MIPUI
AW
KARTIN CHHUAK
Vol. XX Issue No. 49 Kristian
Thalai Pawl Saikhamakawn Branch Pathianni Dt.7.12.2014
KOHHRAN PROGRAMME
07.12.2014 (Pathianni)
(Pastor Bial fan Programme)
(Bible Sunday)
Sunday School
|antu : Pi Zothanpuii
Zirlai 45-na :
Chibai bukna ngaihnawm
Chawhnu inkhawm
Baptisma Sacrament
Buatsaihtu : Pastor C.Sapkaia Bialtu Pastor
Zân
inkhawm
Thuhriltu : Pastor C. Sapkaia Bialtu Pastor
VAWIIN TLAI K|P
FELLOWSHIP PROGRAMME
Thupui Zir
A hmun : Sunday School Hall
Hruaitu : Nl.C.V.L.Biakzuali
|antu : Tv Lalruatkima
Thupui : Pathian
tawk tura inpeih II
Hawngtu : Nl
Malsawmtluangi
K|P PROGRAMME
08.12.2014 (Thawh\anni zan)
Neihthil thehkhawm
A hmun : Sunday School Hall
Hruaitu : Pu
Lalremruata
|antu : Pu David Vanlalzuia
Hla
hruaitute : Tv Abraham Lalnunthara leh
(Ni
1-15Dec) Tv Tlangdingliana
Keyboardist : Pu Lalremruata
KOHHRAN
HMEICHHE PROGRAMME
09.12.2014 (Thawhlehni Zan)
Kristian Chhungkaw pual Inkhawm
Hruaitu :
Pi Lalrinngeti
|antu :
Pi Hmingthanzuali
Thuhriltu : Pi Lalchhanhimi
SERMON
NUNNA CHHANG
Tin, Isuan an
hnenah, “ Kei hi nunna chhang chu ka ni; tupawh ka hnena lo kal chu a ril a \am
lovang, tupawh mi ring chu engtikah mah a tuihal lo vang. (Jahana 6:35)
Lal Isuan “Kei hi
nunna chhang chu ka ni” a tih hian eng vanga ti nge a nih a enge a sawi chhan
chu ni ang le, kan ngaihtuah ngai em? Mihringte hi khawvelah kan awm hian duh
leh mamawh kan ngah em em a. Awh zawng leh it zawng tam tak kan nei \hin. Ch^k
zawng tam tak kan nei bawk a, chu kan chak zawng leh kan nuam tih zawng zawng
zawng chu ti vekin, kan duh ang apiang pawh nei thei ila he leiah hian
lungawina kim a awm loh zia kan Lal Isua hian a hre chiang em em a ni. Chu mi
avang chuan amah ngei pawn ‘nunna chhang chu ka ni, kei min ring a, min neitu
chu he khawvel rualawhna chi hrang hrang te hian a ril a ti\am ngai dawn lo a
ni’ a ti a ni.
He tih hun lai
vel hian mipui tamtakin an zui a an zawnna chhan ngei pawh a chhangper tihpun
an ei puar avanga amah an zui tih a hre chiang em em a. A chhangper tihpun puar
taka eitu zawng zawng te ngei pawh an ril a la \am leh dawn tih hi chiang takin
a hria a ni. ‘ Chaw dangral mai mai umin phe phe suh u, chatuana nun thlenga
awm reng tur chaw, Mihring Fapain a pek tur che u chu umin phe zawk rawh
u.’Tiin a mah zuia zawngtute hnenah ahrilh a ni. A mah zuitute nun hi a hmu
chiang hle a, a thiltih mak hmuh leh beisei na te nen an zawngin an zui a ni
tih chiang takin a hriat a ni. Heng mi te hian an mit tlaina tur an zawng
a,mahse an duhkhawp an hmu thei chuang reng reng lo. An ril a \am a, an ei a, an puara, an ril a \am leh tho \hin.
Tunlai kan nunah
han inhmehbel ta ila, kan ril\amna te tih reh tumin eng eng emaw kan ei a,
mahse, rei kan puar thei si lo. Kan tisa chakna tih reh tumin khawi hmun hmunah
pawh tlan ila, lungawina kim kan hmu chuang si lo. Kohhran a hlim laiin khaw
nge ka hlim ve dah law maw tiin Biak In lam han pan ve \hin mah ila, kan nunah
Isua hian hmun a chan si loh avangin rei kan peih leh \hin bawk si lo. Hlim
duhin intihhlimna hmunah kal ila, kan kal chhung bak a daih bawk si lo va,
chung zawng zawng te chu min ti lungngai tu an ni zawk zel si. Khawvelah hian
lungawina kim a awm lo tih chiang takin kan hria e.
Sam phuahtu chuan
“Aw Lalpa \hat zia hi tem chhin ve teh reng u; Sakeibaknei vanglaite chu an
tlachhamin an ril a \am \hin. Lalpa ringtute chu an tlachhamin an ril\am ve
lovang” tiin hla alo phuah chhuak hial a ni. Lalpa \hat zia hi tem pha turin a mah i bel ngai em. A mah Lal Isua
ngeiin ‘Nunna chhang, tumah an ril\am leh tawh lohna tur ka ni’ a tih hi, a mah
chu i hnaih ang u.
EDITORIAL BOARD
f
Editor
:
Pu Lalduhkima -9862648830
Jt.Editor:
Tv.F.Laldingliana - 9862378567
News
Editors :
Tv.PC.Vanlalhriatpuia - 9862732381
Tv.F.Laldingliana - 9862378567
Tv.Lalfakzuala -9862033731
Pu Benjamin Lalduhsaka -9862907973
Nl. Lal\anpuii -8974243380
Nl.Malsawmtluangi -8731059158
Circulation
Manager:
Tv. C.Laldawngliana - 8974743091
Editorial.........?
I Lo ni ve em????
Kumin
chhunga kan hun hman chu a thla tawp ber December Thla, Mizoten ‘Pawltlak Thla’
ti a kan sawi \hin chu kan lo thleng leh ta der mai a. Kan ti nek nek a kum
khat chu kan hmang ral dawn chu a ni a.
Han inchhut vang vang la, Kumin kan hman tawh zawng zawngah khan i tih \hat nge
tam ang? I tih chhiat? Mihring hi kan hun hman tam zawkah hian kan tih\hat aiin
kan tih sual/ tih chhiat hi a tam zawk an ti a, chutiang mi chu i lo ni ve em?
Nakumah chuan ti \ha tam zawk turin i han \ang teh ang u hmiang.
Ni e, kum tawp kan hmang chho mek a,
kumthar atan kan inbuatsaih chho bawk a.
Pawl hrang hrangte leh Association hrang hrangte pawh kumthar hruaitu tur
thlangin kan buai chho mek bawk a. Mi \henkhat heng hunah hian hruaitu nih tuma
a lang apauva campaign ni chiah silova \an lo la ru ang reng tak si an awm
\hin. Chutiang chu i lo ni ve em?
Mi in a \ha lo an tih hi mahniin zuk
tawng ve hun khera harh chhuah hi a inchhir awm duh hle. |ha awm taka lang,
mahse eng tiang a lo awm nge? Enge a tum pawh hre lo, a \ha a lawm lo tih ve ringawt ching kan awm fo bawk. Chu
tiang mi chu i lo ni ve em? I inchhir leh ang e, ngaihtuah chiang rawh.
ARTICLE
CHETDAN MAWI
KRISMAS
LEH KUMTHAR HUNAH
Keini
Mizo Kristiante tan chuan Krismas leh Kumthar
hi kan hun ropui leh nghahhlelh ber pakhat a ni a. Chhungkua leh \hiante
nen pawh hlim thei ang bera hman kan tum \hin. Intihhlim kan tum danah erawh hi
chuan Pathian duh loh zawng lam hawiin kan tlan ang tih chu a hlauhawm \hin.
Chuvangin fimkhur taka heng hunte hi kan hman a pawimawh hle a ni. Hengte hi
chhinchhiah nise:
1. Krismas leh
Kumthar hun lai hian khawvel thil taka intihhlim vek tum suh. beidawn thlak
takah i din phah hlauh ang e. Heng hun
lai hi ‘accident’ tam hun lai tek a ni \hin, a chhan chu intihhlim kan tum vang
a ni fo mai. Motor accident-te leh lirthei dang accident avangtein dinhmun
hlauhthawn awm takah kan awm phah fo \hin a ni. Kohhran pawn lama intihhlim vak
hi tum lo ila a \ha berfo a ni.
2. Krismas zawh hun
lama inchhirna tur eng mah ti suh. Intihhlim
kan tum lutuk \hin hian hum sual min dai tir fo \hin a, inngaihna sualah te kan
tlu a, a hnu rei lo teah tlang hriat loh theih loh dinhmunah te kan din phah
\hin. Zu in ngai lo \henkhat pawhin Krismas hun hi zu in \an nan an hmang a,
damchhung nun khawloh phah nan an hmang \hin a, a pawi hle a ni.
3. Inkhawm hun laiin
\ul lovah leng vak mai mai suh, hei hian mi lelo kan nih a lantir a ni. Kohhrante hun pui laia Inkhawm ‘dress’ lo zet nena teihawi \hin
te hi mi hlawhtling an ni lo fo \hin.
4. A pawng a taka men
rei ching suh. Lenkhawmnaa zai tui, meng rei deuh te chu an
hriatthiam awm khawp mai a, chu pawh ni lo pawngpaw men ren ve ngawt hi chu
thil \ul lo tak a ni.
5. Ruai\hehnaah
chawhmeh sawisel ching suh. Ruai
fatu ten an thiam tawka rawng an bawl sa, thawk lo zawkin lo sawisel \hin hi
thil tih loh tur tak a ni. A tui emaw tui lo emaw fatute hnenah lawmthu sawi
kan ba hle zawk a ni.
6. Vantlang ruai siam
sit avanga ahranpaa intuituah ching suh.
Hetiang mi hi an vang hle mai thei a, mahse awm ve thei chu a ni. Rual pawl lo
mi herh nih tum loh tur a ni.
7. Heng hun puia ruai
siamah leh hnatlang dangah pawh thep bo mi ni suh. Hnathawk zinga inchei vur, thawk ve si lo, \awng tuitam deuh nih
te hi a mawi lo a ni.
8. Lenkhawmnaah
ngawih hun laiin bula mite bekbawr sur sur ching suh.
9. Lenkhawmnaah miin
haw hun an tih hmaa nulate nen haw mai te, tel ve \um pawha a thimtham lama
\hut chin te hi a nalh lo hle a ni.
10. Sawmna mumal hmu lovin mi thil tihhonaah tel ve ngawt suh, mak
an ti palh ang che.
11. Ruai \hehnaah a seng feltu nih tum la, midang awltu mih tum
zawk ang che. Ruai\heh nikhuaa fatu atan an ruat che a nih
chuan a tawp rak thlenga seng feltu nih tum ang che. Chawnawi ilo vel khawm
tumin phiruai suh la, i chang ve a nih chuan lawm takin la la, tihfel ngai in
tih fel zawhah chauh haw \hin ang che.
BENGTI VÂR
@ SCREAMING MUMMY: Screaming Mummy an tih mai hi Kum
1886-a an hmuh chhuah niin Mummy dang an hmuh chhuah ho te nen chuan a inang lo
hle a. Mummy dang ho reng reng hi chu \awih thei lo a an siam dawn an kawchhung
an la chhuak vek \hin a. Mahse he mummy hi chu a kawchhung zawng zawng a la awm
vek bakah a ka hi na ti mangang au chhuak tur angin a ang tlat mai a, hei vang
hian Screaming Mummy an tih phah nghe nghe a ni. He Mummy chungchangah hian
ngaihdan tam tak a awm a, tu nge a nih hriat a ni lo bawk. An rin dan chuan
Pharaoh Ramses III fapa amah thah tuma a nu te nen a phiarrutu PrincePentewere
a nih an ring deuh ber a. Eng vanga a kawchhung hi la awm tlat nge a nih hriat
a ni lo. Tin, a ka ang leh mangang hmel deuh chungchangah hian \henkhat rin
danah chuan a nung chunga phum a nih an ring a, \henkhat erawh chuan tura hrai
emaw sawisak hlum emaw a nih an ring bawk.
Kum Zabi 12-na
laia thu ziak pakhatah chuan, Ramses III kha a nupuite zinga Pakhatin Prince Pentewere hi a lal
\hutthlenga \hut tir a duh avangin a
phiar ru a, mahse an hre chhuak ta si a, chuvangin a mah hrem nan a Nu-in tur a
in luih tir ta niin a ziak a. Mi tam tak ngaihdan-ah chuan turin a kawchhung a
chiah a, a na ti mangang hmel kha a pu hlen ta a ni ang e an ti a. Mahse hei hi
ngaihdan mai a ni thung a. He mummy hi tu nge a nih chiah tih leh eng vanga a
kawchhung hi la awm tlat nge tun
thlengin hriat chian theih a la ni lo.
@ Ka hmuh ang hmu thei rawh.
He Chungu ah hian Sakawr
han zawng teh le!!!!!
I hmu thei lo a nih chuan a saisir zawng khan han en leh chhin
teh........ A mak reuh i ti em? An thiam \hin mang e aw!!...
BIBLE QUIZ
No.49
EZEKIELA
BUNG (6-10)
A
kâr âwl dah khat rawh :
Q1.__________ hian hmun serh atân a dung leh avâng tawng
zanga ve ve, in bial a ni ang a, tin, a velin tawng zangaa zau hmun âwl a awm
tûr a ni.
Q2.Bûkna
leh bûk lung dik tak hman \heuh tûr a ni, ________ pawh Bath pawh a dik tûr a
ni.
Q3.Tin, ka thil serhte nangnin in vawng lo va, hêng awze
mite hi ka hmun _____________ in aia vawngtuah in ruat ta zawk a.
Q4.Tin,
ngai teh, Israel pathian ropuina chu chhak lam a\angin a lo thleng a:
a_________ chu tui tamtak ri ang a ni a, lei chu a ropuina in a ên vek a.
Q5Tehna
tiang chuan__________ lam pang chu a teh a, tawng zanga a ni a; a tehna tiang a
tehin.
A
bung leh châng dah rawh :
Q1. Tin, biak inah chuan mihruai lût a, a bangpêngte chua
teh a, a sîr tuakah tawng ruka chhah ve ve awm a, chu chu biak bûk vanglam chen
a ni.
Bung:
............... Chang:
....................
Q2. Ram bung serh chu, puithiam, hmun thianghlima
rawngbawltu, a rawngbawl tûra LALPA
hnaih \hintu te tan a ni ang a, an in hmun atân leh hmun thianghlim atân
a ram serh a ni tûr a ni
Bung:
................ Chang:
....................
Q3.Levia chi, Israel te milim ûma an vah bo laia ka laka
hla taka kal tawh te erawh chuan an khawlohna an phur ang a,
.Bung: ................ Chang: ....................
Q4. Tin, tawnga tehin hei hi maichâm len lam chu a ni,
(tawng khat tih chu tawng khat keh kutphah bêng a ni), a nghahchhan chu tawng
khata sâng, tawngkhata hlai,
a tlâng chu a vêla khap khata pawng zêl a ni a.
Bung
.................... Chang
.................
Hming : ......................................................
Section :
.....................................................
BIBLE QUIZ NO. 48 RESULT
Chhanna lut zawng zawng :1
Chhang dik vek :1
Lawmman dawngtu: Vanlalhriata(Ch.Sec)
Bible Quiz chh^nna
leh lâwmman hi Circulation Manager C. Laldawngliana hnenah thehluh a, lam \hin
tur a ni.
2015 YMA HRUAITU THAR
Ni 4.12.2014 (Ningani)
khan Kum 2015 YMA, Saikhamakawn Branch chuan hruaitu tur thlanna neih a ni a,
chung thlanchhuahte chu:
President: Pu C.Vanlalsanga
V.President: Pu C.Lalduhsanga
Secretary: Pu C.Laldawngliana
Asst. Secretary: Pu K.Lalhuliana
Treasurer: Pu MS Dawngliana
Fin. Secretary: Pu Robuanga
CHAWHCHAWRAWI
# Telephone hmu chhuaktu Alexander Bell khan phone-a in biak tirhah ‘
AHOY’ ti a chhan tur a ti. ‘HELLO’ tih hi Alexander -a bailnu hming a ni a,
phone a siam chhuah tirh khan a bialnu nen hian enchhinna an nei a, ‘hello’
tiin a va au a ni awm e. Chu chu hriain Thomas Alva Edison chuan ‘HELLO’ tih a
rawt a, chu chu kan hmang uar ta zawk a ni.
# Hun laihawl laikhan Europe-ah khuan misual ni a an
ngaih chu thir ling rei tek an hum tir a. Ni 3 chhunga an hliam a pun loh chuan
thil ti sual lo a ngaih an ni \hin.
# Mi thiamte chuan rannung tihlum tura hlo,rannung kahna hun \ha ber chu tlai lam
dar 4 vel a ni an ti. he tih hun lai hi rannungin tur an huat ber lai a ni an
ti.
# Shark chi khat Tiger Shark an tih te hi an note apui
chhula an awm laiin an insual ngat ngat \hin a, a dam chhuak te chauh an lo
piang chhuak \hin.
# Japan Chakai lian Spider Crab an tih chu a lian
khawp a, a ke hmawr a\anga a hmawr leh lam chu 12ft vel a ni a, an rih lam pawh
19kg te an ni thei.
# English thumal (word) sei ber chu ‘Pneumonoultramicroscopicsilicovol-canoconisis’a
ni a. Hei hi chuap(lung) natna hming a ni. Dictionary hrang hrangah kan hmu
\hin mai thei a, hei hi a hming dik tak a ni. Aphuahtu hi Everett M.Smitt a ni.
K|P TE
CAROL NEI DAWN
Ni 15.12.2014 (thawh\anni) zan hian K|P chuan mi harsaten Krismas
leh Kumthar hlim taka an hman ve theih nan kan vengchhung Presbyterian Kohhran In tinah vehbur khawnin
CAROL an nei dawn. K|P member a tam thei ang ber tel turin kan in sawm a ni.
Tin, vengchhung
mi pawisa lo pe lawk duhte kan awm anih chuan K|P hruaitu te hnenah pek theih a
ni bawk ang.
MHIP hriattirna
Ni 11.12.2014 (Ningani) zan hian MHIP kum 2015 atana hruaitu tur
thlan tur a ni a, MHIP members te kim taka kal turin kan inhriattir e. A
hmun: YMA Run
A hun: Dar 6:00pm. Thingpui leh a hmeh tui tak a awm
ang.
ZDU Hqrs. President thar
Zoram Drivers
Union Headquarter General Assembly vawi 55-na ni 3rdDecember, 2014 a neih zawh takah
khan kum 2015 chhunga ZDU Hqrs. President hna chelh turin kan veng mi Pu
C.Vanlalsanga chu hneh taka thlan tlin a ni a, hei hi ZDU, Saikhamakawn Unit
chuan kan chhuangin thinlung takin kan lawmpui a, a kaihhruaina hnuaiah Zoram
pum (a bikin chhimphei) hian hma kan sawn leh zual theih nan leh a hma lam
hunah Pathian hruaina a dawn zel theih nan duhsakna kan hlan e.
ZDU dam reng rawh se.
Sd/- Sd/-
(R.LALLURA)(ZIRSANGLIANA)
President
Secretary
ZDU, Saikhamakawn Unit
LAWMTHU SAWINA
Ni 29thNov., 2014
zana kan fanu boralnaa min buaipuitute YMA leh \henawm khawveng chungah lawmthu
kan sawi e.
Inkhawngaihna
dawngtu, V.LALMALSAWMA te chhungkua [V.Sec]
TUALCHHUNG
,Pu T.Lalrinthanga h/o Zuithangi Bethel veng (T.Sec) chu Greenwood
Damdawi Inah Nerve \halo avanga zai a nih hnuin dam takin a lo chhuak ta.
PAVALAI PROGRAMME
11.12.2014 (Ningani Zan)
Hruaitu : Pu R.Lalsangliana
|antu : Pu Allan Lalramhluna
Inhlantharna,
\awng\ai rual neih tur a ni ang.
PRESBYTERIAN BIBLE SCHOOL
ADMISSION NOTICE
Presbyterian
School, Mission Veng, Aizawl ah C.Th (Certificate in Theology) zir tur lak a ni
leh dawn a, dil duh chuan heng hi hriat tur a ni e:
1. Admission Form Office-ah `.10/- (Cheng sawm) a lei
tur a ni a, December 11, 2014 (Ningani) tlai dar 3:00 thleng PBS Office-ah
thehluh theih a ni. Diltu chu kum 16 aia naupang lo, Kohhran dan chhunga awm a
ni tur a ni.
2. December 18, 2014 (Ningani) zing dar 10:00 ah
interview neih tur a ni a, lakte chuan
January 13, 2015 (Thawhlehni) ah Class tan tur a ni.
3. Zur hun chhung thla thum i.e. January -
April, 2015 a ni a, zirlai pakhat hnenah Stipend `.500/- thla khatah pek a ni
ang. Hostel a awm lo. Hrechiang duh tan Phone No. 8575308007 / 2350082 /
2317343 ah te zawhfiah theih a ni.
Desun Hospital & Heart
institute
EM Bypass Kolkatta. Sawrkar hna thawk lo leh BPL refer
tan Credit in a theih. Room-a in riahpui theih a ni. Hotela thlen ngailovin,
Ambulance in an lam / thlah thei bok.
Hrechiang duh tan:
Dr.Baruah MS. MD. 9436140558. LV.Ramdinthara
MIS.8974138559
https://www.facebook.com/groups/SKKthalaipawl/
Saikhamakawn K|P e-mail : ktpskk@gmail.com &
ktp_skk@yahoo.com
PUBLISHED BY LITERATURE SUB. COMMITTEE K|P SAIKHAMAKAWN BRANCH, COPIES : 330
No comments:
Post a Comment