KTP SKK: February 2014

Saturday 22 February 2014

Mipui Aw 23.2.2014

MIPUI AW

KARTIN CHHUAK

Vol. XX Issue No. 8 Kristian Thalai Pawl Saikhamakawn Branch Pathianni Dt.23.2.2014

VAWIIN CHANG VAWN

|awngtai fan fan ula, chu miah chuan lawmthu hril chungin ngaihven rawh u.

(Kolossa 4:2)

PATHIANNI PROGRAMME

Dt. 23.2.2014 (Pathianni)

Chawhma S.S Inkhawm

|antu : Pi Laldingpuii

Zirlai 7 na : Paula Thlarau Nun

Chawhnu Inkhawm

(Baptisma Sakramen)

Buatsaihtu : Pastor C. Sapkaia

Zan Inkhawm

Thuhriltu : Pastor C. Sapkaia

K|P PROGRAMME (Ni 24.2.2014) (Sermon Inkhawm)

Hruaitu : Nl. Lalhmunsiami

|antu : Nl. C. Lalrempuii

Thuhriltu : Nl. V. Lalrindiki

Thilpek lakhawm :Nl Lalnunpuii Hrahsel

tu turte Nl. Pinky Lalparmawii

Hla hruaitu : Tv. R.Lalzamlova

tur te Tv. Tlangdingliana

Keyboardist : Tv. Zomuanpuia

KOHHRAN HMEICHHE PROGRAMME (Ni 25.2.2014) (Sermon Inkhawm)

Hruiatu: : Pi Lalrinngheti

|antu : Pi Laldingpuii

Thuhriltu : Pi Lalmuankimi

A NGEM LE......

- Rawngbawltu \ha tak \henawm te tana hnawksak ru viau si hi a awm theih a ngem le......

- Tlangval thlanlai tura chhuak zawng zawng te hian an lai vek a ngem le........

SERMON

RAWNGBAWLTU |HA

Pathian ngaiha \haa inentir turin \hahnem ngai rawh.(II Tim. 2:15b)

Kohhran leh khawtlang thiltiha mi langsar leh mi mit fukna ber pakhat chu rawngbawltute an ni fo. Kawng tam takah an thu leh hla kan ngaichang a, an thlek lam leh an pan lam kan thlir ru fo \hin. Chung hunah chuan Rawngbawltu \hate chu an ngaihsanawmin an fakawm hle a, Rawngbawltu \halo leh inthlahdah mi chu an hnunglam atanga nuihzat an hlawh fo a ni. Kohhran-ah leh Khawtlang -a rawngbawltu tam tak zinga mi thenkhat nihna chanvo chu duh ve si mahse, a rawngbawlna chanvo chelhin a ken a tih ngei tur pawh ti tha leh peih si lo an awm bawk. Heng ang mite hi rawngbawlpui an hrehawm duh hle bawk.

Tunlai khawvelah Kohhran tam tak chu an pung chakin Rawngbawltu pawh thahnem tak an awm hlawm tawh. Chung rawngbawltute zingah chuan inthlahdah tak leh rawngbawlna chanvo pawh a nihna ang taka hlen chhuak peih lo an tam ta mai. Tirhkoh Paula chuan Timothea hnenah ‘Pathian ngaiha thaa inentir turin thahnem ngai rawh’ a lo ti a. Eng rawngbawlna pawh chelh ila Pathian ngaiha \ha ni turin \hahnem kan ngaih a ngai a ni. Pathian ngaiha \ha ni tur hian he khawvela awm kan la nih avangin kan mihring puite hmuha \ha nih ve a ngai tel bawk.

K|P hruaitu veng pakhat a mi chu a tihtur atan Committee in a ruat chu ti hlawhtling \ha viau thin a, mahse chu a thiltih \hin chu a tih man leh a thawh hah man chu a sumin a bill leh \hin an ti. Veng tam takah hetiang mi hi a awm theih viau awm mang e.Kohhran rawngbawlna ah chuan kan tih ve leh kan thawh ve te thawh man la tur kan ni chiah em? Leh lamah he pa hian a rawngbawlpui ten \hahnemngai takin sum an tuak laiin ani erawh chuan a rawngbawlpuite sum tuak chu a lo ei sak char char \hin a nih chu. A rawngbawlna chu eizawn nan a lo hmang a, \hahnem ngai viauin lang mahse rawngbawltu zia a hre chiang lo em ni ang le?

Mi tupawhin eng rawngbawlna chanvo pawh kan chelh thei, kan chanvo leh kan tih theih zawngah chuan phutlet nei lova kan thawh a ngai \hin.Kan channa tur leh kan hlawkna tur ni miah lovah pawh kan thiamna leh theihna kan thawh a ngai a, midangte tana malsawmna ni tura ka thawh a ngai \hin. Rawngbawltu a thiamna leh theihna phut let nei miah lova tha leh zung seng \hinte hi an va hlu \hin em! ‘Chutiang bawkin Kohhranho rawngbawltute chu mi zahawm an ni tur a ni;....hlepna bawlhhlawha duham mi te an ni tur a ni lo;’(I Tim.3:8)ti a Bible-a kan hmuh angin Rawmgbawltu|ha nih tumin \an i la thar zel ang u.

EDITORIAL BOARD

Editor :

Tv.R.Zodinsanga - 8974743073

Jt.Editor:

Pu Lalduhkima -9862648830

News Editors :

Tv.PC.Vanlalhriatpuia - 9862732381

Tv.F.Laldingliana - 9862378567

Tv.Lalfakzuala -9862033731

Pu Benjamin Lalduhsaka -9862907973

Nl. Lal\anpuii -8974243380

Nl.Malsawmtluangi -8731059158

Circulation Manager:

Tv.Laldawngliana - 8974743091

Editorial.........?

zirlaite ngaihtuah a |ul

Tunlai hian ram pumah zirlai ten matric exam an bei mek a, zirna kawtchhuah in \anna hmasa ber ti hial a an lo sawi \hin exam pawimawh tak mai hi veng chhunga zirlaite pawhin an bei ve mek a ni. Zirlai exam bei tu zawng zawng te \ha taka an tih theih nan duhsakna kan hlan tak meuh a ni.

Hetianga kan tu leh fate’n exam pawimawh tak an neih mek avang hian an lehkha zir tibuai thei tur thawm beng chheng siam loh hram a pawimawh khawp mai. Kan inchhungah zirlai an awm lo a nih pawhin \henawm hnai vai ah an lo awm thei a; chumi hre reng chuan mi lehkha zir tibuai thei tur ang chi chu pumpelh hram a finthlak ang. Kan inchhungah zirlai exam bei mek an awm a nih lek phei chuan chungkuaa \an tlan a pawimawh tih hriat a \ha. A \ul a nih chuan chhungkuaa T.V. en loh ngam mai te pawh hreh lo ta ila, khua reiah kan inchir lo zawk ngeiin a rinawm.

Hetiang hunah hian kan lenna \hin ten zirlai an nei a nih chuan len hrih loh mai te pawh hi pa/nu fing nihna a ni zawk. Tuna kan zirlai te hi nakin lawka kan veng nu leh pa tur te an la nih avangin lehkha \ha taka an zir theih nan hun thawl \ha leh zirna boruaka an chen theih na tur siam sak kawngah harh thar \heuh ang u.

ARTICLE

YMA KUMPUAN

RAM LEH HNAM HUMHALH

Episode iii&iv (Chhunzawmna) -Dawngkima

Senior Adviser, YMA Saikhamakawn Branch

5. CHHAN TLAK MIZORAM :-

India ram pum tibuai theitu hel lian ber MAOIST pawh India hian Jet Fighter hmangin a la kap lo. Ralpui beiha India Sawrkar-in Fighter hmanga a beih Mizoram, ENG A? tih hriatthiam vekna ram leh hnam te takte hi chhantlak kan la awm e.

6. SAWRKAR PAWH A |ANG KHAWP MAI :-

1) Inner Line Permit (ILP) hi a chhuah tirhah chuan Mizo, Mi Lu lak chingte lak venhim nan 1875-a Cachar Inner Line (Dholai P.S. kaltlangin) chin pelh khapna dan leh pel lo thei lo AR Gorkhali chhungte’n Silchar D.C. a\anga an lak \hin permit a ni a. Tunah erawh Vaiho lo lut dur dur ven nan hman a ni ta hlauh, a va tih chi em!

2) 1963 ram danah chuan Non-Tribal tan Inhmun pek khapna a lo awm daih tawh a, chu chu vawiin thleng hian Revenue Dept. chuan a theih chin chinah a la vawng tlat a ni.

` 3) Sawrkar hna lakna Recruitment Rule tam berah chuan ‘Middle level Mizo \awng thiam an ni tur a ni’ tih a chuang zel a, hei hian hnam a humhalh \ha teh a nia.

4) Trading License-ah te leh sawrkar issue hrang hrangah Vai lo lut dur dur danna a tam asin, kan sawi seng nang le.

Sawrkar chu mawi lo leh state dang te thik tlakin a \ang tawh. A mi chengte \an tlan a hun ta.

7. Rilru Leh Thinlung phawtin :-

Tribal Quota pawha IAS pass kan neih chhun Pu Faka’n a tia lawm “Thil mawi lo deuh kan tihpalh pawha Tribal kan nih avanga min hrethiam zel \hin Vai \hiante hian ka rilru an ti na \hin.” Amah vek chuan “Hmusit bikna avanga Vai nen buaina in tawh chuan min hrilh zel ang che u” tiin Delhi Mizo te hnenah a lo sawi \hin a. Nia, Delhi tlangah te, Shillong ah te, ram pawnah mah miin Ram lah Hnam a humhalh chuan a chenchilh tute kan awm mai mai hman bik nang.

8. ACTION IN ZUI NGHAL SE :-

Vai huat, tihdhdah leh an thil chhuhsak erawh dan kalh, thubuai neih theih mai bakah a \hing ka ti hrim hrim. Nagpur-ah Rickshaw pu nen Rickshaw-fare chungchangah kan intibuai a. Rickshaw pu chuan a lova luakchhuak a sang min charge a, a \hiante pun khawmin min khawih an tum ta, min en tute zinga mite’n thu zawt chiangin ka chuanna rel thlen hun leh kan buai hun inkarah chu ti zat zat Rickshaw-a kal kualna hun a awm lohzia an chhut chhuak a, Richshaw pu zawk chu an beng lo chauh maw le! Vai nih ve loh avanga tuarna ka la tawng ngai lo. Dik hi a pawimawh a, dik lo leh dan kalha thil ti ten an phutawk hrem an tuar erawh a \ul. Chuvangin dan kalha che/awm te dap chhuaha report hi citizen \ha te duty a ni.

Awm zel tur/......

BENG TI VAr

Nupui kumah dam reina a innnghat : Dam rei duh tan chuan nupui neih ngei chi niin a lang. Nupui tih lemah aia naupang tihna. Hmeichhia mahni aia naupang pasal neite chu an dam rei duh tih ngaihdan a awm reng \hin a; mahse tunhnaia zirna chuan a dik lo a ni tih Max Planck Institute for Demographic Research (MPIDR), Rostock, Germany-a Sven Drefahl-a chuan a finfiah. A thil chhuina hi Demography-ah chhuah a ni.

Mipa leh hmeichhia kum a inthlauh zawh poh leh hmeichhe dam theih chhung a tawi zel a ni an ti. A tu zawk nge naupang zawk tih lamin kawngro a su lem lo.

Chutih rualin mipa aia hmeichhia a naupan zawh poh leh mipa an dam rei ting a ni mai an ti ve thung. Kum inrual chiah innei aiin hmeichhia kum 7 emaw, kum 9 vel emawa naupang zawk a nih chuan an pasalte dam beisei chhung chu zaa 20 velin a pung thei a ni an ti. Chutih laiin kum 7 emaw, kum 9 vel emawa mipa a naupan zawk chuan a dam theih chhung beisei chu zaa 11 velin kum inang chiaha inneite aiin a tlahniam ve thung an ti bawk.

Danish nupa tuak maktaduai hnih zette chanchin a lakkhawm a\anga zirin he thil hi a hmuchhuak ta a ni. Tunhma lama an zirna famkim lo takte chu he data lian tham tak a\ang hian a fiah zual thei ta a ni. Hmeichhe tan chuan mahni rualpui neih a \ha ber a, mahni aia upa neih chuan an dam chen tur a ti tawi sawt thei a, mahni aia naupang neih phei chuan a tawi lehzual a ni an ti. Kum in upat hleih lutuk loh neih a him ber a nih chu.(Source:ANI)

Rawl damdawi sawhthing : Sawhthing hi hmanlai ata tawh damdawiah an hmang uar hle a; tunhnai khan insawizawi nasat lutuk avanga tuhrawl na, rawl damdawi atan a \ha a ni tih an hmuchhuak.

Sazu-ah chuan a \hat dan hi finfiah daih tawh a ni a, tunhnai khan mihringah a \ha a ni tih an finfiah leh ta a ni. Amaherawhchu an zir chianna hi a len vak loh avangin a dik ngei e han tih tlur turah chuan an la ngai lo a; zirna lian zawk kalpui leh a \ul ang an ti.(Source : Live Science)

Khawvel lum hi a nep lo : Cornell University-a Professor Charles H. Greene leh a \hiante chuan “A Very Convenient Truth” tih Oceanography chanchinbu-a an ziah dan chuan khawvel lo lum zelin khawtlang leh mihring nun a nghawng dan tur hi kan lo la chhut tlem zawk mah a ni an ti.

Greenhouse gas mihringte’n kan tihchhuah zawng zawng hi naktuk a\ang hian tawp nghal vek se la, Boruaka carbon dioxide awmsa hi tun ang chiah hian a ngai rengin tun kum zabi tawp thleng hian awm ta pawh nise, khawvel pumpui lum belhna tur chu industry lar hluai hma dinhmun a\anga chhutin 4.30F emaw a la ni cheu dawn a ni an ti.

“Green house gas lah chu naktuk maiah kan la ti tawp mai dawn lo lehnghal a; chuvangin a nghawng chu a nasa fe dawn a ni. Khawvel lumna tiziaawm tura nasa taka kan beih loh zawngin kan tuar nasa dawn a ni,” an ti.

BIBLE QUIZ No.8

THUFINGTE 11-15

A kâr âwl dah khat rawh :

Q1.Pathian ngaihsak lo mi chuan a kain a _________________ a tiboral a,Mi fel erawh chu hriatna avângin chhan chhuahin a awm ang.

Q2.Hmeichhe khawsak tha chu a pasal tan lallukhum a ni a, _________________ tak thil ti erawh chu a ruh timawihtu a ni.

Q3.Felna chuan dik taka awmte chu a veng thin a,

_______________ erawh chuan mi sual a theh tlu thin.

Q4. __________________ zawng zawngah hia hlawkna a awm a, Ka sawi mai mai erawh chuan tlakranna mai a thlen a ni.

Q5. _________________ tuartu tan ni zawng zawng mai hi a tha lo vek a, Thinlung hlim mie rawh chuan ruai a theh reng mai a ni.

A bung leh châng dah rawh :

Q1.Zahngaithei mi chuan ama nunna atân tha a ti thin a, Mi nunrawng erawh chuan ama tisa buaina a thlen thin.

Bung: ________ Chang: _________

Q2.Miin a tawngkam chhuak rah chu a seng ang a,

Ama kut thiltih ngei chu a hnena hlan a ni ang.

Bung: ________ Chang: _________

Q3. Chapona chuan inhauna mai a tichhuak a,

Thununna tha mi hnênah erawh chuan fina a awm.

Bung: ________ Chang: __________

Q4.Mi rethei hnehchiahtu chu a siamtu hnehchhiah a ni a, Tlachhamte khawngaihtu chuan a chawimawi a ni.

Bung: ________ Chang: _________

Hming : ____________________________

Section : ____________________________

BIBLE QUIZ NO. 7 RESULT

Chhanna lut zawng zawng : 6

Chhang dik vek : 6

Lawmman dawngtu : F. Lalvenpuii (V.Sec)

Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

PAVALAI PROGRAMME

Dt. 27.2.2014(Ninga zan)

A hmun : Kohhran Library

Hruaitu : Pu H. Remtluanga

|antu : Pu Ramdinthara

Riru sawi leh fakna hun hman a ni ang.

K.|.P HRIATTIRNA

General Conference kal tum te a la in report theih zel a, kal tur zawng zawng te chu 24.5.2014 (Thawh\an) zan inkhawm banah S.S Hall-ah inhmuhkhawm tur a ni e.

CHATUAN RAM LAMAH

Pi Lalhlimpuii (84) m/o Lallawmthanga (Ch.sec) chuan Ni 15.2.2014 (Inrinni) khan chatuan ram min lo pansan ta a. A kalsan tak a tu leh fate Pathian in awmpuiin thlamuan zel se tih hi Editorial Board te chuan kan \awng\aina a ni e.

HRIATTIRNA

mitthi an awm a, pangpar pek tur lei duh tan MHIP Saikhamakawn chuan englai pawhin leitur a nei reng e.

Kawltu : Sangchhingpuii

Admission Open For The Session (2014-2015)

Solomon’s High School Upper Khatla, Aizawl a awm \hin chu remchan zawkna avangin Pu Ranga Building Kulikawn-ah kan insawn a, session thar (2014-2015) atan Cl-VII to Cl-X tan Admission hawn mek a ni. Kum 25 chuang Mathematics leh Science subject a experience nei tawhin a zirtirna hmunah hian i fate han dah ve rawh le. Mathematics leh Science Subject a harsatna nei te leh Sports a tui te duhsak bik an ni ang. Hostel a awm nghal bawk e.

Contact : 1) 9774630781

2) 8014442431

3) 8014389494

H.C. THAWNGA

Saturday 15 February 2014

Mipui Aw 16.2.2014

MIPUI AW

KARTIN CHHUAK

Vol. XX Issue No. 7 Kristian Thalai Pawl Saikhamakawn Branch Pathianni Dt.16.2.2014

PATHIANNI PROGRAMME

Dt. 16.2.2014 (Pathianni)

Chawhma S.S Inkhawm

|antu : Pi Sawizuali

Zirlai 5&6 : ‘Krista ruala tihnun’

‘Kohhran Inpumkhatna’

Chawhnu Inkhawm

Thuhriltu : Upa Zairemthanga

Zan Inkhawm

Thuhriltu : Upa Lalrindika

K|P PROGRAMME (Ni 17.2.2014) (Sermon Inkhawm)

Hruaitu : Pu C. Lalmuanpuia

|antu : Nl. R. Zonuntluangi

Thuhriltu : Pu C. Lalremruata

Thilpek lakhawm :Nl Baby Lalduhsaki

tu turte Nl. Zorinpuii

Hla hruaitu : Tv. R.Lalzamlova

tur te Tv. Tlangdingliana

Keyboardist : Tv. Zomuanpuia

Thilpek lakkhawm hi K|P Daimond Jubilee pual a ni anga, vengchhung miharsate \anpui nana hman tur a ni ang.

Thilpek lakkawm bakah hian member ten mahni remchan ang tawk buhfai kenkhawm \heuh bawk tur a ni.

FELLOWSHIP PROGRAMME

Hruiatu: : Nl. Brigitte Zonunmawii

|antu : Nl. Lalhruaitluangi

KOHHRAN HMEICHHE PROGRAMME (Ni 18.2.2014) (Sermon Inkhawm)

Hruiatu: : Pi L. Thangpuii

|antu : Pi Rampuii

Thuhriltu : Pi Hualthangpuii

SERMON

MAHNI TA KAN NI LO

A nih leh, in taksa chu,in chhunga awm Pathian hnen atanga in hmuh Thlarau Thianghlim in a ni tih in hre lo em ni le? Mahni ta pawh in ni lo va, Mana lei in ni tawh asin, chuvangin in taksaah chuan Pathian chawimawi rawh u. I Kor 6:19-20

Kan Pathian thu chuan mihringte hi ama ta kan nih zia bible chang kan han tarlan atang khian a lang chiang hle. Bible chu a daw dawn si lo, chuvang chuan Pathian ta kan ni tih hi kan awih mai a \ul awm e.

Bible bul lam kan chhiar chuan mihring te hi Pahian siam kan nih thu kan hmu a, ama anpui ngeia a siam kan ni tih pawh a lang chiang hle, chumai bakah a thilsiam dang zawng zawng ai pawha kan ropui bik zia te, a thilsiam dang te chungah pawh thunei tur leh enkawltu tur kan nihzia pawh kan hre \heuh awm e. Chumai pawh a la ni lo, nitin Amah nen an lengdun a; an in pawl \hin a ni. Chutianga Pathian nena lengdun \hin ama nunna thaw ngeia nung mihring te chuan sual bumna hnuaiah tluin Pathian fa kan nihna atangin kan bosan ta a, fa kan nihna atanga bosan in sual fa kan lo ni ta. Hrem tuar tur mihring kan lo ni.

Sual bumna avanga Pathian hremna kan tawh tur chu amah Pa Pathian ngei chuan phal lovin a fapa mal neih chhun Isua Krista chu kan sual thawinan amah leh amah in tihlungawi nan a fapa ngei nunna chu keini misual te min tlan nan min rawn pe ta ani. Tichuan Pathian thisena lei ama nunna a tlan chhuah kan ni a, keini in kan hriatloh lai leh kan pian hma kum engemaw zat kal tawh atang khan sual bawih a\angin min lo tlan tawh a tuna kan awm ang hian Pathin fa nihna hlu tak chu kan lo chang der tawh a Lalpa ka lawm e tih mai lo chu tihtheih kan nei lo.

Kan tih ve tel lo chhandamna kan chan avang erawh chuan tih tur kan nei ve ta, awm mai mai tur kan ni lo a, kan taksa peng te Pathian hman atana felna hriamhrei ah kan hlan ve a ngai a ni. Mahni duhzawng leh chak zawng a awm tur kan ni lova min lei tu Pathian ta kan ni a; a thu thu a awm tu kan ni, chuti ni lo a, mahni duh ang anga kan awm chuan kan taksa leh thlarau neitu hian kan chungah ro a la rel anga thiam kan chang hauh lo ang.

EDITORIAL BOARD

Editor :

Tv.R.Zodinsanga - 8974743073

Jt.Editor:

Pu Lalduhkima -9862648830

News Editors :

Tv.PC.Vanlalhriatpuia - 9862732381

Tv.F.Laldingliana - 9862378567

Tv.Lalfakzuala -9862033731

Pu Benjamin Lalduhsaka -9862907973

Nl. Lal\anpuii -8974243380

Nl.Malsawmtluangi -8731059158

Circulation Manager:

Tv.Laldawngliana - 8974743091

Editorial.........?

FIMKHUR ILA

Tunhma a\anga naupang ten nuam an tih em em chu kawngpui dunga infiam hi a ni. Tunah phei chuan kawngpui a nuamin a zau tha hle tawh a, naupang tan infiam a nuam leh zual hle ani.

Naupangte hian infiam an mamawh a, an taksa hi chet tir ve reng a ngai niin mithiamten an sawi \hin. Amaherawhchu, infiamna hmun \ha kan neihloh a vang hian kawngpui dungah an infiam lo thei si lova, chhungtinte kan fimkhur a \ul khawp mai.

Naupang infiam mai bakah, kawnga ke a kalten naupang kan kaih dan zawngte pawh hi kan fimkhur a \ha khawp mai, motor tlanna lamah kai lo hram ila kan him zawk ngei ang.

Kan mamawh em em kawngpui \ha kan nei a, naupang an infiam lo theilo a nih pawhin kan ven uluk a pawimawh khawp mai. Tin, kawng Cross dante leh kawng a kal fimkhur dan thlengin kan fate \heuh zirtir ngun ila, kan him tlan theih a rinawm.

ARTICLE

YMA KUMPUAN

RAM LEH HNAM HUMHALH

Episode I& II -Dawngkima

Senior Adviser, YMA Saikhamakawn Branch

Thuhma:

Hotute beiseina avangin insit hle chungin ziah hram hi YMA ve naah ka ngai a. KTP news lo chu chhuahna tur kan la nei leh bawk si lova, tlemte tala a lo chhuah ve chuan YMA hmingin lawmthu ka sawi e.

1. A |UL CHIAM EM NI?

Ram changkang apiangah hnam tin an inpawlhsawp a, khawpui lian apiangah hnam dang an tam a, van lal nau ang a \ahna Kalvari ah pawh hnamtin chi tin an dang chuang love kan ti a ni lawmni. Kan ram changkan leh \hanlen kan do tlat dawn em ni? Kan Lalpa duhzawng a ni angem? KA LO TI THIN, MAHSE.....

2. CHIMRALA CHANGKAN TE CHU THLAKHLEH HLEIH THEIHAH KA RUAT LOVE:-

Silchar, Kachar khawpuiah chuan vai phakar tawk hlang ka ti mai, a leilung fate, Kachari an vang teh a nia, CHANTLAK AN AWM TA LO, lungawi loh vanga hel tham pawh an awm tawh lo. Agartala i la hmu lo a ni mai thei, Silchar ang chiah. Tripura chu an tlangram mirethei, sawrkar ngaihsak loh leilung fa mi tlemte vuivai chu hlel angin NLFT an ding ve ngawr ngawr, CHHAN TLAK AN AWM TAWH MANG LO. Tlai khawhnuah harhchhuak, chhanchhuah harsa tawh tak Megalaya leh Assam hi an hel ho ten Hindi hmang an that leh zauh \hin. Hindi hmang an pung zel si Khasi ho te khu an va lainatawm leh chhawng em.

3. A LEILUNGFA NISI:-

Meghalaya kan lut chiah a, dawr tereuhte ah rial no pahnih thum leh biscuit bawmte nen Khasi nu tawite kamsir sem hiamin metre a ` 35/- man puan kova suihin thingpui leh kuhva a lo thutchilh ve a. Kheihriat kan han thleng chho a kawr ung khak tawk nen tire hal meilum aia workshop a thawkte chu leilungfa Khasi leh Jaintia an ni e. Shillong kan lut chiah dawr lian leh changkangh ve thung chuan vai hlir, office-ah lut ila peon leh chawkidar vai leh Khasi an pu officer te erawh vai hlir vai hlir! Kawila khur kotlangah bak hnam tana helte lainattu aw a awm tawh lo.

4. CHHANTLAK INTI MAHSE:-

Hel hlir chi sawm aia tam, a ruk pawh ngai lo, Manipur-ah chuan maw an Burma gate-ah chuan check gate hlir, custom, trade, police leh sawrkar gate dangte zat tawp helte chek gate an tlar tuarh an ti nia. Chi inpawlhsawp tam lutuk chu pawn lam a\ang lo pawhin chhungril nget a awm \hin. Kan ram ang deuh, keini ai maha mi hmasa leh hnam feeling la na, Naga ve khi mual dangah \awng a dang nghal zel a, an la in hrepawh vek lo lehnghal, \anrual a har awm e. |awngkhat hmante pawh hnam humhalhna tha tak a lo ni.

( Chhunzawmzel tur)

BENG TI VAr

A dik miah lo!

Film siamtu te hian pawisa tam tak sengin a ang thei ber turin an siam \hin a; a lo haw leh tur hre rengin sum pawh an seng hreh lo. Reasearch te beiin a dik dan turte an ngaihtuah a, a tak nen a inang em tihte an ngaihtuah \hin. Chutih lai erawh chuan a hmuhnawm tur zawnga an ngaihtuahna lamah tihsualte pawh an nei ve fo reng a, science thil nena inkalh tlat thil \henkhatte pawh a awm ve fo \hin. Ngaihdan dik tawk lo min neihtir phah a. An tihsual langsar ang reng tak pahnih chauh i’n chhui zui teh ang.

1. Petrol Alh : Film tam takah chuan petrol luang zuih-ah pakhatin a sikret zuk lai chu a’n pen per zeuh a, a alh nghal ta hluah hluah mai \hin kan hmu fo a; mahse a takah chun thil thleng thei lo tluka ngaih a ni.

America’s Bureau of Alchohol, Tobacco and Firearms a mite chuan Maryland-a an laboratory-ah a dik leh dik loh an enfiah a, petrol tlingah sikret nung lai chu an han thlak \hin a, sikret chi hrang hrang leh petrol chi dang dang, a dahna hmun leh a tam dan hrang hrang in vawi-2000 zet an enfiah hnuah pawh petrol chu zu kang thei hauh lo a!

Hetianga petrol tialh tur chuan nawalh emaw mei alh saa deh a ngai. Sikret bung mai chuan a tikang thei ngawt lo a ni. Petrol autoignition temperature chu 2460C

a ni a, kang tur chuan heti zata a sat phawt a ngai, diesel hi a kawng awl zawk a, 2100C-ah a kawng thei a ni.

2. Motor Puak : Motor-in chak lutukin an inum a, kham kar kawng zim lutukah an inum ta a, kawng kual zim takah chuan pakhat chuan a motor chu thunun zo loin a tlan liam a, a thlawk ta nal nal a. Kham koah insawhin a leng leh dawrh a, boruaka a kan lai, lei a la thlen hmain a puak ta dur mai \hin a, a entu tan chuan a hmuhnawm thei hle. Mahse a takah chuan thil vang tak a ni.

Motor chu kang hluah hluah mahse la, a puak mawh em em! Engine chu lo alh hluah hluah pawh nise, meialh chu tanky lam panin a kal mawh hle a, tanky a\angin petrol leiah a baw pah a nih chuan a alh thei ngei mai. Petrol tanky puak tur chuan tanky chhungah meialh a luh a, a kan vak a ngai. A nih loh chuan tanky pawn a kan hluah hluah a, tanky chhunga petrol awm chu a sat lutuk a, tuihua a lo chan a, chumi tuihu nekna sang lutuk avanga a puah chu a awm thei a. Mahse hei pawh hi tuihu khan chhuahna a neih phawt chuan a puak kher lo ang.

Chutiang bawkin ei-relna gas bur, pipe leak avanga a pawn lama a alhin mi tam tak a puah mai hlauin an phili \hin. Hei hi a \ul lo. Bur chhungah meialh a lut emaw a nih loh chuan gas bur chu pawn lamah sa lutuka a kan fe hnuah chauh a puak thei tih hriat tur a ni. Bur chhunga pressure a tam lutuk avanga puak chauh a ni tih hria ila. Gas bur kang reng reng chu buara emawa tuam hlupa, a alh chu huh mit mai tur a ni a, tuia leih loh tur a ni.

BIBLE QUIZ No.7

THUFINGTE 6-10

A kâr âwl dah khat rawh :

Q1. Ka fapa, i _______________________ kutah i awm tih inhriain hei hi ti la, intichhuak rawh; Kal la, itihuai la, i thenawm chu luh ngut ngut rawh.

Q2. _____________ hnênah chuan, “Ka farnu i ni,” ti la, _____________ chu i laichinnu vuah rawh.

Q3.Ka ka chuan thutak a sawi chhuak ang a,

__________________ chu ka hmui tan thil tenawm a ni.

Q4. I lo fin chuan, i tana fing i lo ni ang.

__________________ i nih chuan nangmah chau vin i tuar ang.

Q5. _________________ inhauna ahchawk chhuak a, ___________________ erawh chuan bawhchhiatna zawng zawng a khuh thin.

A bung leh châng dah rawh :

Q1.Mi nu uiretu chuan hriatna a nei lo a ni,

Ama nunna tiche tûr thil a ti a ni,

Bung: ________ Chang: _________

Q2.A tawngkam thiamin a thlem thlu a,

A infak mawinain a hruai bo ta a.

Bung: ________ Chang: _________

Q3. Aw nangni mi mawlte u, âtna kawng chu chhuahsan ula, nung rawh u;

Tin, hriatna kawngah chuan kal rawh u,” a ti a.

Bung: ________ Chang: __________

Q4.Thawngaleivir a lo virin mi suaksual chu a boral a,

Mi fel rawh chu chatuan lungphûm a ni.

Bung: ________ Chang: _________

Hming : ____________________________

Section : ____________________________

BIBLE QUIZ NO. 6 RESULT

Chhanna lut zawng zawng : 5

Chhang dik vek : 5

Lawmman dawngtu :Samuel H. Lalhlimpuia (V.Sec)

Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

PAVALAI PROGRAMME

Dt. 20.2.2014(Ninga zan)

A hmun : Pu Zothansanga In

Hruaitu : Pu VL Zidinga Sailo

|antu : Pu R. Vanlalsanga

Thusawitu : Upa Lalrindika

K.|.P HRIATTIRNA

Ni 22. 2. 2013 (Inrinni) hian Pi Hlimpuii huan sam a hnatlang neih tur a ni a, memberte \hahnemngai takin i thawkchhuak ang u. Nikhata zawh hram tum a nih avangin member ten i ngaipawimawh \heuh ang u.

Sd/-

(LALDUHKIMA)

Secretary

K|P Saikhamakawn Branch

Vawiin KHAWCHIN

A lum lai berin : 230C

A vawh lai berin : 200C

Ruah sur lo tur a sawi a ni.

(source :weatherforecast.com)

Admission Open For The Session (2014-2015)

Contact : 1) 9774630781

2) 8014442431

3) 8014389494

H.C. THAWNGA