MIPUI
AW
Vol. XVIII Issue No. 35
Kristian Thalai Pawl Saikhamakawn Branch Pathianni Dt.26.8.2012
VAWIN CHANGVAWN
Ka
fa, Lalpa thununna chu ngainep suh la, A zilhhaua i awmin inthlahdah hek suh;
Lalpa chuan a hmangaih chu a thunun thin a, Fa a lawm apiang chu a vaw thin
asin ni”
KOHHRAN PROGRAMME
26.8.2012(Pathianni)
Chawhma
S.S. Inkhawm
Tantu:
Pi
Rampuii
Chawhnu
Thusawitu: Upa Lalrindika
Zan
Inkhawm
Thusawitu: Pu
Lalrintluanga
KTP PROGRAMME
Dt.27.8.12
(Thawhtan zan)
Thupui
zir
Hruaitu :Nl.Lalhmunsiami
Tantu :Nl.C.Zosangliani
Thupui :Isua nen-Tunlai khawvel
Hawngtu :Nl.Pc.Vanlalruati
Thilpek lakh :Nl.Lalnunmawii
awmtu te :Nl.Zothanpuii (Kimkimi)
August
thla zai hruaitu turte
Hla hruaitu :Tv.Lalhmangaihzuala
turte Tv.R. Lalzamlova
Musician :Pu Lalduhkima
Pu Lalchhandama
FELLOWSHIP
PROGRAMME
Ni
26. 8. 2012 (Pathianni tlai)
A hmun: Pu
Lalrinliana In (V.Sec)
Hruaitu: Nl.
Brigitte Zonunmawii
Tantu: Tv.
Tlangdingliana
KOHHRAN HMEICHHE PROGRAMME
28.8.2012
(Thawnleh zan)
Hruaitu: Pi Zohmingthangi
Tantu: Pi Hualthangpuii
SERMON
THLARAU RAH
Tirhkoh Paulan Galatia
Bung 5 thuah Thlarau rah chi hrang hrang 9 min hrilh a. Heng Thlarau rah chi
hrang hrang 9 min hrilhte hi Ringtu, Thlarau Thianghlimin a chenchilh te nunah hmuh
theihin a rah chhuak ang nga, tisa chu, a sual ngaihtuahna te leh a chakna te
chawpin chu Ringtu nunah chuan khenbehin a awm tawh zawk a ni tih min
hrilh a. Hei hi ringtu Thlarau lam nun sawifiah na tha tak a ni.Chuvangin
vawiin a kan ringtu nun Thlarau Thianghlim chang sang in ti tak tak te nun hian
eng nge ka rah chhuah dan ti a kan in enfiah a tul hle mai.
Paulan heng Thlarau rah
chi 9 a sawi te hi he kan ringtu nunah hian tha tak leh duhawm takin a rah
chhuah theih nan Lal Isua Kristah-ah siam kan ni tawh a. Tin, tisa a sual
ngaihtuahna te leh a chakna te chawpa kan khenbeh theih nan Krista-ah buatsaih fel diam kan ni tawh bawk. Chuvangin
Pathian chuan he nun hi duhawm taka rah chhuak tur hian keimah niah chuan
a tihtur zawng zawng chu a hlen chhuak famkim tawh. Rah chhuah nun i
neih leh neih loh chu nangmahah engkim a in nghat tawh a ni.
Mi, Thlarau Thianghlimin
a chenchilh nun neitu, rah duhawm tak taka rah thin te nunah chuan miten
chawlhna an hmu thin. A nihna takah chuan heng thlarau rah chi 9 te hi mahni in
haivur a kan hlimna tur leh kan lawmna tur ringawt atan chuan rah chhhuah tir
theih a ni lo. Chu chu kan Pathian tum dan leh ruahman dan pawh niin a lang lo.
Midang te tan a Malsawmna kan lo nih theih nan a rah chhuah tur kan ni. Heng
Thlarau rah Hmangaihna
te, hlimna te, remna te, dawhtheihna te, ngilneihna te, thatna te, rinawmna te,
thuhnuairawlhna te leh insumtheihna te hi a rah chhuahna hmunah midang ten an
hmu a, malsawmna a chang thin. Mite an hlim a,
remna te a awm theih nan, insumtheih te, thuhnuairawlh hram hram a tul
hun a awm ang. Chutiang hunah chuan keimahni lam nawmna tur pawh ni lo mah se,
hrehawm ti tak chung pawhin Thlarau mite chu rah tur kan ni tawh si a.Chutiang zelin midangte
tan malsawmna ni tur in Thlarau rah chi
9 te hi keimahniah rahchhuah tir chat chat tur a famkima thuam kan ni tawh. Rah
chhuah hun a rah chhuah tir thei lo thin tu Tisa erawh chu thil ti thei lo tur
a khengbet zel tur kan ni.
Kan Lal Isua chuan “Thing tha a piang a rah tha
a,thing chhia apiang a rah chhe thin” a ti a. Chuvangin vawiin a kan
ringtu nun hi eng nge ka rah chhuah dan ti a kan in enfiah a tul hle mai. Kan ngaihdan leh ni a kan rin
dan atanga thlir mai lovin; heng Thlarau rah chi 9 te hi ‘A’ nunah duhawm tak
leh tha takin a rah chhuak em? tih hi a
pawimawh zawk tak chu a ni. Thing tha a piang a rah tha thin si a.
EDITORIAL BOARD
(
Editor
:
Tv.PC.Vanlalhriatpuia - 9862732381
Jt.Editor:
Pu
R. Lalmuanpuia - 9612159842
News
Editors :
Tv.RLalzamlova - 9612413196
Tv.R.Zodinsanga - 8974743073
Tv.F.Laldingliana - 9862378567
Tv.Lalhmangaihzuala - 9862846345
Circulation
Manager:
Pu.C.Lalnunsanga - 9612413287
Editorial.........?
GOBAL WARMING
Tunlai mithiamte
rilru tihah tu ber pakhat chu kum tin khaw lum lam sang zel hi a ni a. Ramngaw
tam tak a chereu mek zel bawk si, chutih laiin kan boruak ti chhe zel thei
chemical tha lo tak tak ti chhuak thei tunlai khawvelah kan hmang nasa bawk si.
Kan awmna khawvel hi chhuan lo kal zel turte tan khawvel awmna tlakah kan siam
lo takngial dawn. Mitin mawhphurhna a ni tih kan hriat tlan a tul tak meuh meuh
tawh a ni.
Y.M.A lam pawhin rampum huap in tuihna humhalh
programme lian takin an kalpui mup mup mek a, he thil hi a hlawhtling a nih
ngat chuan Global Warming nasa lutuk venna kawngah pawh ko ri a tu thui hle
dawn, hei vang hian thu mai a thlawp lovin thiltih nen nasa taka kan thlawp a,
kan thawh ve a tul tak zet a ni.
Kan sawi tak
khawlum chak lutuk leh tunlai Mizoramah ngeiah pawh tuihna lo tlem tual tual hi
a chhan bera lang chu thing leh mau, ramngaw kan ti chereu nasa lutuk hi a bul
ber chu a ni tih kan hre tlang theuh awm e. Tunlai khawvel in a buaipui em em
Global warming hi keini kutah hian a siam that theihna chu a awm a ni tih kan hriat
thar a, tui hna lo kang zel tur pawh keini veng ngei pawh hian kan siamtha thei
a ni tih hi i hre mawlh ang u.
ARTICLE
I WINDOWS COMPUTER-A KEYBOARD SHORT CUT I HMAN THEIH HRANG HRANGTE
(Chhunzawmna)
Dinga Fanai.
File
Copy turin:CTRL key i hmet anga, i hmeh lai chuan folder dangah i drag lut
dawn nia.
Shortcut
siam turin:CTRL key i hmet anga, i hmeh lai chuan file kha desktop-ah iva
drag phei tawh mai ang.
General
Folder/Shortcut Control:
F4:
Go To select a, Folder box hran leh entiry ho box-a pawh thlakna. (Windows
Explorer-ah toolbar a active a ngai)
F5:
Window Refresh-na.
F6:
Windows Explorer-a hmun hrang hrang ami thlan kualna.
CTRL+G:
Go To Folder tool hawnna (Windows 95 Windows Explorer-ah chauh)
CTRL+Z:
Command hnung ber laklet lehna.
CTRL+A:
Select vekna.
BACKSPACE:
Folder hma chiaha let lehna.
SHIFT+click+Close
button: Folders atan, folder hawn lai mek leh parent folder ho close vekna.
Windows
Explorer Tree Control:
Numeric
Keypad *: Kan select tawh ho zawng zawng expand-na.
Numeric
Keypad +: Kan select lai mek expand-na.
Numeric
Keypad -: Kan select lai mek collapse-na ve thung.
RIGHT
ARROW: Kan select lai mek chu expand ala nih lohvin expand nana hman a ni,
tichuan first child-ah alo kal ang.
LEFT
ARROW: Kan select lai mek chu collapse ala nih lohvin collapse nana hman a ni,
tichuan parent-ah alo kal ang.
Properties
Control:
CTRL+TAB/CTRL+SHIFT+TAB:
Property tabs Accessibility Shortcuts kal kual velna.
SHIFT
vawi nga hmehin: Toggles StickyKeys on leh off-na.
Down
leh SHIFT key dinglam second riat a rei
hmehin: Toggles Filter Keys on leh off.
Down
leh NUM LOCK key second nga a rei hmehin: Toggles ToggleKeys on leh off.
Veilam
ALT+ veilam SHIFT+NUM LOCK: Toggles MouseKeys on and off.
Veilam
ALT+velam SHIFT+PRINT SCREEN: Toggles high contrast on leh off.
Microsoft
Natural Keyboard Keys:
Windows
Logo: Start menu
Windows
Logo+R: Run dialog box
Windows
Logo+M: Minimize vekna
SHIFT+Windows
Logo+M: Minimize tawh ho dah let lehna
Windows
Logo+F1: Help
Windows
Logo+E: Windows Explorer
Windows
Logo+F: Files or folders zawnna
Windows
Logo+D: Windows hawnsa zawng zawng minimizes vek a, desktop tihlanna
CTRL+Windows
Logo+F: Find computer
CTRL+Windows
Logo+TAB: Start atangin,Quick Launch toolbar-ah, system tray-ah kalna (Quick
Launch toolbar leh the system tray-a kal tur hian RIGHT ARROW or LEFT ARROW
hman tur)
Windows
Logo+TAB: Taskbar buttons kal kual velna
Windows
Logo+Break: System Properties dialog box lanna
Application
key: Kan select item-a shortcut menu a rawn display ang.
Microsoft
Natural Keyboard-a IntelliType Software Install in:
Windows
Logo+L: Log off Windows
Windows
Logo+P: Print Manager hawnna
Windows
Logo+C: Control Panel hawnna
Windows
Logo+V: Clipboard hawnna
Windows
Logo+K: Keyboard Properties dialog box hawnna
Windows
Logo+I: Mouse Properties dialog box hawnna
Windows
Logo+A: Accessibility Options hawnna (install in)
Windows
Logo+SPACEBAR: Microsoft IntelliType shortcut keys list ho tihlanna Windows
Logo+S: Toggles CAPS LOCK on leh off
PROTECTION OF WOMEN FROM DOMESTIC VIOLENCE ACT 2005
Domestic Violence
kan tih hi hrilhfiahna mawl zawk awlsam zawkah chuan ‘inchhungkhura
hleilenna/innghaisakna’ tihna a ni.
Inchhungkhura
cheng hote zinga taksa nghaisakna, mipat hmeichhiat thila nghaisakna, tawngka
leh rilru lama indiriamna leh ei leh bara inhrekna ang chite hi a huam tel vek
a ni.
He dan Section
3-na chuan inchhungkhura hleihlenna chi li a tarlang.
1) Taksaa innghaisakna: Ben, vuak, pet, nam, chum leh
kutthlakna dang reng reng.
2)Mipat hmeichhiatna/hurna rawngkaia innghaisakna: A bikin
mipat hmeichhiatna rawng kaia hmeichhiate zahawmna tihbawrhban sak.
3) Taksa leh rilru lama innghaisakna: Auh nawmnah, diriam
taka tawngkhumna, fa neih theih loh emaw fapa hrin theih loh avanga diriamna, invauna
etc..
4) Ei leh bara inhrekna: Fate enkawlna tur sum leh nitin
khawsakna atana mamawh thil inhreksak, hmeichhiate leh fate eizawnna tih tawp
sak, etc..
Tutenge zualko thei?
# Hmeichhia tupawh hleihlenna thlentu (Respondent) nena
inchhungkhura inlaichinna lo nei tawh (Entirnan farnute, hmeithaite, nute,
nupuite, fanute, chhungkaw zinga chengho tawhte, etc.).
# Inchhungkhura inngaihsakna leh hleilenna lo tuar tawhte.
#Naupangte pawh a huam (tupawh an aiawhin an zualko thei).
#Tute pawhin thenawm leh veng danga hetiang harsatna tawk an awm a
ni tih an hriat phawt chuan report thehluh theih a ni.
Tute lakah nge a zualko(Complain) theih?
# Mipa puitling tupawh complaint thehluttu hmeichhia nena
inchhungkhura inlaichinna lo nei tawhte.
# Pasal emaw mipa chhungte.
# Chhungte tih hian mipa leh hmeichhiate a huam tel vek.
Tu hnenah nge kan zualko ang?
# Police Officer #
Protection Officer
# Service Provider #
Magistrate
Inchhungkhura i harsatna azirin, heng tanpuinate hi i beisei thei
ang:
1. Residence Order: Mahni inchhungkhura thlamuang taka chenho
theihna. (Sec. 17)
2. Protection Order: Inchhungkhura hleihlenna hrang hrang laka
venhimna thupek. (Sec. 18)
3. Monetary Relief: Inchhungkhura hleihlenna avanga hloh tawh
hmuhlet leh theihna.
4. Temporary Custody of Children: Fate/naupangte kawl lailawk
theihna leh him taka an chen theihna. (Sec. 21)
5. Compensation Order: Inchhungkhura hleihlenna tuartute hamthatna
tura zangnadawmna pek. (Sec. 22)
6. Interim and ex-Parte Order: Court thupek thluantling a chhuah
hmaa buaina awm thei ven nan leh innghaisakna a thlen chhunzawm loh nana thupek
lai lawk.
# Indian Penal Code (IPC) Section 495A hnuaiah a tuartuin case a
siam zawk thei bawk a ni.
He dan danglam biknate chu:
# Magistrate-in heng thubuaite hi ni sawmruk(60) chhungin a
chingfel tur a ni.
# Magistrate chuan Counseling nei turin a tir hmasa phawt thei.
# Magistrate rorelnaa lungawi loh chuan ni sawmthum(30) chhungin
Session Court-ah appeal theih a ni.
BIBLE QIUZ NO. 35
I SAMUELA BUNG 11-15
A Kâr âwl dah khat rawh :
Q1.Chutichuan an mi tirhte chuan Saula awmna khua
................. chu an lo thleng a, mipuite beng hriatah chuan chung thu chu
an sawi a; tin, mipuite chuan an aw an chhuah a,
an tap a,
Q2.Tin, anni chuan, “Min
bum ngai lo va, min tiduhdah ngai hek lo, tuma kut atangin
................. awm loh i la ngai hek lo,” an ti a.
Q3. Tin, Israel-ho zawng zawngte chuan, Saula chuan
Philistia ral vengtu sipaihote a bei tih leh Israel-hote pawh
................................... mite huat an phur ani tih thute an lo hre
ta a.
Q4.Hei hi a chungchâng thu LALPAN a sawi chu a ni:
...................... fanu nula chuan a hmusit chia, a nuihzatbur che;
Jerusalem fanu chuan a lu a thin khum che.
A bung leh Châng dah rawh :
Q1.Tin, Samuela chuan mpui hnênah chuan, “Mosia leh Arona
ruattu leh Aigupta ram ata in pute hruai chhuaktu LALPA chu a ni asin.
Bung:
............... Chang:
....................
Q2. Hebrai mi thenkhatte chu Jorda ralah Gad leh Gilead
ramahte an tlan a; Saula erawh chu Gilgal-ah a la awm reng a, mipuite chuan
khur zawih zawih chungin an zui a.
Bung:
................ Chang:
....................
Q3. Chutichuan Jonathana chuan, “hawh teh, an hneah sawn
kan va kal kai ang a, kan va inlan ang a.
Bung:
................ Chang:
...................
Q4.Tin, Amalek mite lal Agaga chu a nungin a man a,
mipui zawng zawngte chu khandaihin a sat hlum vek a.
Bung:
................ Chang:
....................
Hming :
......................................................
Section :
.....................................................
BIBLE QUIZ NO. 33 RESULT
Chhanna lut zawng
zawng: 3
Chhang dik vek: 3
Lawmman dawngtu:
Lalrinsanga (Ch.Sec)
Bible Quiz leh
lawmman hi Cir. Manager Pu.C Lalnunsanga hnenah thehluh a, lam thin tur a ni
CAMPING ZO
CYMA bultum a ruihhlo ngaite puala chhanchhuahna
camping chu nimin inrinni khan zawh a ni ta. Ni 13.8.2012 atanga camping
buatsaihah hian mi 292 lutin a tawp thlenga awm hi mi 181 an ni.
TAWNGTAI TLAIVAR
Kumin 2012 KTP General conference-in
Zoram pum huap Branch KTP tawngtai tlaivar nei tura a lo pass tawh chu keini
branch pawhin naktuk ni 27.8.2012 (Thawhtan) zan inkhawm ban hian he hun hi a
hmang dawn a, dar 9:00 ah tan tur a ni. Session li (4) ah then a niin session
tinah hian thupui hrang hrang hmanga tawngtai rual na hun hman tur a ni.
Session I:
Hruaitu: Upa
Lallawmchhunga
Session II (11:00 - 12:30)
Hruaitu: Pu
Lalremruata
Break
(12:30 - 1:30)
Session III ( 1:30 -
2:30)
Hruaitu: Pu
Lalduhkima
Session IV ( 3:00 - 4:30)
Hruaitu: Pu R.
Lalmuanpuia
QUIZ RESULT
KTP Upa Denghluma group ten Bible
Quiz an siam chu result tihchhuah niin lawmman dawngtute chu:-
1.
Zawhna leh chhanna- Rs150
Dawngtu:
Lalrintluanga Melthum
2. A
kar awl dahkhah- Rs150
Dawngtu:
Liankhumi SKK
3.
Tu sawi leh tu hnena sawi nge- Rs150
Dawngtu:
R. Lalrinsangi Hlimen
4.
Bung leh chang dah- Rs100
Dawngtu:
Zothanpuii SKK
5.
Remdik- Rs100
Dawngtu:
H.Lalmuanpuii, Melthum
PAVALAI PROGRAMME
Mission Vengthlang Kohhran Pavalai
pawl nen in tlawhtawn na hun hman tur a ni.
A hmun:
Saikhamakawn Kohhran biak In
A hun: Ni
30. 8. 2012 (7:00 pm)
Chairman: Pu
T.Lalrinthanga, Chairman SKK Pavalai.
Tantu: Pu
Lalremthanga , Mission vengthlang
Zaipawl:
Saikhamakawn & Mission Vengthlang Pavalai Pawl
Sermon: Pu
Ramdinsanga, Tre. Mission Vengthlang Pavalai
LETTER
TO EDITOR
( Editor ngaihdan a ni vek kher
lo)
Subj: Traffic chungchang hi..
Ka pu kan hriat
theuh angin kan vengchhungah ni 16.8.2012 atang khan traffic duty an awm ve ta
a. Vengchhung mipui te tan kawng tamtaka thatna awm mahse a buaithlakna chin a
awm thei awm e, mahse kan in siamrem a tul tihna a ni mai.
I chanchinbu
issue hmasa lamah traffic lam atang ngei pawhin vengchhung mipui te hriattirna
rawn tihchhuah a ni tawh a, mahsela vengchhung mipuite man ngai ang chi kan la
awm zeuh zeuh niin a lang, a bikin two wheeler khalh tute vengchhunga zanlen
taka kan in khalh kual mai mai thin na ah helmet nen rules dik taka in khalh
chhuah kan in zir a ngai ta. Mi vengah pawh kan zawm that theih em em hi mahni
vengchhungah ngei pawh kan ti thei ve a ni tih in hria in dan zawm hi zalenna a
ni tih i hre thar ang u.
DANNGAINATUA
TUALCHHUNG
,Pu J. Lalpara w/o
Pi Lalchhanhimi (V.sec) chu damlohna avangin Civil Hospital ah enkawl mek a ni.
,Pu Zoramnghaka h/o
Pi Lalduhawmi (Maduhi) (V.sec) te nupa chuan a pathum na atan fanu duhawm tak
an nei thar.
,Pu C. Lalremruata
h/o Pi Lalvulmawii (V.sec) te nupa chuan a palina na atan fapa duhawm tak an
nei thar.
,Pu Lalrinawma h/o
Pi Lalrinawmi (V.Sec) te chhungkua chuan tul leh mamawha hman atan car (Maruti
800) an lei thar.
GROUP BUDGET TLAK
Saikhamakawn Branch KTP a group
hrang hrangte chuan kum chanve budget Rs. 5000 (July- November) chu an tlak fel
a, branch committee chuan group tin te chungah lawmthu a sawi a ni.
Sd/-
Secretary
Branch KTP
ZANIN EPL INKHEL
TURTE
Stoke city Vs Arsenal
( 6:00)
Liverpool Vs Man.City
(8:30)
Zalenna dawn tharin thil sual a puak
chhuah tihrehna damdawi pakhat chiah a awm a, chu chu zalenna a ni.
-
Lord Macauley.
Mipui Aw lam atanga hriattirna
Kan chanchinbu Mipui Aw hi a herna khawl kan tihchhiat
avangin kan hmang thei lova, a part hi chah mek a ni a. Chuvangchuan Offset-ah
Print tir a ni a, part hi hman theih anih veleh a pangaia rawn tihchhuah leh
tum a ni.
PUBLISHED BY
LITERATURE SUB. COMMITTEE KTP SAIKHAMAKAWN
BRANCH, COPIES : 300
