Mipui Aw 11.1.2015

MIPUI AW

KARTIN CHHUAK

Vol. XXI Issue No. 2 Kristian Thalai  Pawl  Saikhamakawn Branch  Pathianni Dt.11.1.2015

KOHHRAN PROGRAMME

11.01.2015 (Pathianni)

|antu              : Pi Chawngthanpari

Zirlai 1-na      : Kohhran Thurin sawi fiahna

Chawhnu inkhawm

Thuhriltu       : Upa Zonunmawia

                        Zân inkhawm

Thuhriltu       : Upa Lalrindika

VAWIIN TLAI K|P FELLOWSHIP

11.1.2015 ( Chawhnu Inkhawm ban)

Hruaitu           : Pu Lalchhandama

|antu              : Nl. M.S.Dawngliani

A hmun          : Sunday School Hall

1 -15 Zai hruaitu: Tv F. Laldingliana leh Nl. Brigittee Zonunmawii

Keyboardist   : Pu Lalremruata

K|P PROGRAMME

      12.01.2015 (Thawh\anni zan)                                        Ruby Jubilee lawmna      A hmun: Sunday School Hall            

Hruaitu           : Pu R.Lalmuanpuia (Leader)

|antu              : Nl. C.Lalrempuii

Thuchah          :  Upa Lallawmchhunga(Represent)

                        Special Item

Solo (hruaitu hlui a\angin) : Upa Lalzama (Saphla)

                        : Upa Lallawmchhunga

                        : Pi Lalrinngheti                          

Hruaitu hlui Zaipawl 

Special Item    : Upa R.Lalngena (Josefa Drama)

Solo                         : Nl.Lalngaihawmi Ralte leh Tv.C.Lallawmawma

Thusawi          : A duh apiang tan

Branch Chanchin langthei tar lan

Live Music      : Tv V.Lalsangzuala leh a \hiante

  Refreshment tui tak buatsaih a ni ang.

KOHHRAN HMEICHHE PROGRAMME

13.01.2015 (Thawhlehni Zan)

Kristian Chhungkaw pual Inkhawm

Hruaitu           : Pi Lalchhanhimi

Thu hriltu      : Upa Lalzuiliana (Represent)                                                 

       

SERMON

HARSATNA

            “Hrehawm tam tak tuarin Pathian ramah kan lût tur a ni reng a ni,” tiin zirtirhote rilru an tinghet a, rinnaah chuan awm reng turin an fuih zêl a. Tirhkohte 14:22

            Harsatna tih hian a ken tel ni a lang chu hrehawmna hi a ni awm e. A bîk takin Mizote chuan nuamsa taka sum tâmtak thawhchhuah hi kan duh deuh vek niin a lang. Hei vang hian hrehawm tawrh kan peih lova, harsatna tawh kan zûam lo tih a hriattheih awm e. Mahse harsatna leh hreawmna paltlanglo hringnun chu a der dêp a, a chaklo thin, hei vang hian harstna hi mihring min tipuitlingtu ti pawhin sawi ila kan sawi sual awm love. Hetiang chiah hian kan thlarau nun kawngah pawh sual vanga harsatna tâwk ngai lo ringtu nun chu ngaihtuahawm anihna chen pawh a awm thei âwm e.

            Kan Pathian thu chuan Vanrama lût tur chuan hreawm tam tak tawrh angaih thû min hrilh a. A chhan chu vanram kan luhna kawng chu kawng nuam a ni lova, kraws kawng a nih tlat vang a ni. Ringtu ten kan tum ber chu vanrama kal a ni a, min hmangaihtu Pathian hnêna chatuana awm a ni. Chumi hmun thleng tur chuan kan nitin nunah Pathian duhdâna kan awm a \ul a, mahni hreawm pawisa lova Pathian duhdân ang zawka nitinâ awm a \ul tak meuh meuh a ni. Tûnlai \halai te tân ngat phei chuan \hiante nên duh d^n leh nuam tih z^wng z^wnga awm theihna tur t^m tak a awm tawh lai kârah hian Pathian duhzâwng ang taka nitin hun hman chu a harsa \hin viau reng a, tam tak phei chu khawvel lamah an kir leh rêng \hin a ni. Hetiang anih avang hian ringtute chuan harsatna tawh inpeih renga nun hman a \ul a, Krista vanga ropuina chauh nilo harsatna tawh pawh huam a ngâi a ni.

            A nih chuan engtiangin nge harsatna lo thleng \hin chu kan hmachhawn t^k ang le? Hetia ngaihtuah mai chuan thil huphurh awm tak a ni a, kan lo pianthar chiah pawh hian harsatna kan tawh tur ngaihtuahin huphurna rilru; tâmtak chuan kan nei nghâl \hin rêng a ni. Nimahsela kan Pathian thu chuan ‘Min tichaktuah chuan engkim ka ti thei’ a lo ti a. Pathian kan lama a \an chuan tihtheihloh a awm lo a ni tih chiang takin kan Pathian thu vekin min hrilh a ni.

            Harsatna leh hreawmna kan nuna lo thleng \hin hi Pathian nên kan hmachhawn loh chuan mihring chakna hmang chuan hneh theih loh chin a awm \hin. Kan nitin nunah eng harsatna leh eng hrehawmna pawh lo thleng sela Pathian kan auh tlat a, a chakna ring tlat chung leh b^ng lova \awng\ai chunga kan hmachhawn chuan harsatna leh hrehawmnain min hneh ngai lovang.

                 

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

Hlawhtlinna...      

            Kan hunpui kanhmang zova, Mitinin mahni eizawnna ngai \heuh thawkin phet leh suau suau a hun ta. Zirlai naupangte pawh nitin kan zirna hmunah kan kal leh a ngai dawn tawh bawk. Chutiang chuan mahni kawng \heuh zawhin nitin kan hun kan hmang leh  dawn a, taihma taka thawkte leh bei hram hramte chuan hlawhtlinna an hmu dawn a ni. Thawh hun laia thawk peih si lo, a rah seng dawna duham leh viau si a awm theih ngei ang. Chutiang mi kan nih loh nan kan thil tih \heuhvah hian taihmak chhuahin, hlawhtlinna hai chhuak khawpin i thawk  ang u.

            Tin, mi engang nge hlawhtling kan tih te hi an inang lo thei bawk. He khawvelah chuan sum leh paia kan intlansiakna a nasa hle. Tin, Zirlaite pawhin enge kan zir chhan? Tiin han inzawt ta ila, Sorkar hna eng emaw ka thawh theih nan tih  emaw, kan retheih lutuk loh nan tih emaw a ni hlawm ngei ang. Ni e, chu chu he khawvelah chuan kan tum lian ber a ni fo \hin. Chu i thil tum chu ti hlawhtling tur chuan theihpatawpa i thawh/beih a ngai \hin. Tin, hlawhtlinna nei tur chuan kan thil tumah kan chian pawh a ngai bawk. Tum mumal pawh nei lem lova zirlai nih te leh eizawnna kawnga tal buai ve chiam mai te hi an hlawhchham fo \hin. Hlawhtlinna  i neih theih nan i tum chiang rawh le.  

           

ARTICLE

MIZORAM LEILUNG

-Laldinpuia Chhakchhuak

            Tun \um chu Mizoram leilung lo pian chhuah dan tlem azawng leh a tlangpui chauh han tarlang ve ila. Plate Tectonic Theory in a sawi dan chuan kum maktaduai 350 kalta khan he khawvelah hian khawmualpui pakhat Pangea a awm a. Chu khawmualpui chu tuifinriat pakhat Panthalasa in a hual chhuak a. Kum maktaduai 200 hma deuhin chu khawmualpui Pangea chu khawmualpui pahnih Gondwana leh Laurasia ah te a keh darh a, a inkarah Tuipui pakhat Tethys Sea a awm a. Kum maktaduai 200 lai velin Laurasia leh Gondwana te chu a keh darh leh a.. Laurasia ah chuan tuna Asia, Europe leh N.America Khawmualpui te a awm a. Gondwana ah chuan s.America, Africa,Antartica, Australia leh India sub-continent te a lo insiam a ni.

            Gondwana leh Laurasia te an keh darh veleh khan an keh them te chu tuna khawmualpui(continent) lo ni ta te hi tuna an awmna \heuh pan hian convection current avangin an tawlh darh ta a.India sub-continent(India Plate) hi hmar lam panin kum khata 3-5cms a chakin a chho hrut hrut a. Kum maktaduai 55 velah Asia Plate leh a bul a awm Tethys Sea a han thleng a. India Plate chuan Asia Plate chu a nawr ta ngat ngat a. India Plate in Asia Plate a nawrna ah chuan an inkara awm Tethys Sea chu a hrut kang chat mai ni lovin  a chhuat te chu a sep kang sang(uplift) chuar te neng nung mai a. Tethys Sea kangchat a, a chhuat lei lo in sep sang ta te chu tuna Himalaya tlangdung (Mizoram pawh telin) a lo ni ta a ni. Mizoram leh Himalaya pumpui hi tuifinriat chhuat (floor) a lo ni tawh tihna a nih chu. Mizoram hi leilung naupangte kum maktaduai 40-50 vel leka upa a ni a, kan tlangdung chhim leh hmar zawnga in khawh te pawh hi hetia Asia Pate leh India Plate in nawr tawn vang hi a ni. Ramsa mang (extinct) ta Dinosaurs hunlai (Jurassic Period) lai kha chuan Mizoram hi Tuifinriat (Tethys Sea) chhuat (floor) a la ni.

           

            Hmun thenkhat- lung lakna hmun(quarry), kawng kam leh lung poh chhuak ah a\angin hmanlai nungcha ruhrel(tuikep,chengkawl etc.) leh ramhmul(plants) lung a chang ta (fossil) a\anga zirin Mizoram hi tuifinriat pawnlang (shallow marine) lam deuh ah a lo awm tawh thin a. Heng rannung lung a chang ta (fossil) te hi hetiang ang hmuna cheng an nih vang a ni.Heng fossil hmuhchhuah a\ang te hian kan ram hi kan \henawm Myanmar(Burma) aiin kan naupang a tih theih. Mizoram hi leilung tlakhawm (sediments deposit) a\anga insiam a lo awm a ni a, kan lung zawng zawng pawh hi sedimentary rock vek a nih avangin tlangkang (volacano) a awm lova,lei chhung thil hlu-lunghlu leh lungmawi dang beisei tur a awm lo bawk a ni. Mizoram a hmun sang ber chu Phawngpui niin tuifinriat zawl (Sea Level) atangin 2157metres a sang a ni a, hmun hniam ber chu Tlabung niin Sea Level atangin 21metres chauh a sang a ni thung a ni.

           

BENGTI  VÂR

KRISTIAN |HALAI PAWL INKAIHHRUAINA DAN

1. Pawl hming : Kristian |halai Pawl (K|P)

2. Thupui : Rawngbawl tura chhandam

3. Thupui innghahna : Ephesi 2:10

“Thil \ha ti atan Krista Isuaah chuan siama

awmin ama kut chhuak kan ni si a; chu thil \ha tih chu kan awmna turin Pathianin a buatsaih lawk a ni.”

4. A thil tumte :

1) Isua Krista rinna leh amah anna kawnga

?halaite hruai.

2) Kohhran kutke ni tura \halaite buatsaih.

3) Kohhran hnathawh tihpuitlin.

4) Krista Chanchin \ha puan darh.

BUNG - I

MEMBER NIHNA LEH DINHMUN

1. Kristian |halai Pawla tel turte chu Presbyterian Kohhran mi an ni tur a ni.

2. Kum 14 a\anga 40 thleng, he pawl thiltumte pawma lo tel duh apiangte chu pawl member an ni thei ang.

3. Branch-in kum tinin an Kohhran huam chhunga Kohhran in tina lutin pawl member tur, mahni duhna ngeia inpete hming a ziak lut \hin ang.

4. Kohhran dan chhunga awmte chauh he pawl Office Bearer, Committee member leh rawngbawlna pawimawh dang atan hman tur a ni.

BUNG - II

PAWL INDIN DAN

Kristian |halai Pawl hi chhawng thum - Branch, Bial leh Central tia \hen a ni a. A insuihkhawm dan atan chuan a hnuaia tarlan ang hi zui a ni ang.

1. Branch K|P :

1) Kohhran leh Branch Church tinah Branch pakhat zel a awm thei ang.

2) Branch KTP chu Kohhran Committee remtihpuiin din tur a ni a. Branch din fel a nih veleh Bial K?P Committee kaltlangin Central K|P.-ah inziah luhtir tur a ni. Hemi rual hian Registration fee Rs. 50/- an pe nghal bawk ang.

3) Office Bearer-te chu hengte hi an ni ang :

i) Leader                      ii) Assistant Leader

iii) Secretary                iv) Assistant Secretary

v) Treasurer

vi) Finance Secretary

4) Branch K|P Committee-a tel turte chu hengte hi an ni ang :

i) Office Bearer-te

ii) Committee member atana ruatte

iii) Kohhran committee aiawhte

iv) Ex-Officio member-te :

a) Bialtu Pastor leh Pro. Pastor

b) Branch huam chhunga Central K|P hruaitu \anglaite.

c) Branch huam chhunga Bial K|P Office Bearer \anglaite

5) Kohhran Committee-in \ul a tih chuan Branch \hiah thlengin thu a nei ang.

6) Branch K|P committee-in \ul a tih chuan nBranch chu Group hrang hrangah a ?hen thei ang.

2. Bial K|P :

1) Bial tinah Kristian |halaite insuihkhawmna Bial KTP din a ni ang.

2) Bial K|P chu Bial Standing Committee remtihpuia din tur a ni a; din fel a nih ve leh Central K|P-ah inziah luhtir tur a ni.

BIBLE  QUIZ  No.54

HOSEA BUNG (6-10)

A kâr âwl dah khat rawh :

Q1. Hawh u, LALPA hnênah i kîr ang u: Min lo pawt sawm tawh na a, min tidam leh dâwn si a, Min lo vaw tawh na a, min tuam leh dâwn si a.

Q2. Isrel tihdam ka tumin Ephraim khawlohna a lo lang a, Samari suahsualna nên: bum an chîng a,

Q3. Tawtawrâwt chu i hmuiah chuktuah rawh. Lalpa chhûngte chungah mupui angin a lo kal e, Ka thinlung an bawhchhiata, Ka dân an helsan avângin.

Q4. Aw Isrsel, hnam dangte angin hlim so bûng bûng khawpin lâwm suh; I pathian chu nawhchi zawrhsan a, Hruih zâwl tina aman chu i ngaina si a.

Q5.Israel chu grêp hrui duah tak, rah ngah tak a ni a: A rah tam hu ang zêlin a maichâm te a tipung a; A ram \hatzia ang zêlin lungserhphun \ha tak a siam a.

A bung leh châng dah rawh :

Q1. Ka mite saltânna ata ka hruai kîr hunah chuan, Aw Juda, i tân pawh rah seng tûr ruat a ni.

Bung: ...............          Chang: ....................

Q2. Ka pathian chuan anni chu a paih bo vang Amah an bengkhawn  loh avângin: Tichuan hnam dangte zînga vakvaiin an awm ang.

Bung: ................         Chang: ....................

Q3. Nangni Bethel mite u, In sual nasa tak avângin Chûng thil chu in chungah a lo thleng dâwn, Israel lal pawh khawfîng chah hmâin a boral ang.

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 53 RESULT

Chhanna lut zawng zawng : 6

Chhang dik vek                       : 6

Lawmman dawngtu: C.Laldintluangi (V.Sec)

         Bible Quiz chh^nna leh lâwmman hi Circulation Manager C. Laldawngliana hnenah thehluh a, lam \hin tur a ni.

K|P RUBY JUBILEE

            Naktuk ni 12.1.2015 hi Kristian |halai Pawl, Saikhamakawn Branch Ruby Jubilee ni a ni a, chhun lamah Synod Hospital tan thisen pek tur a ni a, member ten pek theih \heuh i tum ang u. Tin, zan lamah hian Ruby Jubilee pualin Programme hlimawm tak hman a ni bawk ang.

PAVALAI PROGRAMME

15.01.2015 (Ningani Zan)

Hruaitu       : Pu V.L.ZidingaSailo

|antu         : Pu T.Lalduhawma

            Sharing leh |awng\ai ruala hun hman a ni ang.

LAWMTHU SAWINA

            Keini Taitesena Section YMA ten a kan kawn chei na a phal taka thlatina kan khawn thawhlawm  min thawhsaktute leh a hnu lama \anpuina sum leh pai min pe tute leh phal taka motor leh hmanrua leh kan chet velna hmunhma min hmantirtute, tha leh zung tam tak seng a thawkchhuak \hinte chungah Taitesena Section YMA chuan lawmthu kan sawi tak meuh meuh a ni.

      Kawn chei nana kan sum hmuh leh senso:

1) |anpuina hmuh zawng zawng: ` 58,560/-

2) Hmanral : ` 64,560/-

Sd/- (ZODINPUIA)

Secretary

Taitesena Section YMA

GAMES & SPORTS HRIATTIRNA

         Saikhamakawn Games & Sports Association chu ni 13.1.2015 (Thawhlehni) zan hian kum 2015 hruaitu tur Tv. F.Lalmuanpuia te inah thlanna neih tur a ni.

KUM 2015 MHIP HRUAITUTE

President: Pi Rozami

V. President: Pi Lalchhingpuii

Secretary: Pi Lawiziki

A. Secretary: Pi Lallianpuii

Treasurer: Pi Sanghliri

Fin. Secretary: Pi K.Lalbiaksangi

           

KUM 2015 K|P GROUP TIN OFFICE BEARER TE

Matthaia Group

Leader : Tv. C.Laldawngliana

Asst.Leader : Tv.Lalrinawma Sailo

Secretary : Tv. F.Laldingliana

Asst.Secretary : Tv. Lalruatkima

Treasurer : Nl. F.Lalrintluangi

Fin.Secretary : Nl.Lalngaihawmi Ralte

Marka Group

Leader : Tv.Lalfakzuala

Asst.Leader : Tv. C.Lallawmzuala

Secretary: Tv.Lalrinnunga

Asst.Secretary : Nl. C.Lalrempuii

Treasurer : Nl. C.Zosangliani

Fin.Secretary : Pu C.Lalnunsanga

Luka Group

Leader : Pu Tommy Zirnuntluanga

Asst.Leader : Pu Lalhmangaihzuala

Secretary : Tv. C.Laldinpuia

Asst.Secretary : Nl. Zohmingmawii

Treasurer : Pu C.Lalhmangaihsanga

Fin.Secretary : Nl.Lalrinchhani

ELECTRIC BILL KHAWN DAWN

      Kum 2015 hian K|P Marka Group te chuan Electric Bill kan khawn leh dawn a, vengchhung mipuite tlawmngai a min pek tir leh tur in kan ngen a che u.

Sd/-

(LALRINNUNGA)

Secretary

Marka Group K|P

MHIP HRIATTIRNA

MHIP Membership fee pe duh tan ni 31 January 2015 thleng pek theih a ni e. Mi pakhat tan ` 5/- zel a ni.

Pekna hmun tur te :

Taitesena Sec  : Pi Lallianpuii leh Pi Chawngkungi

Vanpa Sec       : Pi Sanghluni leh Pi Sanghmingthangi

ChawngbawlaSec:  Pi Lawiziki leh Pi Hmingthanzuali

TUALCHHUNG

,Pu T.Lalrinthanga h/o Lalzuithangi (T. Sec) Bethelveng te chhungkua chuan Scooty (Rodeo Rz)an lei thar.

,Tv. Lallianmawia s/o Vulliani (V.Sec) chu damlohna vanga Civil Hospital-a enkawl anih hnu in alo chhuak.

,Pu K.Lalhmingmawia h/o Kimpuii (T.Sec) te chuan Scooty (Rodeo) thar an lei.

SPOKEN ENGLISH AND HINDI

Zirlai, Sumd^wng, Office kalte, grammer thiam hmang chhuak thei lo te leh a eng amah thiam lote leh eng ti mi t^n pawh Admission kan hawng leh ta e. Kum bithliah a awm lo. Nikhatah darkar 1 zel.(SEAT LIMITED)

P.J. INSTITUTE, OPP. SBI. MISSION VENG

Ph:9862808032/8974806338

(3-1)

COMPUTER

 ADMISSION OPEN

(GOV’T. APPROVED)

Sawrkar hna thawk thei t<r khawpin emaw mimal sumd^wnna at^n leh thiam duh hrim drim t^n (CCA 6Months) leh (DCA 12Months) ah te admission kan hawng leh ta e.

Timing :7AM - 7PM

Monthly fee : ` 1,000/-

(Unau, |hian leh Nupa ah 20% concession a awm e)

P.J. INSTITUTE, OPP. SBI. MISSION VENG

Ph:9862808032/8974806338 0389 2310866

(3-1)

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330