Mipui Aw 30.8.2015

MIPUI AW

KARTIN CHHUAK

Vol. XXI Issue No. 35 Kristian Thalai  Pawl  Saikhamakawn Branch  Pathianni Dt.23.8.2015

Vawiin changvawn : Ngaithla ula, beng dawh rawh u; Chapo su u, LALPA chuan thu a thlah tawh a ni. LALPA in Pathian chu chawimawi ula, Thimna a thlentir hmaa thimhlim tl^ng chungahte in k> a ph>t hm^ hian, Eng in beisei lai takin thimah a chantir a, Thim chhah takah a siam dawn a ni. (Jeremia 13:15-16)

KOHHRAN PROGRAMME

30.08.2015 (Pathianni)

Sunday School

|antu              : Pi Hunthangpuii        Zirlai 32-na    :Ringtute thil\ha chan

Chawhnu Inkhawm

Baptisma Sacrament

Rawngbawltu            : Pastor C. Sapkaia

                        Zân inkhawm

Thuhriltu       : Pu Khawlhmingliana

            August 31(Thawh\anni) hi Ramthar ni a ni a, Z^n lamah Kohhran programme a awm dawn a vangin K|P Prog. hran a awm lovang. He tiang hian hun hman  a ni ang.

Thuhriltu       : Pu Siamliana

Thupui                       :“Hla taka awm ti hnaitu nih”

                September thla hi Beihrual a ni a, Biakinah thupui zira hun hman \hin tur a ni.September 1-6  hi ‘Ramthar hapta’ a ni a. Zirlai  Thupui tur pawh hetiang hi a ni e.

September 1:     Ramthar rawngbawlna                      (Thawhlehni)      chanchin tlangpui

September 2:     Ramthar rawngbawlnaa         (Nilaini)                       kan tih\hatna lam

September 3:     Ramthar rawngbawlnaa         (Ningani)         kan tih\hat t^wk lohna laite

September 4:      Ramthar rawngbawlnaa        (Zirtawpni)      Hmathl$r neih d^n t<r            September 5: Khawchhak lam hawia                    (Inrinni) rawngb^wl (Kohhran ‘Look East                                                        Policy’)

Tun Thla chho hi Beihrual thla ni mahsela, Kohhran hote Thawh\an z^n a\anga Zirtawp z^n dar 9:00 - 12:00 \awng\ai chhunzawm z>l tur a ni.                                                                              

SERMON

                                   MIHRING FINNA

            “Chuvangin, ngai teh, he mite zingah hian thilmak ka ti leh nghal ang, thilmak tak mai chu: tichuan an mi fingte finna chu a boral tawh ang a, an mi bengv^rte hriatna chu thupin a awm tawh ang,” a ti a. (Isaia 29 : 14)

            “Mi fing finna chu ka tiboral ang a, Remhre remhriatna chu ka paih thla ang” tih ziak a ni si a. ( I Kor 1:19)

            Mihring mihrinna hian a ngaihtuah chhuak zo love, ka Chhandamtu, i thuruk hi a lo ti a. He kan mihring mihrinna leh finna hmang hian Lal Isua hi zawng zawng \hin mah ila, kan zawng hmu zo lo \hin. Lal Isua he khawvela a lo pian pawh khan khawchhak lam a\anga mifing lo kalte pawh khan, arsi a\angin Lal thar a lo piang a ni tih chu an hria a. Kawng thui tak rawn zawhin, arsi chu an awn zui ve ngei a.  Arsi, anmahni hruaitu chu en lovin Jerusalem-ah Heroda In lamah an mahni finna hmangin an kal a nih kha. Chu chuan eng nge a nghawng t^k kan tih chuan, nausen zawng zawngin an tuar phah a nih kha. Pathianin hriattir lo phei selang chuan, an kalna lamah an haw leh ngei ang a, an mahni nunna ngei pawhin a tawrh ngei a rinawm.

                Tunlai khawv>lah eng a ti nge, mi fing tak tak leh mi thiam tak takte thlang lova, mi m^wl tak tak, thiamna lamah pawh chhuan tur nei lote Lalpa hian a Thlarau thianghlim changtuah te a hman fo tih hi zawhna awm thei tak pawh a ni awm e. I Korinth 1:21-ah chuan ‘Pathian finnaah chuan khawv>lin finna hmanga Pathian an hriat theih loh hnuin, thu hril ^tthlak hmanga a ringtute chhandam chu Pathianin \ha a ti hle si a,’ tih kan hmu a. Kan finna leh kan thiamna, kan zir sanna te hi eng emaw chen chu a \angkai ngei a, mahse a tawp khawk ah chuan kan finna leh thiamna hi Pathian Thlarau lam thuah ngat phei chuan midangte thihna thlen theitu a ni \hin. I Korinth 1: 25-ah chuan he ti sawi leh a, ‘Pathian ^tna chu mihring aiin a fing z^wk a, Pathian chak lohna pawh chu mihring aiin a chak z^wk bawk si a,’ tiin kan hmu a ni. Chuvangin eng ang pawhin fingin thiam ila, Pathian atna pawh kan tluk lo a ni. Thlarau thianghlim hnathawh pawh kan finna leh thiamna hmangin sawi sawi mah i la kan fiah dawn chuang lo. Pathian Thlarau lam thilte chu kan finna hmanga hriat fiah  chi a ni lova, Thlarauva hriatfiah a nih avangin kan hre thei lo reng reng ani. (I Kor 2:14)

                Engpawh nise, mifing leh mithiamte hi Pathianin a duh lo ngawt chuang lo va, a in pe te hlei hlei hi an \angkaiin fimkhur a ngaih hunah pawh an fimkhur thiam \hin. Pathian Thlarau thu-ah erawh kan thiamna leh kan finna hi Pathian hian min hnawl sak a, tihboral hi a tum ber a ni tih erawh hriat  a \ul hle a ni. Tin, mi mawl zawng zawng pawh Pathianin a hmang duh vek chuang lo tih hi hriat a \ul leh bawk. Thlarau Thianghlimin hna a thawh lai hian i fin ang ang leh i m^wl ang ang khan Pathian t^n inhlan la, Pathian Thlarauvah awm la thil engkim hi a lo lang fiah d^wn a lo ni. I finna leh thiamna kh^n midang a tihlum ve em tih infiah chungin, tun huna Thlarau Thianghlimin hna a thawh m>k lai hian eng tiangin nge i lo dawn sawn ve d^wn le?

                Tun \uma Thlarau thianghlim hnathawh zawng zawngte hi eng angin nge i ngaih? Atthl^k i ti nge ropui i ti? ‘Khawvel mi chuan Pathian Thalrau lam thilte chu a l^wm \hin lo, a ni ngaih chuan atthlak a ni.’ Biblein a ti a ni. A der pawh a tak pawh lo awmin Pathian Thlarau a\ang lo chuan engmah hi a fiah lo a ni. Pathian Thlarau sawichhetu kan ni ang tih hlau tak chungin eng dinhmunah nge ka din i in enfiah \heuh ang u.   

                                     

                             

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

INTODELH

            Ram changk^ng apiang an intodelh \hin a, ram hnufual apiang an intodelh lo. Chhungkua pawh intodelh apiang an changk^ng a, intoselh lo apiang an hnufual ni maiin a lang. Tin, mi fing apiangin midang tihbuai ngai lova mahni, chhungkua leh ram intodelh tir an tum \hin. Mimal emaw, chhungkua emaw, ram emaw, engtin nge kan intodelh ngawt theih ang tih hi ngaihtuah tham a tlingin zawhna pawh awm thei a ni.

                Hetiang hian han ngaihtuah ta ila, tunlai khawv>lah mimal leh chhungkua, a ram ang pawhin kan mamawh a s^ng tawh >m >m a. Chutiang karah chuan mi tam tak leh chhungkaw tam tak chu miten an neih a vanga neih ve tum ringawt a awm theih hle. Heng ang chi ah hian kan khawsak d^nin a zir a ni ve si loh chuan neih ve tum ngawt loh hi intodelhna \ha tak pakhat chu a ni. Tin, mi neih ang zawng zawng hi kan mamawh ve vek kher lo ang,keimah leh kan chhungkuain a mamawh a nih loh chuan neih loh ngamna hi intodelhna chu a ni.

                Tin, chhung tinin kan mamawh vek, man to si lo awlsam taka kan neih vek theih, entirnan, hriau, chempui, chemte, tuboh leh ara, bawngtuthlawh, suahdur, thirtiang etc. hi chhungkaw pangngai chuan mi ta hawh lovin a neih ve vek theih. Ngaih tuah ila, mi ta hawh buai ngai lovin neih ve tum  ila, intodelh chu kan ni mai.

                Tin, mi \henkhat, ho tak anga lang si, mahse ngei awm ang reng tak chu, kuhva ei ve duh reng si, lei tum miah si lo, \hiante dil reng ringawt chi hi an ngei awm duh viau. Hengah pawh hian i ei ve duh a nih chuan lei ve mai la intodelh chu i ni mai. I lei ve thei lo a nih chuan ei lo mai rawh, tichuan midang tan malsawmna i ni ang. Intodelh hi thil harsa a ni lova, tum ila, a theih mai a ni. Intodelh turin \an han la ve teh le..............

               

           

ARTICLE

    TUN A|ANGA KUM 10-AH CHUAN US LEH RUSSIA                                    TIHLOHAH PAKISTAN-IN NUCLEAR HMANRUA                                               NGAHBER DAWN

            Tun a\anga kum 10 pawh tling lovah hian kan \henawm leh kan hmelma kumhlun, Pakistan chu khawvela nuclear hmanraw chhekkhawl (N-stockpile) ngahberb 3-na niin United States leh Russia dawttu a ni mai dawn niin helama ngaihtuahna seng \hin pahnih (two prominent US think tanks) te chuan an reports-ah an tarlang. An report-a an tarlan dan chuan Pakistan hian nuclear power ram, a \henawm India a hlauh/venthawn avangin kumtin a ralthuam-ah nuclear head 20 a dah belh thar ziah niin an sawi.

            “Kum thar lamah hian Pakistan hmasawnna hi mak khawpin a \hang chho zawt zawt dawn a, a chhan chu tunah hian Pakistan hian nuclear hmanraw siamchhuahna tur hmanrua (highly enrich uranium) chhekkhawl tam tawk tak a nei a ni,’’ tiin Carnegie Endowment for International Peace leh Stimson Center te chuan The Washington Post-a report an tarlanah an sawi. Pakistan hian India aiin nuclear stockpile hi a ngah zawk a ni.

            Hetihlai hian India chuanr althuam hlauhawm siamna atana hmanraw \angkai ve tho, Plutonium chhekkhawl a ngah ve tawk hle a, heng zinga a tamber te hi domestic nuclear energy siamna atan a hmang niin report chuan a tarlang bawk. An report-a an tarlan dan chuan tun a\anga kum 5-10 chhung hian Pakistan hiam UK leh France tlan p>lin warhead 350 a nei thei dawn a ni.

            India anglo takin Pakistan hian a nuclear hmanrua te a hmanna tur vel hi a sawi ve zut zut duh lova, tin, an ram hruaitute pawh hian India hi nuclear power ram a ni tih han sawi vel hi engah an ngai duh miahlo. Tunhnaia NSA talks a tlawh \um pawh khan Pakistan NSA Sartaj Aziz chuan nuclear power Pakistan chu amah leh amah inveng thei a, engtia inven tur nge tih chu a hre ve bawk a ti fak fak a nih kha.Tunah hian Pakistan hian nuclear warhead 120 vel nei a chhut a ni a, heng zinga 100 bawr vel zet hi India lamhawi an nih rin a ni. Pakistan hian tunhnai lawk khan Khushab military facility-ah a reactor 4-na a din leh rup bawk a, hei- hi plutonium sawngbawlna hmun (plutonium producing unit) a ni.

INDIA RAM SAKHAW PAWL HRANGTE DINHMUN PUANG CHHUAK, KRISTIAN PUNG CHAK BER

            Tun hnaia Modi kaihhruai sorkar chuan India rama sakhaw pawl hrang hrangte dinhmun 2011-a chhiarpui neih a mi chu an puang chhuak ta a. Kristiante chu 2001-2011 chhung khan 15.5% a pungin sakhaw pawl zinga pung chak berah an dah a, Hindu chu 0.7% in an punna a tlahniam a, Muslim chu 0.8% in an punna a sang zawk. Hei vang hian U.P state convener Bajrang Dal, Balraj Dungar Hindu an pun chak lehzualna turin nupa tin ten fa 4 tal an nei ngei tur a ni tiin India rama tam ber nih loh a hlauh thu a sawi.Sakhaw pawl hrang dinhmun chhiarpui an neihna te chu Hindu, Muslim, Kristian, Sikh, Buddhist leh Jains te a ni a, 2011 chhiarpuia mihring vaibelchhe 121.09 zingah Hindu chu 79.8% an ni a, Muslims 14.2%; Krisitan 2.3%; Sikh 1.7%; Buddhist 0.7%; Jain 0.4% an ni a, Hindu tamzia a lang chiang hle tho a ni.

            India mipui zat a\anga tehin Kristian chuan 2.3% luahin vaibelchhe 2.78 kan awm a, Sikh chu vaibelchhe 2.08 awmin 1.7% an ni thung a, Buddhist nuai 84 awmin 0.7% an ni bawk a, Jains chu nuai 45 awmin 0.4% an ni bawk. Kristiante punna hi 15.5% a ni a, Sikh 8.4%; Buddhist 6.1%; Jains 5.4% a ni. Hindu hi 0.7% point a tlahniamin Muslim chu 0.8% point in an hma an sawn a, hei tak hi Bajrang Dal hovin an ngaihmawh chu a ni.

    

BENG TI VAR

QUESTIONNAIRE

Topic: Tun \um kan Kohhran Thlarau Thianghlim hnathawh harhna lo thleng mêk hi i ngaihdan leh hmuh dan tawite han ziak teh. (Hming ziah lan a ngai lo)

# Pathian hnathawh ropui tak ka hmuh hian a ropui ka ti. Kohhran hruaitute in pekna te, |halai hruaitute inpekna te a ropui. He Thlarau Thianghlim hnathawh ti zual zel tur hian \ang sauh sauh ang u.

# A \ha khawp mai a, mahse hmasawnna tur kan la ngah a, kan thlen chinah hian kan duh tawk ang tih a hlauhawm ka ti.

# Ropui ka ti a, hei aia nasa zawka Kohhran hote hian \awng\aia Thlarau Thianghlim lo thleng tura kan dil a \ul ka ti.

# Tun \um harhna thleng hi ka lo hmuh ve dan chuan; he harhna ah hi chuan Kohhran mipuite kan inlungrual a pawimawhin ka hria a. Mahni chan \heuhah lungawi tak leh theihtawp chhuahin \an la ila, midang chan sawi lovin mahni inenfiah zawk ila. Tin, Pathian hnena \awng\ai tam leh Bible chhiar tam tluk a awmin ka hre lo.

# Tun \uma kan Kohhran a harhna ah hian mi zakzum duhtawka Pathian fak ngam lote tan taksa chetna alo thleng hi ka lawm a, kan Kohhran kan inpumkhat a, a luhchilhte phei hi chu kan inhmangaih tawn hle in ka hria.

# 1. Pathian chawimawi aiin thilmak kan buaipui.

2. Lalpa aiin mahni kan hmasa.

3. Mipui te’n rinna kawnga kan hmabak ala tam hle.

4. Thlarau hnathawh leh thilpek kan mikhual hle.

5. Kan Pathian biak dan inenchian a hun e.

# Ka hmuh dan chuan ropui ka ti. Ngaihdan erawh ka siam ngam lo Thlarau Program a ni a, nu leh pa rawngbawltute nasa taka kan inpek ngaiin ka hria.

|ek vawikhat tla hi engzat man nge?

            |ek vawikhat phe zawk hi Second khat hmun sangkhat a \hen a hmun khat chauh a ni a, kawl a phêt zawk hian electric tha chakna Volt 50,000,000 a tichhuak a, Current 200,000 Amperes a pe chhuak a, Power a pekchhuah zat chu 5,000,000,000,000 Watt vel a ni (Average). In ah hian electric kan chhit hian Watt sangkhat, darkar khat kan chhit hian `1.50p vel in chhut ila, chutianga chhut chuan khiti zozai Watt khian 5,000,000,000 Kilowatt (Kw) a tichhuak a. A pekchhuah hunchhung hi 1/1000 Second a ni a, darkar a kan chantir chuan 1/3600x1000 Hour a lo ni a, tichuan Electric Power a pekchhuah zat chu hetiang hi a lo ni ang – 50000000000/3600x1000 Kw = 1400Kw a lo ni a. 1Kw zelah ` 1.50 kan chawi anga chhut chuan vawikhat kawlphe zawr hi Rs 1400x1.50p = ` 2100 man vel a nih chu. Hei hi vawikhat de zeuh man a ni a, Second khat chhung lek hian phe nawn awn awn ta sela a man zat tur chu Rs 2100x1000=  ` 2,100,000 man lai a lo tling dawn a ni.

BIBLE  QUIZ  No. 87

Matthaia bung 16-20

A kâr âwl dah khat rawh :

Q1. Tin, zirtirte chu ral leh lam an thlen chuan __________ an lo ken theihnghilh a.

Q2. Tin, an dak chhuak a, ___________ chauh lo chu tumah an hmu ta lo va.

Q3.Tin, ani chuan _________ te a ko va, an zingah a dintir a,

Q4. Chutichuan pahnih an ni tawh lo va, tisa ____________ an ni tawh zawk a ni.

Q5. Tin, ___________ khua ata an chhuah laiin, mipui tam takin amah chu an zui a.

A bung leh châng dah rawh :

Q1. Ani chuan an hnenah, “A nih leh, nangnin tunge a ni mi tih?” a ti a.

Bung: ________         Chang: _________

Q2. Tin, ngai teh, Mosia leh Elija chu amah nen inbiain an hnenah an inlar a.

Bung: ________         Chang: _________

Q3. Nimahsela, a duh lo va; a bat chu a tlak hma loh zawng tan inah a va khung ta a

Bung: ________         Chang: __________

Q4. Tin, ani chuan, “Atir ata an siamtu khan hmeichhia leh mipaa a siam leh,

Q5. Tin, pahmei zanriah chhum hun lai vela a rawihte chu a lo kal chuan duli an hmu theuh va

Bung: ________         Chang: _________

Hming  : __________________________

Section : ____________________________

BIBLE QUIZ  NO. 86 RESULT

Chhanna lut zawng zawng      : 2

Chhang dik vek            : 2

Lawmman dawngtu: C. Lalrinsangi (V.Sec)

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

HUAN RAM NEITE HRIATTIRNA

     Saikhamakawn area huam chh<nga huan/ram nei zawng zawngte, kan huan/ram chhung kawngin a pal tlangte, September 2015 chhungin an huan/ram china kawng, ram neituten an tifai tur a ni a. Huan ram inrina kawng a nih pawhin,kawng chhak leh kawng thlang ram neituin a sial fai ngei ngei t<r a ni.

                   Hei hian huan/ram nei hrim hrimte a huam vek ang a, hun tiam chh<nga tifai duh lo chu an chungah Local Council-in \<l a tih angin action a la ang. Hei hian chhuahlam ram leh tl^klam ram a huam vek a, kum tina mipui feh kawng sah a ngai tawh d^wn lo a ni.

S/d (R.BIAKTHANSANGA)

Secretary

Local Council, Saikhamakawn

BIAL GOLDEN JUBILEE

T-SHIRT

            Bial Golden Jubilee T-Shirt siam tum a ni a, member ten neih vek tum ila, a man tur hi ` 250/- a ni ang. Branch hruaitu ten a duh turte rawn zawhchhuah a ni ang a, lo inhriattir turin kan inngen e. in zawh laia lo awm remchâng lo kan awm chuan September ni 15 ral hma in Branch hruaitute hnehah in report tur a ni e.

            T-Shirt hi a nghawng nei chi leh a nghawng bial chi a awm dawn a,  mahni duh zawk zawk lo thlangin mahni size nen lo sawi mai tur a ni e.

Sd/- (P.C.Vanlalhriatpuia)

Secretary

K.|.P Saikhamakawn Branch

LAWMTHU SAWINA

            Nimin ni 29.8.2015 (Inrinni) a BK|P Blood Donation Camp-a thisen pe zawng zawng chungah lawm thu kan sawi e. Thisen pêk tum pe remchang thei ta lo zawng zawng chungah pawh lawmthu kan sawi bawk e.

Sd/- (P.C.Vanlalhriatpuia)

Secretary

K.|.P Saikhamakawn Branch

HRIATTIRNA

            Silpaulin YMA ta a awmna chin hriat loh a ni a, mahni ta ni lo lo kawl palh kan awm a nih chuan YMA hruaitute hnenah hriattir turin kan inngen a. Tin YMA Khawhar Hla Bu pawh lo kawl palh kan awm chuan hruaitute hriattir nise a lawmawm hle ang.

            Tin Myanmar(Burma) a kan Zohnahthlakpui tulian tuarte \anpui nan vengchhung In tinah pawisa rawn khawn a ni dawn a, chhung tinte lo inring a, \anpui ngaite \anpui turin in buaitsaih ang u.

            Tin K<ang tur thingphel kan neih loh laia kan mamawh em em, Pu Lalrochama’n min ngaihtuahsak a, kan mamawhte min phuhruk sak avangin YMA Saikhamakawn Branch chuan a chungah lawmthu kan saawi tak meuh meuh a ni.

Sd/-

(C. LALDAWNGLIANA)

Secretary

YMA Saikhamakawn Branch

   

HRIATTIRNA/NGENNA

            Kristian |halai Pawl te chuan Dt. 5.9.2015 (Inrinni) ah khian Biak In kawmthlang kawngpuiah Youth Recreation budget tuaknan lirthei sila, hnatlanga inhlawh kan tum leh a. K|P member-te hnatlang \heuh turin kan in hriattir a. Tin, vengchhunga lirthei nei zawng zawngten he mi ni a in lirthei te min sil tir turin kan in ngen a ni e.

            He tiang hian a sil man pawh ruahman a ni.

Two wheeler  - `  50/-

LMV             - ` 100/-

MMV            - ` 150/-

HMV             - ` 300/-

Sd/-

(P.C.Vanlalhriatpuia)

Secretary

K.|.P Saikhamakawn Branch

VAWIIN KHAWCHIN

A lum lai berin: 260C

A vawh lai berin: 220C

            Chawhma lamah 1mm, chawhnu lamah 1mm leh zan lamah 2mm ruah tla turin weather-forecast.com/ chuan a sawi.

TUALCHHÛNG

, Lalropuii d/o Robert Lalsiamliana (T.Sec) chu damlohna avangin Alpha Hospital ah enkawl m>k a ni.

,Pu Chanchinmawia h/o Zothanpuii (Tetei)  (V.Sec) te chuan fanu duhawm tak an nei thar.

, Pu Vanlaldika s/o Lalngaii (T.Sec) chu Aizawl Hospital-ah enkawl a nih hnuin a lo chhuak.

, Pu F.Sanghlira h/o K.Lalthanpari (V.Sec)chu Synod Hospital Durtlang-ah enkawl m>k a ni.

UEFA BEST PLAYER IN EUROPE

            Barcelona Forward Lionel Messi chu a vawi hnih na atan UEFA Best Player in Europe atan thlan a ni leh ta. Messi hian a \hianpa Luis Suarez leh Cristiano Ronaldo te khum in he chawimawina hi a dawng. Messi hian season hmasa khan goal 58 khungin vawi 31 lai a \hiante tan a goal thun tur a siamsak bawk.

            UEFA Best Player in Europe hi kum 2009 a tawp ta European Footballer of the year (Ballon d’or) thlaktu atan a buatsaih a ni a. He award hi 2010-11 season a\anga sem \an kha a ni a, Messi hian vawi hnih dawng tawhin, Frank Ribery, Andres Iniesta leh Cristiano Ronaldo ten vawi khat \heuh an dawng tawh a ni. Fifa World Player of the year (FIFA Ballon d’or) nen hian hriat pawlh a awl hle a, tun a mi hi chu Europe a football khela ten an dawng tur a ni. UEFA hnuai a buatsaih a ni a, FIFA hnuaia buatsaih hi chu FIFA World player of the year zawk hi a ni.

            Tin, hmeichhe lamah Germany Forward Celia Sasic chu Best Women’s Player in Europe atan thlan a ni ve thung a. A ni hian thla hmasa khan kum 27 mi niin football a lo chawlhsan tawh a ni. A hun tawp a hmang \ha bik hle a ni.

PATHIANNI EPL FIXTURE

6:00 pm Southampton Vs Norwich City

8:30 pm Swansea City Vs Man. United

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui Aw 23.8.2015

MIPUI AW

KARTIN CHHUAK

Vol. XXI Issue No. 34 Kristian Thalai  Pawl  Saikhamakawn Branch  Pathianni Dt.23.8.2015

KOHHRAN PROGRAMME

23.08.2015 (Pathianni)

Sunday School

|antu              : Pi Lalchuangkimi                  Zirlai 31-na    :Chhandamna famkim

Chawhnu Inkhawm

Thuhriltu       : Pu C.Lalnunsiama Serchhip

                        Zân inkhawm

Thuhriltu       : Pu C.Lalnunsiama Serchhip

PAVALAI FELLOWSHIP

24.08.2015 (Pathianni chawhnu Inkhawm b^n)

Hruaitu           : Pu Kamzawngliana

|antu              : Pu J.Malsawma

A hmun          : Sunday School Hall

Sharing leh fakna hla sak ho a hun hman a ni ang.

K|P PROGRAMME

24.08.2015 (Thawh\anni Z^n)

Thupui Zir ho

Hruaitu           : Pu C.Lalnunsanga

|antu              : Tv.Malsawmdawngliana

Thupui                       : Incheina a Krista t^na                                                 danglam ngam

Hawngtu        : Nl. R.Zonuntluangi

Thilpek lakha-: Nl.Laruats^ngi  leh

tute                    Nl.C.Zohmangaihzual

Zai hruaitute  : Tv. F.Laldingliana leh

 (16-31 Aug)     Tv.C.Laldawngliana

Keyboardist   : Pu Lalduhkima         

            KOHHRAN HMEICHHE                           PROGRAMME

25.08.2015 (Thawhlehni Z^n)

Sermon Inkhawm

Hruaitu           : Pi Lalhmachhuani

|antu              : Pi Chawngp^ri                      Thusawitu      : Pi Rokh^wli 

PAVALAI PROGRAMME

27.08.2015 (Ningani Z^n)

Hruaitu           :Pu C.Zakhuma

|antu              : Pu R.Lall<ra

Thu hriltu: Pu T.Lalrinthanga

SERMON

     PATHIAN LAKA MI BO

            Tin, in hmuh leh chuan l^wm takin in kokiah in pu \hin. Tin, in in thlen veleh in \hiante leh in v>ngte in ko kh^wm a, an hn>nah, ‘Mi lawmpui rawh u, ka ber^m bo kha ka hmu leh ta e,’ in ti \hin. (Luka15:5-6)

            Tin, a hmuh  leh chuan a \hiante leh a v>ngte a ko kh^wm a, ‘Mi l^wmpui rawh u, ka duli hloh kha ka hmu leh ta e,’  a ti \hin. ( Luka 15:9)

            “Hlim tak leh l^wm takin awm tur a ni reng a lawm; he i nau hi a thi a, a lo nung leh ta a; a bo va, kan hmu leh ta a ni si a,’ a ti a” a ti a. (Luka 15:32)

            Kan Bible-ah hian bo chi thum, LAl Isuan tehkhin thu hmanga a sawi  kan hmu a, chungte chu beram bo, duli bo leh fapa tlan bo te an ni.Heng zawng zawng hi Pathian laka mi bo kan nihna lantirna vek a ni. Mahse, heng zawng zawngte hi tehkhin thu awm ze nei tak niin, bo kan nih dan inang lo tak tak Lal Isuan sawi a tumna niin a lang. Chungah chuan eng ang a bo nge  i nih lo in chh<t ve teh le.

1. Beram bo : He tehkhin thuah hian Lalpa laka bo, mahse mahni thua haw nach^ng hre lote a sawi tumna niin a lang. Miin Beram za a nei a, a neitu chuan a beram chu a chhiar a, pakhat a kim lo tih a hria. Mahse, beram zawk hian bo nih in hre siin a mahin hawna kawng a hre lova, ramhnuaiah a be be ngei ang le. Beram neituin a zawn a, a hmuh hma lah chuan he beram hian haw nachang a hre reng reng lo. He ti ang a bo hi mi tam tak a awm theih awm e. Pathian lak a\ang chuan mibo kan nih in hre si, mahse, mahni hawna hre reng reng lo te hi tun hunah ngei hian Lal Isua hian min zawng reng a ni. Lalpan min hmuha kan awmna chin a hriat theih nan theih tawpin Lalpa i au ang u.

2. Duli bo : He tehkhin thuah ve thung erawh chuan Pathian laka bo \heuh \heuh pawh kan inang lo thei hle niin a hriat. He duli hian bo a nih a in hre reng reng lo va, tu ta nge a nih pawh a inhre lo. A awmna tawpah a awm reng ringawt mai a ni. Chuti anga bo nih in hre lo pawh chu Lal Isua hian min zawng reng a, min hmuh hma chu min hmuh tumin a v^k v>l ruai \hin a ni. Bo nih pawh kan inhriat lohna tak pawh hi bo kan nih zia ti langtu pakhat chu a ni awm e.

3. Fapa tl^n bo : Fapa tl^n bo thuah erawh hi chuan, mahni duh thu ngei a Pa ang chhung a\anga tlan bo te, haw lehna kawng pawh hria, mahse Lalpa hian kan lo kir lehna hun a nghak reng a nih tih a sawi tumna a ni. Pathian laka vak bova, inchh$ra sima a hnen pan leh tute Pathianin a lo l^wm \hin. Eng anga sual pawh niin, vak bo \hin mah ila, Lalpan a hnena kan kir leh hun min lo nghak reng a ni. Eng ang a bo nge i nih ve le? 

                                     

                             

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

THU ZIAK RAWNGBAWLNA

            Rawngbawlna pawimawh tak pakhat chu thuziak rawngbawlna hi a ni awm e. Kan thu sawi r>ng r>ng hi dah \hat theih a a lo awm hi a ti hlutu pakhat chu a ni. Kan Bible ngei pawh hi ziaka an lo vawn \hat a vangin tun thlengin keini pawhin kan lo la hmuh ve theih phah a. Tirhkoh Paula  lehkha thawn zawng zawng pawh hi a sawi a sawi chu ni ta se tunah hian kan hmu thei tawh kher lo ang a, a tham ral der tawh ngei ang. Chuvangin thuziak rawngbawlna hi a hlu hle a ni.

            Tin, tunlai khawvelah chuan ram rorelna leh khawtlang inrelbawlna fel lo te pawh thu ziak hmangin, mi \henkhat chuan siam \hat tumin nasa takin hma an la \hina, an la mek zel a. Sorkar inrelbawlna mai bakah Kohhran inrelbawlna fel lo deuh laite siam \hat nan pawh thil \angkai tak a ni. Tin, mi \henkhatte erawh chuan mimal inbeih n^n te pawh an hman ch^ng a awm \hin. He kan chanchin bu ngei pawh hi Kohhran mai bakah, Khawtl^ng inrelbawlna fel lo lai siam rem na hmanruaah hman \angkai thei zel ila a lawmawm leh zual ang.

            Tualchhung chanchin kan inhriat pawh zung zung theih nan leh nunphung inzirtirna hmanrua \angkai tak a ni thei tih hre thar lehin, thi ziak rawngbawlna lamah hian khawtlang mipuite \an i la thar leh ang u. In tih mualphona lam aiin kan in zirtirna leh kan insiam\hatna pakhat a ni tih i hre thar leh bawk ang u.

           

ARTICLE

UNIDENTIFIED GLOWING OBJECT (U.G.O).UFO.

            Hmanlai a\ang tawh in boruak a >ng thlawk \hin, enge tih hriatchian theih si loh hi an lo hmu fo tawh \hin a ni awm e, heng >ng thlawk te hi arsi thlawk ang ni lo in awmze nei tak in a thlawk kual \hin a, pakhat aia tam an nih phei chuan inthurual tak in awmze nei tak in an thlawk \hin a, shape or formation awmze nei tak in an thlawk kual \hin a ni, UFO kan tih ang chi tho kha an nia mahse hetiang ang chi hi chuan eng an pek chhuah nasat bik vang in UGO (Unidentified Glowing Object) an ti bik a ni, zanah an hmu tlangpuiin space ah pawh an hmu \hin a ni.

            Hetiang ang chi hi \henkhat tan chuan Angel/vantirhkoh te pawh kan ti thei awm e, UFO pawh a tih theih tho awm e, a chhan chu enge a nih chiah tuman an la hrechiang bik lo va, hmuh fo \hin a nih avang erawh chuan a awm lo chu kan ti thei bik awm lo e, mystery khawvel ah chuan UFO hi a lar pawl ber leh a zawn chhuahna kawng ah pawh sum sen tamna ber a ni, SETI bakah telescope lian ber Kepler pawh khi planet dang zawng tur a duan a nih bak a khawvel pawn a nunna nei zawn chhuahna tur a duan hrim hrim a ni a, exoplanet tamtak bak ah kan khawvel ang habitable zone (goldie lock zone) pawh a hmu chhuak nual tawh bawk a ni

            Kum 1979 April thla vel khan Russian cosmonaut ten Solyut 6 Space Station a\ang in >ng thlawk UFO (UGO) ni ngei a hriat chu an hmu a an thil hmuh hi >ng mihring ruangam nei ang deuh te pawhin an hmu a ni awm e, rei lo te hnuah an thlawh bo san ve leh mai a,

            Cosmonaut Victor Afanasyev (Solyut 6) chuan thla(wings) te pawh nei ang in a sawi nghe nghe a ni, hetiang ang UFO sawi tur nei hi astronaut leh cosmonaut tam tak an awm.

            Kum 1968 khan Apollo 8 kha Christmas bawr vel a mission an neih na ah khan an hmu bawk a ni awm e, UFO (UGO) hi Santa Claus ti in a nick name an vuah \hin a, he mi \um hian James Lovell a chuan “ Mission control, please be informed,there is a santa Claus” a lo ti tawh a ni.

            Kum1965 khan Gemini 7 chuan UFO lo hmu tawh in a nick name ah ‘Bogey’ an lo ti tawh a tin,mission hrang hrang STS -48 ah te, STS -75 ah te, STS -80 ah te, STS 102 ah te pawn an hmuh thu an sawi deuh vek bawk a ni.

            Christopher Columbus pawh khan America, Europe tan a hmuhchhuah dawn khan an lawng hmalam a thil eng chu a zui zel vang ni a sawi an awm bawk, Constantine-a Christian a a in convert dawn a inlar na ang deuh, van a cross shape or {something} a hmuh kha UGO kan tih ang chi formation nei a an lo thlawk a hmu a nih theihna lai a awm bawk. Kum 1942, Febuary ni 24 leh 25 zan khan Los angeles, California state chung ah eng an thlawk chuah chuah a, sipai ho te chuan hmelma ten an rawn run ngei a nih ringin thlawhna kah thlakna chi hrang hrang in an kap chiam tawh a, engmah kah fuh an neih loh bak ah, hmelmaten an rawn r<n lo bawk a, enge a nih hriatchian a la ni lo a ni, civilians paruk lai in a mu tla an dawn na ah an thih phah zui a ni.

           

            Kan bible a kan hmuh dan in Isua lo pian dawn zan a Khawchhak miffing te hruaitu kha UGO kan tih an chi tho hi a nih hmel, simeikhu ni se Bethlehem chungah a ding thei lo a, Arsi ni se a zawn ber a hriat theih lo a hla in Bethlehem chung tak a ni tih hriat theih a ni lo bawk, thla(moon)pawh khi chu mi khaw zawn ah a awm tih fak theih a nih loh lai a, Arsi in a hruai tih hi misinterpret a nih hmel, he thil thlawk hi kan atmosphere chhunga thlawk a nih loh chuan mumal tak in a hruai thei dawn lo a ni, Bethlehem chung zawn a ni tih hre chat tur phei chuan a thawk sang lo tih a hriat mai bawk, UFO kan tih zinga eng bik UGO ten an lo hruai a nih hmel hle a ni.

UGO kan tih ho hi a hmu hnai ber Russian cosmonaut ten a hmuh dan chuan mihring taksa ang thla(wings) nei ang in an hmu a an mahni a\angin eng nasa tak a chhuak bawk a ni.    

BENG TI VAR

QUESTIONNAIRE

Topic: Tun \um kan Kohhran Thlarau Thianghlim hnathawh harhna lo thleng mêk hi i ngaihdan leh hmuh dan tawite han ziak teh. (Hming ziah lan a ngai lo)

# He hla thu in, “Mihring mihrinna hian a ngaihtuah chhuak zo lo a che” alo ti a, hei hi a dik ka ti a. Thlarau Thianghlim hnathawh hi keini lo hriatfiah tum chi niin ka hre lo, kan mamawh leh kan tana \ha tur zelin min thawhsak ang tih hi ka ring tawp mai a ni.

# Thlarau Thianghlim hnathawh lo thleng mêk hi a \ha ka ti a, ngaihdan leh hmuhdan erawh hi chu Thlarau Thianghlim hnathawh anih avangin sawi tur ka nei lo.

# Thlarau Thianghlim hnathawh lo thleng mêk hi tu thawh leh \hahnemngaih bik vang a ni lo tih hi thinlung takin kan pawm a \ul ka ti, taksa chêtna te, Biak In a riahte hi sawisel mai lovin lo pawm mai hi \ha ka ti, a lem leh a tak lo thliar ve mai hi \ha lo ka ti. Hei aia Pathian hnathawh alan theih nan thinlung taka inpumkhat a \ul ka ti.

# A lawmawmin a \ha em em a, chutih rualin mihring kan langsar em em a, Lal Isua hi a lar lo hle. Pathian hnathawh a nasat rualin sualin hna a thawk nasa em em a, chuvangin Kohhran mipui leh Kohhran hruaitute kan \an ruala kan \an tlan a ngai hle mai.

# Kan Kohhrana Pathian Thlarau Thianghlim hnathawh lo thleng hi a hlu in a lawmawm ka ti.

# 1) Kan fimkhur tawk lo

   2) Thlarau sual hnathawh leh Thlarau Thianghlim hnathawh hre hrang thei lo khawpin Kohhran mipui ten LALPA kan au pawp lo.

# Tun \um harhna lo thleng hi a \ah ka tiin a lawmawm hle mai a. Rinna leh kan nitin nunah hmasawnna tur kan la ngah hle in ka hria, chumi thleng tur chuan \awng\ai leh Bible chhiar tam a ngai leh zualin ka hria.

# Chhungtinin kan hlawkpui khawp mai a, Bible chhiar leh \awng\ai pawh kan ti nasa hle mai, amaherawhchu Thlarau thianghlim aiin a changtute hi kan duat luttuk emawni ka ti a ni. Tlemin tun aiin inenfiah deuh ila, Bible chhiar leh \awng\ai lamah \ang leh deuh ila.

# A hmingah ‘THLARAU THIANGHLIM HNATHAWH HARHNA’ tih a ni a, a tawpa HARHNA lai hi a tel tur a  ni a, tuna pawimawh ber chu kan zavaia sâwt tlânna tur a ni a, keimah bikah chuan ka sâwt phah viauin ka hria, chu chu a \hatna. Mihlim boruak \henkhat sawi neuh neuh awm leh \hin erawh hi chuan sâwt tlânna a kawk lem lo.

I Korinth 12:7 “Nimahsela, sâwt tlânna turin Thlarau hriattirna chu mitin hnênah pêk \heuh a ni”

# 1. Pathian lam hawi lo ten Pathian leh Kohhran an bêl a, heng zingah hian an ngheh zel nan \awng\ai pui ila.

2. Rawngbawltute ah siamtharna chang engemawzat an awm a, Thlaraua tih nunna thar chang an awm a, lawmawm ka ti.

# A \ha ka ti a, ropui ka ti luttuk.

(Chhunzawm tur)

BIBLE  QUIZ  No. 86

Matthaia bung 11-15

A kâr âwl dah khat rawh :

Q1.Chung mite chu an hawn veleh, ________ mipui hnenah chuan Johana thu a sawi ta a,

Q2.Inthawina duh lovin _______________ ka duh e,’ tih hi, a awmzia lo hre tawh ni ula

Q3.Tin, ani chuan a chhang a, “Chi tha thehtu chu ________________ hi a ni a

Q4. Tin, ral leh lam an kai chuan ________________ ram khawmual an thleng ta a.

Q5.  Tin, mipuite chu a tintir hnuin lawngah a chuang a, _______________ram a lo thleng a.

A bung leh châng dah rawh :

Q1.Tin, Isuan an hnenah, “Kal leh ta ulang, thil in hmuh leh in hriat hi Johana hnenah va hrilh rawh u;

Bung: ________         Chang: _________

Q2.Mihring fapa hi Chawlhni Lal a ni si a,” a ti a.

Bung: ________         Chang: _________

Q3. Tin, a then hnimhlingnei zingah a tla a, hnim chu a lo to sang a, a dip ral ta a.

Bung: ________         Chang: __________

Q4. Tin, lawnga awmte chuan, “Pathian Fapa i lo nih tak zet hi,” tiin, amah chibai an buk a.

Bung: ________         Chang: _________

Hming  : ____________________________

Section : ____________________________

BIBLE QUIZ  NO. 85 RESULT

Chhanna lut zawng zawng      : 2

Chhang dik vek            : 2

Lawmman dawngtu: C. Lalhmangaihzuali (V.Sec)

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

LAWMTHU SAWINA

            Ka fanu Vanlalruati damloh chungchanga a thisen pek kan ngaihna ah,thisen min pe tute , pe tura lo kal te leh min buaipuitu zawng zawngte chungah lawmthu kan sawi tak meu meuh a, LALPAN tam takin malsawm che u rwh se tih hi kan lawmthu sawina  a ni e.

In khawngaihna dawngtu

H. Lawma te chhungkua

UPHC HLIMEN CHUNGCHANGA MIPUITE HRIAT TUR

1. OPD Card lak man: `10/-

2. Inentir theih hun: Thawh\anni - Zirtawpni (Dar 9:30am - 12:00pm) Inrinni (9:30am - 11:00am)

Kar hmasa ber Inrinni chu khar a ni.

3. Raipuar inentirni: Ningani apiangin

4. HIV Test ni: Ningani apiangin

5. Dressing hun: Thawh\anni - Chawlhni (Dar 6:00am - 8:00am)

6. Copper T a dah theih bawk e.

CHATUAN RAMAH

            Pi Lalrinngheti (Kum - 51) chuan ni 22.8.2015 (Inrinni) khan he lei hrehawm, \ah leh rûmna ram kalsanin chatuan ram min pansan ta.

            Mipui Aw Editorial Board te chuan kan tawrhpuiin, a kalsan tâk a pasal fanâu, a chhûng leh khatte Lalpan awmpuiin veng sela, thlamuan se tih hi kan \awng\aina a ni e.

K|P HRIATTIRNA

            YRC puala sum tuak nan Branch huapa motor sil hnatlang ni 5. 9. 2015(Inrinni) hian neih tur a ni a, \ul dang erawh la inhriattir leh tur a ni ang.

            Vengchhung mipuite hemi ni hian min sil tir turin kan insawm a ni e.

1. YRC Lungphum October ni 13, 2015 tlai dar 3:00 a phumna hunah kan Branch aiawh in Pu C. Lalmuanpuia kal tura ruat a ni.

2. Zoram tana \awng\ai rual CK|P bul tumin September 26, 2015 (Inrinni) dar 11:00 hian AR Ground ah neih tur a ni a. Kal dan tur hi Branch Committee in a la ngaihtuah ang.

3. Ni 29, August 2015(Inrinni) dar 10:00 am hian Hlimen Kohhran Hall ah Blood Donation neih tur a ni a, kan Branch a\anga pe thei tur ten ni 24, August 2015 ral hmain Secretary te hnenah in report tur a ni e.

Sd/-

(P.C. VANLALHRIATPUIA)

Secretary, Branch K|P

VAWIIN KHAWCHIN

A lum lai berin: 260C

A vawh lai berin: 230C

            Chawhma lamah 4mm, chawhnu lamah 13mm leh zan lamah 5mm ruah tla turin weather-forecast.com chuan a sawi.

TUALCHHÛNG

,Nl. M.S.Dawngliani d/o Vanlalhriata (T.Sec) chu damlohna avanga Synod Hospital-a enkawl anih hnu in alo chhuak.

, Pi Lalthantluangi w/o Andrew Lalnunsanga (T.Sec) chu damlohna avanga Refferal Hospital-a enkawl anih hnûin alo chhuak.

, Lalrinhlua Pachuau s/o Henry Lalnumnawia (T.Sec) Bethel Veng chu damlohna avangin Referral Hospital-ah enkawl mêk a ni.

HMANGCHÂNG

¤ I kut tin khauh leh tih tlêt i duh chuan sertui leh glycerine chawhpawlh ah chiah ang che.

¤ I chawhmeh siamah i duh aia tam aieng i telh palh chuan thirfian meiah hem ling la, chawhmeh ah chuan thlâk rawh. Hei hi chawhmeh daih hunah tih tur a ni.

¤ Thirbêlah chawhmeh i kan dawnin têl i leih hmain minute khat vel ti sa ang che. Thir bel a chawhmeh kan bet tur a vêng ve a ni.

¤ Parbawr i chhumna tuiah khan ser kawr tlem telh la a ti var tha duh. Bawrhsaiabe kanna ah ser tui tlem sawr khum hian a tiram duh.

HRIATTIRNA

            Kan dawrah Nihliap theihnghilh/dah an awm nual mai a, tu ta nge kan hre hlawm si lova, a neitu kan awm anih chuan rawn lam tawh ula a lawmawm ngawt ang. Tin, bag a awm bawk a, a chhungah Aizawl Hospital & Research Centre tih inziak a awm a, Lalramthara kum 14 tih inziak a awm bawk a. Tu fa nge kan hre lova; a nu emaw a pa emaw in rawn lam ula a \ha âwm e.

Sd/-

Mangheta, Saikhamakawn

REPORT Kriatian |halai Pawl, Saikhamakawn Branch (January - July)

Inkhawm zat  vawi 20                                             Fellowship zat                      Vawi 12

Hla zir            vawi 52                                             Branch Hnatlang         Vawi 4

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330