaiha

leh Tv. Laldinpuia

Keyboardist : Pu Lalremruata

KOHHRAN HMEICHHE

INKHAWM PROGRAMME

Ni 7.2.2017 (Thawhlehni Zan)

Ramthim Zin

A hmun : Senior Hall

Hruaitu : Pi K. Lalbiaksangi

|antu : Pi F. Laldawngliani

KOHHRAN PAVALAI PAWL

INKHAWM PROGRAMME

Ni 2.2.2017 (Ninga Zan)

Hruaitu : Pu Lalrinpuia

|antu : Pu Sangmawia

Thuhriltu : Pu T. Lalrinthanga

Khuangpu : Pu H. Remtluanga leh

Pu D.Thangbawiha

Thawhlawm khawntu: Pu Vanlalngheta

KHAWCHHAK LUNGPUI

-K.Lalfakawma

Khawchhak lungpui lo lum tur an sawi fo hi Lalzawna leh a pawlten China Sorkar an sawina a ni a. Anni hi Ephraima thlah kan ni tia insawi \hin te kha an ni. Heng hi inlarna a hmuh angin sawi a ni bawk. Kum 1985-a kan Synod lehkhabu chhuah "Hruaina Eng"-a kan hmuh dan tlem kan sawi ang a, kan sawi belh bawk ang. Lalzawna Chu kum 1978 vel khan MNF Underground a\angin a lo chhuak a, Mizote hi Ephraima thlah kan ni a, Jerusalemah ro kan la rel dawn tih thu chu a mumang lamah a hmu a, chu chu thutak khukin an khukpui ta chiam mai a ni.

A zirtirnaah chuan Khawchhak lungpui khi a lo lum ang a, Aizawl leh kawng dunga khua awm te hian an tuar nasa deuh bik ang a, chu lungpui lum laka him tur chuan hmun kilkhawr leh fianrial deuhva awm a ngai an ti a. Tlangsamah an pem khawm ta a ni. Pu Laldenga thusawi pakhat,"Ka in kang \helh nan tuifimin a daih loh chuan tui nu pawh ka hmang mai ang" a tih phei chu an tuipui hle a. Pu Laldenga khan China Sorkar khi a pun ngei an ring hle bawk. Khawchhak lungpui lum an sawi \an hun hi

Kum 1978 vel kha a ni a. Kum 1980 velah chuan lo lum ngei turah an ngai a. Mipui tam tak an hruai sual nasa hle. Mahse vawiin thlengin alo la lum lo chu a nih hi! Khawchhak lungpui lum tûr hlauva pem chhuah thu aupuitute zinga mi pakhat lo harh chhuak leh chuan hetiang hian a sawi, "Pathian thutak leh Kohhranho zirtirna hrulah hian thlarau zawlna neia inhriatna leh intih thlarauna kawng lianpui mai hi a awm ve a, Pathian thu tak tiat ve thuakin he kawng dik lo hi a awm ve a. Kan hruaitute zawl leh thupuante chu a dik lohna a lo lan hnuah pawh, a chhan leh vang leh chhuanlam dang thlarau lam thupuan a\angin an siam zel a. Kawng dik lova kan awm laklawh tawh hnu chuan chutianga an sawi apiang chu kan awih zel tawh mai a ni. Mahse hei hi inbumna, thlarau sual hnathawh a ni tih tunah ka hre fiah tawh a ni" tiin a sawi.

Kum1978 vela China rallian an hlauh ang bawk khan tun hnaiah hian tu mangchhia emaw avangin mi \henkhat chuan China rallian an hlau leh em em tawh mai a. Thim alo thleng dawn tih te an aupui nasa leh hle tawh a ni. Hetiang ang thil hi Mizo te zingah hian alo thleng fo \hin a, a reh vang vanga, eng emaw changin alo lang chhuak leh hluai \hin. Sakawlh hlau ho pawh hi an han reh vang vanga, thil thar deuh eng emaw a lo chhuak a, an lo pawng thar leh \hin. WCC te, Roman Catholic te, Pope te, Euro pawisa te, Synod te Sakawlhah an puh a, Synod phei chu lu tanna khawl nei ang ten min puha, mahse an lu tanna khawl tih chu Paper Cut rualna lek alo ni leh si ! USA President hlui Barak Obama kha a lo lal tirh khan an puh leh a, tun hnaiah UID chu Sakawlhah an puh leh bawk a, Sakawlha an puh pakhat Barak Obama chu tunah USA president a\angin a lo chawl ta a. Sakawlh pension a lo ni ta der mai. A nuihzatthlak \hin hle mai. Heng zawhah hian tute nge an puh leh dawn tih hi Zoram mipuite hian kan nghak mek a ni.

Hetiang zirtirna mumallo tak vawrhdarhtute hi Kohhranhote chuan thutak khuka khuk pui chi an ni lo tih hi kan hriat thar a \ul hle a ni. Kan Pathian thuin, "Duh tak te u, thlarau nazawng ring suh u, amaherawhchu thlaraute chu Pathian laka mi an ni nge ni lo fiah rawh u, thuhriltu der tam tak khawvelah an lo chhuah tak avangin" (I John 4:1) tia a lo sawi hi kan hriat reng a pawimawh hle a ni. Kan Bible-in "Chhum tui pai lo, thli chhem lente an ni" (Juda 1:12) a tih ang maia thle kawi thle kawi lovin, Pathian kan rinnaah hian nghet takin i ding zel mai ang u.

"Inveng ula, rinnaah chuan dingnghet ula, intihuai ula, chak takin awm rawh u." (I Kor 16:13)

Editorial...?

Kan vengchhung hmasawnna turin kan bialtu MLA hnen a\angin veng hmasawnna tur sum tam tham tak kan dawng a, heng veng hmasanna atana kan fund dawn te hi kan khawtlang hruaitute hian a \ha thei ang ber leh a rualkhai thei ang berin hmang se a duhawm hle. Amaherawhchu heng vengchhung thuam\hatna kawngah hian vengchhung mipuite hian heng tih tur awm zawng zawng veng tana hmachhawp awm chho mek tur te hi kan hruaitute tih atan leh thawh atana dah mai bik lo hian keimahni veng tan vek a ni tih hre reng chunga kan tha leh zung, kan theihna kan sen ve a ngai a ni tih hre tlang \heuh ila, veng hmangaihna leh \hatna tur tak tak rilru pu chung hian heng kan veng tana \ha tur lo kal zawng zawng te hi kan zavaia tihlawhtling turin \an i la zel ang u. Heng thil angah hian party feelings lo neih len viau hi a awl duh khawp mai, mahse veng hmangaih tu tak tak kan nih a,kan veng tana \ha tur kan duh tak tak a nih chuan hetiang rilru hi kan paih bo a, kan khawtlang, kan veng tan a ni tih hre reng chunga he kan veng hmasawnna tur lo kal zawng zawng te hi kan zavaia \ha taka kan thawh tlan \heuh theih hi a duhawm takzet a ni. Heng thil zawng zawng a\ang hian tun aia hmasawnna hlawhtling kan neih ngei a, rah \ha chhuah zel se a va duhawm em!

KAN COMMITTEE MINUTE ZIAH DANAH DIK LO A AWM EM? - R. Vanlalvena Evangelist Teacher, Bungtlang South

Kohhran leh pawl hrang hrangte hian committee minute ziah dan bîk kan nei \heuh va, tun hnai chhovah Presbyterian Kohhran leh a hnuaia Committee pêng (sub-committee thlengin) te hian minute kan ziah danah dik lo leh rualkhai lo, siam\hat ngai a awm ta niin a lang.

A hmasa berah chuan Chairman leh Secretary te hi member kalte tih hnuaiah dah tho tur a ni. A tu pawhin committee hi kaihruai se, member an ni vek a, chairman a nihna chhan leh committee a hruai theihna chhan pawh member emaw ex-officio emaw a nih vang zawk a ni. SEC minute-ah pawh hian hming lamna tih hnuaiah Puipate hming ziak \an chauh a ni. Tu pawh, Chairman/Moderator pawh ni se, Member vek an ni. member kalte/present ziah hmaa chairman (a \hen chuan secretary an ziak tel bawk) hming lo lang vung hi a dik lo va, Kohhran dang leh organisation-te tih dan chhawm lut kan ni ang. Synod Theological Education Board Committee Minute-ah te pawh-

Member kalte:

Rev....Moderator

Rev/Upa Synod Secretary Sr

Principal, ATC

Rev.... Sr. Exe Secretary

tia ziah \hin a ni. A bak zawng chu kal hmasak dan indawt a ni tawh mai. Kohhran/Kohhran Hmeichhia/K|P adt. committee minute ziah danah Member kalte tih hnuaia chairman leh secretary hming ziak duh miah lo te, ziah nachang hre miah lo te, ziah loh zawk tura ngai tlatte kan tam hle a, insiam \hat kan ngai hle.Tun hnuah chuan Kohhran/K|P/Kohhran Hmeichhia adt. committee minute chu hetiang hian i ziak zel tawh ang u.

A hmun :

A hun :

Member kalte

1. Rev...

2. Upa..

3. Pu...

EX-OFFICIO TE CHUNGCHANG PAWH HI:

Ex-officio hi committee member an nih ve theihna chhan chu ex-officio an nihna kha a ni. Member kala chhiar ve tur an ni a, a tawp lamah ziaha, duh leh han coma zeuhva an nihna kha ziah mai tur hi \henkhat chuan no. pawh pe tawh lem lovin an ziak hrang kher \hin. Hei hi a dik lo va, a hrana ziak lovin committee kalte dinhmun luahtir ve ngei tur a ni. A dang leh chu number pui pea MINUTE PAWMNA tih hmang kan awm hi a dik lo bawk. Kan Kohhran chuan kan committee thurelte hi kan rel zawh apiang kan pawm nghal zel a, a hranpaa pawm a \ul tawh lo,' tiin kan Pastor senior te khan an sawi \hin. Siam\hat ngai laite kan siam\ha a, kan pawm tih hi chu no. pui pe lova ziak an awm ve \hin.

Hei hi chu a tawpa minute siam\hat ngai kan siam\hat tâk kha kan pawm leh nghal tihna niin a lang deuh a, Minute pumpui erawh chu kan pawm nawn tawh ngai lo. Kan rel apiang kha kan pawm nghal zel a, a tawpa siam\hat tur rawtna lo awm thar leh pawh chairman-in committee member zawng zawng râwnin Siam\hat a \ûl kan ti em? Eng nge kan ngaihdan? Hei chu a tir lamah khan kan rêl felin kan pawm fel tawh kha chu a ni a", an ti zawk \hin a ni.

A tawpa Minute pawmna ziah tel hi Kohhran dang leh pawl (association) te tihdan bawk kan entawn leh chhawm luh niin a lang. Kohhran \henkhat phei chuan kan pawm tih lantir nan bân dinglam \heuh i phar ang u tiin bãn pharin an minute kha an pawm nawn leh kher \hin. Kan Kohhran rorelna SEC Minute-ah pawh no. pui pe-a Minute pawmna hi a awm lo va, kan entawn atan hei hi a pawimawh hle.Tu-tute emaw leh eng pawl-pawl emaw te tihdan chhawm luha, kan entawn hian kohhran tihdan nghetsa leh kalphung awmsa a su buaiin a tichiri \hin a, mahni âwmhawp thu leh tihdan nia hriatte chhawm lut mai lovin kan Kohhran tihdan hi vawn nun zel i tum tlat ang u.

STATE BANK OF INDIA A ACCOUNT NEI TE TAN |ANGKAI

(ASIC)

1. IN-REGISTER PHAWT TUR

REG KAR AWL ACCOUNT NUMBER tih hi SMS-in 09223488888 ah thawn tur.

Sms-in a in-register leh register loh a lo thleng ang. PHONE NUMBER hi account-a i phone number dah ngei kha a ni tur a ni.

(KAR AWL hi SPACE tihna, entirnan REG 11484200000)

2. IN-REGISTER DUH LEH LO TAN:

DREG KAR AWL ACCOUNT NUMBER tih hi SMS in 09223488888 ah thawn leh mai tur.

(entirnan: DREG 11484200000)

3. ACCOUNT BALANCE HRE DUH TAN:

Hetah hian "missed call" tur - 09223766666

emaw BAL tih hi SMS-in 09223766666 ah thawn tur.

4. MINI STATEMENT (PAWISA CHE HNUHNUNG 5 CHIN) HRE DUH TAN:

Hetah hian (missed call" tur - 09223866666

emaw (MSTMT tih hi SMS-in 09223866666 -ah thawn tur.)

5. ATM CARD BLOCK DUH TAN:

BLOCK KAR AWL XXXX tih hi SMS-in 567676 ah thawn tur, a lo in-block mai ang.

(KAR AWL tih khi SPACE tihna, XXXX khi ATM card no hi digit 16 a ni tlangpui a, hlawm 4 te tein a inziak phei ang. Card no tawp lam digit 4)

6. HOME LOAN CHUNGCHANG HRE DUH TAN:

HOME tih hi 567676 ah emaw, 09223588888 ah emaw thawn tur.

7. CAR LOAN CHUNGCHANG HRE DUH TAN:

CAR tih hi 567676 ah emaw, 09223588888 ah emaw thawn tur.

Mizoram Rural Bank

E-commerce facility Update

Mizoram Rural Bank Rupay Debit card (Rural Bank ATM card) hmangin online payment a tih ve theih dawn ta e. Testing hrang hrang kalpui a nih hnuah live testing hlawhtling taka kalpui a ni a, MRB Rupay Debit card /ATM neitu ten online payment an ti thei dawn ta e. Documentation pahnih khat tih fel ngai a la awm a, tun kar lo awm tur a\ang chuan Rural bank Rupay Debit card hmanga online payment (Myntra, Snapdeal, mobile phone bill payment, top up thun etc etc) tih theih a

nih beisei a ni.

E-commerce atan :

Max. Limit per single txn :

`10,000/-

Daily limit : `25,000/-

BSI MEMBERSHIP FEE THAR

Kumin April 2017 a\anga hman \an turin Central lam a\anga BSI Membership fee ruahman leh Aizawl Auxiliary in a ruahman dan thar:

CENTRAL CATEGORY

1. Patron Member - `10,000/- (Life Member la ni lo tan cheng singkhat pein (Direct) Patron Member a nih theih a, Life Member ni tawh tan `5,000/- pek belhin Patron Member a nih theih bawk)

2. Life Member `5,000/-

3. Annual Member `1,000/- (Puitling tan kum khat atan)

4. Junior Member `500/- (Naupang tan kum khat atan)

AUXILIARY CATEGORY

5. Life to Patron `5,000/- ( Chengza hun lai emaw, zanga hun lai emaw a Life Member lo ni tawh hrim hrim tan ` 5,000/- pe lehin Patron Member(Life to Patron) a nih theih)

6. Patron Donor `3,000/- (Hei hi ki thar a ni a, Certificate pawh a keng tel dawn a, a duh duh tana nih theih tur a dawn bakah mihring leh thil siam dangah pawh hman theih tura ruahman a ni)

7. Life Donor `2,000/- (a chunga Patron Donor ang tho khi a ni)

8. Bible Missionary `1,000/- ( hei pawh hi ki thar a ni a, mihring leh thil siam dangah pawh hman theih tura ruahman a ni)

9. Memorial Gift `1,000/- chin chunglam.

10. Anniversary `1,000/- chin chunglam

11. Bible-A-Month `200/- thlatin pein kum khat atan.

12. Gospel-A-Day `1/- nitin pein kum khat atan.

Annual Member leh Junior Member tih loh hi chuan Certificate a keng tel vek ang.

OFFICE KAL HUN

Mizoram Sorkar hnuaia Office te chu 16th February, 2017 a\angin office kal hun chhung a hnuai ang hian tih danglam a ni :

SUMMER TIMING

Mizoram and Mizoram Houses in NE States

9:00 AM - 5:00 PM

Mizoram Houses in other places viz. New Delhi, Kolkata Mumbai and Bengaluru

9:30 AM - 5:30 PM

Source: DIPR

HRIATTIRNA LEH LAWMTHU SAWINA

Kang\helhna leh kangmei laka hman mai tur Fire Hydrant pipe leh hmanrua PHE Department a\angin kan dawng a, mipuiten rikrum thilah leh kang\helh ngai a awmin hre tlang \heuh turin kan inhriattir a, Branch YMA hruaitute hnenah engtiklai pawhin lam theihin a awm e.

Kan bialtu MLA zahawm tak Pu KS Thanga’n kan Branch YMA chanchinbu inrelbawlna atan leh Thlanmual in sak nan MLA Fund a\angin `300,000/- min pe a, tin, Saikhamakawn Middle School tan Computer set leina tur `30,000/- min rawn pe bawk a, hetiang anga kan khawtlang mamawh te leh sum leh pai phal taka min petu leh a hmunah min rawn ensak avangin a chungah kan lawm em em a ni.

Sd/-

(C.LALDAWNGLIANA)

Secretary

YMA Saikhamakawn Branch

Central YMA Hriattirna

Govt. of Mizoram, Transport Deptt. hnen a\anga lehkha hmuh, Road Safety Week 6-12.2.2017 chhunga hman turah YMA Branch tinte hriattirna:

1. Zu leh Ruihtheih thil dang rui chungin lirthei khalh suh.

2. Lirthei i khalh laiin Traffic Sign leh Road Sign ngaipawimawh \hin ang che.

3. Chak lutukin lirthei khalh duh.

4. Lirthei i khalh chhuah hmain check \hin ang che.

5. Lirthei khalh fimkhur loh avangin nunna hlu tak i chan thei a, midang nunna hlu tak i lak sak thei bawk tih hre reng chungin fimkhur takin khalh \hin ang che.

LAWMTHU SAWINA

Nimin ni 4.2.2017 (Inrinni) a YMA Vanapa Section ten sumtuak nana bawng kan talh tlawmngaia min leisaktu vengchhung mipuite te zawng zawng chungah Vanapa Section chuan lawmthu kan sawi e.

Sd/-

(LALRINAWMA SAILO)

Secretary

YMA Vanapa Section

HRIATTIRNA

K|P Isaia Group ten vengchhungah sum tuak nan Family Photo Calendar kan siam leh dawn a, siam duh te chuan a hnuaia Phone number ah hian hriattir tur a ni e.

Contact: 9862813325/9862913684

Sd/-(LALDINPUIA)

Secretary

K|P Isaia Group

ELECTRIC BILL KHAWN DAWN

KTP Jeremia Group te chuan sumtuak nan kumin atangin vengchhungah electric bill kan khawn dawn a, rintlak leh felfai taka khawn turin ruahmanna siama ni. Chhungtin te min lo pek tir theuh turin kan ngen a che u.

Sd/-(Lalrinnunga)

Secretary

K|P Jeremia Group

HRIATTIRNA

Ni 7.2.2016 (Thawhleh zan) hian K|P Mika Group te chuan vengchhungah sum tuak nan Passport size photo siam turin inhlawhna kan rawn nei dawn a, vengchhung mipuite kan inhriattir lawk a ni e.

Sd/-(C.LALDAWNGLIANA)

Secretary

K|P Mika Group

VARANASI MISSION PRAYER NETWORK PROGRAMME

A hun : Vawiin Chawhnu Inkhawm ban

A hmun : Pu Dawngkima In

Hruaitu : Pi K. Lalthanpari

Thawhlawm a awm nghal ang.

VARANASI MISSION HNUAIA MISSIONARY TIRHCHHUAH INKHAWM PROGRAMME

A hun: Vawiin Chawhnu Dar 1:30

A hmun: Ramhlun Vengthlang Kohhran Biak In

Chairman: Rev. K.Lalhmuchhuaka,

Vice Chairman

(Tirhchhuah turte hi mi pali an ni)

An chanchin sawi:

Dr. F. Lalhmingthanga, Gen.Secy

Zaipawl: Ramhlun Vengthlang Kohhran Zaipawl

Thuchah: Rev. Lalthankhuma,

Executive Secy

(Kal duh kan awm takin kan han tarlang a ni e)

, Pi P.C Lianzampuii w/o Pu C. Lalthlengliana (T.Sec) chu damlohna avangin Aizawl Civil Hospital ah enkawl mek a ni.

, Nl. Lalnunkimi d/o Pu R. Lalmuankima (T.Sec) chu damlohna avanga Synod Hospital ah enkawl a nih hnuin a lo chhuak.

LOCAL COUNCIL HRIATTIRNA

Ni 7&8.2.2017 (Tue&Wed) hian Revenue dept ten chhiah (tax) an rawn khawn dawn a, zing dar 10 a\angin YMA Runah pek theih a ni ang. Mi in luah pawhin Zoram chhiah `50/- pek tho tur a ni.

Hemi ni a pe hman lo te chuan office lamah mahnia pek a ngai ang.

Sd/-

(R.BIAKTHANSANGA)

Secretary

Saikhamakawn Local Council

MHIP HRIATTIRNA

Kum 2017 chhung atan membership fee a pek leh theih tawh a, member pakhat tan `5/- a ni ang. Heng mite hnenah hian membersip fee pek theih a ni:

Vanapa Sec : Pi Lalengpuii

Taitesena Sec : Pi Chawngkungi leh Pi Sangchhingpuii

Chawngbawla Sec: Pi Lawiziki leh Pi C. Lalrinpuii

EIRAWNGBAWLNA GAS MAN SANG

Gas man thar `810/- ani ta e, India ram hian kan Gas mamawh 20% hi kan thar a, 80% hi Import a nih vangin, Import Rate a thu in Gas man hi thlatin a danglam chang a awm thei a.

Gas hi Import a tam avangin, Transportation awlsam zawk nan leh an phurh tam theih nan Gas hi Vur tlang lianpui pui ah an chantira (solidified) a, Haldia Bottling Plant ah Gas ah an lo let leh \hin a ni.

RD SEPTIC TANK SERVICE

RATE: INBIAKREMNA

Contact: 9436199884

Thursday 2 February 2017

Mipui Aw 29.1.2017

MIPUI AW

KARTIN CHHUAK

Vol. XXIII Issue No. 5 Kristian Thalai Pawl Saikhamakawn Branch Pathianni Dt.29.1.2017

VAWIIN CHANGVAWN

Unaute u, Thlarau Thianghlimin, Davida kaa, Isua mantute hruaitu Juda thu a sawi lawk kha, kha Pathian Lehkha Thu kha lo thleng reng tur a ni. Ani chu kan zinga chhiar tel a ni a, heng rawngbawlah hian chan pawh a nei ve si a. (Tirh 1: 16-17)

KOHHRAN PROGRAMME:

Ni 29.1.2017 (Pathianni)

Chawhma Inkhawm

|antu : Pi Hunthangpuii

Zirlai 3-na : Thuhmahruai leh Chibai bukna

Chawhnu Inkhawm

Thuhriltu : Upa Lalrindika

Zan Inkhawm

Thuhriltu : Upa C. Lalmuankima

K|P INKHAWM PROGRAMME

Ni 30.1.2017 (Thawh\anni Zan)

Sermon Inkhawm

Hruaitu : Pu C. Lalmuanpuia

|antu : Tv. Lalawmpuia

Thuhriltu : Tv. P.C Vanlalhriatpuia

Bible chhiartu tur: Nl.Lalhmingmawii Hauhnar (Chhiar tur: Isaia 40:1-5)

Thawhlawm khawntu Nl. Lalrinliani

turte : Nl. Zonuntluangi

Zai hruaitute : Pu Tommy Zirnuntluanga

leh Tv. Abraham Lalnunthara

Key Boardist : Tv. Vanlaltluanga

KOHHRAN HMEICHHE

INKHAWM PROGRAMME

Ni 31.1.2017 (Thawhlehni Zan)

Hruaitu : Pi Lalchhingpuii

|antu : Pi Lalrinchhungi

Thuhriltu : Pi Ralliani

KOHHRAN PAVALAI PAWL

INKHAWM PROGRAMME

Ni 2.2.2017 (Ninga Zan)

Hruaitu : Pu Zakhuma

|antu : Pu Lianchia

Khuangpu : Pu H.Remtluanga leh

Pu Vanlalfela

Thawhlawm khawntu: Pu R. Lallura

|awng\ai rual leh sharing a hun hman a ni ang

CHATUAN NUNNA

Chatuan nunna chu Pathian thutiam a ni: “Hei hi a ni amah ngeiin thil min tiam kha - Chatuan nunna hi” (Joh.2:15). Chatuan nunna hi rin vaka neih chi emaw thawh vaka chan chi emaw pawh a ni lo va, Pathian thutiam a lo ni reng mai.

Chatuan nunna pek Pathianin min tiam atang hian kan neih sa nunna chu chatuan a han nun pui chi rual a ni lo tih kan hre thei nghal ang. Chatuan nunna chu Pathian thutiam a nih zia heti angin kan hmu bawk a: “Chu chatuan nunna chu Pathian dawt sawi thei lo va chuan khawvel awm hmain a tiam a (Tita 1:2). Khawvel awm hma pawha tiam chu a hlu hle tih a lang nghal a. Pathianin a mite hnena pek a tiam zingah chatuan nunna hi a bulpui a ni ngei ang. Kan awm hma daih a pek tiam anih si chuan bawhchhiat hmaa mihring nunna pawh kha chhe mai tur a siam lawk, a aia tha pek tho tur angin kan ngaihtuah ani thei e. Chuti ang zawngin Paula’n chatuan nunna pek tiam hi a sawi lo va; chatuan nunna hlut zia leh Pathian pek a nih chian zia a sawi mai zawk tih kan hre tur a ni ang.

Pathian thil pekah chuan chatuan nunna hi a hlu ber ang. Kan nun neih sa chatuan nunah a siam tha a ni lo va, kan nunna leh chatuan nunna a belhbawm a, min pe thar a ni bawk lo va, a thar hlakin Pathianin chatuan nunna min pe a ni.Kan kawl sa nun chu sualin a ti bawlhhlawha, sualah a awm a, a vaiin sual bawihah a awm a, thatna reng a neih loh avangin Pathianin a hnena nunga awm turin chatuan nunna a tharin min pe a ni. Kan nun neih sa chei that nan chatuan nunna min pe a ni lo, misual nunna thar atan chatuan nunna min pe a ni. Chatuan nunna chu a fiah tial tial ta a. Pathian tiam a ni a, Pathian pek a ni leh a. Chu Pathian thutiam, Pathian pek ni ta chuan chatuan nunna chu Isua Krista hi ani tih min hrilh a ni.

Chatuan nunna chu Pathian nunna sawifiahna pawh ani tih kan Bible tarlan atang hian kan hre thei ang, “Chatuan nunna chu a fapaah a awm a ni” tin a ni a. Isua Kristaah chatuan nunna a hranin a awm tihna a ni lo va, Isua Krista chu chatuan nunna a nih zia bawk a sawifiahna mai a ni. Pathian thu chuan, “Fapa chu neitu chuan nunna chu a nei tawh” a ti a. Tin, Isuan “Tupawh ka tisa eia, ka thisen in chuan chatuan nunna a nei tawh” a ti a. Tin, tupawh fapa ring a piangin chatuana nunna a nei tawh” a ti leh bawk a. Chatuan nunna neih dan kawng chu Pathian thu hria a fapa Isua Krista rin chu a ni tih Pathian thu chuan a sawi chiang hle mai.

Isua Krista chu chatuan nun a ring turin, a ringtu tur chuan a neih sa nun chu chatuan nun a ni lo tih a hre chiang hmasa ngei tur a ni. Miin, “Nun a nei lo a ni. Ka nun neih hi chatuan nun a ni lo, sual hremhmuna luh pui tlak chauh nun ani ka neih ni” tiin ama nun a hmu fiah hmasa tur a ni. Pathian min pek chatuan nun atang hian kan neihsa chu nunah Lalpa’n a chhiar hauh lo mai tih kan hmu fiah ngei tur a ni.

Kan neihsa nun hi chatuan nunah siam a ni lo va, chatuan nun thar min pek hmanga Pathian hnena chatuan a nun tur chu a mak a, a ropui em em a ni. Isua Krista rin avang maia chatuan nun han neih tak mai chu ngaihtuah tham a tling a, ngaihtuah chian a dawl em em a ni. Lal Isuan, “Nun an neih nan, tam taka an neih nan, lo kal ka ni” a ti a. Chatuan nun zia a danglam hle mai. Nun daihzai a ni e, Lal Isua nun chu kan tan a chenfakawm a, a daihzai em em bawk a ni. Chuti ang aa wm ve tur chuan ringtuin Krista thuneihna leh lalna amahah a phal zel tur a ni.

EDITORIAL BOARD

Editor :

Pu C. Lalmuanpuia 8974807213

Joint Editor:

Tv. Laldinpuia 9862813325

News Editors :

Pu Tommy Zirnuntluanga 9862913684

Tv. Lalnunzira 9862664253

Tv. Lalawmpuia 8259910570

Nl. Zohmingmawii 8794773133

Tv. Lalruatsanga

Circulation Manager:

Tv. C. Lallawmawma 8974509821

Nl. C.Zosangliani 8731005507

Editorial...?

Kan hrit \heuh angin thla leh maia NECS & ADFA Inter Village Football Tournament lo awm turah kan veng players te pawhin inbuatsaihin hma an han la chho mek a ni a. Heng inbuatsaihna kawngah hian insumtheihna, mahni inthunun kawngah leh thuawih kawngah nasa lehzualin \an han la se a duhawm hle. Chutih rual erawh chuan mi pahnih pathum uapna leh \awiawmna hnuaia awm mai lo hian kan vengchhung mipuite leh NGO hrang hrang te pawh hian veng tana khel tur leh veng aiawha tel tur an ni tih hi theihnghilh lo ila. Kan zavaia kan theih ang tawk tawk a kan tuipui ve a, kan \awiawm ve zel hi kan tih tur pawimawh tak a i tih hre \heuh ila a \ha awm e. Heng an inbuatsaihna leh hma an lak chhohna hi mi pahnih pathum kutah a awm deuh mai niin a lang a, hengah hian Game & Sports Association tih tur ni awm zawk tak leh an chanvo ni awm zawk tak a ni a. Heng kawnga hma la tu tur ber in hma an lak tak mai si loh ah chuan a mi pahnih pathum \hahnem ngaihna avangin inbuatsaihna kalpui chho in camp te an han nei leh thei hi a lawmawm khawp mai. Hemi atana tel tur zawng zawng nu leh pa te pawh hian kan tu, kan fate, he veng tana an inbuastaihna kawng hrang hrangah hian theihtawpin \hahnemngaihpui ve ila, kan veng ti hming\hatu an nih zel theih nan leh a tel tur palyers zawng zawng te pawhin discipline \ha tak an nei reng turin hma an lak chhoh zel hi \ul tak zet a ni.

KUM 2017-2018 A|ANGIN BUDGET KALPHUNG THAR HMAN A NI DAWN

Finance Department (Budget Branch) chuan circular ti chhuakin, sawrkar kum thar 2017 - 2018 atang chuan sawrkar laipui ruahmanna angin, Budget kalphung thar zawm a nih dawn thu an tarlang. Finance Department chuan, sawrkar kum thar-ah sawrkar laipui ruahmanna angin Budget ah plan leh non-plan then hrang tawh loin, revenue expenditure leh capital expenditure chiah tih hran a ni tawh dawn tih an sawi. Hei vang hian inbuatsaihna hun tam zawk a awm theih nan, Department te chu revised estimate 2016 - 2017 leh Budget estimate 2017 - 2018 atana an ruahmanna siamte chu January ni 13, 2017 hmaa thehlut turin an hriattir.

Kumin January ni 13 hmaa an ruahmanna siamte thehlut hman lo Department te chu, kum 2016 - 2017 a Budget estimate angin kum 2017 - 2018 Budget siam sak an ni ang. Finance Department thuchhuah tarlan danin, Kum 2017 - 2018 a Budget estimate atan Medical Reimbursement chu mi pakhatah Rs 15,000 ang a chhut tur a ni. Wages chu Department in Muster Roll a neih zat Mizoram sawrkarin a pawmpui ang bak tih belh loin, an hlawh tur pawh Minimum Wages rate awmsa anga chhut tur a ni. Lirthei enkawlna tura ruahmanna siam turah chuan, a bill theih tur item chiang taka tarlan tur a ni a CSS, NEA, NLCPR etc. chu sawrkar laipuiin sum a pek chhuah dan zulzuia kalpui tur a ni a, Budget 2017 - 2018 ah chuan token provision siam a ni dawn lo.

PAN Card leh Mizo te

Income Tax pe tura i inziaklut anih chuan Permanent Account Number (PAN) pek i ni ang a, chumi zulzui chuan PAN Card hi an siamsak ang che. Mizote erawh chu India Constitution in ham\hatna Tribal hnena a pekah tel vein, Income Tax Act, 1995 section 10(26) hnuaiah anmahni chenna chhung (Arunachal Pradesh, Manipur, Mizoram, Nagaland leh Tripura) chhungah chuan he chhiah (IT) hi a awl ta a ni.

Tunlaiin mi \henkhatin Mizote pawhin PAN card kan neih ve ngei ngei ngaiin an sawi ta fo mai. Amaherawhchu, a chunga kan tarlan ang khian Tribal area pawna hnathawkte tan lo chuan neih ngei ngei a \ul hran lova. PAN card hi Income Tax pe tur tan chauh neih a ngai a ni. Mahse Bank leh hmun \henkhat a thehluh a ngaihna hmunah chuan Income Tax Exemption Certificate thehluh zawk tur a ni. (Private Bank \henkhat ah Form fill up ngai a awm \hin bawk.)

IncomeTax Exemption Certificate chu engtia neih theih nge? DC office ah kalin,

(1)Tribal certificate leh

(2)Residential Proof te thelutin a lakchhuah theih a ni.

Indian Constitution in ham\hatna min pek, min zahsak duh lova, min dil luite chu Court ah hial kan khinglet tur a ni zawk dawn lawmni?

Ngaihtuah chiang teh

Mizo mipui tamzawk hian PAN card hi nei ta ila, IT dept chuan PAN holder zat chhiarin, mipui tam zawkin Income Tax an pe tawh tiin, India dan hnuaia kan ham\hatna hi min hlihsak an tum ang em? Mizote ham\hatna humhimna atan PAN card tel lovin kawngkual zawk I zawh ngam teh ang u. Tin, sum tlemte hmuhna tura midang sawi\haihte pawhin sim a \ha khawp mai.

CHI CHUNGCHANGA HRIAT TUR PAWIMAWHTE

Chi hman tam leh ei tam hian thisen sang a siam a, thisen sang chuan thluaka thisen kal tur a tibuai a (Stroke), lungphu chawl, lungphu in hnathawh theihlohna a thlen thin. Chumai bakah Osteoprosis, pumpui Cancer te, kal tha lo te, kala lungte awm te, thau lutukna, awmna ben vawn, hriatna hlauh thenna (alzehmeirs) natna leh zunthlum etc.

Naupang chi ei nasa leh Alu chips pack leh waiwai ang te, a hel a an ei nasat hian a rei hnu ah thisen sang a siam thei bawk. World Action on Salt and Health (WASH) chuan chi hman tlem a thatna leh a pawimawhnate mipuite hnenah a zirtir thin. Ram 92 lai infinkhawmna a nia, kum 2005-ah bultanin India ram pawh hi member a ni ve a ni.

IODINE CHI EI/ HMAN |HATNA TE : Iodine tlakchham vangin heng natna te awrpuar (Goitre), rilru leh taksa chauh hluah hluah na, rilru lam harsatna, taksa rih thutna leh naupang thluaka hna a thawhtur ang in a thawh that theih loh phah thei.

The Mizoram Animal (Control and Taxation) Act, 2014 (Act No. 12 of 2014)

Mizoram chhunga ran khuahkhirhna dan a thuchuang tlangpui:

(i) Ran reng reng enkawl that lohvin thlah zalen phal a ni lo [S. 3 (1)].

(ii) Ran neitu tumah in a ran chu midang huan/hmun lo ram ah a thlah zalen tur a ni lo [S. 3 (2)].

(iii) Ran reng reng vantlang tana hnawk leh rimchhia in kawl phal a ni lo [S. 5].

A chunga mi kalh a ran thlah zalen a nih chuan Village Council ten manin emaw an hnenah thlen in a neitu khul tir tur a ni a, ni sarih ral thlenga khul a nih loh chuan lilam theih a ni; Tin, ran neitu in Village Council hnenah ran chawm man kha a pek duh loh chuan lilam theih a ni bawk [Ss. 7 (1), 10 (1) & (2)].

(iv) Ran chhiah hi Village Council ten an khawn thin ang a, za zela 50 hi Village Council Fund tur ani anga, abak 50% hi sawrkara chhun luh tur ani thung [S. 13]

(v) Khawlaia ran enkawl loha chhuak thu a pawisa chawi tir te, ran man tur lo dang tu chunga pawisa chawitir te, ran enkawl tu in thlahdah hnena pawisa chawitir te, ran chhiah pe tha duhlo tu chunga pawisa chawitir te reng reng hi Village Council Fund a lut tur a ni [Ss. 15-19]

Mizoramah |um 1,626 ram kang

Environment, Forest and Climate Change Department chhinchhiah danin nikum thal lai February atanga May thla chhung khan Mizoramah tum 1,626 ram kangin ram, Hectare 4547.45 a zau a kang chhia. Ram kang a awm leh awm loh hi Forest Survey of India-in satellite hmangin ngun takin a vil reng a, kangmei chhuak a awm chuan Geographical Information System hmangin rang takin hriattirna an dawng nghal thin a. Mitinte kangmei lakah i fimkhur \heuh ang u.

COMPUTER & STENOGRAPHY ADMISSION

1. Computer: Ist Sem. DCA/CCA & II Sem. DCA course June a exam duh tan admission a la tih theih e.

2. Stenography : Shorthand Gregg or Pitman duh zawk zawk zir theih a ni. March leh September ah final examination a awm ang.

Zoram Arvy Com-Mec Institute

Affiliated under MSCTE,

Govt of Mizoram

Near Mahatma Gandhi Statue

(Dr C. Lalthanga Building)

Ph: 0389-2325798, 9774310525

RD SEPTIC TANK SERVICE

RATE: INBIAKREMNA

Contact: 9436199884

KUM 2017 UNITED PENTICOSTAL CHURCH (NEI) SAIKHAMAKAWN KOHHRAN DINHMUN TLANGPUI

Chairman : Upa Lalrosanga

Secretary : Upa J. Vanlalvena

Treasurer : Upa C. Laldawngliana

Tunah hian Kohhran member 131 an awm a, Puitling Sunday School hming ziak zat 60 an ni a, Naupang Sunday School ah hming ziak 34 an awm bawk a ni.

HRIATTIRNA LEH LAWMTHU SAWINA

Chawngbawla Section YMA Bungrua te hetiang hian hawh man bithliah a ni a, heng hawh man bithliah te hi mimal hawh chhuah man a ni ang a, Kohhran leh YMA, MHIP, MUP te a huam lo vang.

1) |hutthleng pakhat `2

2) Dekchi a te emaw a lian emaw pakhat `30

3) Gas thuk `100

4) Ketli Pakhat `10

5) No, hei hi nobengnei pangngai steel no tel lovin

pakhat `1

6) Fianpui awng `10

7) Bal\in pakhat `20

8) Khuang pakhat `50 a te emaw a lian emaw.

Tin vawk talh \hin dan pawh hetiang hian rate siam a ni, inches 40 `1000 a ni ang a, inchi 1 ah `100 zel in a pung ang.

Nimin 28.1.2017 (Inrinni) zing karah vawk talh hnatlang a thawk chhuak zawng zawng te leh, nimin nilenga Section bungrua dahna in leh a vel ti faia hnatlang zawng zawng te chungah leh vawk min talh tir tu Pu C. Zokhuma (V.Sec) te chhungkaw chungah YMA Chawngbawla Section chuan thinlung takin lawmthu a sawi tak meuh meuh a ni.

Sd/-

(ZORAMCHHANA)

Secretary

YMA Chawngbawla Section

HRIATTIRNA

Pi Lalrinpuii d/o Saia (L) of Saikhamakawn hian a LSC No. 2519 of 1985 of Saikhamakawn veng a mi hi a ti bova rawn insawiin Office-ah re-issue a rawn dil a. A dil anga tihsak a rem lohna tur chhan eng pawh hria chuan Chanchinbu a chhuah a\anga ni 30 hma ngeiin a hnuaia address ziakah hian hriattir tur a ni. Hetianga LSC pek chhuah leh a lo nih chuan LSC hmasa chu cancelled nghal a ni

Sd/-

Director

Land Revenue & Settlement

Mizoram: Aizawl

BO CHHAR

CP Road ah hmeichhe puan chhar a ni a, a neitu dik tak chuan Upa Zonunmawia hnenah lam tur a ni e.

HRIATTIRNA

YMA Saikhamakawn Branch chuan kum 2017 chhungin Thlanmual In leh Sound system changtlung zawk nei turin ruahmanna a siam a, Branch in ruahmanna a siam kawng hrang hrang ah sum leh pai tha leh zung tam tak sen a ngai dawn a, vengchhung mipuite \hahnemngai taka theihtawp chhuah tlang turin kan inngen tak meuh meuh a ni e.

Sd/-

(C.LALDAWNGLIANA)

Secretary

YMA Saikhamakawn Branch

HRIATTIRNA

Saikhamakawn vengchhungah ui leh ar khuahkhirh tura kan inhriattir hi Aizawl DC thuchhuak a ni a, he thu hi Local Council in mipuite hraittir a, lo zawm turin kan au \hin a, a sawt lo deuh ni hian a lang a, he thil ah hi chuan hmabak a lang ta chu Police te nen vengchhung fan kual a, ui leh ar khawlaia awm chu kahhlum mai a \ul dawn a, eng hunah pawh fan kual theih a ni. I ran ten kut an tuar loh nan DC thupek hi lo zawm ve ang che aw.

Tin, Phul tuikhur chhak leh a thlanga peng bula bawlhhlawh paih tawh lo turin kan inhriattir a ni e.

Sd/-

(R.BIAKTHANSANGA)

Secretary

Saikhamakawn Local Council

INBUATSAIHNA NEI MEK

NECS & ADFA Inter Village Football Tornament lo awm turah Saikhamakawn Football Players te pawhin hemi atan hian inbuatsaihna an nei mek a, tunah hian Pu Rochungnunga te inhnuaiah camp te neiin ngawrh takin inbuatsaihna an nei mek a ni.

Hemi atan hian sum leh pai tuakna atan vengchhung ah arsa rawn zawrh a ni a, vengchhung mipui dawrtu te zawng zawng chungah lawmthu an sawi tak meuh meuh a ni.

He intihsiakna tura kan veng aiawh a tel tur zawng zawng ten theihtawp chhuah a inbuatsaihna \ha tak an neih theih nan leh hlawhtlinna duhawm tak an chan ngei theih nan Mipui Aw Editorial Board te chuan duhsakna sang ber kan hlan e.

LAWMTHU SAWINA

Ni 24.l.2017 (Thawhleh) zanah K|P Mika Group te Pu Robuanga (V.Sec) te balu leh rora thiara hnatlang neih a ni a, Mika Group member hnatlang a thawkchhuak zawng zawng te chungah lawmthu kan sawi a, inhlawhna min petu Pu Robuanga te chhungkaw chungah lawmthu kan sawi bawk e.

Sd/-(C.LALDAWNGLIANA)

Secretary

K|P Mika Group

KUM 2017 YMA KUMTHAR RUAHMAN COMMITTEE THUCHHUAK

1) Saikhamakawn Branch YMA Committee chuan Chhiatni Fund intin ah `100/- a a lo khawn chin chu ngun taka ennawn a ni a, hmanraw man leh thil man sang chho zelah kan indaih thei tak meuh loh avangin kum 2017 a\ang chuan `200/- a khawn ni tawh se a ti a. Section hruaitu ten in tinah Chhiatni Fund `200/- leh kum 2016 Tlangau hlawh `10/- chhungtur ah an rawn khawn tel nghal dawn a, chhungtinte kan inhriattir nghal a ni e.

2) Vengchhungah chhiattawk an awmin YMA ral zanah chhiattawk chhungte tan ralna pawisa thlakkhawmna tur bawm dawh tawh tur a ni e.

3) Vengchhungah chhiattawk an awmin ruang awm laiin thingpuisen thlum leh a sen hang a sem tawh tur a ni a, ruang awm loh ni chuan a pangngai a kal zel tur a ni.

4) Kum 2017 atan Saikhamakawn YMA Branch chuan Project neih ve \ha kan ti a. Chhiatni \hatni a hman atan Sound system changtlung tak leh Thlanmual Inte sak nise kan ti.

5) YMA Member tinte hnenah Faith Promise ip siam a ni dawn a, a khawn khawm dan tur erawh Branch hruaitute ruahmanna an la rawn siam dawn a, member tinte kan inhriattir lawk a ni e.

6) Kum 2017 YMA Member Fee huntiam chhunga pe hman lo te tan vawiin tlai dar 5:00 thleng hun hawn leh a ni a, Pu Lalrochama hnenah pek tur a ni.

Sd/- (C.LALDAWNGLIANA)

Secretary

YMA Saikhamakawn Branch

, Pu Siamliana h/o Pi Hualthangpuii (V.Sec) chu damlohna avangaNazareth Hospital ah enkawl a nih hnuin a lo chhuak.

, Pi Lalthantluangi w/o Pu Andrew C. Lalnunsanga (T.Sec) chu damlohna avanga Falkawn Hospital ah enkawl a nih hnuin a lo chhuak.

, Pi Lalropari w/o Pu R. Lalchhuanmawia (Ch.Sec) chu damlohna avanga Falkawn Hospital ah enkawl a nih hnuin a lo chhuak.

, Joseph CVL Nunmawia s/o Pu Stephen Lalchantluanga (V.Sec) chu damlohna avanga Falkawn Hospital ah enkawl a nih hnuin a lo chhuak.

, Pu Jordyneff Zoremsanga leh Pi Lalrempuii (V.Sec) te chuan a pahnihna atan fapa duhawm tak nei thar.

“TIAM TLAT E”

Lalhmingliana s/o T.K Manga, Saikhamakawn leh K. Zothanmawii d/o K.Biakthanga Kahrawt Champhai te chuan ni 2.2.2017 (Ningani) dar 2:00 pm hian Saikhamakawn Kohhran Biak Inah Kohhran Dan thianghlimin a nuam ah leh hrehawmah pawh “Tiam Tlat E” an ti dawn. Fanau maltluan chawia, nupa inlungrual taka damchhunga lengdun turin Mipui Aw Editorial Board te chuan duhsakna sang ber kan hlan e.

LAWMPUINA

* Tv. Zomuanpuia s/o Pu H.Remtluanga (V.Sec) chuan Trinity College of Music London Grade sang ber Drums Grade VIII chu Distinction ah a pass a, hetiang mi chhuanawm vengchhungah kan nei thei hi Mipui Aw Editorial Board te chuan chhuanawm kan tiin a hlawhtlinna hi kan lawmpui tak zet a, a kal leh zelna turah duhsakna sang ber kan hlan e.

* Vanlalruatpuia s/o Rochungnunga (V.Sec) chuan Ist Inkspot Cycle Challenge a Republic Day puala neih a, Under-16 ah Mizoram pumah pakhatna a ni a, hetiang mi chhuanawm vengchhungah kan nei thei hi Mipui Aw Editorial Board te chuan chhuanawm kan tiin a hlawhtlinna hi kan lawmpui tak zet a, a kal leh zelna turah duhsakna sang ber kan hlan e.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com & ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN BRANCH, COPIES : 350