Mipui Aw 25.12.2014 (Christmas Special Issue)

MIPUI AW

SPECIAL ISSUE

Vol. XIX Issue No. 3 Kristian Thalai  Pawl  Saikhamakawn Branch  Christmas ni Dt.25.12.2014

KOHHRAN PROGRAMME

25.12.2014 (Krismas Ni)

|antu              : Pu Kapkhama

Thupui           : Krismas laimu Isua Krista

Thuhriltu       : Pastor C.Sapkaia

            Vawiin chawhma inkhawmah hian Lal piang chibai bûkna bawm dawh a ni anga, tin, inkhawmbânah hian thingpui ruai buatsaih a ni bawk ang.

Chawhnu inkhawm

Thupui           : Krismas hlutna leh malsawmna        

Thuhriltu       : Upa C.Lalmuankima

                        Zân inkhawm

Thupui           : Entawn tl^k Josefa

Thuhriltu       : Pu Siamliana

            26.12. 2014 (Ruai \hehni)

                Chawhma Inkhawm

Thuhriltu       : Pu K.Lalngaihawma                        

Speaker Milungngaite \hian

                        Zan Inkhawm

Thupui           :Nun tikimtu leh tilungawitu

Thuhriltu       : Upa Lallawmchhunga

             27.12.2014 (Inrinni )

                 Zan Inkhawm

Thuhriltu       : Upa R.Lalngena

            Kum 2014 chhunga Sunday School kal dan Puitling lam Biak In Notice Board-ah leh Naupang lam Sunday School Hall Notice Borad-ah en theihin a awm e.

K|P INTHLAN

            Vawiin chawhma inkhawm banah hian Kristian |halai Pawl ten kum 2015 hruaitu tur thlan tur a ni a, inthlang tur ten Pen ken \heuh tur a ni e.

           

SERMON

KRISMAS TAK TAK HMAN I DUH EM?

Pu R.Lalmuanpuia.

            Kum 2014 Krismas chu Pathian hruainain kan lo thleng leh ta reng mai. Kum tina kan tih thin dan angin Krismas hmang turin kan inbuatsaih a, kan theih ang angin he krismas hman tur hian chhungtin leh mimal pawh nuam taka kan hman theih nan kan inbuatsaih a ni. Khawtlang pawh Lal piang chibai bukna leh lawmna anih chuan tiin kan theih tawkin kan inbuatsaih a, kan vengchhung leh kawn remchang laite chei mawiin, hlim leh  lawm taka Lal Isua Krista lo pian champha hmang turin kan inbuatsaih a. A nuamin a hlimawm hle mai. He kan Lal Isua Krista lo piang hian chawimawi a phuin ropui taka lawm hi a va phu em.

            Hetia ropui taka Krismas lawm tuma kan inbuatsaih mup mup lai hian kan rilru tak tak hian Lal piang lawmna Krismas tak tak hi kan thleng pha em? tih hi ngaihtuah tham ava tling tak em. Engvanga hetia lawm nge kan nih? Eng nge he Krismas hi kan lawm chhan? Hetianga ropui thei ang bera lawm tura kan inbuatsaihna chhan hi eng nge? tih lam ai hian kan rilru sukthlek hian Krismas tih ringawtah hian a in hmangral mai ang tih hi thil hlauhawm tak a ni.

            He Krismas kan hmanna atana kan inpekna zawng zawng hian Krismas tak tak hmang zawng hian kan in pe em le? Krismas lo thlen theihna atana hian Mari chuan “LALPA bawihnu ka ni, I thu ang zelin ka chungah thleng rawh se” a ti a, Lal Isua Krista chu a pai ta. Mari hian Lal Isua paiin lo rai ngawt se, a chunga thil thleng thei tur chu a ngaituah thiam vek a rinawm. Mahse a chuangah eng nge thleng dawn tih zawng zawng hre vek mahse, Lal Isua Krista lo pian theih nan chuan “LALPA bawihnu ka ni, I thu ang zelin ka chungah thleng rawh se” a ti thei a ni.

            Kan nun hian eng nge a tawh ang nga, Kan chungah hian engpawh lo thleng dawn mahsela, Mari anga “LALPA i bawih ka ni, I thu ang zelin ka chungah thleng rawh se” ti thin tute nun hian Krismas tak tak hi a hmang thin. Chuvangin he Krismas hmang tura kan inbuatsaihna zawng zawng hi a tha, Lal piang hian lawm leh ropui thei ang ber a hmuah a phu em em. Kan theihna zawng zawngin ropuia lo lawm tura kan inbuaatsaih hi a tha. Amaherawhchu heng pawnlam hmuhtheiha kan inbuatsaihna zawng zawng aia pawimawh zawk, thinlung lam inbuatsaihna atan Mari ang hian “LALPA bawihnu ka ni, I thu ang zelin ka chungah thleng rawh se” kan tih theih hi ava pawimawh em.

            Krismas tak tak hman kan duh chuan thinlung lam inbuatsaihna hi dah pawimawh hmasa ila, I thu ang zelin ka chungah thleng rawh se, kan tih ngamna nunah hian a tak takin Krismas a lo thleng dawn a ni.    

EDITORIAL  BOARD

              f

Editor :

Pu Lalduhkima                     -9862648830

Jt.Editor:

Tv.F.Laldingliana                 - 9862378567

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv. C.Laldawngliana            - 8974743091

Editorial.........?

KRISMAS CHIBAI 

            Aw le, hei Kumpui lingleta kan nghah Krismas chu kan thleng chu a ni  ta reng mai. Kan ti nek nek a, kum tir lam a\anga chhut kha chuan kan thleng leh angem? Tia han ngaihtuah ringawt pawhin a huphurh awm \hin zawng a nih kha. Mahse hei lungngaihna zawng zawng kalsanin kan tana naupiang lawm turin hlim zai i vawr ang u.

            Kan Khawtlangpawh a nuamin  a mawi hle mai a, kan dam ang a, nakum lamah phei chuan hei aia mawi zawk hian Isua Krista lo piang hi lo hmuah i tum ang u. Thil hlui leh hun kaltawh theihnghilhin, kan hma lam hun thlirin he Krismas hi i hmang ang u.

            Aw le kan chanchin bu tlawm tak mai, mahse tualchhungin kan neih chhun nisi, min hlut saka mi chhiar sak \hintu zawng zawngte, kum 2014 Mipui Aw chanchinbu Editorial Board-te chuan, kumin Krismas chu hlim taka hmang tur leh mahni awmna Kohhran \heuhvah ruai tui tak leh puar taka \heh vek turin duhsakna kan hlan che u a. Krismas Chibai kan buk che u a ni.

            Kum 2015 Krismas hi i hmang leh angem? Lo hmang leh pawh ni la eng tiangin nge i hman ang? Heng zawhna te hi ngaihtuah reng chungin Krismas hlim takin Hmang ang che. Mahse, mahse mahse...........?

TUALCHHUNG KOHHRAN HRANG HRANGTE KRISMAS HMAN DAN TUR

Presbyterian Kohhran

            Ni 25.12.2014 (Krismas Ni) Vawiin ni hi serhin Chawhma inkhawm banah thingpui ruai buatsaih a ni ang a. Ni 26.12. 2014 (Zirtawpni) hian Bawng, Vawk, ar, Alu leh Artui nen ruai\heh a ni ang.

UPC North East India

            Ni 25.12.2014 (Krismas Ni) Vawiin ni hian Chhang ruai buatsaihin ni 26.12.2014 (Zirtawpni) hian Vawk leh ar nen ruai buatsaih a ni ang.

UPC Mizoram

            Ni 25.12.2014 (Krismas Ni) Vawiin ni hian Sa ruai, Bawng, Vawk leh ar nen ruai buatsaih a ni ang a, a tuk ni 26.12.2014 (Zirtawp Ni) hian ruai buatsaih leh a ni ang.

Z.D.U HRIATTIRNA

            Kum 2015 atan ZDU Saikhamakawn Unit member ni duh tan Jan. 2015 ral hmain a hnuaia mite hnenah hian Rs. 100/- pe in member anih theih a, tin, member nisa pawh Rs. 50/- a in renewed vek turin kan inhriattir e. Fee pekna turte:

V.Sec.: Pu Zirsangliana

T.Sec.: Pu C.Lalduhsanga

Ch.Sec.: Pu C.Laldawngliana

            Tin, ZDU Headquarter-a member ni duh tan pawh Passport Size pahnih (2), Driving Licence leh Rs. 400 in member anih theih a, tin, Life Member (Damchhung) ni duh tan Rs. 3500/- pe in anih theih bawk.

            Tin, ni 3rd Jan., 2015 chawhnu dar 1:00pm ah Pu C.Vanlalsanga te inah kum 2015 chhung atana hruaitu thar thlanna neih tur a ni a, member-te a tam thei ang ber kal tura hriattir leh ngen kan ni e. Tlaiah chawhlui kil hona neih nghal tur a ni.

Sd/-

(ZIRSANGLIANA)

Secretary

Zoram Drivers Union

Saikhamakawn

Q. Engnge an sawi?

Ans.= Engmah an sawi lo.

(Chawngkhûm dân tlâng huat loh)

* Kei chu ka rilru a û â mâ thei thlâwt lo, kan tih dawn ngîal pawhin ‘Kan zalen hun a lo hnâi ta’ ka ti leh tlat zel.              - Pi Zuimawii 

* Kâwn chei boruak a\ang khân ka naupai a che ve \an chiah.

                        - Pi Chawngi

* Kumin chu ka duh angin ka che thei lo a, ka hul hiâu mai.

                        - Pu C.Kapliana

* Krismas Pocket Money tur Damdawiinah ka va tuak leh keuh dawn em maw ni chu le?

                        - Pu T.Rina

* Phâia ka awm lâia Taitesena Section lam ka ngaih teh reng nen. . mahse .......

                        - R.Zodinsanga

* Min vênpui r’u, kâwnchei ka do zo lo a ni e. .

                        - Puia (Vengsâng)

* Kan Kohhran Pavalai Pawl hi ka’n hrual tak tak teh ang.

                        - Pu Allana

* Ka vote 1 hlu tak mai min pe tu kha hmân ami tho kha alawm le; lo ni le...

                        - Tv. P.C.A.

### Christmas tree, card leh christmas lam hawi hrim hrim ah hian rawng chi 3 hi a tel ngei ngei \hin a, chungte chu a sen, a hring leh gold (rangkachak) rawng te an ni tlangpui \hin. A sen hian Lal Isua thisen tih a entir a, a hring hian nunna leh thawhlehna tih a entir bawk a. Tin, gold (rangkachak) rawng hian ropuina, hausakna leh thiltihtheihna a entir bawk a ni an ti.

### Kum 1643 khan British Parliament khuan Official takin Christmas hman hi alo khap ve tlat tawh.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 400