Mipui Aw 25.12.2013

MIPUI AW

Special Issue

Vol. XIX         Issue No.2       Kristian  Thalai  Pawl  Saikhamakawn  Branch          Dt.25.12. 2013  Christmas ni

Vawiin chang vawn

            Tin, vantirhkoh chuan an hnenah, “Hlau suh ulang, ngai rawh u, mi tin ta tur chanchin tha lawmawm em em ka rawn thlen che u a ni. Vawiinah hian in tan Davida khuaah Chhandamtu a piang ta, Lal Krista chu.

KOHHRAN PROGRAMME

25.12.2013 (Christmas ni)

Chawhma inkhawm

|antu              :Pu C.Kapliana

Thupui                       :“Lal thar a piang ta”

Sawitu                        : Upa Lalzuiliana

Chawhnu inkhawm

Thupui                       : “Chibai i buk ang u”

Sawitu                        : Upa Zonunmawia

Zan inkhawm

Thipui : “Kan hnena Pathian awm Imanuela”

Sawitu                        : Upa Lallawmchhunga

26.12.2013 (Ruai \heh ni)

Chawhma inkhawm

Thuhriltu       : Upa Lalzama

Zan inkhawm

Thupui                       : “Isua tlan bo pui a ngai”

Thuhriltu       : Pu Siamliana

27.12.2013 (Zirtawpni)

            Zan inkhawm ah hian kum 2014 rawngbawltu hlan inkhawm neih a ni ang.

Rawngbawltu  : Pastor C.Sapkaia

28.12.2013 (Inrinni)

Zan inkhawm

Thuhriltu       : Pi Khawlvuani

LALPIANG CHIBAI BÛKNA

            Vawiin chawhma inkhawmah hian Lal piang chibai bûkna bawm dawh a ni anga, tin, inkhawmbânah hian thingpui ruai buatsaih a ni bawk ang.

           

           

           

SERMON

LAL  ISUA  PIAN  CHHAN

            Vawiinah hian in tan Davida khuaah Chhandamtu a piang ta, Lal Krista chu. Tin, hei hi in tan chhinchhiahna tur a ni; nausen puana tuam, ran chaw pekna thlenga mu in hmu ang,” a ti a.Tin, thawklehkhatah vantirhkoh hnenah chuan vana miho mipui an lo awm ta chiam a, Pathian an fak a.“Chungnung berah Pathian ropui takin awm rawh se, Lei chunga a awm em em mihringte hnenah rem thu leng rawh se,” an ti a. Luka 2: 11-14

            Van mipui chhiarsen lo pawhin an dal zawh loh Lal Isua a lo pian chiah chuan lei lama Berampute hnenah van zaipawl an lo zai nghal a, ropui takin van lam chuan an rawn thlah ngal a ni tih bible thu kan tarlan atang khian kan hmu thei awm e. Hetiang taka Lal ropui hian heti taka mihringte tana a inpek na hi chhut chian chuan mihring hi kan lo va ropui awm em em ve a tih theih hial zawk awm e. Mahse chuti lam nilovin Pathian hmangaihna leh khawngaihna vang zawk a ni ti kan hriat a pawimawh hle zawk thung ang. Hetiang taka Pathian hmangaih nih hi mihringte hian kan phu hlawl lo a ni.

            Van mipui ho hla thu rem atanga chiang taka lang chu remthu leng rawh se tih hi a ni. Pathian leh mihringte chu inrem thei tawh hauh lo kan ni a, a tisual leh vahbosan zawk tu chu mihringte kan ni tih pawh chiang takin kan hre tlang theuh awm e. Mihringte ngaihdanah chuan a tisual tu zawk chuan ngaihdam dila inrem leh theihna zawng zawk tur awm tak kan ni. Mahsela chutiang lam ni lovin kan tihsual na zawk Pa Pathian chuan inremna min rawn zawn sak zawk tlat si a nih hi, a ropui in khawngaihna mak mawi leh duhawm tia hlain a lo phuah hi a mak hlawl lo. Chutiang khawpa mihring Pathian ti lawm zo tawh lo leh amah nena inremna lam reng reng ngaihtuah tawh lo mihringte chu Pathianin mihringte ama hnena kan kal leh theih nan leh amah nen kan in rem leh theih nan a fapa duhtak Lal Isua chu min rawn pe ta, chuvang chu a ni ngei ang, Lal Isua van mipuiten an thlahna hlaah pawh ‘Leiah rem thu leng rawh se’ tih a tel ta ngei reng a ni.

            Pathian hmangaihna mihringa lo langchhuak a vawrtawp a thlenna ni chu a fapa lo pianni a ni kan ti thei ang, chu ni champha chu kan hmang mek a, a hmang tute hian Lal Isua lo pian chhan hi kan ngaihtuah a, kan chhut chian a pawimawh takzet zet a ni. Eng nge Lal Isua lo pian chhan ni reng le tia kan in zawh fo a, a chhanna pawh Pathian hnenah kan dil a tul hle bawk a ni. Pathian nena inrem thei tawh lo, chatuan hremhmuna kal tur mihringte chu Pathian hmangaihna leh kawngaihna zau leh thuk tak chuan a fapa Lal Isua Krista hmangin inremna rawngbawl hna a rawn thawk  ta, hei tak hi Lal Isua lo pian chhan chu a ni dawn lawm ni, i ngaihtuah tlang ang u.

EDITORIAL  BOARD

              f

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Nl. Lal\anpuii                       -8974243380

Circulation Manager:

Tv.R.Zodinsanga                  - 8974743073

Editorial.........?

            Pathian hruaina zârah kum 2013 Christmas chu kan lo thleng leh ta reng mai a. A hmasain he hun lawmawm leh hlu tak min hruai thlengtu Pathian hnênah lâwmthu awm rawh se.

            Kumin kumtir lam kan ngaihtuah kîr chuan kan hmâa thil awmte kan hlen chhuak thei ang ngem? tiin tam tak chuan kan inngaihtuah ngei ang, nimahsela Pathian zârah kan tum leh thlen kan duh chinte tihhlawhtling vek theilo mah ila, a tam zâwk chu kan hlenchhuak hlawm ngêi anga, hei vâng ringawt pawh hian lâwm tur chu kan ni rêng rêng e.

            Kum bul hlim taka kan hmanpuite mual min liamsan ta te dâwn kîr chângin lung zawng a lêng ngei mai, mahse kohkir thei an chang tawh si lo, min ngailo ten  Chhandamtu kiangah hlim ten an leng si, an kalsan tâk kohhranho leh \hen leh rual unau ten nghilh ni rêng an awm theilo, nimahsela lunglênna chu puan ang hnâwlin kan tâna nau lo piang chu lawmin kan thinlung ro bawm te a lamah i hawng zawk ang u. Krismas hun lo thleng hi mitin ten hlim leh lawm takin i hmang tlâng ang u.

DUHSAKNA & CHIBAI  BUKNA

            Kum 2013 Krismas chu dam takin kan lo thleng leh ta reng mai a, vengchhung mipuite hlim tak a hmang turin Mipui Aw Editorial Board chuan duhsakna sang ber kan hlân che u a.

            Tin, kan hmangaih kal tâte avânga lungngaia in dawmkun mai lovin, hlimna tak tak leh lawmna tak tak nêna he hun hmang turin lungngaia, khawhara awm mêkte Mipui Aw Editorial Board chuan duhsakna kan hlan bâkah Krismas chibai kan buk bawk a che u.

K|P HRUAITU THAR

            Ni 22.12.2013 khân kum 2014 K|P hruaitu tur thlan thar a ni a, heng mite hi thlan chhuah an ni a, Post pawh an insiam rem nghal a ni.

Leader: Pu R.Lalmuanpuia

Asst. Leader: Pu Jeff Lalhmingsanga

Secretary: Pu Lalduhkima

Asst. Secy.: Tv. PC Vanlalhriatpuia

Treasurer: Nl. V.Lalrindiki

Fin. Secretary: Pu Lalremruata

            Tin, vawiin zân inkhawm bânah hian K|P hruaitute charge inhlanna an nei ang.

HRIATTIRNA

            Christmas Fatu zawng zawngte zing dar 6 ah Biak Inah kim vek tur a ni a, sachan chem leh sa sah chem nei chuan thawhchhuahpui \heuh bawk ang u.

            Tin, ruai hi chawhnu dar 2:30 a\anga \heh \an tur a ni a, a hmâ lamah leh tlai chhe lutuk lova ruai\heh kohhran mipui ten kan tum \heuh dawn nia.

### Santa Claus sap hovin an tih, kei nin Krismas putar kan tih hi a lo chhuahna tak chu Dutch \awng 'Sinterklaas' a ni a, a awmzia chu Saint Nicholas tih koh duat na mai a ni e an ti.

Q. Engnge an sawi?

Ans.= Engmah an sawi lo.

(Chawngkhûm dân tlâng huat loh)

* Kan Christmas bawng thlun hi a ngheh \hat leh \hat loh hi enfiah hle ang che u. Ka mualpho leh hlauh dah ange.

            - Pu R.Chalkhuma.

* Nakkum chu Tuikûk vawk tereuhte ka vulh anga, zaikhawmnnah rilru sawi pahin ka thawh keuh teng... Do nasat a ngai ve reuh ang chu aw...

            -Pi Sanghluni.

* Dawr kan kâi tawh lova, bawm dawh pawh Facebook-ah pawh han Post viau \hin mah ila tuman min ûksâk tawh lo anih hi.

            - Pu Amatea.

* Pavalaiah hian a chângin ka \an a, a chângin thu ka sawi a, engemaw awmzia le pu Sanglian?

            -Pu TK Manga.

* Lirthei lampang ang chi Commission hi alo hlâwk a ni tiraw... U Madik?

            - Tv. Faktea.

* Decoration Chairman hi min fak dawn miah lo a mi a...mapui?

            - Pu C.Muantea.

* Award dawn kan lo inbeisei ve tehlul nen...

            - Tv. Hmangaihzuala.

### Christmas tree, card leh christmas lam hawi hrim hrim ah hian rawng chi 3 hi a tel ngei ngei \hin a, chungte chu a sen, a hring leh gold (rangkachak) rawng te an ni tlangpui \hin. A sen hian Lal Isua thisen tih a entir a, a hring hian nunna leh thawhlehna tih a entir bawk a. Tin, gold (rangkachak) rawng hian ropuina, hausakna leh thiltihtheihna a entir bawk a ni an ti.

### Kum 1643 khan British Parliament khuan Official takin Christmas hman hi alo khap ve tlat tawh.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350