MIPUI
AW
Vol. XVIII Issue No. 52
Kristian Thalai Pawl Saikhamakawn Branch Pathianni Dt.23.12.2012
VAWIIN CHANG VAWN
Tin,
Marin, “Ngai teh, Lalpa bawinu ka ni, i thu ang zelin ka chungah thleng rawh
se,” a ti a.
Luka 1 : 38
KOHHRAN PROGRAMME
23.12.
2012 (Pathianni)
Chawhma
Suday School
Tantu : Pi V.L Beiseii
Chawhnu
Thuhriltu : Upa Lalzama
Zan
Inkhawm
Thuhriltu : Upa Zonunmawia
24.12.
2012 (Monday)
Zan
Inkhawm
Thuhriltu : Upa Lallawmchhunga
25.12.
2012 (Tuesday)
Chawhma inkhawmah nau piang chibai
bukna bawm dawh tur a ni.
Chawhma
Inkhawm
Tantu : Pi Lalrinpuii
Thuhriltu : Upa Zairemthanga
Chawhnu
Inkhawm
Thuhriltu : Pu Siamliana
Zan
Inkhawm
Thuhriltu : Pastor G. Chhunthuama
26.12.
2012 (Wednesday) Ruai ni
Chawhma
inkhawm
Thuhriltu : Upa Lalrindika
Zan
inkhawm
Thuhriltu : Upa C. Lalmuankima
27.12.
2012 (Thursday)
Zan
Inkhawm
Thuhriltu : Pi Khawlvuani
28.12.
2012 (Friday)
Zan
Inkhawm
Thuhriltu : Pu Khawlhmingliana
29.12.
2012 (Saturday)
Zan inkhawm
(Missionary report)
SERMON
INREMNA
RAWNGBAWL HNA
Nimahsela engkim Pathian hnen ata
chhuak a ni a; a ni chuan Krista avangin amah nen inremin min siam a, inremn
rawngbawl hna min pe a; khatia, Pathianin Kristaah chuan khawvel hi amah nen inremin
a siama an bawhchhiatna te chu bawhchhiatnaa ruatsak lovin, inremna thu min
kawltir kha.Chutichuan Krista aia palai kan ni a Pathianin keimahni min hmangin
a ngen chiam che u tih theih a ni; “Pathian nen lo inrem rawh u” tiin Krista
aiah kan ngen che u a ni.(IIKorinth
5:18-20)
Pathian ringtu (piangthar) intite
zingah hian eng emaw chang chuan ngaihdan leh pawm dan in anglo a awm ve fo
thin. Kan mizia leh nunphung a inang lo ang bawk hian Thlarau Thianghlim
hnathawh leh a thilpek kan lo dawnsawn dan pawh a in ang lo thin . Kan
thahnemngaih luat avang leh kan duhthawh luattuk avangte pawh a ni ta ve ang;
kohhrana rawngbawltu thenkhatte rau lo riau a va hmuhna te, kan rawngbawl hona
tichhe lek lek thei khawpa mahni chan ram ringawt khuk pui hlut maite pawh thil
awm thei a ni awm e. Mihring lam thahnemngaihna chauh dah liana, midangte
ngaichang lek lova mahni thahnemngaihna zawna ke kan pen hian rah tha a chhuah
lo fo tih kan hriat a pawimawh hle mai.
Mihringte
mizia leh nunphung hrim hrimah hian mahni diklohna lam aia mi diklohna lai va
hmuhsak hi a awl ve reng a (Mat.7:3) Kan mihring miziaa bet tlat thil tam tak Pathian aw
ngaichang hlei thei lova min siam thin tu a awm thei. Amaherawhchu he kan
mihring hlui mizia hi khawvela kan awm chhung hi chuan a bo dawn si lova,
chuvangin ringtu (piangthar) Krista thawhlehna tawmpuitu te hian kan duhdan leh
ngaihdan aia Thlarau Thianghlim hnathawh kan dah lal a, keimahnia Thlarau rah
duhawm tak a lo lan zel theuh na turin keimahni leh Pathian inkar theuh
chingfel hmasa thin ila, Pathian thutaka piang silo inti thlarau mi taka
rawngbawl kan nih chuan inngaihtuah chian a ngai khawp ang. Pathian leh
keimahni inkarah ngei pawh inremlohna a awm a nih chuan kan mihring puite leh
rawngbawlpui te nena inrem tak leh rilru inpawh taka rawngbawl ho a har thin
khawp mai. Inrem ahnekin insawisel leh in rel lamah kan ramtang fo thin.
Amaherawhchu kan chaklohna laiah erawh chuan in zilhhau a, indawm kang tawn tur
kan ni tih erawh kan hriat a pawimawh awm e. (I Thes.5:11)
Kohhran
rawngbawltu langsar kan ni emaw, rawngbawlna langsar nei lemlo kan nih pawhin
kan thlen chin theuhah inbihchiang ila, Pathian duhdan leh min hruainate
hrechiang a, Thlarau Thianghlim hnathawh chhem alhtu kan nih zel theihna turin
midangte thlarau chan kan buaipui hmain keimahni chan theuh leh Pathian inkar
ching fel hmasa thin ila, rawngbawl hona kawngah pawh tun ai hian hma kan sawn
ngei a rinawm.
EDITORIAL BOARD
(
Editor
:
Tv.PC.Vanlalhriatpuia - 9862732381
Jt.Editor:
Pu
R. Lalmuanpuia - 9612159842
News
Editors :
Tv.RLalzamlova - 9612413196
Tv.R.Zodinsanga - 8974743073
Tv.F.Laldingliana - 9862378567
Tv.Lalhmangaihzuala - 9862846345
Circulation
Manager:
Pu.C.Lalnunsanga - 9612413287
Editorial.........?
HUNPUI LO THLENG
TUR HI
Kan ti nek nek a,
kum tawp chu kan lo thleng leh ta reng mai chu a ni a. Khua a vawt in a mi tham
dan pawh a dang zar tawh mai. Kristian ten kan hunpui leh Mizote nunah ngat
phei chuan kan hnam nunah a tel ve tawh hial tih theih khawpin kan ngai urhsun
a, kan inbuatsaih nasa hle. Sawrkar lamin No-vehicle zone a siam nachhan pawh
hi engdang vang a ni lo, Krismas lo thleng tura inbuatsaihna a ni. Hetiang
khawpa kan nghahhleh leh kan laklungrun hi a hman dan turah pawh kan fimkhur a
tul hle mai.
He hunpui kan hman thin hi kumtin
dan nimahsela ngaia nei fa tumah kan awm thei lo, kum tin mai he hunah hi chuan
kan zaleh halh vek mai a, hetah tak hian kan nun kan hmanfimkhur angai hle mai.
Hetiang hun a lo thlen apiang hian vengchhungah ruitheih thil a hluar loh nan
leh vengchhungah thianghlim taka he hun hi kan hman theih nan tlawmngaia duty
insiam ziah ngai mai te hi a in hmehlo in a duty te an khawngaihthlak hle tih
hre thar ila a va duhawm em, chhungkua leh thianho leh kohhranah hlim taka
telve an chak vek awm si. Hetianga duty ngai a siamtu nih hi i tum tawh lovang u.
Mahni inthunun ila, midang tibuai leh vengchhung ti tawp zawnga he hunpui lo
thleng tur hi hmang lovin, hlim tak leh midang tana malsawmna thlen chungin i
hmang ang u.
ARTICLE
THIM ATA ENGAH
Mr.
Black
Pu Rokunga (fam) in kan zotlang ram
nuam hi chhawrpial run i iang e” tiin kan Zoram hi lo chawi tawh mahse hmanraw
intawm (thuthlawh leh chem) a eizawnna kal pela ruamkhata eizawng tlang kan nih
loh tak nuaih avang hian kan rohlu neih zat leh in leh lo pawh a in thlauin
hausa leh rethei kar pawh a zau ta hle mai; chu chuan kan Zotlang ram nuam,
chhawrpial run iang thin kha thenawm khawvengte nen kar a ti zau a, hmasialna
leh duhamna in chhungril min den tak avangin chhawrpial run chu kan iang ta lo
deuh em?
Mahse kan hma lawkah Lal piang
chibai buk turin khawvel a in puahchah mup mup mai si, ringtute chuan hei hi
kan hun hlu leh mi ropui a nih avangin kan ngaithutak hle a, khawvel thilah
chuan kan in buatsaihna pawh a sangin a vawrtawp a thleng tak meuh meuh thin.
He hun hmang tur hian mite tan malsawmna ni turin inbuatsaih ila, damlo,
riangvai, chanhai leh kan mihringpuite tan malsawmna ni turin kan rilru leh
ngaihtuahna a tharin hmang ila, mi tamtak tan malsawmna ni theilo mah ila kan
theih na leh kan ngaihtuahna kan Lalpa duh danin mi te tan i hmang dawn em?
Tunlaiah chuan sawrkar tan mipuite
thil hlui zung zung a harsa viau a ni thei, entirnan, mite tana malsawmna ni
turin zan lamah i varanda ah light kha han ti eng thar teh, a nih loh pawhin i
thenawmpa tana rimchhia i ran vulhna leh tuichhe paihna kha han zawm teh le,
chutianga kan tih theih loh a biakin lama kan lam chiam emaw thu tha pui pui
kan tlangaupui leh a nih chuan chunglam a thleng a ngem le?
Engpawhnise, kan ram hi a rethei a,
sawrkar chakna ringawt ring lovin mipuite pawh hian insenso hi kan huam ve bawk
tur niin a lang. Electric chungchangah sawrkarin eng kan duhkhawp min hlui thei
lo tih chu tlang hriat a ni a, min pek ang ang pawh kan engkim thei si loh
avang leh thim thuneihna in kan in kalpawhna kawng min thunun tlat si avangin
chhungtin ten pawn light ti eng turin tlawmngaih i chhuah theuh ang u. In
sengso lovin kan vangkhua hi chen kan tum chuan kan thing thuap mai dawn a nih
hmel e, chuvang chuan he hunpui lo thleng tur hi TUALLAI TIH
EN malsawmna ni turin inbuatsaih
ang u aw.
BETHLEHEM
(Isua pianna khua)
Bethlehem awmzia sawidan tlangpui
ber chu “Chhang In” tihna a ni. Tin, “Indona hmun” tihna emaw pathian pakhat
“Lahamu in” tihna emaw a ni thei bawk. Bethlehem hi pahnih a awm a, pakhat chu
Jerusalem chhim lam mel 5 (8kms) velah awm a, a dang chu Zebulun ramah a awm,
roreltu zinga pakhat Ibzana phumna kha a ni. Jerusalem chhim lama Bethlehem hi
Isua pianna hmun kha a ni a, “Davida khawpui” tih a ni.
Tunlai Bethlehem chu Palestinian
kutah December 1995 atang khan a awm tawh a. Khaw thangduang tak niin, mihring
pawh 50,000 vel lai an awm.
RUAI
THEH DAN TUR:
1. Ruai hi Dt.26.12.2012 chawhnu dar
2:30 PM ahtheh tan tura tih a ni a, tlai dar 4 PM thleng counter hi hawn tura
ruahman a ni.
2. Counter No.5 Biak in sir-ah hian
naupang fel tawh chin, mahnia chaw ei hrang thei tawh si, mahnia la in suah
thei silo ten dawh tur a ni.
3. Counter No. 2,3 leh 4 te hi Double Counter (mahnia in
suah) tura ruahman a ni a. Chuvangin hnunga mite ngaichang chunga chaw dawh
thiam tum hram tur a ni.
3. Counter NO. 1(Kawngpui an)-ah
hian Kum 60 chi chung lam leh ke pali sa ei theilo leh sa ei lo hrim hrim ten
dawh tur a ni.
4. Ruai theh tuten chaw ei khamah
mahni chaw eina ningnawi ruh fai theuh tur a ni.
5. Ruai theh dawn tuk hian KTP
Member-te hnatlang neih leh tur a ni a,a tul tul a FATU te puih tur a ni e.
Zing dar 6 AM ah Biak in kawtah kim theuh tum tur a ni a, hnatlang tur ten
chemte/sachan chem ken ni se.
Sd/-
(K.LALHULIANA)
Fatu
Secretary.
ZU HIAN
CANCER THLEN THEI
EM?
1. Mi thiamte zir dan chuan zu in thin ho
hian zu in ngai lote aiin cancer an vei awl zawk a. Hnute cancer, chawkawng, ka
chhung, hrawk, pumpui leh ril cancer an vei hma bik a ni.
2. Zirchianna pakhatah chuan meizial zu a,
zu in thin bawk tan chuan ka leh lei cancer vei a awl em em a. Zu leh vaihlo
kaihhnawih thil hmanpawlh hi cancer thlentu hluar tak a ni.
3. Zu in thin mite hian meizial an zuk
reng rengin a let 15 in cancer an vei awlsam zawk a ni. Meizial khu han hip luh
hian ka chhung leh hrawkah meiziala chemical chi hrang hrang kha a bet a,
chutah zu an han in leh chiah khan, khang chemical thalo zawng zawngte kha
taksa hmun hrang hrangah a lo darh ta thin a ni.
4. Ngaihruatna pakhatah chuan zu in thinte
chu, an thin (liver) hian zu ken tel thil thalo a lo paih char char a,
chuvangin an taksaa thil thalo dang (vaihlo leh thildangte) paih chhuak turin
hun a neilo tiin an sawi thin a ni.
5. Zu hian taksaa ralvengtu (immune
system) kha a ti chau thin a. Kan immune system chu cancer veilohna tura min
humhimtu pawimawh tak a ni.
6. Zu ngawlveite hian tlakchham
(malnutrition) an nei a, protein, mineral leh vitamin te hi an taksain a
tlakchham avangin cancer insiamtheihna lakah a inveng zo lo thin a ni.
BIBLE QIUZ NO. 52
iI
Lalte BUNG (13-18)
A
Kâr âwl dah khat rawh :
Q1.Hnam tinte pathian zawng zawng zinga mi rêng rêngin an
ram chu ______________ lal lakah an chhanhim tawh ngai êm ni?
Q2.Tin, Israelte lal hnênah chuan, “Thalngul kha han
chelh teh,” a ti a; tichuan a han chelh a. Tin,__________ chuan lal kut chungah
a kut a nghat a.
Q3.Tin,______________ khua ata lal a lo thlenin lal chuan
mâicham chu a han hmu a; tin, lalchuan mâicham
chu a pan hnai a, a han lawn chho va.
Q4.Tin,___________________
chu api leh pu, Israel lalte hnênah chuan a muhil ve a; tichuan a fapa
_____________ chu a aiawhin a lal ta a.
A
bung leh Châng dah rawh :
Q1. Juda lal Azaria kum sâwmnga a lal kum chuan Menahema
fapa pêkahia chu Israelte chungah Samari khuaan a lal tan a, kum hnih a lala a.
Bung:
............... Chang:
....................
Q2.Tin, mi pakhat an phûm dâwn lai takin an han hmu a;
tichuan chu mi chu Elisa thlanah chuan an thlak ta mai a; tin, a ruang chu
Elisa ruhte ch a zuk deh veleh, a lo nung leh a, a ding ta mai a.
Bung:
................ Chang:
....................
Q3.Tin, ani chuan, “Chhak lam tukverh han hawng teh,” a
ti a; tin, a han hawng a. Tin, Elisan, “Kâp rawh,” tin, a han kâp a. Tin, ani
chuan, “LALPA hnehna thal, Suria-ho hnehna thal a nih kha; Aphek khuaa chuan
Suria-hote chu boral der kawpin i hneh dâwn nia,” a ti a.
Bung:
................ Chang: ....................
Q4.Tin, Jabesa fapa Saluman ama a phiar ru a, mipuite
hmaah a bei a, a tha a, a aiawhin a lal ta a.
Bung:
................ Chang:
....................
Q5.Engtin nge tawlailirte leh sakawr chung chuang mite
thu-ah Aigupta chunga i rinna ngahtin, ka pu mite zinga te ber hotu pakhat pawh
hi i dan kir zawh dâwn tehlul ni?
Bung:
................ Chang:
....................
Hming : ......................................................
Section :
.....................................................
BIBLE QUIZ NO. 48 RESULT
Chhanna lut zawng zawng : 2
Chhang dik vek : 2
Lawmman dawngtu :
Lalthlamuanpuii
Chhanna
lut a awm loh avangin angai dah leh a ni. Lawmman hi Cir,Mng. Pu C. Lalnunsanga
hnenah lam tur.
2013 BRANCH K.T.P
HRUAITU THAR LEH AN
POST
Ni 13. 12. 2012 (Ningazan) khan Saikhamakawn Branch
KTP chuan hruaitu thlanna neih a ni a, heng thlanchhuahte hian hetiang hian
post an insiam rem.
Leder:
Upa Lallawmchhunga
Ass.
Led. : Pu R.Lalmuanpuia
Sceretary:
Pu Lalduhkima
Asst.
secy. : Nl. V. Lalrindiki
Treasurer:
Pu Jeff Lalhmingsanga
Fin.
Secy: Pu Lalremruata
COMMITTEE MEMBERTE
1.
Pu Lalchhandama
2.
Pu C. Lalremruata
3.
Pu C. Lalmuanpuia
4.
Pu C. Lalnunsanga
5.
Tv. Lalhmangaihzuala
6.
Tv. R. Lalzamlova
7.
Tv. C. Lallawmzuala
8.
Tv. F. Laldingliana
9.
Tv. R. Zodinsanga
10.
Tv. Pc. Vanlalhriatpuia
11.
Nl. Lallawmsangi Hrahsel
12.
Nl. Brigitte Zonunmawii
13.
Nl. CVL Biakzuali
14.
Nl. Lalramnghaki
15.
Nl. J. Lalhmunsiami
16.
Nl. Lalrinchhani
17.
Nl. Zohmingmawii
LAWMTHU SAWINA
Ni 20. 12. 2012 (Ningazan) khan Saikhamakawn KTP chuan
Bonfire hun hlimawm tak a hmanga, memberte pawh kan kal tha hle a, a lawmawm hle mai. Bonfire neihna tur hmun atan
hian Pu Zosangliana te chhungkua chuan phal takin an in kawt min hman tir a, an
chungah KTP chuan lawmthu a sawi tak meuh meuh a ni.
Sd/-
(LALDUHKIMA)
Secretary
* Khawvel hi suangtuah tu tan chuan
thawnthu nuihzat thlak tak ang a ni a, thinlunga tuartu tan chuan thawnthu
lungchhiat tak ang a ni thung.Horace Wolpole
HRIATTIRNA
Kumthar (2013) January thla atang
chuan kan veng chhunga nitin chanchinbu Daily News paper chu ka hnen a lam thin
zawng zawngte chuan ka hnenah a lam theih tawh dawn lo a ni tih a hma lamin ka
han hriattir lawk che u a ni e.
Tv.
C. Lalngheta
THEIHNGHILH
EM (Paikawng) la
tha tak chu ka dawrah theihnghilh a ni a, a neitu chuan a rang lamin ka dawrah
lam vat turin kan in hriattir a ni e.
Tv.
C. Lalngheta
HRIATTIRNA
Tun kum Krismas leh kumthar
vuakvetah hian YMA chuan vengchhungah Halpuah zawrh leh hal te, silai lem a mu
kahchhuah theih zawr leh hman te leh ruihtheih thil lam reng reng khap tlat a
ni a. A ti lui kan awm a nih chuan an chungah action lak theih a ni dawn a ni.
Vengchhung a lo thianghlim zawk nan
mipui te tangrual ila, hetiang kawngah hian duty te pawh theihtawpin thlawp
bawk ila a tha ang nge. Kan vengchhung a lo thianghlim theih nan kan duty vek a
ni tih i hre theuh bawk ang u.
N.P.S.S HRIATTIRNA
Kum 2012 chhuna Naupang Sunday
School kai dan tarchhuah mek a ni a, khawl lam that loh vanga Senior leh
Sacrament department kal dan tarchhuah theih loh pawh tar chhuah a ni tawh bawk
a ni.
Vawin Pathianni ral hma ngei hian a
complain duh chuan mahni zirtirtute hnenah in report tur a ni a, vawiin bak chu
pawm a ni dawn lova, nu leh pa te pawhin kan fate kal dan lo ngaihven pui nise
a tha ang nge.
2013 YMA
MEMBER FEE PEK
THEIH
Kum 2013 a YMA membership fee chu
pek hun a lo ni leh ta a, heng a hnuaia hming kan tarlante hnenah hian December ni 31 ral hmain Rs 5 kenga pek theih reng a ni, theihnghilh palh a awl
avangin a rang lama pek nise a tha ang.
V. Sec tan - Pu C.
Lalnunsanga
T.Sec tan- Pu
Malsawmdawngliana
Ch.Sec tan- Pu
Lalpianthanga
ZANIN EPL
KHEL TUR
Swansea Vs
Man. Utd.
(7:00)
Chelsea Vs
Aston Villa (9:30)
LIRTHEI NEITUTE TANA HRIATTIRNA
Sorkar-in thuneihna a pek angin
Saikhamakawn Local Council leh Branch YMA Joint Committee chuan Vengchhunga
Lirthei Kawng kama dahtute(regular-a dahtute) a hnuaia mi ang hian Parking Fee
chawi tawh turin a rel a, hei hi kumthar 2013, January thla atanga hman tan tur
a tih a ni.
Hetiangin:- 1) Heavy Vehicle - Rs.200.00 (thla khatah)
2)
Medium Vehicle - Rs.150.00 (thla
khatah)
3)
Light Vehicle - Rs.100.00 (thla khatah)
4)
Two Wheeler - Rs.50.00 (thla
khatah)
Kawng kama Lirthei dahtu zawng
zawngin hei hi zawm vek turin kan in ngen a, Parking Fee hi Pu H.
Lalliantluanga,Traesurer, Local Council hnenah pek tur a ni ang.
Sd/-
(ZORAMTHANGA)
Chairman,
Local Council
PUBLISHED BY
LITERATURE SUB. COMMITTEE KTP SAIKHAMAKAWN
BRANCH, COPIES : 300
No comments:
Post a Comment