MIPUI
AW
KARTIN CHHUAK
Vol. XXI Issue No. 15 Kristian
Thalai Pawl Saikhamakawn Branch Pathianni Dt.12.4.2015
Vawiin
changvawn : Nimahsela tleirawl ch^knate chu tlansan la, thinlung thianghlima
LALPA lam apiangte zingah chuan felna te, rinna te, hmangaihna te, remna te
<m ve rawh. (II Tim. 2:22)
KOHHRAN PROGRAMME
12.04.2015 (Pathianni)
Sunday School
|antu : Pi Laltlanzari
Zirlai 13-na : Pathiana
minung pathum (Trinity)
Chawhnu inkhawm
Thuhriltu :
Pu Lalrintluanga
Zân
inkhawm
Thuhriltu :
Upa R. Lalngena
K|P ,KOHHRAN PAVALAI LEH KOHHRAN HMEICHHE PROGRAMME
Tun kar lo awm turah hian Kohhran in programme a neih dawn
avangin K|P, Kohhran Pavalai leh Kohhran Hmeichhe programme te a hranin a awm
lovang.
Tin, Ni 15
April 2015 (Nilaini) hian nilengin Kohhran Mipuite a thei thei in Bethel neih
bawk tur a ni ang.
TBZ PROGRAMME
(Neihthil
thehkhawm a hun hman tur a ni ang)
A Hun : Ni 13 April 2015 (Thawh\anni)
Dar 7:00 pm
A Hmun : Pu R. Sangzuala te In
Hruaitu : Pu Ngura Sailo
|antu : Pi
Biakremmawii
SERMON
Tin,
vawikhat rilru tihvara, v^n thilpek tema, Thlarau thianghlim chantira, Pathian
thu \ha leh hun lo la awm tura thiltihtheihna tem tawh zeta tl<ksante kawng
thu zawng- chu mite chu an simna turin siamthar leh rual a ni lo. Pathian Fapa
chu anmahni t^n khengbet nawn leha ti mualpho an nih a vangin. (Hebrai 5:4-6)
Mi tamtakin Pathian thu kan ngaihd^n lah kan duhd^n kan kal sual
pui fo a, Mizoram Kristiante zingah hian a hluar zual emaw tih theih a ni. A
bik takin sual thu-ah hian inhnialna pawh a tam thei awm e. Genesis Bung 3-ah
khan mihring suala a tluka Pathianin a hremd^n kan hmu a, chuvangin kan
Bible-in min hrilh danin Evi leh Adama thlah mihring lo piang chhuak tawh phawt
chu misual chhandam ngai kan lo ni ta a ni. Bible hi chhiar chhiar ila,
Pathianin a a mihring siamte chhandam min duh zia, chhandamna kawng pawh min
kawhhmuh nasatzia kan hmu a. Isua Krista lo lan hma a\ang daih tawh khan
inthawina chi hrang hrang hmangin mihringte chu chhandam kan nih theihna tur
kawng min zawn saka, mahse, chhandamna tluantling, Pa lungtiawi zo engmah a awm
lo a ni. Hebrai bung 9 : 26 ah chuan, ‘nimahse la tunlai hun t^wpah hian inthawi nana inhmang
chawpin sual tihbo n^n vawikhatah a lo lang ta nghal a ni.’ Tiin, Isua Krista
kan sual thawinan amah leh amah lo lan thu kan hmu a. A vawikhat inhlanna chuan
Evi leh Adama a\anga sual kan nih chu min tihrehsakin, Pathian hnenah
ngaihdamna min siamsak ta a ni.
Tun hunah hian
hmana kan nihna sual kha silfai kan ni tawh avangin, Evi leh Adam a\anga kan
nihna sual hi inbel reng tawh tur kan ni lo. Mihring lo la piang leh zel tur
pawh Isua Krista chuan min lo chhandam vek tawh a ni tih kan hriat a \ha hle a
ni. Bible kan tarlanah khian chiang takin min hrilh a, Krista hi kan nihsual
thawinan hian a tawk a, a tling zova, chu kan nihsual thawinan chuan a inhl^n
leh tawh dawn lo bawk a ni.
Chhandam tawh
mihring nimah ila, sual in a luhkhung tawh kan nih a vangin nitin Isua Krista
chu kan mamawh a, awm mai maia, \hu der dera awm tur kan ni lo. Tun hunah ngei
pawh hian eng vangin nge chhandam kan nih lohna chhan tur inzawt ila, kan
nihsual vang ni tawh lovin, Isua Krista kan rin loh avang zawk a ni tawh dawn a
ni. ‘ Amah chu tupawh a ring apiang an boral lohva chatuana nun an neih zawk
nan’ tiin kan Pathian thu chuan min hrilh si a. Chhandama i awm theih nan Isua Krista ringa nitin sual leh thlemna
karah pawh amah avanga sual i kalsan zel a ngai a ni. I nihsualin thiam loh
achantir tawh dawn lo che a, i tihsual, i rin duh loh vanga i sualna khan thiam
loh a chan tir dawn che a ni.
EDITORIAL BOARD
f
Editor
:
Pu Lalduhkima - 9862648830
Jt.Editor:
Tv.F.Laldingliana - 9862378567
News
Editors :
Pu Tommy Zirnuntluanga - 9862913684
Tv. Laldinpuia -
9862813325
Tv.
Lalrinnunga
- 9862239963
Tv. Lalnunzira -
9862664253
Circulation
Manager:
Tv. C.Laldawngliana - 8974743091
Editorial.........?
I
inpeih tawh em???
He lei hian thlan khur thuk tak anga ka ^ngin mihringte min
lem pil a tum mek a. Miten thu \ha tam
tak an sawi a, an ziah mek laiin, he khawvel chuan sual lam kawng a ^wn tlat a.
Chu nun chuan |halai tam tak leh nu leh pa te a salah a t^n tir mek a ni.
Mobile Internet hmangin kan \halaite nun chu a hruai a, rawngbawlna hmunah pawh
chu mobile Internet chuan a luhchilh mek
a ni. Hmanlai ang khan |halaite nun chu sual b<k b<kin lang lo mahse,
lang lo lamah an thinlung a r<k sak nasa hle.Pathian rawngbawl chu Zirlaiten
an Subject pakhat ang lekah a ngaih
tira, incheina pakhat ang lekah a ngaih tir ta a nih hi. Min dawlh tur zawnga
he leiin a ka a ^n reng lai hian nu leh pa te u, in fanu, in fapa kha a him em
le???
Tunlai khawvelah hurna, mipat
hmeichhiatna bawlhhlawh taka hman anih tak dan leh chhiatna rapthlak tak tak a
thlen dan te hi sawi ngam loh khawp a ni ta. Mihring leh mihring ink^ra
zahawmna awm chhun ui leh ar ang maiin kan hmanga, chungin a a ken tel zu leh
drugs, nuamsipb^wlna, uirena leh nupa in\henna chenin a hluar ta chu a nih hi. Pawmlai neiin pawmlai ka nei an
ti tawh lova, nupui pasal nei si lova
mipat hmeichhiatna hman a hluar em em bawk a ni. He khawvel hian a kawng min
zawh pui hi rei min zawh pui tawh dawn lova,Pathian thinurna meipui kan hmabak
mek a ni. I in peih tawh em?????
ARTICLE
ONE-CLUB MEN
Football ah hian Club in players an
nei a, Ram hrang hrang a club thenkhatah chuan hmun hrang hrang ami te pawh an
inlei thin a ni tih kan hre vek awm e. Players thenkhat chu hlawh tam zawk um
vang te, club lian zawk a khelh duh vang te, chhan hrang hrang avangin players
thenkhat te an insawn kual nasa hle. Chutihlai chuan players thenkhat erawh chu
an club hmangaih tan a nghet bur mai, club dang sawmtu an neihloh bik vang pawh
ni lem lova an club hmangaih tana khelhna ngaia khel chi an awm ve bawk a. Chung
zing a mahni club khelhna ngai a khel rei, hmun dang a khelh tum miahlo, mahni club hmangaih em em mai te , a larzual
leh khel rei zual ho han thlir ho dawn ila.
1.Rogerio Ceni :
He Brazillian goalkeeper hian a club Sao Paulo FC kawr hi vawi 1200 chuang zet
mai a lo ha tawh a. Kum 1999 atang khan captain nihna a lo chelh tawh a ,
Guiness World Record chuan ani hi mahni khelhna club pakhat tana khel hnem ber
ah an record nghe nghe. Tin, Goalkeeper ni chungin goal 125 zet mai a khung
bawk ! Khawvel Football history a goalkeeper ni chung a goal khung hnember a ni
bawk. A goal khungte hi freekick leh penalty atanga a khung anni tlangpui. Tin,
ram tan vawi 17 a khel tawh bawk a ni.
2.Ryan Giggs :
Ryan Giggs a chanchin hi chu sawi tam ngai lovin kan hre vek awm e, a hmangaih
Manchester United tan hian vawi 963 khel in, goal 168 a thun bawk. He club ah
hian season 24 zet mai a khel hman !
Tunah hian Manchester United ah Assistant Manager hna a chelh mek bawk. A
vanglai a a tlanchak zia sawi nan hian
“lei a rap zeuh zeuh” an tih hial khawp a player tlanchak a ni
thin.Record chi hrang hrang a ngah mai a, chung zing a a lar zual te chu, UEFA
Champions League a khel hnem ber nihna te, Premier League a assist(mi goal
thuntur siamsak) ngah ber te ani a. Premier league no mawi vawi 13 a dawn pui
tawh a, Uefa Champions league vawi 2 a chawi tawh bawk a ni.
3.Jamie
carragher : Liverpool vice-captain thin, Gerrard-a thianpa hian Liverpool tan
vawi 737 a khel hman a , season 16 lai mai Liverpool ah hian a awm bawk a ni. Liverpool
academy ah seilian in 1996 atang khan Liverpool ah hian a khel a, a retire
thlengin a khel tan ngar ngar a ni. Vanduaithlak takin Carragher-a hian Premier
League a chawi hman lova, UEFA Champions League erawh vawi 1 a chawi thung.
4.Francesco
Totti : A hunlaia attacking midfielder tha ber pawl ni thin, he Italian pachal
Totti hian a hmangaih club A.S Roma tan vawi 737 khel in, goal 297 lai a khung
hman a. He club history a khel hnem ber a ni nghe nghe. Totti hian Italy tan
2006 khan World Cup a lo chawi ve tawh a ni.
5. Danielle De Rossi : Mi rorum, mi thinchhia,
mi taima ni bawk De Rossi pawh hian, A.S Roma tan vawi 480 khel tawh in, goal
51 a thun tawh a. Ani hi an club huangchhung ah chuan Captain Totti-a Nau an ti
thin.
6. Paolo Maldini
: Maldini han tih hi chuan hranghlui ho lung a leng nghal ruih ngei ang, a
hming lam rik ringawt pawh hian a ni nghal ruih mai. Italy defender an khirh
vanglai ber a a ti khirh tu MALDINI kha a ni a, a club AC Milan tan hian kum 24
chhungin vawi 647 lai mai a khel a. Center Back leh Left back ah te a khel thin
a, Italy leh AC Milan captain nihna hi hun rei tak chhung a chelh a ni. 1990 kum a a jersey hak phei chu Football
Museum, Florence khawpuia mi ah an dah nghe nghe, hei hian
Maldini ropuizia
leh mipuiin an ngaihsan zia a tilang awm e. Anni ram chu sawiloh, veng thenawm
ah te pawh Naupiang hming hial a MALDINI
lo phuah te pawh an awm tak kha mawle. Anni
ho bakah hian mahni khelhna club ngai a khel hnem ho te chu Barca Midfielder
Xavi Hernandez, Andres Iniesta te, Real Madrid Goaley Iker Casillas te, Bayern
Munich midfielder Bastian Schweinsteiger te, Barca player ropui Lionel Messi
te, CSKA Moscow captain/goalkeeper Igor Akinfeev te, Tottenham Hotspurs defender
Ledley King te, Everton player Tony Hibbert te, FSV Mainz 05 player tuna
Borussia Dortmund manager lar tak Jurgen Klopp te ho hi an ni hlawm a. Anni ho
hian club dang a khelh zai rel lovin an hun pumpui anmahni chher liantu club
tan an khel hlawm a ni.
BENG TI VAr
@@ PATHIAN HI HMEICHHIA A NI.( tak tak ni maw???)
US State pakhat Massachuset a mi Catholic puithiam Father John Michael O’neal, kum 71 mi chuan Pathian
hi hmeichhia niin a puang. A thi tih officiala puan anih a\anga 48mins hnuah
doctor ten kaihthawh leh tuma nasa taka an beih hnuah a rawn harh chhuak leh a,
he ti hian a sawi, “Pathian chu dam
thlup mai, a bula awm uam tak, hmeichhe pian ang pu a ni a, vanramah ka hmu a
ni,” a ti. Father O’neala hi January 28 khan heart attack a neih a vangin
damdawiin pan pui a ni a, an thlen hnu lawkah a chatthla ta mai a, clinical
death a puan a ni. A chahthlak chhung hian a hringnun taksa atanga kal chhuakin
vanram a han fang a, Pathian nen an in hmu niin a sawi. A thil tawnah chuan hmangaihnain
a lo hual vel vek a,>ng takin a chhun niin a sawi bawk. Pathian a hmuh dan a
sawiah chuan >ng tak, hmeichhe ruangam pu niin a hre tlat. Kristian tamtakin
kan ngaih danah chuan Pathian hi mipa
(male) niin kan ngai a. Chu tih rualin \henkhat chuan Pathian hi mipa anih leh
hmeichhia a nih an ring chuang lo.( Engpawh nise Pathian hi hmeichhia pawh nise
Mipa pawh nise min hmangaihna a nep chuang lova, kan hmangaih dan a nep chuang
turah ka ngai love. Ed.)
@@
VICTORIA FALLS : Khawvela tuikhawhthla zinga
lian ber Victoria Falls hi Zambezi luipui tuikhawthla a ni a. He Zambezi luipui hi mel
1600 (2560 Km)zeta sei a ni. He Victoria Falls hi Scott pa rorum leh Missionary
ni bawk David Livingstone-a hmuhchhuah a ni a, England Lalnu Queen Victoria
hming chawiin Victoria Falls tiin a phuah a ni. Kum 1989-ah United Nations
Educational Scientific and Cultural Organisation (UNESCO) in khawvel rohlu
pakhat niturin a ziak fel tawh bawk.
BIBLE QUIZ
No. 67
ZAKARIA
6-10
A
kâr âwl dah khat rawh :
Q1. Tin, lallukhumte chu Helema te, Tobija te, Jedaia te,
______________ fapa Hena te tan LALPA inah hriat rengna tûr ani ang.
Q2. Tin, LALPA ah chuan
______________ ka tichak ang a, ama hmingin an chhukin an chho vang, Tih chu
LALPA thu chhuak a ni.
Q3. Hadrak ram laka LALPA thu phurrit leh ______________ chunga in
nghat tûr chu: LALPA mit chu mite chungah leh Israel hnam zawng zawng chungah a
fu si a..
Q4. Nangma thu-ah pawh, i thuthlung
thisen avângin ________________ tui awm lohna ata i mi tângte chu Ka rawn tîr
chhuak ang
A
bung leh châng dah rawh :
Q1. Ruah hnuhnûng hunah hian LALPA chu ruah dîl rawh u, LALPA, kâwl
tiphetu ngei chu; Tin, a nin lova hlebet tinrêngte tân ruahpui vânawn a sûrtîr
ang.
Bung:
............... Chang:
....................
Q2. Tin, kei chuan ka mit ka han len chho leh a, ka han en a, tlâng
pahnih kara sakawr tawlailir pali lo chhuak hi ka hmu a, tlangte chu dar hlâwm
an ni a..
Bung:
................ Chang:
....................
Q3. Remna chi a awm dâwn tawh si a, Grêp hruite chuan rah a chhuah
ang a, Lein hlâwkna a chhuah bawk ang a, Vanin daifîm a tlaktîr ang; Hemi la
awm chhunte hi chûng chu ka rochuntîr dâwn a ni.
Bung:
................ Chang:
....................
Q4. A thatna te chu a nasain, a mawina te chu a va nasa êm! Buhbâlte
chuan tlângvâlte a tihlawhtling ang a, uain thar chuan nulate a tihlawhtling
dâwn si a.
Bung:
................ Chang:
....................
Hming :
......................................................
Section : .....................................................
BIBLE QUIZ NO.66
RESULT
Chhanna
lut zawng zawng : 7
Chhang
dik vek : 6
Lawmman
dawngtu: C. Lalrinsangi (V.Sec)
Bible Quiz chh^nna leh lâwmman hi
Circulation Manager C.Laldawngliana hnenah thehluh a, lam \hin tur a ni.
KOHHRAN ZAIPAWL
HRIATTIRNA
Kohhran Zaipawl member zawng zawngte Ni 14. 4. 2015
(Thawhlehni) zan Inkhawm banah Bial Inkhawmpuia rem tur hla zir tur a ni a,
zaipawl member zawng zawng te hla zir \heuh tum ila a \ha ang e. Bul kan \anna
chauh a la ni a, la zir lo te pawhin zir vek i tum ang u.
FOOTBALL TRANSFER NEWS :
1 - Chelsea chuan FC Tokyo
striker Yoshinori Muto chu lak ngei tumin hma anla mek.
2 - Man Utd chuan an Striker
tun season a khel chhe tak Van Persie chu hralh mai anduh ni-in thu a thang mek
a, amah thlak nan hian PSG a nghet tawhlo tak
Edinson Cavani chu £64 million vel a lakluh pawh an pawiti tawhlo.
3
- Man City chuan Liverpool player pawimawh pathum Coutinho, Sterling, Henderson
techu lak antum.
4 - Chelsea , Man Utd , Arsenal
techuan Southampton right-back Nathaniel Clyne leh Morgan Schneiderlin techu
lak anduh theuh.
HUNGARY
RAMAH “MIZO” BAWNGHNUTE !!
Hungary ramah khuan, Bawnghnute
a\angte a an eitur siam thenkhat te chu Kan hnam hming MIZO tih puttirin
hungarian ho chaw tha tak zingah a tel ve tlat.
HRIATTIRNA
Electoral Roll a hming awm zawng
zawng te pianni (Date of birth) leh Mobile Phone number ziah luh vek tur a ni
a, a hnuaia tarlanah hian kal tur a ni e.
A
hmun:YMA R<n, Saikhamakawn
A
hun: Ni 13. 4. 2015(Thawh\anni)
Zing dar 9:00 - 3:00 pm
Tin, mit naute thlalak Adhaar card
nei tawh chuan ken vek tur a ni bawk e. Roll a hming dik lo te tih dik nghal
tur a ni a, chhungkhata mi chu in tih k>p theih a ni e.
LAWMTHU SAWINA LEH NGENNA
Ni 4, April 2015 a
Taitesena Section YMA ten Blanket s< a kan hnatlan na ah tlawmngaia Blanket
min s<k tir tute leh hnatlanga chhuak section member te chungah lawmthu kan
sawi tak meuh a ni.
Tin, Taitesena Section Bungraw dahna
in tala hi vawi tam tak vuak thlak a lo ni tawh a, hemi tih reh nan hian
section committee chuan bungraw dahna chahbi kawltu atan Nl. Lalhruaitluangi
c/o Remsiami leh Nl.Lals^wmliani d/o Zohmingthangi te a ruat chhuak a.
Khawngaiha bungraw hawh tur te leh dah tur r>ng r>ngin vaw thla tawh lo a
hemi te hnena a\anga chahbi la \hin tawh tura ngen leh hriattir kan ni e.
Sd/-
(ZONUNSIAMA)
Secretary
YMA Taitesena Section
TUALCHHUNG
, Lalhruaitluanga
s/o P.Lalrinkima chu damlohna avangin Alpha Hospital Kulikawnah enkawl mek a
ni.
,
Jimmy Lalrinzaua h/o Lalchhuanthangi te chhungkua chu Pu J.Lalrinliana In,
Bethel veng (T.Sec) ah an inbawl hrang.
,
Pi Hrangchhingi m/o Upa Lalzuiliana (V.Sec) chu damlohna avangin Aizawl
Hospital ah
enkawl m>k a ni.
,
Pu H. Lalliantluanga h/o Pi R. Lalthansangi (V.Sec) te chuan khawi ilo vah vel nan
Scooty (Vespa) thar an lei.
WALES RECORD THAR!
Tun hnaia intuaithar Wales
National Football team chu FIFA Ranking thar berah 37 na atangin 22 naah
inhlangkaiin, ranking-a an tawn san ber \um an tawng mek a ni.Wales hi 2011
khan 117 na an ni a, Fulham leh Real Sociedad boss hlui Chris Coleman-a hnuaiah
an intuaithar leh a, tunah hian Euro 2016 khel thei turin dinhmun tha takah an
ding mek a ni. An chesual viau a nih loh chuan, Gareth Bale, Aaron Ramsey leh
Ashley Williams te rualho hi Euro 2016, France-ah kan hmu ngei dawn niin a
lang. Spain leh Switzerland te pawh top 10 - ah an inhlangkai leh tawh a,
hmasawn ber erawh Bhutan niin anni hi 163 na atangin 128 naah an chho a ni.
India pawh 147 naah kan chho bawk a ni.
SAZU
(RAT) TE’N LAINATNA AN NEI VE
Sazu te hian an zinga damlo leh
inhliam te an ngaihsak ve \hin teh tlat nia.
Sazu \hian kawm tur neilo emaw chenpui tur neilo a awm
zingah hian riang ngawih ngawiha inhriatna leh Depression te an nei ve \hin an
ti ve teh tlat bawk !
https://www.facebook.com/groups/SKKthalaipawl/
Saikhamakawn K|P e-mail : ktpskk@gmail.com &
ktp_skk@yahoo.com
PUBLISHED BY LITERATURE SUB. COMMITTEE K|P SAIKHAMAKAWN BRANCH, COPIES : 330
No comments:
Post a Comment