MIPUI
AW
KARTIN CHHUAK
Vol. XX Issue No. 50 Kristian |halai Pawl Saikhamakawn Branch Pathianni Dt.14.12.2014
KOHHRAN PROGRAMME
14.12.2014 (Pathianni)
Sunday School
|antu : Pi Lalhmachhuani (Bial 4)
Zirlai 46-na :
Bawih tlanchhuak tana dil sakna
Chawhnu inkhawm
Thuhriltu : Upa Zairemthanga
Zân
inkhawm
Thuhriltu : Upa Lalzama
K|P PROGRAMME
15.12.2014 (Thawh\anni zan)
Hruaitu : Pu
Lalchhandama
|antu : Tv. Lalrinnunga
Thuhriltu : Nl.
Lalramnghaki
Thilpek
lak- : Nl. Lalnunpuii Hrahsel leh
hawmtute Nl. Pinky Lalparmawii
Hla
hruaitute : Tv. Lalhmangaiha leh
Tv C.Laldawngliana
Keyboardist : Tv. Zomuanpuia
KOHHRAN
HMEICHHE PROGRAMME
16.12.2014 (Thawhlehni Zan)
Hruaitu :
Pi Lalchhingpuii
|antu :
Pi F.Laldawngliani
Kum 2015 hruaitu
tur thlanna hun hman tur a ni ang.
KOHHRAN MIPUITE NGENNA
Kan Kohhran Biak In chu chei niin Christmas Tree te
siam a ni a, hêng hi Current pêk a tih ên a ni a, Current hian mi a man chuan
chhiatna leh thihna hial thleng thei a ni a, chuvangin hêng thil cheimawinate
hi lo khawih mai lo tur leh Electric wire-te hi lo tawk lo hram turin kan
inngên a, nu leh pa te pawhin kan fate khawih lo turin kan inhrilh dawn nia.
SERMON
Mihring hlui thihna Kraws
“Heng hi hria ila, kan mihring hlui
chu a hnenah khenbehin a awm ve ta, sual pu taksa chu tih borala a awm theih
nan, tun a chinah sual bawiha kan awm lohna turin”Rom 6:6-7
“Chutichuan mi pakhat avangin sual
khawvelah alut a, sual avangin thihna alut bawk a, chutiang bawkin mi zawng
zawngin thil an lo tih sual avangin thihnain mi zawng zawng a fan chhuak ta a” Rom 5:12
“Lei chi in ni e, nimahsela chi hi a
dak tawh chunan enginnge an tih al leh ang? Chutachinah chuan paih chhuaha,
mihringte rah mai mai chauhah lo chuan engatanmah a tlak tlai lo” Matthaia
5:13
Engnge
Mihring hlui tak chu? Mihring hlui ka hriat fiah phawt loh chuan a thih thu
hriatfiah a har thin, Hmana ilo sual tawhna kawng hrang hrang - zuin, drugs leh
ruihhlo chi hrang hrang leh nulat tlangvalna ilo tih/chen thinte kha em ni ang?
Nilo, mihring thil tih hlui ani zawk. Chuvangin mihring hlui tak chu hei hi a
ni, Lapan mihring a siam laiin mihring hlui a siam tel lova bawhchhiat - thing
rah ei nia, mihringa setan chi lo lut ( Rom 5:12 ) hi mihring hlui chu a ni.
Paula chuan a changin tisa dante a ti a, a changin sual bet tlatte a ti a, a
chang leh dan danglam awm tih tein a sawi a ( Matthaia 5:13 ). He mihringa
setan chi hmeichhia leh mipa duhzawnga hrin ( Tisana ) hi a piangthar thei lo,
tha thei hek lo anih avangin Lalpan a khenbeh nan KRAWS alo buatsaih tawh a ni
zawk. Chu kan mihring hlui sual phur bo tur chuan Lalpan kan inhlan thinna aiah
a fapa min hlan zawk a ni.
Thi chu phumin a zui thin mihring
thite, ran thite kan phum thin ang hian KRAWS a thi tawhte hi a hnenah phum
vein kan awm ta. Phum tawh reng reng an lang tawh ngailo angin, Kriataa phum
ini tawh. Tin, i nunah lang tut tawh suh, phum i nih tawh kha.
EDITORIAL BOARD
f
Editor
:
Pu Lalduhkima -9862648830
Jt.Editor:
Tv.F.Laldingliana - 9862378567
News
Editors :
Tv.PC.Vanlalhriatpuia - 9862732381
Tv.F.Laldingliana - 9862378567
Tv.Lalfakzuala -9862033731
Pu Benjamin Lalduhsaka -9862907973
Nl. Lal\anpuii -8974243380
Nl.Malsawmtluangi -8731059158
Circulation
Manager:
Tv. C.Laldawngliana - 8974743091
Editorial.........?
Kawn chei/Kawngpui chei
Kristianten kan hun pui kan hman dawn meuh
chuan mitin mai kan inpuahchah nuk nuk mai a. He kan hunpuiah hian Lal Isua
Krista chibai buk tum vek kan ni ti ila a sual tam awm love. Kan inpuahchah
danah hian Sakhaw dang betu te hian eng angin nge min ngaih ang tiin i
ngaihtuah ve tawh em? Sakhaw dang vuantu Muslim/ Hindu te an kut dawn khan
Buhfai leh thildang ilo kha nghei kan hlau \hin a, Kristianten kan hun pui kan
hman ve dawn hian Sakhaw dang vuan ho hian enge an hlauh ve ang le?
Engpawh nise, kan hun pui chu kan
hmang dawn a, kan inpuahchah a, theihtawp chhuahin \henkhat phei chu kan vir
buai a. Kawn/ kawngpui kan cheimawi a, a va nuamin ava mawi chuai chuai em. Mi
\henkhatte chuan ti hian an lo ti a, “ Heng kan cheimawina man to tak takte leh
kan thasen zawng zawngte hi \anpui ngaite \anpui nan hmang zawk ila a hlawk
zawk lo maw?” tiin. He zawhna hi a dik
ber em? Kan vei zawng ringawt hmanga thil \ha tih kan tum hian tu te thil tih
emaw chu kan dodal fo \hin. |henkhat chuan hetiang hunah hian miretheite \anpui
nan an sum an hmang a, \henkhatin Isua Krista chibai buk nan kawn an cheimawi
bawk a, kan rilrua lang a inang lo mai chauh a ni lo maw????
ARTICLE
BETHLEHEM ARSI
Kan
Lal Isua lo pian thu, mifingte hnena hriattir tura a pianna hmun Bethlehem
hruai thleng tura lo inlar Arsi (Bethelehem Arsi / Khawchhak Arsi) chungchang Thuthlung
Hluiah a hrilhlawkna ni thei awm (Numb 24:17 & Isaia 60:3) awm mahse Chanchin
\ha ziaktu zingah Matthaia chauhin a tarlang a (Matt 2), Lal Isua pianthu
puanchhuak tur ringawt a Arsi khawvel meuh a rawn inrawlh ta chu Kristiante
zingah leh Khawvel mite zingah pawh ngaihven a hlawhin ngaihdan a siam chhuak
nasa hle. Hetiang hian mithiamte chuan an ngai.
1. Simeikhu: Ziaktu \henkhat chuan he Arsi hi Simeikhu nia ngai an
awm. 12BC kum khan hetiang Simeikhu hi hmuh a ni. Tin, Isua pian hun awm vel
5BC khan China leh Korea Arsi chanchinthiam (Astronomers) te chuan Simeikhu
emaw Nova an hmu nia sawi a ni.
2. NOVA emaw Super NOVA: Nova chu Arsi eng chuai tawh tak vawi
lehkhata rawn eng chhuak leh phut zawi zawia chuai leh mai \hin hi a ni. Super
Nova chu Arsi hrawl tak puak keh, a enna ni ai pawha a let vaibelchhia zeta
rawn engchhuak ta hi a ni. Super Nova hi thil thleng khat tak a ni a, Telescope
siam chhuah chinah ala thleng leh ngai lo. Nova erawh hmuh tur a awm zauh zauh
\hin. China Arsi thiamte chuan Nova emaw Super Nova Bethlehem Arsi inlar hun
awm vela inlar angin an Record a ni.
3. Arsi intawkkhawm: 1600AD ah German Arsi thiam Johans Kepler
chuan Jupiter leh Saturn te, 7BC khan intawk angin a sawi a, heng Arsi intawk
hian Nova an siam theih avangin Bethlehem Arsi niin an ngai a ni.
Sakhua lam ngaih dan:
1. Orthodox Kohran chuan Bethlehem Arsi hi van boruak a thil
thleng sathliah mai nilovin thil mak (Super natural) mifingte nausen Isua hnen
hruai thleng tura Pathianin a tirh Vantirhkoh niin an ngai.
2. Mormon ho chuan Bethlehem Arsi chu van boruak a thil thleng
ngei niin an ngai a, an lehkhabu ah chuan zawlnei Samuela’n Isua apiang tih
chhinchhiah nan Arsi thar alo lan tur thu a sawi a, chu chu a hnua Zawlnei
Nephi-a’n a thlen famkim tawh thu a sawi ve thung. mormon ho chuan Arsi hi Isua
Kristan he khawvel alo thlen eng chhinchhiahna niin an ring bawk.
3. Jehovah’s Witness ho ve thung chuan Bethlehem Arsi hi Setana
hnathawh niin an puh ve hlauh. A chan chu Arsi khan Jerusaem a hruai thleng a,
nausen hmelma Heroda chawk thovin nausen suatna rapthlak a thlen tir vang a ni.
4. Seventh-Day Adventist: Pi Elen G.White chuan a lehkhabu “Desire
of Ages” ah chuan, “ He Arsi hi hla taka Vantirhkoh rual ho êng, mahse
mifingten an hriatthiam loh a ni”tiin a ziak ve bawk. Zawlnei hrilhlawkna thlen
famkimna Bethlehem Arsi leh Numbers bung 24:17 a Balaam-a hrilhlawkna (Star
Prophecy) hi sawi zawm a ni \hin. Bethlehem Arsi chu hrilhlawkna thlen
famkimnaa ngaih a ni.
AD kum Zabi 1 na
a Juda Historian hmingthang tak Josephus chuan he Arsi hrilhlawkna hi Rom
Kumpinu (Emperor) Vespasian-ah a chhui lut ve thung a, hmasang ringtute zinga
Theologian hmingthang tak, Origen-a chuan he hrilhlawkna hi Bethlehem Arsi ni
ngeiin a ring.
(Chhunzawm tur)
BENGTI VÂR
Pa Ei Chi leh Ei Chi loh Thliar
Hran Dan:
Mizoram-ah kum tin Pa ei sual thawm kan hre \hin a, \henkhat chuan
thihna hial an tawh phah \hin. Nikum lamah te khan Pa ei sual avanga chhungkaw
mang \ep \ep te pawh sawi a awm nawk mai. A zia lo hle mai! Pâ hi ei mî tam tak
a awm lâiin tûr pâi pawh an awm \euh mai a, fimkhur tak a kan thliar hran thiam
a pawimawh hle. Chu mi kan thliar hran theih nan leh chhiatna lian tham kan
tawh loh nan a thliar hran dan tlem kan han ziak ve a ni e. Mahse hei hi 100% a
dik a ni chu kan ti ngam bik lo. Eng pawh nise engemaw chen chu kawng ro a su
ve ang chu maw...
Traditional methods: Hei hi
hman lai a\anga an lo chîn \hin dan a ni a, Science hmang in a dik ngei leh dik
ngei loh erawh hriat a la ni lova. Mahse hmun tam takah an hman \hin avangin a
him tawk ve viau a ngaih a ni a, Luka Ziak anga in nghah bur na chi erawh chu a
la ni lo a ni. A hnuai a mi hi a hriat hran theih dan an sawi tlangpui chu a ni
e :-
(a) Pâ (Mushroom) kan hriat chian loh deuh chu tuiah han chiah
ila, chu mi kan chiahna tui ah chuan Bawkbawn (Brinjal) chan têt emaw Bawkbawn
par emaw zuk chiah leh ta ila, Bawkbawn chu rawng dum lampang a kâi chuan Pâ
chuan tûr a pâiin ei chi a ni lo an ti \hin.
(b) Pa târ pâi chi chu tui chi al (salt water) a chiah in a rawng
a lo dum \hin niin an sawi.
(c) Silver emaw copper a siam thil chu pa târ pâi chi chiahna tui
a chiah ve hian a rawng a lo dum \hin niin an sawi.
(d) Pa târ pâi chi chiahna tui a Purun var thlak hian purun var
chu a rawng a lo dum deuh hret \hin niin an sawi.
(e) Pa tûr pâi chi leh Purun emaw Bawkbawn emaw chhum pawlh hian
Purun emaw Bawkbawn rawng kha a lo dum chuan Pâ chuan tûr a pâi ngei niin an
ngai \hin bawk.
(f) Bawnghnute ah Pa tûr pâi chi zuk thlak hian bawnghnute chu rei
lo te ah a chhe mai \hin an ti bawk.
Pa tûr pâi chi hriat hran theihna dang te:
(a) Pa chu a nem êm êm a, a lukhum (Cap) chu awlsam takin a sih
pilh theih loh.
(b) Pa tûr pâi chi chu a tlangpui in a rawng a mawi bik em em a,
nalh tak tak an ni \hin.
(c) Pâ in tûr a pâi chuan pâ kha khawi emaw laiah han sik khem
zeuh ila, thil tui ril emaw hnang ban thlip thlep, hnai ang tak a lo chhuak
\hin.
(d) Pa tûr pâi chi rêng rêng chu han ei hian kha tak (Bitter) emaw
thûr tak (sour) an ni \hin a, an rim a chhe tlangpui bawk niin an sawi.
(e) A tlangpui in Pa tûr pâi chi rêng rêng chu ran leh fanghmir
ten an bawm duh ngai lo a ni.
(Source: www.loneitu.blospot.in)
BIBLE QUIZ
No.50
DANIELA-
1-5
A
kâr âwl dah khat rawh :
Q1.Tin, Daria, Media mi chuan ram chu an chang ta a, amah
chu kum ___________leh kumhnih vêla upa a ni.
Q2Tichuan
lal mifingte zawng zawng chuan lo lût a; mahse ziak chu an chhiar thei lo va, a
_____________ lah lal an hriattîr thei hek lo.
Q3._____________pathianin ka hnêna thil entîrnate,
thilmakte a tih tâk hi tihlan \ha ka ti e.
Q4.Thing
chu a \hang a, a \an\ha a, a sânlam chuan vân a tawng a,__________ a\angin a
lang thei vek a.
Q5Tichuan,
kei Nebukadnezzara hian vân lal chu ka fak a, ka chawisâng a, ka zah a;a
thiltih zawng zawng chu a dikin a kawng te chu a fel si a: chapova lêngte chu a
tihniam thei a ni.
A
bung leh châng dah rawh :
Q1. Ka khum laizâwla ka lu-a inlârnaah chuan ka han en a,
ngaiteh, vân a\angin vêngtu, mi thianghlim chu a lo chhuk a,
Bung:
............... Chang:
....................
Q2Juda lal Jehoiakima rorêl kum thumnaah chuan Babulon
lal Nebukadnekzara Jerusalemah a lo kal a, a huala a.
Bung:
................ Chang:
....................
Q3Anni chuan an chhang leh a, “Lal chuan chu mumang chu
a chhiahhlawhte hi min hrilh sela, tin,a hrilhfiahna chu ka entîr a nge,” an ti a.
.Bung: ................ Chang: ....................
Q4. Nebukadnezzara chuan a chhâl a, an hnênah, “Aw Sadrak,
Mesak, Abednago, ka pathian rawng bâwl lova, ka rangkachak milim din chibai bÙk
loh hi in tum rêng
em ni?
Bung
.................... Chang
.................
Hming :
......................................................
Section :
.....................................................
BIBLE QUIZ NO. 49 RESULT
Chhanna lut zawng zawng :2
Chhang dik vek :2
Lawmman dawngtu: V.L.s Rinpuii (T.Sec)
Bible Quiz chh^nna
leh lâwmman hi Circulation Manager C. Laldawngliana hnenah thehluh a, lam \hin
tur a ni.
NPSS CAROL SERVICE
Ni 19.12.2014
(Ningani) zan dar 6:30 hian Naupang Sunday School Christmas Carol Service chu
Sunday School Hall-ah neih leh a ni dawn a, programme hlimawm tak tak buatsaih
a ni ang. Beginners a\anga Senior Department zawng zawngte tel vek turin kan
inhriattir e.
CHAWHCHAWRAWI
# Gangnam Style Music Video khan en a hlawh lutuk a,
You Tube a entu chhiarna hi a tihchhiat phah a. You tube website hi upgrate a
ngaih phah hial.
# Khawvela RAP rang ber Niclue chuan second 51.27
chhungin thumal 723 a chham chhuak hman. Second 1-ah thumal 14.1 vel a chham
hman a nih chu!!!
# Inkhela red card hmu rang ber chu Lee Todd-a a ni a,
second hnih chhungin red card a hmu nghal. Inkhel an \an a, referee in Whistle
a ham a, Todd-a chuan “ A ring lutuk, i mawl a mi?” a lo ti pek a, red card a
hmu nghal hmak..
# Australia rama d<m sazu chikhat Antechinus-pa te
khu an han hur mai mai khawp a, an dam chhung hun a nu pawl nan ringawt an
hmang tawp mai a, chu mi a vang chuan chaw zawnna hun pawh an nei thei ngai
lova, ril\amin an thi tawp mai \hin.
# Hmanlaia Egypt ho chuan an Zawhte a thihin a sun nan
an mithmul an pawt kawlh \hin a, Zawhte that hremna dan pawh an nei na khawp
mai, ‘tihhhlum’ a ni tawp mai.
# Khawvel
chhimtawp Antartica-a vur khal te chu Kum 60 kalta ai khan a letin a tuiral
chak a ni tih an hmuchhuak a, hei hi a chhan chu chhim tawp vur ramah meuh pawh
khua a lum chak hle tihna a ni.
# Khawvel ram
changkang zingah Japan, Germany, Russia leh China te chu tun hnaiah nau piang
an tlem tial tial a. Japan ramah hian a nasa leh zual. Piang an tlem a, tar an
damrei bawk. An ram 24% chu kum 65 chunglam an ni a, Kum 14 hnuai lam chu 13%
chauh an ni.
K|P TE CAROL NEI
DAWN
Ni 15.12.2014 (thawh\anni) zan hian K|P chuan mi harsaten Krismas
leh Kumthar hlim taka an hman ve theih nan kan vengchhung Presbyterian Kohhran In tinah vehbur khawnin
CAROL an nei dawn. K|P member a tam thei ang ber tel turin kan in sawm a ni. K|P Member Carol
turte chu hemi zan dar 9:00 ah Sunday School Hall-ah kalkhawm tur a ni e.
Tin, vengchhung
mi pawisa lo pe lawk duhte kan awm anih chuan K|P hruaitu te hnenah pek theih a
ni bawk ang.
ADVANCE CHRISTMAS
K|P Advance
Christmas chu ni 18.12.2014 (Ningani) zan dar 6:30 hian Sunday School Hall-ah
neih tur a ni a, Member zawng zawngte lo tel vek turin kan insawm e. Hemi zan
hian hian Programme hlimawm tak tak neih a ni ang, Gift Exchange a awm bawk
ang. Gift-Exchange ah hian `.100/-
man aia tlem lo thun tur a ni ang.
Gift-Exchange ah
hian mahni dawn duh tur ngei ang chi thun ni sela, thil ho lam lutuk leh mahni
pawhin dawng dawn ila kan duh loh tur ang chi chu thun lo turin kan inngen e.
Tin, Gift-Exchange Pack-na chhungah hian mahni hming ziah \heuh theih nise.
MHIP HRUAITU THAR
Ni 11.12.2014 (Ningani) zan khan MHIP kum 2015 atana hruaitu tur
thlanna an nei a, heng mite hi thlan chhuah an ni: Pi Lallianpuii, Pi
Lalchhingpuii, Pi Rozami, Pi K.Lalbiaksangi, Pi Lawiziki, Pi Sanghluni te an
ni. An ni hian thawh\an zan ni 15.12.2014 hian Post an insiam rem ang.
# Kum 2001 khan
Paraguay President chu a ma lirthei ru lai an man. Mahni lirthei han ruk chhuah
chu mak ve mai mai. .
TUALCHHUNG
,Pi Lalmuanpuii w/o K.Lalremruata (V.Sec) chu damlohna avanga
Referal Hospital-a enkawl anih hnuin alo chhuak.
,Pu Roy C.Lalsangzuala h/o Lalhlimpuii (V.Sec) te chuan khawi ilo
vah vel nan Scooty (Rodeo) thar an lei.
, Pu William Lalchhuanawma h/o C.Lalruatdiki (V.Sec) te chuan khawi
ilo vah vel nan Bike (Bullet) thar an lei.
, Pu C.Lalthamawia h/o C.Lalengi (V.Sec) te chuan khawi ilo vah vel
nan Scooty (Wego) thar an lei.
, Pu Roliana te chhung, Bethel veng (T.Sec) te chuan an insak thar
an luah lut fel ta.
2014 ADVANCE CHRISTMAS PROGRAMME
Hruaitu: Tv. Pc. Vanlalhriatpuia
Thusawi tawi: Upa Zonunmawia
(Represent)
Branch report & Group tin Report
Group Result puan: Br. Secretary
Group lawmman sem: Leader
Special Items:
Solo: Group tin a\angin 1 \heuh
Male Voice: Pu Lalduhkima
(Covener)
Slide Show: Tv. F.Laldingliana & Tv. Lalfakzuala
Gift Exchange: `.100/- man aia tlawm lo
2014 Award sem: Pu Lalchhandama leh Tv. R.Lalzamlova
K|P Miss leh Mr. thlanna
Zai hruaitu
leh Musician hi December thla ami rin nghal tur a ni ang a, Refreshment tui
tak a awm bawk ang.
# Hmanlai Rom
mite chuan ip/saiip chhunga rul tur nei, ui kawlh, arpa leh zawng nena khung
khawm a \awn hnan hi an inhremna lar tak pakhat a ni.
https://www.facebook.com/groups/SKKthalaipawl/
Saikhamakawn K|P e-mail : ktpskk@gmail.com &
ktp_skk@yahoo.com
PUBLISHED BY LITERATURE SUB. COMMITTEE K|P SAIKHAMAKAWN BRANCH, COPIES : 330
No comments:
Post a Comment