Mipui Aw 22.12.2013

MIPUI AW

KARTIN CHHUAK

Vol. XIX Issue No. 50 Kristian Thalai  Pawl  Saikhamakawn Branch  Pathianni Dt.22.12.2013

VAWIIN   CHÂNG   VAWN

            Vawiinah hian in tân Davida khuaah Chhandamtu a piang ta, Lal Krista chu. Tin, hei hi in tân chhinchhiahna tur a ni; nausên puana tuam, ran chaw pêkna thlenga mu in hmu ang,” a ti a. Tin, thâwklehkhatah vantirhkoh hnênah chuan vana miho mipui an lo awm ta chiam a, Pathian an fak a.“Chungnung berah Pathian ropui takin awm rawh se, Lei chunga a awm êm êm mihringte hnênah rem thu lêng rawh se,” an ti a.

KOHHRAN  PROGRAMME

22.12. 2013 (Pathianni)

Chawhma Inkhawm

Crusade (Jehova Witness team)

Speaker       : Upa H. Zoliana

Chawhnu Inkhawm

Speaker       : Upa H. Zoliana

Zân Inkhawm

Speaker       : Upa H. Zoliana

K|P HRUAITU THLAN

            Kum 2014 K|P hruaitu turte vawiin chawhma inkhawm bân hian thlanna neih tur a ni a, K|P Member zawng zawngte he inthlannaah hian tel \heuh i tum ang u. Mi paruk thlanchhuah tur a ni a, inthlang turte hian Pen ken \heuh tur a ni e.

NPSS EXAM RESULT

            Naupang Sunday School Exam Result chu Sunday School Hall Notoce Board-ah târchhuah a ni a, mahni result inhre duh tân entheihin a awm e.

SUNDAY SCHOOL KAL DÂN

            Sunday School kal kim leh kal zât chu Sunday School Hall Notice Board-ah tarchhuah a ni a, mahni kal dân hre duh tân entheihin a awm e.

           

           

           

SERMON

A  LO  KAL  LEH  DAWN

            Lalpa ngei chu au thawm nên, vantirhkoh chungnung ber aw nên, Pathian tawtawrawt ri nên, vân a\angin a lo chhuk dawn si a; tin, Kristaa thi tawhte chu an tho hmasa ang a; chu mi hnuah chuan keini nunga lo la awm rengate hi boruakah Lalpa hmuak turin anmahni rualin chhum zingahte khian lak chhohvin kan awm ang; Chuvangin, heng thu hian inthlamuan tawn rawh u.       I Thessalonika 4: 16-18

            Lal Isua ngeiin Khawvel hi ka ram chu nisela ka \huihruai hoten a bei ang tiin a sawi a. A awmzia chu he khawvel hi kan zui La Isua ram a nilo tih a ni. Nimahsela he khawvelah hian ringtute kan la awm tlat si a. Ringtuten he lei ram mi kan ni lo tih kan hre \heuh a, kan rama kal turin he khawvelah hian Isua chu a rawn kal leh ngei dawn a, he khawvelah hian kan châm hlen dawn lo a ni tih hre thara thlamuang taka kan awm hi Lal Isua ngei pawhin min duhsak hle a ni.

            Kan sawi tâk ang khian keini ringtute hi he khawvel hi kan ram hlun tur a ni lova. Kan ram diktak Vanramah kan la kal ve ngei dawn a, a takin la hmu lo mah ila rinna mitin nitin kan thlira, chhel takin kan awm \hin a nih hi. Lal Isua hian a tana rinawm leh chhel taka tuarte hi a theihnghilh ngai lova, tin, a mite hi a hre rêng \hin. A ramah nuam taka hian a hmangaih hringfate kan kal lovang tih a hlau em vangin a thisen leh nunna hial a rawn sêng a, chumi azara chhandamna changtute he khawvel hreawm taka a\anga ama rama min hruai turin a lo kal leh dawn a ni.

            He khawvel hi Setana ram a ni kan tih tawh kha, he kawvelah hian hreawm tam tak kan tuar \hin a, sual vanga rûm changte leh \ah changte kan nei \hin. Tin, sual bumna vangin ringtute kan tluk chângte a awm \hin a, kan ngui a, kan chau ngawih ngawih \hin.  Hetianga sual vânga kan tuarnate zawng zawng hi mih hmangaihtu kan Pathian hian a hmuh hmaih hauh lo a ni tih kan hriat a pawimawh khawp mai. Sual vânga inven reng ngaia kan awm \hin ziate hi kan Lalpa hian a hai hauh lo, heng zawng zawng avang hian Lal Isua chu a lo kal leh dawn a, sual vanga tawrhna awm tawh lohna rama min hruai turin a lo kal leh dawn a ni, a va lawmawm tehlul em.

            Ringtute khawvela kan awm chhûngin hreawm \hin mahila kan ropuina ni a lo la thleng ve ngei dawn a ni. Chutih hunah chuan Lalpa ngei chu au thawm nen, vantirhkoh chungnung ber leh tawtawrawt ri ropui tak nen min hruai turin a lo kal leh dawn si. Sual vanga rûm \hinte, chau \hinte, sual vanga hreawm nasa tak tuar \hin ringtute lawmna ni a lo in herchhuak ve tawh dawn a ni. Min hmangaihtu hmel tak tak kan hmu ve tawh anga, a kiangah kan awm ve tawh anga, sual thiltihtheihnain min tibuai phak tawk dawn si lo. Tunah hreawm rih mah ila nakinah Lal Isuan a hnena min hruai tura a lo kal huanah chuan kan ropui ve tawh dawn a ni tih hriain  rinawm taka tuar chhungin thlamuang takin i awm ang u.

EDITORIAL  BOARD

              f

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Nl. Lal\anpuii                       -8974243380

Circulation Manager:

Tv.R.Zodinsanga                  - 8974743073

Editorial.........?

URLAWK ZAN

            Kan ngahhleh êm êm Christmas hman ti nuamtu leh min tiphur \hintu êm êm pakhat chu a lo urlawkna hi a ni âwm e, chutah a bikin urlawk zân kan han tih tak bik ngat phei hi chuan engemaw boruak danglam bik neia hriat tlatna hi Mizote thinlungah chuan a lian tlangpui awm e.

            Chuvangchuan he hunah hian engemaw taka han awm châkna te, ar han kan ve ngêi duhnate leh engemaw intihhlimna hun han hman ngêi kan duh tlângpui \hin. Hetiang hunah hian a bîk takin tleirawl leh rawlthar lamah hian thil \ha lo kan tihna bul in\anna a ni duh khawp mai. Engemaw taka han awm ve châk tlatna lo awm te, han ruih ve châk tlatna han awm \hin hi a tawng tawhte chuan kan hre\heuhin a rinawm. Chuvang tak chuan he hun hi a pawimawhin mahni \heuh kan invên hun leh kan invawn thianghlim hun tak a ni tih lam zawk hi kan rilruah hian awm sela, he thil ka tih hi ka tân a \ha angem? a \ha lo angem tih mahni inzawt hmasa thei hrâm hrâm ila, chutah kan duhthlanna thiang tak nen kan tâna \ha zawk tur chu i thlang hrâm hrâm zawk ang u.

ARTICLE

AIA UPA ZAH

(Chhunzawmna)

10. An zah tur leh hlauh tura awm a \ul: “Naupang te u, engkimah in nu leh pate thu zawm rawh u, chu chu Lalpaah chuan a lawmawm si a” (Kol. 3:20) tih hi an zawm theih nan nu leh pa chu zah tlak leh hlauh tlakin an awm a ngai a, chu chu nu leh pa mawhphurhna a ni. An naupan lai a\anga thunun an nih loh chuan an lei kan hnu leh an puitlin hnuah thunun theih an ni tawh lo. Fate hlauh tlawn leh an tih ang anga awm zel mai nu leh pa te chu an faten an zah ngai lovang a, midang phei chu an zah lo leh zual ang. Chuvangin naupang inzahtir a, inhlauh tir a, khauh taka enkawl an \ul chang a awm ang, an nel theih nana inhawn zau hun pawh hriat a \ul ang. Kan duh zawng leh duh loh zawng chu chiang takin an hre tur a ni a, chutiang chuan duap kai lova din khawng tlat a \ul bawk.

11. Tiang hmang hreh suh: Bible-ah chuan, “Naupang thinlungah chuan ^tna a bet tlat a, mahse thunnuna tiangin hla takah a hnawt kiang ang” (Thuf. 22:15) tih kan hmu. Tunlai naupang enkawl dan inzirtirna chuan inhremte, invuakte \ha kan ti tawh lo. Kan Pathian thu danglam ngai lo leh pangngai reng erawh chuan hrem mai nilovin tiang hmanga vuak tur ala ti reng a, mi thiam hrang hrang pawh lo chhuakin zirtirna thar \ha âwm tak tak pawh rawn hmuchhuak mahse, he thu hi chu a danglam ngai lovang. “Naupang thunun tîm suh, tiangin vaw mah la, a thi dawn si lova, tiangin i vua anga, tichuan Seol atâ a nunna i chhanchhuak ang” (Thuf. 23:13,14). Mase, fate vaw tur chuan fate vaw tlak nu leh pa nih a ngai a, misual vuak a vaw ngawt lovin a fa duh leh hmangaih tak anih vang zawkin a vaw ngam tur a ni ang.

12. Kohhranah in zirtir tur: Khawtlang nun zirna \ha ber Zawlbuk chu alo tawp  tawh a, nitin sikul zirlaibuah hetiang lam zirtirna hi a tlem telh telh a, chuvangin inchhung baka inzirtirna remchang tak, kan tih theih mai chu Pathianni naupang inkhawm leh Sunday School-ah a ni. Chutiang hun an hman \hin thheih nan an hruaitute thurawn pe a ngen \hin turin Kohhran tina hmeichhia ten hma lak a \ul hle ang.

13. Sikul zirlaia telh: Naupan laia kan zir leh kan hriatte hi kan hre belin hriat reng a awl \hin. Chuvangin awmdan mawi leh aia upate zah chungchang inzirtirna hmun atan zirna sikul aia \ha a tam lo hle awm e. ‘Jack and Jill’ tih aimahin Pu Liandala hla ‘Aia upate zah thiamin’ tih hla chuan Mizo naupangah hnu hma a nei lian zawk ngei anga, chuvangin nun kawng dik inkawhhmuhna lam hawi hi sikul zirlai (syllabus)-ah a tam thei ang ber tleh ni ta se, loh theih lohin naupangin an exam naah an zir a \ul anga, an nun a kaihruai khawp ang.

HRISELNA HUANG

LAMKHUANG

A chanchin tlangpui: Lamkhuang hi thing lian tak a ni a, a rah ei atan leh a thing hman atana chin a ni ber; furniture siam nan a \hat avangin ram dangah chuan an hlutin a man a to hle. a kung puitling hi meter 20 a\anga meter 30 a sang a ni tlângpui. Mizoram kan lamkhuangte hi ram dang lamkhuang aia a têt zawk bakah a hlutna kan hre lovin kan hmang \angkai lo hle. Mi \henkhat chuan tawlailir ke siam nan an hmang ve \hin. Kerala State-ah chuan lamkhuang hi chi hnih- a mu khal \ha deuh leh a mu nêm chi a awm a, a mu khal chi a tui zawk avangin ram dangah an ching tam zawkin a man pawh a to deuh zawk. Phun a \anga kum 6 ah a rah \an a, kum za emaw a aia tam pawh a dam theiin ran a chhuah reng thei a ni. A rah ei tam hian tunlaia natna \ihbaiawm tak AIDS lakah pawh mi aveng thei niin thil chhût mite chuan an sawi.

Damdawia hman theihte: A rah leh a hnah.

Damdawia hmannate:

Hnâr ping reh thei lo: A hnah chang \ha, sen deuh \hat tawhin aieng ro tih dip an\an têl far li vel nena chawhpawlhin zial a, meizial zuk angin zuk a, a khu hnârin hip luh a \ha. Aieng hi pho ro hmâin chhum loh tur a ni.

Taksa chak nân: A rah puitling tawh la hmin lo chhûngmû leh kurtai dip, darthlalang burah emaw China hlum belah emaw 2:3 in chawhpawlh a (entirnan - kurtai 2gms anih chuan lamkhuang 3gms) chhinphui hnuah ni 21 chhûng nisa ah pho tur a ni. Chutah a tui thirfiante hnih zelin nikhat vawi thum ei a \ha. He damdawi hi TB damdawi atân a \ha hle a, thla 6 chhung inenkawl tur a ni.

LUNGHNEHTU

A chanchhin tlângpui: Hnim liam vak lo a ni a, feet 2 vêla sang a ni tlângpui. A hnah hi hnah zum sawl tlangkir, te tak te te a ni a, rah te reuh te te a nei bawk. Mizote chuan kaw\halo damdawi atân kan hmang \hin a, damdawi \ha tak a ni.

Damdawia hmantheihte: A kung pumpui.

Dawmdawia hmannate:

Kaw\halo: A kung densawm tui sawr 5ml zelin nikhatah vawi thum in a \ha.

Kala lungte awm: A kung densawm tui sawr 10ml zelin nikhatah vawi thum in tur.

emaw

A kung 50gms tui 800ml-in mei navak lovah a tui 100ml anih thlengin chhum a, 25ml zelin nikhatah vawi thum in tur a ni. Kal lungte awm tân damdawi \ha ber pâwl a ni.

BIBLE  QUIZ  No.50

SAM  NUMBER 116 - 120

A kâr âwl dah khat rawh :

Q1. Thihna hruihrualte chuan mi zem a, Seol natnate chuan mi man a: Manganna leh lungngaihna ka _______________________ tawk a.

Q2. Aw hnam tinrengte u, LALPA chu fak ula; _________________________________________ u, amah chu fak rawh u.

Q3. Mihring rin ai chuan LALPA-a rinna nghah hi a \ha __________________ a ni. Mi liante rin ai chuan LALPA-a rinna nghah hi a \ha ____________________ a ni.

Q4. Chu mi hunah chuan ka mualpho lo vang, I thupêkte ___________________________________ ka pawisak hunah chuan.

Q5. Aw LALPA, hmui dawtheite lakah leh, lei  mi bumhmang lakah chuan, Ka nunna ________________ chhanhim ang che.

A bung leh châng dah rawh :

Q1. LALPA biak in hung chhûng kawtlaiah, Aw Jerusalem, i lai takah ka hlen ang. LALPA chu fak rawh u.

Bung: ...............          Chang: ....................

Q2. A ngilneihna chu kan chungah a nasain, LALPA thutak chu kumkhuain a awm dawn si a. LALPA chu fak rawh u.

Bung: ................         Chang: ....................

Q3. Aw, LALPA hnênah lawm thu hrilh rawh u; ani chu a tha si a: A ngilneihna pawh kumkhuain a awm dawn si a.

.Bung: ................         Chang: ....................

Q4. Berâm bo angin ka vâk bo va; i chhiahhlawh hi zawng ang che; I thupêkte chu ka theihnghilh ngai si lo va.

Bung ....................        Chang .................

Q5. Kei chuan inrem ka duh a: Nimahsela thu ka sawi veleh indo an duh thin.

Bung ....................        Chang .................

Hming : ......................................................

Section : .....................................................

BIBLE QUIZ  NO. 49 RESULT

Chhanna lut zawng zawng : 8

Chhang dik vek                       : 8

Lawmman dawngtu: Laldintluangi (V.Sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni..

CHRISMAS THINGPUI LUM

            Christmas leh kumthar thingpui lum turte kan lum hun tur Sunday School Hall Notice Board-ah târchhuah a  ni a, mahni tel leh tel loh leh kan lum hun turte lo inen turin kan inhriattir e.

LAWMTHU SAWINA

         Kan fapa Zoliansanga’n (Apuia) ropuina rama min lo kalsan tâk avanga min hmangaihtute, a \ul apianga min buaipuitute, vawiin thlenga khawhar lova min siamtute, Saikhamakawn nu leh pa, nula leh tlangval zawng zawng chungah lawmthu kan sawi a, Pathianin malsawmna tam takin vûr lêt che u sela tih hi kan \awng\aina a ni a, Apuia thihna hi khawtlang leh kohhran tân malsawmin lo awm rawh se.

In khawngaihna dawngtu,

Khawlvuani leh a fate

Saikhamakawn

TRANSFORMER CHUNGCHANG

         Kan vengin Tranformer thar kan neih theih nâna hmalâkna kal mêk chu a theih ang anga bawh zui zêl a ni a, P&E Deptt. hotu te chuan nakum January thla lamah chuan a awm mai thei tawh turah min beisei pui a, engmah thuchiang fak la awm lo mahse Deptt. hotu lam ten hetianga thu an sawi tâk avang hian keini veng tân pawh a thlamuanthlâk hle a ni.

         Hemi kawnga vengchhung mipuite kan thawh honaah a lawmawm tak zet a, Transformer thar pawh kan hmuh thuai a beiseiawm ta hle mai; i \ang tlang zêl ang u.

         Tin, Transformer kan neih thuai theih nâna thurâwn min pe a, kawng engkima min buaipuitu Pu Zosangliana, Superintendent of Engineer, P&E Deptt. chungah lawmthu kan sawi bawk e.

Sd/-

(PC VANLALHRIATPUIA)

Secretary, SKK |halai Pawl.

CRUSADE NEI MEK

            Presbyterian Kohhran, Saikhamakawn chuan Synod Revival Speaker Upa H.Zoliana, Speaker, Gospel Witness Team hmangin Crusade hun a hmang mêk a, zanin hian a \iak ang.

YMA HRIATTIRNA

            Kum 2014 chhunga YMA Member inpe duh chuan a hnuaia mite hnênah hian Membership Fee `.5/- pe in Member anih theih.

Vanapa Sec.: Pu C.Lalnunsanga

Taitesena Sec.: Pu MS Dawngliana

Chawngbawla Sec.: Pu Lalpianthanga

CHATUAN RAMAH

            Zatinkhuma (Kum-45) chuan ni 19.12.2013 zing dar 3:00 khân pum nâ avangin he lei hrehawm kalsanin chatuan ram min lo pan san ta.

            A kalsan tâk a chhung leh khatte zawng zawngte kan tuarpui êm êm a, Pathianin awmpuiin vêng zel sela tih hi kan \awng\aina a ni e.

ADVERTISMENT

         Maruti Product Car M-800, Alto, Omni, EECO, Wagon R, A-Star, Ritz, Swift, Ertiga, SX4 etc. Loan/Cmpany Finance emaw Cash a lei duh tân biak theih reng kan ni e.

Fela Chawngthu

HB Motor’s DSE

9089527101

FREE ADMISSION OPEN

         Sawrkar leh mimal hnathawk thei tur leh thiam nâl tak Computer zir duh tân Admission a tih theih reng e.

         Graphic Design kan zirtir thei bawk.

Timing: 7 am - 7 pm

Dingus Computer Institute

Kulikawn, Aizawl

Near Alpha Hospital

Contact:       8730095565

                    8257008495

TUALCHHUNG

,Tv. Lalhruaizela s/o Zohmingtahangi (T.Sec) chu damlohna avânga Civil Hospital-a enkawl anih hnûin a lo chhuak.

, C.Malsawmdawngzuala s/o C.Lalremruata (V.Sec) chu damlohna avânga Synod Hospital-a enkawl anih hnûin a lo chhuak.

, Immanuel Lalmuanzuala s/o Robert Lalsiamliana (V.Sec) chu damlohna avânga Alpha Hospital-a enkawl anih hnûin a lo chhuak.

, J.Lal\hakima h/o Lalbiaktluangi (V.Sec) te chuan khawi ilo vah vêl nân Car (Alto) an lei thar.

,Lalchawimawia h/o C.Lalnunmawii (V.Sec) te chuan khawi ilo vah vêl nân Scooty (Flyte) thar an lei.

, C.Zakhuma h/o Liansangi (V.Sec) te chuan khawi ilo vah vêl nân Scooty (Vespa) thar an lei.

, TK Manga h/o Lalthangvungi (V.Sec) te chuan khawi ilo vah vêl nân Bike (FZ) an lei thar.

Zanin EPL inkhel tur

Southampton Vs Tottenham (7:00)

Swansea City Vs Everton (9:30)

Thawh\an zan

Arsenal Vs Chelsea (1:30)

Ninga zan

Hull City Vs Man. United (6:15)

Aston Villa Vs Crystal Palace (8:30)

Cardiff City Vs Southampton (8:30)

Chelsea Vs Swansea City (8:30)

Everton Vs Sunderland (8:30)

Newcastle Vs Stoke City (8:30)

Norwich City Vs Fulham (8:30)

Tottenham Vs West Brom (8:30)

West Ham Vs Arsenal (8:30)

Man. City Vs Liverpool (11:00)

VAWIIN KHAWCHIN

A lum lai berin : 190C

A vawh lai berin : 130C

Ruah sur lo turin an sawi.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 300