Mipui Aw 1.1.2014

MIPUI AW

SPECIAL ISSUE

Vol. XX Issue No. 1 Kristian Thalai  Pawl  Saikhamakawn Branch  Kumthar ni Dt.1.1.2014

Vawiin chang vawn

            Chutichuan, ‘Engnge kan ei ang?’ emaw, ‘Engnge kan in ang?’ emaw, ‘Eng sinin nge kan awm ang?’ emaw tih, lungkham suh u, Jentailten chung zawng zawng chu an zawng thin a ni. Chung zawng zawng chu in mamawh tih in Pa vana mi’n a hre reng a ni.A ram leh a felna chu zawng hmasa zawk rawh u, tichuan chung zawng zawng chu a pek belhchhah dawn che u nia.Chutichuan, atuk atan lungkham suh u, atuk chuan ama tan a lungkham chawp dawn si a. Ni khat atan ni khat hrehawm chu a tawk a ni.

KOHHRAN PROGRAMME

1.1.2014 (Kumthar ni)

Chawhma inkhawm

|antu              :Pi Khawlchhingi

Thupui                       :“Pathian hnena lawmthu sawi”

Sawitu                        : Upa Lalrindika

            Vawiin chawhma inkhawmah hian Kumthar thawhlawm l^kkhawm a ni ang a, Kohhran hmeichhia te’n an buaipui ang. Tin, he kumthar thawhlawm lakkhawm hi kum 2014 Kohhran Committee  Chairman Upa Lalzama’n Pathian hnênah a hlân ang.

Zan inkhawm

Thupui                       : “Kumchhiar dan thar”

Sawitu                        : Pastor C. Sapkaia

K.T.P. HRIATTIRNA

            Naktuk  ni 2.1.2014 (Ningani) nileng hian Biak In leh a vel then fai hnatlang neih tur a ni a,  K.|.P. member te a tam thei ang ber thawh chhuah i tum ang u. Zing dar 9:00 ah Biak In ah kim \heuh nise, tlai lamah chawhlui kil ho nghal tur a ni ang.

           

           

           

SERMON

KAN VAWIIN HUN

            “A tuk lama thil lo awm tur chhuang suh, chu mu ni chuan eng nge a rawn chhuahpui dawn i hre si lo”. (Thufingte 27:1)

            Kumhlui kan thlah liam a, kumthar kan chuang kai leh ta. Kumhlui leh kum hmasa a thil kan lo tih tawh te chu an her liam ta vawng vawng zel a. Khawvel a hun kan lo hman tawh \hin ah khan kan thiltih \hat aiin kan thiltih chhiat khan mi rilru a luah duh zawk mah \hin. Chuvangin kan thiltih tur hi ngun taka kan ngaihtuah lawk a ngai a ni. Pathian thu a kan hmuh angin kan damchhung ni hi kum 70 a ni a, mi chak leh mi hrisel \ha deuh te chu kum 80 dam pawh an awm nual awm e. Mahse Bible in a kan damchhung ni a tih hmang zo ta lo a mual liam ta hi a tam zawk an ni ngei ang. Pathian in a min ruat dan hi i luah zo ve angem le?....

            Mi tam tak a hun lo mual liam kan tihte an dam chhung ni an hman dan nen an thih dan pawh a inmil hle mai han tih theih an awm nual mai. Tuna ka damlai a ka thil tih mek leh tih \hin hi Pathian hma ah kan din pui ngam angem le? Tuna kan thil tih mek hian chatuan a hawlh an ti \hin. Chuvangin kan nun leh kan thil tih hi Pathian duhzawng a ni em tih kan inenfiah fo a tul awm e. Tunlai a

\halai ten kan uar em em mai ‘It’s my life’ kan tih fo mai te hi ‘It’s my life’ ti chungin hremhmun/meidil lamah i liam mai ang tih hi a hlauhawm hle a ni.

            Kumhlui chu kumhlui a ni a, kan hun lo hman tawh kha eng ang pawhin siam\hat leh duh mah ila kan siam\ha thei tawh dawn lo. Mahse kumthar Lalpa’n min hruai thleng a, kum a thar anga kan rilru pawh kan siamthar a ngai a ni . Kan tun nun hi a pawimawh hle a, Bible in ‘A tuk lama thil lo awm tur chhuang suh, chu mi ni chuan eng nge a rawn chhuah pui dawn i hre si lo’ min tih ang hian kan hun hman mekah i fimkhur lehzual ang u. Mi \henkhat Vanramtuala lenga inngai, mahse an vawiin nun erawh hremhmun kotlanga ding tam tak an awm. I awm dan leh i nih dan, i nunphung kha i \henawm pa leh i \henawm nu te khan an hre chiang viau thei a ni. Chu ai mah chuan Lalpa’n a hre chiang zawk dawn che a ni. Pathian mi dik tak i nih zia i \henawm khawveng te hriattham a ni ngei dawn lawm ni?

            Kumhlui kan thlah dan te, kumthar kan hmuah dan te Pathian duhzawng a ni ang em? Tin, he kumthar i lo nghahhlelh em em hi zamual i liam kum tur a ni ang em? Heng hi ngaihtuah la i hun hman tur Pathian duh zawngin hmang ang che    

           

EDITORIAL  BOARD

              f

Editor :

Tv.R.Zodinsanga                  - 8974743073

Jt.Editor:

Pu Lalduhkima                     -9862648830

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv.Laldawngliana                - 8974743091

Editorial.........?

TUN LEH KUMTHAR

            Pathian hruaina leh awmpuina in kum 2013 kan hmang ral ta a, kumthar 2014 kan lo chaung kai leh ta. Mi tamtak ten an hmuh phak loh he hun lawmawm leh hlu tak min hruai thlengtu Pathian hnênah lâwmthu awm rawh se.

            Mahni \heuh han inzawt ta ila; kan thlah liam tak kumhlui ah khan inchhirna tur leh a hnu lama min vaw let leh tur hnutchiah \ha lo kan nei em le?..Chutiang kan nei lo a nih pawhin duhthusam a \ha chuan kan hmang ral vek kher lo pawh a ni thei e. Engpawh nise hun kal tawh chu hun kal tawh a ni a, kan nun dan \ha leh \ha lo  chenin hunin a liampui tawh avangin he kumthar ah hian rilru siam thar ila, ruahmanna fel tak nen hmalam pan turin i in buatsiah ang u.

            Mihring te’n kan hma hun tur kan hre lawk hauh lo a, thu kan nei bawk hek lo. Amaherawhchu kan tun hun zel hi kan hma hun hriltu a nih avangin vawiin kumthar ni hmasa ber a\ang hian uluk leh fimkhur takin hun hmang \an nghal ila, sim tur kan neih te simin  kalsan ngai te kalsan ila mahni phak tawk \heuh ah thil \ha leh \angkai tiin kumbul i tan teh ang u. Tichuan, he kumthar 2014 hi kan tana kum \ha leh hriatreng tlakah kan siam ngei ngei ang.

HRIATTIRNA

            Kumthar ruai hi tlai dar 2:30  a\anga \heh \an tur a ni dawn a, fatu  ten insenghawi na hun thawl zawk an neih theih nan kohhran mipuite’n ruai  \heh theih hun a\anga tlai chhe lutuk lovah \heh fel theih hram nise. 

            Tin, Krismas lamah te ruai ningnawi paih ral a \hathnem \hin deuh avangin kumthar ruai \heh tur te chuan mahni ei zawh tur tawk la in a dawh nawn lamah in thlahrung lo zawk mai turin kan fatu ten min ngen a ni.

PAVALAI HRIATTIRNA

            Dt.4.1.2014 (Inrinni) hian 2014 Kohhran Pavalai Pawl  hruaitu thlanna neih tur a ni.

 A hmun : Upa Lalrindika In

|an hun : Dar 10:00 a.m.

            Pavalai member te a tam thei ang ber inthlanna a kal turin kan hruaitu ten min ngen a ni. Tlai lamah chawhlui kil ho nghal tur a ni ang.

LAWMTHU SAWINA

            Missionary R.Zoramdina awmna Pasigarh Pastor Bial K|P ten sum tuak nâna Calendar an siam ,Saikhamakawn K|P ten kan zawrhsak ramthar rawngbawlnaa ngâia min lo leisak tu vengchhung  leh hmun hrang hranga mi zawng zawng te chungah lawmthu kan sawi e.

   DUHSAKNA & CHIBAI  BÛKNA

            Kum 2014, kumthar ni hmangtu zawng zawngte Mipui Aw Editorial Board te chuan chibai kan bûk che u a, hun kal tawh te avanga in ti lungngai mai lovin he kum tharah hian bul \an tharin rilru thar leh inpekna thar nena hmalam pan \heuh turin duhsakna kan hlan a che u. He kumthar hian in tan malsawmna her chhuah pui mawl rawh se.

Q. Engnge an sawi?

Ans.= Engmah an sawi lo.

(Chawngkhûm dân tlâng huat loh)

* Kum a lo thar ta bawk a, ka pro- pic kan thlak keuh teh ang.

            - Pu C.Kapliana

* Khawpui chhung kawn chei mawi tih vel ai chuan  kei zawng ka huan hian ka lung min len ber mai...ka sawi bang thei dawn lo ve.

            -Pu Lalrintluanga

* 2013 a ral leh ta.......!!!

            - Nl.Thlanpuii

* Kan vanglai chu nise zaikhawm boruak hi hetiang mai mai hi a ni huah lovang....hei ha!

            -Pi.Mani

* Bunghmun North a ka thang bo hlan in kan Kohhran thlarau lam boruak a lo dai hman der a lawm le.

            - Pu Kamzawngliana

* In thlalak te khulh turin Kohhran mipui te lo inring rawh ule.

            -Pu Valtea

* Ka in zuah buk leh ngawt mai teh ang, a nih loh chuan tleirawl in min zuam lutuk dawn tlat.

            -Tv. P.C-A

*J.A.C. duty te khan lane hnuailam hi chu rawn ngaihtuah duh suh u, kei man ka lo command vek mai ang.

            -Tv. |antea

*Leader thar kaihruai na hnuaiah chuan lamtual a va lun sawt ve le Pu Mafel.

            -Upa Lawmchhunga

*Vawi tam fiahna pal tlang hnuin nau te zarah bike lek chhuah tur ka nei ve leh ta.

            -Tv. P.Sangtea(Ch.sec)

*A chang hi chuan nupui neih pawh hi eng mah a lo ni lo a nih hi te ka ti \hin.

            -Pu Maawmpuia

.* Kumthar nawn duh na rilru pu in awm ve mial em?...i \ang tlang ang u hmiang Pi Khawlvuan.

            -Pi Chhungi

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350