Mipui Aw 5.1.2014

MIPUI AW

KARTIN CHHUAK

Vol. XX Issue No. 1 Kristian Thalai  Pawl  Saikhamakawn Branch  Pathianni Dt.5.1.2014

VAWIIN CHÂNG VAWN

            Chu mi avang chuan tun achinah hian keini zawngin tisa lamah chuan tumah kan hre tawh lo vang; tisa lamah Krista chu lo hre tawh mah ila, tunah zawng kan hre leh tawh lo ve. Chumi avang chuan tupawh Kristaa a awm chuan thil siam thar a lo ni a; thil hluite chu a ral ta a; ngai teh u, a lo thar ta. (II Korinth 5:17)

KOHHRAN PROGRAMME

5.1.2014 (Pathianni)

Chawhma Sunday School Inkhawm

|antu              :Pi Rokhawli

Chawhnu inkhawm

Thuhriltu       : Pu Siamliana

Zân inkhawm

Thuhriltu       : Upa R.Lalngena

  K|P PROGRAMME

 Dt. 6. 1. 2014 (Thawh\an zân)

Hruaitu           : Pu R. Lalmuanpuia

|antu              : Nl. P.C.Vanlalruati

Thuhriltu       : Upa Zonunmawia(represent)

Thilpêk lakh- : Nl. Lalrinchhani

awmtu turte   : Nl. Zohmingmawii

Hla hruaitu    : Tv.Lalhmangaihzuala

turte                  Tv. R. Zodinsanga

Keyboardist   : Pu Lalchhandama

            Hemi zan hian kan hruaitu kalchhuak Upa Lallawmchhunga thlahna thilpek hlanna neih tur a ni.

KOHHRAN  HMEICHHIA

(7. 1. 2014) Ramthim Zin

A hmun          : Pu Dawngkima In

Hruaitu           : Pi Vanlalhruaii

|antu              : Pi F. Laldawngliani

SERMON

I HUN TI THIANGHLIM LA

            I hun tithianghlim la, Lalpa pawl fo rawh, ........

            I hun tithianhhlim la, Khawvel a ral mek, .........

            I hun tithianghlimla, Lalpa thu thuin, ........

            I hun tithianghlimla, i rilru zawng nen, ......

            He khawvelah hian \ap chungin kan lo piang a, \ap chungin  khawvel hi kan la vui liam ve ngei dawn. Chumi inkar chu hringnun kan tih hi a ni. Chu hringnun khawvelah chuan Pathianin malsawmna thuah tam tak, hlimna leh lawmna, harsatna leh hrehawmna tel vekin

mi tinte min pe a.Chu nun chu sual a, bei a, hnehtu ni turin min duh a ni.Chu khawvelah chuan venneihna leh vanduaina hi mitin ban phakah a dah bawk a. Hlawhtlinna leh hlawhchhamna pawh phal takin mitin ke bulah a dah leh mai a. Tumah duhsak bik leh thlei bik pawh a nei chuang lova, a dawngsawngtu thinlungah hringnun buklung chu a dah a, a khai thiam apiang an hlawhtling a, a khai thiam lo apiang an hlawhchham mai dawn a ni.Chu hun chu Lalpa thu thuin i ti thianghlim em?

            Chunglam khian misual leh mi\ha chungah ni a sat tir a, ruah a sur tir leh mai a.Inang \hapin nikhatah darkar 24 min pe rual leh \hap mai bawk a. Chu darkar 24 chu Pathian duh dana hmangtu apiangte leh a hmang thiam apiangte chu mi vannei leh mi awhawm

an ni \hin. A hmang thiam lo leh Pathian duh dana hmang lotute chu  mi hmuhsit leh mi nuih zat an hlawh fo \hin.Chu darkar 24 hun chhung ah chuan Khawvela mihring cheng zawng zawngte hi min chhungkhung vek a.He darkar 24 chhungah hian eng nge i tih \hin? Chu mi huna i thil tih \hin chuan i hmarel a hril dawn a ni. I hun hman ral takte kha thlir kir la, inchhirna tur i nei em? Siam that tur i nei em? Eng tin nge Khawvel hi i lo hmachhawn \hin a,eng tin nge i lo hmachhawn zel dawn le?

          Zingah Khawchhak lamah mawi takin ni a lo chhuak a, chu ni eng mawi tak chuan hlimna leh nui ri tam tak a rawn paipawn tela. Mi tam tak chuan chu ni eng mawi tak chu en ngam lovin an hnungchhawn a,tap leh beidawng chungin khawvel hi an hmachhawn \hin. Siamtu hian mitin mai hi hun remchang(chance)min pe \heuh a, misual ber tan pawh insiam\hatna hun \ha chu a pek theihnghilh chuang lo. Mahse chu hun \ha chu thil \ha tih nana hmang lovin kan nuam tih zawng leh kan chak zawng tih nan kan hmang fo \hin. Siamtu in duhthlanna zalen min pek hi Zu in nan te,ruihhlo tih nan te,Mipat hmeichhiatna hman nan te,dik lo taka hleprukna leh thamna hmanga mi bumna hun atan te chuan a uihawm lutuk a ni. Chuvangin  ‘I hun ti thianghlim la Lalpa pawl fo rawh’.

EDITORIAL  BOARD

              f

Editor :

Tv.R.Zodinsanga                  - 8974743073

Jt.Editor:

Pu Lalduhkima                     -9862648830

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv.Laldawngliana                - 8974743091

Editorial.........?

THAWHHONA |HA

            Thufing pakhat chuan, “|anrual hi chakna a ni” a ti a. He thufing hian keini Mizo te hi min fan chhuak hneh viau ni tur a ni; mimal anga thil tih ai chuan hmalak na a chak zawk theih nan tiin pawl kan in din thuai thuai \hin a, hetiang kan nih avang hian mi \henkhat ten association/welfare etc.tam berna state kan ni an tih te pawh hi a dik ta ve ang. Amaherawhchu he ti taka pawl ho ang a thil tih uar e ti lo hian a tak tak ah thawhhona \ha nei mang lo hian a awm theih mai ang em le?

            Kum a lo thar a, kohhran leh khawtlang ah nihna leh chanvo hrang hrang te kan chelh chho leh dawn ta hlawm a. Heng zawng zawng ah hian thawhhona \ha a pawimawh dawn a ni. Kohhran ah a ni emaw N.G.O. lamah pawh nise pawl anga chet na vek a nih avangin midangte thawhpui thiam a \ul khawp mai.Mi pahnih khat \hahnem ngai fal te hian eng emaw chen chu pawl an khaiding thei pawh a ni mahna, mahse \anrualna tak tak a awm loh chuan zawi zawi in an ral mai \hin. Chuvangin mahni telna pawl ah \heuh \hahnemngai tak in thawk tlang ila, in lungrualna leh thawhhona \ha kan neih phawt chuan chuan kohhhran leh khawtlang tan malsawmna  thlentu kan ni ngei ang.

ARTICLE

           

Aw Siakhawpui Zawlkhawzauvah i te ber tawp love; i chhung  atangin mawina a lo chhuak dawn si a !!

                                                                                    - Mr. Black

           

            Kan ti nek nek a kumkhata kan hunpui chu kan lo hmang zo ti tih ta der mai a. Kan in rinve hmain a liam puat a, tisa leh thlarau ah keini ang duang chuan hunpui hlutna kan hriat loh karin min liamsan leh ta ruai ruai mai a, a uihawm ve \hin mang tak e aw.....!!

            Ti ve khanglang ila kan naupan lai a Christmas leh kumthar hman dan kha mahni hlim hlim in kan hlim a, kawrmawi chhete kan neih chuan tisa leh thlarau ah kan hlim ve viau \hin kha a nia. Tunah zawng  hun a dang ta, mi pa ten an fate Christmas present chu car manto te a ni tawh a, khawsak a rual lovin mamawh pawh a inchen lo \hin teh e. Mahse mite ngaihtuahna te hi a sang a, \halaite mit chakna leh chhungkaw hlimna thlengin an ngaihtuah chhuak thiam a, mi sum leh pai tha leh zung senna zar zovin kan veng chhungkaw tam tak pawhin kan mit chakna hrikthlak nan kan hmang nual a ni lawm ni? Chu chu ‘KAWN CHEIMAWI’ a ni.

            Hawh u, thil thar kan ngaihtuah chhuak thiam lo a nih pawhin a nachang kan hriat loh mi veng ten hma an lo hruai tawhna ah tal hian inlungrualin i tlan ve ang u hmiang, huphurhna ringawt a in awpbeh tir lo hian \anrualna avangin kan veng chhung kawngpui hi light decoration mawi berah siam tumin tan ila ang u. N.G.O. hrang hrang leh Local Council leh Kohhran mipui \angrualin kumbul a\ang hian ngaihtuahna seng ila, kawngpui light decoration committee hial pawh dinin tun a\ang hian sum leh pai ngaihtuah char char ila, damten chung Pathian in min hruai ang a, nakum ah chuan veng cheimawi ber leh mi te tlawh hnem ber ni tuirin hma ila ang u khai. Hma la turin mi kutah dah mai lovin hma hruai tu nih tum \heuh ila, Saikhawpui than nan i pen chhuak ang u le.

Kohhran hrang hrang te Christmas leh Kumthar ruai \heh dan report tlangpui te:

MIZORAM U.P.C.

            Vawk leh ar in ruai \heh a ni a, ruai \heh nan hian  `10,750 vel sen ral ani.

NORTH EAST U.P.C.

            Vawk leh ar in ruai \heh a ni a, ruai\heh nan hian  ` 43,700 vel sen ral ni. Kohhran member hi mi 137 vel niin ruai \heh hi mi120 bawr vel an ni.

PRESBYTERIAN KOHHRAN

            Bawng, vawk,ar leh sangha in ruai \heh a ni a,ruai\heh nan hian  ` 3,20,600 vel sen ral a ni.

            Kohhran tin ten hlim leh lawm takin Christmas leh Kumthar ruai an \heh niin report kan dawng.

BENG TI VAR

Thalaite dinhmun

# Khawvel-a mihring 50% chu kum 25 hnuai lam an ni.

# 90% kum 18 hnuai lam za zela piangthar.

# 95% kum 25 hnuai lam za zela piangthar.

# Kum 25 leh 35 inkar mi singkhat zel ah pakhat a piangthar.

# Kum 35 chung lam mi singnga zel ah pakhat a piangthar.

# Mi pakhatin kum 70 chhung hun hman dan a chhut chhuah :

                                    Kum                %

Mut  hun                      23                    32.9

Hnathawh hun             16                    22.8

TV en hun                   8                      11.4

Chaw ei hun                6                      8.6

Zin hun                                    6                      8.6

Hun awl                      4.30                 6.5

Dam loh hun               4                      5.7

Inchei hun                   2                      2.8

Sakhaw lam                 1/2                   0.7

# SEX (mipat-hmeichhiatna) hman chungchang : “Pawlawh taka sex hmang mai mai ho zingah chuan mi dang rinna te, inpawhna te a awm lo va, hei hian a hnu zelah harsatna mi dang nena inkarah a siam \hin.”

            -David Walsh, National Institute on Media and the Family, USA.

# USA-a Researcher ten an chhui danin :Hmeichhia, kum 16 vel an nih laia an virginity(thianghlimna) hlohte chuan pasal an neih hnuah in\hen an awlsam bik. Hmeichhia teenagers(tleirawl) an nih laia vawi khat atan sex hmang ho chu pasal an neih hnuah 30% chu inneih a\anga kum 5 velah an in\hen leh, 47% vel chu a hnu kum 10 velah an in\hen leh bawk.

            Teenagers nih laia sex hmang miah lo chu pasal an neih a\anga kum 5 velah 15% vel chauh an in\hen.

            Sex a hun hmaa hmang duh lote chuan Mental Health (rilru hriselna) an nei \ha bik. Hmeichhe zingah phei chuan rilru natna/buaina kum 40 an tlin hnuah pawh an nei tlem.

            “Tleirawl hun laia sex-a inhmang nasa hmeichhiate chuan rilru lamah harsatna thuk tak an nei a, mahni inhmuhsitna te, hlutna nei lo leh engmah ni lova inhriatna te an nei duh bik.” -Dr. Meg Meeker

* Thu paruk pawimawh ber chu,”Ka lo tisual palh a ni,”

* Thu panga pawimawh ber chu,”I ti \ha lutuk tlat,”

* Thu pathum pawimawh ber chu, “I remtih chuan,”

*Thu pahnih pawimawh ber chu, “Ka lawm e,”

* Thu pawimawh lo ber chu,”Ka” tih hi a ni.

                                                - David Weiss

BIBLE  QUIZ  No.1

SAM  NUMBER 126 - 130

A kâr âwl dah khat rawh :

Q1. LALPAN __________________ salte a hruai kir leh lai khan, Mumanga mangtute ang mai kan ni a.

Q2. Aw LALPA, sala kan tang hi min hruai kir leh ang che,__________________rama luite angin.

Q3. Zing takah in tho va, tlai takah in chawl a. Thawhrimna chaw in ei thin hi, in tan a thlawn mai a ni: Hetiang hian a mi duh tak chu a______________________thin a ni.

Q4. A thal bâwm faa khat nei mi chu an nihlawh e:

Kulh kawngkaa an dote an biak lai phawin An _____________________ lo vang.

Q5. I kut thawhrim rah chu i ei dawn si a: lawm takin i awm ang a, ____________________ i awm bawk ang.

A bung leh châng dah rawh :

Q1. “LALPA malsawmna in chungah awm rawh se;

LALPA hmingin mal kan sawm che u hi,”

A kal peltuten an ti ngei hek lo.

Bung: ...............          Chang: ....................

Q2.“Ka naupan tet ata miten vawi tam tak mi timangang a,”Nimahsela mi hneh si lo.

Bung: ................         Chang: ....................

Q3. LALPA, nangin khawlohnate i chhinchhiah chuan,

      Aw LALPA, tunge ding ang le?

.Bung: ................         Chang: ....................

Q4. |ap chungin buh chi feh chhuahpui mah sela,

       A buh phalte kengin hlim takin a lo haw leh ang.

Bung ....................        Chang .................

Q5. Vengtuten khawvar an thlir aia nasain,

A ni, vengtuten khawvar an thlir aia nasa mahin,

Ka nuna hian LALPA chu a thlir reng thin a ni.

Bung ....................        Chang .................

Hming : ......................................................

Section : .....................................................

BIBLE QUIZ  NO. 51 RESULT

Chhanna lut zawng zawng : 4

Chhang dik vek                       : 4

Lawmman dawngtu     : Mary Lalmuansangi (V.sec)

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

2014 CHHUNGA MIPUI AW SEM TU TUR TE :

BIAL NO. 1

         Tv. Lalbiakdika

         Tv. Saithangpuia

BIAL NO. 2

          Tv. Lalchhuanvawra

          Tv. Zonunmawia

BIAL NO. 3

         Nl. M.S.Dawngliani

         Tv. Lalrindika

BIAL NO. 4

         Tv.Lalventluanga

         Nl.Lalmuanpuii

BIAL NO. 5

         Tv.C.Lalmalsawma

         Nl.Amy Lalhmangaihzuali

         Nl.Lalrinmawii

BIAL NO. 6

         Tv.C.Lalchhanhima

         Nl.C.Zodintluangi

BIAL NO. 7

         Tv.Zomuanpuia

         Nl.P.C.Lalrinmawii

BIAL NO. 8

         Tv.Vanlalhmangaihzuala

         Nl.Lalhmangaihsangi

BIAL NO. 9

         Tv.Vanlaltluanga

         Nl. Lalrammawii

E-ROLL HRIATTIRNA

            Electoral Roll-a inthun dil zawng zawngte kha naktuk 6th January 2014 (Thawh\anni ) tlai lam dar 3:00 P.m hian Y.M.A. Run- ah hearing neih tur a ni a, Birth Certificate kenga kal vek tur a ni.

            Rokhawlhna avanga kal thei lo te chu an chenpui chhung te zinga mi, puitling ngeiin a dinsak thei ang. Hearing na a kal loh hian Roll a thun loh theih a nih avangin a ngai pawimawh \heuh tur a ni.

VAWIIN KHAWCHIN

            A lum lai berin : 200C

            A vawh lai berin : 160C

     Ruah sur lo tur a sawi a ni.

(source :weatherforecast.com & accuweather.com)

HRIATTIRNA

1.      Kum 2014 Group hrang hrang hruaitu tur te naktuk  Dt.6.1.2014 (Thawh\an Zan) inkhawm banah Sunday School Hall ah thlan tur a ni a. K.T.P. member te a tam thei ang ber kal tur in kan in sawm e. Group member list hi Sunday School Hall notice board ah tar a ni.

2.      Dt.12.1.2014 (Pathianni) khi Saikhamakawn Branch K.T.P. dincham vawi 39-na a ni a. He mi pual hian Dt.11.1.2014 (Inrinni) hian Synod Hospital Durtlang tan thisen pek leh tur ani. K.T.P. member te thisen pe tur hian kan insawm e.

Sd/-

Secretary

 K.|.P Saikhamakawn Branch

 HRIATTIRNA

         Z.D.U. Saikhamakawn Unit Dt.17.12.2013 a kal khawm chuan kum 2014 chhung a hruaitu a tan a hnuaia mi te hi lungrual takin an thlang.

President                    :  Pu R.Lallura

Vice President : Pu J.Malsawma

Secretary           :  Pu Zirsangliana

Asst. Secretary : Pu Zonunsiama

Treasurer            :PuJeff Lalhmingsanga

Fin. Secretary   :M.S.Dawngliana

te an ni a. Tin, member ni duh tan Driving Licence nei tawh phawt chu member a nih vek theih a, Secretary leh Treasurer hnenah member fee hi pek theih reng a ni e.

Life member        : `3500 (Dam chhung atan)

Member thar tan : `400 (Kum 1 atan)

Member hlui tan : `300 (Renew na)

         Member thar tan hian Passport Size copy 2, Driving Licence No. leh rokhawmtu tur ziah lan ngei tur a ni.

Sd/-

Secretary

Z.D.U. S.K.K. Unit

TUALCHHUNG

,Pu Samir Paul  te chhungkua chu Kulikawn Hmunthar a\angin Pu Lalhmunmawia in (T.sec) ah an rawn insawn.

2014 Y.M.A. section hrang hrang

hruaitu thlan chhuah thar te :

Vanapa section

Leader         :Pu C.Lalnunsanga

Asst.leader:Pu Stephan Lalchantluanga

Secretary:Pu Tommy Zirnuntluanga  

Asst. Secretary :Tv.Lalfakzuala

Treasurer                   :Nl.Baby Zothanpuia

Fin. Secretary            :Nl.Lalawmpuii

                                                Hruaitu hlun Pu Zoliansanga (Apui-a) sunna hun hman niin inthlan na a kal te ngawi rengin minute khat an ding.

taitesena section

Leader         :Pu R.Lalhmingliana

Asst. leader :Pu C.Lalthlengliana

Secretary     :Pu Zonunsiama   

Asst. Secretary :Pu Zodinpuia

Treasurer                   :Pu C.Lalhmangaiha

Fin. Secretary:Nl.Pinky Lalparmawii

chawngbawla section

Leader              :Pu B.Lalrinzauva

Asst. leader       :Pu J.Lalrinthanga

Secretary          :Pu Lalzahawma  

Asst. Secretary :Pu Zoramchhana

Treasurer                               :Tv.Ramnunngaia

Fin. Secretary  :Nl.Lalchhanchhuahi

TIAM  TLAT  E

C. Lalnghakhleli

d/o C. Vanlalsanga Saikhamakawn

leh

H.D. Kaisata

s/o Neihhniangi Darlawn Venghlun

te chuan 7th January, 2014 (Thawhlehni) 12:00 noon hian Saikhamakawn Kohhran Biak In-ah a nuamah pawh, hrehawmah pawh; kumkhuaa lêngdun turin ‘tiam tlat e’ an ti dawn.

            Fanâu maltluan châwia nupa inlungrual tak ni turin Mipui Aw Editorial Board-te chuan duhsakna kan hlân e.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330