MIPUI
AW
KARTIN CHHUAK
Vol. XX Issue No. 46 Kristian
Thalai Pawl Saikhamakawn Branch Pathianni Dt.16.11.2014
KOHHRAN PROGRAMME
16.11.2014 (Pathianni)
Sunday School a awm lovang
Chawhma Inkhawm
Camping Follow up
Speaker : Pu B.Zahmuaka
(Milungngaite \hian)
Chawhnu Inkhawm
Camping Follow up
Speaker : Pu B.Zahmuaka
(Milungngaite \hian)
Zan Inkhawm
Camping Follow up
Speaker : Tv. Lalhmangaihkima
(Dy. Speaker, Milungngaite \hian)
Thawh\an zan a\anga nilaini zan thleng hi Camping Follw-up hun hman a
ni anga, a bâk hi Kohhran Committe leh Team lam te’n an la rêl ang.
Camping
Follow-up hman anih dawn vangin K|P, Kohhran hmeichhia leh Pavalai inkhawm
Programme hranpa duan a awm lo.
CAMPING
Saikhamakawn
Presbyterian Kohhran chuan ni 11th - 15th November, 2014 chhung khân Milungngaite |hian Team-te
nênCamping chhâwng hnihna a buatsaih a, Campers Mipa 61, Hmeichhia 70, an vaiin
Campers 131 an lût a, heng zingah hian vengchhûng a\angin mi 126 leh veng pawn a\angin mi 5 an an rawn lût ve
bawk. Camping chhawng hnihna chhunga sum hmanral zawng zawng hi `.1,67,450/- vêl a ni.
Tin,
Campers-te hi Presbyterian Kohhran a\angin mi 123, Salvation Army a\angin mi 3,
UPC (NEI) a\angin mi 4 leh Baptist kohhran a\angin mi 1 an lût a ni. Campers
awm tluanchhuak hi mi 123 niin Campers awm tluan lo mi 8 an awm ve bawk.
SERMON
I PIANGTHAR TAWH EM?
- J.H. Pekmawii
Isuan a chhang a, “
Tih tak meuhvin, tih tak meuhvin ka hrilh a che, mi tupawh tuiah leh thlarauva
an pian loh chuan Pathian ramah an lut thei lovang. Tisaa piang apiang tisa a
ni; Thlarauva piang apiang thlarau a ni. I pian thar tur ka tih che hi mak ti
suh. Thli khawiah pawh a duh duhin atleh \hin, a ri i hria e, nimahsela khawi
a\anga lo kal nge, khawiah nge a kal dawn tih pawh i hre si lo; tupawh
Thlarauva piang chu chutiangin an awm,” a ti a. (Johana 3:5-7)
Ka unau duh tak
leh ka ringtu pui te u, he lai Bible changa
Lal Isuan Pharisai te zinga mi Nikodema hnena a thu sawi hi kei ni Jentailte ringtu te hnenah pawh hian nitin a
tharin a sawi reng a ni tih a hria ang u. Kei ni ringtu inti te pawh hi tuiah
leh thlarauvah ngei hian kan piang em tih hi mahni \heuh i in enfiah ang u.
Mi piangthar
chuan a phak tawk zelah Pathian duhzawnga awm a tum \hin a. Lalpan kan tana min
tihsaknaah a lawm a, Lalpa a hnaih \hin a ni. Kei ni ve hi chu tianga Pathian duh zawng ti leh a mah
hnaiha kan pianpui sualte thihsan phalin kan awm ve em le? Tam tak chu Pathian pawh ngaihsak lo, mahni nuam tih
zawng chauhva nun tum kan ni hlawm a, mahse i piangthar tawh em tiin han in
zawt ila piangthar tawh e kan ti fur hlawm si. He khawvela kan it zawng leh
chak zawng, sum leh pai dik lo lakah pawh kan piangthar leh zo lo a, zuin miten
an thupui berah Zu an ngaihtuah a, damdawi rui mite pawhin damdawi ruihna tur
ringawt an ngaihtuah a. Ruihna tur ngaihtuah lem lo te pawhin fel leh \ha inti
takin a biakbuka kal ai chuan mahni
inlum nuam kan ti zawk fo \hin. He tianga thlahdah taka kan awm mai mai chuan
min leitu Lalpa hmel kan hmu ngam dawn em ni le??
Lal Isuan tuiah leh Thlarauvah kan pianthar
loh chuan Pathian hmel kan hmuh loh tur thuin min hrilh a. Unau duh tak, Lalpa
lo kal hi a hnai tawh hle mai si a, chu mai bakah eng tikah nge kan thih dawn pawh kan hre si
lo a ni a. Kan lei taksa leh Thlarauin fam dairial a chan hma ngei hian Lal
hmel hmu ngam tura kan inpeih a ngai a ni. Tin, kan nunna Lalpa min siamtu ta a
ni si a. Eng tikah nge kan nunna a lak dawn kan hre si lo. He khawvela a mah
ring lova nungchang \hatna satliah te, piangthar si lova inkhawm tam ringawt te
hi vanram kal theihna a tling zo lo a ni. Lal Isua sawi ang a tuiah leh
thlarauvah ngei kan piangthar tur a ni.
Tuiah leh Thlarauva piang lo mi chiangthar te
chuan hlimna leh lawmna han chang ve \hin mahse hnunglam an hawi kir leh \hin.
Tisaa piang an ni. Tuiah leh thlarauva piangthar i lo niuh chuan nitin i
pianpui sual i lo thih san thei tawh ang a, i bulah miten awm nuam an lo ti
tawh ang a, mite harsatna te pawh i lo hriatthiam sak tawh dawn a ni. Cuvangin
ringtu zawng zawngte hi Lalpan tuiah leh Thlarauva piangthar turin min duh vek
a. A thu awih mai hi tih tur dik tak chu a ni e.
EDITORIAL BOARD
f
Editor
:
Pu Lalduhkima -9862648830
Jt.Editor:
Tv.F.Laldingliana - 9862378567
News
Editors :
Tv.PC.Vanlalhriatpuia - 9862732381
Tv.F.Laldingliana - 9862378567
Tv.Lalfakzuala -9862033731
Pu Benjamin Lalduhsaka -9862907973
Nl. Lal\anpuii -8974243380
Nl.Malsawmtluangi -8731059158
Circulation
Manager:
Tv. C.Laldawngliana - 8974743091
Editorial.........?
Kâihruaitu \ha...
Presbyterian
Kohhran chuan kar hnih chhung Chhandamna Camping a buatsaih a, mi \hahnem tak
lutin Pathianah lawmna thar an nei a, a lawmawm hle a ni. |henkhatte chu
Camping an chhuah hunah pawh ngaihtuahawm tak an ni kher lo ang. |henkhat erawh
chuan kaihruaitu \ha tak an mamawh ngei ang le. He mi a nih avang hian nu leh
pa tam zawkten mawhphurhna lian tak kan nei tih hriat a \ha hle amai. Kan
kaihhruai dan a zirin kan fapa kan fanu chu rinna kawngah a \hangin, kawngdik a
zawhin a zawh lo thei. Kohhran nu leh pa te hian kan pawimawhna hi hre reng ang
u.
Awle, Camping an chhuaka, camping
chhuakte lam ngaihtuah reng reng lova mahni hlimna leh mahni duh zawng lama
kaihhruai kan tum chuan a fuh ber lo thei bawk. Kan camping chhuakte hian enge
an tuipui lam kan thlir a, an tuipui lam a\anga kaihhruai kan tum a \ha viau
ang. Entirnan, kan camping chhuakte chuan hla tuipui tak an nei a ni mai thei,
chu an hla tuipui tak chu kei ni mihlim tawhsa te leh Rawngbawltu ni mekte hian kan tuipui ve thiam a, keimahni
tuipui lama kaihhruai kan tum chuan an tuina zawng zawng kan ti chhe vek thei a
ni tih hriat a \ul bawk. Kai hruaitu \ha i nih theih nan nangmah in en fiah
rawh le.
ARTICLE
CHET DAN MAWI
KHAWLAI-AH
(Chhunzawmna)
13. Restaurant-a i kalin midang midang awm vete thlir kual
ruai lovin, i \hutpui lamah i rilru pe tam ber zawk la, ti ti pui ang che. Hmunpui
deuh zawkah phei chuan thil thar alo tam a, hmel danglam deuhte pawh an lo tam
thei bawk a, chuvangin hawkdakna lakah pawh inven a ngai deuh \hin. Heng hunah
hian i \hian kalpui lakah i rilru tam
ber pek tum la, hlim taka inkawm tur a ni.
14. Restaurant-ah chuan eitur lamin au lung lung lo la, dawr
nghaktu koh vak vakte leh thleng khawn rik chinte hi a mawi lo a ni. Restanrant
han tih rau rau pawh hi tunah chuan a changkan dan a inthlau ta hle hlawm a,
kal \hang lo tan pawh mi ningkhawng thlir leh zir nachang hria chuan mualpho
lovin tihdan tur a inzir chawp ve theih viau bawk a ni.
PUIPUNNA-AH
Mizote hian
puipun hun eng eng emaw kan nei a. Chungte chu inneih ni te, thih ni te,
Krismas, Kumthar leh thil dang dang vangte pawhin puipun hun kan nei \hin. Heng
kan puipun nite hi a chhan a zirin kan hmandan tur leh kan tih turte pawh a
dang thei bawk awm e. Heng nikhuaa kan hriat tur tlangpui hengte hi chhinchhiah
ila:
1. Chhiatna lam thila lang ve ngai lo mi ni lo la, i \angkai
ve theihna awm thilah chuan inthawh ve \hin ang che. Khawtlangah thihna
emaw chhiat thawna chi hrang hrang, entirnan, mi bo zawn tur awm \umte, tui tla
zawn tur awm changte a awm \hin. Khawtlanga chet chhuahna tur awm changa lo bik
bo daih maite hi a bikin \halai tan phei chuan a mawi lo hle a ni.
2. |halai tan chuan khawtlangah mitthi an awmin mipa tan
chuan thlan laih emaw thingpui lum emaw kan \angkaina tur berah kan tel ve \hin
tur a ni. Zirlaite tan chuan a \ul zawng zawnga kan tel vek a remchang
lo thei e; tin, kan kum pawhin kan tih awm chin chu a keng bawk \hin. Mizo
tlawmngaihna erawh hi chu kan nunah \hanl;enpui ngei ila a duhawm a ni.
3. Nula tan pawh mitthi awm nikhuaah tlawmngaih chhuahna tur
chi hrang hrang - Mitthi lumen, thingpui sem, hmunphhiah etc. ah te ral ban loh
tur a ni. Mitthi lumenzanah pawn thim thama tawm tlatte hi mi nikhua lo
nih lantirna a ni.Mizo hmeichhe incheina dik tak nen a awm tawka inchei a, hmun
a awm chuan inchhungah ngei \hut \hin hi a mawi a ni.
4. Mizo lengkhawm zai chi hrang hrangte hi hmusittu ni lo
la, ngaisang a, a tam thei ang ber thiam tum mi ni ang che. Tunlai mi
\henkhat chuan mizo zaite hi kan zahpui em ni? a tih theih rum rum mai. Mahni
hnam dan zahpuitu chu mi zahpuiawm an ni zawk \hin. Kan hnam hla thluk dangdai
vetak mai te hi a chhuanawm hle zawk a ni.
5. Puipun nihkhuaah \hutna \ha leh nuam miten an lo kawhhmuh
che anih loh chuan pawngpaw zawn ngawt ching suh la, nang aia \hu awm zawk an
awm chuan ken nachang hria ang che.
6. Thingpui an rawn semin, a semtu sawi pawh nghak hman
lova, a thlum nge a hang tia lo au pui lung lung loh deuh tur a ni.
Thingpui semtute lo bengchhenpui vak hi mi thusawi lai phei chuan a \ha lo hle
\hin a ni.
BENGTI VÂR
RAM HRANG HRANGTE THIL KHAP
## Iran-ah Western
hairstyles khap : Khawthlang ramte lumeh dan \henkhat duh loh vangin Iran
Culture Ministry chuan 2010 khan Iran ram chhunga lumeh dan phal chin a siam
chu a puangzar. Heng lumeh dan a hnawl zingah hian Ponytails, Mullets Spiked
hair leh Eyebrow Pluking (mithmul pawh) te pawh a tel.
## Canada-ah Baby Walker khap : Canada ramah kum tin
naupang 200 velin inhliam nan an hman tak ziah avangin 2004 a\ang khan Canada
Sawrkar chuan ‘Baby Walker’ kawltu leh hmangtute chu $10,000 thleng chawi tir theihna dan a siam.
## Singapore-ah Chewing gum khap : Singapore Sawrkar chuan
mipuite him zawk nan 1992 a\ang khan Public Transport chhawrtu an tam em
avangin mipui kalvelna hmun ber subway door a \helret (chewin gum) man chhuah
chu a lo berah kum khat tan emaw $ 5500
thleng chawi tir theihna dan a siam.
## Saudi Arabia-ah Valentines Day hman phal loh: Saudi
Arabia-ah kawppui nei lova awmte Islam Zirtirna in a sawimawi em avangin Saudi
Arabia Sawrkar chuan Valentines day ahrana hman hi a ram chhungah a khap. He
tih lai hian a ruka Roses leh Chocolates zuar erawh an la tam ve viau tho.
## Greece-ah Video Games khap : VideoGames khelh hi 2002
a\ang khan Greece ramah chuan lungin tan theihna leh lei chawi theihna a ni.
## Russia-ah Emo nih khap : Russia Sawrkar chuan Emo
inthuam dana School leh Sawrkar hmun reng renga kal 2008 a\ang khan a khap a.
Hei hi an khapna chhan chu Emo Culture hian mahni inthahna leh rilru helna a
tipung ni a hriat vang a ni.
BIBLE QUIZ
No.46
EZEKIELA
BUNG (26-30)
A
kâr âwl dah khat rawh :
Q1.Tin, tûra kulhte chu an tichhia ang a, kulh bingsângte
chu an tichim ang; an lak ata lei zawng zawng ka ziat fai leng ang a, lungpui
_______ maiah ka siam ang.
Q2. I ramin
tuipui lai chu a chhun e, I siamtuten an timawi chung chung chuang ngei
_____________;
Q3.ngai rawh, awze mi, hnam \ihbaiawm tak i hnênah ka
rawntîr dawn a ni; i finna rah mawi chungah an khandaih an ______ ang a, i
ropuina an tikhawlo vang.
Q4.Israel
chhûngte tân luang tiang mai an lo nin tâk avângin Aigupta rama chêng zawng
zawngte chuan kei hi ________________ ka ni tih an hria ang.
Q5.Ram
tih\iau tawhte zînga pakhat a ni ang a, a khawpuite pawh chu khawpui ram
______________ zînga mi an ni mai ang.
A
bung leh châng dah rawh :
Q1. Tuipui chunga hotute zawng zawng chu an \hutthleng
ata an chhuk ang a, an puan ropui te, an dah ang a, an cheimawite an hlip tawh
ang; khurhnain an inthuam zawk ang a, mak an ti ang che.
Bung:
............... Chang:
....................
Q2. Juda leh Israelte pawh a dawrtuche an ni a, Minnith
buh leh Pannag, khawizû, Hriak leh thinghnaiin an dawr che.
Bung:
................ Chang:
....................
Q3. Tin, Benjamina thlahte chuan chutiang chuan an ti a, lamho
zinga mi anmahni zat \heuh nupuiah an man a, an kal bopui ta a: tin, an ram
lamah chuan an hawng a, khawpui chu an chei leh a, chutah chuan an awm ta a.
Bung:
................ Chang:
....................
Q4.Chuvangin LALPA PATHIAN chuan heti hian a ti a ni:
Ngai rawh, Aigupta ram chu Babulon lal Nebukadnezzara hnênah ka pe dawn a, a
thil ngah rei rûite chu a la bo anga, a rawk ang a, a râllâksak ang;
Bung
.................... Chang
.................
Hming : ......................................................
Section :
.....................................................
BIBLE QUIZ NO. 45 RESULT
Chhanna lut zawng zawng : 4
Chhang dik vek :
4
Lawmman dawngtu: Vanlalhriata (Ch.Sec)
Bible Quiz chh^nna
leh lâwmman hi Circulation Manager C. Laldawngliana hnenah thehluh a, lam \hin
tur a ni.
HRIATZAU NÂN
"Iron Lady of Manipur"
“Iron
Lady of Manipur” an tih mai Manipur hmeichhia, Irom Chanu Sharmila chanchin hi
ilo hre tawh em? Chaw a nghei avangin mahni intihhlum tum thubuai siamsak a ni,
high court leh supreme court-te pawn a chungthu hi an ngaihtuah tawh \hin a ni.
Irom Chanu Sharmila chuan an state-a sipaite
thuneihna sang tak pekna, Armed Forces Special Powers Act hlih ngiatin kum 14
pum hlum chaw a nghei tawh a ni. Kum 2000 November ni 5 a\ang khan a nghei \an
a, a chaw nghei kum 15-na in\anna pual hian November ni 5 pawh khan Manipur-a
hmun tam takah lungawi lohna te pawh an lan tir anih kha, ram chhung hmun dang
leh ram pawn a\ang pawhin Human Rights pawl hrang hrang aiawh ten Manipur hi an
tlawh phah a ni.
Hetia
chaw a nghei nachhan bulpui ber chu kum 2000 November ni 2 khan Assam Rifles
miten Imphal Airport bula Malom an tihah Civil mi 10 an kap hlum a, Armed
Forces Special Powers Act (AFSPA), “D^n sakei” an tih mai; hman a
nih avang hian an chungah hremna lek tak tak theih a nih si loh avangin lungawi
lohna lantir nan Irom Chanu Sharmila hian chaw a nghei ta a ni.
FULL FORM
YAHOO- Yet Another Hierarchal Officious
Oracle
GOOGLE- Global Organization of Oriented
Group Language of Earth
ISIS- Islamic State in Iraq and Syria
COMPUTER- Common
Oriented Machine Particularly United and used under Technical and Educational
Research.
Vawiin KHAWCHIN
Max. : 240C Min. : 180C
Ruah a sur dawn lo niin weatherforecast.com
chuan a sawi.
HNATLANG NEI
Nimin ni
15.11.2014 (Inrinni) khân K|P Saikhamakawn Branch chuan Camping-naa a \ul ang
ang tifelin hnatlang neih a ni a, mi \hahnem tak an hnatlang. Member
thawkchhuak zawng zawngte chungah Branch Committee chuan lawmthu a sawi e.
K|P BRANCH COMMITEE
K|P
Saikhamakawn Branch Committee Member-te tunkar ningani (20.11.2014) zanah hian
Kohhranin Programme a neih loh chuan Kohhran Committee Room-ah dar 6:30pm-ah
Committee neih tur a ni e.
Letter to Editor
(Editor ngaihdan a ni kher lo)
TRANFORMER CHUNGCHANG
Pu
Editor, in chanchinbuah ka ngaihdan ka rawn tarlang ve zawk teh ang.
Kan lo
hriat \heuh angin Saikhamakawn vengchhung \halai \henkhat ten tlawmngaih
chhuahin Saikhamakawn |halai Pawl tia indinin, kan vengchhungah Power supply
kan hmuh Load a hniam \hin êm avanga P&E Deptt. lamah Tranformer thar dah
turin a\theih tawp chhuahin an ngen niin ka hria a, dah theih mai tawh turin
Electric bante pawh rawn thleng vek tawh niin ka hria. A ban phunna khur tur
pawh laih vek niin Transformer thar kan neih theih dawn chuan tiin a dahna hmun
tur pawh miin phal takin an pe bawk a ni lawm ni? Mahse, Traformer thar hmuh
tur awm ta reng reng lo hi enge a chhan? Kan khawtlang hruaitute hian kan
\halaite hmalakna hi kan duh lo nge kan nawrpui loh vanga hetianga thâmral leh
ta mai hi ni zawk? Pu Editor, enge i ngaih ve dan? Khawtlang hruaitute chuan
mipuite harsatna hi an ngaihven viau tur a ni dawn law’m ni? Tin, Tranformer
thar kan nei leh thei dawn lo anih chuan mi inkawta Electric ban hnawk taka dah
reng maite khi a fel lo deuh lo maw? Tute hmalakna tur nge ni ta ang le?
Vengchhung hmangaihtu-a
TUALCHHUNG
,Pu T.Lalrinthanga h/o Lalzuithangi, Bethel veng (T.Sec) chu
Sciatica natna avangin Synod Hospital-ah enkawl mek a ni.
, Pu Vanlalfala h/o Vanlalzawmi (Ch.Sec) chu damlohna avangin Alpha
Hospital-ah enkawl mêk a ni.
, Pu Ramdinsanga h/o Lalsangliani (V.Sec) te
chuan a pathumna atân Referral Hospital-ah fapa duhawm tak an nei thar.
, Pu Isaak Lalthanmawia h/o Lallawmzuali (V.Sec)
chu Pu Laithangvunga (L) te inhnuaiah an inbawl hrang.
SPEAKER DAMDAWI IN AH
Saikhamakawn
Presbyterian Kohhran-a rawngbawl mêk Milungngaite |hian Team Speaker Pu
K.Lalngaihawma chu nimin Inrinni khan Phînga Bâwk awm avangin Aizawl
Hospital-ah zai a ni a, enkawl mêk a ni.
Kohhran
mipuiten a dam zel theih nân i \awng\ai
pui ang u.
PAWISA CHHAR
Ni
14.11.2014 (Zirtawpni) khân pawisa chhar a ni a, a neitu chuan a zat sawiin lam
theih a ni e.
C.Lalengzama
Saikhamakawn
George Memorial School Kulikawn:
Aizawl
2015
Session atân Kg-I to Class-VII Admission hawn mêk a ni. (November thla chhungin
a tlâwmin a tih theih)
School
Library, Scouts & Guides changtlung taka din a ni.
Hrechiang duh tân:
Lalhmunsiami,
Chairman
Managing Borad
Ph.- 9862751887
Prakash Thapa,
Headmaster
Ph.- 9615554237
https://www.facebook.com/groups/SKKthalaipawl/
Saikhamakawn K|P e-mail : ktpskk@gmail.com &
ktp_skk@yahoo.com
PUBLISHED BY LITERATURE SUB. COMMITTEE K|P SAIKHAMAKAWN BRANCH, COPIES : 330
A bengvarthlak thin e
ReplyDelete