Mipui Aw 3.2.2013

MIPUI AW

KARTIN CHHUAK

Vol. XIX Issue No. 5 Kristian Thalai  Pawl  Saikhamakawn Branch  Pathianni Dt.3.2.2013

VAWIIN CHANG VAWN

            Mihringte anga lo piangin, bawih angah a insiam a, amah leh amah a intitlawm ta zawk a. Tin, mihring anga lo awmin, a inngaitlawm a, thi khawp hiala thu zawmin a lo awm ta a, kraws-a thihna ngei chu. .            Philippi 2: 7-8

KOHHRAN  PROGRAMME

3.2. 2013 (Pathianni)

Pastor Bial Fan  Programme

Sunday School Inkhawm

|antu           : Pi Biakthangi

Chawhnu Inkhawm

Lalpa Zanriah Sacrament

Buatsaihtu   : Pastor C. Sapkaia

Zân Inkhawm

Thuhriltu    : Pastor C. Sapkaia

KTP PROGRAMME

 Dt. 28 .1. 13 (Thawh\an z^n)

Short  Sermon  Inkhawm

Hruaitu           : Nl. Lallawmsangi Hrahsel

|antu              : Nl. PC. Vanlalruati

Thuhriltu       : Tv. Vanlalfala

turte                : Nl. Zohmingmawii

Thilpek lakh- : Nl. Lalrinliani

awmtu turte   : Nl. Lalrinhlui

February thla chhûnga hla hruaitu leh

musician turte

Hla hruaitu    : Tv. Lalhmangaiha

turte                  Tv. Pc. Vanlalhriatpuia

Musician         : Pu Lalremruata

VAWIIN  TLAI  FELLOWSHIP

A hmun          : S.S. Hall

Hruaitu           : Pu Lalchhandama

|antu              : Tv. Tlangdingliana

            Fellowship hi thlakhatah vawi hnih neih tawh \hin tur a ni a, thla thar Pathianni hmasa ber leh vawi thumna tlaiah neih \hin a ni ang.

SERMON

THUAWIHNA

            Hebrai 5  8Fapa meuh pawh ni mahsela a thil tuarahte chuan thuawih  a zir ta a ni; 9tichuan tihthatfamkima lo awmin, a thu awih zawng zawngte tan chatuana chhandamna bulpui a lo ni ta

            Thuawih hi thil \ha tihna kawngah chuan thil har tak a ni a, thil\halo tihpuia \hianten min sâwm châng erawh chuan an thuawih a nuamin a âwl hle thung si. Thuawih tihin a kawh ber leh kan rilrua lo awm nghal chu thil \ha tihna kawnga thuawih hi a ni âwm e. Chutiangchiah chuan kan Pathian pawhin a thu a kawi a ngila zawm a, a thuawih mai turin min ti a ni. Tin, thuawihloh pawizia te, thuawihlote dinhmun chhiatzia pawh kan Pathian thu chuan min hrilh chiang hle mai. Pathian thu awihlo a mahni duh dan dan anga kal \hin ten vanneihna han dawngin han kaltluang viau mahsela Sam ziaktu chuan Hlobet anga an la vuai tur thu leh ah thlûka an la awm tur thute chiang takin a lo sawi a. Thuawihlote hian vanneihna an dawng tluantling thei tak tak lo a ni.

            Thuawihna hi Pathianin a thupekah chuan thupek tiam nei hmasa ber a ni tih pawh Ephesi ziakah kan hmu. Pathianin thuawihte tan lâwmman a siamsak dan a\ang hian a thuawih a ngaihpawimawhzia a lang chiang hle. Tin, Lal Saula ngei pawh Amelek ho thah chimih vekna tur thupêk Pathian hnên a\angin a dawng a, an ran vulhte pawh zuah hauh lohna tur thupêk a ni. Nimahsela ama remhriatna leh Pathian tâna inthawina atân Amalek-ho ran vulh thau \ha leh an Lal Agaga te chu an rawn hâwn a, mihring ngaihah chuan thil \ha tak chu a ni ngei mai, Lalpa tân a \ha \hâ chu an rawn hâwn ngêi a ni, nimahsela Lapa Pathian chuan a thupêk zawm kha a lâwm zâwk a ni tih kan hmu. Lalpa thupêk awih lova mihring lam \hahnemngaihna zâwn a\ang leh tunlai \awng takin; a lang tlat  tihna zâwn a\anga Pathian tana Saula’n \hahnem a ngaih avangin Lal a nihna ata chu Pathian in a hnâwl ta a ni. Keini tunlai ringtute ngêi pawh hi, kan tisa lam \hahnemngaihna leh kan rilrua awm satliah mai maina a\anga Pathian rawngbâwl a maw in ti a tlân vak hi Pathian hian a pawm lem lo niin a alang, hotê pawh nise Pathian thuawih mai hi kan tih tur niin a lang. Mihring lam \hahnemngaihna a\anga Pathian tân  tia rawngbawl  vak hian Pathian a lawmlo mai a ni lo, Saula ang hian kan nihna a\ang hian min hnâwl ve mai ang tih pawh thil hlauhawm tak a ni thei âwm e.

            Bible châng kan tarlan tâk ang khian Lal Isua meuh pawh a thil tawrh a\angin thuawih a zir a ni tih kan hmu a, thuawihna hi Pathianin a ngaihpawimawh hle tih a lang thei. Lal Isuan naupangte a lawm nachhan leh vanram pawh naupangte anga lâwm turin min tih nachhan pawh naupang in thuawihna nun an neih vâng leh chu thuawihna nun neite tân chuan Vanram chu an chanvo a ni tih a rawn sawi chhuahna a ni thei âwm e. Lal Isua meuh pawhin thuawih zir a ngai a nih chuan keini chuan kan ngâi nasa lehzual ngei ang.    

                       

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

HUN HI

            Ni-te, kumte a ral a, a chhan chu hun inher liam vâng a ni. Hnamfing zâwkte chuan hun hlutzia hriain, “Hun hi Tangka tlukin a hlu” an lo ti \hin a, Mizote ngêiah pawh hun hlutzia hria kan tam ta khawp mai. Hun hi a hlu a, tûna kan hun hman mêk hi a hlu tihna a nih chu. Tûna kan hun hman mêk hi ho lam takin kan hmang anih chuan kan inenfiah a ngâi khawp ang. Ho lam taka ni khat kan hman lâi hian mi tu emaw chuan lehkha lo zir se, emaw lehkhabu pakhat lo chhiar ta se, emaw thing pakhat lo phun ta sela; ho lam taka hun kan hman liam tâkah khân keini aiin an lo pâwl sâng ang a, keini aiin thil an hre hnem zawk bawk ang. Chumaibâkah hun lo kal zêlah a thingphun chu ka nghah len pui tho tho. Chuvangin, kan hun hlu neih hi hmang \angkai thiam ila, “Vawiina tih tur naktûka tihah khêk suh” tih hi chângvawn tlatin kan hun hlu neih, tûna kan hman mêk zêl hi \angkai takin hman i tum \heuh ang u. A hnûa kan inchhir loh nân.

ARTICLE

ZÂWLBÛK AH MASI

-Dinga (Counselor, PNM).

Thlasik lai a ni a, mitin mai chuan masi a hnaih tawh avângin phâi
       lamah châk an lâin an liam suau suau a, chûng zîngah chuan kei pawh ka telve a ni. Kan liamthla ho chu a ni a; mahse, mite kal chhan ang chu kei ka kal chhan a ni ve hauh lo. Mite’n hman nawm nân thawmhnaw leh eng ilo fahran an lei lâiin hman nawm nân ruihhlo ka hâwn ve thung a ni.

       Chutia beisei sâng taka, amah Pu Rokunga’n, “kan zotlâng ram nuam” tia alo châwi ka han pên lût dêk dêk chu min lo man ta tlat mai! Masi nuam taka hman ka lo tum ve chu Jail-ah hman alo ngai ta tlat mai. Duh lo eng ang mah ila ka hmabâk chu ka chiang hle mai. Dik lo taka Lal piancham hman tum chu Pathian thinurna chuan min thunun tâah ka ngai a ni.

       Jail tâng tur ang pawhah ka lo inngaihtuah ngam ngâi loh chu ka chungah a rawn tla ta a. Hreh tak chung chuan Kawmawl pahnih, engtika sûk tawh nge? tih pawh hriat loh, bâl zet mai leh thleng leh no chu ka han luhpui ta a. A chhûng ka han lût zet chu Planet dangah ka awm ta emaw tih tur hian khawvel chu a zîm ta hle mai. He hmun ka la nêl loh takah hian naupang tê tê leh upa ve tawh tak tak, putar kan tih mai tur angte hi an awm kat ve nuaih mai a. Chu chuan ka chhûngrilah engemaw ti tak hian leng ve-a inngaihna min siam sakin ka hria.

       Tûn hmâa ka lo ngaihtuah dân ang chuan jail chhûng chu ka hmu hauh lo mai. |halaite chuan tuite khâiin hmunte an lo phiatfai a, an kianga a upa deuh lo awm mai maite chu phût hauh lovin kawng tinrêngah an kêp zêl zawk a ni. Chêtzia rêng rêngah aia upate an zahthiamna chu a takin ka hmu a, mak pawh ka ti hle nghe nghe a ni. kei pawh naupangtê e tilo chuan aia naupang zawkte chuan ka kawmawlte chu phûr takin min lo thleh fel sak mawp mawp a, keipawhin chu chu ka la tih ve tur a ni tih hrerengin, aia upa zahthiamna leh tlâwmngaihna chu a takin kan zir nasa ta mai a ni. Infuihna hun hi karkhatah \um khat kan nei ziah a, dâwt sawi leh rûk rûk chînte chu khap tlat a ni.

       Khawiahmah kalsawn theih loh ta na nâ chu eng teh vak mah kan zir lo, mizo tlâwmngaihnate chu kan thil zir ber a ni. Han luhlul deuhte pawh an awm ve \hin, ka thiâm lo lêm lo. Kan thil zirte hi pâwn lamah chuan  a thûin lo hre ve tawh mah ila a takin ka zir ngai si lova, \henkhat tân chuan han inchuktuah rem hi a harsa ve \hin rêng a ni. Hmânlai chuan Zâwlbûkah te inzirtir a ni \hin a, tûnah hêng hmun hi kan nei tawh si lo. Khawharin riahnaah Vâlupa ten fuihna thu an sawi \hinte kha a rim a râ pawh hre phâk lo kan tam hle tawh mai si anih hi. Sikul zirlaibua kan hmuhte leh YMA anga hmâ kan lâknate hian helai hmun kan inzirtirna chu a nê pawh a ek pha love ti ila thu kan uar lua lovang chu, a chhan chu thûa inzirtir leh a taka nun a inan loh avângin. Nu leh pa lam han thlîr ila, a \hen hi chuan fate zirtîr ahnêkin an lo nun pui lo hrim hrim a ni. Chuta chhapah nupa in\henna chuan fahrah tam tak a siam zawk a ni.

       Jail hi misual râwva tak tak dahkhawmnaah ka lo ngâi \hin a, mahse ka nuna zirtirna ropui ber chu he hmunah hian ka chharin ka in hre ve tlat a ni. Krismas thil pêk hlu takah ka ngai ve hmiah mai. Chutih mêk lai chuan tuna zâwlbûk kan hmuh mêk (Jail)-ah chuan inhrem leh invuak, misualte dâwpna hmun anihna hi ala bo si lova. Zoramin kan mamawh ber inchhûngkhura kan inzirtirna hi harsa tawh viau mahse engtinnge \an kan lâk ang tih hi kan ngaihtuah a ngâi ta a ni. A bul berah chuan nu leh pa te hi an pawimawh ber mai. Ka tân chhûng hian a tam thei ang ber hmelhriat neih ka tum a; ka nei ta rêng bawk a. Chûng zozâi zînga zâa sawm (10%) \ha vêl zet zawt chauh hi nu leh pa kâra seilian an ni. A bâk chu nu leh pa in\hen leh an thihsan tawhte an ni. Kei ngêi pawh hi ka ni.

       Nu leh pa’n fanau chunga kan mawhphurhna kan lâk loh hian kan fate chungah beiseina a tlêm duh êm êm a ni. Pathian laka kan rochan fanau enkawl leh peih si lohna hian naupang tê têin \halai a hmei a pâin jail-ah a tîr lût nguah nguah mai anih hi. A hun laia zirtirna dawng lovin puitlin hnûa han zir leh hi chu thil anih dân tur a nilo zo tawhin a khirh zo tawh \hin a ni.

       Engtiziange tâng chhuakte hi an va \ha chhuak chuang si lo ve? kan lo tî pawh a ni thei. Naupan lâi a\anga inzir tawh loh laklawh hi chuan; Pathian a\ang lo hi chuan inthlâk hi a harsa tawh êm êm a ni. Engemaw ti tak hian ze \ha lo hian an mahniah bû a khuar tawh pawh a ni mahnâ. Kan ramin kan hlauh leh huat êm êm, ruihhlo ngawi veina leh HIV/AIDS natna hriat a \ul ziate pawh hi hmun hrang hrangah kan zir \hin. Kan Zonunmawi pâwn lama chawisân kan tum dân ang lek hi a ni ang tih a hlauhawm hlel love, engkim mai hi mahni inchhûngkhur a\anga chifel chi hi a ni si a. Zawm aiin hriat tamah kan sâng ta lua anih ber hi maw.

       Tûnlaia kan thil vei tam takte ai hian nu leh pa te hian kan pawimawh a ni tih hi i hre thar leh te’ng u. Tûna kan \halaite hian kan ram hian an chawisâng thei a ni tih hriain, keini alo dâi pelh tawhte paw’n kan tawrhnate pawh kan mualpho pui hreh ta lo anih hi. Kan dinhmun a\ang hian inbih nawn mawlh teh se.

       Krismas rim a nam, pâwn lam ngaih a zual \hin. Mahse, hei chauh hi ka’n belh leh hrâm teh ang. HIV/AIDS vei te’n \hangtharte fuihna tam zawk an phuhchhuah theih nân mitin ten he natna vei mêkte kan ngaihdân i sawh sawn ang u. A veite paw’n hei hi remchângah lâin tûn ai hian Zaram chhanchhuah hnâ hi han bei ngawrh leh teh ang u. Mahni chauh inngaihtuah a, \hu kun hman kan ni ta lo. Ruihhhlo hluarna hi engchengnge ni dawn? Mipat hmeichhiatna kan hman pawlawh dân phei chu sawi hian a siak tawh lo. Nu leh pa te hian kan fate \han chhoh zêl dân tur hi mutmawh hnârmawha kan lâk a hun ta tak zet a ni. Ho lua a awm lo, an inchei dân, an mit châk zâwng, an nungchang hotête thleng hian i zirchiang ang u. Hun duh mahse a phû thlawt a ni.

            Kan zâwlbûk sawi tâk anga kan fate, loh theih loha an inzir  a ngaih hun a thlen chuan krismas hi tu’n nuam takin an hmang bîk mawlh lovang. Kan chhuan kal zêl ten min dem loh nân kan dinhmun hi ngaihtuahin, \an ila thar leh sauh sauh teh ang u.

BIBLE  QUIZ  No.5

I Chronicles  BUNG 21-25

A kâr âwl dah khat rawh :

Q1.Nimahsela lal thu chuan Joaba chu a hneh ta a. Chutichuan Joaba chu a chhuak a, Israel ram zawng zawngah chuan a kal a, ___________________-ah a haw leh a.

Q2.sidar thingchiar sen loh nen; Zidon mi leh tûra miten ____________ hnênah chuan sidar thing tam tak an rawn la a ni.

Q3.Chung zinga sing hnih leh sângli chu LALPA in satuho hotu tûr an ni a; tin, sângrukte chu hotute leh ________________ tûrte an ni a;

Q4.Tin, Ithamara thlahte ai chuan Elazara thlah puipaa tang an tam zâwk a; hetiang hian an then a:  Eleazara thlaha mi, chhûngkaw puipa sâwm leh paruk an ni a; tin, Ithamara thlaha mi, chhûngkaw puipa ________________ an ni.

Q5.Hemana lakah chuanL Hemana fa Bukia te, Matânia te, Uziela te, Sebuela te, Jeribnotha te, Hanania te, Hanan te, Eliatha te, Gidaltia te leh Romamtiezera te, Josbekasa te, Malothian te, _________________ te, Mahoziaotha te an ni a;

A bung leh châng dah rawh :

Q1.Levi-ho leh Benjamin-ho eraw chu a chhiar tel velo; lal thu chu Joaba huatzawng tak ani si a.

Bung: ...............          Chang: ....................

Q2.Tin, Davidan a fapa Solomona hnênah chuan, “LALPA ka Pathian hming atân hian in sak ka lo rilruk thin a.

Bung: ................         Chang: ....................

Q3.Laldana fate chu puipa ber Jehiela te, Zethama te, Joela te, pathuam an ni.

Bung: ................         Chang: ....................

Q4.vawi ngana chu Malkija chungah, vawi rukna chu Kihamina chungah;

Bung: ................         Chang: ....................

Q5.vawi thumna chu Zakura chungah, a fapate leh a unaute chu sâwm leh pahnih;

Bung: ................         Chang: ..................

Hming : ......................................................

Section : .....................................................

BIBLE QUIZ  NO. 4 RESULT

Chhanna lut zawng zawng : 2

Chhang dik vek                       : 2

Lawmman dawngtu     : Laldampuii (V.Sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

                  PAVALAI INKHAWM PROGRAMME

A hmun    : Vesttry

A hun       :7.2.2013 (Ninga zân)

Chairman : Pu H.Remtluanga

|antu        :Pu Lalthanhranga Ralte

                  Rilru sawi leh \awng\ai ruala hun hman a ni ang.

HRIATTIRNA

            Ni 4/ 2/ 2013 zân dar 6 hian RKVY  Ramri / Reraw zâu  Farmer Association Committee tur a ni.

A hmun: Pu R. Sangzuala (L) In

LEHKHABU  KAWM  SIAM  DAWN

               Kristian |halai Pawl Marka group te chuan sumtuak nân vengchhûngah lehkhabu kâwm tuam tur kan rawn khawn leh dawn a, vengchhûng mipuite kan inhriattir a ni e

               Tin, vengchhungah mombati kan rawn zuar dawn bawka, tlawmngaia min lo dawr turin vengchhûng mipuite kan kan inngênin kan in hriattir bawk a ni e.

K|P HUANG

ELECTRIC  BILL

               Kristian |halai Pawl Luka group-te chuan tun kum chhûngin sumtuak nân vengchhûngah Electric Bill kan rawn khawn leh dâwn, kum dang aia felfaia tih tum a ni a, vengchhung mipuite tlâwmngâia min lo pêk tir leh tûrin kan inngênin kan in hriattir a ni e.

Sd/-

(MALSAWMZUALA)

Secretary

Luka Group K.|.P

LAWMTHU  SAWINA

               Nimin  2.2.2013 (Inrinni) khân Branch K|P chuan nilêngin Pi Hlimpuii huan sâma hnatlâng neih a ni a, member \hahnemngai taka thawkchhuakte chungah Branch K|P chuan lawmthu a sawi a ni.

               Tin, inhlawhna \ha tak min siamsak tu Pi Hlimpuii w/o K.C. Thanga (L) te chhungkaw chungah branch K.|.P chuan lawmthu a sawi tak meuh meuh bawk a ni.

Sd/-

(LALDUHKIMA)

Secretary

Branch K.|.P

BIAL  K.|.P  CONFERENCE  HMANG  ZO

               Hlimen bial K|P Conference vawi 47-na chu ni 25-27.1.2013 chhûngin Hlimen Dâmveng Kohhrana hman chu zawh a ni ta a, bial chhûng K|P member ten an hlawkpuiin Items hrang hrangte pawh Branch tin ten an tihlawhtling thei vek bawk a ni. He inkhawmpuiah hian 2013 chhûnga Bial hruaitu tur thlan nghal a ni a chungte chu:-

Leader      : Upa Lallawmchhunga

Asst. Leader: Pu H.Zothansiama

Secretary     : Tv. Lalkhawmawia

Asst. Secy.   : Nl. V.Lalrindiki

Treasurer    : Pu Rony Zodingpuia

Finance Secy.: Tv. Lalchhandama

Committee Members:

Nl. Mimi Zohmingmawii

Tv. Lalbiakdika Ralte

Pu A.Lallawmsanga

Pu Lal\halawta

Tv. Peter Vanlalvenpuia

Tv. Levia Vanlalruata

Pu Lalchhandama

Pu Jeff Lalhmingsanga

Pu R.Lalhmunsiama

T.Upa H.Vanlaltlana

Pu Lalthlamuana

Pu Biaknghinglova

Tv H.Lal\anpuia

TUALCHHUNG

,Pu Lalrinmawia h/o Pi Lalrempuii (V.Sec) te nupa chuan a pakhatna atan fanu duhawm tak an nei thar.

,Pu Zairemmawia h/o Pi Mami (T.Sec) te chhungkua chuan \ul leh mamawh a hman atan Car (800) an lei thar.

,Pu F. Lalbuaia h/o H.Lalhmangaihi (V.Sec) te chuan \ul leh mamawha hman atan bike (Karizma) thar an lei.

, Sailothangi Sailo te chhûngkua chu Mission Vengthlang a\angin Pu Lalrinawma (Rom-a) (V.Sec) te inhnuaiah an rawn in sawn.

Zânin EPL inkhêl turte

West Brom Vs Tottenham (7:00)

Man. City Vs Liverpool (9:30)

CYMA HRIATTIRNA

            Central YMA leh Mizoram State Sports Council \angkawp chuan a hnuaia hun leh hmun ruatah hian District & State Level PYKKA Sports Competition-ah hian Branch YMA aiawha tel  thei tur leh helama tui mi kan awm chuan Branch YMA Secretary hnênah in hriattir tur a ni e.

Inelna tur hrang hrangte:

1. Badminton   2. Table Tennis

3. Valleyball    4. Inbawlvawm

5. Inkawibah   6. Ketaminu intlansiak

District Level:  5th - 7thFebruary, 2013

State Level:  12th - 15thFebruary, 2013

   Tin, Half Marathon Race Hmeichhia leh Mipa tân 23rdFebruary, 2013 (Zîng dar 6:00) hian CYMA-in a buaisaih leh dawn a, Team anga tel tur anih avangin mi pathum aia tlêm lo nih tur a ni. Tel duh turte chu a hmâ lama inhriattir tur a ni e. Hemi chungchang zawhfiah duh nei chuan Branch YMA Secretary hnênah zawhfiah theih a ni ang.

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300