Mipui Aw 25.12.2015

MIPUI AW

SPECIAL ISSUE

Vol. XXI Issue No. 2 Kristian |halai  Pawl  Saikhamakawn Branch  Kumthar ni Dt.25.12.2015

Vawiin chângvawn

          Tin, vantirhkoh chuan an hnenah, “Hlau suh ulang, ngai rawh u, mi tin ta tur chanchin tha lawmawm em em ka rawn thlen che u a ni. Vawiinah hian in tan Davida khuaah Chhandamtu a piang ta, Lal Krista chu.

KOHHRAN  KRISMAS PROGRAMME

25.12.2015 (Krismas ni)

Chawhma Inkhawm

|antu              : Pi Ngura Sailo

Thupui                       : ‘Engtin nge nausen Isua                                    chibai kan buk ve ang?’

Sawitu                        : Upa Lalrindika

Chawhnu Inkhawm

Thupui                       : ‘Nausen tlan bopui ngaia                                 siamtu- Heroda’

Sawitu                        : Pastor C.Sapkaia

                        Zân inkhawm

Thupui                       : ‘Temple-ah nausen Isua’

Sawitu                        : Upa Lalzama

26.12.2015 (Ruai ni)

            Pathian Biak Inkhawm awm lovinDar 11:00am a\angin zaikhawm neih tur a ni.

Zan Inkhawm

Thupui                       : ‘Krismas hlawhtling’

Sawitu                        : T.Upa C.Vanlalsanga

BAWM DAWH DAWN

Presbyterian Kohhran chuan Vawiin chawhma Inkhawmah hian Naupiang chibai bukna bawm  a dawh dawn a. Kohhran member-te hei hi kan inhriattirna a ni e.

SERMON

LAL THAR PIANG HI....?

                                                                        -    Upa Zonunmawia

            Chibai kan buk nge a piancham kan lawm : Matthaia 2:2 “Khawiah nge Judate lal lo paing chu? Khaw chhak lamah a arsi kan hmu a, amah chibai buk turin kan lo kal a ni,” an ti a.

            Khawchhak mifing kan tihte hian Lal thar piang a awm a ni tih hriain chibai buk turin an lo kal a ni. Jerusalem-ah daih Lal chibai buk tur hi an zawng hmasa a, chumi hnuah anmahni hruaitu arsi zuiin Bethlehem an thleng a, nausen an va hmuh chuan LAL CHIBAI BUKIN CHIBAI AN BUK a ni. Kei mahniah in bih ta ila, mi hausa leh ropui kan zah zawng tak chibai kan buk dan leh mi naran eng vakah mah kan ngaih lohte chibai kan buk dan chu a dang khawp ang.

            Mifingte hi Lal piang lawm turin an kal lo va, chibai buk turin an kal a ni.

            Krismas kan hmuah dan leh kan hman dan, kan inbuatsaih dan zawng zawngah hian Lal Isua, kan tana Lal thar lo piang hi thinlung leh tihtak zetin mifingte angin Lal a nihna angin chibai kan buk nge? Lal a ni tih hre tho siin birthday lawmin Krismas hi kan hmang thin? Tunah pawh hian eng rilru puin nge Krismas hman tih hi thil pawimawh tak a ni. Birthday lawmtu kan vul chuk anga, birthday neitu a dawng der thung ang tih a va hlauhawm em!

            Setana leh a thiltihtheihna zawng zawng hneh leh ti tlawm tura lo kal a ni : I Johana 3:8”.....Pathian Fapa lo lan chhan ber chu diabola hnathawhte a tihboral theih nan a ni”. Lal Isua Krista khawvela a lo kal chhan chu, Eden bawhchhiatna avanga sual bawiha awmte, setana thuhnuaia awmte chhanchhuaha kan awm theih nan a ni. A hrehawm zia leh a nawm loh zia kan hre reng chung pawha khawvel nawmchenna lama min hruai thintu, kan buan hneh si loh hmelma pa setana leh a thiltihtheihna zawng zawng hneha titlawm turin a lo kal a. Hneh leh tih tlawm mai bakah a thuhnuaia awm thin ten setana kan beih let a, kan hneh let theih nan chakna leh thiltihtheihna min la pe zui bawk maw le! A ropui a sin.

            Chuvangin Krismas hi ruihhlo leh thil thalo dang tih tan nan kan hmang thinte, sual thuneihna hnuaia thuk zawka pil bona huna kan hmang thinte, hlimhlawp bawl nan ringawta kan hmang thinte hi a dik lo a ni. Heng zawng zawng atanga kan tal chhuah theihna tura lo kal Lal Isua piancham a ni tih i hre thar mawlh teh ang u.

            Krismas denchhena kan tih zawng zawngte hi a lawmawm a, hengte hi Krismas ti ropuitu leh ti hlutu an ni. Mahse, Krismas awm chhan Lal Isua aia kan dah lian thin erawh a pawi thin a ni.

            Piancham lawm satliah kan ni lova, piancham neitu Lal Isua hi Lal a nihna ang ngeia Lal chibai buka buk tur kan ni. Vawiinah hian piancham neitu Lal Isuan Birthday Present dang a phut lo, kan thinlung ngei hi Birthday Present-ah kan pek a, kan hlan a phut a ni.

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

KRISMAS   CHIBAI

        Pathian awmpuina leh kaihhruaina lawmawm tak avangin Krismas kan lo thleng leh ta. Kumtir a\angin tun hun hi kan hmang thleng ang tih rin phak a har hle kha a ni a. Dam taka kan hmang thleng hi a lawm awm hle a ni. He hun min hruai thlengtu Pathian hnenah lawmthu i sawi \heuh ang u.

        Mizo Kristiante hian Krismas hi kan ngaihlu hle a, kan chhung leh khatte Krismas thlen hmaa chatuan ram min pan san te ngei pawh Krismas hi han hmang hman sela aw kan ti vawng vawng \hin.Chuvangin kumin Krismas hmang theia min siamtu hi fal leh chawimawi tur kan ni tih hi i in hre thar \heuh ang u.

        Mipui Aw chanchin bu latu zawng zawngte Editorial Board chuan Krismas chibai kan buk che u a, hlim leh lawm taka kan tana Lal lo piang lawma, Bethlehem lam hawia Isua Krista chibai kan buk \heuh theih nan duhsakna kan hlan a che u.

            Damlo, natna khuma mu zawng zawngte leh Lusun, khawhar  mek te pawhin he leiah kan damna tura lokal Isua Krista hi i hmuh hmaih lovang u. Tin, sual phuara awm mekte pawhin sal tang min chhuah tura lo kal Isua Krista hi i b>l ang u. A mahah chuan nunna leh hlimna a awm si a. Krismas Chubai u le.

TUALCHHUNG KOHHRAN HRANG HRANGTE KRISMAS  HMAN DAN TUR

          Presbyterian Kohhran

      Ni 25.12.2015 (Krismas ni)  hi thingpui leh chhang ruai buatsaih a ni dawn a, a tuk Ni 26.12.2015 (Inrinni) hian Bawng, Vawk, ar,  ruai\heh a ni ang.

        UPC North East India

      Ni 25.12.2015 (Krismas ni)  hi thingpui leh chhang ruai buatsaih an tum bawk a, a tuk Ni 26.12.2015 (Inrinni) hian Bawng, Vawk, Ar nen ruai\heh a ni ang.           

         UPC Mizoram

      Ni 25.12.2015 (Krismas ni)  hi thingpui  leh chhang ruai buatsaih an tum bawk a, a tuk Ni 26.12.2015 (Inrinni) hian Bawng, Vawk, Ar  leh Sangha nen ruai\heh a ni ang.               

K|P INTHLAN

      Vawiin chawhma Inkhawm b^n hian Biak Inah Kristian |halai Pawl Saikhamakawn Branch chuan Kum 2016 hruaitu turte an thlang dawn. Member a tam thei ang ber kal tura hriattir kan ni e. Inthlang tur zawng zawngin Pen ken \heuh tur a ni e.

K|P HRIATTIRNA

      Naktuk ni 26.12.2015 (Inrinni) zingkarah hian ruai\hehna tur sa chan a fatute puih tur a ni a, member-te \hahnemngai taka thawkchhuak turin kan inngenin kan inhriattir e.

      Sachanna tur chemte/sachan chem thawhchhuahpui \heuh i tum ang ang u.

Sd/-

(PC. VANLALHRIATPUIA)

Secretary

K|P, Saikhamakawn Branch

RUAI |HEH

            Christmas ruai hi chawhnu dar 2:00 a\anga \heh \an tum a ni a, fatute an hah \hin avangin ruai \heh tur ten a hmâ lama ruai \heh i tum hrâm hrâm ang u.

Q. Engnge an sawi?

Ans.= Engmah an sawi lo.

(Chawngkhûm dân tlâng huat loh)

* 2016 Krismas-ah chuan hetiang ringawt hi chuan ka mu tawh bik lovang.             -           Tv. P.C.a

* Khawvawh tak tak hma te khan lo ti zawk ila \ha tur.  -Nl. Ramnghaki

* Krismas hi vawi eng zat nge ka hman tawh? Chhut peih chuan chhut rawh se!!!!!!             -Nl. Thlanpuii

* Nakum chu solfa lam hi zir \ha leh ila a \ha ang, aw a tlawk mawi deuh dawn chauh mai. - Pu Chhandama

* Ka tel lo hian tuman eng mah hi an ti thei lo.      -       Snup Snup Fanai

* In Za chuang Leader hi ka thuhnuaiah a awm ve tlat.

                        -    Pi Mahumi

*  Nakum K|P General Conference chu ka hman hnuhnun ber tur a ni tawh bawk a....- Nl. Imawii

* Nula hmel\ha hriat ringawt pawh hi a ni lo, min hriat ve a ngai                                                                               -Tv. Dawnga

* Kumin kan u a ma chu a hot lo riau.                           -     Pi Ngaii

* Kumin kan krismas bawng chu a thau \ha bawk a,min overtake tawh em lovang chu maw...-Tv. Engkima

* MIPUI AW Editorial board ah hian phone number hi dah tawh lo ila a \ha ang, tleirawlin an hre fuh a....                         -  Tv. Dina

*FZ hian KTM hi chu ka umpha thei dawn ngang lo a nih hi           

                        -Tv. Rinawma

*Kumhlui thlah zan thingpui ka lum hman e....          

                        - Tv. R. Zodinsanga

*Keichu ka hmanlo....Ka na....

                                  -Tv. Faktea

* Suihlung len zual changin ka thlir vel Biakavau......Tv. Zoliankima

* Fatu ho hi Kelkang kal vek ni thei i la aw...                  - Fatu Leader

* Ram chu Lalpa ta a ni... Hei ha..

                        -         Nl. K.Ruati

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 400