Mipui Aw 1.1.2016 (Kumthar Special Issue)

MIPUI AW

SPECIAL ISSUE

Vol. XXII Issue No. 1 Kristian |halai  Pawl  Saikhamakawn Branch  Kumthar ni Dt.1.1.2016

Vawiin Châng vawn:

            Krista Isuaa Nunna Thlarau dan chuan sualna leh thihna dan ata chu mi tichhuak tawh si a. Tisa avanga Dan chu a chak loh va, a tih theih rual loh chu Pathianin ama fapa ngei, tisa sual ang puin, sual thawi nan rawn tirin, tisaa sualna awm chu thiam loh a chantir ta a ni; tisa dan zawh lova Thlarau dan zawh zawktu keimahniah hian Dan thu ruat chu hlena a awm theihna turin. Tisa dana awmte chuan tisa lam thilte an duh thin; Thlarau dana awmte erawh chuan Thlarau lam thilte an duh thin. Tisa lamthilte duh chu thihna a ni si a, Thlarau lam thil duh erawh chu nunna leh thlamuanna a ni;

KOHHRAN  KUMTHAR PROGRAMME

1.1.2016 (Kumthar ni)

Chawhma Inkhawm

|antu              : Pu Deng\huama

Thupui           : ‘Kumtharah - Nunthar a nun’

Sawitu                        : Upa R.Lalngena

                        Zân inkhawm

Thupui           : ‘Kumtharah - Thlarau dan thara rawngbawl’

Sawitu                        : Upa Lallawmchhunga

2.1.2016 (Inrinni zan)

Thuhriltu       : Pi Khawlvuani

KUMTHAR THAWHLAWM

                     Vawiin chawhma Inkhawmah hian Kumthar lawmna thilpek, thawhlawm leh thlai thar mahni neih ang ang lakkhawm tur a ni a, Kohhran member-te kan inhriattir a ni e. Tin, chawhnu inkhawm awm lovin ruai\heh hma zaikhawm a hun hman tur a ni e.

SERMON

ENG THUAM A INTHUAM A HUN TA

                                                                      

            Tun lai thil awmzia in hriat av^ng leh muhil thawhharh a hun tawh tak zet tih in hriat av^ngin chu chu ka sawi a ni; tunah chuan kan rin tirh lai ai kh^n kan chhandamna chu a hnai ta zawk si a. Zan hi a ral lek lek tawh a, khua a v^r d^wn ta e; chuvangin thima thiltih chu paih ila, eng thuamin i inthuam ang u.Chh<na awm ang-in mawi takin i awm ang u, zu in buai leh zu ruia awm lovin, hur leh inngaih hmanga awm lovin, insual leh initsika awm lovin. Lal Isua Krista chuan inthuam zawk ulang, in tisa ch^kna puitlin turin engmah insiam suh u.(Rom 13:11-14)

            Kum 2015 kan hmang liam a, kum 2016 bul kan \an leh ta reng mai. Duhin duh lo mah ila, hun hi chuan min nghak miah lo hian a kal ngaiin a kal reng a, tichuan tun hun pawh hi a lo her chhuak a ni a. ‘Hun leh tui lianin min nghak lo’ ti a hla siamtuin a lo sawi ang hian, hun chu eng tik lai pawhin a kal reng a. Tun a ka hun hman m>k pawh hi hm^nlai an chan leh hun a awm leh ngei dawn a ni. Tin, tuna ka hun hman leh ka thil tih lai ngei pawh hi chatuan at^n a hremnaa min hnuk liamtu a changthei a ni tih hriain hun thar, kumthar lo thleng hi i hmang ang u. 

            Tirhkoh Paula chuan hun rei tak a\ang tawh kh^n, ‘Tunlai Thil awmzia in hriat ...........Zan hi a ral lek lek tawha, khua a v^r d^wn ta e; chuvangin thima thil tih chu paih ila eng thuamin i inthuam ang u’ a lo ti a. Kha tih hun laia zan hi a ral lek lek tawh a tih si chuan, tun hunah phei chuan eng chen tak la awm ang imaw? tiin han ngaihtuah teh le. Kum 2016 kum thar lo thleng ngei pawh hi Khawvel tawp ti hnaitu a ni zel a. Nithar kan hman ngei pawh hi kan hun tawp min hnaih tirtu ni zelin, kum thar  hlim leh lawm taka kan lo hmuaha kan lo hman ngei pawh hi, kha mi kum chhungah khan kan chungah eng nge lo thleng dawn kan hre reng reng si lo. Kan khawtlangah, kan chhungkuaah, keima nunah he Zoramah leh Khawvel pum puiah hian eng thil nge kum 2016 chuan a rawn her chhuan puia kan rin le?

            Tun lai thil awm zia hi chhut chhut ta i la, Bible-in Lal Isua Krista lo kal leh dawna thil lo thleng tur a sawi kha a lo thleng \euh tawh a, a lo thleng mek zel a.Sualna chi hrang hrang han tam zia te, natna chi hrang hrang, tun hma kum 10 liam taa kan hriat ngai loh , chu tiang vanga thi han tam tawh zia te hi ngaihtuah tham a tling a ni. Khawvel finna pawh a sang chho zel a, mahse khawvel finnain a phak loh thil a tam tial tial ve zel tho a nih hi. Chuvangin, Tirhkoh Paula bawikin min hrilh ang hian, ‘Thima thil tih chu kan paiha, Krista eng a kan inthuam a hun tak zet tawh a ni. Kan finna leh kan thiamna hmanga rawngbawlna kalpui lovin, Pathian thu zawkin rawngbawlna hna i thawk thar ang u. Hmana kan tih ve vak tawhna lam dah \hain, tuman kan la dai loh kum 2016 hi Pathian duh d^n leh \ha tih zawnga hun hmang turin i inbuatsaih thar ang u.

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

KUMTHAR CHIBAI

            Mihringten kan hun bi chhiar d^na Kum thar in\anna ni hmasa ber chu kan thleng leh ta d>r mai. He kumthar min hruai thlengtu Pathian hnenah lawm thu kan sawi e. Tin, khawtl^ng mipui zawng zawngte ‘Mipui Aw’ Editorial Board chuan Kumthar chibai kan b<k a che u a, Pathian kaihhruaina leh awmpuina dawnga, Kum 2015 min hruai chhuak a, Kum 2016 min hruai thlengtu Pathian hn>nah lawm thu i sawi \heuh ang u.

            Awle, Kum 2015-ah khan khawtlangah leh Zoram pum huapah pawh chhiatna mak sak tak tak a thleng nasa hle a. Kan khawtlangah ngei pawh thihnain a tihbuai chhungkua eng emaw zat an awm a. Tin, natnain a tlak buak avang a hun rei tak damdawiin lama in enkawl pawh eng e maw zat kan awm a nih kha. Chung hun zawng zawng chu Kum 2015 liamta khan liam pui se langin, kum 2016 kum kan hman tur erawh chu hlim leh lawmnain min hmuak sela tih hi duh thusam a ni e.

            Sualna avanga chhungkaw tam tak, lungngaia kun mekte pawhin, kum 2016-ah hi chuan hlimna thar kan hmuh ngei kan beisei pui tak zet che u a ni. Chhiartu mipui zawng zawngte u, Pathian duh d^n ang zelin Kum 2016 chi chu hman zawh tumin \an i la thar sauh sauh ang u.

TUALCHHUNG KOHHRAN HRANG HRANGTE KUM THAR  HMAN DAN TUR

          Presbyterian Kohhran

            Ni 01.01.2016(Kumtha ni)  hian  Bawng, Vawk, ar, artui nen  ruai\heh a ni ang. Presbyterian Kohhran hian Krismas leh Kumthar ruai\heh n^n hian cheng nuaih 4 vel hmang ral t<ra ngaih a ni.

        UPC North East India

            Ni 01.01.2016 (Kumthar    ni)  hian Kum thar lawmna ruai Bawng, Vawk, Ar nen an buatsaih dawn. UPC North East India Kohhran hian Krismas leh Kumthar ruai\heh n^an hian `15,000/- bawr vel an hmang ral t<ra ngaih a ni.

               UPC Mizoram

            Ni 01.01.2016 (Krismas ni)  hian Kumthar lawmna ruai Bawng, Vawk, Ar  leh Sangha nen an buatsaih dawn. Mizoram UPC Kohhrante hian Krismas leh Kumthar ruai buatsaih nan hian `13,000/- vel seng ral turah an in ngai.

K|P HRIATTIRNA

            Kristian |halai Pawl, Saikhamakawn Branch Member te Kumthar ruai\hehna singsa fel leh bungbel nawtfai a hnatlang ni 2.1.2016 (Inrinni) hian nileng hnatlang neih tur a ni a, hnatlanga thawkchhuak turin member zawng zawngte kan inngenin kan inhriattir a ni e.

RUAI|HEH TURTE HRIATTIRNA

            Presbyterian Kohhran chuan Ruai\heh nan Disposable Thleng leh No kan hmang a, mahni eina thleng leh no eikham hnua kalsan mai ching kan awm a, hetiang tih chingte hian ti tawh lo turin kan inhriattir e. Tin, ruai\heh zawng zawngte mahni eina thleng leh no eikhamah chaw nawi dahna hmunah dah zel tawh turin kan inhriattir e.

Q. Engnge an sawi?

Ans.= Engmah an sawi lo.

(Chawngkhûm dân tlâng huat loh)

* Zanin chu Inte ah meilum ai pahin Roluaha fiamthu ngaithla leh mai mai teh ang.  -           Upa Zama

* Kan Kohhran zaikhawm chu Drums ka vuak loh pawh hian a lo nung \ha tho a nih hi a  -Tv. Nathana

* Zanin chu tih tur a awm lo bawk a, paidal leh mai mai teh ang.          

-Tv Lalnunzira

* Kum a thar ta bawk a, ka lam dan  pawh a dang zak tawh ang.

- Nl. Dindini

                       

* Tumah hi ka ring leh tawh ngai lo ang.      -  Tv. Laldawngliana

* U Mapui Shillong-ah lo chhuk ve mai ka duh, hetah chuan a tih tak tak theih loh, tu emaw uap a na em mai.

-    Tv. Zorammuana(Mpp-a)

*  Ka awmna apiangah hian kei chu ka tlangnel em em mai zel.

- Pu Alberta

* Kuminah hi chuan YES ve tawh se aw, ka tar hman tak ngial dawn.                              - Tv. U Lawma

* Kan veng nula ho zingah hi chuan min tluk zo r>ng tumah an awm lo a nih hi..                           

                        -     Nl. Babie Ldski

* Tlang chhipa awm hi chu a hawihhai loh theih khawp mai..          

                        -Tv. Ka U Liana

* A duh apiang tan Khuangch^wm lam a thlawnin ka zirtir thei e.                                         -  Pi Rampuii

* Vengthlang lamah khuan tleirawl chhelo tih deuh ka nei, Intermediate dept. zirlai  a ni em kha aww???

                        -Tv. P.C-a

*Tet lam a ni lo, hmel hi a pawimawh

                        - Nl. Nutei

*Vawiin chu a chhak nge a thlang a rawn nghah ang aww??

                               -Nl. Ruatsangi

* Car neih ringawt pawh a ni lo, nula phurh tur an awm leh si loh chuann..                                       -Tv. Atea

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 400

Mipui Aw 27.12.2015

MIPUI AW

KARTIN CHHUAK

Vol. XXI Issue No. 52 Kristian Thalai  Pawl  Saikhamakawn Branch  Pathianni Dt.27.12.2015

Vawiin changvawn :

            Engkim tan hian hun ruat a awm a, van hnuaia thiltih zawng zawng tan hun remchâng a awm: Pian hun a awm a, thih hun a awm: Phun hun a awm a, thil phun phawi hun a awm; Tihhlum hun a awm a, tihdam hun a awm; Thiat hun a awm a, siam leh hun a awm; Tah hun a awm a, nuih hun a awm; Sun hun a awm a, lam hun a awm. Lung paih darh hun a awm a, lung lak khâwm hun a awm; Pawm hun a awm a, pawm loh hun a awm; Zawn hun a awm a, tihbo hun a awm; Vawn that hun a awm a, paih bo hun a awm;

KOHHRAN PROGRAMME

27.12.2015 (Pathianni)

Chawhma Inkhawm

|antu             : Pi K. Lalhmingliani

            Sunday School kai kim lawmman sem tur a ni ang.

,Chawhnu Inkhawm

Thuhriltu      : Upa Lalzuiliana

                        Zân inkhawm

Thuhriltu      : Upa C. Lalmuankima

Nilai zan Inkhawm

Ni 30.12.2015

Thuhriltu : Pu Khawlhmingliana

Ningani zan

Ni 31.12.2015

(Kumhluithlah zan)

Mitthi sun leh Secretary Report

Secy. Report : Upa Zonunmawia

            Hemi zan hian Kohhran zaipawl in Pathian fakna hla an rem ang.

Sunday School Hriattirna

                                                                                                                         Vawiin chawhma inkhawm ah hian Sunday School kaikim lawmman sem a ni dawn a. Puitling hi Biak In Pui ah sem tur a anga, Naupang lam hi Beginners a\anga Senior Dept. thlengin Sunday School Hall ah lawmman sem tur a ni ang.

SERMON

PATHIAN FAK CHUNG ZÊLIN

            Tin, heti hi a ni a, vantirhkohte chuan v^na an kalsan veleh, ber^m v>ngtute chuan, “Tunah Bethlehem khaw thlengin kal ila, Lalpan thu min hrilh lo thleng chu i en ang u,” an inti a. Tichuan an kal thuai thuai a, Mari n>n, Josefa n>n, ran chaw p>kna thl>nga naus>n m< n>n chuan an hmu a. Tin, an va hmuh chuan naus>n chanchin thu vantirhkohvin a hrilh kha an sawi v>l a. Tin, a hria apiang chuan beram vengtute thusawi chu mak an ti hle a. Mari erawh chuan thusawi zawng zawng chu a rilruin a ngaihtuah a, a vawng reng a. Tin, ber^m v>ngtute chuan vantirhkoh hrilh ang ngeia engkim an hmuha an hriat av^ngin, Pathian chawimawi leh fak chung z>lin an kîr leh ta a.(Luka 2:15-20)

            Krismas chu nghakhlel takin kan thlîra, kan hmang zo chu a nih leh ta mai a. Kan hun hman dân \heuh in zawt ila a inang lo viau hlawm mai thei e. Engpawh nise Lal Isua Krista lo kal piang tur hi a hun lai pawh khan thlir d^n leh ngaih d^n a danglam viau tho niin a lang a. Tin, Pathian hriattir d^n pawh a inang kher lo bawk a, lo piang tura Juda mite ngaihd^n pawh a in ang lo hle tih pawh zir mite chuan an sawi \hîn. Tun hun ngeiah pawh hian Mizo te zingah pawh Isua Krista Piancham kan lawm danah ngaih dan leh duh d^n a inang lo viau mai a. Heng kan ngaih dân leh duh d^n hi a dik love kan tihna ni lovin, tu te ngaih d^n emaw pawh hi a dik e tihna ni chuang lovin, Pathian Thu a\angin Isua Krista hmutute leh a chibai buktute a\ang Isua Krista hmutu tak tak te awm dan chu a lang a ni tih kan chhui dawn a ni.

            Lal Isua Krista a lo pian khan chibai b<ktu he lai mihring zingah hian a ngah lo hle mai a, Bible-a kan hmuhah chuan Beram pute leh Khawchhak mifingte an ni. Tunlai khawvelah pawh hian kan Krismas hman dânah hian Isua Krista hi mi zawng zawng, Zoram Kristian zawng zawngte leh Kohhran mipui zawng zawngte pawh hian Pathian chibai b<kna tak tak kan nei kher ang em? tih hi zawhna lian tak a ni.  a chhan chu Isua Krista a lo pian pawh khan lawmtu leh chibai buk tu chu sawi tawh angin mi chi hnih chauh an ni. Mi \henkhat chuan Isua hi beisei ve thoin, chibai b<k chu duh ve tho mah sela, kan hmuh tum dan leh chibai buk kan tum d^n hi Bible-a Isua Krista inpuan d^n n>n a inmil tlat lo  mai hi Isua Krista hi kan hmu tak tak lo a ni ang em? a tih theih a. Krista inpuan duhna te hi chu Berampu, miten mi hnuai hnung zawka kan ngaihte leh Mifing mahse an finna leh thiamna s^ng mahse, nausen engmah hre lo hnena bawkkhup rup pawh pawi ti lo khawpa tlawm ngam mi an ni. Fakhla siamtu chuan ‘Rilru inngaitlawmte hnenah, Krista a rawn inlar ta, Imanuela kha kan hnenah a lo cheng ta’tiin a lo phuah chhuak a. Pathian hian Khawvel ropuina leh mawina hi a thlang kher lo tih hi chiang takin a hriat theih a ni.

            Khawchhak mifingte anga tlawm ngam leh Berampute ang a rilru inngai tlawmte hnenah krista chu a inpuang \hin a, hlim leh lawm taka, Pathian fak leh chawimawi chung zelin an eizawnna lamah pawh an kir leh \hin. he hun pui kan hman zawh hian Pathian fak leh chawimawi chung zelin i ei zawnna lamah i kir leh thei ang em? Nge hrehawm ti takin i hun i hman phah dawn le?  

                                                     

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

            Hei, Pathian kaihhruaina in MIPUI AW chanchinbu chu kumin atana a hnuhnung ber tur a lo ni leh ta reng mai ! Tlinglo takin kum khat chhung kan han enkawl a, a hmasa berin hetiang enkawl theia min siamtu leh kan rawngbawlna min hlen tirtu Lalpa chu fakin awm rawh se ! Tin, engtik lai pawh a kan r^wn leh min pui rengtu Kohhran Committee te leh K|P Branch Committee te chungah pawh lawmthu kan sawi a. Kan tihsual ah pawh min sawisel mai lova, a dik zawk min hrilh hrehlo tu mipuite chungah pawh kan lawm hle bawk.

            K|P chanchinbu mah nise Vengchhungah chanchinbu dang a awm loh avangin mi zawng zawng, Kohhran zawng zawngin rinrawl ah kan nei a. Chuvang chuan engemaw tihsual palh leh hawrawp chhutsual te pawh a awm a hlauhawm a, theihtawp in kan fimkhur thin. Amaherawhchu, fimkhur luatah kan lo tihsual leh \hin chang a awm a. Tin, Chhuah awm tak chhuah loh emaw, chhuah awmloh tak chhuah chang te a awm a. Chung ah chuan mipuite ngaihdam kan han dil a. Nakkum lam ah pawh he chanchinbu hi Pathianin rem a tih chuan la kal chhunzawm zel tura ngaih a ni a. Chuvang chuan chhiartute moral support nen a min pui turin kan han ngen che u a ni.

           

ARTICLE

RUSSIA HMUN THUPRUK PANGA(5) TE

            Khawvel eng sawrkar pawh hian thur<k(Secret) an nei deuh vek a tih theih a. Heng an thur<k zinga a tam ber chu military a ni tlangpui bawk a ni. Ralthuam tih changtlun te, invenna lam thil te leh awlsam taka thil tihtheihna te a ni.

            Russia hian tun hma zawng khan khawvel ram tam tak ang tho in thur<k \ha tak mai a lo nei reng mai a. He thil hi Cold War hun lai Soviet Union a nih lai a\ang tawh a neih a ni. Cold War a tawp tak hnu pawh khan tuna Russia hian he a thil thupr<k hi \ha takin a la vawng reng a ni.

Heng a thil lo thupr<k te hi hmun hrang hranga leihnuai lama  ralthuam    chi hrang hrang a chhekkhawl leh siam chhuahna a ni a. Chungte chu:

1) Balaklava Submarine Base: He hmun hi Black Sea kama khaw te tak te Russia in a ralthuam a chhekkhawl leh dah\hatna hmunpui pakhat a ni a. Khaw te reuh te Balaklava hi Balaklava, Ukraine a awm a ni a, he lai hmun hi Tuihnuai Lawng(Submarine) dahna hmunpui niin Cold War lai daih tawh khan Russia hian a lo nei ru der tawh a ni. He hmun hi kum 1957 a siam niin, silai leh a mu dahkhawmna, inbiakpawhna leh tui luanna leh nuclear chhekkhawlna hmunpui niin mi 3000 chuang ch>n theihna a ni bawk a ni. He hmun hi Cold War a tawp hnu pawh khan Russia hian an la hmang chhunzawm reng a, kum 1995 khan a ti tawp ta rih a ni. Tichuan he Balaklava Base hi tunah chuan museum angin a awm ta rih a ni.

2) Lecava, Latvia: Soviet Union a nih laia ram bung pakhat Latvia a khaw pakhat Lecava ah hian ralthuam chi hrang hrang siamchhuahna leh sipai sang chuang a ram pumah hian a in bun vek a ni.Cold War a tawp hnu leh khawvel sawrkarin nuclear ralthuam siamchhuahna a lo tih tlem tak hnu khan in Russia chuan heng a ralthuam a siamchhuahna leh a bunna hmun hi a rauh san ta a. He hmunpui an rauh san tak hi Missile dah\hatna, thupek an chhuahna hmun leh lungalhthei leh tuialhthei an dah khawmna hmunpui a ni bawk a ni. He an Missile dahkhawmna hi Ballistic Missile m>l 190 a\anga 2200 kap thei R-12 kah chhuah theih tura siam a ni.

3) Ural Mountains, Mezhgorye:Russia in a ralthuam a dah\hatna leh a sawngbawlna hmunpui pakhat leh chu Ural tlanga Mezhgorre khaw bulah a ni a. He hmun hi a zau zawng tak hriat ni chiah lo mahse 400 sq.mile a zau a nih a rinawm. Kum 1992 khan America sawrkar chuan  a hre chhuak a, tichuan kum 1993 khan New York Times chanchinbu chuan he hmun hi a ngaihven ta char char a ni. |henkhat in an sawi dan chuan he hmun sak leh siam nan hian mi 10000 dawn lai an chhawr an ring a, a chhan chu he hmun hi hmun hrang pathum inrelbawlna hran hlak a awma siam a ni. He hmun hi mi tam tak chuan kum 1970 bawr chho vela siam tho a nih an ring a, Russia in a thil hlu dahkhawmna, eitur vawn\hatna leh nuclear ralthuam pawimawh zual bik an dahna hmunpui a ni deuh ber a ni.

4) Ramenki Emergency Bunker: He hmun hi Russia khawpui Moscow a\anga m>l 6 a hlaah awmin, Ramenki khaw hnuai th<k takah siam a ni a. Thil \ul leh engemaw thut a Russia hotute leh an chhung leh khat te hman atana an ralthuam dah\hatna a ni. He bunker hi lei hnuaia khaw pakhat tiat deuh thaw niin mi 15000 vel ch>n theihna niin 500 acres a zau a ni a, kum 30 chhung vel daih thei a ni. He Bunker hi an sawi dan chuan lei hnuaiah hian a ruka an r>l kal tirna Metro 2 a va pawh a, heta \ang hian lei hnuaia an khawpui siam Kremlin leh sawrkar airport a va pawh leh bawk a sawi a ni. Amaherawhchu helai hmunah hian a awm ngei a ni tih emaw pahtna engmah Russia sawrkar hian a nei lo thung a ni.   

            5) Zhitkur, Russia’s Area 51: He hmun hi Kapustin Yar khaw hnuaiah awmin Russia Rocket Resrearch Laboratory hmunpui a ni a, an enchhinna leh an kahchhuahna chu a Astrakhan Oblast ah an nei \hin a ni. He inrelbawlna hmunpui khaw UFO leh khawvela hmun hrang hranga Aliens chetna lehhnu hma ni awm tak tak te hi he base a\anga tih a nih mi tam tak chuan an ring a. Russia Soviet Union a nih lai khan he base a\ang hian thil changkang tak tak an siam chhuah chu tunlai thil \ha ber ber tluk deuh thaw a nih mi tam tak chuan an ring a, mahse a ni ngei a ni tih finfiahna chu a awm lo a ni.

            Heng zawng zawng a\anga lang chiang em em chu tun hma Soviet Union leh tuna Russia hian ralthuam chhekkhawlna leh siamchhuahna hmun \ha tak a lo nei ru reng tih hi a ni.  

                       

BENG TIVÂR

            KUM 2015 CHHUNGA KHAWVEL INFIAMMI SUM LALUT HNEM TE(kum khat chhungin)

1. Floyd Mayweather Jr.(US)- Boxing-    $285 million

2. Manny Pacquiao(Phil)- Boxing- $160 million

3. Cristiano Ronaldo(Por)- Football- $79.6 million

4. Lionel Messi(Arg)- Football- $73.8 million

5. Roger Federer(Swit)- Tennis- $67 million

6. LeBron James(US)- Basketball- $64.8 million

7. Kevin Durant(US)- Basketball- $54.1 million

8. Phil Mickelson(US)- Golf- $50.8 million

9. Tiger Woods(US)- Golf- $50.6 million

10. Kobe Bryant(US)- Basketball- $49.5 million

11. Ben Roethilsberber(US)- American Football-

       $48.9 million

12. Rory Mcllory(Nor Ire)- Golf- $48.3 million

13. Novak Djokovic(Serb)- Tennis- $48.2 million

14. Zlatan Ibrahimovic(Swe)- Football- $39.1 million

15. Lewis Hamilton(Eng)- F1- $39 million

16. Ndamukong Suh(US)- American Football-

       $38.6 million

17. Fernando Alonso(Esp)- F1- $35.5million

18. Gareth Bale(Wales)- Football- $35 million 

19. Jon Lester(US)- Baseball- $34.1 million

20. Derrick Rose(US)-Basketball- $33.9 million

21. Sebastian Vettel(Ger)- F1- $33 million

22. Rafael Nadal(Esp)- Tennis) $32.5 million

23. Mahendra Singh Dhoni(Ind)-Cricket- $31 million

23. Neymar(Bra)- Football- $31 million

25. Carmelo Anthony(US)- Basketball- $30.5 million

26. Maria Sharapova(Rus)- Tennis- $29.7 million

27. Carson Palmer(US)- American Football-

       $29 million

27. James Rodriguez(Col)- Football- $29 million

29. J.J Watt(US)-American Football- $27.9 million

30. Robinson Cano(Dom Rep)- Baseball- $27.6 million

BIBLE  QUIZ  No. 104

TIRHKOHTE THILTIH BUNG 11-15

A kâr âwl dah khat rawh :

Q1. Chutiang hlirin vawi _________ a lo awm a; tin, engkim chu vanah khai chhohvin a awm leh ta a.

Q2. Tin, sumhmun kawngkhar a kik veleh, a hming ___________ nula pakhat, chhang turin a va kal a.

Q3. Tin, _____________ a ding a, kutin a zap a, a sawi a: “Israel mite leh Pathian tihtute u, ngai teh u.

Q4. Tin, _______________ pawl tinah chuan upate an ruatsak a, chaw nghei chunga tawngtai zawhin an rin Lalpa hnenah chuan an kawltir zel thin a.

Q5. Pathianin ama hming pu atan an zing ata mite la chhuak turin ______________ a kan tan tirh dan thu chu Sumeona hian a sawi ta a.

A bung leh châng dah rawh :

Q1. Tin, thu ka sawi tirhin, Thlarau Thianghlim kan chunga a lo thlen tirh lai ang bawk khan an chungah a lo thleng ta a.

Bung: ...............          Chang: ....................

Q2.  Tin, mi zawng zawng chuan, “Pathian aw a nih hi, mihring aw a ni lo ve,” an ti a, an au thin a.

Bung: ................         Chang: ....................

Q3. “Chu mi thlahte zingah chuan Pathianin, thutiam ang zelin, Israelho hnenah Chhandamtu Isua a rawn thlen a:

Bung: ................         Chang: ....................

Q4.      “Hrehawm tam tak tuarin Pathian ramah kan lut tur a ni reng a ni,” tiin zirtirhote rilru an tinghet a, rinnaah chuan awm reng turin an fuih zel a.

Bung: ................         Chang: ....................

Q5. “Tirhkohte leh unaute zinga upaten Antiokei khua te, Suria ram te leh Kilikia rama Jentail unau awmte chibai an buk e.

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 103 RESULT

Chhanna lut zawng zawng : Awm lo

Chhang dik vek                       : Awm lo

Lawmman dawngtu: Awm lo.

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

KUM 2016 K|P HRUAITU THLAN THARTE

Leader  : Pu Lalduhkima

Asst. Leader: Pu R.Lalmuanpuia

Secretary:Tv P.C.Vanlalhriatpuia

Asst.Secy : Pu Lalchhandama

Treasurer  : Pu C.Lalmuanpuia

Fin.Secy   : Pu Lalremruata

            Hruaitu hlui leh tharte Committee Member zawng zawngte nen  Ni 27. 12. 2016 (Pathianni) z^n inkhawm banah Kohhran Committee roomah charge an inhlan ang.

HRIATTIRNA

            Kum thar 2016 January thla a\ang chuan nitin chanchinbu(Daily Newspaper) ka sem(buaipui) tawh dawn lo va, kan veng chhunga ka hnena la \hin zawng zawng te kan han inhriattir lawk a ni e.

Mangheta

Vanapa Sec.

MIPUITE HRIATTIRNA

            Dt. 31st December 2015 hian kan vengah Sorkar, A.M.C leh C.Y.M.A \angkawpin Concert ropui tak buatsaih turin min thlang ve a, a lawmawmin a phurawm hle mai a, he hun hmang tur hian vengchhung mipuite pawh kan inbuatsaih a, kan \an tlan a ngai dawn a, kan theihna z^wn \heuhah \ang tlang turin kan in sawm in kan in hriattir a ni e. Concert zan hian zaithiam lar tak tak te leh fiamthu thiam te sawm anni a. Vengdang a\ang pawhin concert chhim tur hian an rawn fuankhawm dawn a. Vengchhung mipuite pawhin kan thiam a ngai dawn hle a, mikhual lam te pawhin he hun hi zalen taka an hman theih nan khualchhawn kawngah kan fimkhur angai dawn hle a, khual leh tualchhungte’n inpawh leh hlim taka hmang turin tun a\angin mipuite lo inbuatsaih a \angtlang turin kan insawm in kan inhriattir a ni e.

            Dar 10:30pm-ah \an tur a ni ang  a, Kohhran tinin zanlai \awng\ai kan neih dawn a vangin dar 11:45pm ah chawl lai lawk a ni ang a, Dar 1:15am ah chhunzawm leh tur a ni ang.

Sd/-

(C.LALDAWNGLIANA)

Secretary

Young Mizo Association

Saikhamakawn Branch

ADMISSION NOTICE

     Kum 2016 -2017 Academic Session a\anga \an turin Nazareth English School, Saikhamakawn chuan admission ni 12. January 2016 a\ang hian a hawng d^wn a. Ram chhung leh p^wn a\anga Experience teacher-ten naupang an enkawlna tur hmunah hian i fate rawn dah ve rawh le.

Admision fee : Rs. 1000/-

Monthly fee : Rs. 500/- for (Nursery & Kg)

Rs.600/- for Class I  -              VIII  

Admission tihna hmun - Pu Rohnuna Sailo In (9862383744)

Pu David Lalzara Fanai (8415854809)

TUALCHHÛNG

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350