Mipui Aw 10.2.2013

MIPUI AW

KARTIN CHHUAK

Vol. XIX Issue No. 6 Kristian Thalai  Pawl  Saikhamakawn Branch  Pathianni Dt.10.2.2013

VAWIIN CHANG VAWN

            Inveng la, i thil la neih thi lek lekte chu tinung leh rawh; i thiltihte reng ka Pathian mit tlung zovin ka hmu si lo. Chutichuan, i thu dawn leh ngaihthlakte kha hre reng la, pawm la, sim rawh. I inven loh zawngin rukru angin ka lo kal ang a, eng hunah nge ka rawn phawk dawn che i hre dawn si lo. Thupuan 3: 2-3

KOHHRAN  PROGRAMME

10.2. 2013 (Pathianni)

Sunday School Inkhawm

|antu           : Pi Lalnunmawii

Chawhnu Inkhawm

Thuhriltu    : Upa Lalzuiliana

Zân Inkhawm

Thuhriltu    : Upa C. Lalmuankima

KTP PROGRAMME

 Dt. 11 .2. 13 (Thawhtan zan)

Neihthil thehkhawm

A hmun          : Sunday School Hall

Hruaitu           : Nl. Lalrinchhani

Tantu              : Tv. Lalruatsanga

February thla chhunga zai hruaitu leh

musician turte

Hla hruaitu    : Tv. Lalhmangaih

turte                  Tv. Pc. Vanlalhriatpuia

Musician         : Pu Lalremruata

KOHHRAN  HMEICHHIA  Inkhawmpui thlirlentna leh tawng\ai hona (12.2.2013)

Hruaitu           : Pi Zohmingthangi

Tantu              : Pi Hmingthanzuali

            Hlimen Pastor Bial Kohhran hmeichhe inkhawmpui Melthum kohhranah neih mek a ni a, zanin hian a \iak ang.

SERMON

MAHNI TA KAN NI LO

            A nih leh, in taksa chu,in chhunga awm Pathian hnen atanga in hmuh Thlarau Thianghlim in a ni tih in hre lo em ni le? Mahni ta pawh in ni lo va, Mana lei in ni tawh asin, chuvangin in taksaah chuan Pathian chawimawi rawh u.                     I Kor 6:19-20

            Kan Pathian thu chuan mihringte hi ama ta kan nih zia bible chang kan han tarlan atang khian a lang chiang hle. Bible chu a daw dawn si lo, chuvang chuan Pathian ta kan ni tih hi kan awih mai a tul awm e.

            Bible bul lam kan chhiar chuan mihring te hi Pahian siam kan nih thu kan hmu a, ama anpui ngeia a siam kan ni tih pawh a lang chiang hle, chumai bakah a thilsiam dang zawng zawng ai pawha kan ropui bik zia te, a thilsiam dang te chungah pawh thunei tur leh enkawltu tur kan nihzia pawh kan hre theuh awm e. Chumai pawh a la ni lo, nitin Amah nen an lengdun a; an in pawl thin a ni. Chutianga Pathian nena lengdun thin ama nunna thaw ngeia nung mihring te chuan sual bumna hnuaiah tluin Pathian fa kan nihna atangin kan bosan ta a, fa kan nihna atanga bosan in sual fa kan lo ni ta. Hrem tuar tur mihring kan lo ni.

            Sual bumna avanga Pathian hremna kan tawh tur chu amah Pa Pathian ngei chuan phal lovin a fapa mal neih chhun Isua Krista chu kan sual thawinan amah leh amah in tihlungawi nan a fapa ngei nunna chu keini misual te min tlan nan min rawn pe ta ani. Tichuan Pathian thisena lei ama nunna a tlan chhuah kan ni a, keini in kan hriatloh lai leh kan pian hma kum engemaw zat kal tawh atang khan sual bawih atangin min lo tlan tawh a tuna kan awm ang hian Pathin fa nihna hlu tak chu kan lo chang der tawh a Lalpa ka lawm e tih mai lo chu tihtheih kan nei lo.

            Kan tih ve tel lo chhandamna kan chan avang erawh chuan tih tur kan nei ve ta, awm mai mai tur kan ni lo a, kan taksa peng te Pathian hman atana felna hriamhrei ah kan hlan ve a ngai a ni. Mahni duhzawng leh chak zawng a awm tur kan ni lova min lei tu Pathian ta kan ni a; a thu thu a awm tu kan ni, chuti ni lo a, mahni duh ang anga kan awm chuan kan taksa leh thlarau neitu hian kan chungah ro a la rel anga thiam kan chang hauh lo ang.

             

                       

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

BEI LA, BEI NAWN RAWH

            Mihring kan nih chhûngin mî ang pangâi kan nih chuan kan hmâah tih tur leh hma chhawp kan nei \heuh âwm e, he kan hmachhawp \heuhah hian tih hrâm peihna leh beih hrâm peihna neilo mihring chu mi hlawhthling an awm ngai lo. Chuvangin mimal tin ten hmachhawp hlen tur kan neih \heuhah hian tih hrâm hrâm leh beih hrâm hrâm peihna kan neih a \ul \hin. Kan hmâ lawkah hian Mizoram School Education Board Exam pawh kan hmachhawn leh dawn a ni, hêngahte pawh hian kan tih hrâm hrâmna hian rah \ha a chhuahin a chhuah lo leh dawn a ni. Thupuia kan hman ang deuh hian, beih hrâm hrâm a, kan peih tawh loh viau-ah pawh kan beih leh hrâm \hin a ngâi dawn a ni. Chutiangchiah chuan mitin mai hian kan hmâa tih tur awm hlenchhuah ngâi ang chi hi chu kan beih hrâm hrâm a, kan sual hlawhtlin a ngâi \hin a ni tih hriain kan hm^a harsatna awmte chu han beiin i han bei nawn leh hrâm hrâm \hin ang u.

ARTICLE

AN DUAI BIL LO ASIN

-Mr.Black

            Kum 2013 alo her chhuah meuh chuan Central YMA lam pawhin \halai intihhlimna leh unauna \ha siam turin ruahmanna a rawn siam ta rup mai! Item hrang hrang hmanga infiamna thianghlim a buatsaihah hian Saikhamakawn Branch pawhin a theih ang angin a insangphek ve a, Item engemawzâtah chuan kan han intheh \hil ve thei mai kha ropui danglam tak chu a ni e.

            A nikhatnaah Inkawibah, Ketaminu tlân, Intlânsiak, Feikhawh etc. te kan han ti a, vawikhatmah kan la tih chhin loh Branch hmangaihna avanga thî leh thau pawlha beitu zawng zawngte an fakawm a, fak thei lo kan awm palh anih pawhin sawisêl lo pâwlah lo \ang hrâm ang che.

            Kawngpui mâm nuam leh fai \ha ringawtah hmasâwnna a tluantling lo tih hriain kan nuvalâi leh lanû ten an hna \ul kalsan a, feh kawng zawh tawh pawh an lo lêt leh ngat kha chuan Gold Medal min van pe chiang êm!!!Field/Ground chhûngah pawh an tâl na narawh e, inkawibah an thiam a, an hmanraw hman a pisil êm a, kan vânduai ta mai pawh kha Gold Medal Talent kan hmu nual âwm e.Ketaminu intlânsiak mawlh mai kha, Medal ava hnâi êm! Vânduai hrim hrim thil avangin Medal kan la lova, a uihawm rualin Medal hâwn tlukin kan lawm e. Intlânsiakah pawh kan duai love, Gold Medal beisei awm takin an han tl^n a; Pinky Lalparmawii a’n tlu palh hlauh mai kha chu âw... Kumthar min van nghahhleh tîr êm! Khiang lo âwi lo hrâm rawh se. Lungden lam pawh kan duai lo, a hunah a no thiam tho a, vêng tân \an phek a \ul leh a phek leh mai a, Pâtei ten Medal an hnaih \hin teh e âw... Kum leh tharah inbuatsaih ila individual Item tam takah Medal Talent kan nei. Javelin Throw-ah pian tirh atâ vawikhat Throw naah Ms.Lalrindiki’n Medal a khawh chhuak a, lawmman pathumna nên Branch leh khawtlâng a chawimawi nawn leh ta! Kan va’n chhuang êm!

            Sawi hmaih chi bîk hauh lo chu kan Branch hruaitute leh Section hruaitute inpêkna kha ropui ka ti, a hmun englai pawhin \awiâwmtu an ni reng a, kal theilo remchang pawhin sum leh pâi an la thawhchhuak hrâm hrâm kha an bat chu a ni lo asin, vêng an hmangaihna kha a ropuiin an chhuanawm khawp mai.

            A tawp berah chuan Member zawng zawngte inpêkna leh nuvalâi ho inpêkna kha a ropui lâi ber chu a ni e, in vaiin Gold Medal thinlung lamah inhlawh e.

HRISELNA HUANG

BALHLA

A chanchin tlângpui: Balhla hi Mizoramah kan chîng nasa ve hle. Ruahtui tlâk tam deuhna hmun, tui tling thei si lovah a \ha duh. Chi hrang tam tak a awm. Mithiamte chuan Balhla hi mihringte thlai chîn hmasak ber pâwl niin an sawi. A rah \hat leh \hat loh hi a chi \hat leh \hat lohvin a hril thui hle.

            Balhla rahah hian zâa sawmthum leh pasarih (37%) chu Starch a ni a, zâa sawmhnih leh pahnih (22%) chu Sugar niin a dang zawng chu Vitamin - A, B, C, Iron, Fat, Albumen etc. te an ni. Chaw pâi \awih a ti awlsamin chaw pai \awihna lam thilte leh mipat hmeichhiatna lama chakna a pâi hnem hle. Balhla hi a tam êm avang leh a tlâwm êm avang hian anih tur angin ngaihhlut nachâng kan hre lêm lo niin alang.

Damdawia hman theihte: A rah, a hnah leh a kûng bul (lei hnuai ami)

Damdawia hmannate:

Thi neih lâia thisen chhuak nasa lutuk: A rah hel a kawr kheh hnûah râwt sawm diak a 25gms leh kurtai 25gms chawhpawlhin zingah leh zan mut dawnah ei \hin tur.

emaw

A rah hel a kawr kheh hnûah tui tlêmte nên râwt sawm a, a tui sâwr 10ml leh khawizu 5ml chawhpawlh a nitin zingah leh tlaiah ei \hin tur a ni.

Zun tam lutuk: A bul den sawm tui sawr 6ml zêlin nitin zingah leh tlaiah ei \hin a \ha.

Hmeichhe serh a\anga thil var chhuak nasa: A kûng emaw tumbû emaw kan a, ei a \ha.

Puma thil thur tam lutuk: A bul rawh vâp 3gms leh tui emaw bawnghnute emaw no khat chawhpawlh a, nikhatah vawi li ei a \ha.

Zunthlum: A kûng densawm tui sawr 200ml, aieng râwtdip leh khawizu tlemte chawhpawlh a nitin vawi hnih ei tur a ni. Tumbu kan ei \hin pawh a \ha.

Awrpuar: A bul densawm tui sawr 25ml leh khawizu thirfiante khat chawhpawlhin nitin zing leh tlaiah ei tur. He damdawi hi \halbe vûng leh nâ tân pawh damdawi \ha tak a ni.

Thi neih laia taksa nâ: Tumbu tui sawr 50ml leh bawnghnute thur khal (Dahi/Dhoi) 50ml chawhpawlh a, nitin vawi hnih zing leh tlaiah in tur a ni. Ramhnuai Tumbu hi hetiang damdawi atân hian a \ha zawk.

Kala lungte awm: A kung densawm tui sawr 30ml zêlin nitin zing leh tlaiah in \hin tur a ni.

Nausên chaw: A rah hel a kawr kheh hnûah pan tê têa zai lêp a nisaah phoro hnûah râwtdip tur, thirfiante hnih/thum vêl bawnghnutein chhum a, nausên ei tîr tur. Chakna a pâi tamin nausên tân chaw \ha tak a ni.

BIBLE  QUIZ  No.6

I Chronicles  BUNG 26-29

A kâr âwl dah khat rawh :

Q1.Semaia fapate chu Othnia te, Rephaela te, Obeda te, Elzabada te a ni a, an unau Elihua leh ____________________  chu mi chak tak an ni.

Q2.Thla sarihnaa sipai hotu chu Ephraima  thlah Pelon mi Heleza a ni a, a pâwla chuan singhnih leh ______________ an awm.

Q3. Tin, nang ka fapa Solomon, i pa Pathian hi hria la, thinlung tha famkim leh rilru phur takin a rawng bâwl ang che; LALPA chuan thinlung a en thin a, rilrua suangtuah zawng zawngte hi a hre vek a ni; amah i zawn chuan i hmu ang a, i hawisan erawh chuan kumkhuain a ______________________ ang che.

Q4.Chutichuan Davidan mipi zawng zawng, hmaah chuan LALPA hnênah lâwm thu a sawi a; “Aw LALPA, kan pu Israela Pathian, __________________ fakin awm rawh.

A bung leh châng dah rawh :

Q1.Tin, Meraria thlahte zinga Hosa chuan fapate a nei bawk a; Simria chu puipa ber a ni a, (fa tir a ni lo na a, a pain puipa berah a siam a ni);

Bung: ...............          Chang: ....................

Q2.Thla riatnaa sipai hotu chu Zera thlah, Husat mi Sibekaia a ni a; tin, a pâwlah chuan singhnih leh sângli an awm..

Bung: ................         Chang: ....................

Q3.chutichuan LALPA mipui, Israel-ho zawng zawng mithmuhah leh ka Pathian hriata hian LALPA in Pathian thupêk zawng zawngte hi pawm tûr leh ngaihven tûrin ka fuih a che u; tichuan he ram tha tak hi in lua ang a, in hnua in thlahte kum khua atân in rochun chhawntir zel ang.

Bung: ................         Chang: ....................

Q4.tin, Pathian in sak nân rangkachak talent sângnga leh darik sing khat, tangkarua talent singkhat leh dar talent singkhat leh sângriat, thir talent nuai khat an pe a.

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 5 RESULT

Chhanna lut zawng zawng : 4

Chhang dik vek : 4

Lawmman dawngtu     : Lalruatsangi (V.Sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

ELECTRIC  BILL

            K.T.P. Luka groupte chuan tun thla a\ang hian vengchhungah electric bill sumtuak nan kan rawn khawn \an leh dawn a, khawn laia awm remchang lo te pawhin due date hma ngeiin Tv. Malsawmzuala hnenah leh Tv. Lalhmanngaiha s/o Chuailovi hnenah a pek thei reng bawk a ni. A theih chin chinah bill receipt hi pekchhuah lehnghal tur a ni ang.

HRIATTIRNA

            Ni 20. 2. 2013 (Nilaini) hian Saikhamakawn branch Y.M.A member-te Community Hall chhuat siamin nilenga hnatlang neih tur a ni a, member-te \hahnemngi taka thawkchhuak turin kan inngenin kan in hriattir a ni e. Hnatlanga thawkchhuak turte chuan chaw leh chawhmeh fun \heuh tur a ni e.

HRIATTIRNA

            Kum 2013 chhunga Y.M.A chanchinbu/magazine thlatin chhuak la duh turte chuan Branch Y.M.A President Pu Lalpianthanga hnenah February ni 20 ral hmain in report tur a ni e. A man hi pek lawk a ngai a, kum chanve man Rs 50/- emaw kumkhat lak man Rs 100/- emaw ken nghal tur a ni.

LAWMTHU  SAWINA

            Saikhamakawn Y.M.A Vanapa Section chuan sumtuak nan nimin inrinni khan vengchhungah bawng talh a ni a, vengchhung mipui tlawmngaia min dawr tute zawng zawng chungah lawmthu kan sawi a.

            Member \hahnemngai taka thawkchhuakte zawng zawng chungah leh Pu Hmingzuala’n  bawng talh nan a huan min hmantir avang leh \ul zawng zawnga min buaipui naah lawmthu kan sawi bawk a ni

Sd/- (C. LALNUNSANGA)

Secretary, Vanapa Section

YMA HRIATTIRNA

               Saikhamakawn Branch YMA chu chapchar Kût lo awm turah telve tum a ni a, heta tel tum zawng zawngte chu ni 12.2.2013 (Thawhlehni) zân dar 6:30-ah Community Hall-ah kim vek tur a ni a, YMA Member zawng zawngte tel vek tum turin kan in ngênin kan inhriattir a ni e.

Sd/-

(K.LALHULIANA)

Secretary

Saikhamakawn Branch YMA

HINDI SCHOOL

ADMISSION

HLIMEN M/S - I ah zingkar dar 6:30am - 8:00am inkarah Hindi Class, Class-IV - B.A. a zir theih e.

Admission Fees:

Cl-IV - VIII                 : `500/-

Cl-X (Prabodh)           : `1500/-

Cl-XII (Praveshika)     : `2000/-

Cl-BA (Praveen)         : `2500/-

Monthly fees for all classes: ` 200/-

Class hi March ni 1, 2013 a\anga \an tur a ni e.

               Hindi Class mai bâkah Hindi Spoken leh Hindi Software hmanga thu chhut dânte pawh zirpui tum a ni.

RAJUN KUMAR JOSHI

Hindi Teacher, Govt. M/S-I

Hlimen

&

Ph.D Scholar

Hindi in MZU

9863914397

Contact:

9862022067 : C.Lalduhsanga

9436199909 : Duhthusama

9863914397 : A.K.Joshi

Note: Mizoram Hindi Prachar Sabha (MHPS) hnuaia permission nei kan ni e.

TUALCHHUNG

, Pu Lalengzama h/o Lalropari (V.Sec) te chuan City Bus an lei thar.

, Pu Kapkhama f/o Zatinkhuma (T.Sec) te chuan khawi ilo vah vêl nân Car (Alto) an lei thar.

PAVALAI INKHAWM PROGRAMME

A hmun    : Vestry

A hun       : 14. 2. 2013 (Ninga zân)

Chairman : Pu R. Lalsangliana

|antu        : Pu Rinngaihzuala

Thuhriltu : Pu T. Lalrinthanga

Zânin EPL inkhêl turte

Aston Villa      7:00     West Ham

Man. Utd.        9:30     Everton

Thawh\an zan inkhel turte

Liverpool         1:30     West Brom

F.THANGMAWIA MEMORIAL SCHOOL / HOME MISSION SCHOOL, MELTHUM

Teacher required

The School requires more teacher and the applicants must have passed 12th Class or above, apply on or before 15thMarch, 2013 and the interview will be held at the School office on 16th of March at 12:00 noon.

Admission open for Class K.G-I to Class-V.

Sd/-

 Principal

F.T.M.S / Home Mission School

Contact No.:    9862711998

                        9862224699

THU  ROTLI NG

            * Lehkha chhiarin mi inthuam famkim a siam a, inbiakhonain mi inring reng a siam a, lehkha ziakin mi tak tak a siam a ni.  

-Francis Bacon

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300