Mipui Aw Kumthar Special Issue 1.1.2013

MIPUI AW

SPECIAL ISSUE

Vol. XIX Issue No. 1 Kristian Thalai  Pawl  Saikhamakawn Branch  Pathianni Dt.1.1.2013

VAWIIN CHANG VAWN

            Isuan a chhang a, “Tih tak meuhvin, tih tak meuhvin ka hrilh a che, mi tûpawh tuiah leh thlarauva an pian loh chuan Pathian ramah an lût thei lo vang. Tisâa piang apîang tisâ a ni; Thlarauva piang apîang thlarau a ni. I pian thar tûr ka tih che hi mak ti suh. Thlî khawiah pawh a duh duhin a tleh \hin, a ri i hria e, nimahsela khawi atanga lo kal nge, khawiah nge a kal dawn tih pawh i hre si lo; tupawh Thlarauva piang chu chutiangin an awm,” a ti a.

- Johana 3:5-8

KOHHRAN  PROGRAMME

1.1. 2013 (Thawhlehni)

Kumthar Ni

Chawhma Inkhawm

Tantu           : Pu Chawngchhuana

Thuhriltu    : Pastor G.Chhun\huama

Thupui           : Lalpa chunga l^wm chu                                              chakna a ni.

                     Zan Inkhawm

Thuhriltu    : Upa Lalzuiliana

Thupui           : Pathian lawm tlak inthawina

2.1. 2013 (Nilaini)

Zan Inkhawm

Thuhriltu    : Upa Lalzama

            Vawiin chawhma inkhawmah hian Kumthar thawhlawm l^kkhawm a ni ang a, Kohhran hmeichhia te’n an buaipui ang. Tin, he kumthar thawhlawm lakkhawm hi kum 2013 Kohhran Committee Chairman Upa Zairemthanga’n Pathian hnênah a hlân ang.

            NILAI ZAN Inkhawm bân A|ANGIN Kohhran Zaipâwl te’n PASTOR THLAHNA hla zir tur a ni e.      

SERMON

HE  KUMTHAR  HI  AW  LALPA  MALSAWM

ANG CHE

 Chu mi avang chuan tupawh Kristaa a awm chuan thil siam thar a lo ni a; thil hluite chu a ral ta a; ngai teh u, a lo thar ta.       

II Korinth 5:17

            Mihringte kum chhiar dânah chuan vawiin ni hi kum thar chu a ni ta reng mai. Nimin leh vawin chu thil danglam tak a ni ta, nimin kha chu nikum a lo ni tawh a, vawiin chu kum thar a lo ni ta bawk a. Mihringten kan ni leh kum chhiar dânah chuan kum thar duhawm tak kan chuangkâi a, mahsela keimahniah hian he kum thar duhawm tak lo thleng hian engtin nge a thawh dân chu mahniah kan chiang theuh awm e. Hun leh ni, kum chunga thuneitu Pathian in hna a thawh loh chuan mihringte tih theih kan nei tlêm hle a, he kum thar kan chuankai mêk pawh hi Lalpan mihringte tân a malsawm zet loh chuan keini hringfa tân chuan kum \ha a ni hauh lovang.

            Bible châng kan tarlan ang khian thil hluite chu kum hlui khân a lo ral pui ta a, Pathian khawngaihna zarah hun thar kan chuangkai ta, kum 2013 hi tu fa mah hian an la hmelhriat ngaih hauh lova, mitin tân Pathianin ang khat vekin hun thar leh kum thar min pe a nih hi. Tûn kumah engnge kan chungah lo thleng dawn? tih kan hre hauh lo; chuvang tak chuan he kum thar kan hman mêk hi; kum \ha, tisa leh thlarau pawha malsawmna ropui tak kan dawn kum a nih a \heuh kan duh vek anga, mahse chutiang awm ngawt tur chuan mihringten thuneihna kan neih hauh lo thung si.

            Anih chuan kan duhdân ang taka he kum thar lawmawm tak hi kan hman theih a, kum \ha; nang leh keia tân anih theih nân engtin nge kan tih tak ang? Mihringten kan tih theih awmchhun chu ‘He Kum Thar Hi Aw Lalpa Malsawm Ang Che’ tia \hahnemngai taka engkimtitheitu hnênah kan \awng\ai a \ul a, chu chu kan kawng neih awmchhun pawh a ni rêng a ni. |hahnemngai takin malsawmna kawng dik nia kan hriat ve taima takin thawk mah ila Pathianin kan tân malsawmna kuma min ruatsak loh chuan keini mihringte chuan tih theih kan nei tlêm hle. Thawkrim thlâwn mai kan ni ngei ang.

            A tawp berah chuan he kumthar lo thleng mek hian engnge a thlen dawn tih tuman kan hre lo, khawvel mithiamte pawhin engnge lo thleng dawn tih an hrelâwk thei bîk hauh lo. Mihringte tân chhiatrupna lo thlen kum a ni dawn nge? tih te, Pathianin kum 2013 hi min hman tluantir dawn nge? hriat pawh a ni lo, a thilsiam leh a hunruatte hmang turin hringfate hi kan awm tawp mai a nih hi. Kan hun hman mek leh kan hman zêl tur hi Pathian hnênah kan kawltir a, tisa leh thlarauah malsawmna kan dawn kum a nih theih nân i dil mawlh mawlh ang u.  

                       

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

                        Pathian hruaina leh awmpuina hnuaiah kum 2013 kum bul ni hmasa ber kan lo thleng leh ta reng mai. He kum min hruai thlengtu leh he kum thar thlenga min awmpuitu Pathian chungah lawmthu awm rawh se.

            Thufing chuan, “A bul \an \hat hi a chanve zo ang a ni” a ti a, chumaibâkah, kan upate chuan, “A bilha tho lo chu siam \hat theih a ni tawh lo” te an lo ti hial bawk. Chumi awmzia chu thil reng reng a bul \an \hat a pawimawh a, a bul ber a\anga kan \an \hat loh chuan afuh tawh ng^i lo \hin. Chutiangchiah chuan tun kum 2013 pawh hi a bul kan \an \hat chuan kan thil tihna kawng engkimah keimahni tân zêl a hlâwkin bul \ha taka kan \an a pawimawh âwm e.                         Kan hun kal tawha kan lo tihsual tawh leh kan sûlhnu hlui thil \halo kan lo tih tawhte invawnbehtir tlat lovin kan thlen chin a\anga hmâ sâwn deuh deuh zêl tur kan ni tih inhre thar chungin he kum bul a\ang hian kan rilrute siam thar ila; mahni tâna chakai khawrh \heuh kan ni tih inhriain he kum tharah hian tum bîk emaw intiamna emaw nei theih i tum ta bawk ila.

            Tin, he kum thar hian mahni chauh nilovin midangte tâna malsawmna thlentu kan lo nih \heuh theih nan bul i \an ang u.

KUM THAR 2013 RUAI |HEH DÂN TUR

1. Ruai hi ni 01.01.2013 chawhnu dar 2:30 PM-ah \heh \an tura tih a ni a, tlai dar 4:00 PM thleng counter hi hawn tur a ni a, hun  tiam chhûnga ruai \heh hman vek tum turin mipuite kan in ngên e.

2. Counter No. 1 (Kawngpui ân)-ah hian Kum 60 chin chung lam leh ke pali sa ei theilo leh sa ei lo hrim hrim ten dawh tur a ni.

3.Counter  No. 2 & 3 hi Double Counter (tlar hniha dawh) tur a ni a. Chuvangin hnunga mite ngaichâng chunga chaw dawh thiam tum hrâm tur a ni.

4. Counter No.4 Biak in sir-ah Sunday school naupang leh Senior Deptt. chin ten dawh tur a ni.

5. Ruai \heh tuten mahni chaw eina ningnâwi \heuh ruh fai i tum ang u. Tin, chaw eikham apiangte Biakin chhim lam pang, Senior Deptt. hall lam atanga chhuak vek turin kan in ngên bawk e.

6. Ruai \heh dâwn tûkah hian K|P Member-te hnatlâng neih leh tur a ni a, a \ul \ul a FATU te puih tur a ni e. Zing dar 6:00 AM ah Biak in kawtah kim \heuh tum tur a ni a, hnatlâng tur ten chemtê/sachan chem ken ni se.

Sd/-

(K.LALHULIANA)

Fatu Secretary.

DUHSAKNA & CHIBAI  BÛKNA

            Kum 2013, kumthar ni hmangtu zawng zawngte Mipui Aw Editorial Board Member zawng zawngte chuan chibai kan bûk che u a, he kum tharah hian bul \an tharin rilru thar nen; mahni \heuha tum nei rân chungin hlim leh lâwm taka hmang turin duhsakna sâng ber kan hlân a che u. Kumthar ni hman nuam vek ule.

Enge an sawi? Engmah an sawi lo.

(Chawngkhûm dân tlânghuat loh)

* Reilotê chhûng, Tripura ka kal hlânin Zâikhawm in lo pâm \ûl hman a nia, ka tello chuan kan kohhran hi a kal thei lo anih hi.

            - Pi Lalngâii.

* Tripura Christmas hmanga kal zawng zawngte: Pavalâi a\angin mipa panga leh Pavalâi a\ang vêkin hmeichhia pathum.

            - Pu Dingtea.

* Kum a thar ta bawk a Bunghmun return hian ka’n ti ve tak tak tawh te’ng.

            - Tv. Hmangaihsanga.

* Saikhamakawn K|P hi ka’n hrual tak tak ange aw Pu Zonun...

            - Upa Lalzâma (Represent)

* Ka Editor dâwn ta lo bawk a, Spelling Mistake pakhat a awm pawhin tuman min sêl tawh suh u.

            - Tv. Pc.Mapuia.

* Fatu chêtnaah tuman buaina rawn siam tawh suh u aw...

            - Pu Mafela.

* Kan Upate ho aihian Pastor kal chhuak tur hi keini ho hian kan ui zâwk ang mawle...

            - Vengthlang Pâvalaite.

* Sound control ka thiam leh thiam loh chu fiahin ka awm dâwn ta e, ka rapthlâk reuh ngawt ang...

            - Tv. Faktea.

* News in hriat duh chuan min rawn be \ha rawh u... Kan veng hi a lêtin a zauh belhte anih ngawt loh chuan ka râwn tlak viau ania...

            - Pu Zorintea.

GEORGE  MEMORIAL  SCHOOL, KULIKAWN

Admission Open For

KG- Class VIII

Admission Fee            - Rs 1,500/-

Monthly Fee    - Rs 500/-

* December Ni 15 thleng Admission Rs 1,200/- in a tih theih.

Phn- 9862376565, 9862751887

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300

Mipui Aw Editorial Board Tharte Kum 2013 atan...

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Mipui Aw 30.12.2012

MIPUI AW

Vol. XVIII Issue No. 53 Kristian Thalai  Pawl  Saikhamakawn Branch  Pathianni Dt.30.12.2012

VAWIIN CHANG VAWN

            Naktukah chuan engnge lo awm dawn in hre si lo. In nunna chu engnge ni? Chhum rei lo te lo lang a, ral leh ta mai thin ang hi in ni si a. Chutichuan, “Lalpan rem a tih chuan kan dam ang a, chu mi kha mi kan ti ang,” in ti tur hi a ni. Jakoba 4:13-15

KOHHRAN  PROGRAMME

30.12. 2012 (Pathianni)

Chawhma Inkhawm

Sunday School Kai tha lawmman sem

Tantu  : Pi Laldawngliani

            Naupang Sunday School  lam pawh Sunday School hall ah lawmman sem inkhawm neih tur a ni a. Beginner atanga Senior Department te a huhova inkhawm tur a ni.

            Chawhma inkhawmah hian Putling leh naupangah thilpek lakkawm tur a ni ang.

Chawhnu  Inkham

Thuhriltu: Pu Lalrintluanga

Zan Inkhawm

Thuhriltu: Upa R. Lalngena

Ni 31.12.2012 (Kumhlui thlah zan)

            Kohhran chanchin report leh mitthi sun inkhawm

Thuchah: Upa C. Lalmuankima, Secy.

Zanlai Inkhawm

Hruaitu: Upa Lallawmchhunga

NPSS  PRIMARY  DEPT.  HRIATTIRNA

            Primarry Department naupangte an zirlaipui damlo kan na tur pawisa mahni remchan ang tawk nu leh pa ten tukin zing inkhawmah lo ken tir nise, a lawmawm ngawt ang.

           

SERMON

DAMNA  HMUN

            Ngai teh u, ram hla tak ata, Ka fanu ka mite \ap thawm chu, Zionah chuan LALPA a awm lawm ni; A chhngah a LAL a awm na nge? A milim siam chawpte leh hnam milemtein, Engahnge mi tihthinur ni? Buh seng hun a liam ta, Nipui a tawp ta, chhandamin kan la awm lo. Ka mite ka fanu natnaah chuan ka a ve si, Ka sûn a, thlaphânnain mi vuan ta. Gilead-ah thinghnai damdawi a awm lawm ni le? Chutah chuan tidamtu a awm na nge? Engati nge ka mite, ka fanu a hrisel theih loh?

            Thinghnai atanga siam damdawi hi hmanlai atangin Gelead ram atang hian Aigupta leh Phoiniki ramah an thawn chhuak thin a. Gelead ram hi Storax thing atanga an siam thing hnai damdawi leh an doctor-te avang hian an lo hmingthang hle thin a ni awm e. Jeremia hunlai pawh hian natna nasa tak tuar te chu Gelead rama thinghnai damdawi leh Gelead rama doctor te hnenah damna an hmuh thei mial lo maw tiin a au lawm lawm a ni tih chiang takin kan hmu a ni. Mahsela an hmulo pawh a ni mahna. Helai chang kan tarlana; mite natna hi a hunlai khawvel thiamna hmanga dam thei an ni lo pawh a ni mai thei a. Tin, damna an zawnna hmun hi a dik lo nge ni ang ti pawhin a ngaihtuah theih tho awm e.

            Israel fate an sual avanga tuar tir thin tu chu Pathian a ni a, tuam dam leh tu pawh Pathian bawk a ni. Hei vang hian damna an zawnna hmun tur pawh Pathian lamah a ni ngei tur a ni a, thinghnai damdawi tha tak tak leh doctor thiam tak takte awmna hmunah damna tak a awm hauh lovang. Kan tunlai dinhmunah pawh ngaihtuah ila, mimal nun kan dam lova, chhungkaw tin maiin harsatna kan tawk a, khawtlang leh ramah chhiatna a lo thleng mek zel bawk. Heng zawng zawng ngaihtuah hian khawvel thiamna atanga dam khawchhuahna zawn chi a ni ang ngem tih hi kan ngaihtuah a ngai hle mai. Thenkhat chuan kan natna leh kan nun tuihalna te tihdam nan khawvel lam kan pan a, kan tlan fo thin, chutah chuan damna awm si lo.  Lungngaihna tizualtu leh natnate tipungtu mai an ni si. Damna hmun dik Isua hnen pan a va tul tehlul em.

            Pathian hmangaih ten nasa takin sual vangin na an tuar a, an rum mek a nih a, chung mite chuan damna tak ni lo, khawvelah damna tak ni awm taka an hriatte an pan mek a, chungchuan natna a thlen belh zel bawk si. Heng mite hi damna hmun dik tak hruai thleng tur hian Pathian hian min ko a ni tih kan hriat thar a va tul tehlul em. A mite natna a na ve thin Pathian hian keini mihring ten misual tia kan ngaih hniam thin te hi a ngai hniam ve lova, sual vanga hliam tuar thin mihringte vang hian kan Pathian hi a na ve thin asin. Damna hmun dik Isua hnenah sual vanga na tuar te hruai turin theihtawp i chhuah ang u.   

                       

EDITORIAL  BOARD

              (

Editor :

Tv.PC.Vanlalhriatpuia         - 9862732381

Jt.Editor:

Pu R. Lalmuanpuia               - 9612159842

News Editors :

Tv.RLalzamlova                   - 9612413196

Tv.R.Zodinsanga                  - 8974743073

Tv.F.Laldingliana                 - 9862378567

Tv.Lalhmangaihzuala          - 9862846345

Circulation Manager:

Pu.C.Lalnunsanga                - 9612413287

Editorial.........?

HUN  LIAM  MEK  HI....

            Kum 2012 chu naktuk chiah kan nei ta, naktip lawkah kum 2013 kumthar duhawm tak chu Pathian hruaina hnuaiah kan thlen ngei beisei phawt mai teh ang. Hun leh ni leh kum kan hmanral takte tluang taka min hmantir a tun hun min hruai thleng tu Pathian hnenah lawmthu awm rawh se.

            Kan hun hman liam tawh chhut kir ta ila, thenkhat chuan hlimna nasa tak kan tawh kum niin kohkir kan chak ngawih ngwih mai thei, chutihlaiin thenkhat chuan kan kum chhiat kum pawh a ni thei. Mahse Pathian remruatnaah chuan kum 2012 chu a liam mek zel a, kan damchhungin kan kokir leh thei tawh dawn hek lo. Kokir thei dawn tawh lo mah ila, kan thil tawh leh kan thiltih engpawh kan nunah a bet tlat tawh thung dawn a, chu chu hun tawp rorelna niah kan la hmukir leh thung ang. Chumi hun chu nang leh kei hian kan zahna ni a ni angem tih in chhut kir ang u.

            Kum 2012 a kan hun hmanliam tak zawng zawng khan chatuan hmun min lo thlen khalh dawn a, Lal hmaah kan la dinpui dawn a nih tih Pi Lalsangzuali Sailo hla chuan min lo hrilh a. Kan hun hman liam tawh zawng zawng hi a ral mai lo tih kan hriat chian a tul a, chumi hrereng chung chuan kumthar lo thleng mai tur leh kan hun hman zel tur hi fimkhur taka kan hman a tul hle a ni.

ARTICLE

‘Silai’

- Rian B. Anderson

Kum 1881, Krismas urlâwk zân a ni a. Kum 15 ka tlin kum a ni bawk; mahse chumi \um chuan hun rei tak chhûng ka lo awh tawh rifle leina tûr khawp sum ka neih loh avangin ka tân Krismas chhe mi a ni hawt mai. Zanriah ei kham chuan thuk bulah ka mu a, kan dân pangngaiin ka pa hovin Bible chhiarna hun kan hmang dâwn tih ka hria. Ka pa chu a rawn lang ngei a; mahse Bible a keng tlat lo. Pâwnah a chhuak a, rei loteah a rawn lût leh a, chiang fea min en chung hian “Ti teh Matt, pâwnah i’n hawi khawthawng teh ang, a vâwt nuam hle asin” a ti a. Rifle neih duh êm êm laia pâwn khaw vâwt hnuaia hawi khawthawng tûra min sâwm chu ka lâwm lo nasa kher mai; a mûlna âwm rêng rêng lah ka hre hek lo. Mahse, ka zui ta tho a. Pâwna ka chhuak tûr chu ka nu chuan min lo nuih sak lehnghâl a, a ngaihna âwm ka hrethiam lo chiang ngang mai.

Pâwna sakawr tawlailir dingah chuan eng emaw hi a intiang ûr a. Ka pa chu tawlailir khalhnaah chuan a lo mu vâng a, a bulah chuan ka han mu ve a, khua chu a vâwt kher mai; nuam ka ti tehchiam chuang lo. Ka pa chuan tawlailir chu a khalh ta a. Rumrawk kan dahkhâwmna kawngka zâwnah a tiding a. “Hêng bungruate hi helai rumrawk dahnaah hian hlâng lût ila, rumrawk bâwma thing tuah tûr hi tawlailirah i hlâng thung teh ang. Ti rawh le,” tih leh tawlailir amanga zuan thlâk chu a rual a, zui mai loh chu tih tûr dang a awm leh tlat lo!

            Ka pa chu ka hrechiang a, mahse tûn \uma a thil tih hmang leh tih tum chu ka hrethiam ta lo. A tâwp a tâwpah chuan “Pa, eng nge maw i tih tum ber le?” ka ti ta nge nge a. “Tûn ang zânah hian i ni Jensen-i te ina kal i hreh em?” tiin min lo zawt lêt a. Ka ni Jensen-i (ka pa farnu) te chu kan awmna a\ang mêl 2 vêla hlaa awm an ni a, a pasal chuan kum 2 liam ta khân a thihsan a; an fa pathum chu a enkawl zui ta a ni. An fa upa ber pawh kum 8 mi chauh a la ni nghe nghe a, an dinhmun chu a harsa ve khawp mai.

“Hreh lêm lo ve. Mahse, eng nge kan va tih ang?” ka ti a. “Vawiin khân i nite chênna hmun ka paltlang a, kan manpuina an mamawh niin ka hria. A fapa upa ber Jack-a kha thing tuah tûr zawngin ramngawah a kal ka hmu tlat a ni. Thing tuah tûr an nghei niin ka ring, Matt,” a ti ta a.

Rumrawk dahnaah chuan a lût a, thing tuah tûr kan chhêk khâwl sa chu a rawn pu chhuak a, tawlailirah chuan a hlâng a, a tih ang chuan ka ti ve ta a. Ka pa chu chokaah a va lût a, chhangphut ip a rawn pu chhuak vû vû a, thil eng emaw a rawn zakzeh phei bawk a, “Pa, eng nge i zakzeh kha?” ka lo ti vat a. “Pheikhawk a nih hi. Jack-a te unau chuan tûn ang khaw vâwtah pawh pheikhawk bun tûr an nei hlei nem. Sa leh chithlum tlêm a tel bawk. Naupang tân chithlum tel lova Krismas hman chu khuang lova chai ang hlauh a ni ang asin le,” a ti a.

            Ka nite in lam pan chuan ngawi rengin ka pa chuan tawlailir chu a khalh a. Thlasik chhûng phâng lova tuah tûr thing kan nei a, chhangphut lah chuti bawk. Pawisa erawh kan nei tam lo tih ka hria. Chuti chungin engati nge ka pa chuan ka ni fate tân chithlum leh an bun tûr pheikhawk a lei malh? |henawm khawvêngte pawh an nei ve tho va, an ngaihsak thei lo em ni? ka ti rilru a.

            Ka nite in kawtah chuan thing tuah tûr, chhangphut ip leh chithlum bâwm chu thâwm dîm thei ang berin kan hlâng thla a. An kawngka kan han kik a, kawngka chu tu emaw hian a rawn hawng a. |i dêk hian, “Tu nge ni?” a rawn ti a. Min hmuh chuan a lâwm chu a \e chûl a, in chhûngah min hruai lût nghâl a. Blanket hlui zet tawh hi a sin hlân a. A fate chuan mei thi lek lek tawh hi aiin thuk hmaah chuan an lo \hu kual far a. Ka ni chuan nawhalh a han nawt a, lal\in ung zet tawh chu a han chhi a.

Ka pa chuan, “Thil eng emaw kan rawn keng asin,” a ti a. Chhangphut ip leh pheikhawk bâwm chu kan zâwn lût a, ka ni chu a pe a. Pheikhawk bâwm chu a han hawng a, a inkawp tûr ang zêlin a thliar hrang nghâl a. Ka ni hmêl chu ngun takin ka lo en reng a, a heh a pet fan fan leh lâwm avanga a mittui rawn hnâm miam miam, a bianga luang thla zaih zaih chu ka hmu reng mai! Eng emaw sawi tûr a nei tih pawh a hmêl amangin ka chhiar thei; mahse lâwm avangin a sawi chhuak thei si lo!

Ka pa vêk chuan “Jen, thing tuah tûr pawh kan rawn keng tak asin,” a ti leh a. Ka lam rawn hawi pahin “Matt, thing tuah tûr kha rei tâwk fang an tlâk tûr han thiar lût la, han tuah belh nghâl nghe nghe ang che, khua lah a vawh hi le,” a ti a. Thing tuah tûr thiar lût tûra pâwna ka chhuak chu mi dang daih ka ni ta! Ka mitthlaah chuan meilum thi lek lek tawh kîla naupang \hu \hap te, blanket hlui chhe zet sin chunga lâwm avanga ka ni bianga mittui luang zaih zaih leh lâwm avanga eng thu mah a sawi chhuak thei lote kha a châm tlat a, kei pawh ka mittui a tla ta zawih zawih a. Tûn hmaa ka hriat ngai loh leh ka la tawn ngai loh lâwmnain ka thinlung chu a liam zawih zawih a ni ber e!

Naupangho ka pa-in chithlum mûm a sem diat diat lai chuan an lâwm avangin an phun sap sap a. Ka ni chuan “Pathianin malsawm che u rawh se. Pathian mi tirh ngei in ni tih ka pawm hmiah a ni. Kei leh ka fate hian min manpuitu tûr rawn tîr tûrin Pathian hnênah kan dîl reng a ni,” a ti ta a.

Kan haw tûr chu ka ni chuan min ui ngang mai, naupangho lahin chuti bawk. Ka pa chuan naupangho chu a mal te tein a kuah diat diat a; an hmêl a\ang chuan an pa thi tawh an ngaihzia chiang takin ka hmu thei a; tûn thlenga pa ka la nei chu ka vanneihzia ka hre thar hle bawk. Kawngka bul kan thlen chuan ka pa chu a hawi lêt leh a, ka ni hnênah chuan, “Jen, ka nupuiin kumin chu Krismas zanriah kîl tûra sâwm che u a tum thu min chah a, naktuk tlai atân a ruahman nghe nghe asin. Krismas zanriaha buatsaih tûrin turkey lian zet mai a vulh pek a, duhthâla kan ei pawhin a la chuang meuh hial ang.

Naktuk chhûn dar 11-ah kan rawn lam ang che u,” a ti a. Ka lam rawn hawi pahin, “Matt, a \ha em?” a rawn tithuphung a. Kei chuan hnialna engmah ka nei tawh lo.

Ka ni chuan lâwm avanga \ah aw \iau hian, “Unaupa, ka lâwm tak zet a ni. ‘Pathianin malsawm che u rawh se’ tih thu sawi lo mah ila, Pathian chuan mathei lovin mal a sâwm ngei ngei ang che u” a ti a. Kan inmang\ha a, tawlailira ka han chuang haw leh ta chu vâwt ka ti tawh rêng rêng lo.

Ka pa chuan a aw a han thian kharh kharh a, ka hnênah chuan, “Matt, thil eng emaw hrilh duh che ka nei asin. Rifle hi i awt êm êm tih i nu nên hian kan hre reng a; chuvangin kumin Krismas-ah hian Krismas thilpêkah leisak theih che kan beiseiin kan theih ang angin sum pawh kan khâwl a; mahse kan tlin hman lova, a pawi ka ti ngawt mai. Amaherawhchu, nimin khân hun rei tak chhûng sum min batsaktu mi pakhatin a bâ min rawn pe a, i nu nên chuan rifle leisak ngei che kan tum diam tawh a, i rifle tûr lei tûrin tûkinah khân dawrpuiah ka va kal a; mahse i nite chênna ka paltlang lai takin a fapa upa ber Jack-a kha pheikhawk pawh bun lova ramhnuaiah a kal lai ka hmu a, eng nge a tih tûr tih pawh ka chiang êm êm, thing tuah tûr a zawng dâwn a ni. Tichuan ka fapa Matt, rifle leina tûr pawisa kha i rifle tûr lei nân hmang ta lovin, naupangho pheikhawk leh chithlum lei nân ka hmang ta a ni. Matt, i hriatthiam ka duh takzet a ni,” a ti ta a.

            Ka mittui a hnâm a. ka biangah a luang zawih zawih a. Ka pa-in chutianga a lo ti chu ka va lâwm tak êm! Thil awmzia ka hriat chian a, thil thleng ka hmuh chian zawh poh leh rifle ka duhna chu a hniam rawih rawih mai a. Ka pa thil tih chuan ka ni Jen-i hmêla hlimna lo lang leh naupangho hmaia lâwmna inziak chu min chhiartîr a, a man a va tam êm! Ka dam chhûng hian ka ni Jensen-i te chhungkua leh thingbung ka hmuh ringawt pawh hian khami zâna tawlailirah, rilru hlim ru veng veng chunga kan in lam pana ka pa kianga ka mhu kha ka hrechhuak ziah \hin. Khami zân khân ka pa khân rifle ka neiha ka hlimnain a tawn phâk rêng rêng loh tûr hlimna min hmuhtîr a ni.

KUM  2013  KOHHRAN  HMEICHHE  HRUAITU  THARTE.

            Ni 18.12.2012 (Thawhleh) ni khan Saikhamakawn kohhran hmeichhia chuan kum 2013 a hruaitu tur thlanna an nei a, chung an hruaitu thlan chhuah tharte chu:-

Chairman         - Pi Lalchhingpuii

V.Chairman     - Pi Khawlvuani

Secretary         - Pi R. Lalthansangi

Asst.Secy.       - Pi K. Lalbiaksangi

Treasurer         - Pi Saithangpuii

Fin.Secy.         - Pi Zohmingthangi

PAVALAI  RAMTHAR  KRISMAS  HMANG  LO  HAW

            Saikhamakawn Pavalai Pawl bultuma Ramthar (Tripura) a Krismas  hmangte chu ni 27. 12.2012 (Ningani) zan khan an lo haw thleng leh ta a. Mi  8 ten Krismas hi an hmanpuia, a kal te an hlimtlangin hlawk an hle a ni.

GEORGE  MEMORIAL  SCHOOL, KULIKAWN

Admission Open For

KG- Class VIII

Admission Fee            - Rs 1,500/-

Monthly Fee    - Rs 500/-

* December Ni 15 thleng Admission Rs 1,200/- in a tih theih.

Phn- 9862376565, 9862751887

           

BIBLE QIUZ NO. 53

iI Lalte  BUNG (19-24)

A Kâr âwl dah khat rawh :

Q1“Heti hian Juda lal _________________ hnêna sawi ang che u, ‘ I pathian i rina chuan Jerusalem khua  Assuria lal kuta pêk a ni lovang, tiin bum che suh se.

Q2.Tin, Aigupta lal chu a ram ata a lo chhuak leh ta lo va: ___________________ lal chuan Aigupa ram lite atanga Euphrates lui thlenga Aigpta lal ram huam zawng zawng a la tawh si a.

Q3.Tichuan ani chuan, “Saw tu lungphun nge ka han hmuh saw?” a ti a. Tin, khuaa mite chuan, “Pathian mi, Judai ram atanga lo kal, ____________________ mâicham chunga i tih tak hi lo sawi lawktu thlan anih saw,” tiin an hrilh a.

Q4.“Puithiam lalber _________________ hnênah han kal la, kawngkhâr vêngtuten mite hnên ata an lo lak             khâwm LALPA ina tangka rawn dah chu chhiar sela;

A bung leh Châng dah rawh :

Q1. Tin, a fapa ch meia a lûtir a, aiente a ching a, dawite a hmang a, ramhuai aienthiam        zawlte leh dawithiamte a ruai thin a: LALPA mithmuha thil tha lo nasa tak a tithintûrin a          ti thin a.

Bung: ...............          Chang: ....................

Q2.Tin, LALPAN Kaldai pâwl te te, Suria pâwl te te, Moab pâwl te te, Amona thlah pâwl te te a mah bei tûrin a tir chhuak a, a chiahhlawh zâwlneite hmanga a sawi LALPA thu angin Judai ram tihchhiattir tûrin a tir a.

Bung: ................         Chang: ....................

Q3.“Kir leh la, ka mite hotu Jezekia hnênah sawi rawh, ‘LALPA i pu Davida Pathian chuan heti hian a ti, I tawngtaina kha ka hria a, i mittui tla pawh ka hmu e: ngai teh, ka tidam ang chia;  ni thum nia chuan LALPA inah i han kal ang.

Bung: ................         Chang: ....................

Q4.Tin, a pi leh pute tih dan ang zawng zawng LALPA mithmuha thil tha lo tak a ti thin a ni.

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 48 RESULT

Chhanna lut zawng zawng : 3

Chhang dik vek                       : 3

Lawmman dawngtu   : Pi Sanghmingthangi )V.Sec)

Lawmman hi Circulation Manager Pu C. Lalnunsanga hnenah lam tur.

            TUALCHHUNG

,Pi Lalsiamthari w/o Pu Muana (Ch.sec) chu damlohna avangin Civil Hospitalah enkawl mek a ni.

,Lalrinawma (Lam-a) s/o Pi Hmingthanhrangi (Ch.Sec) chu accident avangin a ke zai niin Civil Hospitalah enkawl mek a ni.

,Pi Lalhmachhuani w/o Pu Ramliana (L) te chhungkua chuan khawilo vahvel nan bike (Pulsar 200) thar an lei.

,Lalnunpuia (kum7) s/o Suithanga (Ch.Sec) chu accident avangin Synod Hospital, Durtlangah enkawl mek a ni.

LIRTHEI NEITUTE TANA HRIATTIRNA

            Sorkar-in thuneihna a pek angin Saikhamakawn Local Council leh Branch YMA Joint Committee chuan Vengchhunga Lirthei Kawng kama dahtute(regular-a dahtute) a hnuaia mi ang hian Parking Fee chawi tawh turin a rel a, hei hi kumthar 2013, January thla atanga hman tan tur a tih a ni.

Hetiangin:- 1) Heavy Vehicle -                            Rs.200.00 (thla khatah)

2) Medium Vehicle     -                                        Rs.150.00 (thla khatah)

3) Light Vehicle                      -                                        Rs.100.00 (thla khatah)

4) Two Wheeler          -

                   Rs.50.00 (thla khatah)

            Kawng kama Lirthei dahtu zawng zawngin hei hi zawm vek turin kan in ngen a, Parking Fee hi Pu H. Lalliantluanga,Traesurer, Local Council hnenah pek tur a ni ang.

Sd/- (ZORAMTHANGA)

Chairman,

Local Council

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300