MIPUI
AW
KARTIN CHHUAK
Vol. XIX Issue No. 48
Kristian Thalai Pawl Saikhamakawn Branch Pathianni Dt.8.12.2013
VAWIIN CHANG VAWN
Inveng
la, i thil la neih thi lek lekte chu tinung leh rawh; i thiltihte reng ka
Pathian mit tlung zovin ka hmu si lo.
KOHHRAN
PROGRAMME
Inkhawm hruaitu: Upa
Lalzuiliana
Khuangpu turte: Upa
Lallawmchhunga
Pu Lalchhandama
Thilpek lak- : Nl. Lalhmunsiami
hawmtu turte : Nl. Lalramnghaki
Nl. Lalrinchhani
Nl. Zohmingmawii
Hla hriltu : Nl.Jenifer Lalremuati
Keyboadist : Pu Lalduhkima
Sound Duty : Tv. F.Laldingliana
Tv. R.Lalzamlova
8.12. 2013 (Pathianni)
Sunday School Inkhawm
|antu :
Nl. R.Lalremliani
Chawhnu Inkhawm
Thuhriltu : Upa C.Lalmuankima
Zân Inkhawm
Thuhriltu : Upa Zairemthanga
KTP PROGRAMME
Dt.
11 .2. 13 (Thawh\an zan)
Neihthil thehkhawm
A hmun : Sunday School Hall
Hruaitu : Pu C.Lalnunsanga
Tantu : Nl. Lal\anpuii
December thla chhunga zai hruaitu leh
musician turte
Hla hruaitu : Tv. Lalhmangaihzuala
turte Pu Lalremruata
Musician : Pu R.Lalmuanpuia
KOHHRAN
HMEICHHIA
10.12.2013 (Thawhlehni)
Group hrang
hrangte mahni Group member te inah inkhawm tur.
SERMON
MAHNI TA KAN NI LO
A nih
leh, in taksa chu,in chhunga awm Pathian hnen atanga in hmuh Thlarau Thianghlim
in a ni tih in hre lo em ni le? Mahni ta pawh in ni lo va, Mana lei in ni tawh
asin, chuvangin in taksaah chuan Pathian chawimawi rawh u. I
Kor 6:19-20
Kan
Pathian thu chuan mihringte hi ama ta kan nih zia bible chang kan han tarlan
atang khian a lang chiang hle. Bible chu a daw dawn si lo, chuvang chuan
Pathian ta kan ni tih hi kan awih mai a tul awm e.
Bible
bul lam kan chhiar chuan mihring te hi Pahian siam kan nih thu kan hmu a, ama
anpui ngeia a siam kan ni tih pawh a lang chiang hle, chumai bakah a thilsiam
dang zawng zawng ai pawha kan ropui bik zia te, a thilsiam dang te chungah pawh
thunei tur leh enkawltu tur kan nihzia pawh kan hre theuh awm e. Chumai pawh a
la ni lo, nitin Amah nen an lengdun a; an in pawl thin a ni. Chutianga Pathian
nena lengdun thin ama nunna thaw ngeia nung mihring te chuan sual bumna hnuaiah
tluin Pathian fa kan nihna atangin kan bosan ta a, fa kan nihna atanga bosan in
sual fa kan lo ni ta. Hrem tuar tur mihring kan lo ni.
Sual
bumna avanga Pathian hremna kan tawh tur chu amah Pa Pathian ngei chuan phal
lovin a fapa mal neih chhun Isua Krista chu kan sual thawinan amah leh amah in
tihlungawi nan a fapa ngei nunna chu keini misual te min tlan nan min rawn pe
ta ani. Tichuan Pathian thisena lei ama nunna a tlan chhuah kan ni a, keini in
kan hriatloh lai leh kan pian hma kum engemaw zat kal tawh atang khan sual
bawih atangin min lo tlan tawh a tuna kan awm ang hian Pathin fa nihna hlu tak
chu kan lo chang der tawh a Lalpa ka lawm e tih mai lo chu tihtheih kan nei lo.
Kan
tih ve tel lo chhandamna kan chan avang erawh chuan tih tur kan nei ve ta, awm
mai mai tur kan ni lo a, kan taksa peng te Pathian hman atana felna hriamhrei
ah kan hlan ve a ngai a ni. Mahni duhzawng leh chak zawng a awm tur kan ni lova
min lei tu Pathian ta kan ni a; a thu thu a awm tu kan ni, chuti ni lo a, mahni
duh ang anga kan awm chuan kan taksa leh thlarau neitu hian kan chungah ro a la
rel anga thiam kan chang hauh lo ang.
EDITORIAL BOARD
f
Editor
:
Tv.F.Laldingliana - 9862378567
Jt.Editor:
Pu
R. Lalmuanpuia - 9612159842
News
Editors :
Tv.PC.Vanlalhriatpuia - 9862732381
Pu.C.Lalnunsanga - 9612413287
Tv.P.Lalnunsanga -
9612324588
Tv.Laldawngliana -
8974743091
Tv.Lalhmangaihzuala - 9862846345
Nl. Lal\anpuii -8974243380
Circulation
Manager:
Tv.R.Zodinsanga - 8974743073
Editorial.........?
CHRISTMAS KAWR THAR
A kum tina khêl lova ka er leh kan
nghahhleh êm êm mai Christmas chu kan hmâ lawkah a rawn thleng dawn ta reng
mai. Chhungkaw \henkhat tâna lungngaihna
hapta, lungaihnani ni leh ringawt tur hi he Chritmas kan hman chhan nen hian
chuan tehkhin chi pawh a ni âwm love. Bazar a tâwt \an a, Aizawl-ah hian sum
lêng vâk a tam leh \an ta anih hi. Christmas, hunpui lâi anih avanga kawr thar
emaw engemaw thil thar nei ngei ngei tura mitin maiin rilru kan nei ringawt
\hinte hi a lawmawm viau rualin lehlam kawng zawng taka han ngaihtuah chuan
thil \ha ber leh thil dik ber a ni angem aw...? He hunpui kan nghahhlelh êm êm
maiah hian chhungte rilru hahna thlentu nge kan nih dawn chhâwkzângkhaitu zawk?
Midangte tâna malsawmna nge mi dangte phurrit siamtu zawk? A chh^nna chu mahni
\heuhah kan chiang âwm e. He Chritmas kan hmanchhanah hian chiang ila, midangte
harsatna siamtu nilovin midangte tâna malsawmna thlentu kan lo nih zawk \heuh
theih nân tun kum 2013 chritmas hi chu hman \heuh i tum zawk ang u.
ARTICLE
AIA UPA ZAH
(Chhunzawmna)
3. A upa pa chhuakah: Zirna,
thiamna leh finnain an zahawmna khawvel a\angin a upa pa a nawr chhuak ti ila
kan sawi sual awm love. Kan khawvel hi a thei leh tling apiangte din channa ang
maia kan ngaih tak avangin kan intlansiak a, Upa leh tawn hriat ngah aiin
thluak \ha leh thiamna (qualification) nei ten dinhmun \ha leh chanvo \ha an
chang a, sum ngah leh zirna sang (degree) te hotu dinhmun an luah tlat avangin,
kum tam leh upate zahawmna a keng thei ta lo. Kum naupang tak pawh hotu ber
anih tlat chuan aia upa zawkte zah leh hlauh a ngai ta a, a thu awih a \ul
\hin. “I pa a hringtu che thu pawm la, i nu chu alo tarin hmusit suh”
(Thuf. 23:22) tih chu technology lama hmasawnnain nu leh pa te, upa zawk te mi
mawlah a chantir tak avangin an thu pawm a ti har a, ngaihnep mai an lo awl ta.
|hangthar ten tunlai thiamna an man chak em em laiin upa zawk tan alo harsa ta
si a, mawl zawk thiamlo zawk chu zah leh ngaihsan alo har ta a ni ang.
Amaherawhchu, khawvel hi a thei thei din channa ang ngawta ngaih chi a ni lo.
Kan hnam ze \ha leh Bible zirtirna nen pawh a inmil lo a ni. Ram hruaina
Politics huang chhungah pawh kum lama upa te hlutna hriat reng a pawimawh.
4. Ka thu ania, rawn inrawlh suh: Tunlai khawvel hian mimal dikna leh mimal chanvo humhalhna lam uar
tak a zirtir tak avang hian naupangte pawhin upa zilhhauna leh thununna cn
ngainepin an hnial ngam ta a. An nuna an lo inrawlh ve fo chu an ngai thei ta
lo. “Hei hi ka nun dan a ni a, \ha ka tih angin leh nuam ka tih angin ka awm
anga, ka nunah tuman thu an nei tur a ni lo” tih hi \hangtharte rilru put
hmang a ni ta em? Nu leh pa an ni emaw, kum upa zawk an ni emaw an nunah
inrawlh an rem tih loh avangin zah leh hlauh an tum tawh lo. Chutianga tih chu
khawvel zirtirna in a phalsak niin an hria a, “I pa a hringtu che thu pawm
la, i nu chu alo tarin hmusit suh” (Thuf. 23:22) tih zawm aiin chu zirtirna
chu a nuamin a hahdam si a, an duh ang angin an khawsa ta a ni ber mai.
5. Nu leh pa in fate an hlau: Nu
leh pa te zingah fate duat leh hmangaih dan chu an awh zawng leh thil an ngen
apiang pek leh tihsak emaw ti tlat an tam ta. an duhsak luatah an neih phak loh
thleng thleng an awhsak a, rual an pawl ve nan leh mi hmuhdit an nih loh nan
puk chawp pawhin an duh zawng an ngaihtuah sak \hin. Naupang ten an thu an awih
tur a ni tih hriattir lovin an duhzawng petu leh an mamawh petu (supplier)
angin an inlantir a, an thil ngen n pek loh chuan tih tauh khumin an nawr khum
ngam a, an zah lo \hin. fate sualna leh dik lohna hrem ngam lo, tih lungawi loh
hlauh vanga hlauh tlawn zawk, nu leh pa dawihzep an tam ta êm a ni. Khauh taka
fate enkawl a, a \ul hun a ri \hak ngam nu leh pa an tlem êm a ni.
HRISELNA HUANG
LAIKINGTUIBUR
A chanchin tlangpui: Laikingtuibur
hi hnim lian vak lo a ni a, a hnah hi rawng hring duk a niin hnahthial hnah nên
a pianhmang a in ang hle.
Damdawia hman theihte: A kung
pumpui.
Damdawia hmannate:
Kal \ha lo: A kung densawm tui
sawr 10ml zêlin karkhat chhung ni tin nikhatah vawi thum in tur.
Zun kawng \ha lo: A hnah
densawm tui sawr 10ml zêlin nikhatah vawi thum, hun engemaw ti chhung in tur a
ni.
LAKHUIHTHEI
A chanchin tlangpui: Lakhuihthei
hi Kerala, Bengal-ah leh India hmarchhak ram hrang hrangah an ching nasa hle.
Mizoramah pawh kan ching ve \hinin kan thlai thar chhuah hnem ber pawl a ni.
South America a\anga chîn chhuah a ni âwm e. chi hrang hrang za leh sawmthum
vewl a awm nia hriat a ni. Kum 60 kal tâ vêl a\ang khan India ramah lakhuihthei
tui sawrna Industry a tam sâwt hle. Hormones (pang ti pêng thununtu \hâlbe
tuihnâng) \henkhat hmangin a tih pâr hmâ theih tih tûnhnâi lawk khan an
hmuchhuak. Hawaii thliarkar hi khawvela lakhuihthei thar chhuak hnem ber an ni.
Damdawia hman theihte: A rah.
Damdawia hmannate:
Khuh hul: A rah hmin chan
sawm, kâwldâi hnah chansawm 50gms leh coconut chan sawm Cooker-ah chhum a,
chumi hnûah lungthlum (Sugar Candy) 50gms nen chawhpawlh a, tih lum tur.
10-15gms zêlin nikhatah vawi li, hun engemaw ti chhung ei tur a ni. He damdawi
hian taksa a tichak thei bawk.
Sa, artui, sangha ei vanga pum nuam lo: A hmin ei emaw, a tui sawr in emaw a \ha.s
Hrawk nâ, âwm nâ: A rah
hmin tlêm tê tê a ei a \ha.
Thi neih chungchânga harsatna nei: A rah hmin nitin ei a \ha.
LEIHRUISEN
A chanchin tlângpui: Hrui zâm
chikhat a ni a, a pâr chu rawng hring leh eng inchawhpawlh a niin hmunkhatah a
bawrkhawm deuh tup \hin.
Damdawia hman theihte: A hnah.
Damdawia hmannate:
Hliam: A
hnah densawm tui sawr hliamah hnawih a \ha.
BIBLE QUIZ
No.48
SAM NUMBER 106 - 110
A
kâr âwl dah khat rawh :
Q1. Min
thlahtute khan Aigupta rama i thilmak tihte kha an hre thiam lo va; I
ngilneihna nasa tak kha an hre reng ta lo va: Tuifinriatah an hel ta zawk a,
Tuifinriat _______________________ah khan.
Q2. Chu
veleh an buainaah chuan LALPA chu an au
va, Ani chuan an manganna ____________________te chu a chhanhim a.
Q3. Aw
Pathian, nang chu vân khum daih khian chawimawiin lo awm ang che: I ropuina chu
leilung zawng zawng chungah hian chawimawiin awm ____________________ rawh se.
Q4. Ka
hmangaih avângin mi dotute an lo ni ta a: Nimahsela kei chu
_______________________ tûrin ka inpe tlat a.
Q5. I mite
chu i thiltihtheihna niah chuan mahni duh thuin an inpe \hin: Thianghlim
mawinaah, _________________ pum chhûng a\angin, I tleirawl daifim chu i nei a.
A
bung leh châng dah rawh :
Q1. LALPA, Israel-ho Pathian chu, fakin awm rawh se,
Chatuan ata chatuan thleng pawhin. Mi zawng zawng chuan, “Amen,” ti rawh se.
LALPA chu fak rawh u.
Bung:
............... Chang:
....................
Q2. Tupawh fing apiangin chungte chu an vawng \ha ang a,
LALPA ngilneihnate an ngaihtuah ang.
Bung:
................ Chang:
....................
Q3. Pathian zarah huai takin kan ti ang: Ani chu min
dotute rap bettu tûr a ni si a.
.Bung: ................ Chang: ....................
Q4. Ani chu pachhe ding lamah a ding ang, A nunna
rorêlsaktute lak chhandam tûrin.
Bung
.................... Chang
.................
Q5. Kawng laka luitea mi a in ang a: Chuvang chuan a lu
chu a chawi sâng ang.
Bung
.................... Chang
.................
Hming :
......................................................
Section : .....................................................
BIBLE QUIZ NO. 46 & 47 RESULT
Chhanna lut zawng zawng : 10
Chhang dik vek :
10
Lawmman dawngtu: |ha-i (V.Sec)
Bible
Quiz chh^nna leh lâwmman hi Circulation Manager Tv.R.Zodinsanga hnenah thehluh
a, lam \hin tur a ni.
WORK CAMP KAL LO
HAW
Bial K|P bul tuma Salem boarding-a
Work Camp a kalte chu ni 30.11.2013 (Inrinni) khân tluang takin an lo haw, Work
Camp-a kalte \awng\aipuitu te zawng zawng chungah lawmthu kan sawi e.
ADMISSION OPEN
Candid English School Saikhamakawn chuan 2014 session
atân KG-I a\anga Class-VIII admission a hawng a. Day Scholar leh hosteller ten
duh tâwka sap\awng an zirna hmun leh dicipline khauh taka kenkawhna school-ah
hian i tu leh fate rawn tîr rawh le.
Admission Fee:
Kg-I & KG-II :
`.900/-
Class-I to VIII :
`.1,200/-
Hrechiang duh tân:
Ph.: 8731066925
9089444074
SBI General
I N S U R A N C E
Motor, Building/Home, Shop, Health, Personal/Group
Accident, Construction/Engineer insurance kan ti thei e.
Motor insure duh a hmunah kan pan thei a,
Company danga insurance lo ti tawh pawh kan renew thei
e.
ZORIN BUSINESS CENTRE
Below SBI ATM
Zosapthara Building
New Street, Mission Veng
0389-2300494 / 9612500877 / 9862952837
VAWIIN KHAWCHIN
Wheatherforcast
leh Accuwheather.com chuan ruah sur lo turin an sawi.
YMA HRIATTIRNA
A
hnuaia hun leh hmun ruatah hian Kum 2014
chhunga Saikhamakawn Branch YMA hruaitu tur thlan a ni dawn a, YMA member zawng zawngte inthlannaah hian kal vek turin kan in
hriattir e.
A hun: 12.12.2013 (Ninga zan)
(6:30 PM)
A hmun:
Community Hall
Chairman: Pu Lalpianthanga
Hunserh : Pu C. Lalmuankima
Thusawi:
Pu Dawngkima
(Kumpuan Thupui)
Returning Officer: Pu Zoramthanga
Presiding Officers:
1) Pu H. Lalliantluanga
2) Pu Zonunsanga
3) Pu Lalthuneia
4) Pu Lalbiaksanga
5) Pu Lalnithanga
Fiamthu: Tv. Laljoela
Special Item: Section tin atangin.
Refreshment: Ar sawhchiar leh Thingpui tui tak.
Sd/-
(C. LALENGZAMA)
Asst. Secretary,
YMA, Saikhamakawn Branch
FREE ADMISSION OPEN
Sawrkar leh mimal hnathawk thei tur leh thiam nâl tak
Computer zir duh tân Admission a tih theih reng e.
Graphic Design kan zirtir thei bawk.
Timing: 7 am - 7 pm
Dingus
Computer Institute
Kulikawn,
Aizawl
Near
Alpha Hospital
Contact: 8730095565
8257008495
**Hringnun hi
nangmah i inzawnchhuahna tur a ni lova, nangmah i insiamna tur zawk a ni e. -George Bernurd Shaw
TUALCHHUNG
, Pi J.Lalhmingliani w/o Lalthuneiha (V.Sec) chu damlohna avânga
Referral Hospital-a enkawl anih hnûin alo chhuak.
, Tv. Lalbiakmawia s/o Zadailova (L) (V.Sec) chu damlohna avânga
Referral Hospital-a enkawl anih hnûin alo chhuak.
,Tv V.Lalsangzuala s/o Ngurrochhingi (T.Sec) chu damlohna avânga
Civil Hospital-a enkawl anih hnûin alo chhuak.
,Angela Lalnunsangi d/o Lalnuntluangi (Ch.Sec) chu damlohna avânga
Referral Hospital-a enkawl anih hnûin alo chhuak.
,Pu Lalchhandama h/o Lalremruati (L) (V.Sec) chu damlohna avângin
Referral Hospital-ah enkawl mêk a ni.
,Tv. Lalruatsanga c/o C.Zonunsanga (V.Sec) chu damlohna avângin
Civil Hospital-ah enkawl mêk a ni.
,Lalruatdika s/o C.Lalnunsanga (V.Sec) chu damlohna avângin Synod
Hospital-ah enkawl mêk a ni.
, Lalruatsangi Chhakchhuak d/o C.Lalmuanpuia (T.Sec) chu damlohna
avângin Alpha Hospital-ah enkawl mêk a ni.
, Lalruatfela s/o R.Zothansanga (T.Sec) chu damlohna avângin Civil
Hospital-ah enkawl mêk a ni.
,V.Malsawmkima s/o V.Lalhmingmawia (Ch.Sec) chu damlohna avângin
Civil Hospital-ah enkawl mêk a ni.
,Lalhruaitluanga s/o Lalrinkima (Ch.Sec) chu damlohna avângin Alpha
Hospital-ah enkawl mêk a ni.
Zanin EPL inkhel tur
Fulham
Vs Aston Villa (7:00)
Arsenal Vs Everton (9:30)
Thawh\an zan
Swansea City Vs Hull City (1:30)
https://www.facebook.com/groups/SKKthalaipawl/
Saikhamakawn K|P e-mail : ktpskk@gmail.com &
ktp_skk@yahoo.com
PUBLISHED BY LITERATURE SUB. COMMITTEE K|P
SAIKHAMAKAWN BRANCH, COPIES : 300
No comments:
Post a Comment