Mipui Aw 6.12.2015

MIPUI AW

KARTIN CHHUAK

Vol. XXI Issue No. 49 Kristian Thalai  Pawl  Saikhamakawn Branch  Pathianni Dt.6.12.2015

KOHHRAN PROGRAMME

06.12.2015 (Pathianni)

 Sunday School

Chawhma Inkhawm

|antu              : Pi Rammuanpuii

Zirlai 45-na: “Ringlote leh misualte chan tur”

Chawhnu Inkhawm

Lalpa Zanriah Sacramen

|hehtu                        : Pastor C.Sapkaia

                        Zân inkhawm

Thuhriltu       : Pastor C.Sapkaia

K|P FELLOWSHIP PROGRAMME

(Thupui Zir)

Hruaitu           : Nl. CVL Biakzuali

|antu: Tv. Lalhruaitluanga s/o Upa Lalzuiliana

Thupui: Mahni hna leh eizawnna a danglam ngam

Hawngtu: Tv. Lalhmingliana Singson

K|P INKHAWM PROGRAMME

07.12. 2015 (Thawh\anni z^n)

Hruaitu           : Pu Lalduhkima

|antu              : Tv.Lalhriatpuia

Thuhriltute    : Pu Tommy Zirnuntluanga

                          leh Nl.F.Lalrintluangi

Thilpek lakh-             : Nl. Lalduhkimi Ralte leh

awmtute           Nl. Lalhmingthangi

Zai hruaitute  : Tv. C. Laldawngliana leh

                          Nl Bridgette Zonunmawii

Keyboardist   : Pu Lalchhandama

KOHHRAN HMEICHHE INKHAWM PROGRAMME

08.12.2015 (Thawhlehni) Z^n

            Kristian Chhungkaw pual feh chhuah Programme

KOHHRAN PAVALAI  FELLOWSHIP ROGRAMME

A hmun          : Pu F.Lalrinpuia te in

Hla zir nghal tur a ni.

SERMON

   PATHIAN TÂWK TÛRA INPEIH     ‘THIANGHLIMNA KAWNGAH’

                                                                                       K.Lalfakawma Nu

            Chutichuan kan Lalpa Isua, a mi thianghlim zawng zawngte n>na a lo kal hunah, kan Pathian leh kan Pa hmaah in thinlungte thianghlimna kawngah sawisel bovin a tinghet thei ang che u.(1Thesolonika 3:13)

            Sadhu Sundhar Singh-a chuan tihian a lo sawi a, “Chanchin Tha hril hlawhtlinna ber chu tharum leh awmkhauha n>k a ni lova, ngaihdamna leh hmangaihna a ni z^wk \h$n. Isua Krista pawh khan kan sualna anga min thungr<l duh lovin, kan t^n tl^wm takin a lo piang a, a thuneihna leh a Pathianna dah \hain, hmangaihna leh ngaihdamnain min rawn tlan ta a ni.

            Keini hringfate pawh hian Pathian t^wk t<r hian kan lei taksa damchhung ngei hian hmangaihna leh ngaihdamna telh z> lin thianghlimna kawngah hian Pathian t^wk t<ra kan inpeih angai hle mai a. Kan in \henawm khaw v>nnaah te, kan chetzia leh kan rilru leh kan \awngkamah te, huan lo ram leh kan hnathawhna kawng hrang hrangah te hian dik tak leh Pathian lawmtlaka thianghlim taka kan nun a pawimawh hle a ni. Pathian thu awih inti si hian mi huan ram n>k sak te hi kan lo ching em? Ringtute hi kan nun hi a bawlhhlawh nasa tawh si a, thianghlimna lo chuan Pathian hmel kan hmu thei d^wn lo a, mi duh^m leh nun bawlhhlawh tak ni chung hian Lal rawng i lo bawl a nih chuan,kan chan tur chu Bible-in ‘Thlahdah taka Lalpa rawngbawltu chu an chhe dawngin awm rawh se’tiin (Jeremia 48:10) kan hmu a. Nun duhawm leh thianghlim taka Pa chibai kan buk hi a hun tawh hle a ni.

            Tin, kan taksa hi Pathian In a ni a, Pathian ch>nna tl^ka kan vawn thianghlim hi a hun tawh tak zet a ni. Thlarau Thianghlim ch>nna tlaka kan thianghlim loh chuan Pathian t^wk t<rin kan la inpeih lo tihna a ni. Tirhkoh Paula chuan fa thuawih takte kan nih a duh hle a, ti hian a lo ziak a, “ A kotu  che u a thianghlim angin nangni pawh in chetzia zawng zawngah lo thianghlim zawk rawh u, ‘Nangni in thianghlim tur a ni, kei ka thianghlim si a’(I Petera 1:15&16) tiin. Min kotu, min tlantu hi a thianghlim si a, kei ni chu kan ch^k zawng tak te hi sual lam thil a ni fo \hin a, Lalpa lakah chuan sual t> leh sual lian a awm lo a,a vaiin sual a ni tawp mai a ni. Kan mawi lohna lai inthup kan duhnaah te hian d^wt te kan sawi a, Lalpa Pathian chuan englai pawhin min lo hmu reng si a, kan hre lo der a, kan lo nung duhdah leh mai \hin a ni.

            Ka piangthar ti a thlahdah leh duh^mna dik lo chi hrang hranga awm reng chung si hian chatuana meidila tlak chu kan hlau leh tho si a. Lalpa chuan kan sual te kan sim a Ama t^na kanin serh thianghlim hi a phut nasa tawh a ni.Min hmangaihtu Lalpa? chuan kan sualnate kan sim chuan englai pawhin min ngaihdam a duh >m >m reng a, Amah pana kan hnaih a,kan bawlhhlawhna, kan thianghlim lohna te kan sim phawt chuan tumah a hnar ngai lova, hmangaih takin min lo kuangkuah zel dawn a ni.Fak hla siamtu chuan ‘Rilrua inngaitlawmte hnenah Krista a rawn inl^r ta, Imanuela kha kan hn>nah a lo ch>ng ta.’Tiin a lo phuah chhuak a. Lalpa Pathian t^wk tur hian rilru inngaitlawm takin kan sualnate i sim \heuh ang u. Lalpan a thu malsawm rawh se, Amen.

                                                     

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

Christmas kawr mawi

            Thlasik chu kan thleng leh ta reng mai le; thlasik anga khêl lova kan lo thleng ve ziah christmas kawr mawi lei hi chhûngtin naupang kawl chuan kan faten mi fate neih ang an nei ve lovang tih hlauvin leh an rualawh phuhru tur talin engemaw tal kan tihsak ngei ngei \hin a nih kha. Khatiang hun kha kan thleng chho leh mêk e. Hetiang hunah hian nu leh pa te kan finthiam pawimawhin kan neih ang tawk kan hriatthiam a pawimawh \hin, mahni faten an awh vang ringawt a naupang tana mahni inchhungkhurin a tawrh theihna khawp ang chi lakah kan inven thiam a pawimawh hle a ni. Mahni inchhung dinhmun hre reng chunga kan indaihzâi theih chhoh zel dan tur i hre thar leh ang u.

                        Tin, he hunpui lo thleng tur hi mi \henkhat tan chuan lungngaih hapta a ni leh ngei dawn a ni. Mihring thiamna a inchen lo ang bawkin hausak dan hi a inthlau em em a ni tih hre tlang ila, mi \henkhatin duh duh an leitheih laiin \henkhat tan erawh chuan christmas kawr mawi pakhat pawh thil hautak leh harsa tak anih \hin avangin he hunpui lo thleng turah hian midang tana malsawmna ni tur leh midang ten hlim leh lawm taka he hun an hman ve theih nan rilru i sêng leh ang u hmiang...

           

ARTICLE

AMERICA KHAWMUALPUIA MIHRING LO AWM HMASATE KHA TUTE NGE?

           

            America khawmualpui khu kan hre \heuh awm e. Columbus a thlen thlak khan mihring an lo awm tawh a. Khawmualpui hran daih a ni a, khawmual a\ang pawh thlakna a awm bawk si lo, engtin nge khang mite kha khulaiah khuan an lo zuk thlen thlak? Khawi atangin nge an kal? Khawi ram atanga kal nge an nih?

             Christopher Columbus an America 1492 AD a a thlen hnu lawk a\ang khan European ho chuan a rama mi chengte hi khawi a\anga awm nge an nih te, khawia mi nge an nih te an in rin siak \an a. Columbus-a chuan India ram emaw tiin Indian ho tihin a ko ta reng a nih kha.

            Ngaihdan pakhat, Spain rama lar em em chu: Indians (Native American) ho hi khawmualpui bo, Atlantis a\anga dam chhuakte (survivors) an ni tih hi a ni. Atlantis chu a thawnthu kan hriat angin Spain ram a\anga America thleng in pharh thla mahse tuiin a chim pil tak tih Plato a hnen a\angin kan hria. He ngaihdan rawn nei hmasa bertu chu Francisco Lopez de Gomara a ni a. Kum 1552 khan he ngaihdan hi a sawi chhuak a. Atlantis, tuipuiah a pil khan, thi ve lo dam chhuakte chu America an awm a, chung ho chu Indians te hi an ni a ti a. A ngaihdan nem ngheh nan Mexican Indians ho chuan tui (water) sawi nan ‘atl’ tih an hmang tiin a sawi bawk a ni.

            Ngaihdan mak leh deuh mai pakhat chu heng Indians (native American) ho hi Israel hnam bo te, Assyria rama hnawhchhuah Thuthlung Hlui Buin a sawi, tun thlenga an chanchin kan hriat leh tak lohte kha an ni a. Dutch theologian Joannes Fredricus Luminus an he ngaihdan, Israel te leh American Indians ten inkungkaihna an neih thu rawn phawrh chhuak hmasa bertu a ni a. Kum1567 vel bawr khan inhnialna ah heng hnam pahnihte hi an hnar(nose) a lian ve ve a, inphum (burial) dan mak sak tak an nei ve ve tiin ngaihdan a lo vawrh chhuak tawh a ni.

            Ngaihdan pawm awm tak leh dik ber awm rawn nei hmasa ber chu Spanish puithiam (friar) te an ni a, chung zingah chuan Jesuit Missionary, Jose de Acosta hi ngaihdan paw chhuaktu ber chu a ni. Kum 1589 kum khan Jose hian a ngaihdan a sawi a, Indians kan tih ho te hian khawmual kawngah Asia ram a\angin America khu an thleng thla niin a sawi a. Kum zabi 20 a han kai meuh chuan a ngaihdan hi mi thiam tam zawkte chuan an pawm tawh a ni.He ngaihdan chiang lo tak mai hi kum zabi 19 laihawl vel khan a lar chho em em a.

             Geology lama thiamna a rawn sang chho zel a, Siberia leh Alaska inkarah khuan khawmual kawng, hun engemaw kalta khan a lo awm \hin tih an finfiah ta a, tuna Bering Strait kan hmuhna hmun khu a ni. A nih chuan thil mak tak, American Indians ho rawn chhuahna chu finfiah a ni ta. A ram mite(native Americans) pawh khu a ram mite tak tak an ni lo a, Asia ram a\anga lut thla an nih hmel. Mahse zawhna dang a awm leh ta: Engtikah nge an thlen thlak?

           

            Kum 1960 leh 1970 hma zawng pawh khan he thil hi hriat chhuah a ni \ep a. Ngaihdan tam berah chuan, heng mite (native Americans) hian kum12000 kalta khan America khu an thleng thla tawh tih hi a ni.

Hei hi Ice Age tawp lampang kha niin an hria a, chutih hun lai chuan khawvel hi vur tlang hlawm lian pui puiin a tuam vel vek a, ‘Bering land bridge’ kan tih mai, tuna ‘Beringia’ pawh khu a khawmual angin a lang chhuak a ni. Chutih hun lai chuan Beringia pawh khu a vawt hle a, tunlaia Alaska leh Siberia kan tih ai pawh hian a vawt zawk a ni. Mahse mihring leh ramsate nun theih khawpin a ram leh a chheh vel boruak chu a awm tho va. Khung laia fossils an hmuh chhuahte chuan hman lai chuan ramsa chi hrang hrang        Woolly Mammoths te,            

            Steppe Bison te, Wild Horse te leh Caribou te chu khung lai vel ramah khuan an lo cheng \hin tih an hmu chhuak a. Chutak mai chu ramvakmi (hunters) ho chuan khawmual kawng (Bering land bridge) ah ramsate chu America thlengin an zui thla zel nia ngaih a ni. Kum 12000 kalta velah America an thleng thla tih hi a dik hmel viau mai, a chhan chu kum 12000 ai hma kha lo ni ta se, a vawt lutuk anga mihring an nun theih a rinawm loh. Tin, kum 12000 hnu lam daih nita se, khawmual kawng (Bering land bridge) khu mihringte kal theih lohvin tuiin a chim pil vek a rinawm a ni.

            Kum 1908 khan cowboy George McJunkin chu Folsom khaw bulah a bawng (cow) bo zawngin a feh chhuak a. Chutia a vah chhuahna lamah chuan ruhro leh a bul vela lung zum (stone spearpoint) a hmu ta tlat mai a. Chung ruhro chu bawng ruhro atan chuan a lian lutuk si, mak a tih em avangin a in (ranch) lamah a hawn ta ngawt a ni. Chutah chuan 1925 thleng an awm a, chumi hnuah Colorado Museum of Natural History-ah an la lut ta a ni. Museum-a an lak luh hnu hian Jesse Figgins an uluk takin a lo enfiah a, hmanlai ram sial chikhat (Bison) ruhro a ni tih a hmu chhuak a, tin, heng Bison te hi Ice age tawp hnu lawka khung lai vel rama che tal mahse a hnu lawka boral (extinct) zui ta an ni. Mahse thil dang mak leh deuh mai chu, Mcjunkin an lung zum (stone spearpoint) ruhro bula a chhar te kha an ni a. Heng lung zum te hi mihring siam lo ni ta se, bison thah nana an hman \hin a nih chuan Ice Age hun lai khan America ah khuan mihring an lo awm tawh tihna a ni.

            Ice Age hunters ho fianfiahna dang a awm leh a. Kum 1932 kha mi pahnih hian Clovis, New Mexico bul maiah khuan ruhro an chhar leh a, an ruhro chhar awm bawr velah chuan lung zum (spearhead) tang an hmu tel nghe nghe a. Heta an ruhro hmuh hi wooly Mammoth ruhro a ni a, heng ramsa hi Ice Age zawha boral (extinct) te kha an ni. 1950s vel khan University of Chicago scientist, Willard Libby chuan “radio- carbon dating,” a hmu chhuak a, chu chuan Folsom leh Clovis a thil thleng kha chiang takin a hrilhfiah leh a ni.

            Tin, heng Indians ho hi Asia ram a\ang rawn chhuk an ni tih finfiahna a awm leh a chu chu an ha (teeth) a\angin a ni. Prehistoric teeth (fel taka chhinchhiahna a awm hma) a mi ha (teeth) 200000 vel an exam a. Heng an examine na a\ang hian anthropologist Christy Turner chuan Indians ho ha (teeth) zawng zawng deuhthaw hi Northeast Asian ho ha nen an genetic a inang tih a hmu chhuak a ni. He thil hi a makna dang leh pakhat chu he ‘genetic traits’ hi North American Indians leh northeast Asian ho chiah in an nei a. Chu chu Turner chuan sawifiahin, heng Indians ho hi Asia ram a\anga rawn chhuk an ni ngei tih a sawi a ni. Tin Turner hian a chhut zel a, kum 12000 vel kalta khan an hnam an in\hen hrang a ni tih a hmu chhuak leh zel bawk a ni.

                       

BENG TIVÂR

           

BIBLE  QUIZ  No. 101

JOHANA BUNG 16-20

A kâr âwl dah khat rawh :

Q1. Heng thu in hnena ka sawi avangin in ___________ chu lungngaiin a khat thlu hial ta zawk a.

Q2. Thil zawng zawng ka ta apiang i ta a ni e, i ta chu ka ta a ni e; anmahni avangin _____________ ka awm thin.

Q3. Tin, kawngkhar vengtu nula chuan __________hnenah, “Nang pawh he mi zirtirte zinga tel ve i ni em?” a ti a. Ani chuan, “Ka ni lo,” a ti a

Q4. Tin, ani chuan mahni tana kraws puin ‘Lu ruh hmun,’ an tih, Hebrai tawnga _____________an tih chu, chu mi hmun thleng chuan a va chhuak a;

Q5. Tin, Isua a lo kal lai khan sawm leh pahnihte zinga tel ve Thoma, ________an tih chu, an hnenah a awm ve lo va.

A bung leh châng dah rawh :

Q1. Pa-in thil a neih zawng zawng ka ta a ni; chuvang, ‘Ka taa mi a la ang a, in hnenah a hriattir ang che u,’ ka tih hi.

Bung: ...............          Chang: ....................

Q2.  “Nangin anni chu khawvel ata i lak chhuah tura ngen ka ni lo va, mi sual lakah chuan i hum tur ka ti zawk a ni.

Bung: ................         Chang: ....................

Q3. Tin, Pilata an hnenah a va chhuak a, an hnenah, “He mi chungah hian thupawi engnge in neih?” a ti a.

Bung: ................         Chang: ....................

Q4. Chutichuan Judate puithiam lalte chuan Pilata hnenah, ‘Judate Lal’ tiin ziak suh; ‘Judate Lal ka ni, a ti,’ tiin ziak rawh,” an ti a.

Bung: ................         Chang: ....................

Q5. Tin, chu chu a sawi zawh chuan a kut leh a nak an hnenah a entir a. Tin, Lalpa chu an hmuh chuan zirtirte chu an lawm ta a.

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 100 RESULT

Chhanna lut zawng zawng : 2

Chhang dik vek                       : 2

Lawmman dawngtu: C.Zodinmawii (T.Sec)

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

KOHHRAN PAVALAI  JOIN SERVICE ROGRAMME

Hruaitu: Pu C.Zakhuma

(Vice Chairman, SKPP)

|antu: Pu V.Z.Dinga

(Commt. member, Lily veng)

Thuhriltu: Pu R.Lalropuia

(Chairman, Lily Veng)

Items:

Report: SKK Pavalai Secretary & Lily Veng Pavalai Secretary

Zaipawl: Saikhamakawn Kohhran Pavalai Pawl & Lily Veng Kohhran Pavalai Pawl

Inkhawm ban inpawlkhawm/lenkhawm

A hmun: Sunday School Hall

Hruaitu: Pu Khualluna Pautu

(Commt. Member, Lily Veng)

            Lily Veng Kohhran Pavalai Pawl chuan Saikhamakawn Kohhran Pavalai an rawn tlawh dawn a, Kohhran mipui zawng zawngte inkhawmpui turin min sawm e.

HRIATTIRNA

1. Mipuite hriattirna, kumin tir lam a, kawn chei nana kan lo intiamna, kum tawpa a hlawma pek intiam engemaw zat kan awm a, intiamte tan pek a hunj tawh tih kan inhriattir a ni e.

2. Kum 2016 YMA Saikhamakawn Branch hruaitu tur ni 8.12.2015 (Thawh\an) zan hian thlanna neih tur a ni dawn, ei leh in tuihnai tak siam a ni dawn tih YMA Member te kan inhriattir a, member ten ngaipawimawh turin kan inngen bawk e.

A hmun: Community Hall

      Kum 2016 chhunga YMA Member Fee pek alo hun leh ta a, ni  31.12.2015 ral hmain a hnuai mite hnenah hian pek tur a ni e:

V.Sec.: Pu C.Lalnunsanga

T.Sec.: Pu MS Dawngliana

Ch.Sec.: Pu C.Laldawngliana

      Sizawl DC leh CYMA in min ngen angin Kristmas leh kum thar vuakvet velah Halpuah, Halmawi leh puak thei lam chi reng reng zawrh leh hralh leh hâl khap tlat a ni a, mipuiten zawm hram turin kan inngen e.

Sd/-

(C.LALDAWNGLIANA)

Secretary

YMA, Saikhamakawn Branch

CHRISTMAS CAROL

      K|P, Saikhawmkawn Branch chuan vengchhung mi harsate pualin ni 14.12.2015 (Thawh\anni) zan hian vengchhungah Chriatmas Carol rawn neih kan tum a, kan inhriattir lawk a ni e.

LAWMTHU SAWINA

      K|P, Saikhamakawn Branch chuan vengchhungah Bial K|P Golden Jubilee Calendar kan rawn zawrh min dawrtute zawng zawng chungah lawmthu kan sawi e.

Sd/-

(PC. VANLALHRIATPUIA)

Secrertary

K|P, Saikhamkawn Branch

LAWMTHU SAWINA

      Pu Lalrochama’n  anu leh pa hriatreng nan mitthi kuanga dah tur pangpar, Branch YMA ah a rawn donate a, Pu C.Kapliana te chhungkuamic horn \ha tak a rawn pe bawk a, Pu K.S.Thanga, bialtu MLA in kawn cheina turin `5000/- min pe a, Pu Dawngkima’n kawnchei hntlang thingpui lum nan `500/- min pe bawk a, heng thil pek min petute chungah hian Branch YMA Saikhamakawn chuan lawmthu a sawi a ni e.

Sd/-

(C.LALDAWNGLIANA)

Secretary

YMA, Saikhamakawn Branch

PUANTAH ZIR DUH TÂN

      Mipa leh hmeichhia puantah zir duh t^n thla thum(3) chh<ng  free-in kan zirtir thei e. Zir duh kan awm chuan eng tik lai pawhin biak theih kan ni e.

               Sangawii

             -  8414916040

CHRISTMAS TREE

      Christmas Tree leh Decoration tlawm takin kan chah thleng reng e.

Christmas Tree 4ft.: `899/-

Christmas Tree 5ft.: `1200/-

Christmas Tree 6ft.: `1500/-

      Feet 10 thlenginj a Order theih reng bawk a, Home Delivery kan ti thei reng bawk e.

Contact: Rosy, Tlangnuam

(8132811169 / 8729825341)

TUALCHHÛNG

, Upa Zairemthanga f/o Tv. Lalfakzuala (V.Sec) te chuan khawi ilo vah vel nen Car(Wagon R) an lei thar.

,  Pu Lalhruaia h/o Lalbiakdiki (V.Sec) te chuan a palina atan fapa an nei thar.

,  Pu Lalzahawma Hrahsel h/o Lalnunkimi (Ch.Sec) te chuan khawi ilo vah vel nan Bike (Apache) an lei thar.

, Pu Lalsailova Sailo h/o Lalremruati(T>ri) (Ch.Sec) te chuan  Taxi an lei thar.

TBZ NEIHTHIL THEHKHAWM

A Hun: 7.12.2015, Zan Dar 6:30

A hmun: Pu Khawlhmingliana In

Hruaitu: Pu Siamliana

|antu: Pu Saienga

LAWMTHU SAWINA

            Ni kan fanu Vanlalruati’n min boralsan chunchangah khawtlang mipuite min lainat a, min buaipui tu te leh min lenpui tu te leh a \ul anga min buaipui tu te zawng zawng chun gah lawmthu kan sawi a, tin a damloh laia khawngaiha buaipui tu te chungah lawmthu kan sawi tak meuh meuh bawk a. A boral hnua a ruang lakna a buaipui tute leh ruang phurh nan a lirthei thawhtu te chungah kan lawm hle bawk a ni. Kan chunga in \hatna  te in mi khawngaihna zawng zawng te Lalpa’n a let tam takin rulche u rawh se.

In khawngaihna dawngtu

H.Lawma te chhungkua

Vanapa Section

HRIATTIRNA

            Vengthlang panna kawng sira Side Drain(Tuiluankawr),Pu Lalpianthanga In bul leh Pu C.Laldawngliana te In inkarah bawlhhlawh leh ran thi te paih phal a ni lo a, heng bawlhhlaawh leh thil dang, ran thi te paih kan awm a nih a, a paih tute hriat an nih chuan Local Council in a chawi tir theih ang a chawi tir tawh ang. Heng tui luankawra remchang lo la \hin te ti tawh lo turin kan inngen in kan inhriattir a ni e.

Sd/- (R.BIAKTHANSANGA)

Secretary

Local Council

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350