Mipui Aw 28.9.2014

MIPUI AW

KARTIN CHHUAK

Vol. XX Issue No. 39 Kristian Thalai  Pawl  Saikhamakawn Branch  Pathianni Dt.28.9.2014

VAWIIN  CHANGVAWN

Tumah mahni tana nung kan ni lo va, tumah mahni tana thi kan ni hek lo. Kan nun chuan Lalpa tan kan nung a; kan thih pawhin Lalpa tan kan thi a ni si;   -Rom 14:7&8

KOHHRAN PROGRAMME

28.9.2014 (Pathianni)

Sunday School

|antu              : Pi Lalrinngheti

Zirlai 36-na         : Thuruk puanna

Chawhnu inkhawm

Nu leh Pa ni

|antu              : Pi Sanghluni

Zaipawl          : NPSS

Thupui                       : Nu leh pa hlutzia

Thuhriltu       : Upa Lalrindika

Zân inkhawm

Kristian Chhungkaw ni

Zaipawl          : Senior Department

Thupui                       : Zirna

Thuhriltu       : Upa C.Lalmuankima

            September thla hi Beihrual Inkhawm ala nih dawn avangin  K|P leh Kohhran Hmeichhe Programme hranpa a awm lovang.

              K|P PROGRAMME

6.10.2014 (Thawh\anni zan)

Short Sermon leh \awng\ai rual

Hruaitu           :  Pi Lalhmunsiami

|antu              :  Nl. Jenifer Lalremruati

Thu Hriltute   :  Nl. Zohmingmawii

                           leh Nl. CVL Biakzuali

Thilpek lakh- :  Nl. Lalruatsangi leh

awmtu te        :  Nl. C.Zohmangaihzuali

Hla hruaitute :  Nl. R.Lalngaihawmi leh

                           Pu Lalhmangaihzuala

Keyboardist   :  Tv. Vanlaltluanga

            Hla hruaitu leh Keyboardist te hi thla chanve chhung zela inthlak tur a ni ang.

SERMON

“Duh Duh herchhuahna khawl”

- C.Lalmuanpuia.

Treasurer

Kristian |halai Pawl

Saikhamakawn Branch

          Hausakna leh zahawmna hi ka ta  a ni a, hlawhtlinna leh hmuingilna nen. Kan hnen a\anga dawn tur chu rangkachak \ha mi aiin a \ha a,. tangkaraw thianghlim ber aipawn a hlu.

 -Thufingte 8:18-19

          Kan naupan lai chuan duh duh herchhuah theihna khawl (DDHK) neih kan chak hle \hin a, duh duh herchhuahna khawl han neih a, duh duh herchhuah kha duhthusam a ni \hin reng a ni.

          Vawiina kan duhthusam chu hausakna leh zahawmnate, hmungilnate leh hlawhtlinna hi a ni awm e. Hetiang thil duh hian mi tam tak chuan a dik leh dik loh pawh kan thlu lova. Neih theihna tur anih dawn chuan sual pawh kan pawisa ta lo ani ber mai. DDHK nei ila chuan kan herchhuah tur chu a hriat hle awm e.

          Mahse, kan Pathian thu kan en chuan Pathian hnen a\anga kan dawn tur chu khing zawng zawng aia \ha khi a ni dawn, hausakna, sum leh pai leh rangkachak aia \ha zawk min pek a tiam a ni. Lunghlu \ha mi aia hlu min pe dawn a, diltute hnena pek hmang pek tiamtu Pathian hi kan Pathian a ni.

          Engpawh nise khawvela kan awm chhung hian kan duh leh \ha kan tih zâwng zawng zawng hi Pathian hian kan neih rem ti kher lova, chan tawka lungawi thiamna kan neih hi a \ul hle a ni. Tunah hian kan duh zawng leh kan chak zâwng zawng zawng hi nei thei ta ila ka nun chu a ngaihtuahawm viau mai thei. “Ram zau taka Lalbera \hut aichuan sual thunun ka nih si chuan” tiin hla siamtu chuan alo sawi a ni.    

          “Pathianin thil \ha ber min pek chu Lal Isua a ni a, a dawttu chu chatuan nunna a ni ang.”                          

 

     

EDITORIAL  BOARD

              f

Editor :

Pu Lalduhkima                     -9862648830

Jt.Editor:

Tv.F.Laldingliana                 - 9862378567

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv. C.Laldawngliana            - 8974743091

Editorial.........?

Mizotawng

            Mizo hnam van nei tak mai kan ni a. Kei mahni \awng ngei a A AW B kan han nei hi a va hlu êm! Mahse kan \awng tam tak hi tunlai \hang tharte hian kan ti thiin kan hmang ta vak lo niin a lang. Heng kan \awngte hi vawngnungtuah kan \an loh chuan tute mahin kan \awng hi min vawn nun sak dawn lova.  A \awng neitu keini Mizote ngei hian kan ngaihhlut thiam a \ul hle a ni.

            Engpawh nise kan \awng hian thleng thui viau lo mahse kan hnam \awng a nih miau avangin kan thiam a, kan hman a ngai a ni. Tunlai khawvelah naupangte leh \halai tam takin kan mizo \awnga kan neih ve ngei pawh a hming kan hriat loh a tam ta hle. Heng hi enge a chhan? in zawt dawn ila, an nu leh pa ten kan hrilh loh vang leh an hriat tura kan sawi ngai loh vang a ni a tih theih ang.

             Entir nan pakhat lek lo tar lang mai mai teh ang. Theifeimung kan tih hi naupang zawk chuan ‘Litchi’ tiin an hre zawk. Tin, \awng hmang hrim hrimah ‘tlaivar’ kan tih hi ‘tleivar’ ti a sawi leh ziak an tam mai a. Heng lo pawh hi sawi tur tam tak a awm ngei ang a, kan \awng tualleng leh kan \awng hmang hrim hrimah hian uluk tek leh kan hnam \awng a bo loh nan i fimkhur zel ang u.

           

ARTICLE

CHET DAN MAWI

Chaw Einaah

            Chaw einaa chet dan mawi hi hriat a ngai hle mai. Kan chet dan a mawl viau chuan \hiante zingah kan muapho vang tih a hlauhawm hle a ni. Mi dan leh an kalhmang zawng zawng chu hriat kim tak tak a har viau anga, a mawi leh \ha tlangpui kan hriat chuan a \ha thawkhatah ngai ila.  Heng a hnuaia mite hi hriata zawm bawk chuan mualphona tam tak a pumpelh theih a rinawm.

1.  Mi ina chaw i ei dawnin ngangma thua \hutna rem ve nghal mai tum lo la, an kawhhmuh hun nghak ang che. Chhungtin hian chaw ei hmunah \hutna hmun bik neih a ni deuh zel a, naupang \hutna hmunah i lo irem ve mai a nih chuan naupang an nuarang tihte pawh a hlauhawm a ni. Chuvangin mikhual \hutna atana an duhsakna lai ber an kawhhmuh hun nghak deuh \hin ang che.

2. Chaw bar hmasaah \ang nghal mai lo la, an chhungkaw tihdan \hin mitmei hmasa \hin ang che. Chhungkaw \henkhat chu mimal \heuhin an \awng\ai mai a, chhungkaw \henkhat erawh mimal tu emaw ber an \awng\ai tir hmasa \hin. Chungte chu i hriat hnuah leh a neitu ei \an hunah ei ve chauh \hin ang che.

3.  Ei muang lutuk lo la, ei chak lutuk bawk suh ang che. Kham hma lutuk bik chu a mawi lova, ei rei lutuk, nghah ruk deuh ngai nih pawh a nalh chiah lo. Mi ei kham ve hmaa i puar tawh a ni si chuan ‘excuse me’ ti la, i tho mai dawn nia. Mizo inah i ei a nih erawh chuan ‘ka puar hle mai’ tih pahin i thawhsan dawn nia.

4.  Chaw einaa buh mal thlauh hi chin \hana neih a awl hle a, hei hi sim hram hram tur a ni. Buhmal thlauh loh hi changkanna chi khat a ni.

5.  Chaw ei laiin thil \awp leh tenawm lam sawi suh ang che. Mi kan inang lova, \henkhat chu tenawm lam sawia chaw ei thei miah lo an awm \hin. Chuvangin chaw ei lai kher chuan thil tuihnai lo lam chu sawi loh mai tur a ni.

6.  Chawhmahah sawhbawl lam a tel chuan kuta pir lovin thirfiante(tablespoon) in suak \hin ang che. Hman lai Mizote chuan kutin an pir luia luai \hin a, kut zung\ang hnu a lang nasa hle \hin a ni. Tun lai mi chuan hetiang hi kan duh ta lova, mawihnai taka suah kan in zirtir ta zawk a ni.

7. Chaw hmuam aw lutuka \awng loh tur. Bar len lutuk te, hmai vang dawrh dawrh khawpa \hial te hi a mawi lo a ni.
|hangthar hunah hi chuan hetiang tak hi kan hmu khat ta hle. Hmanlai thingtlang chaw einaah chuan hmuh tur hi an tam \hin. Tunlai mi chuan kan sim ta viau va, sim hlen atan pawh a \ha hle.    (chhunzawm tur)

                                                           

BENGTI  VÂR

KHAWVELA PANGPAR LIAN BER

          Khawvela pangpar lian ber an tih Rafflesia Arnoldii hi thlai dangte nunna ringa nung chi (parasitic plant) a ni a,Sumatra, Indonesia ah chian hmuh tur a awm. A par mal pakhat chauh pawh hi fit thum a hlai, 11kg a rit a ni thei. A ‘Genus’ hming hi British explorer ropui, Sir Thomas Stamford Raffles hming chawi a phuah a ni nghe nghe.

HMARCHA

             Mizuram leilung ngeih em em , sum  chang thlai ni bawk si, enkawl hautak lo tak mai, a tel lova \henkhat phei chuan chaw an ei theih miah loh  Hmarcha ah hian   chemical thil, Mizoten kan hriat thiam theih tur chuan Vitamin tam tak zuk awm tlat a. Chungte chu, Protein, fat, mineral, fibre, carbohydrate, calcium, magnesium.rebofavin. oxalic acid, nicotine acid, phosphorur, iron, sodium, potassium, copper, sulphur, chlorine, vitamin A leh C leh thamine te. A \angkaina te chu. 1. Tlem tlema eiin chaw pai \awih theihnan a \anpui.

2. Thisen a tifai. 3. Thil eia a\hatna a tidanglam a, zun leh ek paih chhuahna a ti kal \ha. 4. Taksa insiam dan kalphung a vawng\ha. 5. Khawsik a tihniamin a ti reh thei. 6. Pumpui a ti chakin hnathawh a ti awlsam. 7. Taksa thothang \hatna a siam. 8. Taksaah ruhseh . ruh chuktuah na leh lung tuamtu hamda (pericadium) na a ti reh.

@@ Korean ho hi Plastic Surgery an hmang nasa a sin. a hnuai a mi hi surgery an tih hma leh an tih hnu a nih hi!!

BIBLE  QUIZ  No.39

JEREMIA BUNG (51-52)

A kâr âwl dah khat rawh :

Q1. LALPA a thinur êm êm avângin Jerusalem leh Judai ramah chuan a hma ata a paih chhuahna khawpuin thil a lo thleng ta a; tichuan Zedekia chu Babulon lal chungah a hel ta a.

Q2. Belte pawh, vutlawh te, khawnvar tihmihna te, maihûn te, thirfian te, dar bungbêl zawng zawng an hman thinte chu an la vek a.

Q3. Nebukadnezzara kum kum sâwmhnih leh kum thumnaah chuan Nebuzaradana, vengtu pâwl hotu chuan mi zasarih leh sawmli leh panga salah a hruai a: an zavai chuan sângli leh zaruk an ni.

Q4. LALPA a thinur êm êm avângin Jerusalem leh Judai ramah chuan a hma ata a paih chhuahna khawpuin thil a lo thleng ta a; tichuan Zedekia chu Babulon lal chungah a hel ta a.

Q5. Tin, bante kha chu ban pakhat san lam chu, tawng sâwm leh tawng riat a ni a, tawng samw leh tawng hnihin a vêl zo chauh a ni; a chhah lam chu zungza beng a ni a, a kawrawng a.

A bung leh châng dah rawh :

Q1. Babulon chu LALPA kuta rangkachak no, Lei pum tihruihna chu a ni a, Hnamten a uain chu an in a, Chuvangin hnamte lung a mawl zo ta.

Bung: ...............          Chang: ....................

Q2. A thiltihtheihnain lei a siam a, A finnain khawvel a din a, A remhriatnain van a tiparh a.

Bung: ................         Chang: ....................

Q3. Mahse Kaldai sipaite chuan lal chu an um a, Jeriko phaiah Zedekia chu an um phak ta a, a sipai rual zawng zawng chu a hnên ata an darh vek a.

.Bung: ................         Chang: ....................

Q4. Tin, Nebuzaradana, vengtu pâwl hotu chuan anmahni a hruai a, Babulon lal hnênah chuan Riblah-ah a rawn thlen a.

Bung ....................        Chang .................

Hming : ......................................................

Section : .....................................................

BIBLE QUIZ  NO. 38 RESULT

Chhanna lut zawng zawng : 4

Chhang dik vek                       : 4

Lawmman dawngtu: Lalhmangaihzuali (V.Sec)

         Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

SAIKHAMAKAWN KOHHRAN PAVALAI PAWL KUM 10 (2004 - 2014) TLIN LAWMNA PROGRAMME

CHAWHMA HUN

A hmun      :   Sunday School Hall

A hun         :   Ni 3rd October, 2014 (Zirtawpni)

|an hun     :   Dar 11:00am

Chairman  :   Pu C.Zakhuma (Chairman, Kohhran Pavalai Pawl)

|antu         :   Pu Vanlalfela

Secretrary Report:

|awng\ai rual:

Zaihona:

Sermon:     : Upa Lalzama

CHAWHNU HUN

|an hun     :   Dar 1:00pm

Chairman  :   Pu Siamliana (Vice Chairman, Kohhran Pavalai Pawl)

Zaihona:

Thusawi tawi :1. Kohhran Committee a\angin.

                        2. Kohhran Hmeichhe Committee a\angin.

                        3. K|P Committee a\angin.

                        4. Bial Kohhran Pavalai Pawl Committee a\angin.

Special Item   : Upa Lalzuiliana

Banna        :   Chairman kutah.

(Programme hi a \ul dan anga tihdanglam theih  a ni ang.)

Dar 3:00 PM

(A lawmna Ruai chawhlui kil ho a ni ang.)

    GRACE  ACADEMY HAWNTHAR A NI DAWN TA    

         Zirtirna \ha tak hnuaia i fate lehkha zirtir i duh chuan, Zirtirtu Experience nei \ha tak tak te’n Grace Academy 2015 Session a\angin, Pu Vanlalthawma (L) In (Near B.N. Hospital), Kulikawnah an hawng thar dawn ta, rawn ngaih ven rawh le. KG-I - Class-IV thleng chiah hawn a nih hrih dawn avangin  Seat a tam lova i tlai palh ang hlauh ang e.

       Admission form hi 29th Sept. 2014 a\anga pek chhuah a ni ang.

       Admission fee + April Fee  =   ` 1,400 /- Only

       Hrechiang duh tan a hnuaia Phone No. ah te hian biak theih an ni e.

Contact No.

8729919081 / 8575269186

THU ROTLING

# |awng\ai hmâin rinna nei hmasa la, i \awng ve hmâin ngaithla hmasa la, i hmanral hmâin thawkchhuak la, i ziah hmâin ngaihtuah la, i bansan hmâin bei nawn leh la, tin, i thih hmâ ngeiin nung ang che.

TUALCHHUNG

, Pi Hlimpuii m/o Zonunsiama Ralte (T.Sec) te chuan khawi ilo vah vel nan Car (Alto) an lei thar.

TIAM TLAT E

         J. Lalngaihawmi d/o J.Lalrinliana, Saikhamakawn leh C.Lalnunsanga s/o C.Lalbiakliana, Chhinga veng Kohhran te chuan  ni 2.10.2014 (Ningani) chawhnu dar 1:00 hian Chhinga veng Kohhran Biak In ah, Kohhran Dan Thianghlimin a nuamah emaw hrehawmah emaw, hlim lai leh bawrhsawm lai pawh a lengdun turin tiam tlat e an ti dawn.

         Fanau maltluan chawi a, nupa inkawp rem tak leh hlim tak an nih a, damchhunga lengdun turin Mipui Aw Editorial Board te chuan duhsakna kan hlan e.

Zanin EPL inkhel turte

West Brom Vs Burnley (8:00)

Thawh\an zan

Stoke City Vs New Castle (12:00)

K|P FELLOWSHIP

5.10.2014 (Pathianni Tlai)

Thupui zir

Hruaitu           : Tv. F.Laldingliana

|antu              : Tv. C.Zoramthara

Thupui           : ‘Human Trafficking

Hawngtu        : Nl. Lalramnghaki

PAVALAI PROGRAMME

2.10.2014 (Ningani)

Hruaitu           : Pu VL Zidinga

|antu              : Pu J.Thantluanga

            Rilru sawia hun hman tur a ni ang.

Thawh\an leh thawhlehni Beihrual Thupui Zir tur

( Sept.29 & 30.9.2014)

September 29 : |henawm \ha nih

September 30: Khua leh tui \ha nih

Vawiin KHAWCHIN

A lum lai berin : 270C

A vawh lai berin : 210C

            Ruah a sur dawn lo niin weatherforecast.com chuan a sawi.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui Aw 21.0.2014

MIPUI AW

KARTIN CHHUAK

Vol. XX Issue No. 38 Kristian Thalai  Pawl  Saikhamakawn Branch  Pathianni Dt.21.9.2014

VAWIIN  CHANGVAWN

“Aw Israel , i lamlet chuan ka hnenah ngei  i lo let tur a ni,” Tih hi LALPA thu chhuak a ni.          Jeremia 4:1

KOHHRAN PROGRAMME

21.9.2014 (Pathianni)

Sunday School

|antu              : Pi Ropari

Zirlai 34&35na : Thlaraulam finna & Krista fakna hla

Chawhnu inkhawm

Thupui           : Pathian zah lohna

Thuhriltu       : Pu Lalrintluanga

Zân inkhawm

Thupui           : Mahni inthunun lohna

Thuhriltu       : Pi Khawlvuani

            September thla chhung hi Beihrual Inkhawm a nih dawn avangin  K|P, Kohhran Hmeichhia leh Kohhran Pavalai Programme hranpa a awm lovang.

K|P FELLOWSHIP PROGRAMME

     21.9.2014 (Pathianni tlai)

A hmun          : Sunday School Hall

Hruaitu           : Pu Lalduhkima

|antu              : Tv. Lalmuanpuia  S/o Siammawia

Hla hruaitu     : Tv. R.Lalzamlova

Keyboardist    : Pu Lalremruata

TUN KAR CHHUNG BEIHRUAL THUPUI ZIR TUR

            ( Sept.22-27,2014)

September22      : Inneihna

September23       : Nupa nun

September24      : Fanau enkawl

September25      : Hun hman \hat

September26      : Incheina

September27      : Infiamna

SERMON

               KA DUH EM ASIN MAW LE                                                                                                                                                                             

            “Timna khuaah, Philistia-ho fanute zinga mi hmeichhia pakhat ka hmu a: ka nupuiah min neihsak rawh u,” a ti a. Tichuan a nu leh a pa chuan a hnenah, “I unaute fanute zingah emaw, kan chite zawng zawng zingah hian emaw hmeichhia an awm hauh lo em ni le, Philistia-ho serhtan lohte zinga nupui tur i zuk zawn tak mai?” an ti a. Tin, Samsona chuan apa hnenah, “Mi neihsak mai rawh ka duh em asin maw le,” a ti a. ( Roreltute 14:2&3)

            Ringtute hi Kan Lal Isua Krista hian enga tan nge min koh a, eng ti tura ruat nge kan nih kan inhriat chian a ngai hle a. Ram tina kala chanchin |ha hril tur leh Kawlkil thlenga a thu hretu ni tura a ruatte kan ni a. Hei hi mi tam tak ten kan hre lo emaw tih mai tur hian khawvel hun kan hmang  mek a. Kan mihring khawdak nunphung hrim hrima \hatna felna hi a \ha em em a, nun ho a ti nuam hle mahse hei bakah hian tih tur kan la nei Kawlkil thlenga Isua thu hretu kan nih a ngai. Hei hi Lal Isua min chhandam chhan pawh a ni a, Isua Krista ringloten an lo rin ve theihna turin kan kalna hmun apiangah thimna tieng tur a a koh leh a thlante kan ni.Chu kohna tihlawhtling tur chuan ringtu mimal tinte hian mawhphurhna lian tak kan nei a ni.

            Pathian Thua kan hmuh Samsona ngei pawh kha, Pathianin Nazarit mi ni tura a buatsaih chhan chu a mi Israel mite Philistia mite laka chhanchhuaktu atan a ni. Mahse Pathian ruat chhan chu buaipui lovin, a ma duh danin a nung a, a chungah chhiatna rapthlak tak a thlengta a ni. “Ka duh em asin mawle” a ti hial a nih kha.

            Ringtu Pathian kohna chhang duh lo tute tawpna hi a va rapthlak \hin em! Samsona ngei pawh hi a harh chhuah leh pawn a mit a chan a, a taksa ngei pawh nghai sakin a awm a, a tawpah thihna a chungah a thleng nghe nghe a ni. Keini pawh kan rawngbawlna tur hmun he khawvel thil hi “ Ka duh em asin mawle” tiin Pathian aiin khawvel thil kan thlang mek a nih hi. Chu khawvel chuan min man bet tlat a, “Ka duh em asin maw le” ka tih ngei chuan thihnaah min hruai lut mek a ni. Aw ringtu, a tlai hma hian Pathian duhdan chu zawm la, nakin i tih lai hian i tlai palh ang e. I thihna tura hruai mektu Khawvel hi kal san rawh le.

                          

 

     

EDITORIAL  BOARD

              f

Editor :

Pu Lalduhkima                     -9862648830

Jt.Editor:

Tv.F.Laldingliana                 - 9862378567

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv. C.Laldawngliana            - 8974743091

Editorial.........?

         

            Naupang Sunday School inkhawmpui kan hmang zo a, hmasawnna tur tam tak sawi tur a awm. Hmana kan tih ang kha tunah pawh kan la hmang zel a, thil pakhat erawh tih thar kan nei ve tawh a, chu chu Solo Sound Track nen an zai ve ta hi a ni mai awm e. Tun aia hmasawnna kawng kan zawh  a \ul hle in ka hria. Naupangte an theihna leh an thiamna  hai chhuah sak lamah pawh zirtirtuten mawhphurhna lian tak kan nei in a hriat bawk.

            Tunlai khawvelah changkanna chi hrang hrangin min tuam mek a. Khatia kan inkhawmpui zo kha inlamah TV-ah kan lo thlir zui thei nghal ta bawk a. Khaikhin theih turin Muallungthu Pastor Bial Naupang Sunday School Inkhawmpui kan hmu tel thei bawk a nih kha. Khang kha lo thlir vetu kan awm nual ka ring a, Muallungthu Bial naupangte kha kan Bial hian kan tluk lo deuh em le aw? a tih theih. Keini aia changkang lo zawka ka ngaih  te kha an programme duan dan te kha a changkangin naupang pawn nuam an tih hmel hlein a hriat. Kei ni Bial naupangte pawh hian han ti ve ta ila a zawngchhang tlak kan ti viau lawng maw le? Tin, Inkhawmpui pawh tun aiin an phurin an nghakhlel hle in ka ring. Thil \ha hi chu in entawn a pawi vak dawn em ni?

           

ARTICLE

CHET DAN MAWI

IN-AH (Chhun zawmna)

8. In leng neih laiin tum bur te, nu leh pa tirh hnial tlat te hi a nalh lo hle. Kan inlengte hian kan chhungkaw boruak an thlir reng a ni tih hi hriat tur a ni a, zir tur \ha an hmuh phei chuan an chhungkuaah pawh hman ve an tum duh khawp a ni.

9. Inleng neih laia \hutthlengseia mut zut rengte hi a mawi lo, inleng neih ve leh thawh vet tur a ni. TV enpah emaw inkawm pah emawa sitting room \hutthleng seia mut hi a awlin a nuam duh khawp mai. Mahse inleng mu chunga lo dawn sawn te hi a nalh lo hle a, an tan hmuh a nuam lo hle a, chuvangin thawh vat \hin hi a mawi ber a ni.

10. TV/ Tape/ Radio ring deuhva i lo play a nih pawhin mi an lo luh chuan zahna entir nan tizawi deuh la, titi deuh a \ul phei chuan ‘off’ mai a \ha.

11. Zana rei lutuk men leh chhungte rual pawha chaw ei hman lo khwpa thawh tlai chin te hi a \ha lo hle. Tunlaia chhungkaw tam tak manganna chu an daten zanah mut nachang an hre lova zingah thawh nachang an hre leh bawk si lo hi a ni an ti. Hetiang ‘habit’-ah kan nei tur a ni lo. Zan chu kham tawka kan mutna tur a ni a, khaw eng chu thawh hun leh hnathawhna atana Pathianin min pek a ni tih kan hre tur a ni.

12. |henawmte tana ninawm leh bengchheng khawpa TV/Tape play te hi chin loh tur a ni. Mi \henkhatte chu \henawmte tana ninawm khawp bengchheng siamah inthlahrun nachang an hre lo hle \hin. Damlo na tak pawh an lo awm thei a, chungte tan phei chuan a ninawm leh zual thei. Chuvang chuan mahni tana ngaihthlak nuam tawka play \hin a \ha khawp mai.

13. I in leh a vel fai thei ang berin enkawl ang che. Sitting Room chah tihfai duh tawk lovin mutna pindante, chokate leh Bath Room-te fai takin enkawl \hin ang che.

14. I \henawmte tan \henawm nuam nih tum la, \henawmte tana hnawk sakin awm suh ang che. |anpui an ngaih chuan \anpui hreh lo la, \anpui i ngaih hun a la awm ve ngei dawn tih hriat a \ha.

                                                           

BENGTI  VÂR

EBOLA VIRUS DISEASE (EVD/H2H)

* Tunlaia khawvela natna hlauhawm ber te zinga an ngaih H2H, Ebola virus (EBOV, Ebola Hemorrhagic fever tia hriat lar) hi natna \ihbaiawm tak a vei tawh 90% velin an thih pui theih natna hlauh awm tak a ni. he natna hi mihring  leh mihring intawh/ insik/in chibai a\angte hian a in kai theih vek a. He natna hi a bikin mihring leh primates an tih  heng Zawng(Gorillas, Chimpanzees), Bak leh ki pali nei (Antelops) ang chi thleng hian kan veiin kan kai thei a ni. Kum 1976 khan he natna hi Nzara, Sudan leh Yambuku ramah an lo hmu chhuak tawh a ni.

            Ebola lui kama chengte zingah a hluar leh chiam a, he ta \ang hian ahming pawh hi EBOLA tiin a pu chho hlen ta a ni. Kum 1976 a\anga a vei tawh zat hi 3000 chuang zet an ni tawh a, mi 2000 chuangin an thihpui tawh ni a chhut a ni. He natna lo chhuah dan chiah hi hriat thei  ni lo mahse mithiamte chuan Congo rama chengte hian Bak-sa an ei \hin a, Bakin chaw atana a rin Pteropodidae (thlai chikhat)-ah hian he virus hi a awm tih hmuh chhuah a ni. Chuta \ang chuan mihring leh zawng te a\angin he natna hi a lo \ai darh taah an ngai a ni.

            Kumin March thla a\ang khan Africa Khawthlang lamah he natna hi a lo hluar leh ta a. Khawvel chanchina Ebola hriin thihna a thlen tam ber a lo ni ta a ni.Tunah hian Ebola vei  4950 an chuang tawh a,2461 in nunna an chan tawh a ni.

TAWI NAWI

@ Khawvela Mihring awm zawng zawng hi awm khawm vekin inbeng muk tlat ila, melkhat a lian cubic-ah kan leng vek thei an tih chu.

@ Kan piantirh a\ang hian kan mit hi a len lam a danglam miah lova, kan beng leh hnar erawh chu a \hang tawp lo thung.

@ Kan taksa a tihrawl chak lai ber chu kan lei hi a ni.

@ Thosi hian ha (teeth) 47 lai a nei an tih teh tlat chu.

@ Vawk hi a chak theih tawpa a tlan hian mel khat tlan turin 7.5 mins chauh a mawmawh an tih teh tlat.

               

BIBLE  QUIZ  No.38

JEREMIA BUNG (46-50)

A kâr âwl dah khat rawh :

Q1.______________ lak thawmah lei a nghing a, a \ap thawm chu hnamte zingah hriat a ni ang.

Q2. Sakawr thuam ula, sakawr chuang mite u, chuang rawh u,Dar _________ khumin ding nghet ula, Fei tat hriamin thir kawr ha rawh u.

Q3. Engatinge i mi __________ hnawlbo an nih? An ding zo lo, LALPAN a paih thlâk avângin.

Q4.Sodom leh Gomora leh a vêla ______________ tihchhiata a awm ang bawkin, tumah an cheng tawh lo vang a, mihring fa tumah chutah chuan an awm ngai tawh lo vang, LALPAN a ti.

Q5. Mahse ni hnuhnungahte chuan heti hi a ni ang,Elam awm dan ka lamlettir ang,Tih hi ___________ thu chhuak ani e.

A bung leh châng dah rawh :

Q1. Gaza mite lu a kawng ta, Askelon chu a chimit ta a, A ram phaia la cheng chhunte chu; Eng chen nge i in zai dawn?

Bung: ...............          Chang: ....................

Q2. Thlahdah taka LALPA hna thawktu chu ânchhe dawngin awm sela,Thisen chhuah tûra a khandaih hmang duh lotu chu ânchhe dawngin awm rawh se.

Bung: ................         Chang: ....................

Q3. Tin, Kaldai chu rawk a ni ang a, a rawktute chu an tlai êm êm ang, tih hi LALPA thu chhuak a ni

.Bung: ................         Chang: ....................

Q4. Mahse ni hnuhnungahte chuan heti hi a ni ang,Elam awm dan ka lamlettir ang,Tih hi LALPA thu chhuak ani e.

Q5. Pharaoan Gaza a suasam hmâa Philistia mite chungchanga zâwlnei Jeremia hnêna LALPA thu lo thleng chu:

Bung ....................        Chang .................

Hming : ......................................................

Section : .....................................................

BIBLE QUIZ  NO. 37 RESULT

Chhanna lut zawng zawng : 6

Chhang dik vek                       : 6

Lawmman dawngtu: Lalrinsangi (V.Sec)

         Bible Quiz chh^nna leh lâwmman hi Circulation Manager C. Laldawngliana hnenah thehluh a, lam \hin tur a ni.

HLIMEN  PASTOR BIAL

SENIOR  DEPARTMENT

INKHAWMPUI  VAWI - 39 NA

A hun : Ni 20-21.9. 2014

A hmun: Hlimen Kohhran Biak In

Thupui          : Tleirawlte leh tunlai   khawvel

Sawitu           : Pastor C. Sapkaia

            Nizan a\ang khan Senior inkhawmpui hi \an a ni a, Nizan khan kan veng Senior zaipawl an zai a ni. Tin, thurin No. IX-na a huhovin an sawi rual bawk a ni. Hei bakah hian Kohhran tin senior department a\angin report pek a ni bawk.

Vawin  Programme

Chawhma

Pathian Biak Inkhawm (10:00am)

Chairman : Upa C. Zothanliana, Bial Secretary (Sr.)

Thupui: Tleirawlte leh tunlai Khawvel

Sawitu : Pastor C. Sapkaia

Zaipawl : Hlimen Senior Dept.

               Vengthar Senior Dept.

Combine Choir: KHB No. 465

Chawhnu

Pathian Biak Inkhawm (01:00am)

Chairman : Pastor C. Sapkaia

Thuchah : Upa Lalthlamuana        (Com. BSS)

Zaipawl : Melthum Senior Dept.

               Damveng Senior Dept.

Inkhawmban Fellowship

A hmun : Hlimen Kohhran Hall

Hruaitu : Tv. Lalkhawmawia

Vawiin KHAWCHIN

            A lum lai berin : 270C

            A vawh lai berin : 220C

     Chawhma lamah 0mm, chawhnu lamah 3mm leh zan lamah 0mm ruah tla turin a sawi

(source :weatherforecast.com)

SPORT

# Mizoram Premier League Season-III, 2014 nei meka Goal thun hmasa ber chu Lalramliana, Chanmari West FC a ni.

# English Premiere League 2014 neih meka Goal thun hmasa ber chu Kisung-Yueng, Swansea City Player a ni.

# Athletico Madrid Sriker lak thar Manzukies chu hnar ruh tliak avangin a tlemah thla hnih tal a chawlh angai dawn.

#Thursday zana 4 - 1 a Everton-in UEFA Europa League-a Wolfsburg an hneh kha an Domestic Campign-a an chak hmasak ber a ni.

# Southamton Goal Keeper Artur Borec chuan Championship Divisiom Bournemouth chu Loan in a zawm.

# Chelsea Manager Mourinho chuan City nena an inkhelhnaah Striker lak thar Diego Costa chu First ah a lut tih a tichiang ta.

Zanin EPL inkhel turte

Leicester City Vs Man. Utd (6:00)

Tottenham Vs Westbrom (6:00)

Everton Vs Crystal Palace (8:30)

Man. City Vs Chelsea (8:30)

            LIGA BBVA

Epanyol Vs Malaga (1:30)

Real Socieded Vs Almeria (3:30)

Villarreal Vs Rayo Vallecano (8:30)

Cordoba Vs Sevilla (10:30)

            EPL TABLE

Name                 Pl     Gd   Pts

1.Chelsea           4       9       12

2.Aston Villa     4       3       10

3.Swansea          4       3       9

4.Southampton          4       5 7

5.Man City        4       3       7

TUALCHHUNG

,Pu C Lalnunmawia h/o Lalramdinthari (Nutei) T.Sec (Bethelveng) chu Sciatica natna avanga New Life Hospital-a zai a nih hnuin  a lo chhuak ta.

, Pu Lalrochama s/o R.Lungtiawia (L) (V.Sec) chuan khawi ilo vah vel nan Bike (Karizma) thar a lei.

,Pu J.Lal\hakima w/o Lalbiaktluangi (V.Sec) te chuan khawi ilo vah vel nan Bike (Avenger) thar an lei.

, Tv. Malsawmdawnga s/o Lalsiama (Ch.Sec) chuan B.Com result a complain a, 1st Division-ah a pass.

K|P  T-SHIRT  LEI  THEIH

            K|P Dimond Jubilee puala T-Shirt Central K|P in a siam chu hralh zawh loh a la tam avangin CK|P chuan a theih anga leisak turin memberte min ngen a ni. A man hi `200 a ni a, lei duh chuan K|P hruaitu te hnenah in hriattir nise a \ha ang e.

K|P  SPORT

            Ni 11. 10. 2014 (Inrinni) hian Saikhamakawn K|P chuan Rajiv Gandhi Sport Stadium-ah Branch Sport hlimawm tak a buatsaih dawn a, member-te he sport lo awm tur atan hian inbuatsaih ang u.

Items turte

Backward race

Discus throw

Puana inhnuh race

In ball vawm

Football

Kabbadi

Photo session

TAWI NAWI

# Thil \o (Plant) nunna nei 85% hi tuifinriata awm a ni.

# Zawhte hian mut nan hun 66% an hmang.

# Vur tlang (Iceberg) 90% hi tui hnuaia awm a ni.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330