Mipui Aw 25.5.2013

MIPUI AW

KARTIN CHHUAK

Vol. XX Issue No. 21 Kristian Thalai  Pawl  Saikhamakawn Branch  Pathianni Dt.18.5.2014

VAWIIN CHÂNG VAWN

            Engkim tan hian hun ruat a awm a, van hnuaia thiltih zawng zawng tan hun remchâng a awm: Pian hun a awm a, thih hun a awm: Phun hun a awm a, thil phun phawi hun a awm; Tihhlum hun a awm a, tihdam hun a awm;            -Thuhriltu 3:1-3

KOHHRAN PROGRAMME

25.05.2014 (Pathianni)

Sunday School

|antu              : Pi Lalngaii

Zirlai 19-na      : Sawisel bo ni turin

Tual Upa pathum thlan tur a ni.

Chawhnu inkhawm

Thuhriltu       : Upa Vanlalrenga

                          Treasurer (Synod)

Zân inkhawm

Thuhriltu       : Upa C. Zothanliana Bial Secy. Sr.

K|P PROGRAMME

26.5..2014 (Thawh\anni zan)

Sermon inkhawm

Hruaitu           : Nl Lalrinchhani

|antu              : Tv Zomuanpuia

Thu Hriltu      : Tv. PC Vanlalhriatpuia

Thilpek lakh- : Nl Lalhmangaihsangi leh

awmtu te        : Nl Baby Lalhmangaihzuali

Hla hruaitute : Tv.Abraham Lalnunthara leh

                          Nl. Jenifer Lalremruati

Keyboardist   : Tv Vanlaltluanga

KOHHRAN HMEICHHE PROGRAMME

27.5..2014 (Thawhleh zan)

Sermon inkhawm

Hruaitu           : Pi K. Lalbiaksangi

|antu              : Pi Lalengpuii

Thu Hriltu      : Pi Laltlanzari

SERMON

  LALPA I FAK ANG U

            Aw ka nunna, LALPA chu fak la;

            Ka kawchhunga awm zawng zawngte u, a hming               thianghlim chu fak rawh u.

            Aw ka nunna, LALPA chu fak la,

            A thiltih \hat zawng zawng chu theihnghilh suh:

                                                            (Sam 103:1-2)

            Sam-ah hian Lalpa fak tura sawmna kan hmu hnem hle a, tuna kan Bible tarlan pawh khi Lalpa fak tura sawmna, a nunna leh a kawchhunga awm zawng zawngte pawhin Lalpa fak se ti a Davidan  a sawmna hla a ni a.Pathian \hatzia leh ropui zia hretute chuan Lalpa fak hi an ning lova, fak an chak em em \hin a ni.Davida ngei pawh hian Lalpa fak hi a chak em em a, a hla tin maiah hian Pathian fakna lam a tel zel bawk a. Pathian \hatnate, a ropui ziate, a ngilneihnate, a hmangaihnate, min enkawl dan zawng zawng hre chiangtu tan chuan Pathian fak leh chawimawi hi a nuam hle a ni.

            Zoram ringtu tam takte, mite nun vei a mite \awng\ai puia che ve viau \hinte pawh Pathian pawh fak peih lo kan tam ta hle mai. Biakinah pawh Pathian faka zai \ha peih lo phun sep sep ringawtte hian mite nun ka vei kan ti fo \hin.Kan Pathian hian eng tintak min ngai ang maw! Tin, an nun kan veite ngei pawh hian eng ang rilru tak kan chungah hian pu ang maw!! Mi Pathian faka theihtawp a zaia, lama,rilru leh thinlung zawng zawng a Pathian faktute hi an hmuhnawmin an va awh awm \hin em! Hlim duh si, mahse hlim khawp a zai peih si lo, tui taka zai chak mahse tui khawpa zai peih si lo Inkhawm ve tlut tlut si kan tam ta hle mai. Enge kan Inkhawm chhan te, enge Pathian Biakina kan kal chhan hi i ngaihtuah chiang leh teh ang u.

            Mi hla zawkte vei a \awng\aipui a \ha em em a, kan tih tur pawh a ni ngei e mahse, hemi piah lamah hian kan veia te ngei hian kan nunah Pathian fak a nawm ziate hmu sela a va \ha leh zual dawn em. Pathian Biakina kan zai leh kan thawm a\angte hian Pathian Biakina kal ve an chak a, Pathian Fak an chak ve theihna tur hian  Pathian Biakina kal \hinte hian Pathian kan faka kan biaka kan pawlna zawng zawngte hi theihpatawpin, \hahnemngai takin i ti thin ang u. Pathian pawh faka zai \ha peih lo hian mi hla zawk te Pathian fak turin ka sawm \hin a, mahse a sawmtute zawk hian kan hnawt \iau leh zawk fo \hin. Davidan Lalpa faka min sawm angin, amah ngei pawhin theihtawpin Pathian hi a fakin a chawimawi \hin a nih kha. Keini ringtute pawh hian theihtawpin LALPA i fak ang u.

EDITORIAL  BOARD

              f

Editor :

Tv.R.Zodinsanga                  - 8974743073

Jt.Editor:

Pu Lalduhkima                     -9862648830

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv.Laldawngliana                - 8974743091

Editorial.........?

KHAWTLANG TAN.....

                                               

            Tlem lai deuh khan chanchin thar lamah Aizawl veng pakhata vengchhung inkal pawhna tur kawngpui siamna tura a paltlang ram nei tuten phutlet nei miah lova veng hmangaihna rilru pu a an ram an pek thu te an rawn puang a, an va ti ropui em kan lo ti \hin.

            Tunhnaiah kan veng ah ngei pawh Development Committee hial te din chhovin vengchhungah inkal pawhna kawng \ha zawk a awm theihna turin theihtawpin hma an la chho mek a. A bul \an nan thlan sawn ngai te pawh hnatlangin sawn a ni a, mipuite te pawh kan phur tlang viau niin a lang. Hmalakna a kal chho leh zel turah ngai ila, kan veng aia hmun chep leh harsa ah pawh miten inkal pawhna \ha tak an neih theih chuan keini pawhin engvangin nge kan neih theih loh bik tehlul ang?

            Hmun \henkhatah kawng zauh te pawh ala ngaiin a rinawm a, chutih hunah chuan veng hmangaihna rilru puin ram nei tute pawhin thil phal kan chhuah deuh ala ngai dawn a ni. Kan veng aia inhmun lo ram hlut zawkna khawpui chhungah mah miten an ram an pek theih chuan keini pawhin kan pe phal ve dawn lawm ni.....

                       

           

ARTICLE

A  LANNA  TLANG  DANG  ATANGIN  KA  RAWN  THLIR A

                                               

Hah em em in tlang chhip chu ka thleng chho hlawl mai a,
         eng tlang nge tih pawh ka hre lem lo, ka thu hnawk a ka thlan fim a tla zawih zawih mai bawk a. Chutah ka hmalam ah hian thingphek chhe tawh tak mawih tawh lam awn thle fahrana dingah hian he thu hi a lo in ziak kulh mai a “ Tan Lam Neih Lohna Tlangah Kan Lo Lawm A Che”. Tichuan ka tho nghal a, chumi intarna dinglama pen a, thui loteah lung tohlawt hi thlanglam zawngin a lo in khawh chhuak luah mai a, ka va pan phei nghal. Chu lungtohlawt atang chuan kan thlir ta a, khawvel hmun hrang hrang ram hrang hrang hi a lo lang pe uarh mai a, ka thlir reng a, engkim mai hi a lang vek nia mawle. Ram ropui tak tak lang ruih mai chu belhchiang chak awm tak ka nih vei nen, Zopa rilru alo chhuak a niang chu kan ram Mizoram ngei mai chu ka thlurbing duhna rilru a lian ta zawk a. Chiang lehzual zawka thlir tur chuan ka thuthmun ka siam rem ta sauh sauh a.

            Chu tlangah chuan engmah hi tan bik leh awn lam a neih theih miau loh avangin  a nihna ang takin ka hmu thei a. Ram chhung political party hrang hrang kan thlir a, Mizoram hmangaihna rilru chu an neih theuh a, mahsela an hmangaih hmasa ber chu anmahni a ni vek nia mawle. Eiruk hlemhletna kawngah lah an tlan nasa em em mai a, diktaka rorel duh tlemte awm ho lah hnathawk thei lo a dahkhawm niawm fahran hian in pakhatah hian a awmkhawm vek a, chuta tang chuan an chhuak thei der si lo, mahse tumah chu zu tan bik ka nei chuang lo, ka thlir liam mai mai hi a ni ber.

            Veng hrang hrang chu kan thlir kual leh a, Pathian kohhran ho chu kan thlir bing leh hlawm a, piangthar tawh ihthlahdah tak leh zawmthaw tak hi a tam hle mai, Pathian tih mi tak tak an awm bawk a. Mahsela a landan tlangpui atanga ka zuk hmuh danah chuan Pathian rawngbawltute hi an inthlahdah hlawm niin a ka hria.

            Chutah Zoram thalai te ka thlir leh a, ruihtheihthil, mipat hmeichhiatna, zu hmun hlimna, leh mahni mipatpui leh hmeichhiatpui inkawp duh thlengin a lo hluar em em mai bawk a. Chumi kawnga kal te chu tam tak an ni. Duh duh dana awm an duh a, hlimna leh lawmna an zawnga chumi kawnga an kal theih nan engmah an pawisa hlawm lo. Chutiang taka an awm nachhana ka hmun chu Ram hruaitu lu ten Pathian tihna tak tak leh ram hmangaih aia an mahni an in hmangaih hmasak zawng vang te, Kohhran tin ten Pathian an dawr tam tawk lo vang niin ka hmu chhuak bawk a. Mahse tumah ka dem thei chuang lo, tan lam pawh ka nei thei chuang lo, tihtur ti tawk  loin an leng thuau thuau mai a ni zawk.

            Ka thu rei ta deuh a ni ang, ka mawng kham lutk chu ka tho hlawl a, ka piah kawrte tui luang ri her her lam chu kan pan phei leh a, chutlang danglam tak maiah chuan enge la awm zel tih hriatbelh chakna chuan ka khat ta tlat a, kal zel turin ka rilru ka siam fel ta a ni.

           

BENG TI VAr

CEMENT CONCRETE HI ENGNGE NI?

                                               

            Cement, balu, rawra leh tui pawlh hi ‘Cement Concrete’ tih a ni. A chawhpawlh dan (proportion) a zirin a hmanna a hrang a, a chak hlei thei bawk. Thir tel lova cement, balu, rawra leh tui chawhpawlh hi ‘Plaint Cement Concrete’ (PCC) tih a ni a. A kul leh mar zawnga \ang thei lo (PCC) chu thira tih chak (reinforced) a nih hian ‘Re-inforced Cement Concrete’ (RCC) tih a ni bawk. Cement Concrete \ha siam tura hmanraw hrang hrang te lo chhui ila :

            (a) Cement : Cement chi hrang hrnag a awm a, kan hman lar ber hi Portland Cement a ni. Cement chhia hman tur a ni lova, Cement \ha chu han zen hian a vawt vang vang a. Cement hlawm hil hel, a tlang hlel hlul chu cement \ha lo a ni a, a hlawm chu sak tak, hmeha keh mai lo a nih phei chuan hman loh mai tur a ni. Cement-a balu tel leh tel loh fiahna chu, Hydrochloric acid-ah chiah ila, cement chu a tuiral vek a, balu chu a sawm ve lo a ni. Cement hman loha dah reng chuan hetiang hian a chakna a tlahniam thei :- (1) Thla 3 chhungin za zelah 20-in (2) Thla 6 chhungin za zelah 30-in (3) Thla 12 chhungin za zelah 40-in (4) Kum 2 chhungin za zelah 50-in.

            (b) Balu : Balu \ha leh \ha lo a inthlau hle a. Balu tam takah chuan lei a tam lutuk a, chu chu a \ha lo. Lei tam leh tamlo hriatna chu- han nuai hian kut a bal thuk mai a ni. A hriatna dang leh chu-glass burah a chanve thleng balu dah a, tui thianghlim, bur hmun lia \hena hmun thum chimin chhun ni sela; nasa taka thin hnua darkar khat che lova dah hnuah balu thianghlim chu a mawngah a tla vek a, lei emaw tlak emaw a tel chuan tui kha a nu phut mai ang. Balu \ha tak chu an\am chi ang a mum hal, powder anga dip vak lo a ni. Balu a lei a tam chuan cement nen a inchar \ha thei lo. Hnah leh thil tawih (organic matter)-in a pawlh tur a ni lo.

            (c) Rawra : A hmanna tur azirin rawra hi size hrang hrang hman \hin a ni. Rawra chu chang \ha tak, kil nei (angular shape), fai \heh \hawh ni sela. Rawra phek te, sawl rit ret te, ze nei keh hma chi te, tui pai tam chi te a ni tur a ni lo. Rawra karah hian hmun awl (void) za zela 45 vel a awm a, chu chu balu leh cement-in a luah khat ang a, a pangah char beh tur anih avangin rawra mam pel leh phek chu a \ha lo bik a ni. Brick phel hi rawra anga hman theih a ni a; mahse tui a hip chak avangin RCC atan chuan a \ha lem lova, PCC atan hman a ni ber a, hman hmain tuiah rei tak chiah \hin tur a ni.

            (d) Tui : Tui leh cement inchawhpawlh tawk tehna ber chu ‘water cement ratio’ an ti a. Entirna nan, 1 cement, 2 balu, 4 rawra inpawlh atana water cement ratio chu 0.55 a ni a. Cement bag khat atan tui pawlh tawk chu 0.55 x 50 = 27.5 litres a ni. Rawra leh balu a hnawn dan azirin a danglam thung.

(Source : The Handbook of Building Construction)

BIBLE  QUIZ  No.21

ISAIA 21-25

A kâr âwl dah khat rawh :

Q1. He tlângah hian LALPA kut chu a innghat ang a, Moab chu, buhpawl hi ekdur thlia rah beha a awm thin ang hian, __________________ rah behin a awm dawn si a.

Q2. Chumi avâng chuan LALPA chu khaw chhak lamah chawimawi rawh u, LALPA, ______________.

Q3. ________________ liante u, chiau vâk vâk rawh u: in kulhbing chu tihchhiatin a awm tak hi.

Q4. Tin, a sum deh chhuah leh a hlawh chu LALPA hmaa awmte tan a ni dawn si a, _________________ an eiah leh, silhfen ropui tak an neih theih nân.

Q5. I______________ ata a hnawt chhuak ang chia, ani chuan i hotu nihna ata chu a hnuk thla ang che.

A bung leh châng dah rawh :

Q1.Lei hi tihruah fai kelh leh tihchhiat fai kelhin a awm ang; chu thu chu LALPAN a sawi tawh si a.

Bung: ...............          Chang: ....................

Q2. Aw LALPA, nang chu ka Pathian i ni a; ka chawimawi ang chia, i hming ka fak ang; thil mak tak, hmasânga remruatte chu, rinawm tak leh thutakin i ti si a.

Bung: ................         Chang: ....................

Q3. Davida khaw kulhpui chhe laite in en  bawk a, a tam tih in hria a: tin, dil thlangta zawk tuite chu in luan khawmtir a.

.Bung: ................         Chang: ....................

Q4.Tin, a sum deh chhuah leh a hlawh chu LALPA hmaa awmte tan a ni dawn si a, hnianghnara an eiah leh, silhfen ropui tak an neih theih nân.

Bung ....................        Chang .................

Q5. An kawng kawitea pengho erawh hi zawng LALPA chuan thil tisualtute nên a hruai chhuak ang. Israel-ho chungah chuan thlamuanna awm rawh se.

Bung ....................        Chang .................

Hming : ......................................................

Section : .....................................................

BIBLE QUIZ  NO. 20 RESULT

Chhanna lut zawng zawng : 2

Chhang dik vek                       : 2

Lawmman dawngtu: Samuel H.Lalhlimpuia (V.Sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

PAVALAI  PROGRAMME

29.5..2014 (Ninga zan)

Sermon inkhawm

Hruaitu           : Pu Siamhleia

|antu              : Pu C. Saienga

            Sual thupha chawinan leh mahni inhlan thar nana tawngtai rual na hun hman tur.

HRIATTIRNA

            Hall a inkhel  thin ten hall fee thlathar ni 10 ral hmain pek \hin tur a ni a, hall fee pelo te chu hall ah inkhelh a rem tawh lovang.

            Electric bill leh light repair te a ngaih \hin avangin inkhel \hin ten hall fee hi ngaipawimawh \heuh ang u.

KHER LO!

# Inkhel thiam nazawng an fit kher lo.

# Smartphone nei nazawng an smart kher lo.

# Lo vat nazawngin kham khawp thar an inring kher lo.

# Tui connection nei nazawngin tui an nei kher lo.

# Fashion thar nazawng Biak In-ah hak chi a ni kher lo.

MI RIL KAMCHHUAK

# Mihring hi a ngaihtuahna product a ni. A ngaihtuahna hi a nihna a ni.

- Mahatma Gandhi

# Thil\ha tihna tura hunawl hran pa hi a awm lo. I duh a nih chuan i siam chawp a ngai.

-Charles Buxton

vAWIIN KHAWCHIN

Max.   - 270 C  Min.   - 240  C

weather-forecast.com chuan chawhma lamah 4mm, chawhnu lamah 3mm leh zan lamah 8mm tla turin a sawi a, Accuweather.com chuan chhun lamah 13mm sr tur leh zan lamah 5mm sur turin a sawi.

necs cUP-AH CHAK

            necs cUP khelh mekah ni 23.5.2014 (zirtawpni) khan vengchhung football team leh Lengte in tumin hun pangaiah 3-3 a an inhnehtawk hnuin penalty shootout-ah kan veng football team ten 5-3 in hnehna an chang .  Kan veng tan Vanlalhruaia, David Vanlalruata leh Lalrinmawia ten goal an thun a. Nilaini hian Tlungvel nen an inkhel leh ang.

HMEICHHE DINHMUN A HNIAM MIAH LO!!!

Ram hrang hranga hmeichhe hruaitu nihna sang chelh te :-

1. Germany- Angela Merkel (Chancellor)

2. Brazil- Dilma Rousseff (President)

3. South Korea- Park Guen-hye (President)

4. Liberia- Ellen Johnson-Sirleaf (President)

5. Argentina- Cristina Fernandez de Kirchner (President)

6. Bangladesh- Sheikh Hasina Wajed (Prime Minister)

7. Iceland- Johanna Sigurdardottir (Prime Minister)

8. Costa Rica- Laura Chinchilla (President)

9. Trinidad and Tobago- Kamla Perad Bissesar (Prime Minister)

10. Slovakia- Iveta Radicova (Prime Minister)

11. Kosovo- Atifete Jahjaga (President)

12. Jamaica- Portia Simpson Miller (Prime Minister)

13. Slovenia- Alenka Bratusek (Prime Minister)

14. Denmark- Helle Thorning Schmidt (Prime Minister)

TUALCHHUNG

,Pu Zosanga h/o Vanlalhruaii (V.sec) te chhungkua chuan khawi i lo vah vek nan Scooty (Wego) thar an lei.

, Pi Lalchharliani w/o Upa Lalzama chu damlohna avanga Alpha Hospital-ah enkawl anih hnuin alo chhuak

, Lalsiama h/o Rochhungi chu damlohna avanga Greenwood Hospital-ah enkawl anih hnuin alo chhuak

PAWL THAR

            Dt.14.5.2014 zan hian Local Council member-te leh NGO hrang hrang hruaitute Local Council Chairman-na hnuaiah in hmuh khawm a ni a. He mi zan hian Pawl din niin a hming atan Saikhamakawn Development Committee tih a ni . Hei hian Veng tana Development lo kal reng reng a endikin a enfiah thin ang.

A hnuaia mi ang hian hruaitu tur leh committee member turte ruat nghal a ni.

Chairman         -           Chairman, Local Council

V/Chairman     -           President, MUP, SKK Unit

Secretary         -           Secretary, Branch YMA

Asst. Secy       -           Secretary, Local Council

Treasurer         -           Vice President, Br. MHIP

Finance Secy   -           President, Br. MHIP

Committee member-turte:

1. Local Council member-te

2. Branch YMA O.B. te

3. Branch MHIP O.B te

4. MUP O.B-te

Sd/-

( ZORAMTHANGA )

Chairman, Local Council

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330