KTP SKK: March 2014

Saturday 29 March 2014

Mipui Aw 30.3.2014

MIPUI AW

KARTIN CHHUAK

Vol. XX Issue No. 13 Kristian Thalai Pawl Saikhamakawn Branch Pathianni Dt.30.3.2014

VAWIIN CHANG VAWN

Ngai teh, hei hi ka hriat chhuah tak chu a ni: Pathianin tluang taka nung tûrin mihringte a siam a, anni erawh chuan antikhirhkhan zo vek a ni tih hi. (Thuhriltu 7: 29)

KOHHRAN PROGRAMME

Dt. 30.3. 2014 (Pathianni)

Sunday School Inkhawm

|antu : Pi Rampuii

Zirlai 11-na : Kohhran pumkhat- Peng hrang hrang

Chawhnu Inkhawm

Thuhriltu : Upa C. Lalmuankima

Zân Inkhawm

Thuhriltu : Pi Khawlvuani

KTP PROGRAMME

Dt. 24.3.2014 (Thawhtan zan)

TIRHKOH CHAWMNA PUAL INKHAWM

Hruaitu : Pu Jeff Lalhmingsanga

|antu : Tv. Lalrinnunga

Thuhriltu : Pu Lalremruata

Hawngtu : Pu Vanlaldika

Thilpek : Nl. C. Zodintluangi

Lakhawmtute Nl. Jennifer Lalremruati

Solo : Nl. R. Zonuntluangi

KOHHRAN HMEICHHE PROGRAMME

Ramthim zin

Dt.1.4.14

Hruaitu : Pi R. Zothanmawii

|antu : Pi Lalnunfimi

A hmun : S.S.Hall

SERMON

CHHANDAMNa

Pathianin khawvel a hmangaih em em a, chutichuan a Fapa mal neih chhun a pe a, amah chu tupawh a ring apiang an boral loh va, chatuana nunna an neih zawk nan. Khawvel thiam loh chantir turin Pathianin a Fa khawvelah a tir lo, khawvel amah avanga an dam theihna turin a tir a ni zawk e. (Johana4:16,17)

Mihringte hi kan lo pian chhuah a\angin sual fa a lopiang kan ni a, chhandam ngai sa a lo piang chhuakin kan nun leh thil tih reng reng Pathian ngaihdamna chang phak pakhat te mah a awm lo va. Chuvang chuan Pathian chuan kan Chhandamna turin kawng min buatsaih sak ta a. Hmana mihring hmasa Evi leh Adama ten thil an lo tihsual avanga hremna tuar tawh lovin Isua Krista, A Fapa mal neihchhun chu kan rina, chhandamtu atan kan pawm a lo ngai ta. Evi leh Adama thlah sual avanga hremna tuar tawh lovin, Isua Krista rin lohna avangin hremna kan tuar tawh zawk dawn a ni.

Chhandam ni tur hian Pianthar a ngai a ni tih chu atu te pawhin kan hre em em a, mahse tu te nge mi piangtharte chu? He zawhna chhannaah chuan Isua Krista ringtute hi mi piangthar chu an ni a, Mizo Kristian tamtakte ring kan tihdan nen chuan a in ang kher lo ang. A chhan chu Mizo Kristian tam takte hi chuan ring kan ti ve satliah ringawt a mahse, kan rinna hi thiltihah a lang \hin lo a ni. Ring chungin ringlo mite tih ang kan ti duh ve zel a, chhandamna tling khawpin Isua krista hi kan ring \hin lo a ni.

|henkhatin Hmanah ka piangthar tawh an lo ti a, a \henin a \hing rin tumin mahni awmdana thiam inchan tir chawpin chhandam ni turah kan in ngai reng bawk bawk a. Chhandam ni tur chuan kan thawh ve awm miah lo ni mahse Isua ringtu te chuan Amah kan rinzia nun leh thiltihin kan lantir tur a ni. Chhadamna chu i/ka thawhchhuah a ni miah lo tih erawh hriat tur a ni.

‘Ngaiteh u tun hi hun lawmawm a ni a, tun hi chhandamna ni chu a ni’ti a Biblein min hrilh ang hian chhandam ni tur chuan kan tun nun zel hi a pawimawh a. Hmana i lo tui ve viauna kha a tawk zo lo va, i lo tih ve viau kha a tling zo tawh hek lo. Pathianin chhandamtu min siam sak mai hi Rin a harsa lova, a duhzawnga nun pawh a harsa hek lo. Amah ringtute chu a ti chakin a ti huaisen \hin a, i chhandamtu ni tur hian a inpeih reng a ni. I chhandamtu pan rawh le.

EDITORIAL BOARD

Editor :

Tv.R.Zodinsanga - 8974743073

Jt.Editor:

Pu Lalduhkima -9862648830

News Editors :

Tv.PC.Vanlalhriatpuia - 9862732381

Tv.F.Laldingliana - 9862378567

Tv.Lalfakzuala -9862033731

Pu Benjamin Lalduhsaka -9862907973

Nl. Lal\anpuii -8974243380

Nl.Malsawmtluangi -8731059158

Circulation Manager:

Tv.Laldawngliana - 8974743091

Editorial.........?

Nungchang mawi !!!

Nungchang mawi kan sawi kan sawi a, kan fate leh Mizo lo la awm zel turtetan tiin kan in hrilh thin. Kan chetzia leh kan chin x\han erawh kan fate hmuh atan chuan a zahthlak deuh \hin. Thu in kan zirtir a, kan chetziain kan thu zirtir ngei chu a thai chhe leh \hin.

Thuhriltu pakhat chuan thu a sawi a, a thu sawi zawh chuan pa pakhat chuan ‘ I nun a bengchheng lutuka i thusawi kan hre thei hlei nem’ a ti” an ti a sin. Chuvangin Nungchang mawi ti a kansawi lai hian kan nun hi an lo thlir leh vat thin. A sawi tuin kan zawm leh theih si loh tur hi chu sawi loh mai te pawh a tha awm e.

Hengah te hian nungchang mawi kan lan tir em? Sa leina hmunah, Gas lakna hmunah, Hnatlanna hmunah zawmthaw takin i awm em?Heng- ringawt pawh hian nungchang mawi lantir ila kan nun ho pawh a ti nuam viau hian ka ring \hin.

ARTICLE

THIL|HA TIH I NING SUH ANG U

- Mr. Black

|uahpui leh vau vul chuk chuan hun kal tawh ngaih ber hriat si loh leh sawifiah thiam si lovin eng emaw ti riau hian lung a ti leng vung vung a, hawi velin panna tur ber hriat si loh hian awmna apiangah rilru a nghet lova, kanglang takin awmdan thiam har khawpin lung a leng a, mahse chu lama ngaihtuahna seng zo thei kan ni lova, khawtlang tana mi \angkai te fak hi ka thinlung hian a chak a, fak thiam lo mah ila thinlung lamah an hnathawh \hat hi ka ziak nghet e.

Kawngchhe em em avanga mahni hrehawm pawisa lova kan veng pa senior hova kawng\ha kan nawr lai kha kan hre \heuh em aw? Kawng\ha duh leh \hahnemngaih tlan avanga thu inhmu lo deuh awm \hin mahse \hahnemngai awmkhawm chuan rah \ha a chhuah a, a zar kan zo tlang a kawng\ha kan neih theihna atana \hahnemngai fam ta te leh tuna la dam zawng zawng te u Saikhawpui \halai te hian kan chhuang che u a, in zarah kan hmai a uang ve ta!!!

Tunhnaiah Electric Transformer avangin khawtlangin harsatna kan tawk a, chumi avang chuan khawtlang hmangaihtu ten theihtawp chhuahin sum leh pai-tha leh zung tamtak sengin hun rei tak an bei tawh a, tunah hian thawhrimna rah kan seng dawn niin a lang ta a, khawtlang mipui te pawhin theihtawp chhuah a an hmalakna \awiawm zel turin in kau ila, “Thil\ha tih i ning suh ang u” tih kan Bible-a kan hmuh ang khan kan khawtlang tan sawisel leh dona karah pawh thil\ha ti turin khawtlang mipui te in kau zel ang u. Hmalatu te sawisel mai lovin \awiawma an tha tih chak hi khua leh tui \ha leh ringtu te tih tur a ni. |halai te u \ang fan fan....

LAWMTHU SAWINA

Vanapa Section ten sumtuak nana kan bawng talh min lo dawr tute leh sachek min leisak tute zawng zawng chungah lawmthu kan sawi a. Tin, member bawng talhna a hnatlanga thawkchhuak a, sum leh pai mai baka mahni lirthei thawh tute chungah lawmthu kan sawi tak meuh a ni.

Sd/-

( TOMMY ZIRNUNTLUANGA )

Secretary

YMA, Vanapa Section

RADIO-AH HLA THUN

YMA, Saikhawmakawn Branch te chuan All India Radio-ah khawhar hla panga an thun thar. Hemi hma hian ramngaih hla eng emaw zat an lo thun tawh bawk a ni.

BENG TI VAr

Village Health & Sanitation Committee (VHSC) Mawhphurhna leh tihturte

(chhunzawmna)

VHND-a tihtur te :

* A hmaa an lo chhinchhiah tawh te kal kim leh kim loh an chian tur a ni.

* Naupai, in register lo te chhinchhiahin ANC an pe ang.

* Naupang buk, Vitamin A pek leh Vaccine pak ngai te pek tur a ni.

* TB, Malaria etc. veite a \ul anga damdawi pek.

* Natna khirhkhan vei leh enkawl zui ngai an awm chuan damdawi in lian ah an refer thei ang.

VHND-a zirtir/sawiho turte :

* Vaccine lak pawimawhna.

* Naupai laia hlauhawm thleng thei pumpelh dan in zirtir.

* Damdawi in-a nau neih pawimawhna inzirtir.

* Naute enkawl dan, naute hnute leh chaw\ha pek dan, naupang enkawl dan leh tlang hrileng laka in enkawl dan in zirtir.

* Natna inkaichhawn theih leh HIV/AIDS, STD laka inven dan in zirtir.

* Nupui/pasal neih hun \ha, tui thianghlim leh in leh a vel vawn thianghlim pawimawh dan in zirtir.

* Rikrum thila hmalak dan leh inven dan in zirtir.

* Khawtlang vawngfai tura mipui zirtirna pek leh inthiarna (ek in, zun in) chhung tinin nei ngei tura mipui zirtir leh fuih.

* Family planning chungchang in zirtir.

ASHA MAWHPHURHNA :

*Khaw tinah ASHA (Accredited Social Health Activist) voluntary worker pakhat \heuh dah a ni a, training pek vek tawh an ni. Thla bi hlawh an nei dawn lova, an thawh dan a zirin lawmman pek an ni thung ang.

ASHA te hnathawh tlangpui chu nu leh naupang hriselna, damdawi in-a nau nei tur hruai, immunisation \anpui, malria dona kawnga hmalakpui, TB DOT Provider, mipui hnena hriselna zirtir leh a \ul ang a sawrkar hmalakna \awiawm a ni.

JANANI SURAKSHA YOJANA (JSY)

‘NAU NEI |ANPUINA’

Nu, kum 19 chin chunglam fa 2-na thleng damdawi in-a nau nei leh damdawi in-a nau nei tura hruaitu ASHA in hetiang hian \anpuina an dawng thei ang :

Nu-in ASHA-in

*Khawpui : ` 600 ` 200

(Aizawl & Lunglei-ah)

* Hmundang ` 700 ` 600

( Thingtlang-ah)

* BPL chhungkuaa nu in lama nau a neiha, BPL lehkha a neih bawk chuan ` 500 a dawng thei ang.

(Pay Cabin-a awm tan \anpuina a dawn theih loh)

BIBLE QUIZ No.13

THUHRILTU 6-10

A kâr âwl dah khat rawh :

Q1. Ni hnuaia ka __________thil tha lo a awm,Rorêltua lo chhuak thiltih dik lo ang:

Q2Bel chhuan___________ alh ri ang Mi a ui ri chu a ni si: Hei pawh hi engmah lo mai a lo ni.

Q3.Mi nungdamte zinga la telte tan chuan beiseina a la awm a: __________ thi ai chuan ui nung takngial pawh a tha zawk si.

Q4.Miin fa za pawh hring sela, kum tak tak damin, a dam kum nite chu tam hle mah se, a dam lai thil tha chen lova, __________ a hlawh si loh chuan, ani ai chuan a hun lova pian pawh tha ka ti zawk.

Q5. Mi fing __________ aiin sawtna eng nge a hmuh chuanbik? A nih loh leh, mi rethei, mi nungdamte hmaa len thia chuan eng nge a hmuh?

A bung leh châng dah rawh :

Q1.Mihring thawhrimna zawng anwg chu a hrawk atân a ni mai a; mahse, a chak a daih chuang lo.

Bung: ________ Chang: _________

Q2.thil tha titu, thil sual ti hauh lo khawpa mi fel chu lei chungah hian an awm lo takzet a ni.

Bung: ________ Chang: _________

Q3. Pathian thiltih zawng zawng, ni hnuaia tih takte chu miin a hmu chhuak thei lo tih ka hmu ta a. Miin zawng eng ang mah sela, a hmu chhuak lo vang; mi fingin hriat inring teh mah se, a hmu chhuak thei bawk hek lo vang.

Bung: ________ Chang: __________

Q4.Mi rethei finna chu hmusita awmin, a thu pawh ngaihthlâk ni lo mahsela, kei chuan, “chakna aiin fina a tha zawk,” ka ti tho a ni.

Bung: ________ Chang: _________

Hming : ____________________________

Section : ____________________________

BIBLE QUIZ NO. 11 RESULT

Chhanna lut zawng zawng : 4

Chhang dik vek : 4

Lawmman dawngtu : Isak VL Chhanchhuaha (V.Sec)

Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

PAVALAI PROGRAMME

Dt. 3.3.2014(Ninga zan)

A hmun : Kohhran Library

Hruaitu : Pu C. Lalchhuansanga

|antu : Pu Biakthansanga

Thu hriltu : Pu C Zakhuma

|awngtai ruala hun hman tur a ni ang.

YMA HRIATTIRNA

Tun a chinah thlanlaih nikhauah thlanmualah thingpui lum tawh tur a ni a, a hmanrua leh \ul dang chu Thlanmual Sub Committee ten an ngaihtuah \hin ang. Tin, thlanmual map siam\hat a nih dawn avangin mahni chhungte thlanlungah chiang tak a chhinahhiahna siam \heuh tur a ni. Thlanmual ram chhungah thing leh mau lak phal a ni lova, a ti lui an awm a man chhuah an nih chuan na taka action lak a ni ang. Thlan hung tur te tan thlanmual inte-ah tui leh hmanrua hman theihin a awm a, a hmang tur ten dimdawih taka hmang turin kan inngen a ni.

Sd/-

( K. LALHULIANA )

Secretary

Saikhamakawn Branch, YMA

Admission Open For The Session (2014-2015)

Solomon’s High School Upper Khatla, Aizawl a awm \hin chu remchan zawkna avangin Pu Ranga Building Kulikawn-ah kan insawn a, session thar (2014-2015) atan Cl-VII to Cl-X tan Admission hawn mek a ni. Kum 25 chuang Mathematics leh Science subject a experience nei tawhin a zirtirna hmunah hian i fate han dah ve rawh le. Mathematics leh Science Subject a harsatna nei te leh Sports a tui te duhsak bik an ni ang. Hostel a awm nghal bawk e.

Contact : 1) 9774630781

2) 8014442431

3) 8014389494

H.C. THAWNGA

Mipui Aw 23.3.2014

MIPUI AW

KARTIN CHHUAK

Vol. XX Issue No. 12 Kristian Thalai Pawl Saikhamakawn Branch Pathianni Dt.23.3.2014

VAWIIN CHANG VAWN

In hnena kan awm lai pawh khan he thu hi kan pek che u kha, “Tupawhin hna a thawh duh loh chuan ei pawh ei suh se,” tih hi.

(Thes. II 3:10)

KOHHRAN PROGRAMME

Dt. 23.3. 2014 (Pathianni)

Sunday School Inkhawm

|antu : Pi Ropari

Zirlai 11-na : Mihring Hlui leh Thar

Chawhnu Inkhawm

Thuhriltu : Pu Khawhmingliana

Zân Inkhawm

Thuhriltu : Pu Lalrintluanga

KTP PROGRAMME

Dt. 24.3.2014 (Thawhtan zan)

Sermon Inkhawm

Hruaitu : Nl. Zohmingmawii

|antu : Nl Lalngaihawmi Ralte

Thuhriltu : Pu C. Lalnunsanga

Thilpek : Nl. C. Vanlalmalsawmi

Lakhawmtute Nl. Zorinpuii

KOHHRAN HMEICHHIA

Dt. 25.3.2014 (Thawhleh zan)

(Khawvel pum |awng\ai rual)

Hruaitu : Pi R. Lalthansangi

|antu : Pi Lalchungnungi

Egypt ram chanchin

Chhiartu : Pi K. Lalbiaksangi

Thuchah tawi

Sawitu : Pi Laltlanzari

Thupui : Thaler tuinung (Joh. 4:1-41)

SERMON

|awngtai hun a ni e

Engah mah mangangsuh u; engkimah \awngtai leh dilin, lawmthu hril tel zelin, induhnate chu Pathian hnenah hriattirin awm zawk rawh se. Tichuan Pathian thlamuanna, rilru reng renga hriat sen loh khan, in thinlung leh in ngaihtuahnate chu Krista Isuaah chuan a vensak ang che u. Phillipi 4: 6,7

Mihringte hi khawvelah hian harsatnate kan tawk \hin, chung harsatna te kan tawh hian \awngtaina hi beidawn tawpah chauh hian kan hmang fo \hin. Mi pakhat Cancer natna nei hi a awm a, a chhungte leh a vela miten a taksa chu natna chuan a eichhiat zel chu an thlir thap lai chuan mi pakhat chuan, “Engkim an tih theih ang chu an ti vek tawh, \awngtai bak chu tihtheih a awm tawh lo” a ti a.

Mi pakhat ve thung chu buaina namen lo mai a hnathawhna lamah a tawk a. Chu a buaina chu ama tan leh a hnathawhna company te kal zel dan tur a thil pawimawh a ni a. A tawpah chuan heti hian a ti a, “He thil ti fel tur hian ka theih tawp ka chhuah tawh a, tih theih dang ka nei tawh lo. Tunah chuan \awngtai tan a ngai a ni” a ti.

A chhunga kan sawi dinhmun pahnih a dingte hian \awngtaina hi an beidawn tawpah an hmang chauh tih kan hmu. Engkim mai mihring a\anga tih theih ang chi zawng zawngin a daih tawh loh chinah chauh \awngtaina in hmun a chang a ni. Beidawn tawpa beiseina neih chhunah kan hmang fo thin tih a lang chiang hle.

|awngtaina hi beidawn tawpah chauh kan hmang tur em ni ang? Ni lo ve, a tawpah hmang lovin kan tih tur hmasa ber chu \awngtaina a ni zawk a ni. A letling zawng hian kan hmang fo \hin. Engkim kan tih dawn hian \awngtai hmasak hi kan tihtur zawk a lo ni.

I Thessolonika 5:17 ah chuan Bang lo \awngtai turin min ti a ni. Keini chu kan mangan tawpah Pathian hi kan au chauh \hin a, engkimah lawmthu hril tel zela \awngtai tur kan nih hi kan hre lo va, kan chak loh phaha, kan ro phah \hin a ni. Kan Bible chang tarlanah pawh engahmah mangang lo turin leh engkimah \awngtai leh dil chungin kan hun kan hmang zawk tur a ni tih min hrilh.

|awngtaina chang kan hre tawh lo a ni maithei, kan peih loh lai ber pawhin \awngtai turin kan Pathian hian min duh a ni. |awngtaina hian thil a ti thei si a.

EDITORIAL BOARD

Editor :

Tv.R.Zodinsanga - 8974743073

Jt.Editor:

Pu Lalduhkima -9862648830

News Editors :

Tv.PC.Vanlalhriatpuia - 9862732381

Tv.F.Laldingliana - 9862378567

Tv.Lalfakzuala -9862033731

Pu Benjamin Lalduhsaka -9862907973

Nl. Lal\anpuii -8974243380

Nl.Malsawmtluangi -8731059158

Circulation Manager:

Tv.Laldawngliana - 8974743091

Editorial.........?

SAWISEL SUH U

Kan bible pawhin ‘Sawisel suh u, Sawisela in awm loh nan’ tiin min hrilh kha. Chuvangin Kristian inti tan chhuan he thu hi kan pawm ngei tur a nih lai hian, kan pawm tha vak lo \hin niin a lang tlat.

Mi chhanchin a tha lai sawi a, infak aiin a chhe lai insawi sak kan hrat a, mite lawm zawng sawi aiin mi huat zawng sawi nuam kan ti zawk tlat mai \hin hi enge kan hlawkpuina viau nge ni ang? nuam kan ti a, kan sawi hian kan chaw eite leh kan mutte a tui phah viau \hin zawk em ni ang aw? tiang tak mai a, mi rel leh sawi kan han peih a, kan sim theih der loh mai hi a mak a ni!!!

Mi kan relte, kan sawiselte leh an chhanchin a chhe lai kan sawi \hinte hian hlawkna pakhatmah kan nei lo tih hre thar leh ila, kan tih \hin ang chhiah hian min min la ti ve dawn tih kan Bible meuh pawhin a lo sawi hi kan vawn thar leh a, mi sawisel leh mi rel te hi bansan a hun tawh tak zet a ni.

ARTICLE

‘|HALAI’ I NIHNA A AWM VE EM ?

- Zothansiami nu

1) I nu leh i pa i chawimawi \hin em?

2) I nu leh i pa ruitheihthil i tihsan reng chuan min an zah lovang che.

3) I nu leh i pa te in mawl em mai ti suh, nangmah kha i mawl zawk.

4) I nu leh i pa te harsatna an tawh changin, an thla i timuang em?

5) I nu leh i pa mi awm laiin i vin vak vak \hin em? I in timualpho a ni.

6) I inchhungah eng chen chiahin nge mawhphurhna i neih?

7) Pawnlam nge i ngainat inchhung?

8)Nu leh pa chawmhlawm si, zahna chang hre miah l.ovin i awm em?

9) Vin hle siin engmah thawk peih si lovin pawisa duh em em si i ni em?

10) I nu leh i pa te leh i unaute tanah eng nge i dinhmun chiah, ninawmin i awm \hin em?

11) I nitin hun hmanah ruih rengna tur i zawng \hin em?

12) I hun hlu tak hi Pathian nen hmang rawh, i him ang.

13) Englai pawha nu leh pa rilru hi chawl lova siam tu i ni em?

14) I camping Centre hmun ropui ber chu i nu leh pa a ni.

15) I pawnlam nun a\anga sim tur i neih chu i sim chuan i him ang.

16) Tun i hun hmanah hian i hlim em? I nun tlei zo em? In enfiah rawh.

17) I vanglai hian i siamtu hre reng rawh.

18) Nitina i hun hmanah hian thil \ha i tih nge tam thil \ha lo?

19) I nikhat hun hmanah hian nagma tan chauh em ni i hman \hin?

20) Pathian i \iha i taimak chuan i hlim ang?

BAWNG TALH DAWN

Vanapa Section YMA te chuan sumtuak nan karleh inrinni hian bawng thau tak leh tuihnai tak a talh dawn a, vengchhung mipuite tlawngngaia min dawr \heuh turin kan inngen a ni.

Tin, sachek tuihnai tak siam nghal a ni bawk dawn a. Hemi ni hian a hmunah hawp nghal theih a ni ang. Kum hmasa lama kan sachek siam tuizia chu in hriat vek tawh kha.

Sd/-

( TOMMY ZIRNUNTLUANGA )

Secretary

Vanapa Section, YMA.

MEDICINE SPECIALIST

Dr. David Lalruatsanga (medicine specialist) chu Dt. 24.03.2014 a\angin zing dar 6:30 am to 8:30 am chhung hian Alpha Hospital-ah a inentir theih e.

Alpha Hospital

Kulikawn, Ngaizel Road

Phone No. 0389 2300535

BENG TI VAr

Village Health & Sanitation Committee (VHSC) Mawhphurhna leh tihturte

(chhunzawmna)

3. S/C Maintenance Fund : VHSC kaihhruainaa hman turin Sub Centre tinah kumtin S/C maintenace fund ` 10,000 pek a ni dawn a, Sub Centre leh quarters repair, zun in leh ek in sak, rawng hnawih, Sub Centre hungna, approach road leh step siam, electric connection leh repair leh a \ul anga Sub Centre ham\hatna tur atan hman tur a ni.

4. Bank awmnaah tawh phawt chuan Chairman leh Secretary hming sign kawpna Account an hawng ngei ngei tur a ni. Pawisa hmanna tur reng reng hi VHSC Committee in a pass ngei ngeiin Meeting Minute-ah a lang vek tur a ni. Cash memo/Voucher vawn \hat tur.

5. Tlawmngai pawl leh kohhran \halai tan sum tuakna remchang tak ni pah fawmin khawtlang hriselna kawngah hmalak nan hman theih a ni ang.

6. Expenditure leh pawisa hmuhte register-ah fel taka ziah luh tur a ni a, thla 3 danah bialtu MO kaltlangin CMO-ah report thehluh tur a ni.

VILLAGE HEALTH & NUTRITION DAY (VHND)

VHND - Engtianga hman tur nge?

Village Health & Nutrition Day hi hriselna lama khawtlangin hma a sawn theihna tura inzirtirna leh sawihona hun atan hman tur a ni a, VHSC kaihhruainain Anganwadi Centre (AWC) ah thla tin vawi khat hman tur a ni. Bialtu CDPO leh MO remchan hun a zirin ruat ni thei se.

VHND atan inbuatsaih lawk dan :

* VHND hman hma hian khua/veng chhunga in zawng zawng, a bikin khawsak harsa zual te an tlawhchhuak ang a, heng te hi an chhinchhiah ang.

* Naupai \antir chhinchhiah leh naupai lai ANC lak ngai chhinchhiah.

* Naupang vaccine la lo/ la thar tur chhinchhiah.

* TB leh natna khirhkhan vei chhinchhiah.

* Naupang pulse polio dawng lo leh chaw \ha dawng lo chhinchhiah.

* Heng an chhinchhiah zawng zawng te hi VHND ah kim taka kal turin an hrilh tur a ni.

* VHND hmanna hmun tur chu a faiin tui thianghlim in tur leh inthiarna a awm \ha in naupai entirna tur hmun fianrial a awm bawk tur a ni.

*VHND hman tur hun leh hmun hi a hmain mipui hriat turin puanzar tur a ni a, VHND senso chu Village Health Fund leh United Fund a\angin hman theih a ni ang.

(Awm zel tur/.....)

BIBLE QUIZ No.12

THUHRILTU 1-5

A kâr âwl dah khat rawh :

Q1.Thil zawng zawng hi ____________ mai mai a ni; sawiin a siak lo ve:Mit chu a thil hmuhah a tlai lo va,

Q2Tichuan, fin emaw, ât emaw, ____________ emaw eng nge lem chuang tih ka ngaihtuah a; lal pawhin a hmaa lalte tih tawh bak eng nge a tih theih chuan?

Q3.Tihthlêr hun a awm a, thui hun a awm; _____________ a awm a, tawng hun a awm;

Q4.Mi â chuan a_______________ a, a intam hlum thin’ tih a ni a.

Q5. ________________ chu mangphan a ni nge nge si a, thu tuitam vâk lah chu mi â aw chhuak a ni mai.

A bung leh châng dah rawh :

Q1.Finna a nasat poh leh buaina a tam a, Hriatna a pun poh leh manganna a pung.

Bung: ________ Chang: _________

Q2.A dam chhûng ni zawng zawngin thim hnuaiah a ei a, a lungni lo êm êm a, natna tuar leh thinur takin a awm bawk a.

Bung: ________ Chang: _________

Q3. angkarua leh rangkachakte leh lalte ro leh ram bial ro tha bikte ka la khâwm a;hmeichhe zai mi leh mipa zai mite ka siam a, mipa fate lawmzawng hmei tam tak nên.

Bung: ________ Chang: __________

Q4.An zain hmun khatah an kal vek a; an zain vaivuta mi an ni vek a, an zain vaivutah an chang leh vek a ni.

Bung: ________ Chang: _________

Hming : ____________________________

Section : ____________________________

BIBLE QUIZ NO. 11 RESULT

Chhanna lut zawng zawng : 4

Chhang dik vek : 4

Lawmman dawngtu : Isak VL Chhanchhuaha (V.Sec)

Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

PAVALAI PROGRAMME

Dt. 27.3.2014(Ninga zan)

A hmun : Kohhran Library

Hruaitu : Pu Siamhleia

|antu : Pu B. Lalrinzauva

Thu hriltu : Pu F.Lalrinpuia

Tawngtai ruala leh rilru sawia hun hman tur a ni ang.

Admission Open For The Session (2014-2015)

Contact : 1) 9774630781

2) 8014442431

3) 8014389494

H.C. THAWNGA