Mipui Aw 1.6.2014

MIPUI AW

KARTIN CHHUAK

Vol. XX Issue No. 22 Kristian Thalai  Pawl  Saikhamakawn Branch  Pathianni Dt.1.6.2014

KOHHRAN PROGRAMME

1.6.2014 (Pathianni)

Sunday School

|antu              : Pi Chawngpari

Zirlai 20-na    : Hneh theih loh- ‘Nun Krista’

Chawhnu inkhawm

Thuhriltu       : Upa Lalzuiliana

Zân inkhawm

Thuhriltu       : Upa Zonunmawia

              K|P PROGRAMME

2.6.2014 (Thawh\anni zan)

Short Sermon leh \awngtai rual

Hruaitu           :  Tv. C.Laldawngliana

|antu              :  Nl Lal\anpuii

Thu Hriltu      :  Pi Lalhmunsiami leh

                           Tv. F.Laldingliana

Thilpek lakh- :  Nl Zonuntluangi leh

awmtu te        :  Nl Lalmuanpuii

Hla hruaitute :  Tv. Tlangdingliana leh

                           Tv. Pc Vanlalhriatpuia

Keyboardist   :  Tv Zomuanpuia

            Asst. Leader Pu Jeff Lalhmingsanga ngaihhruina thilpek hlan a ni ang.

KOHHRAN  HMEICHHE PROGRAMME

(Ni 3.6.2014) Ramthim zin

A hmun          : Vestry

Hruaitu           : Pi Saithangpuii

|antu              : Pi Ainawnpari

PAVALAI  PROGRAMME

Dt. 5.6.2014(Ninga zan)

A hmun     : Biak In

Hruaitu     : Pu C.Zakhuma

|antu        : Pu Lalremsiama

Thusawitu : Pu Than\huama

                   (Hlimen)

Hlimen Pastor Bial Pavalai hruaitu ten min rawn thlawh dawn a, member-te \hahnemngai takin inkhawm i tum ang u.

SERMON

              LAL ISUA A LOKAL LEH DAWN

                Lalpa ngei chu au thawm nen, vantirhkoh chungnungber aw nen, Pathian tawtawrawt ri nen, van a\angin a (I Thessalonika 4:16)          

                 

Tunlai khawvelah Lal Isua a lo kal leh dawn a ni tih awih lo leh
       ring lo an tam ta hle. Mizo Kristiante zingah pawh Pathian awm hi ring lo, alo kal lehdawn tih pawh hi awih lo hrim hrim kan tam ta bawk. Sakhuana chungchangah pawh Kristian sakhua leh sakhaw dang bete te pathian ang khata ngai kan tam tawh hle bawk. Kan Bible-ah hian hmun tam takah Lal Isua hi a lo kal leh tur thu kan hmu a. Mahse he ti chung pawh hian Pathian lam ngaihsak reng reng lo kan la tam a ni. Chanchin |ha Luka ziak Bung 21:25-28 ah chuan “ Tin, niah te, thlaah te, arsiah te chhinchhiahna  a awm ang a; tuifinriat rum leh a fawn avangin leiah pawh hnam tin hrehawmna leh manganna a thleng ang;thlabar avang leh khawvela thil lo thleng tur chu ngaihtuah avangin mite an thidang ang; van thiltihtheihna chu a nghing dawn si a. Chutih hunah chuan Mihring Fapa hi thiltihtheihna leh ropuina nasa tak nen chhum zinga lo kal an hmu ang. Tin, chung thil chu a lo thlen tirhin, en chho ula, dak chhuak rawh u; in tlanna tur chu a hnaih tak avangin, ati a” tiin amah Lal Isua ngeiin min hrilh a ni.

            Kan khawvela thil thleng kan thlir chuan Lal Isua sawi hi a thleng mek zel a, tuifinriat fawn a vang a thih na te, mitem tak mangangin an awm tak hi heng thil a vang hian dak chhuak in van lam i en ang u, kan tlanna chua hnai tawh si a. Bible chang kan tarlan ah khian Lalpa ngei chu authawm nen, vantirhkoh chungnungber aw nen, Pathian tawtawrawt ri nen, eng ang taka  ropui leh rapthlak nge ni ang le.

             Lal Isuan Harsatna leh tihduhdahna Amah ringtute chunga thleng tur a sawi te hi ngaihtuah chiang i la. Kristianten tihduhdahna kan tawrh nasat zia te hi. Amah Isua ngeiin ‘Keima hming avnaga mi zawng zawng huat in ni ang ‘ a ti a. A ma mite mangang authawm chuan Isua Krista hi a authla ngei dawn a ni. Eng ang taka rapthlak nge ni dawn le? Lalpa tawk tur hian i in peih tawh em? I la inpeih lo a nih chuan i tan tun hun hi hun lawmawm a ni, tun hi chhandamna ni chu a ni e. Lalpa ngei chu authawm nen a lo kal leh dawn. Bible hi a daw ve dawn lo, I Pathian tawk turin inpeih rawh. Lal Isua a lokal leh dawn!!!           

                 

     

EDITORIAL  BOARD

              f

Editor :

Tv.R.Zodinsanga                  - 8974743073

Jt.Editor:

Pu Lalduhkima                     -9862648830

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv.Laldawngliana                - 8974743091

Editorial.........?

            Tunhma deuh te ngaihtuah chuan kan veng pawh kawng hrang hrangah kan \hangin mihring cheng pawh kan lo tam ve ta hle mai a. Highway \ha takin min paltlang hnu phei hi chuan hman aiin lirthei veivak min paltlang tu pawh a \hahnem ta viau. Khawilai thingtlang khaw chengkerh deuh emaw ang a khawkhat a vei chem nei \ha deuh in hriat nalh nalh ang ngawt kha chu a ni ta hauh lo.

            Hetiang a nih mek lai hian vawiin ni thlenga vengchhungin chanchinbu kan neih chhun Mipui Aw pawh famkim lo tak chungin a la kal ve \ek \ek a. Duhkhawp lohna tamtak erawh a awm ngeiin a rinawm. Kan sawi tak angin veng mi leh sa kan lo tam ve tawh em avangin zirna leh thil danga veng tihming\hatu chawimawi phu tak tak te hming tih lan loh te pawh kan nei fo \hin a, a pawi kan ti \hin khawp mai. Hetiang thil\ha lamah hi chuan kan news editor te hnena in hriattir mai te  pawh hi tlawmah la ta ila a lawmawm zawk ngawt ang. Tin, neitu thinlung pu a thurawn leh rawtna \ha tak tak min pe \hin tute chungah lawmthu kan sawi a, inthlahrung hauh lovin kan chanchinbu dawrawm te hi lo ‘exam’ zel teh un.

                       

           

ARTICLE

KAN CHAKLO, MAHSE...!?

                                                        -Mawitei pa

All Mizoram Inter Village Football Tournament- 2nd NECS
         CUP khelh mekah tualchhung Local Council team ten  2nd round-ah Tlungvel hneh lovin kan chak ta lo! Mahse, football-ah he Saikhamakawn vengchhungah hian talent a awm a, theihtawp kan chhuah tlan phawt chuan a \ha zawnga kan veng hming, Zoramah a lan ve theihna kawng a awm tih chiang taka a lan vang erawh chuan a lawmawm hle. 

            Tournament a awm dawn tih hriat tirh a\angin player ten chhuah ve ngei an duh a, mahse, hmalak puitu mumal awm loh avangin inbuatsaihna duhthusam a awm thei lo a, player te phur viau mahse discipline tha tak hnuaiah inbuatsaih a ni lova, chu chu tournament hmachhawnnaah a lang chhuak ta a ni. Mahse, lawmawm tih deuh ka nei chu chu hei hi a ni ‘ Players ten theihtawp chhuaha veng tana an khel kha a lawmawmin a ropui, players zawng zawngte chungah mimal pawhin lawmthu ka sawi a ni’. Kan chaklohna hian mipui leh player, khawtlang hruaitute leh pawl hrang hrangte min au harh sela, veng leh veng inelna tournament hmachhawn a nih dawn reng rengin, veng aiawh tur player an awm a nih phawt chuan, tournament hming pu tuten tun aia nasa hian inbuatsaih pui tawh ila. Tin, player te pawhin phurpui tlakin, insum na tur zawng zawnga insum chungin theitawp i chhuah ve tawh bawk ang u tih hi ka chah duh a ni.

            Tournament hmachhawn tura inbuatsaihnaah leh tournament hmachhawn loh laia player te nundanah duhkhawp loh tamtak a awm \hin avangin mipuite rilruah inpe tak leh inhawng taka player te phurpui duhna rilru a tlahniam a, chutih laiin player lamin vengchhung mipuite tawiawmna dawng tha tawk lo, phurpui tawk lo nia hriatna a lian ve tho bawk a. Veng tana \hahnemngaih ngai ve ve si kha rilru a intawksir deuh tlat \hin, mahse, siamthat erawh a har hauh lo, penkhat ve ve mipui leh player ten pen ila a tawk a ni mai.

            Infiamna lamah chauh a ni lo, tualchhung Kohhran hrang hrang \halaite leh YMA member te chet chhuah \hin dan han thlir hian Saikhamakawn \halaite hi thatchhe chaw heh, ruihhlo vanga talbuai vek kan ni lo tih chiang takin a hmuh theih. Kaihruaitu \ha an awm phawt chuan vengchhung \halaite hi veng dang leh khawdang \halaite chungah an leng thei tlat. Hei hi khawtlang hruaitute leh pawl hrang hrang hruaituten i hre reng ang u.

            Tin, \halaite pawhin Saikhamakawn lo chu veng dang kan neilo, veng hming chhiat leh \hatah mawh kan phur tih inhre rengin veng hming ti chhe zawngin khawsa lo ila, kan phak tawk \heuhah hian veng hming ti \ha zawnga khawsak i tum hram hram teh ang u. Saikhamakawn awmna pawh hre mang lote hian loh theih loh a \ha zawnga Saikhamakawn veng hming an hriat a, hriat mai nilo, an sawi an sawi theih nan enge i tih ve dawn le? Football-a kan chaklohna hian a \ha zawngin khawtlangah hna thawk mawlh teh se.          

LAWMTHU SAWINA

            Bialtu Councellor, Pu Ramhlunsanga hma min lak sakna a zarah vengthlang panna kawng tih zauh hna thawh mek a ni a. He hna kal meka kawng zauh ngaihna avangin thlan hial sawn ngai a awm nual a, heng thlante hi an chhung ten phal taka sawn min phal sak hi kan lawm em em a, hetianga veng hmasawnna tur atana mi in phalte chungah hian Saikhamakawn Development Committee chuan lawmthu a sawi tak meuh a ni.

            Tin, Pu P. Lalupa, Kulikawn in vengchhung hmasawnna tur a ni tih hriaa a ram hlu tak mai phal taka kawng zauhna atana laih hek mim phal saktu leh hma min lak saktu Bialtu Councellor, Pu Ramhlunsanga te chungah lawmthu Saikhamakawn Development Committee chuan lawmthu a sawi tak meuh meuh a ni.

            Tin, Thlan sawn hnatlang neihnaa YMA member tlawmngaia thawk chhuak zawng zawngte chungah lawmthu kan sawi bawk e.

He hna kal mek atana kan Fund hmuh hi a tam tawk loh avangin veng chung mipuite hnatlang tur hian la koh tum a ni a, vengchhung hmasawnna tur a ni tih hriain mipuite pawh tlawmngaia thawhchhuah tum turin kan in ngen lawk bawk a ni e.

Sd/

(K.LALHULIANA)

Secretary,

Saikhamakawn Development Committee.

LAWMTHU SAWINA

   Kan nau LIANMAWIA SAILO (59) (Health Sup.), New Serchhip. Ni 28.5.2014 (Nilaini) a Civil Hospital-a boral kan inah a ruang thlahna tura hunserh hmannaah vengchhung mi a hria apiangte, veng hrang hrang a\angin amah lainattute, Health Department Welfare Association President te leh chhungkhat laina \hahnem takin min rawn hmanpui a, a lawmawm kan ti.

            Tin, Pu C.Vanlalsanga (Valtea) te chhungin a ruang zui turte eitur chawhmeh tuihnai tak tam tawk min rawn pe bawk a, vengchhung Branch YMA-in puan a ruang tuamna min pe bawk a. Kan sawi hmaih hauh loh tur  chu a ruang dahna tur ‘KUANG’ mawi tak mai Central YMA hruaitu ten a thlawnin min pe a.

            Heng kan phu loh hmangaihna kan chunga rawn lantirtute chungah thinlung takin lawmthu kan sawi a ni. LALPAN malsawm \heuh che u rawh se.

NGURA SAILO te chhung,

Saikhamakawn

BIBLE  QUIZ  No.22

ISAIA 26-30

A kâr âwl dah khat rawh :

Q1. LALPA chu kumkhuain ring rawh u: __________________ JEHOVA-ah chuan kumkhaw lungpui a awm si a.

Q2. ka thin a rim tawh lo va: buar leh hnimhlingneite lo awm mah se ka thlo veng a, hmun khatah ka hal ____________ ang.

Q3. an mawina ropui pangpâr chuai mek, ruam tha takin a khum chu, nipui hmaa theipui hmin hmasa ber, a entuin a hmuh a, a kuta a awm veleha a ei ________________ mai thin ang chu a ni ang.

Q4. Tichuan tihtlukin i awm ang a, lei hnuai a\angin thu i sawi ang a, i tawng chu vaivut zingah zawitein a ri chhuak ang; i __________ chu ramhuai aienthiam zawl aw ang lekin lei hnuai a\angin a chhuak ang a, i ___________ chu vaivut zing a\angin a lo chhuak se se ang.

Q5. A mi liante chu Zoan khuaah an awm a, a palaite chuan Janes khua an thleng ta si a.

A bung leh châng dah rawh :

Q1.Ani chuan sâng taka awmte chu a titlâwm ta si a, khawpui sâng ak chu chu chu  dah hniam a, lei thleng rawkin a dah hniam a vaivut thleng zawkin a titlu a.

Bung: ...............          Chang: ....................

Q2. Hun lo la thleng tûrah chuan Jakob-ho chuan zung an kai ang a; Israel-ho chu an kuhmumin an par ang: tichuan lei chung hi rahin a tikhat ang.

Bung: ................         Chang: ....................

Q3. Hmun fai rêng rêng awm lo khawpin dawhkan zawng zawng chu lauk leh thil bawlhhlawhin a khat a ni.

.Bung: ................         Chang: ....................

Q4. Ding eng ula, mak ti rawh u, nuam leng ula, mitdelin awm rawh u: an rui a, nimahsela uain avâng a ni lo; an pai an pai a, nimahzela zu avâng a ni lo.

Bung ....................        Chang .................

Q5. Chungho chu mi helhmang te, fa dam theite, fa LALPA dan ngaithla duh lo te, an ni si a:

Bung ....................        Chang .................

Hming : ......................................................

Section : .....................................................

BIBLE QUIZ  NO. 23 RESULT

Chhanna lut zawng zawng : 0

Chhang dik vek                       : 0

Lawmman dawngtu: Awm lo.

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

HLIMEN PASTOR BIAL K|P BIBLE QUIZ

            Vawiin Pathian Ni chawhnu inkhawm a\anga zan thleng hian Melthum Kohhranah Hlimen Pastor Bial K|P te chuan Bible quiz Competition an nei dawn a. Quiz mai bakah hian branch tin a\angin zaipawl leh Items dang hlimawm tak tak thlir leh ngaihthlak tur a awm bawk ang. A pumpuiah lawmman pakhatana leh pahnihna siam a ni anga, a dang zawng chu pathumna an ni ang a, lawmman hi Branch hminga dawn tur a ni ang. A hmaa Bial K|P Sport leh he Bible Quiz lawmman siam tur hi belhkhawma siam a ni ang. Vengchhung a K|P member te a tam thei ang ber kal i tum ang u.

Hlimen Pastor Bial Inkhawmpui Vawi 49-na Minute tih dikna

1. Inkhawmpui vawi 48-na tih kha vawi 49-na tih tur a ni.

2. Phek 3-na ah Chairman inthlakna a palai ten dingin kan hriatpui tih a dingin tih kha paih tur a ni.

3. Phek 19-na sum report a Sl. No. 1-a Bail tih kha Bial tih tur a ni.

4. Phek 20-na a sum report pe tu ah Upa C. Lalengzauva, Treasurer, Synod sum tih kha Upa Zonunmawia, Bial Inkhawmpui sum tih tur a ni.

5. Phek 21 leh 23-na a sum ruahmanna (Budget) April 2013- March 2014 tih kha April 2014 - March 2015 tih tur a ni.

ROKUNGA RIMAWI RUN

(Music zirna)

Keyboard, Guiter, Drums, Vocal, Violin zir duh tan a zir theih e. Chhun lama zir hman lo tan pawh zan lam class kan hawng thar e.

Ahmun: Saikhamakawn CP Road

Contact: 9862706986, 9862564975

JOINT COMMT REPORT/HRIATTIRNA.

            Dt.29/5/2014 zan hian Saikhamakawn joint Committe chuan meeting pawimawh tak a nei a hetah hian Local Council member-te, NGO hrang hrang-YMA, MHIP,MUP aiawh leh Kohhran hrang hrang aiawhte an tel tha hle.

            He meetingah hian Naupangte ruihhlo laka an fihlim theih zawk nan leh an hmakhua thlirin Naupangte zân lên khap ni se tih a ni a, nu leh pa te pawhin kan tu leh fate thil pawimawha kan tir a nih loh chuan zâna pawn chhuak lo tura tan lak ni se tih a ni.Tin, naupang leh tleirawl kum 20 hnuai lamte ruihhlo chungchanga Awareness Campaign hun remchangah neihpui ni se tih a ni bawk.

            Tin, kulikawn to Hlimen Taxi Welfare-in kan veng taxi fare Hlimen nen angkhat renga min hrut rual hi kan duh loh zia sawi ho a niin Kulikawnah kan veng bik tan Stand hran nei tura nawr mek a ni. Kan lehkha te AMC in tun kar nghak tura min tih angin nghah rih phawt ni se tih a ni.

            Joint Committee thu chhuak anga hun engemaw chen kan lo kalpui tawh, mithi kuang chunga pangpar dah loh leh pangpar dawn thlalak pui loh chu ngaihtuah niin tuna chinah chuan Kuang chungah pangpar (artificial) dah leh tawh ni se, tin, pangpar dawn pawh bithliah siama 5 (panga) aia tam lo thlalak pui ni se tih a ni. Hei hi mipuite kan in rualkhai theih berna tura ngaih leh tih a ni.

            Tin, Pu Laithangvunga In bul, YMA Golden Jubilee bul leh a velah hian motor eng chi pawh dah lo turin mipuite ngen leh hriattir kan ni bawk e.

Sd/-

(C.VANLALSANGA)

President, Branch YMA

Sd/-

(ZORAMTHANGA)

Chairman, Local Council

Sd/-

(LALNITHANGA)

Secretary, Local Council

Sd/-

(K.LALHULIANA)

Secretary, Branch YMA

TUALCHHUNG

, Pu Lalngaizuala h/o Lalhmunsiami (V.Sec) te chuan khawi ilo vah vel nan Scooty (Rodeo) thar an lei.

, Pu C. Lalthanmawia h/o C. Lalengi te chhungkua chu Pu Lallawmchhunga inhnuai (V.sec) ah an in sawn.

CBSE HSSLC PASS

 Judy Lalsangliani d/o Lalbiakhlua (L) - IstDivision.

OPEN SCHOOL ADMISSION

           Open School-ah Class-X leh XII April 2015 a Exam turin Admission hawn mek a ni leh ta a. Tin, kan veng a\anga ti duh tan Nl. Lal\anpuii (|antei) hnenah a tih theih reng bawk e.

Subject:     Arts

                   Science

                   Commerce

A hmun: Boys ME School (Zing)

                Boys P/S (Tlai)

Exam Center kan ni e

Contact:    9436196646

                   9612590178

                   9436360112

OPEN SCHOOL ADMISSION

           Open School-ah class-X leh XII fail te tan September 2013 a special exam nei turin admission hawn mek a ni . Class kal kher lo pawhin in lam a\anga tih theih a ni e.

Subject:     Arts

                   Science

A hmun: Chhinga Veng P/S

Contact:    9862054655

            9862559367

Vawiin KHAWCHIN

Max : 280C     Min  : 230C

Chawhma lamah 2mm, chawhnu lamah 5mm leh zan lamah 5mm.

(source :weatherforecast.com)

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330