MIPUI
AW
KARTIN CHHUAK
Vol. XX Issue No. 47 Kristian
Thalai Pawl Saikhamakawn Branch Pathianni Dt.23.11.2014
KOHHRAN PROGRAMME
23.11.2014 (Pathianni)
Sunday School a awm lovang
Chawhma Inkhawm
Camping Follow up
Speaker :
Team lam a\angin
Chawhnu Inkhawm
Camping Follow up
Speaker :
Team lam a\angin
Zan Inkhawm
Camping Follow up
Speaker :
Team lam a\angin
K|P PROGRAMME
24.11.2014
(Thawh\anni zan)
Pathian
faka zâi inkhawm
Hruaitu : Pu Lalremruata
|antu : Pu
Lalrinmawia
Thusawi tâwi : Upa Zonunmawia
`
Pu R.Lalmuanpuia
Thilpek lak- : Nl. Zonuntluangi
hawmtute
Nl. Judy Lalsangliani
Nl. Baby Lalduhsaki
Hla hruaitute : Tv. R.Lalzamlova
Pu Lalduhkima
Pu Lalhmangaihzuala
Keyboardist : Pu Lalchhandama
Hla hriltu : Nl. Brigette
Zonunmawii
Hemi zan hian Kohhran mipui a duh
apiang rawn inkhawm ve turin kan insawm e.
KOHHRAN HMEICHHE
PROGRAMME
25.11.2014 (Thawhlehni Zan)
Ramthim zin
Hruaitu : Pi Khawlvuani
|antu : Pi Rohlupuii
Ahmun : Sunday School
Hall
SERMON
RINGTUTE THLAMUANNA TUR
Lalpa ngei chu au tham nen, vantirhkoh
chungnung ber aw nen, Pathian tawtawrawt ri nen, van a\angin a lo chhuk dawn si
a; tin. Kristaa thi tawhte chu an tho hmasa ang a; chumi hnuah chuan keini
nunga lo la awm rengate hi boruakaah Lalpa hmuak turin an mahni rualin chhum
zingahte khian lak chhohvin kan awm ang; chutichuan kumkhuain Lalpa hnenah kan
awm tawh ang. Chuvangin heng thu hian inthlamuan tawn rawh u. (Thess. 4:16-18)
Ringtute hi Lal Isua hian thlamuanna
ropui tak min hnutchhiah a. Harsatna hmunah te, lungngaihna hmunah te, hrehawm
kan tawrhna hmunah te amah ringtu tak tak chuan Thlarau Thianghlim thlamuanna
ropui tak an nei thei \hin. Lal Isua ngeiin a zirtirte hnena a sawi ang hian
malin min kal san dawn lova, kan hnenah Thlamuantu Thlarau Thianghlim pek min
tiam a ni. Hrehawm tawrh dan inang \heuh \heuh, Isua ringtu leh ring lo tu chu
an hriat theih viau ngei ang.
Zoram ringtu tam tak te zingah enge
kan thlamuanna tur hre lo a tam theih viau ang. Tirhkoh Paula chuan Lal Isua lo
kal lehna tur a sawi a, “heng thu hian lo inthlamuan \hin rawh u” tiin min
hrilh a nih kha. Tun lai khawvelah ringtu, Lal Isua lokal lehna hlau tam tak
kan awm. Lal Isua lokal lehna mi in an sawi a lo mangang ta mai kan awm \hin
bawk. Hei hi ringtute kan nih dan tur a ni lo, kan thlamuanna tur zawk a ni. He
tiang mi kan awm a nih chuan Thlarau Thianghlim kan la nei lo em ni ang a tih
theih a ni.
Tunlai khawvelah Sakawlh hlauh avanga UID an
tih, thlalak pawh hlau an tam hle mai. Heng te pawh hi Pathian Thuah zir chiang ila hlauh ngawt chi a ni em tih
kan infiah a \ul hle mai. Thlarau mi nih
kan tum lutukna hian hlauh tur leh hlauh loh tur pawh hrethiam lo khawpin a awm
ve theih tih hi hriat a \ha hle a ni. Ringtute chuan he leiah kan awm chhungin
engpawh kan tawk thei a, harsatna tam tak pawh kan tawk ngei ang a, kan la tawk
zel dawn bawk a. Harsatna kher lo pawh thil tam tak kan la tawkin kan la
hmachhawn dawn bawk. Chung hunah chuan Van lam thlir chungin thlamuang takin
kan lo hmachhawn ang a, Lalpa tawk turin eng tik lai pawha inpeihin kan awm
dawn a ni.
Khawvelah hian hrehawmin leng mah
ila, vanah kan tan hmun a awm si. Kan hmangaih ten min kalsan mahsela,
engtikah emaw kan la in hmu khawm ngei
dawn si. Isua Krista nei lo i la nih chuan
lusunna pawh tawk la i tuar tlawk tlawk ang a, na i ti hle bawk ang.
Amah ringtu te chuan Amen lo kal ta che, Lalpa Isu tiin Pathian an au ngei ang a, lo kal thuai se an ti ang. Lal
Isua lo kal tur hian an nun a tibuai ve lo ang a, an thla a muang em em bawk
ang. Chu thlamuanna chu i nei ve tawh em le?
EDITORIAL BOARD
f
Editor
:
Pu Lalduhkima -9862648830
Jt.Editor:
Tv.F.Laldingliana - 9862378567
News
Editors :
Tv.PC.Vanlalhriatpuia - 9862732381
Tv.F.Laldingliana - 9862378567
Tv.Lalfakzuala -9862033731
Pu Benjamin Lalduhsaka -9862907973
Nl. Lal\anpuii -8974243380
Nl.Malsawmtluangi -8731059158
Circulation
Manager:
Tv. C.Laldawngliana - 8974743091
Editorial.........?
Chawimawina.....
Kan
hriat \heuh angin Saikhamakawn Presbyterian Kohhran chuan Camping chhawng hnih
neiin camping hlawhtling tak an nei a.
Nimin khan Pathian chawimawina neiin ruai nen Pathian an chawimawi a. Kan
Pathian hi chawimawi nuam ti tak mai a ni a, tin, chawimawi tlak Pathian pawh a
ni reng a ni. Mahse, Pathian hi kan chawimawi avanga mawi a ni lova, chawimawi
lo mah ila a mawi em em tho. He mi avang hian chawimawi lo tur kan ni miah si
lo. Pathian mawizia te, \hatzia te, a hmangaihna ngah zia te, a khawngaihna thukzia
hmutute chuan Pathian chawimawi hi nuam an ti \hin. Eng tik lai pawha Pathian
chawimawi thei turin kan nun hi i buatsaih sauh sauh ang u.
Hetia Pathian chawimawi kan han tih
hian, kan chawimawi Pathian ai hian a chawimawi nana ran leh sum leh pai thawhtu
te hi kan rilru-ah a lian zawk ang tih a hlauhawm hle a. Amaherawhchu heng mi
inphalte hi an fakawm hle tih erawh hriat atan a \ha hle si. Kan thil tih
engkim mai hi Pathian hmel hliahtu a ni ang tih hlau chunga kan in ven reng a
\ul hle a ni. Chutilochu kan biak Pathian hi kan ti vui ang tih a hlauhawm hle.
Pathian tana kan pekte hi kan pek Pathian hian ka hne a tih mai chuan a fu lo
viau ang. I inveng fimkhur ang u.
ARTICLE
CHÊT DAN MAWI
PAWN LAM THIL DANGAH
khawlaiah
leh puipunna hmuna awmdan turte kan tarlang tawh a, khâng bakah khan thildang
nawi tê tê kan hriat âwm ve tak tak ala awm \euh mai a, chung zinga thil
\henkhatte lo tarlang leh ila:
1.
Motor i pelh dawnin a hla thei ang ber zelah, vei lama pelh tum ang che.
2.
Kawng Cross dawnin ding lam leh i vei lam thlir la, lirthei lo kal lo awm loh
lai chauhin Cross ang che.
3.
Motor leh 2-wheeler-a chuangte hriat tumin lehhawi hû hû suh.
4.
Kawnga ke a kal ten hnung amite min lehpelhna dâl tura kal rual \hûm \hûm loh
tur.
5.
Hmeichhe tan bik- Khawlaia nuih rin lutuk a mawi lo, kan mizia tilangtu a ni.
6.
Nula tân kal paha hawi vel ruai loh a \ha. Mit châkna laka insûm tur a ni.
7.
Mi, hnunglam a\anga i lehpelh dawnin thâwm nei deuh hlek chungin an dinglam
sirah pelh \hin tur a ni.
8.
mi hnunglama i kalin an ti ti ngaithla ang zia zângin hnaitêah zui reng suh, i
duh leh kal pêl law law rawh. I nuih chhan an hriat loh chuan mi hnungah nuih
nuih bawk loh tur, an ngaih i ti \ha lo thei bawk a ni.
9.
Midangte nen in intawhin an kârah kal lût suh. Mi zahpah lohna tilangtu a ni.
10.
Hmanhmawh thilah leh kawngchêp deuh karah hma lam kalte lehpelh i duh chuan
‘excuse me’ ti a (an hriatthiamna dilin) lehpelh tur a ni.
11.
Kalkawngah mi i nêkna palh anih chuan ‘excuse me’ tiin ngaihdam dil \hin ang
che.
12.
|hiante nen Restaurant-a in kal ho anih chuan in thil ei zawhah i hmui leh kam
sirte an Napkin chhawp che khan nem hul \hin la, i kut berh pawh hrukfai nan
hmang \hin ang che.
13.
Thil eina dawhkan chunga kiu nghah a nalh lo. Thil eipaha eina hmanrua lek vu
vu pawh a nalh lo bawk.
14.
I kalna hmun tur a zirin inchei thiam ang che. Mi kawng kal kawng sir a\anga lo
chaih leh auh nawmnah hi mi changkang lo tihdan anih avangin nang chuan chîng
ve duh suh.
15.
Aia upa zawkte, Senior zawkte leh chung amite (Hnathawhnaah) zah der thiam la,
an thu pawisa in ngaichâng thiam \hin ang che.
16.
|hutkawmnaah bul amite rel niâwm taka \hiante hrilh rûk sur sur chin loh tur a
ni.
BENGTI VÂR
KHAWVELA PANGANG MAWI THLAN CHHUAHTE
1.
Hickory Horned Devil : Royal Walnut Moth lungphura la chang leh mai tur a ni. A
hnungzanga ki ni awm tak 10 zet awm hian
a ti rapawp lek lek a, hei vang
hian a hmingah pawh devil an vuah reng a. North America-ah an awm.
2.
Old World Swallow Tail Caterpillar : Papilionde zinga lo piang chhuak leh tur a
ni a, Europe leh Asia velah an awm. North America-ah pawh hmuh tur an awm.
3.
Stinging Rose Caterpillar : Rose kungah te an awm \hin. Thing chi hrang hrang
an bel bawk \hin. Apple leh sasaw thingah te pawh hmuh tur an awm \hin. Pangang
naran lo tak a ni a. mi a kang \ek chhawk chhawk thei.
4.
Red footed Fuzzy Wuzzy Caterpillar : Hetiang pangang Tarchon chhungkua zinga mi hi mumal taka a
chi nihna hriat chian a la ni lo. Costarica velah hmuh tur an awm.
5.
Spurge Hawk Moth Caterpillar : Lungphur vela la chang leh mai tur a ni a.
Kriegtal Switchzerland velah mi an ni.
6.
Cecropia Moth Caterpillar: Noth America vela lungphur lian chi Cecropia Moth an
tih pangang a ni a. Maple thingah hmuh an ni deuh ber. Theihmu lam chi pawh an
ei ve tho bawk . Silk pangang te nen chhungkaw khat an ni. Canada velah hmuh
tur a tam hle.
#
Khawvela Alarm Clock hmasa ber chu Greek Mifing Plato khân 427BC khân alo siam
daih tawh.
#
English thumalah ‘RHYTHM’ hi vowel nilo thumal sei ber a ni.
#
Mihringte kutzia hi tumah a inang lo ang bawkin lei (Tongue) zia pawh in ang a
awm lo.
#
Kut tin hi ketin aiin a lêt li in a \hang chak fe zawk.
#
Mipa aiin hmeichhia hi alêtin an \awngthei zawk. An chhût dân chuan mipa hian
nikhatah thumal 12,500 vel an chhâkchhuak a, hmeichhia chuan 25,500 chuang an
chhâkchhuak hman \hin.
#
Zimbabwe President hmasa ber hming kha President Banana tih a ni tawp mai.
#
Khawvela ram râlmuang bera sawi Iceland ram hian Army hran an nei miah lo.
BIBLE QUIZ
No.47
EZEKIELA
BUNG 31 - 35
A
kâr âwl dah khat rawh :
Q1. hnamte zînga mi chak tak kutah ka mantîr ang: a suahsual zia ang
zêlin a ______________________ ang a, ka hnawtchhuak ang.
Q2. I mite ka tlûktîr ang, râlhrât
mite khandaih, Hnamte zînga \ihbaiawm berte an ni, An tichhia ang, Aigupta mi
ropuina, A ______________ zawngte an boral ang.
Q3. Mi fel hnênah chuan,’Inung ngei ang,’ tih ka sawiin, a felna
ringa thil a tihsual chuan a thilfel tih pakhat mah hriatreng a ni lo vang; a
thil lo tihsaulnaah chuan a ___________________ zawk ang.
Q4. Hlobet \ha tak hmunahte ka
tlattîr ang a, an huang chu Israel tlangsângahte a awm ang, huang \ha tah
chhûngah an bawk ang a, Israel tlang chunga hlobet dâwng hmunahte an
________________ ang.
Q5. Israel rochun \iau avânga i lawm ang bawkin i chungah ka ti
ang: aw Seir tlâng leh Edom zawng zawng, a pumin a \iau vang: tin,
____________________ chu ka ni tih an hria ang.
A
bung leh châng dah rawh :
Q1. “Mihring fapa, Aigupta lal Pharaoa leh a khua leh a mite hnênah
sawi la: Ropuinaah tunge i an le?
Bung:
............... Chang: ....................
Q2. LALPA chuan heti hian a ti: Ka lênin nang an man ang chia, mi tam
tak nên , Ka lênin nang an man ang che.
Bung:
................ Chang:
....................
Q3. tichuan tupawh tawtawrâwt ri hriaa pawisa lotu chu, khandaih lo
thlengin boral phah ta mah sela, a thisen mawh chu amah ngeiin a phur tûr a ni.
Bung:
................ Chang:
....................
Q4. Berâmpute an awm loh avngin tihdarhin an lo awm ta a, an lo darh
a, ramsa kawlhte chaw mai an lo ni ta a.
Bung
.................... Chang
.................
Hming :
......................................................
Section :
.....................................................
BIBLE QUIZ NO. 46 RESULT
Chhanna
lut zawng zawng : 2
Chhang
dik vek : 2
Lawmman
dawngtu: Vanlalhriata (Ch.Sec)
Bible Quiz chh^nna leh lâwmman hi
Circulation Manager C. Laldawngliana hnenah thehluh a, lam \hin tur a ni.
PATHIAN CHAWIMAWI
Saikhamakawn
Presbyterian Kohhran chuan Milungngaite |hian Team nena rawngbawlna an neih kal
zelah Camping chhawng hnih neiin Follow-up hun hman a ni a, Kohhrana mi inpe
leh thilphalten thil pêk pe in nimin ni 22.11.2014 (Inrinni) khân Pathian
chawimawina hun hmangin ruai ropui takin an \heh. Bawng 2, Vawk 4 leh Ar 6 te
talh a nia, kan hriat theih chinah pawisa fai `.1,11,000/-
thawh a ni.
ZDU HRIATTIRNA
Zoram Drivers Union
(ZDU) Saikhamakawn Unit chuan ni 25th November, 2014 (Thawhlehni)
zing dar 7:00 hian YMA Rûn kawtah Road Safety Week hawnna a nei dawn
a. Hemi huna min rawn \awiâwm tur hian vengchhung mipui a tam thei ang ber sawm
kan ni a, a bîk takin Driving Licence nei tawh phawt chu kan insawm a ni e. A
hawng turin Pu. C.Vanlalsanga, President, YMA, Saikhamakawn Branch a ni ang.
Tin, thingpui tui tak a awm bawk ang.
Sd/-
(ZIRSANGLIANA)
Secretary
ZDU, Saikhamakawn Unit
George Memorial School Kulikawn:
Aizawl
2015 Session atân
Kg-I to Class-VII Admission hawn mêk a ni. (November thla chhungin a tlâwmin a
tih theih)
School Library,
Scouts & Guides changtlung taka din a ni.
Hrechiang duh tân:
Lalhmunsiami
Chairman
Managing Borad
Ph.- 9862751887
Prakash Thapa
Headmaster
Ph.- 9615554237
KRISTIAN |HALAI CHANCHINBU
Kristian
|halai chanchinbu kum 2015 atâna la duh turte K|P Member tinte rawn
inzawhchhuah a ni dawn a, la chhunzawm zel duh leh la thar duh turte chu kan
inhriattir dawn nia, mahni kan lo awm remchang lo anih pawhin kan chhungte
hnenah lo chah thei ila a lawmawm hle ang. Kum khata lâk man hi `.60/-
(Thla khatah `.5/-) chauh a ni e.
BIAL HRUAITU INTHÂK
Hlimen Pastor
Bial K|P Asst. Secretary Nl. V.Lalrindiki chuan pasal aneih tâk avangin a aiah
Pu Lalremruata chu dah a ni a, hei bâkah hian Committee Member atân Pu
Lalduhkima leh Tv. Pc. Vanlalhriatpuia chu ruat thar an ni bawk.
PRAISE 2014
Central K|P
huaihawtin Ni 5.12.2014 (Zirtawpni) zanah hian Praise 2014 chu Rajiv Ghandhi
Stadium, Mualpui-ah neih a ni dawn a, zan dar 6:00 ah \an tur a ni ang. Heta
tel tur hian member zawng zawng min sawm a, member kal duh tur kan awm chuan
Secretary-te hnênah December ni 1 ral hma ngeiin kan inhriattir dawn nia, kal
tur tam dan azirin kalna tur hi Branch Committee-in ruahmanna a siam ang.
K|P ADVANCE
CHRISTMAS
K|P Advance
Christmas chu ni 18.12.2014 (Ningani) zan hian hman leh a ni dawn.
KOHHRAN HMEICHHE NI
Ni 28.11.2014 (Zirtawpni) hi Kohhran
Hmeichhe Ni vawi 18-na a ni a, Saikhamakawn Presbyterian Kohhran Hmeichhia
chuan ruai nên lawm an tum.
TUALCHHUNG
,Pu
T.Lalrinthanga h/o Lalzuithangi, Bethel veng (T.Sec) chu Sciatica natna avanga
Synod Hospital-a enkawl anih hnûin alo chhuak.
, Pi Lalmuani w/o C.Kapliana (V.Sec) chu
damlohna avanga Civil Hospital-a enkawl anih hnûin alo chhuak.
,
Pi Hnehthangi w/o Zairemthanga (V.Sec) chu damlohna avanga Synod Hospital-a
enkawl anih hnûin alo chhuak.
,
Pu Vanlalfala h/o Lalzawmliani (Ch.Sec) chu damlohna avanga Alpha Hospital-a
enkawl anih hnûin alo chhuak.
,
Pi Lalrinpuii w/o Liankunga (L) (T.Sec) te chhungkua chuan khawi ilo vah vêl
nân Car (Wagon R) an lei thar.
,Pu
C.Laldawngliana h/o Vanlalsiami (Ch.Sec) te chhungkua chuan khawi ilo vah vêl
nân Taxi (Van) an lei thar.
,Pu
Lawmsanga h/o Thantluangi (V.Sec) te chhungkua chuan khawi ilo vah vêl nân
Scooty (Wego) thar an lei.
,Nl.
Ramdinthari d/o Lalsailovi (V.Sec) chuan khawi ilo vah vêl nân Scooty (Ray)
thar a lei.
Zanin
EPL inkhêl turte
Crystal Palace Vs Liverpool (7:00)
Hull
City Vs Tottenham (9:30)
HRIAT VE ATÂN
Nort Korea khian November ni 3, 2014
khân a ram mipui 80 laiin vantlang hmunah South Korean Film an en avang leh Bible
an kawl tia an puh avangin an ti hlum.
Vawiin KHAWCHIN
A lum lai
berin : 230C
A vawh
lai berin : 170C
Ruah sur lo turin weatherforecast.com chuan an sawi.
https://www.facebook.com/groups/SKKthalaipawl/
Saikhamakawn K|P e-mail : ktpskk@gmail.com &
ktp_skk@yahoo.com
PUBLISHED BY LITERATURE SUB. COMMITTEE K|P SAIKHAMAKAWN BRANCH, COPIES : 330
No comments:
Post a Comment