KTP SKK: March 2017

Saturday 25 March 2017

Mipui Aw 26.3.2017

MIPUI AW

KARTIN CHHUAK

Vol. XXIII Issue No. 13 Kristian Thalai Pawl Saikhamakawn Branch Pathianni Dt.26.3.2017

VAWIIN CHANGVAWN

“Krista hnenah khenbehin ka awm ta; nimahsela ka nung a ni; keimah erawh chu ka ni tawh lo. Krista chu keimahah a nung zawk a ni; tin, tunah tisaa ka nung hi rinnaa nung ka ni – Pathian Fapa, mi hmangaiha ka aia npetu rinnaah chuan.” (Galatia 2:20)

KOHHRAN PROGRAMME:

Ni 26.3.2017 (Pathianni)

Chawhma Inkhawm

|antu : Pi Lalnunfimi

Zirlai 11-na : Laodikei Kohhran hnena lehkhathawn

Chawhnu Inkhawm

Thuhriltu : Upa R. Lalngena

Zan Inkhawm

Thuhriltu : Upa Lalrindika

K|P INKHAWM PROGRAMME

Ni 27.3.2017 (Thawh\anni Zan)

Sermon Inkhawm

Hruaitu : Tv. Laldinpuia

|antu : Nl. Hmingthanpuii

Bible Chhiartu: Tv. Lalzirliana

Bible chhiar tur: (Luka: 11: 33-36)

Thuhriltu : Pu C. Lalmuanpuia

Thawhlawm Nl. R.Zohmingliani leh

khawntu turte : Nl. Laltlansangi

Zai hruaitute : Tv. R.Zodinsanga

leh Tv. Lalnunzira

Keyboardist : Tv. Zoliankima

KOHHRAN HMEICHHE

INKHAWM PROGRAMME

Ni 28.3.2017 (Thawhlehni Zan)

Hruaitu : Pi Lalchharliani

|antu : Pi Vanlalbiaki

Thuhriltu : Pi Lalhmangaihi

KOHHRAN PAVALAI PAWL

INKHAWM PROGRAMME

Ni 30.3.2017 (Ninga Zan)

Sharing leh |awng\airual

Hruaitu : Pu H.Remtluanga

|antu : Pu Lalchhanliana

Khuangpu : Pu Lalthanliana Ngente leh

Pu T. Lalrinthanga

Thawhlawm khawntu: Pu Lalthlamuana

KAN NUNNA LALPA

“Pathian Lehkha in chhiar ngun thin, a chhungah chatuana nunna awmin in rin avangin: chung Lehkha chu ka chanchin hriattirtu chu a ni si a. Nimahsela nunna nei turin ka hnenah in lo kal duh si lo.” (Johana 5:39-40)

Kan ram hian Lalpa thu kan duh in kan sawi nasa in kan buaipui khawp mai,mahse Lalpa ah kan nunna chu thuruk in a awm tak zet em? Nunna neitur in Lalpa ah kan kal tak zet em? Pathian thu kan chhiar ngun thin a, tah chuan chatuan a nunna awma kan rin a vang in, chungthute chu Lal Isua chanchin hriattirtu te a ni a, mahse Lalpa ah nunna nei tur in kan kal leh tak tak peih meuh lo a ni. Kal peih tak tak ni ila he kan ram zimte ah hian ringlo zawkte hriat a tan a zahthlak State kan siam lo tur. Lalpa thu hi a nihna ang tak pawh a sawi ngam tawh manglo in kan hel kual a, mahni mihringpuite lawmna kan zawng ta zawk si a. Tah chuan Lalpa lawmna zawng lovin mit a kan hmuh leh beng a kan hriat lam zawk chu kan thlang ta zawk a, thinlung a thlamuanna tak tak neilo vin rawng kan bawl a Lalpa thu chu kan chhiar ngun thin, mahse nun tak tak neitur in a hnenah kan kal leh silo. Midangte hriat lo vin Lalpa a nun chawl tak tak silo hian kan felna zawk chu tihngheh kan tum fo zawk thin.

He kan khualzinna ram ah hian dam reng tur ang in kan che in kan thawk fo va, kan ro chu Lalpa ah khawl khawm silo hian he lei ah kan khawl khawm ta zawk a, Lalpa chuan thinlung a enfiah si thin. A thu ah kan chiang a mahse kan nun chhuahpui leh silo, mahni kan in thiam chawp a mihring famkim lohna kan chhuang zawk a, kan famkimna Lal Isua kan chhuang leh silo. Mahni inthiam chan chawpna hian Lalpa min hlat tir tu a ni si a, Lalpa thu tak tak sawi in nunpui zawk ni ila chuan kan ram kan kohhran tan pawh hian hlawkna a va ni dawn tak em. Kan nunpui loh kan sawi a engvang in nge Lalpa ah nunna neitur in kan kal mailo, kal ila chuan kan huaisen in Lalpa thu pawh pehhel lovin huaisen tak in kan sawi in kan nunpui ngam anga, Lalpa zar a kan eng chu he kan ram India ngei hian a hmu in a hre ngei ang. NUNNA nei tur in Lalpa ah kal ila kan Missionary Lalpa tan a rammu te tan pawh kawng tam tak kan sut ensak ngei ang. Pathian thu kan hreril hei hian keimahni ngei ah inhnialna tamtak a chawk chhuak a,engvangin nge kan tih chuan kan hriat kan nunpui silo na hi a ni. Pathian thu hi engang pawn hreril mah ila Lalpa a NUNNA nei tur a kan kal silo chuan kan hriatrilna hian thiam loh minla chantir ngei ang.

Ringtu tam tak te u hei hi han in zawt ila,mahni kan infiah ngai em? Engnge kan thinlung hian a duh ber, Lalpa chatuan NUNNA kan nei hi a ni em? A hnenah NUNNA kan neih ve nan i kal ang u hmiang, ani chuan tumah a hnar ngailo, a thlawn in chatuan a NUNNA tui nung chu a pe thin si a. He ral leh mai tur mit a kan hmuh leh beng a kan hriat te avang hian Lalpa chu i kal bo san leh mailo vang u, Lalpa nei hi channa a ruat lo la, NUNNA a ni tih hre zawk rawh NUNNA neilo ten nun kan nei nan a lo kal a ni si a. Mihring tih lawmna zawng lovin Lalpa Aw ngai chang zawng la, a ni chuan i kawngte chu a tihnghil sak zel ang che. NUNNA neitur in tun a tang in Lalpa ah i kal ang u.

EDITORIAL BOARD

Editor :

Pu C. Lalmuanpuia 8974807213

Joint Editor:

Tv. Laldinpuia 9862813325

News Editors :

Pu Tommy Zirnuntluanga 9862913684

Tv. Lalnunzira 9862664253

Tv. Lalawmpuia 8259910570

Nl. Zohmingmawii 8794773133

Tv. Lalruatsanga

Circulation Manager:

Tv. C. Lallawmawma 8974509821

Nl. C.Zosangliani 8731005507

Editorial...?

THLEMNA

Thlemna hi ringtute fiahna a ni tih kan Bible atang hian a hriat theih awm e. Thlem thlukin awm se, va tihna lam ni lovin, Engang mi nge a nih chiah, rinnaah a ding nghet dawn em? Rin tlak leh chhawr tlak a ni dawn em? Pathian a hmangaih tak tak em? A inpe tak tak em? Pathian hi a ring ngam tak tak em? tih te tichiangtu tha tak a ni \hin.

Pathian hian Mihring ten kan tuar theih tur tawk bak hi, kan chungah Thlemna a lo thlen hi a phal lo tih hriat tur a ni (I Korinth 10:13). Thlemna rualin Tlanchhuahna kawng a hawng nghal \hin.

Ringtu tam tak ten thlemna chak tak, hneh theih loh anga ngaihna thinlung kan nei chang a awm thin. He thinlung hi Setana hnathawh pakhat a ni. Kan thinlung hi Nunna lo chhuahna a nih avangin Setana pawh hian a duh ber thin hi a lo ni a. Thlema kan awm a, kan mangan lai leh thlemna kan tawh laia chhanhim min tiamtu leh thlemna ruala tlan chhuahna kawng min siam saktu Lal Isua hnenah \awng\aiin chu thlemna chu kan hneh zel hi ringtute tihtur dik tak a ni.

MISSIONARY RAWNGBAWLNA REPORT

-Jennifer Lalremruati, Evangelist

Jharkhand Mission Field

Pathian khawngaihna leh hmangaihna tam tak rul senglo tu hi a rawngbawl tura min koh avangin kum 2015 kumtir a\anga tun thlengin tlinglo tak chungin Kairabani, Jharkhand field ah ka han bung ve chu ania, Kohhranho leh khawtlang thleng pawhin min \awng\aipuina tello chuan hmalam pan harsat chang a tam \hin khawp mai. Amaherawhchu, Lalpa’n kan tlukchhiat a phallo a, tun thlengin a rawngbawl min la phal zel chu a nia, Pathian leh min \awng\aisaktu Kohhran leh khawtlang chungah a hmasa in lawmthu ka sawi e.

January thla, kum 2015 ah khan Jharkhand field ah hian chhuk thla in Kairabani Fellowship enkawl in ka awm nghal a, tun thleng chu fellowship chu ka la enkawl ta ngar ngar a ni. Kan rawngbawlna hnam te hi Santal hnam, Mizoram lama kawnglai tura mi tamtak lo lut \hin te hnam kha an ni ti ila a chiang ber awm e. Hmanlai Mizo hnam, ziak leh chhiar kan thiam hma leh thingbul lungbul kan biak lai kha an ang ber hian ka hre \hin. A chang chuan bung lianpui te an bia a, inthawi nan an hmang a. An khawsak phung hi a la hniam em em a, an in hi lei in a ni a, a chhuat thlengin leiin an zut vek a , tukverh engmah a awm lo a, inchungah hian khapra leh tali( brick phek leh brick phek kum deuhhlek) an hmang bawk a ni. Tin, an in bang rem nan hian i\a( brick ang, mahse brick aia chang lo, ruah pawhin a nan zawp theih) an hmang a, leiin an char leh vek \hin. Hetiang hmang pha lo pawh an la awm cheu a, chung erawh chuan lei hlangin an sa thung \hin.Tichuan, a tawpa a zut mam nan bawng ek an hmang \hin bawk a ni. Khawtin hian hmanlai khaw lal (chief) kan neih ang deuh khan pradhan an tih mai an nei vek a. Chu pradhan chu a khaw enkawlah chuan a lal em em mai a, heng lal hi inthlahchhawng zela tih a ni. An khuaah chuan engpawh ti dawn ila pradhan rawn an ngai zel a, hmun tam takah chuan campaign neih phallo pradhan an awm nual bawk. Tin, chutiang bawkin ram pawh lei dawn ila, pradhan remtihna a ngai bawk a, in\henawm khawven buaina awm se pradhan in a rem a ngai vek bawk a ni.

Kairabani Fellowship hi member 64 vel awmna a ni mek a, Pastor \huthmun tur atana tih a ni a, mahse Pastor ram tur kan hmuh theih mai loh avangin a aia hla zawkah pastor \huthmun chu sawn a ni a, keini kan va inkhawm phak chiah loh dawn avang hian Biak In ram tur kan zawng ve mek bawk a ni. A chunga kan sawi tak ang khian pradhan khi an lal em avangin ka awmna khuaah hian mission hrim hrim ram neih hi a lo phal reng reng lo mai a, ram kan han hmuh ve te pawh keini direct a min hrilh ngam chiah si loh vang hian indirect in ram kan leina tur te hnenah te khan leitir phallo turin a lo ti \hin tih te tunhnai chho ah kan hre leh zel a, a buaithlak khawp mai. Kan zavaia kan len vek na tur inkhawmna in kan hmu mai lo a, tunah hian mi inkawt nisa ah silpaulin kan zar zuai a, kan inkhawm ve \hin a ni. An nunphung hi a hniam em vang hian leh ziak leh chhiar thiam an tlem vang hian han chher tur pawh hi an awm mang lo a, Bible chhiar kher lo a \awng\aia inkhawm \an ringawt tur te kan ruat a, Sande Sikul han tih ve poh hi a harsa \hin khawp mai.Pathianni tin chuan inkhawm chu kan nei ve thei zel a, \anna hun te, hminglamna hun te, Sande Sikul hun te, sermon hun te, leh tawngtai rual hun te in kan hmang \hin.

An kristianna leh an rinna te hi a der dep em em mai a, Pathian thu nena chhut zui reng an ngai a ni ber. Jharkhand ah hian kohhran hrang hrang an awm a, kohhran lian ber chu Roman Catholic a ni a, anni hian hmun hrang harng ah Biak In lian tak tak leh ropui tak tak an sa a,chungah chuan member te pawh an \hahnem thei em em a ni. Keini Presbyterian kohhran ten kan harsatna lian tak pakhat chu Biak In lian tak kan sa ve thei \hin lo hi a ni. Santal hnam te hian mahni aia lian leh mahni aia hausa nia an hriat hnung hi an zui duan duan \hin a, heng kohhran dang Biak Ina inkhawm tam zawk hi chu an Biak In len vang mai mai te, an hausa a thil tam tak an dawn \hin vang te hian a ni. Keini missionary te pawh hian biakin sak dawn chuan synod atanga lo lut mai bakah hian tha tak leh lian ve pangngai a sak dawn chuan Zoram lama kohhran te bawk hi kan rawn pun leh thin a, tlem azawng belhsakin biakin pangngai ve tak kan sak theih phah thin a ni.

Kan rawngbawl dan dang leh chu campaign/ prachar hi a ni. A tlangpuiin zan 2 leh zan 3 te riakchhuakin a ni thin a, projector hmangin mipui kohkhawm nan anmahni hnam Pathian fakna hla hrang2 te kan play a, an lo kal thathnem deuh hnuah zaiho leh thusawi te in hun kan hmang thin a ni. Tin, chung program te kan hman zawh chuan anmahni tawnga lehlin Isua film te, Nova lawng tuk film te, fapa tlanbo film te leh kristian film kan neih ang2 kan chhuah thin. Chubakah, a tuk lamah in tin tlawhchhuakin home visit te kan nei a, chhun lamah clinic ka nei thin bawk. Hetiang hi thlakhatah voi 2 emaw vawi 3 emaw tiin kan fehchhuak thin bawk. Hetiang hian rawngbawlna tur leh hmachhawp tamtak kuminah poh ala awm a, kan thawk seng lo a ni ber e. Kohhran ho te leh khawtlang ho ten min lo tawngtaipui zel kan mamawh a, in mi tawngtaipuina ka rawn ngen nawn leh e.

KUM 2017-18 MIZORAM BUDGET LANGSAR ZUAL TE

* Budget pumpui Rs.8803.10 crore

* Non Plan leh Plan a awm tawh lova, Revenue leh Capital Expenditure ah then hlawk a ni.

* Revenue Expenditure (Hei hi sorkar inrelbawlna a ni a, hmasawnna ruhrel enkawl zui ngai enkawlna te pawh a huam)-Rs. 6386.21 crore (76.53%)

* Capital Expenditure(Hmasawnna hna thawhna tur bik)-Rs. 1907.88 crore (22.86%)

* Salaries/Wages-Rs. 3187.65 crore (36.21%)

* New Economic Development Policy (NEDP) ah Rs. 750 crore dah a ni.

* Motor kawngpui cheithatna turin Rs.239.50 crore dah a ni a, kum hmasaa sum dah aiin 259% zetin a pung. kawngpui siam mek chhunzawmna leh a thar siamna turin Rs.657.64 crore dah a ni a, hei hi kum hmasa aiin 70% in a pung bawk.

ADMISSION OPEN FOR THE SESSION (2017-2018)

Solomon’s High School Kulikawn, Aizawl ah Class VIII-IX leh Class X tan Admission hawn mek a ni. Kum 30 chuang Mathematics leh Science subject a experience nei tawhin an zirtirna hmunah hian i fate rawn dah ve rawh le, Mathematics leh Science Subject a harsatna nei te leh Sports a tuite duhsak an ni ang. Hostel a awm nghal bawk e.

Admission Fee: `1600/-

Last Four years result:

Year Passed Percentage

1. 2016 90%

2. 2015 80%

3. 2014 85%

4. 2013 84%

Contact: 1) 8014442431, 8974133843, 9774406688

H.C THAWNGA

Mipui Aw 19.3.2017

MIPUI AW

KARTIN CHHUAK

Vol. XXIII Issue No. 12 Kristian Thalai Pawl Saikhamakawn Branch Pathianni Dt.19.3.2017

VAWIIN CHANGVAWN

Kei erawh chuan kan Lalpa Isua Krista kraws lo chu ka chhuan loh turzia mai chu, chu mi zarah chuan khawvel hi ka tan khenbehin a awm ta, kei pawh khawvel tan khenbehin ka awm a ni. (Galatia 6:14)

KOHHRAN PROGRAMME:

Ni 19.3.2017 (Pathianni)

Chawhma Inkhawm

|antu : Pi Lalhmangaihi

Zirlai 10-na : Philadelphia Kohhran hnena lehkhathawn

Chawhnu Inkhawm

Thuhriltu : Upa C. Lalmuankima

Zan Inkhawm

Thuhriltu : Upa Lalzuiliana

K|P INKHAWM PROGRAMME

Ni 20.3.2017 (Thawh\anni Zan)

Bial K|P Branch tlawh

Hruaitu : Nl. Lalrinchhani

|antu : Tv. Lalrinsanga

Bible Chhiartu: Tv. J. Laldinsanga

Bible chhiar tur: (Thuhriltu: 5: 1-7)

Thuhriltu : Upa K.Lalnuntluanga, Leader, Bial K|P

Thawhlawm Nl. Lalhruaitluangi leh

khawntu turte : Nl. Lalrammawii

Zai hruaitute : Tv. R.Zodinsanga

leh Tv. Lalnunzira

Keyboardist : Tv. Zoliankima

KOHHRAN HMEICHHE

INKHAWM PROGRAMME

Ni 21.3.2017 (Thawhlehni Zan)

Hruaitu : Pi Lallianpuii

|antu : Pi Lalnunfimi

Thuhriltu : Pi Laltlanzari

KOHHRAN PAVALAI PAWL

INKHAWM PROGRAMME

Ni 23.3.2017 (Ninga Zan)

Hruaitu : Pu R. Chalkhuma

|antu : Pu J.Thanzama

Short Sermon : Pu R.Lallura leh

neitu turte Pu Biakvela

Khuangpu : Pu Ramthianghlima

Pu Biakthansanga

Thawhlawm khawntu: Pu C. Lalthlengliana

TLAI NGAI LO PATHIAN

Mihringte hi Pathian in kan chunga ro a relnaah hian kan hmanhmawh fo \hin a. Keimahni ham\hatna leh nawmsakna kan thlakhlelh luat avang hian Pathian hi tlai \hinah kan ngai fo \hin. Pathian hnathawh leh thiltihte kan nghah hman loh avangin keimahni duh danin chak takin kan kal a, kan dai phelh pheng phung reng a ni. Amaherawhchu Pathian hi a tlai ngai lova, a hun takah a ropuina leh thiltihtheihna a lanchhuah tir zawk \hin. Amah beiseia A chunga rinna nghat \hin tute hi a tithlawn ngai lo a ni. Huaisen taka Amah \antu leh Amaha rinna zawng zawng nghattute tana a rinawmzia chu Daniela leh a \hiante chungchangah pawh chiang takin kan hmu a ni. Daniela Bung 3 kan chhiuar chuan Lal Nebukadnezzara’n rangkachak milim a siamthu leh chu milim chu mi zawng zawngin chibai buka be turin thuchhuah a siam a ni tih kan hmu a. Amaherawhchu Daniela \hiante pathum Sadraka, Mesaka leh Abednego te chuan Pathian nung hawisan duh lovin lal thu pek anga milim hmaa kun chu an duh ta lova, chu chuan lal Nebukadnezzara thin a tirimin a milem chibai buk duh lote hremna tura dan a lo siam tawh angin rawhtuina meipuiah Daniela thiante chu an paih ta a ni tih kan hmu a.

Mihring rilru a\anga kan ngaihtuah chuan Sadraka, Mesaka leh Abednago te rawhtuina meipui, a let sarih laia an tih sat leh nghal chhunga an paih thlenga Pathian a che lo kha a mak a, a tlai tawh lutuk a ni. Engkimtithei Pathian chuan meipui sa tak chu a tihlum thei awm si a, meipuia paihtu tur sipai hote tha pawh a ti zawi vek thei ang tih a rinawm a, Daniela \hiante kha meipuia paih an nih hma khan chhahchhuah an ni thei a ni. Amaherawhchu chu chu Pathian thiltum leh ruahman dan a ni lova, Amah leh Daniela \hiante ho tana hlawk zawka Nebukadnezzara hremna chu hmang turin tum dan dang a lo nei daih a ni. Chu a thiltum ang ngei chuan a hun takah Daniela \hiante chu meipui chhungah ngei chuan chhanchhuah in an awm a, engmah na hre lovin an awm a ni. Tlai deuh tawk leh engmah tih theih tawh loh hnu ni a langa mihringin a tawrh tur ang hun thlen tawh a Pathian thiltihtheihna lang chhuak chu Daniela \hiante tan malsawmna a ni a, an hna atanga kaisan tir an nih phah ta a ni.

Daniela sakeibaknei puka paih a nih pawh khan mihring ngaihtuahna a\ang chuan Pathian kha tlai hlein a lang a. Sakeibaknei puk thleng lovin Daniela harsatna kha sakeibaknei puk kotlangah khan chinfel mai awm tiin keini chuan kan ngaihtuah ngei ang. A puk kotlang thlenga Pathianin a thiltihtheihna a lantir lo a nih chuan Sakeibaknei puk a lut lova Pathian thiltihtheihna leh a ruahmanna nghak hman lova keimahni thua chet lak mai kan tum ngei ang. Mahse, Pathian tana rinawm Daniela chuan Pathian a ring tlat a, a hun takah Pathianin hna a thawk ta reng a ni. Daniela kha thi ngei tura kan ngaihna tur hmun Sakeibaknei ko ham tak tak te pukah Pathian chuan a mut tir thei tlat si a ni. Daniela’n rinna nena Pathian thil ruahmanna a nghah avang khan Nebukadnezzara khan Daniela Pathian, kan Pathian nung ngei chu a biak ve phah ta a nih kha. Kan rin Pathian hi a van tlai ngailo tak em! A hun takah thil a lo ti thin zawk a ni.

Ringtu inti tamtakte hian Pathian hi kan ring zo lo fo \hin a, Amah kan rin loh avang hian a hnathawh lo thlen hmain kan lo phatsan fo \hin. A malsawmna kan dil a, a chhanna kan hmuh hmain hmanhmawh takin kan duh angin kan lo chet khalh a, nupui pasal te pawh kan dil a min pek hmain kan lo inru fo \hin a nih hi. Hei hi kan rinna duap lutuk vang a ni.Amah ringtute chunga Pathian hnathawh kan hmuh hian Pathian tlai ngai lohzia kan hmu a, keimahni kan hmanhmawh lutuk avang hian a tlai \hinah ah kan lo ruat mai mai thin zawk a lo ni. Hawh u Daniela leh a \hiante ang hian Lalpa hnathawh lo thleng tur chu rinawm takin nghak \hin ang u, ‘min chhanchhuak dawn lo mahsela milem chibai ka buk lovang’ ti ngam khawpa Amah ringtu leh beiseitu hi Pathian hian a ensan mai mai ngai lo. Tlai ngailo Pathian hian kan \hatna turin kawng engkim min ruahman saka, kan dilna leh ngennate min chhang tur hian a tlai ngai lo ve.

EDITORIAL BOARD

Editor :

Pu C. Lalmuanpuia 8974807213

Joint Editor:

Tv. Laldinpuia 9862813325

News Editors :

Pu Tommy Zirnuntluanga 9862913684

Tv. Lalnunzira 9862664253

Tv. Lalawmpuia 8259910570

Nl. Zohmingmawii 8794773133

Tv. Lalruatsanga

Circulation Manager:

Tv. C. Lallawmawma 8974509821

Nl. C.Zosangliani 8731005507

Editorial...?

RAWNGBAWLNA

Rawngbawl tura chhandam tih thupuia neitute hian eng rilru nge kan put ve le? Missionary John Mott-a chu America President-in Japan-a Ambassador tura a sawm chuan, “President zahawm tak, Pathianin Ambassador turin min ko tawh a, ka beng hian kohna dang a hre thei tawh lo a ni,” tiin a chhang a. Keini pawh koh kan nih lai hian khawvel lam kohna nge kan chhan dawn Pathian kohna? Mihring kan buai tulh tulhin kan hman lo tulh tulh tawh a. Chhuanlam pawmawm tak a awm a, mahse chhuanlam chhe t> t> leh siam chawp hmangte in rawngbawlna leh

activity hrang hrangte kan pha ta fo mai. James Dokhuma khan, “Miin thil tih dawna Ka hman lo’ tia chhuanlam a siam chhung chuan a rilruin a tum tak tak lo tihna a ni,” a ti a, a dikna chen pawh a awm thei khawp ang. Rawngbawlna hi hun awl neih hunah leh hman hunah chauh tih tur em ni dawn le? Lal Isuan amah zuitute rawngbawl tura a koh lai khan an hna \ul tak takte an kalsan a, an zui mai a nih kha. Hman lo leh hman huna zui tumtute chu a duh d>r lo. Johana 12:26-ah chuan Lal Isuan, “Tupawhin ka rawng a bawl chuan mi zui rawh se; ka awmnaah ka rawngbawltu pawh a awm ang. Tupawhin ka rawng a bawl chuan ani chu Pa in a chawimawi ang” a ti mai a ni. Vanah mai ni lo, he leia kan dam chhung la la pawha Pathian chawimawi kan nih theihna turin rawng i bawl ang u.

SOCIAL MEDIA

-Pc. Hriata

Khawvel changkang leh hmasawn chak takah kan cheng a, keini Mizo te ngei pawh kan khawsak phung leh kan In leh lo pawh a thangchak hle mai. Khawthlang leh khawchhak lam nun inkarah tunlai kan thalaite nun hi a virvel ni te pawhin a hriat theih, a khawi lam lam nunzia entawhin kan la lut zung zung a, hei hian kawng tamtakah thalaite nunah ngawng tha tak tak a nei kan ti thei awm e. Tunlai khawvel dinhmun sawi emaw ngaihtuah emaw a thil langsar em em awm chu Social media hi a ni awm e. Heng Facebook, Whatapp, You Tube, Instagram, Twitter, Reddit, Vine, pinterest, Ask.fm, Tumblr, Flickr, Google +, Linkedin, VK, ClassMates, Meetup te hi social media ah chuan a lar zual leh khawvel mihringin kan hman hnem zual te an ni a, kan ngaihdan leh kan duhdan, sumdawnna thlengin mahni awmhmun atangin kan tarlang zung zung thei tawh a, a tangkai hle.

Social media hi tangkai taka hman theih a nih rual hian a ho zawng leh hun khawhral nan te leh thalo tak tak zawng pawhin a hman theih hle bawk a. Awlsam tea mi pawisawi theihna a nih avangin kan fimkhur a ngai hle a ni. Social media heng Facebook, Twitter etc. vela Cyber Crime kan hmuh lar tak chu- ‘Harassment via E-Mails’ an ti a, hei hi Cyber Crime hrang hrang an then zinga pakhat, mimalin harsatna a tawh thin a ni. Harassment via E-Mails hi letter, file attachment, folder etc. tein mimalah harsatna an insiamsak thin a, heng dan bawhchhiatna hi mumal taka hremna dan a awm a,social network ah nitin a pung zel an ti a ni. (source: Profile, Dhawesh Pahuja, Advocate In Banglore. CYBER CRIME AND THE LAW ) Hei vang hian kan tum loh deuh leh kan hriat miah loh lai hian hremtheih kan lo ni reng thei a, tin, tum vang reng pawh a ni thei bawk, fimkhur a tha.

India hmarchhak kilkhawra awm Mizoram pawhin kan hmelhriat in kan hmang nasa hle tawh a, chumai a nilo keini vengchhungah ngei paw’n kan hmang uar in kan hmang nasa hle tawh mai. Whatapp leh Facebook ah kan veng bil bik tan group hrang hrang pawh a tam hle tawh a, kum 18 pawh la tling thathumlo atanga tufa neih duah tawh thlengin kan in khungkhawm a, kan duhdan leh kan ngaihdan mahni thuthmun atangin kan puangzar zung zung ta, a that hle rualin a kan hriat reng atana pawimawh chu, heng social media kaltlanga kan ngaihdan leh tha kan tih zawng kan puanzar hi midangin an pawm ve vek kher lo thei, heng hmang hian mi rilru hneh a harin, mahni ngaihdan vuan a tankhawh vak hi mahni indahhniamna chikhat a ni hlauh thei a, mahse tihloh tur tihna erawh a ni chuanglo, mimal zalenna erawh chu a ni teh meuh mai. Tun hmaa deuha zu rui thenkhat ten khawlaia an rui lungpuam an inhrosa vak vak ang mai khan tunah chuan social media kaltlang hian mahni inlum atangin khatiang mite dinhmun kha kan luah vang thei a ni tih hi kan hriat tel erawh a tha khawp mai. Hetih lai hian chhiartu chauh i ni ang u tihna lam niloin, thil mawi zawk a awm tih hi hriat thar a tha a, thu dengkhawng tak taka in chhan tawn hian tua te mah kan in hneh tak tak lo tih hriat a tha tihna a ni mai zawk.

Social media thatna tamtak leh hemi chungchang tamtak sawi tur awm laiin a hriat nuamloh lam sawi a ni a, veng khatah pawh mi tha tam tak zinga mi awmtha duhlo pa hnih khat lekin veng pum a ti mualpho thei angin, he socia media pawh hi khawvelin tha taka a hman lai hian a thalo zawnga kan lo hman hlauh chuan kan tan mualpho na leh zahna min thlen thei a ni tih hria in, thil lo chhuak thar zel hi puitling taka kan hmachhawn zel a tul hle a ni.

ADMISSION OPEN FOR THE SESSION (2017-2018)

Admission Fee: `1600/-

Last Four years result:

Year Passed Percentage

1. 2016 90%

2. 2015 80%

3. 2014 85%

4. 2013 84%

Contact: 1) 8014442431, 8974133843, 9774406688

H.C THAWNGA

Mipui Aw 12.3.2017

MIPUI AW

KARTIN CHHUAK

Vol. XXIII Issue No. 11 Kristian Thalai Pawl Saikhamakawn Branch Pathianni Dt.12.3.2014

VAWIIN CHANGVAWN

Tin, chhimbâl chu chhûmah a zâm thin ang; tichuan Pathian leh lei chunga tisa awm zawng zawng zînga mi thil nung tinrêngte kara kumkhaw thuthlung awm chu ka hriat reng theihna tûrin ka en thin ang,” a ti a. (Gen 9:16)

KOHHRAN PROGRAMME:

Ni 12.3.2017 (Pathianni)

Chawhma Inkhawm

|antu : Pi Rammuanpuii

Zirlai 9-na : Sardis Kohhran hnena lehkhathawn

Chawhnu Inkhawm

Thuhriltu : Pu Lalrintluanga

Zan Inkhawm

Thuhriltu : Upa Lalzama

K|P INKHAWM PROGRAMME

Ni 13.3.2017 (Thawh\anni Zan)

Thupui Zir

Hruaitu : Nl. Bridgette Zonunmawii

|antu : Tv. Lalruatkima (Vanruata)

Thupui : Pathian nena len dun- thilsiam dangte enkawl naah

Thupui hawngtu : Nl. Vanhlupuii

Bible chhiartu tur: Nl. P.C Lalrinmawii

(Chhiar tur: II Petera 1:5-10)

Thawhlawm Nl. Eden Lallawmzuali

khawntu turte : Nl. Vanlalruati

Zai hruaitute : Tv. F. Laldingliana

leh Tv. R. Lalawmpuia

Keyboardist : Tv. MS Dawngliana

KOHHRAN HMEICHHE

INKHAWM PROGRAMME

Ni 14.3.2017 (Thawhlehni Zan)

Kristian Chhungkaw Pual

A hmun : Sunday School Hall

Hruaitu : Pi R. Lalthansangi

Group hrang hrangte inpawlhona neih nghal tur a ni.

KOHHRAN PAVALAI PAWL

INKHAWM PROGRAMME

Ni 16.3.2017 (Ninga Zan)

Hruaitu : Pu Lalrinpuia

|antu : Pu Lalsangliana

Thuhriltu : Pu D. Thangbawiha

Khuangpu : Pu T. Lalrinthanga leh Pu Lianchia

Thawhlawm khawntu: Pu Ramdinthara

PATHIAN KOHHRAN

Pathian chatuan remruat Kristaa tih a tum, a chatuan remruat ang zela lo awm chu Kohhran hi a ni. Bible zirmite chuan Isua lo kal hma pawh in khawvelah Kohhran hi a lo awm tawh a. Chuvangin, Pathianin Kohhran hi a din a, Lal Isuan a tlan a, Thlarau Thianghlimin a tinung anlo ti \hin.

Van indona a\ang tawhin sual hnathawh do let turin Pathian chuan pawl lian tak a mamawh a, Kohhran din hi a tum ta a ni.

“He lungpui chungah hian ka Kohhranho ka rem chho vang a...” ( Mat 16:18 ) he thu a\ang hian Lal Isuan amah ringtute awmkhawmna tur Kohhran din a tum zia kan hmu a ni. Pathian thiltum pawimawh tak chu suala tlu tawh mihringte chhandam leh, a chhandamte awmna tur Kohhran din hi a ni. Pentikos ni a\angin ringtute-ah Thlarau hruaina ang zelin Jerusalem-ah hmuh theihin Kohhran a lo ding tan a, a dintu leh innghahna chu Krista a ni a, a thisena a din a ni.

Kohhran chu Krista taksa leh, a mah ringtute chhungkua ang a an awmho hi a ni. Lal Isuan khawvel a\anga a koh chhuah, nun thara nung tur leh a hnung zuia, a rawngbawl hna chhunzawm tura a din a ni. Paula engin a chhunthluk pawh khan Kohhran chu Krista taksa a nih zia a lang chiang hle bawk.

Mi \henkhat chuan hmuh theih Kohhran hi an ngainep a, Kohhran in relbawl dan leh in awp dan te an sawisel a, Kohhran thil tih reng reng chu an hmu thlarau lo va, an mahni chu thlarau mi ber ang a inngaiin chutiang chuan in lantir an tum tlat \hin. “Kei mahni hi sual laka Kohhran chu kan ni a, hmuh theihloh Kohhran chu kan ni”, tiin an sawi fo \hin. Mahse, hmuh theihloh Kohhran member dik tak chuan hmuh theih Kohhran hi a ngainep ngai lovang.

A thisena Kohhran dintu Krista Thlarau kan chang a nih chuan, a din Kohhran hi a ngainat loh theih loh.

Tirh 20:28 ah chuan Kohhran hi Pathian Kohhran, Lal Isuan a thisena a din, a rawngbawltu pawh Thlarau Thianghlim ruat anih zia kan hmu a, a in enkawl dan pawh Pathian duhdan ang zela enkawl a ni tih chiang takin kan hmu a ni. Thlarau Thianghlim chuan Kohhranho a awmpuiin a chenchilh a, a ti thianghlimin a thlamuan a, a ti chakin pumkhatah a siam thin. Chuvangin, Thlarau Thianghlim changtu dik tak chuan Kohhran hi a ngaina lo thei dawn em ni ?

“Krista, Kohhran tan kan ding, rilrua in zawmin” tih hla sa chungin Kohhranah hian awmin bel tlat ila, Krista tan rinawm taka awm in, kan Lal tan hian i thawk zel ang u.

EDITORIAL BOARD

Editor :

Pu C. Lalmuanpuia 8974807213

Joint Editor:

Tv. Laldinpuia 9862813325

News Editors :

Pu Tommy Zirnuntluanga 9862913684

Tv. Lalnunzira 9862664253

Tv. Lalawmpuia 8259910570

Nl. Zohmingmawii 8794773133

Tv. Lalruatsanga

Circulation Manager:

Tv. C. Lallawmawma 8974509821

Nl. C.Zosangliani 8731005507

Editorial...?

LARNA.....

Mihringte hian mahni tawk ah lar kan chakin lar kan duh em em thin.Duhlo kan awmlo ang tih theih a ni, mahse he kan larna hi kan chhiat pui fo thin.A hmangthiam te erawh chuan midangte tan malsawmna thlentu an lo ni fo thin. Kan damchhungni a reilo em em a, chhum reilo te lo lang a ral leh ang a nih thu kan Pathiantu in min hril a,chuti chung chuan reitak dam a chamhlen tur ang in kan thawk a, he kan hringnu hian chu mi a vang chuan lar duhna in kan khat a, midang te chung a awm chak in mi mit hi kan chung ah fu se kan ti fo thin. Kan chakna te tih hlawhtlin alo nih tak ah chuan min petu Lalpa erawh kan theihnghilh fo ta thin a ni

Lalpa rawng kan bawlna ah pawh hian larna hian hma thuitak a la a,kan kamchhuak mite beng a thlengpha thin. Chu chuan midangte Lalpa hnenah kan hruai fo thian reng a, mahse kan hman thiam loh chuan midang Lalpa chak a tuihal te tih darh nan kan hmang fo thin. MIzote pawh Media lamah hma kan sawn in kan thangchak em em a,Media lam ah lar tak tak te pawh kan awm nawk tawh mai. Kan hman thiam erawh chuan Talent min petu Lalpa tan rawngbawlna ah nasa tak in hma kan la thei thin a ni. Kan Pathian hi thinlungte fiah a buk thintu a nih tih kan hriat a pawimawh khawp mai,chumi hrereng chung chuan he kan larna Lalpa tan kan hmanthiam ava pawimawh tak em, kan thatlai kan larlai hian Lalpa tan thlarau bo tamtak Lalpa hnenah kan hruai thei a ni.

MISSIONARY RAWNGBAWLNA REPORT

-J.C Lalrinpuia, Evangelist,

Kumku, Arunachal Pradesh

Pathian min kohna chhangin kum 2012 a\ang khan Krista Missionary Society hnuaiah Missionary rawngbawlna hna thawk \an ve in \awng pawh thiam lovin ka lut ve rawih a. West Kameng district Bichum ah awmin \awng lamah chuan thla thum velah a tlangpui chu hre ve tawhin harsatna tawk lovin thla riat chhung kan awm a. Chumi hnuah Upper Siam district Ingkiong ah thla ruk awm lehin, hetah hi chuan \awng lamah hi chuan kan zia viau tawh a ni. (|awng thiam loh chuan rawngbawl kalpui harsa tak a ni). Ingkiong a\anga sawn leh ka ni a, Pangkang (Jorkong) ah kum hnih awm lehin heta ka awm chhung hian piangthar baptisma chang puitling pali kan nei a. Heng ring thar te hi damloh vanga Kristian a rawn lut an ni deuh vek a ni. Hemi hnuah hian Pangkang (Kumku) ah sawn leh kan ni a, kum hnihna tan rawngbawlna hna thawkin Kumku ah hian kan awm mek a ni.

Tuna kan awm mekna Kumku ah hian In 50 a\anga 60 bawr vel a awm a. Tunah hian Kristian member pathum an awm mek a ni. Pathianni inkhawmna ah hian member te hi a thar deuh a nih avangin thusawi lam te an la tihleithei meuh lova. Chairman kan ni a, \antu kan ni nghal bawk a, thusawitu kan ni pah nghal zel mai a ni. Pathianni tih loh ah chuan inkhawmna hun kan nei thei rih meuh lova, in mi \awng\aipuina kan ngai takzet a ni. Tin an hnam nunphung leh sakhua tlem han ziak tel ila. Tuna kan awm na mite hi Adi hnam an ni a. An \awng leh Mizo \awng hian inanna mual mual an nei a ni. Sakhaw bul bal an nei meuh lo va, ramhuaia inthawina hlan \hin an ni. Damlo te, mang\halo te, accident te, leimin te leh kangmei te an tawh hian, ar emaw vawk emaw a lian thamah chaun sial te pawh hmangin inthawina hi an hlan \hin a ni. Tin ramhuaiin a man ni a bawlpu in a sawi chuan bomb te halin, sawhthing leh buhfai In bulah an theh kual leh mai \hin a ni. Hei hi tuna kan rawngbawlna a chengte nunphung leh an sakhaw rin dan tlangpui a ni.

Ringlo te hnena rawngbawlna hnathawh a Isua chanchin va hrilh hi kan awm chhan a nih rualin thil namai lo tak a ni ve bawk a. Home visit neia, tap bula va hrilh nghal mawp mawp theih la a ni hek lo. Va sawi thei pawh ni tehreng ila, an rilru ah hian a lut mawh angreng khawp mai. Anmahni nena rilru inpawh taka awma, harsatna an tawh laia va lan hian Pathian pawhin hna a lo thawk nge nge niin a lang. Chumi tur chuan keini pawhin theihtawp chhuahin an hna leiletah te, lo ah leh buh lak ah te puiin, chung hunah chuan hnathawh pahin Pathian thu sawiin hun kan hmang \hin a ni. Tin, damlo \awng\aite neiin, amaherawhchu anmahni duhna ngei chauhah \awng\aina hun hi kan hmang \hin a ni.Tunah hian Biak In sak tur hmachhawp neiin a hmanrua mamawh ang tur kan dap khawm mek zel a ni. Biak In sakna hmun tur hi lei tur a vang em em a, kan zawn pawhin kan hmu zo mai si lo va, theihtawpa \awng\aiin, Pathianin kan dilna te chhangin Biak In hmun tur hi Tabawh chhungkuain min hman hawh tir ta a ni. Anni chhungkua pawh Kristian an la ni chuang lo va, Pathian ram a lo zau zel theih nan in mi \awng\aipuina ka rawn dil tak meuh meuh a ni.

|awng\aina chhangtu Pathian chu kan Pathian a ni si a.

CK|P ROREL INKHAWM REPORT

BIAL DINHMUN:

Bial awm zat :

i. Mizoram Chhung -188

ii. Mizoram pawn -11

Member tamna ber bial: Ramhlun North – 2297

iii. Missionary chawm tam Bial te -

a. Dawrpui Vengthar – 8

b. Kolasib Diakkawn – 7

c. Khatla – 6

d. Ramhlun North – 5, Branch chawm zat belhkhawm - 48

BRANCH DINHMUN:

i) Branch awmzat - 844

ii) Branch Dingthar - 17

iii) Member awm zat - 1,44,920

iv) Member tamna ber branch - Mission Veng 1497, Ramhlun North-1268, Chanmari-1134

v) Member tlemna ber - Kohima Bial, Paren – 3

vi) Member thi zat - 466 (Thi awm lohna bial 61 lai an awm)

vii) Biakina Innei - 1517 (Nupui pasal Innei lo Bial-4)

viii) Hmundanga Innei - 2077

ix) Ramhlun North - Biakin In-22, Hmun dang- 23

x) Branch hminga Missionary chawm zat -2842

xi) K|P Member missionary chhuak thar - 172

xii) Kristian Thalai Chanchinbu - Ramhlun North-627, Mission Vengthlang-592, Mission Veng-539

SUM DINHMUN –

Pawisa hmuh zat - `26,87,315/-

Hman zawng zawng - `26,42,545/-

Hman bang - ` 44,770/-

ROREL A THU PASSED TE:

Kum 2019 a Rorel Inkhawm vawi 8 na

A hmun - Tuikual ‘N’

Ahun - Dt 1-3 March 2019

1.YRC Budget, a pangngaia kal pui leh nise, (Khawpui chhung- `50/-, District Capital- `30/-, A dangte- `20/-

2. Kohhran inhumhalhna lam hawi Booklet Branch tina zir turin CKP-in buatsaih rawh se.

3. K|P \umkhat thawhlawm hi Synod Charity Fund puala dah ni rawh se .

4. Chhawmdawlnaa hman turin thawhanni zan KP inkhawm thawhlawm vawi khat lakkhawm ni rawhse.

5. Kum 2017 chhungin CKP buatsaihin member hlate pual, MLA 2018 General Election pual leh ram tan chawngheia \awng\ai rualna rampum huapin neih ni rawh se.

Mizoram Presbyterian Kohhran Hmeichhe Inkhawmpui Lian hmang mek

Ni 10.3.2017 (Zirtawp) zan a\ang khan Mizoram Presbyterian Kohhran Hmeichhe Inkhawmpui lian vawi 47-na chu Leisekawt Field-a Pandal sakah neih \an a ni a, Kumin inkhawmpui-ah hian “I Pathian tawk turin inpeih rawh” (Amosa“4:12) tih chu thupuiah hmangin Speaker atan Upa C. Ngurthantluanga“hman a ni dawn a, nimin khan Palai lawmna leh report ngaihthlak niin, Synod Moderator Rev. Lalzuithanga hnen a\angin Pathian thu ngaihthlak a, nizanah Serchhip Kawnpui Kohhran Biak In-ah rorel inkhawm leh hruaitu thar thlanna neih a ni a, hemi chhung hian Pandal-ah inkhawm neih a ni a, inkhawmpui hi zaninah a \iak ang.

ADMISSION NOTICE

Office Hour: 8:30am-3:00 pm

Contact: 8414956902 (Principal),

9862325305 (Vice Principal)

ADMISSION NOTICE

Kum 2017-2018 Academic Session atan Govt. Middle School, Saikhamakawn (English Medium) ah a thlawnin Admission a tih leh theih ta.

Admission tih theihna:

1) Sir Lalzuiliana, Saikhamakawn, Contact: 9862538698

2) Miss Zonunsangi Ralte, Saikhamakawn,

Contact: 9612413200

Sd/-

Headmaster

Govt. M/S School, Saikhamakawn

NEW HOPE ACADEMY

Upper Republic

ADMISSION NOTICE

Contact: 9862810672/8257035798

New Hope Academy

Upper Republic Aizawl

R. Hautluanga Building,

Near Sikulpuikawn

ADMISSION OPEN

Biakliana Memorial Higher Secondary School, Kulikawn, near BN Hospital ah kum 2017 - 2018 Academic Session atan Cls : IX - XII, Day leh Hosteller tan Admission hawn a ni ta e.

Contact: 9862756137 / 9862356886

EMMANUEL ENGLISH SCHOOL

Durtlang Leitan, Aizawl.( Day & Residential School) ADMISSION OPEN

Nursery - Class-X

# Spacious School & Hostel Compound

# Offer Spoken English & Hindi

# Special Tuition in Maths & Science

# No Entrance Test“# No Selection Test for Class-X

Sd/-

Principal

Contact No: 9436141493, 9862554946, 9856090601

ADMISSION OPEN FOR THE SESSION (2017-2018)

Admission Fee: `1600/-

Last Four years result:

Year Passed Percentage

1. 2016 90%

2. 2015 80%

3. 2014 85%

4. 2013 84%

Contact: 1) 8014442431

2) 8974133843

3) 9774406688

H.C THAWNGA