MIPUI
AW
KARTIN CHHUAK
Vol. XX Issue No. 48 Kristian
Thalai Pawl Saikhamakawn Branch Pathianni Dt.30.11.2014
KOHHRAN PROGRAMME
30.11.2014 (Pathianni)
Sunday School
|antu :
Pi Rinengi
Zirlai
44-na : Philemona Thuhmahruai
Chawhnu inkhawm
Thuhriltu : Upa
Lalzuiliana
Zân inkhawm
Thuhriltu : Upa
Zonunmawia
VAWIIN TLAI K|P
FELLOWSHIP PROGRAMME
Thupui Zir
A hmun : Sunday
School Hall
Hruaitu : Nl.
C.V.L.Biakzuali
|antu : Tv.
Lalruatkima
Thupui : Pathian tawk tura
inpeih II
Hawngtu : Nl. Malsawmtluangi
K|P PROGRAMME
01.12.2014
(Thawh\anni zan)
Short
Sermon & |awng\ai Inkhawm
Hruaitu : Tv. Lalfakzuala
|antu : Tv.
Benjamin Lalduhsaka
Thu hriltute :
N.l Brigette Zonunmawii
Thilpek lak- : Nl. J.Zothankimi leh
hawmtute
Nl. Ruthi Lalenkawli
Hla hruaitute : Tv.
Abraham Lalnunthara leh
(Ni 1-15Dec) Tv.
Tlangdingliana
Keyboardist : Pu Lalremruata
Hemi zan hian World Aids Day pual
hun hman tur a ni ang a, World Aids Day pual \awng\ai rual leh Thuchah
chhiarchhuah a ni ang.
KOHHRAN HMEICHHE
PROGRAMME
02.12.2014 (Thawhlehni Zan)
Ramthim zin
A hmun : Pi Lalchhanhimi
te in
Hruaitu : Pi Laithangpuii
|antu: Pi Lawiziki
SERMON
THLARAU RAH
Thlaraurah erawh chu Hmangaihna te,
hlimna te, remna te, dawhtheihna te, ngilhneihna te, \hatna te, rinawmna te,
thuhnuairawlhna te, insumtheihna te a ni zawk e; chutiang kalh zawngin dan
thupek reng a awm lo ve. (Galatia 5:22&23)
Mi kan han pianthar tirh hian kan
intehna a sang duh viau mai a. Mi thinchhe tak kha a zaidam ta em? tih te, mi rinawm
lo tak \hin kha a rinawm tawh em? tih te leh thil dang tam takin kan in zawtin
fiah kan tum fo \hin a. Mi kan pianthar tawh chuan Thlarau rah ti a Tirhkoh
Paulan min hrilh pakuate hi kan neih ngei tur pawh a ni a, kan neih leh neih
loh pawh mahni kan infiah fo a \ul ngei ang. Mahse mi piangthar tirte te nuna
heng thlarau rah pakuate hi zuk hmuh
nghal pawp pawp tum chu a \ha ber lo thei bawk. Mi te nuna zuk fiah tum ai
chuan keimahni nunah infiah hmasak ber a \ul in a \ha zawk awm e.
Tirhkoh Paula vek chuan Philipi Bung
3:12 ah chuan “ Hmu
tawh reng inti ka ni lo va, famkim tawh reng inti ka ni hek lo; ‘Krista mi man
chhan chu ka man thei dah law maw,’ tiin a umin ka umzawk a ni” a lo ti a ni. Chuvangin kan lo pianthar tirh
hian heng Thlarau rah zawng zawngte hi kan nei thei nghal lo a nih pawhin
ngaih\hat loh nan chuan hman tur a ni lo
va. Nausen pianghlim chuan a \han len chhoh nan thil tamtak a mamawh ang hian,
kei ni Kristaa mi piangthar tir te chuan mamawh leh zir tur tam tak kan nei a
ni tih i hre thar leh ang u.
Rom Bung 8:14-ah chuan “Pathian
thlarau hruaia awm apiangte chu Pathian fate an ni” tiin Tirhkoh Paula
chuan min lo hrilh leh a. Pathian thu anga nung ten he Thlarau rah hi chu a
hman hun tur dik taka hmang thei turin Pathian thlarau chuan a hruai \hinin a
chenchilh zawk \hin a ni. Ngilneih a ngaih hunah te, hmangaih a ngaih hunah te, rinawm a ngaih
hunah te pawh. Heng Thlarau rah zawng zawngte hi nausen \hang lian mek thil zir
angin, a tirah bawhkhup kan zir a,\hut kan zir leh a, vah sawn kan zir leh bawk
a. Din kan zir a, kal kan zir leh ang
hian a chawpa kan zir te pawh a ngai \hin a ni.
Kan sawi tak ang khian he mihring hi
chu famkim lo a ni a, nitin famkimna ram panin zawi te a kal dem dem tur a ni
a. Hringnun rahbi kan zawh chho hret hret ang hian ringtu nun puitlinnga kawng
chu zawh chho hret hretin famkimna ram pan tur kan ni. Heng hunah hian mi
\henkhat chu chak takin an tlan a, an kal pawp pawp a, an inchhuih palh fo va,
an tlu leh nge nge \hin. Famkimna hmun Van kan thlen hma loh chuan tu nun mah
hi kan teh tling dawn lo va, tumah kan famkim dawn bawk hek lo. Van Kanan
tharah Thlarau rah chikim nen famkimin kan leng tawh ang.
EDITORIAL BOARD
f
Editor
:
Pu Lalduhkima -9862648830
Jt.Editor:
Tv.F.Laldingliana - 9862378567
News
Editors :
Tv.PC.Vanlalhriatpuia - 9862732381
Tv.F.Laldingliana - 9862378567
Tv.Lalfakzuala -9862033731
Pu Benjamin Lalduhsaka -9862907973
Nl. Lal\anpuii -8974243380
Nl.Malsawmtluangi -8731059158
Circulation
Manager:
Tv. C.Laldawngliana - 8974743091
Editorial.........?
Fimkhur ang u....
Hman
a\angin an lo sawi tawh \hin, Mizo tena kan hun pui kan hman dawn December thla
chhoah hian accident a tam an lo ti \hin, a dikna chen tam tak a awm. ‘Accident
te chu a thleng reng alawm’ pawh kan ti mai thei e, nia, thleng reng chung si
hian heng hun lai hian eng kan ti a maw ni, kan zauthau ni ngei tur a ni
accident hi a tam zual \hin chu a ni hi. Lirthei khalh \hinte pawh heng hun lai
tak hi fimkhur a ngaih lai a ni tih hre thar leh ang u.
Mipuite ngei pawh hi fimkhur a ngai
hle mai. Kan kawngpui te hi tlan chak a nuamin a \ha si a, hun pui kan hman loh
lai pawhin motor an tlan chak a ni a, fimkhur namen loh va fimkhur a va \ha êm!
Kawng sira i din/kal mai mai lai khan fimkhur lo i tawng palh ang e! Nangmah i
fimkhur loh vang pawh ni miah lovin, mi inthlahdah vang khan Krismas hlim taka
hman tum kha i hmang thei lovang tih a hlauhawm teh a nia aw. Kan fate pawh
fimkhur turin i chah mawlh mawlh ang u.
Nia, tun hun mitin ten kan
induhthawh hun lai a ni vek mai a. Krismas ami tur kan intuak nasa, mahse kan
fimkhur loh chuan kan ngaihtuahnate kha ‘nula
bawnghnute zuar’ ang mai
kha kan ni mai ang e aw!! A ho vek, a chhe vek a ni mai.
ARTICLE
THIHNA KAIHHNAWIH
(Apuia
pualin)
Mawitei
pa
Unau inchhang bung, phir ang maia
khawsa leh pumrua a intiat, tette atanga thawmhnaw leh thildang intawm thin,
kei aia a tawr a that deuh avanga ka ngam loh thin, mahse, u anga min en thiam
em em, kan dinhmun inthlak thleng ta ila, khawtlang leh kohhran tana kei aia
hmantlak leh lak tlak zawk tur ka nau Apuia’n chatuan ram min pan san
champhaphak vawi khatna a lo thleng leh ta reng mai! A mak a, vawiin thlengin
mumang nise kan ti, mahse a tak a ni tlat si! Awm ta lote ngaih avanga
lungchhiatna, hrehawmna, khawharna zawng zawng hi mihring kan nih vangin kan
tuar vek tur a ni, mahse, chung zawng zawng chunga thuneitu, zang taka phurrit
min phurh tir theitu Lal Isua kan nei a ni tih theihnghilh loh tur a lo ni.
Thihna hlim kawr ruam zawh laia Lal Isua neitu nih hi a lo va hlu em! Lal Isua
hi mi chaklo te tan hian a lo va hlu em!
Apuia nun kawng kha a bumboh a, a
chhuk chho khawp mai. Thiante ho nen tleirawl lai nun kan hmang tha lo tlang
a, Pathian hnathawh ropui tak changa
piangtharin, a nun Lalpa tan hlan tawh mahse, a boral ni thlengin sual nen an
in lehthal thial thial reng a ni. He a nuna buan hneh loh a neih ve thin avang
hian chhungkaw lam atang chuan a tlin lohna lai hmuh len a lo awl a. chumi
avanga khawtlang leh YMA lama a rawngbawlna pawh inthlahrunpui chang kan ngah
em em thin. Mahse, thlirna tlang dang atanga thlirtu a thawhpuiten a chaklohna
lam thlir kanin, theihtawp chhuaha khawtlang tana a in pekna, chhiatni thatni a
a hmahruaitu leh a hnung daltu, a huho tlawmgaihna piah lama mimala tlawmngaih
chhuah thin a nihna lam hmuh sak a, a tlin lohna lai leh a chaklohna lai dah bo
a, amah chawimawi chunga min thlah liam pui erawh kha chu a lawmawmin a ropui
kan va ti em! Kan theihnghilh tawh ngai lovang. Chhungkaw lamin zu in mi en a
kan en kha khawtlang lama a thawhpuite tan chuan an hero a lo ni ve thung si a
!! Hei hian ngaihtuahna a ti thar a, nun min bih let tir a, rawngbawl hna min
bihchian tir a, hnufualna lai leh tan lak
tulna lai min hmuhtir a, a zu in
lam ringawt ni lo, a bawnghnute in lam lo hmu lian thin tute tan khan a va
uihawm zual dawn em !
Ni e, chhungkaw lamah chuan a
chaklohna lam a hmuh len loh theih siloh avangin a thatna lam kan hmuh kan deuh
thin a lo ni. Chhungkaw tinah hian Apuia anga buan hnehloh nei, buaipui ngai an
awm deuh vek mai. Heng mite hi misual en a en a, tha duh hauh lote huanga dah
a, hmelma ena en mai lovin keimah ang bawka Lalpa hmangaihte an ni, kei ngei
pawh hi chak lohna lai nei ve tho ka ni
tih inhre chunga Lalpa hmangaihna tlang atanga thlir ve thei tura enremna kraws
kal tlanga kan thlir thiam a va pawimawh em. Chu hmangaihna tak tak dinhmun
atang lo chuan mi hi siamthat an lo har khawp mai. An tlin lohna lam ringawt
hmu lian lova an thatna lai hmuh sak hram
hram a lo tul hle mai, Lal Isua neitu kan nihna hi lantir tur kan nih
laiin a nei lo te nen angkhat reng kan nih chang a tam teh a nia.
Thihna thlan thim mai ni lo chatuan boralna
thlenga hnuh liam a awm tura Setana thanga awk zawng zawngte tan chhanchhuahna
hmanrua atan Apuia thihna hi Lalpan hmang se tih hi keini chhungkua chuan kan
duh ber a ni. Kan hmangaih leh kan ui
ngawih ngawih boral ta ten thu an sawi zel theihna chu a la nung a te nun danah
hian a lo ni. Apuia thihna hian a ui tute zawng zawng nunah a tha zawngin thu
sawi zel se kan va ti em!!
BENGTI VÂR
@ Khawvela mi tawi ber Chandra Dangi, 21.5 inch a sang leh
khawvela mihring sang ber Sultan Kosen, 8ft 3inch a sang. 10th Annual Records Day lawmnaah Westminster
London-a in kai chunga thla an lak a nih hi. An in san hleih rem rem khawp
mai!!!
@
Khawvela International Bridge te ber, a thliarkar lian zawk hi USA ta a ni a, a
te zawk hi Canada ta a ni thung.
@
Vietnam-a an Bak hmuh chhuah Grifhin Leaf-Nosed Bat chu a hnar a chuarin a pian
hmang pawh hnah ang a ni a, a hnar chuan a hmai tam zawk a awh a ni.
@
BIBLE tih hi thumal panga belhkhawm a ni a, a malin thupui \ha tak an neih tir
vek, hetiangin :
B - Buy it (lei rawh)
I - Investigate it (ngaihven rawh,
chhut chiang rawh)
B - Believe it (ring rawh)
L - Love it (hmangaih rawh)
E - Elucidate it (Chhan nei takin
hrilhfiah rawh, puang chhuak rawh )tihna te ani an ti.
@
Thluak sawizawi ang aw. . . A hnuaia pic-ah hian mi lem eng zat nge i hmuh le??
BIBLE QUIZ
No.48
EZEKIELA
BUNG (36-40)
A
kâr âwl dah khat rawh :
Q1. In chungah mihring ka tipung ang a, Israel chhûngte zawng zawng,
an vai pawhin; hmun ramte chu siam \hatin a awm ang a, khawpuite chu
__________________ a awm ang.
Q2. Chutichuan thu mi pêk ang chuan
ka sawi a, thaw chu anmahniah a lo lut a, an nung ta a, mahi ke \heuhvin an
ding a, sipai _____________ ropui tak an lo ni ta a.
Q3. Tin, heti hian LALPA PATHIAN chuan a ti a ni: Chumi nîah chuan
heti hi a ni ang a, i rilruah thil a lo lût ang a, thil ____________________ i
suang tuah ang;
Q4. Tichuan ram thing an phur lo
vang a, ngaw thingte an kit hek lo vang, hriamhreite ‘chu thingtuah atân an hmang
dawn si a, râllaktute chu an ___________________ ve ang a,
Q5. Tin, chhaklam kawngka ina vênna
pindante chu lehlam lehlamah pathum ve ve a ni a, an pathum chuan intiat vek a
ni; tin, bang pêngte pawh kha a lehlam lehlama mi chu a ____________________ a
ni.
A
bung leh châng dah rawh :
Q1. Mahse Israel chhûngten an va kalna hnamte zinga an tihbawrhban,
ka hming thianghlim chu ka lainat a ni.
Bung:
............... Chang:
....................
Q2. Tin, chu ram, Israel tlângahte chuan hnam pakhatah ka siam ang a.
lal pakhat chu an zaa lal a ni ang: tin, hnam pahnih an ni tawh lo vang a,
Bung:
................ Chang:
....................
Q3. Tin, ka ropuizia leh ka thianghlimzia ka tilang ang a, tin, hnam
tam takte mithmuhah ka intilang ang, tin, kei hi LALPA ka ni tih an hria ang.
.Bung: ................ Chang:
....................
Q4. An thianghlim lohna ang zel leh an bawhchhiatna ang zelin an
chungah ka ti ve a, an lakah ka hmêl ka thup a ni.
Bung
.................... Chang
.................
Hming :
......................................................
Section :
.....................................................
BIBLE QUIZ NO. 47 RESULT
Chhanna
lut zawng zawng : 5
Chhang
dik vek : 5
Lawmman
dawngtu: Vanlalrinpuii (T.Sec)
Bible Quiz chh^nna leh lâwmman hi
Circulation Manager C. Laldawngliana hnenah thehluh a, lam \hin tur a ni.
‘PRAISE 14’ RAJIV GANDHI STADIUM MUALPUIAH
K|P General Conference thurel
“|halai zawkte hip khawm thei programme siam ni rawh se” tih bawhzui nan
Central K|P chuan Ni 5 Dec 2014 6:00 PM hian Pathian fak leh chawimawina hunpui
PRAISE 14 Rajiv Gandhi Stadium, Mualpuiah a buatsaih dawn. He hunah hian fakna
hla ngaihthlak tur te, lemchan leh lam en tur te a awm dawn bakah Krismas
thuchah Central K|P Leader Rev. J. Lalremsiama hnen atangin ngaihthlak a ni
ang. Heng bakah hian Pathian fak leh
chawimawina hun a tam thei ang hman a ni ang. Tin, thlalai Pathian thu a tuihal
kawm turin Councelling cell siam a ni a, Councellor 40 duty tura beisei a ni.
Hemi zan programme a kal tur te kal
dan turah hian kan veng Saikhamakawn chhim lam zawng chu World Bank Road
(Zampuimanga Lungphun) a\anga kal tur a ni ang. Tin, Bus hmang tur Branch-te
chuan mahni bus hmaah langsar takin Branch hming tarlan ni thei se an ti bawk.
Hemi zana kal duh turte chu December
ni 1 aia tlai lovah Branch Secretary te hnenah in hriattir tur a ni e.
YMA HRIATTIRNA
Kum 2015 a YMA Member ni duh tân
December ni 1 a\anga ni 21 thleng Membership Fee a pêk theih a, Member ni duh
chuan a hnuaia mite hnênah hian huntiam chhungin Membership Fee `.5/- pe in inziah luh tur a ni.
Vanapa
Sec.: Pu Lalnunsanga
Taitesena
Sec.: Pu MS Dawngliana
Chawngbawla
Sec.: Pu K.Lalhuliana
Tin, mi tumahin puak thei thil lam
chi reng reng hâl lo tur leh naupang Silai lem (Mu kâpchhuak thei) ang chi
khawilaiah keng chhuak lo turin kan inngên bawk e.
K|P TE CAROL NEI DAWN
Ni 15. 12.
2014 (thawh\anni) zan hian K|P chuan
mi harsaten Krismas leh Kumthar hlim taka an hman ve theih nan kan vengchhung Presbyterian Kohhran In tinah vehbur khawnin
CAROL an nei dawn. K|P member a tam thei ang ber tel turin kan in sawm a ni.
MIPUITE HNENA HRIATTIRNA LEH NGENNA
Aizawl khawpui
leh a chheh vel chawm nân Serlui (A) chu Lungleng kâi-ah khuah a ni a, he
tuikhuah hi mipui tlan tur anih mai bâkah chêtsual theih anih avangin he
tuikhuah ah hian picnic, insûk, inbual, tuichên, sangha leh chakâi etc. man
khap tlat a ni a, he tuikhuah leh pipeline te hi min humhalh saka min venpui
turin mitinte \awiâwmna kan ngên tak meuh meuh a ni.
Note:
Chirh paihfai nan leh tui level a san lutuk loh nan tuikhuah drain valve leh
outlet hi hawn reng a ngai a, outlet pipe hi inches 18 diameter niin drain pipe
pawh 14 inches diameter lai a ni. Valve hawn a nih hian a mi hîp a na êm êm a,
a hîp beh tawh chu awlsam taka lakchhuah theih a ni tawh lo. Chain pulley te
ruaiin patling pathum/pali velin an phawrh chhuak thei \awk a ni. Chuvangin
naupang leh puitling lui kalte tuikhuah-ah hian an awm fo mai a, an chetsual
palh mai kan hlauhthawnpui \hin a ni.
Sd/-
(C.ZOTHANTLUANGA)
Sub-Divisional Officer PHED
Aizawl Water Transmission Sub-Division, Aizawl : Mizoram
YMA HRIATTIRNA
Ni 4/11/2014 (thursday) zan dar 6:30
pm hian kum 2015 chhunga Saikhamakawn Branch YMA hruaitu tur thlanna neih a ni
dawn a, hetah hian YMA Member zawng zawngte kal vek tura hriattir kan ni a. He
hunah hian kum 2014 chhunga kan member pui chatuan ram pantate sunna hun hman a
ni dawn a, Memberte \an hun taka a hmun thlen tum \heuh turin kan in ngen e.
Sd/- (K.LALHULIANA)
Secretary, SKK YMA
ADVERTISEMENT
2015
Presbyterian puitling Sunday School zirlaibu leh Nilai leh Beihrual thupui bu
Synod Bookroom Rate-in lei tur kan nei reng e.
Kimi d/o Vuli
TUALCHHUNG
,Pu T.Lalrinthanga h/o Zuithangi Bethel veng
(T.Sec) chu Greenwood Damdawi Inah Nerve \halo avanga zai niin enkawl mek a ni.
,Pu C.Runkima h/o Saihlunkungi (L) (V.Sec)
te chhungkua chuan khawi ilo vah vel nan Bike (Karizma) thar an lei.
THUPEK
District
Magistrate, Aizawl District Aizawl chuan 144 Cr. PC tlawhchhanin heng a hnuaia
thupek hi Aizawl District huam chhung a hman nghal turin a chhuah.
1. Mi tumahin phailam emaw hmun
dang atangin halpuah leh halmawi, silai lem, a mu kap chhuak thei chi reng reng
an la tur a ni lo.
2. Krismas leh kumthar vuakvet
ah mi tumah in halpuah leh halmawi an zuar/hralh tur a ni lova, an hal tur a ni
hek lo.
3. Silai lem, a mu kap chhuak
thei chi reng reng zawrh leh hralh khap tlat a ni.
He thupek hi chhuah a ni atanga thla hnih
(2) chhung a huam ang.
He thupek zawmlo leh bawhchhia te chu dan
angin an chungah hremna lekkawh a ni ang.
B.MISS ZIR DUH TAN HRIATTIRNA
Missionary
Training College (MTC)-ah Bachelor of Misiology (B.Miss) zir duh tan dil theih
a ni leh ta. Dilna Form hi `.5-/- in office hun
chhungin MTC Office a\angin lakchhuah theih a ni e.
Dil
thei chin: Cl-XII pass chin / Cl-X pass kum 2 tal zirna lamah leh rawngbawlna
lam experiance nei.
Dil
theih ni hnuhnung: January 31, 2015
Written
Test: March 3, 2015
Interview:
March 5, 2015
https://www.facebook.com/groups/SKKthalaipawl/
Saikhamakawn K|P e-mail : ktpskk@gmail.com &
ktp_skk@yahoo.com
PUBLISHED BY LITERATURE SUB. COMMITTEE K|P SAIKHAMAKAWN BRANCH, COPIES : 330
No comments:
Post a Comment