Mipui Aw 25.12.2012 (Special Issue)

MIPUI AW

SPECIAL ISSUE

Vol. XVIII Issue No. 3 Kristian Thalai  Pawl  Saikhamakawn Branch  Pathianni Dt.25.12.2012

VAWIIN CHANG VAWN

            “Nang, Bethlehem, Judai rama mi, Judai khawpuite zingah i te ber tawp lo! I chhung        atangin awptu a lo chhuak dawn si a, Ka mi Israelhote vengtu tur chu,’ tih hi,” an ti a. Matthaia 2:6

KOHHRAN  PROGRAMME

25.12. 2012 (Tuesday)

Chawhma Inkhawm

            Chawhma inkhawmah nau piang chibai bukna bawm dawh tur a ni.

Tantu           : Pi Lalrinpuii

Thuhriltu    : Upa Zairemthanga

            Chawhma inkhawm ban hian thingpui ruai tui tak theh tur a ni.

Chawhnu Inkhawm

Thuhriltu    : Pu Siamliana

                     Zan Inkhawm

Thuhriltu    : Pastor G. Chhunthuama

26.12. 2012 (Wednesday) Ruai ni

Chawhma inkhawm

Thuhriltu    : Upa Lalrindika

Zan inkhawm

Thuhriltu    : Upa C. Lalmuankima

27.12. 2012 (Thursday)

Zan Inkhawm

Thuhriltu    : Pi Khawlvuani

28.12. 2012 (Friday)

Zan Inkhawm

Thuhriltu    : Pu Khawlhmingliana

29.12. 2012 (Saturday)

Zan inkhawm (Missionary report) 

SERMON

LAL  ISUA  PIAN  CHHAN

            Vawiinah hian in tan Davida khuaah Chhandamtu a piang ta, Lal Krista chu. Tin, hei hi in tan chhinchhiahna tur a ni; nausen puana tuam, ran chaw pekna thlenga mu in hmu ang,” a ti a.Tin, thawklehkhatah vantirhkoh hnenah chuan vana miho mipui an lo awm ta chiam a, Pathian an fak a.“Chungnung berah Pathian ropui takin awm rawh se, Lei chunga a awm em em mihringte hnenah rem thu leng rawh se,” an ti a. Luka 2: 11-14

            Van mipui chhiarsen lo pawhin an dal zawh loh Lal Isua a lo pian chiah chuan lei lama Berampute hnenah van zaipawl an lo zai nghal a, ropui takin van lam chuan an rawn thlah ngal a ni tih bible thu kan tarlan atang khian kan hmu thei awm e. Hetiang taka Lal ropui hian heti taka mihringte tana a inpek na hi chhut chian chuan mihring hi kan lo va ropui awm em em ve a tih theih hial zawk awm e. Mahse chuti lam nilovin Pathian hmangaihna leh khawngaihna vang zawk a ni ti kan hriat a pawimawh hle zawk thung ang. Hetiang taka Pathian hmangaih nih hi mihringte hian kan phu hlawl lo a ni.

            Van mipui ho hla thu rem atanga chiang taka lang chu remthu leng rawh se tih hi a ni. Pathian leh mihringte chu inrem thei tawh hauh lo kan ni a, a tisual leh vahbosan zawk tu chu mihringte kan ni tih pawh chiang takin kan hre tlang theuh awm e. Mihringte ngaihdanah chuan a tisual tu zawk chuan ngaihdam dila inrem leh theihna zawng zawk tur awm tak kan ni. Mahsela chutiang lam ni lovin kan tihsual na zawk Pa Pathian chuan inremna min rawn zawn sak zawk tlat si a nih hi, a ropui in khawngaihna mak mawi leh duhawm tia hlain a lo phuah hi a mak hlawl lo. Chutiang khawpa mihring Pathian ti lawm zo tawh lo leh amah nena inremna lam reng reng ngaihtuah tawh lo mihringte chu Pathianin mihringte ama hnena kan kal leh theih nan leh amah nen kan in rem leh theih nan a fapa duhtak Lal Isua chu min rawn pe ta, chuvang chu a ni ngei ang, Lal Isua van mipuiten an thlahna hlaah pawh ‘Leiah rem thu leng rawh se’ tih a tel ta ngei reng a ni.

            Pathian hmangaihna mihringa lo langchhuak a vawrtawp a thlenna ni chu a fapa lo pianni a ni kan ti thei ang, chu ni champha chu kan hmang mek a, a hmang tute hian Lal Isua lo pian chhan hi kan ngaihtuah a, kan chhut chian a pawimawh takzet zet a ni. Eng nge Lal Isua lo pian chhan ni reng le tia kan in zawh fo a, a chhanna pawh Pathian hnenah kan dil a tul hle bawk a ni. Pathian nena inrem thei tawh lo, chatuan hremhmuna kal tur mihringte chu Pathian hmangaihna leh kawngaihna zau leh thuk tak chuan a fapa Lal Isua Krista hmangin inremna rawngbawl hna a rawn thawk  ta, hei tak hi Lal Isua lo pian chhan chu a ni dawn lawm ni, i ngaihtuah tlang ang u.   

                       

EDITORIAL  BOARD

              (

Editor :

Tv.PC.Vanlalhriatpuia         - 9862732381

Jt.Editor:

Pu R. Lalmuanpuia               - 9612159842

News Editors :

Tv.RLalzamlova                   - 9612413196

Tv.R.Zodinsanga                  - 8974743073

Tv.F.Laldingliana                 - 9862378567

Tv.Lalhmangaihzuala          - 9862846345

Circulation Manager:

Pu.C.Lalnunsanga                - 9612413287

Editorial.........?

            Pathian hruaina zarah kum 2012 Krismas chu kan lo thleng leh ta reng mai a. A hmasain he hun lawmawm leh hlu tak min hruai thlengtu Pathian hnenah lawmthu awm rawh se.

            Kumin kumtir lam kan ngaihtuah kir chuan kan hmaa thil awmte kan hlen chhuak thei ang ngem tiin tam tak chuan kan inngaihtuah ngei ang, mahsela Pathian zarah kan tum leh thlen kan duh chin te tihhlawhtling vek theilo mah ila, a tam zawk chu kan hlenchhuak hlawm ngei anga, heivang ringawt pawh hian lawm tur chu kan ni reng reng e.

            Kum bul hlim taka kan hmanpuite mual min liamsan ta te dawn kir changin lung zawng a leng ngei mai, mahse kokir thei an chang tawh si lo, min ngailo ten  Chhandamtu kiangah hlim ten an leng si, an kalsan tak kohhranho leh then leh rual unau ten nghilh ni reng an awm theilo, mahsela lunglenna chu puan ang hnawlin kan tana nau lo piang chu lawmin kan thinlung ro bawm te a lamah i hawng zawk ang u. Krismas hun lo thleng hi mitin ten hlim leh lawm takin i hmang tlang ang u.

RUAI THEH DAN TUR:

            1. Ruai hi Dt.26.12.2012 chawhnu dar 2:30 PM ahtheh tan tura tih a ni a, tlai dar 4 PM thleng counter hi hawn tura ruahman a ni.

            2. Counter No.5 Biak in sir-ah hian naupang fel tawh chin, mahnia chaw ei hrang thei tawh si, mahnia la in suah thei silo ten dawh tur a ni.

            3. Counter  No. 2,3 leh 4 te hi Double Counter (mahnia in suah) tura ruahman a ni a. Chuvangin hnunga mite ngaichang chunga chaw dawh thiam tum hram tur a ni.

            3. Counter NO. 1(Kawngpui an)-ah hian Kum 60 chi chung lam leh ke pali sa ei theilo leh sa ei lo hrim hrim ten dawh tur a ni.

            4. Ruai theh tuten chaw ei khamah mahni chaw eina ningnawi ruh fai theuh tur a ni.

            5. Ruai theh dawn tuk hian KTP Member-te hnatlang neih leh tur a ni a,a tul tul a FATU te puih tur a ni e. Zing dar 6 AM ah Biak in kawtah kim theuh tum tur a ni a, hnatlang tur ten chemte/sachan chem ken ni se.

Sd/-

(K.LALHULIANA)

Fatu Secretary.

           

KUM  2013  KOHHRAN  HMEICHHE  HRUAITU  THARTE.

            Ni 18.12.2012 (Thawhleh) ni khan Saikhamakawn kohhran hmeichhia chuan kum 2013 a hruaitu tur thlanna an nei a, chung an hruaitu thlan chhuah tharte chu:-

Chairman         - Pi Lalchhingpuii

V.Chairman     - Pi Khawlvuani

Secretary         - Pi R. Lalthansangi

Asst.Secy.       - Pi K. Lalbiaksangi

Treasurer         - Pi Saithangpuii

Fin.Secy.         - Pi Zohmingthangi

DUHSAKNA & CHIBAI  BUKNA

            Kum 2012 Krismas chu dam takin kan lo thleng leh ta reng mai a, vengchhung mipuite hlim tak a hmang turin Mipui Aw editorial board chuan duhsakna sang ber kan hlan che u a.

            Tin, kan hmangaih kal ta te vanga lungngaia in dawmkun mai lovin, hlimna tak tak leh lawmna tak tak nena he hun hmang turin lungngaia, khawhara awm mek te Mipui Aw editorial board chuan duhsakna kan hlan bakah Krismas chibai kan buk bawk a che u.

Chawngkhum  dan a ni eeee.

* Kan fatu turte an tha thek thawk bawk a, ka confi. khawp mai.

            - Pu Nghaktea.

* ‘Rabbi Dawnga’ min ti ve tawh mai rawh u, zirtirtu ka ni ve ta si a...

            - Tv. Dawnga.

* Nizan hmanpui tur ka lo beisei ve tehreng ne kan lo intihtiamlo hman peka aw...

            - Tv R.Mapuia.

* Hun tlemte ka la neih chhung hian KTP hi ka hrual dawn a ni.

            - Upa Zonuna.

* Nawn theih ngeina turin tan ila tlang te’ng u Pi Tlan...

            - Pi Rampuii.

* Nakum chu YMA-ah inhman viau angai dawn a ni, mark tih that angai tlats...

            - Tv. Malsawmzuala.

* A nu, kan vawk alian leh tawh hle si a, alo lang leh tlat pek ange aw...

- Tv. Saithangpuia s/o Pi Veli.

* Inhrang han chan tak chuan alo buai ve theih map map hle mai.

            - Nl. Lucy.

* Chhungkimtea Missionary-na tur hria in awm em?

- Pu Hauha. (Sunglunglenin kian zai rello mahse Ebenezer Singson)

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300