Mipui Aw 5.4.2015

MIPUI AW

KARTIN CHHUAK

Vol. XXI Issue No. 14 Kristian Thalai  Pawl  Saikhamakawn Branch  Pathianni Dt.5.4.2015

Changvawn :Tin Vantirhkoh chuan hmeichhiate chu a bia a, an hnenah, “Nangni chuan hlau suh u. Isua, an khenbeha kha, in zawng tih ka hria e. Hetah a awm tawh love; a sawi ang ngeiin a thawhleh tawh kha. A mutna hmun hi rawn en teh mah u.”(Matthaia28:5,6)

KOHHRAN PROGRAMME

05.04.2015 (Easter Sunday)

Chawhma Inkhawm

Thupui                       : Thihna chelh hlen rual loh Isua

Thuhriltu       : Upa Lallawmchhunga

Chawhnu inkhawm

Thupui                       : Kan hnenah awm ta che

Thuhriltu       : Pi Khawlvuani

Zan inkhawm

Thupui                       : Isua Thawhleh angin kan                                                      tho leh ang

Thuhriltu       : Upa Lalrindika

K|P FELLOWSHIP PROGRAMME

05.04.2015 (Pathianni tlai)

Hruaitu           : Pu Tommy Zirnuntluanga

|antu              : Nl.Lalmuansangi

Ahmun           : Sunday School Hall

                K|P PROGRAMME

06.04.2015 (Thawh\anni z^n)

Short Sermon Inkhawm

Hruaitu           : Tv.C.Lallawmzuala

|antu              : Tv.Zoramthara

Thuhriltute    : Tv.C.Laldawngliana leh                                    Nl.Lalrinchhani

Thilpek lakh-    : Nl. Ruthi Lalenkawli  leh

awmtute           Nl. Ruthi Remruatkimi

Hla hruaitute : Tv.F.Laldingliana leh

(Ni 1-15April)         Tv.Lalrinnunga

Keyboardist    : Pu Lalchhandama     

KOHHRAN     HMEICHHE PROGRAMME

07.04.2015 (Thawhlehni Z^n)

Ramthim zin

Hruaitu           : Pi Zonunsiami

|antu              : Pi K.Lalhmingliani

A hmun          : Sunday School Hall

SERMON

A  THI  A , A  THOLEH  TA

            Tin, Galili rama an rawn inkhâwm lâiin, Isuan an hnênah, “Mihring Fapa hi mihringte kuta mantirin a awm dâwn a ni, tin, an tihlum ang a; tin, ni thum nîah chuan kaihthawhin a awm ang,” a ti a. Tichuan an lungngai ta êm êm a.

       Matthaia 17: 22 & 23

Engvângin nge Isua hi a thih a, engvânga tuar nge a nih? tih hi
       thusawitu tamtakte hnên a\angte leh Pathian thu ngei a\ang pawhin  kan chhiara kan ngaithla châmchî tawh a, nimahsela kan sawi nawn leh \hin a nih hi. Hla thu pawhin thawnthu hlui chu min hrilh rawh, min hrilh nawn fo loh chuanin a bo leh thuai ange tiin a lo sawi ve bawk a, hei vâng hian kan hriat hnû pawh kan sawi nawn fo \hin a, a ropuina leh a hlutna erawh a kîam chuang lo, kîam ahnêkin a zual zêl zawk a ni.

                                               

1. ISUA  CHU  ENGVÂNGA  THI  NGE?

            Mihringte suala kan tlûk thute leh chhandam ngâi kan nih zia kan hre \heuh awm e. Chhandam ngâi kan nih ziate, Pathian tâna kan sual zia leh kan tenawm ziate hi mihring \awngkâ a\ang ringawt chuan sawifiah zawh pawh a ni lo. Thlarau Thianghlimin min hriattira, hnâ a thawh loh chuan mihring ten kan sualzia leh chhandam ngâi kan nih zia pawh kan hre chhuak zo lo a ni. Chutiang khawpa sual leh amah Pathian ngaihsak ngai rêng rêng tawhlo mihringte chu  Pathian chuan hmangaih tâwp thei lovin min hmangaih tlat bawk si, a hnêna kal turin min duh a, a hnêna chatuana chêng turin min duh a ni. Tichuan, a hnêna kal theih nân leh chhandam kan nih leh theih nân a fapa Isua Krista chu nang leh kei misualte tân a nun a rawn hlân tâ a ni. Pathian fapa Lal Isua thih chhan hi nang leh kei ngaihdama kan awm theih nân a ni. Lalpa chu fakin awm rawh se.

                                               

2.ISUA  CHU  A  THO  LEH  TA.

            Mihringten ngaihdamna famkim kan chan theih nân Isua Krista chuan Luruh hmunah a nun a rawh hlân a. Thihna chuan chatuan atân a chelhhlen thei lo, nithum nîah Pathianin a kâi tho leh tâ. A va ropui em! Lal Isua ruala mi zawng zawng sual vânga thi ve nang leh kei ngêi pawh chatuan atâna nung turin Lal Isua rualin Pathianin min kai tho ve ta. Isua Krista ringa, a thihna leh thawhlehna ringtute chu thihnain a hneh loh nun chu Krista vângin kan nei ta tihna a ni. He nun hi kan phû vâng leh kan \hat vânga nei leh chang kan ni lo. Pathian hmangaihna vâng chauh a ni tih hi i hre thar mawlh ang u.

            A tâwp berah chuan hei hi hria ila, a ropuinaa inthuama a hmêl mawi kan hmuh hunah chuan Krista thihna leh thawhlehna vânga nun kan neih vâng chauhin hlim takin Pa hmel kan hmu ngam ve chauh dâwn a ni.

           

                             

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

Biak In chhung awmdan 

            Presbyterian Kohhran hi inkhawm uar tak Kohhran kan ni a. Kartluan hian K|P, Kohhran hmeichhia leh Kohhran Pavalai te nen phei chuan inkhawm loh zan  zan khat chiah a awm tawh a. He ti chung hian Biakin chhung a kan awmdan hi zir ngai leh in hrilh chian ngai tam tak a awm. Biakin chu kan zah tur a ni a, a chhunga kan luh pawhin kan thil tih reng reng urhsun taka kan kal pui a \hin a \ha awm e. Mahni duh duha tal a, khawilai emaw a kan lenkhawmna hmun emaw anga cheibawl mai tur a ni lem lo. Heng ang kawngah hian Nu leh Pa leh kum upa zawk pawhin zir tur tam tak kan nei awm e.

            A bik takin naupang inkhawm ve \hinte hi nu leh pa leh pi leh pu ten kan fate leh kan tute biakin chhunga an awmdan hi kan hrilh \hin a \ha khawp mai. A ninhlei ngai an nin hlei reng a, a beng chheng ngai leh pawna chhuaka vei tawn sek pawh tam an ni lo. Sunday School Zirtirtute leh nu leh pa leh pi leh pu ten \an i la thar leh ang u. Naupangte hi inkhawm lo tura hrilh tur tihna a ni lova, l^m lo tura hrilh tur a ni hek lo. Inkhawm laia awmdan tur leh l^m laia awm dan tur i hrilh mawlh mawlh ang u. “Naupang chu a kalna ^wm kawngah zirtir ula, a puitlin hun pawhin a thlah lovang” Bible pawhin a tih kha.

           

ARTICLE

THAWHLEH  HNU  A  KAN  LALPA

NGAIHPAWIMAWH BER

(Mathhaia 28:18 & Luka 16:15)

            Hman ni ka Office kal hnu a chhungte ka phone pawh theih loh avanga patling ka tlan kir leh hial nachhan chu ka tui Pump Off leh theihnghlih vang ania, kan tui neihchhun alo liam zo vek ang tih ka hlau êm a ka ngaipawimawh hle a ni. Kan Lalpa ngaihpawimawh ve chu khawvela kum 30 zet a awm chhunga a hna ber khawvel a chhuahsan dawn a, a zirtirte a chah theihnghilh si, vana a lawn hma lawk a alo kir leh hun tawite minute 1 lek chhunga a thusawi Matthaia leh Luka pawhin an thuziak tlangkawm nan  an hman tâk, “khawvel/hnam tina kal a thilsiam zawng zawng hnena chanchin \ha hril tura a chah ngawih ngawih hi a zuitu ten ngai pawimawh vak lo mah ila kan Lalpa hian a va ngaipawih êm!

            Shillong a lehkha zir tura kan kal dawnin chutih laia ka bialnu chuan, “I kal bo hlânin engtinnge ka lo awm ang?” a ti ngial a, kei chuan, “|ha ka tih i rin ang chauhin lo awm ang che” ka’n ti ve ngial kha. A awm bosan chhung a an awmdan tur Lal Isuan a zirtirte a chah kha ngai pawimawh ve in ringtute hian midang chungah te, a thilsiam thilnung dang laka kan chet dan hi Isua nise a ti duh ve angem? tih hi kan inenletna chanchin\ha nena in mawi phawt tura chu a ni dawn law’m ni?

            Anih ram tinah engtin nge kan kal theih ang ? A zirtirte ngei pawh ram tinah an kal bik silo, a thlengthui ber Thoma khan South India chu a rawn kal a, Mizoram lo kal pawh an awm silo, he thuchah pawimawh hi tuman an zawmlo kan ti mai dawn em ni? Hnai love, a zirtirte atangin ringtu dangah lo kal darh zelin, inhlan chhawng zelin Mizoramah meuh pawh chanchintha chu hrilh in a awm ta ngei chu a nih hi. Chanchintha awih ram ni veklo mahse a la thlenlohna ram hrim hrim erawh khawvelah a tlem ta hle.

            Ka'n ti leh hram teh ang khawvel zawng zawngah chanchintha chu a thleng kim thawkhat ta a, thilsiam zawng zawng hnenah erawh a la ni mawlh lo in ti ve lo maw ? Ngam zawng  zawng, vai thilzuar kan tihduhdah zia te, mamawh loh thing chawr kan thliah leh kih dan te, sava leh ramsa ten min hlauhzia te ah hian an hnenah chanchintha chu kan la thlen lo deuh chu a ang khawp mai, Vai thian pathum zingah kei berkherin sava ngampa tak vawm turin lung ka chhar a. Ka thiante chuan "Engatinge vawm i tum, in hnam hmelma em ni ?" a'n tia. Kei chuan  "a sa kan ei ang chu" ka tia. Thiante chuan "Hengte sa aia tui chicken kan khilai ang che, vawm lo hram teh", "Let them live peacefully" an tih chhungin an thlawk leh ta mai a.Chanchintha pawm  lo te ah mah chutiang chu a ni a, chanchintha thlenna mai nilo, pawmtu teah hian thilsiam zawng zawng hnena chanchintha hril tur hna kan va la ngah tak em . A ringtute dinhmun a sawi zawm nghal thu erawh hun dangah kan chhunzawm leh dawn nia. Thawh lehna ni ropui hman nuam vek ule.   

BENG TI VAr

MIZORAMIN KUM 28 CHHUNGIN GOVERNOR 15 A NEI

            Mizoramin February 20, 1987-a state dinhmun a neih hnuah Governor 15 a nei tawh a, March 28, 2015-a sorkar laipuiin a bân tak Dr Aziz Qureshi hi Mizoram larsap 15-na a ni. Mizoram hi January 21, 1972-a Assam sorkar hnuai a?anga Union Territory-a hlankai a nih hnuah, April 23, 1972 thleng chief commissioner SJ Das-a'n a enkawlna a a; April 24, 1972 a?anga state a nih hma zawng chu lieutenant governor-in a enkawl a ni. Lieutenant governor chenna chu Raj Niwas tih a ni a, Raj Niwas chu state nih hnua Governor puitlingin an awp hnuah Raj Bhavan tih a ni. Mizoram lieutenant governor hmasa ber chu SP Mukherjee niin, April 24, 1972 a?anga June 12, 1974 thleng a enkawl a; February 20, 1987-a state a nih ?an laia lieutenant governor Hiteswar Saikia chu Governor hmasa ber a ni.

            Mizoram hi state a nih hun kum 28 chhung hian Governor 15 an awm tawh. Governor term hi kum nga a ni.

Mizoram Lt. Governor ni tawhte

# Hming Pisa luah ní Chhuah ní

1 SP Mukherjee April 24,1972 12-Jun-74

2 SK Chibber 13-Jun-74 26-Sep-77

3 NP Mathur 27-Sep-77 April 15, 1981

4 SN Kohli 16-Apr-81 9-Aug-83

5 HS Dubey 10-Aug-83 10-Dec-86

6 Hiteswar Saikia December 11, 1986 February 19, 1987

Mizoram Governor ni tawhte

# Hming Pisa luah ní Chhuah ní

1 Hiteswar Saikia 20-Feb-87 30-Apr-89

2 Gen. KV Krishna Rao (additional charge) 1-May-89 20-Jul-89

3 Capt. WA Sangma 21-July-89 7-Feb-90

4 Swaraj Kaushal 8-Feb-90 9-Feb-93

5 PR Kyndiah 10-Feb-93 28-Jan-98

6 Dr AP Mukherjee 29-Jan-98 1-May-98

7 A Padmanabhan 2-May-98 30-Nov-00

8 Ved Marwah (additional charge) 1-Dec-00 17-May-01

9 Amolak Rattan Kohli 18-May-01 24-Jul-06

10 Lt.Gen. MMLakhera 25-Jul-06 2-Sep-11

11 Vakkom Purushothaman 2-Sep-11 6-Jul-14

12 Kamla Beniwal 6-Jul-14 6-Aug-14

13 Vinod Kumar Duggal (additional charge) 8-Aug-14 16-Sep-14

14 KK Paul (additional charge) 16-Sep-14 8-Jan-15

15 Dr Aziz Qureshi 9-Jan-15 27-Mar-15

16 Keshari Nath Tripathi hi nimin khan lakluh thar leh chiah a ni.

BIBLE  QUIZ  No. 66

ZAKARIA 1-5

A kâr âwl dah khat rawh :

Q1. Tin, ani chuan ka hnênah, Hei hi ram pum pui chunga anchhe kal chhuak chu anih hi; a pang khing khat thu ang zelin __________________ apiang pawh thenfai an ni bawk ang.

Q2. Tin, a sente chu an han ding chhuak a, kal chhuah a, leilung awm dan endik an nghaklel hle a. Chutah __________________ chuan, “kal ta ula; lei lung awm dan va endik rawh u” a ti a.

Q3. Sipaihote LALPA ina puithiamte hnênah leh zâwlneite hnênah chuan an sawi a: Tun hma kum tam fea ka lo tih tawh \hin angin mahni intihrangin thla _______________ chuan ka \ap \hîn em ni ang? tiin.

Q4. Sipaihote LALPA chuan heti hian a ti a ni, Jerusalem kawtthlêrahte chuan pitar-te leh putar te, An kum tam avânga tiang hawl boh boh tawhte pawh chu an la _____________________ ang.

A bung leh châng dah rawh :

Q1. Ani chuan ka hnênah, sinar rama a tana in sakna tûr lamah chuan; tin, in chu peih anih hun chuan chutah chuan ama hmun ngeiah an dah ang, a ti a.

Bung: ...............          Chang: ....................

Q2. Tin, hla taka awmte kha an kal ang a, LALPA in chu an rawn sa ve ang a, Sipaihote LALPA chuan in hnênah mi tir a ni tih in la hre dâwn a ni.

Bung: ................         Chang: ....................

Q3. An mi hriat ngai loh zingah Thawngaleivirin anmahni ka tidarh zâwk dâwn a ni. Chutiangin an hnuah chuan tih\iau a ni tawh ang a,

Bung: ................         Chang: ....................

Q4. Sipaihote LALPA chuan heti hian a ti a ni: Chûng nîahte chuan heti hi a la ni ang a, Mi sawm, hnam ze tinreng a\anga lo chhuakte chuan Juda mi pakhat fenfualah an vuanin an chelh ang a,

Bung: ................         Chang: ....................

Hming : ......................................................

Section : .....................................................

BIBLE QUIZ  NO.65  RESULT

Chhanna lut zawng zawng : x

Chhang dik vek                       : x

Lawmman dawngtu: nga (V. Sec)

         Bible Quiz chh^nna leh lâwmman hi Circulation Manager C.Laldawngliana hnenah thehluh a, lam \hin tur a ni.

PAVALAI PROGRAMME

9.4.2015 (Ningani Zan)

Hruaitu           : Pu T.Lalrinthanga

|antu              : Pu J.Lalramhluna

Thuhriltu       : Pu TK Manga

ENTLANG

* Ka tih tur hre lo chuan, ‘Mipui Aw’ entlang chu ka han en chhin a,  entlangah chuan kan veng mipui inkhawm lai leh inkhawma an l^m lai chu chiang takin a lo lang a. Thlarau Thianghlim zung chuan mi \henkhat chu thilpek hrang hrang hmangin a lo khawih a. |henkhat chu an vir zak zak a, \henkhat an eu zak zak bawk a, a \hen tui em emin an  lam bawk a. A \hen tui takin l^m lem lovin an zai bawk a. Mahni chan \heuh chu an duh tawk hmel em em a. Thlarau Thianghlim chu a hlawma lo tla \ep \hin hian ka hmu a. Mahse a let chho leh \hin a, eng vanga let chho leh \hin nge ni ang tiin ka ngaihtuah vang vang a.                                                                  Entlang chu ka han en leh vang vang a, inkhawm bang chu an lo lang leh a. Inkhawm te rilru chu chiang takin a lo hmuh theih ta a. Midang chan \heuh chu an lo hmu nep em em hlawm a, an mahni chan \heuh kha bik riauva an lo hriat avangin Thalarau Thianghlim chu a lo hla \hin a lo ni a. Pu Editor, ka thil hmuh chu ka rawn share ve reng reng che a ni. he tiang hi kan ni ang tih ka hlau hle a, Thlarau Thilpek hrang hrang a awm a, a petu chu pakhat chiah a ni. heng thilpek kan dawn hi midangte hmuh nep nan i hmang lovang u. Thlarau Thianghlim a hlawma kan chan \heuh theih nan inpumkhatna nen Lalpa rawng i bawl i la, in ertawna awm lovin, i in ti bik lovang u.

VAWIIN KHAWCHIN

High: 190C      Low: 270C

            Chawhma: 4mm, Chawhnu: 0mm leh zan lamah 16mm.

ROLL CHUNGCHANG HRIATTIRNA

            Electoral Roll siam \hat leh ti dik tura hma lak mek a ni a. Heng a hnuaia mi te hi chhungkhata mi pakhatin lakhawm a,Pu Lalzama BCO hnenah April ni 15 chhungin thehluh tur a ni e :

            1) Voter Mobile Number

            2) AADHAR card

            3) Date of Birth

            Tin hming leh address dik lo pawh tih dik nghal tur a ni a, chh<ng tinin i ngai pawimawh \heuh ang u.  

LAWMTHU SAWINA

            Kan nu Pi Hnehthangi’n ni 26.3.2015 (Ningani) zan dar 10:45 a min boralsan chungchangah Saikhamakawn vengchhung mipuite hnenah a mal malin lawmthu kan sawi thei lova. Mipui Aw chanchinbu kaltlangin vengchhung mipui zawng zawng chungah lawmthu kan sawi a ni. A damloh a damdawiinah leh in lamah te hmangaih takin min rawn tlawh \hin a, kan lawm hle a ni. Thihna te kan han tawk a, kan tih ve pawh ngai lovin tih tur \ul apiang YMA nula leh tlangval, nu leh pa ten min buaipui zung zung a, bakah kan khawhar min hnem a, Pathian fakna hun min hmanpuia lo lengte chungahte, Pathian hnena min \awng\aipuitute chungahte kan tana in inpekna zawng zawngah lawmthu kan sawi tak meuh meuh a ni. Pathianin a let tam takin malsawmin vur let che u sela tih hi kan \awng\aina a ni e.

In khawngaihna dawngtu,

Upa Zairemthanga te chhungkua

Saikhamakawn

KOHHRAN ZAIPAWL

               Kohhran zaipawlte vawiin chawhma inkhawmah hla rem tur a ni a, dar 9:15 am ah hla ennawn a Biak In a kim \heuh tur a ni e.

TUALCHHUNG

, C. Lalnunmawia h/o Ramdinpuii (Nutei) te fa pahnih Vanlalpeka leh Lalremsiama,  T.Sec (Bethel Veng) te chu damlohna avanga Kulikawn Hospital-ah enkawl an nih hnuin an lo chhuak

, Hrangchhingi m/o Upa Lalzuiliana (V. Sec) chu damlohna avangin Aizawl Hospital ah enkawl m>k a ni.

ADMISSION NOTICE

            Brighter Higher Secondary School chu Upper Republic a\angin Kulikawn, Tlangnuam Road (Hauva&Sons building) ah sawn a ni a, Class- IX to Class- XII (Art & Science) ah Admission a hawng mek e. Kal hmasa apiang duhsak an ni ang. Tin, First Division chin tân Concession siamsak an ni ang.

Contact:         8414956902

                        9862325305 (4-4)

CHAWHCHAWRAWI

* Tomato hmin \ha vak lo tih hmin nan brown paper bag-ah dahin zankhuain thimah dah ang che.

* Tomato hmin tawh tak, dah\hat reng i duh chuan bowl-ah chitui vawt dah la, chumiah chuan zankhuain dah ang che.

* Apple, balhla, theite leh pear te i dahthatin alo duk loh nan sertui sawrin phuh \het \het \hin ang che.

* I pakaura kan tur chawhdiak sa kha alo tui lutuk a tel saa i thlak zawnga a per chuai chuai chuan ghee chawk tel mai rawh.

* Thir leh thing leh plastic-a oil leh grease tihfai nan hian vaseline hman a \ha.

* Sa i chhum hmain chi al suh, chi chu a hmin chanve velah al chauh a \ha.

* I chaw chhum alo ban chual loh a, alo tui zawk nan i chaw silsa chu i chhum hmain minutes 10 vel tal tuiin chiah \hin ang che.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330