Mipui Aw 17.2.2013

MIPUI AW

KARTIN CHHUAK

Vol. XIX Issue No. 7 Kristian Thalai  Pawl  Saikhamakawn Branch  Pathianni Dt.17.2.2013

VAWIIN CHANG VAWN

            Chhandamna hmu khawpa tifing thei che Lehkha Thianghlimte chu i naupan tet ata hre tawh i ni tih hriain , i thil zir leh i thil hriat chianah te chuan awm reng rawh.            II Tim.3:14-15b

KOHHRAN  PROGRAMME

17.2. 2013 (Pathianni)

Sunday School Inkhawm

|antu           : Pi Lalhmangaihi

Chawhnu Inkhawm

Thuhriltu    : Pi Khawlvuani

Zân Inkhawm

Thuhriltu    : Upa Lalrindika

K|P PROGRAMME

 Dt. 18 .2. 13 (Thawh\an zan)

Hruaitu           : Pu C. Lalremruata

|antu              : Tv. Zonunsiama Ralte

Thilpek lak-   : Nl. Vanlalmalsawmi

hawmtu turte : Nl. Pricilla Lalramsangi

Thuhriltu       : Tv. R. Lalzamlova

February thla chhûnga hla hruaitu leh

musician turte

Hla hruaitu    : Tv. Lalhmangaiha

turte                  Tv. Pc. Vanlalhriatpuia

Musician         : Pu Lalremruata

FELLOWSHIP  PROGRAMMEE

A hmun          : S.S Hall

Hruaitu           : Nl. Lalramnghaki

|antu              : Nl. Ramdinthari

KOHHRAN  HMEICHHIA  (19.2.2013)

Hruaitu           : Pi Lalchharliani

|antu              : Pi F. Laldawngliani

Thuhriltu       : Pi Lalparliani

SERMON

SIM  LOH  MAN

            Luka 13 2-5 Tin, ani chuan an hnenah, “Chu Galili rama mite chu,chutiang thil an tuar avangin Galili rama mi zawng zawng aiin mi sual bik niin in ring em ni? Ni suh e, ka hrilh a che u, nangni pawh in sim loh chuan chutiang bawkin in boral vek ang. Tin, Siloam in sangin mi sawm leh pariat a delhhlumte pawh kha, Jerusalem khuaa awmte zawng zawng aiin mi sual bik niin in ring em ni? Ni suh e, ka hrilh a che u, nangni pawh in sim loh chuan chutiang bawkin in boral vek ang,” a ti a, a chhang a.

            Khawvela kan awm chhûngin ringtute hi sual ti theilo kan ni tihna lam a ni lova, ringtu chuan a nunah Pathianin thu a neih tlat avângin thilsual an ti ngam lo mai zawk a ni. Thuthlunghlui lam kan en chuan Pathian \ih mi leh a tâna in pe \hin miropui tak takte pawh sualah an tlu a ni tih kan hmuin kan hre thei âwm e. Mahse, thinlung leh tihtakzetin Pathian hnênah ngaihdam an dîl a, tichuan Pathianin a lo ngaidam leh \hin. Pathian ngaihdamna an chan hnû hian an tlûkna ngâiah an tlu zui tawh ngai lo thung. Sual sim hi Pathian duh dân dik tak pawh a ni rêng a ni. Tlûkna leh han petek châng chu a awm thei e, mahse kan sim chuan Pathianin min ngaidam leh ngêi ngêi dâwn a ni.

            Bible thu kan tarlanah erawh chuan sual sim duh lote chan tur chiang takin a sawi a, Lal Isua ngêiin a sawi a ni. Sual vângin hliam kan tuar \hin a, Pathian ngaihdamna pawh kan chang ngei \hin, mahse  sim a; kan kawng zawh ngâi zawh tawh lo tur kan ni tih erawh kan hriat reng a \ul khawp mai. Sual sim ten Pathian ngaihdamna an chang \hin. Nimahsela Pathian duh loh zâwng kan tih zia inhriain kan sualte thupha chawiin Pathian hnênah ngaihdam dîl \hin mah ila, simna tak rilru kan put si loh chuan Pathian ngaihdamna kan chang zo tak tak dawn chuang lo a ni. Luka Bung 13 thu kan târlanah phei chuan sual sim duh lote chu Pathianin a hrem a \hulh dawn chuang lo a, thihna an pumpelh dawn hauh lo a ni tih chiang takin kan hmu a ni. Engemaw vângin sualah kan tlu thei teh meuh mai, mahse Pathian hnênah simin kan hawikir leh ngei ngei tur a ni, chutilochuan sual vânga thî nia kan hriatte ang bawk hian kan la thi ve ngei dawn a ni tih kan hriat a va pawimawh tehlul em.

            A tawp berah chuan hei hi hria ila, mihring kan nih chhûngin Pathian dân bawhchhiat châng kan nei thei e, kan tlu dêr thei bawk, nimahsela Pathian fa nihna chang tawhte chu sual vângin kan bawk sawp reng tur a ni lo, simin Pathian hnênah kan kîr leh tur a ni a, kan sual ngâiah kan lêt tawh tur a ni lo. Sim loh man chu thihna a ni si a.      

                       

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

AIM & OBJECTIVE

            Kan thupui hi a Mizo\awng taka han lehlin dawn chuan, “Tum, tumna, kan hmalam hun tura kan inruahmanna” tihte pawhin sawi ila kan sawi sual âwm love.

            Mihring kan nih chhûng hian tum nei lova tâl ta mai mai hi chu kan tam âwm love, kan lo awm anih ngat phei chuan neih ngêi chi a ni. Kan nih tum emaw engemaw neih tum emaw hian hlawhtling ngêi turin kan thawh a, kan beih a ngai \hin a ni. “Tumna a sân chuan tlâkna pawh a sâng” an lo ti \hin. Chuvangchuan zirna lamah pawh pakhatna nih tum tlat chuan; kan lo nih loh pawhin pahnihna emaw pathumna emaw tal chu kan hauh pha \hin a nih hi. Kan lo tumnaah chuan IAS/MCS/Doctor/Engineer etc. pawh a ni thei e, chumi hlen chhuak tur chuan tûn hun zêla kan thil tih hi kan beih fat fat a, kan nitin hun kan hmanah hian tumruhna nêna kan beih loh chuan tum ringawtah ka zo dêr ang tih a hlauhawm tak zet a ni. Chuvangin tum mai bâkah hian a takin thawh i tum tlat ang u.

ARTICLE

MOZILLA FIREFOX

               Mozilla firefox a hmâ aia i tih chak duh chuan hetiang hian han ti chhin teh le:

               Firefox hawng la, address bar h khan 'about:config' tih chhu la enter roh. Box lo lang a om a nga, 'I'll be careful, i promise' tih laiah khân click roh, tichuan, thil alo lang \euh ang. Search bar-ah khân, 'network.http.pipelining' tih type la enter rawh, a chung ber tlar a FALSE tih kha TRUE-a thlâk turin double click rawh. Search box-ah khân, 'network.http.proxy.pipelining' tih type leh la enter rawh, FALSE kha TRUE turin double click leh rawh. Search box-ah bawk, 'network.http.pipelining.maxrequests' tih type la enter leh rawh, thu tlar khat lo lang kha mouse-in double click la, box lo langah khân 30 chhu la Ok tih kha click rawh. A tawp berah chuan i mouse kha right click la New->Integer-ah khân click leh la, box lo langah chuan, 'nglayout.initialpaint.delay' tih type la Ok rawh, box lo lang lehah chuan 0 (zero) type leh la tichuan, i firefox chu close la, lut \ha leh chhin teh, a hmâ aiin a chak deuh sawt ang.

               Tin, FIREFOX hmang \hinte tân Short-Cut Key:

Alt + Home Go to home page.

Alt + Left Arrow Back a page.

Backspace Back a page.

Alt + Right Arrow Forward a page.

F5 Refresh current page, frame, or tab.

F11 Display the current website in full screen mode. Pressing F11 again will exit this mode.

Esc Stop page or download from loading.

Ctrl + (- or +) Increase or decrease the font size, pressing '-' will decrease and '+' will increase.

Ctrl + Enter Quickly complete an address. For example, type computerhope in the address bar and press CTRL + ENTER to get http://www.computerhope.com/.

Shift + Enter Complete a .net instead of a .com address.

Ctrl + Shift + Enter Complete a .org address.

Ctrl + Shift + Del Open the Clear Data window to quickly clear private data.

Ctrl + D Add a bookmark for the page currently opened.

Ctrl + I Display available bookmarks.

Ctrl + J Display the download window.

Ctrl + N Open New browser window.

Ctrl + P Print current page or frame.

Ctrl + T Opens a new tab.

Ctrl + F4 or Ctrl + W Closes the currently selected tab.

Ctrl + Shift + T Undo the close of a window.

Ctrl + Tab Moves through each of the open tabs.

Spacebar Moves down a page at a time.

Shift + Spacebar Moves up a page at a time.

Alt + Down arrow Display all previous text entered in a text box and available options on drop down menu.

(Source : Facebook)

HRISELNA HUANG

BÂLPUI

A chanchin tlângpui: Bâl lian tak, hnah hlâi pui pui nei a ni a, a bul bâl hi chawhmehah an hmang \hin. Mizote’n kan ei ngai lova, Bengali hovin an ei \hin. Khawi hmunah pawh chîn lohvin a \o thei a, mi \henkhat chuan an chîng ve tho bawk.

Damdawia hman theihte: A hnah, a bul bâl.

Damdawia hmannate:

Taksa pâwn lam bâwk (Cancer ni lo): A hnah râwt sawm diaka taksa bâwk lâiah nitin vawi thum; a dam thlengin hnawih tur.

Kâng: A hnah leh kuang râwt sawm tui sâwr; kângah hnawih a \ha.

Tin bul nâ: A bul bâl, kutzung\ang leng tâwk vêlin tih kuak a, tin bul na lâi kutzung\ang chu rawlh luh tur a ni.

Khawmual kaikuang seh: A bul bâl râwt sawm diak a sehna hmuamhmâah bel a \ha.

Thakpui kan: A bul bâl râwt sawm a, thakpui kanna lâiah bel a \ha.

BAWLTEHLANTAI

A chanchin tlângpui: Bawltehlantai hi ‘parasitic plant’, thing dangin chaw an khâwlkhâwm sa ringa nung a ni. August thlaah a pâr \hin a, tuipui zâwl a\anga teha feet 4,000 hnuai lamah a awm \hin.

Damdawia hman theihte: A pâr leh a hnah.

Damdawia hmannate:

Hrawk nâ: A pâr râwt sawm diaka hrawk na lâi zâwn ka pâwn lamah hnawih a \ha.

Hrilawn: A hnah râwt sawm diak hnawih a \ha.

BAWRSAIABE

A chanchin tlângpui: Bawrhsaiabe hi India ram hmun tin deuhthawah an chîng. Mizoramah pawh kan chîng vein a rahno pawh chawhmehah kan hmang \hin. Thlâi kûng lian lêm lo tak a ni a, kum khat thlâi ‘annual plant’ a ni.

Damdawia hman theihte: A rah no.

Damdawia hmannate:

Khawsik: A rah no chhumna tui nitin vawi thum in a \ha.

Hmeichhe serh a\anga thil var chhuak nasa, phîng \ha lo, dadu, zung thei lo: A rah no chhumna tui no khat zêlin nikhatah vawi thum in tur.

Santên: A rah no chhumna tui; tak \ha tak nikhatah vawi thum in tur.

Taksa chak nân, hmeichhiat mipat lama chak nân: A rah no ei a \ha.

BIBLE  QUIZ  No.7

II Chronicles  BUNG 1-5

A kâr âwl dah khat rawh :

Q1.Tin, Solomona Pathian hnênah, “Ka pa Davida hnênah khan khawngaihna nasa tak i lantir a, a aiawhin _____________ mi lo siam ta a.

Q2. Lebanon-a mi sidar thing te, far thing te, algum thingte pawh mi han thawn ang che; i miten Lebanon-a thing kih an thiam hle tih ka hre si a; tichuan ngai teh, thing tam tak mi buatsaihsak tûrin ka ________ chu i mite zingah tel ve rawh se; ka in sak tum hi in ropui tak tûr a ni si a.

Q3. Tin, hmun thianghlim berah chuan ___________ lem panih a siam a; chung chu rangkachakin a luan a.

Q4.Tin, Hurama chuan bel te, vutlawhna te, maihûnte a siam a. Chutichuan Pathian in atâna lal Solomona a siamsak chu _______________ chuan a peih ta a;

Q5.Levi-ho hla satu zawng zawngte pawh an zavaiin Asapha te, Hemana te, Jeduthuna te, an fapate leh an unaute nen, puan zai sina intuamin darbenthek te, perhkhuang te, tingtang te nen, mâicham chak lampangah an ding a, an zingah chuan puithiam _____ leh sawmhnih tawtawrâwt hamin an awm bawk a ni:)

A bung leh châng dah rawh :

Q1.Tin, Hura fa Uria fapa Bezalela siam dar mâicham kha LALPA biakna bûk bula chuan a awm bawk a; tin, Solomona lehmipuihote chuan an va pan a.

Bung: ...............          Chang: ....................

Q2.vân zau tak pawha leng lo Pathian chu tuman in an saksak thei lo vang a. Kei tehlul hian rimtui hala amah biak nân chauh lo chuan engtin nge in ka saksak theih ang le?

Bung: ................         Chang: ....................

Q3.In chu, kalkhang te, bang te, a chhuat te, a kawngkhârte chu rangkachakin a chuantir a.

Bung: ................         Chang: ....................

Q4.Dawhkan sawm a siam bawk a, biak in chungah chuan ding lamah panga , vei lama panga a dah a. Tin, rangkachak maihûn za a siam a.

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 6 RESULT

Chhanna lut zawng zawng : 3

Chhang dik vek : 3

Lawmman dawngtu     : Lalruatfeli (T.Sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

PAVALAI INKHAWM PROGRAMME

A hmun    : Vestry

A hun       : 21.2.2013 (Ninga zân)

Chairman : Pu Chhuansanga

|antu        : Pu Biakvela

                  Rilru sawi leh \awng\ai ruala hun hman a ni ang.

Y.M.A  HRIATTIRNA

1. Ni 19.2.2013 (Thawhlehni) zân dar 6:30 ah Mizoram K.V.I Board bul tumin Y.M.A Library hall-ah function ropui tak leh hlimawm tak hman a ni dawn a. Vengchhûng mipuite a tam thei ang ber he hun hi hmang turin kan in hriattirin kan in sâwm a ni e.

2. Ni 20. 2. 2013 (Nilaini) khian Y.M.A community hall chhuat siamin branch pum hnatlâng nilênga  neih tur a ni a, chaw fûn tur a ni, chawhmeh erawh ken tel a ngâi lovang. Member-te \hahnemngâi taka thawkchhuak turin kan in hriattir a ni e.

3. Ni  23. 2. 2013 (Inrinni) hian 3rd Marathon race neih tur a ni a. Zemabawk Falkland a\anga tlân \anin Silaimualah kual a; mualpui Rajiv Gandhi Stadium ah tlân tâwp tur a ni. A tel zawng zawngte hian T.shirt leh bag an dawng vek dawn a ni.

            Tin, Pu Robuanga’n kan vengchhûng  a\anga tel an awm chuan a ti \hate tân mimalin lawmpuina a pe dawn bawk ani.

HRIAT ZAUNA ATÂN

                  Mizoram Synod hnuaiah hian Presbytery 50 (Sawmnga) a awm mêk a, chûng zînga 34 (Sawmthum leh pali) chu ram chhûng ami niin 16 (Sawm leh paruk) chu ram pâwna mi an ni. Ram pâwn Presbytery 16 (Sawm leh paruk) zîngah hian 10 (Sawm) chu Pastoral hnuaia mi niin 6 (Paruk) chu Mission hnuaia mi an ni.

LAWMTHU SAWINA

               Kei ni Marka Group K|P te chuan ni 15.2.2013 (Zirtawpni) zânah vengchhûngah Mombati kan rawn zawrh min lo dawrtute zawng zawng chungah lawmthu kan sawi a, tin, Bible, Hla bu leh lehkhabu kâwm min siam tir tute zawng zawng chungah lawmthu kan sawi tak meuh meuh bawk e.

Sd/-

(ZOHMINGMAWII)

Secretary

Marka Group, K|P

HINDI  SCHOOL

ADMISSION

HLIMEN M/S - I ah zingkar dar 6:30am - 8:00am inkarah Hindi Class, Class-IV - B.A. a zir theih e.

Admission Fees:

Cl-IV - VIII                 : `500/-

Cl-X (Prabodh)           : `1500/-

Cl-XII (Praveshika)     : `2000/-

Cl-BA (Praveen)         : `2500/-

Monthly fees for all classes: ` 200/-

Class hi March ni 1, 2013 a\anga \an tur a ni e.

               Hindi Class mai bâkah Hindi Spoken leh Hindi Software hmanga thu chhut dânte pawh zirpui tum a ni.

RAJUN KUMAR JOSHI

Hindi Teacher, Govt. M/S-I

Hlimen

&

Ph.D Scholar

Hindi in MZU

9863914397

Contact:

9862022067 : C.Lalduhsanga

9436199909 : Duhthusama

9863914397 : A.K.Joshi

Note: Mizoram Hindi Prachar Sabha (MHPS) hnuaia permission nei kan ni e.

TUALCHHUNG

,Pu Zirsangliana h/o Zochhuanawmi (Nû-i) (V.Sec) te chuan khawi ilo vah vêl nân Scooty (Rodeo) thar an lei.

,Pu M.S. Dawngkima h/o Lalmuankimi (V.Sec) te chuan khawi ilo vah vêl nân Scooty (Vespa) thar an lei.

Zânin EPL inkhêl tur

Liverpool Vs Swansea (8:30)

UEFA

Thawhleh zân

Arsenal Vs Bayern Munich (1:15)

FC Porto Vs Malaga (1:15)

Nilaini zân

AC Milan Vs Barcelona (1:15)

Galatasaray Vs Schalke 04 (1:15)

FA Cup

Zânin inkhel turte

Chelsea Vs Brentford (5:30)

Man. City Vs Leeds United (7:30)

Huddersfield Vs Wigan  (9:25)

Thawh\an zân

Man. United Vs Reading (1:30)

MUSIC ADMISSION

               Synod Music Committee buatsaihin, Synod School of Music hnuaiah March - May, 2013 chhûng hian Tonic leh Staff Notation (Morning Class) zir kawp duhte tân Seat dîl theih a ni a, a hnuaia tarlante hi hriat ni se:

1. Synod Office, Music Department a\anga Application Form la chhuakin February 22, 2013 (Zirtawpni) thleng thehluh theih a ni anga, February 25, 2013 (Thawh\anni)-ah Seat chang turte hming târchhuah a ni ang. Zir tura thlante chuan February 27 & 28, 2013-ah admission tih fel tur a ni ang.

2. Dîlnaah mahni awmna Kohhran lehkha thil tel tur a ni.

3. March 4, 2013 (Thawh\anni)zing dar 6:30 a\angin Class \an tur a ni ang.

4. Hriat tur \ul dang chu Application Form-ah tarlan a ni.

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300

Mipui Aw 13.1.2013

MIPUI AW

KARTIN CHHUAK

Vol. XIX Issue No. 2 Kristian Thalai  Pawl  Saikhamakawn Branch  Pathianni Dt.13.1.2013

VAWIIN CHANG VAWN

            I thinlung zawng zawngin LALPA ring la, Nangma hriatnaah innghat suh; I kawng zawng zawngah amah hre reng la, I kawngte chu a kawhhmuh zel ang che. Mahni ngaihin intifing suh la; LALPA chu \ih la, sual kalsan rawh.                   Thufingte 3: 5-7

KOHHRAN  PROGRAMME

13.1. 2013 (Pathianni)

Sunday School Inkhawm

|antu           : Pi Rokhawli

Chawhnu Inkhawm

Thuhriltu    : Pu Lalrintluanga

Zân Inkhawm

Thuhriltu    : Upa Zairemthanga

KTP PROGRAMME

 Dt. 14 .1. ‘13 (Thawhtan zan)

Neihthilthehkhawma hun hman tur a ni

A hmun          : S.S Hall

Hruaitu           : Pu Jeff Lalhmingsanga

|antu              : Nl. R. Lalmuanpuii

January thla chhûnga hla hruaitu leh

musician turte

Hla hruaitu    : Tv. R. Zodinsanga

turte                  Tv. F. Laldingliana

Musician         : Pu Lalchhandama

                          Tv R. Lalzamlova

KOHHRAN  HMEICHHIA 

(15.1.2013)

Hruaitu           : Pi Khawlvuani

|antu              : Pi Rohlupuii

Thuhriltu       : Upa Lalrindika (Represent)  

SERMON

HMANTLAK  LOH  NUN

            “Mi fing finna chu ka tiboral ang a, Remhre remhriatna chu ka paih thla ang” tih ziak a ni si a. Mi fing chu khawiah nge? Lehkhaziaktu chu khawiah nge? He khawvela hnialtu chu khawiah nge? Pathianin khawvel finna hi âtthlak a ni tih a hriattir lovem ni? Pathian finnaah chuan khawvelin finna hmanga Pathian an hriat theih loh hnuin, thu hril âtthlak hmanga a ringtute chhandam chu Pathianin \ha a ti hlê si a.            -I Korinth 1:19-21

                                               

            Hmantlak loh nun han tih ngawt chuan kan rilrua lo lang hmasa ber chu chhûngkua leh khawtlângah pawh misual leh \awmkai vak lova kan ngaihte an lo lang zut zut nghâl mai \hin. Chutianga midang tâna \angkailo mai pawh ni lo, chhûngkua leh khawtlâng tân pawha mi hnawksak leh buaipui ngâite hi hmantlâk loh nun neite chu an ni e; ti ila tute pawh hian kan pawm tlâng vekin a rinawm. Nimahsela Pathianin hmantlâk loh nun nei atihte hi tutenge ni ve ta ang le? Pathian chuan mihringte thlîr angin a thlîr ve ngai lova, tu hi nge atâna hmantlâk loh chu ni ang?

            Bible thû kan târlanah khian chiang taka lang chu; mifin finna te, remhre remhriatnate leh khawvelin mifing tamtak a tihte hi fing a ti ngawt lova, a tâna hmantlâk nîin Pathianin a sawi ngawt hauh lo, Bible thû-a kan hmuh dân takah phei chuan âtthlak a ti hial zawk a ni. Anih chuan engvanginnge âtthlak a tih kher nachhan? Pathian ngaihah chuan a tellova nun hman reng rengte, Amah hre lova mihringin fing kan intih ve ngawtte hi engmah a ni lova. Âtthlak a ti hial zawk a ni. Pathiana innghat mi, Amah ring tlat mi chu khawvel in fing ti lo mahse, Pathian ngaihah chuan mi fing leh a tâna hmantlâk nun nei a ni tlat.

            Pathian hian a fapa nun min pêk a\ang lo chuan mihringte hi min hmu tling ngai lova, theihtâwpin a rawngbâwl ve \hinin kan theihna zawng zawng pawh sêng \hin mah ila, kan nun innghahna chu a fapa Isua Kristaah anih loh chuan engmah a ni teh chîam lo. Lal Isua Krista tello chuan mihring nun \hat venate, kan finna neih ve chhunte hi Pathian tân a hmantlâk hauh lo a, chumai pawh nilovin tenawm mai a ni zawk \hin. Kristaah lo chuan Pathian tân mihring ten hmantlâk nun kan nei ngâi lo.

            A tâwp berah chuan hei hi hria ila, Krista Isua chu Pathianin kan tân finnah te, felnaah te, thianghlimnaahte leh tlannaahte min  pe a. Pathian hian a fapa nun lo chu khawvelah hian rin a nei lo tih kan hriat a \ul hle, nang leh kei hian Pathian in a fapa duhtak min pêk Isua Krista hi kan nun innghah nan kan hman a \ul a ni.

             

                       

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

                                            Kum alo thar a, pâwl hrang hrangahte member-ah kan inpe leh ta hlawm a, pâwl rêng rêng hian activity hrang hrang a nuam deuh leh a hrehawm deuhte chenin neih \hin a ni a, hêng zawng zawngah hian member kan nihna ang ngêi hian kan telna pâwlah hian kan tih tur leh kan mawhphurhna hrang hrangte hi kan hriat chian a, kan tih tur kan hmâa tla hi hlenchhuak thei ila a puitling zia a ni.

          Bible paw’n, “Thil \ha tih tur hriaa ti si lo chu atân sual a ni” alo ti hial rêng a. Hêng K|P-ahte pawh hnatlâng, hla zir, inkhawm, sport leh adangte ang thlengte pawh hian kan tih tur, kan hmâa inchhawp tlat a ni tih hria ila. Chutiangchiah chuan pâwl hrang hranga kan tih turte pawh hi hlenchhuak thei ila. Pâwl member-ah kan inpêk hian member nih mai duh tâwk a, thil tihna engmaha lang leh lo hi awm theih a ni a, chutiang nilovin; activity hrang hrang a awm leh neuh neuh dâwn a, member-a inpêk ringawta duhtâwk lo hian kan mawhphurhna hi kan hriat \heuh angai âwm e. Member-a kan inpêk hian kan mawhphurhna \heuh hi i hria ang u.

ARTICLE

BIBLE CHANCHIN TAWI

* Phairuang lehkha siam chhuahna khua Biblos tih atangin lehkhabu sawina Biblion lo piangin, pakhat aia tam sawi nân Biblia an hmang thung. Chu Greek tawng chu Latin tawngah hman a nih hnuah sap hovin la chhawngin Bible an lo ti ta a ni.

* Chanchin\ha lama kan hmuh angin Bible hi thianghlim nena sawi zawm a ni \hin a, hei hian ‘fâi’ tihna aiin ‘serh hran’ tihna lam a kawk.

* Bible hi mi hrang hrangin, ram hrang hrangah tawng hrang hrangin kum 1,200 chhûng vêla an ziah a ni.

* Bible ziah \an tirh chuan a ziah nân savun an hmang \hin.

* Thuthlung Thar hunah chuan a ziah nân rairûang lehkha an hmang.

* Thuthlung hlui hi Hebrai \awnga ziah a ni a, Aramaik \awnga ziah tlêm a awm bawk.

* Thuthlung thar hi Greek tawnga ziah a ni.

* Kum B.C. zabi thumna vêla Hebrai tawnga ziah Thuthlung Hlui Greek \awnga an lehlin chu Septuagint an ti a, sawmsarih tihna a ni a, LXX ti pawn an ziak thin.

* Kum A.D. zabi palina vela Jerome-a’n Latin \awnga a lehlin chu Vulgate tih a ni a, tânglâwn tihna a ni. Vulgate lehlin \hat chhoh zel hi Kohhran in kan hmang tlâng lâwn hi a ni.

* Kum 1611 ah sap\awng Bible (King James Version/Authorised Version) a lo chhuak.

* Mizo \awng chuan Luka ziak hi lehlin hmasak ber a ni a, 1st Aug, 1895 ah zawh a ni.

* He mi zawh hian Johan ziak lehlin leh a ni a, hêng Bu hnihte hi kum 1898 khan The British and Foreign Bible Society in a tichhuak.

* Kum 1916 Thuthlung Thar bu pum chu Mizo tawngin a vawi khatna atân tih chhuah a ni.

* Bible bu pumpui hi Mizo \awngin 12thAugust, 1955 ah leh zawh a ni a, 6thSeptember, 1959 ah a hun lâia Assam Auxiliary Secretary (Bible Society) R.W. Phillip chuan Mission Veng Biak Inah a tlang zarh.

Thuthlung thar bih chianna:

* Thuthlung Thar ah hian bu 27 a awm a, Chanchin |ha Bu, Tirhkohte Thiltih, Lehkhathawnte leh Thupuan Bu angin a \hen theih.

* Chanchin |ha Bu-ah chuan Matthaia, Marka, Luka leh Johana te a awm a, Lal Isua leh a zirtîrna chanchinte ziah a ni.

* Tirhkohte Thiltih hi Kohhran \iak tirte chanchin ziahna a ni a, Luka ziah nîa rin a ni.

* Lehkhathawnte ah thung hi chuan Rom, I Korinth, II Korinth, Galatia, Ephesi, Philippi, Kolosa, I Thessalonika, II Thessalonika, I Timothea, II Timothea, Tita, Philemona (Petera thawn vek), bâkah mi hrang ziak Hebrai, Jakoba, I Petera, II Petera, I Johana, II Johana, III Johana leh Juda te an awm a. Ringtute tâna zirtirna \ha tak tak ziah a ni.

* Thupuan Bu hi Johana hnena Isua Krista inlarna thu phuan chhuan a ni.

* Thuthlung Thar bute hi A.D. 50-120 inkâra ziah a ni hlawm.

* Ziah hmasak ber I Thessalonika hi A.D. 50-51 vêla ziah nia ngaih a ni a, ziah hnuhnung ber II Petera hi A.D. 100-120 vêla ziah niin an ring.

* Thuthlung Thar hi Greek tawnga ziah a ni a, a tirah chuan hawrawppui hlirin inzawm pûta ziah a ni!

* A.D. 800 na bâwr vêl a\ang khân hawrawp têin thumal ziak hrangin, a nâwlpui hriatthiam theih tûrin \awng tlânglâwn Koine Greek in an ziak \an.

* Thuthlung Thar an ziah \an hunlâi hian rairûangah an ziak \hin a, hetianga ziak tûr hi chuan a bîk taka zir a ngaia, a hahthlâkin a buaithlâk thei hle!

* Paula lehkhathawnte hi A.D. 175 ah chuan phuahkhawm fel tawha ngaih a ni.

* Chanchin\ha Bu-te hi A.D. 200 na vel khân Kohhran lam chuan Bible atan an pawm tawh a, Thupuan leh Hebrai hian pawm a hlawh har deuh hlek nia sawi a ni.

* Anthanasius-a chuan A.D. 367 khan Kohhran ho hnênah tûna bu 27 te hi Thuthlung Thar atâna pawm turin lehkha a thawn a, Hippo Inkhawmpui (A.D. 393), Carthage Inkhawmpui (A.D. 397) leh Constantinople Quinisextine Council (A.D. 692) ten an pawmpuia, sawibuai a awm tawh lo.

* Thuthlung Thar a tel tur an thlanna atâna an tehfung ber chu ‘Apostol te kutchhuak a ni em’ tih hi a ni.

(Source : Facebook)

2013 K|P GROUP HRUAITU TURTE

                  Kum 2013 atân Saikhamakawn K|P chu Group hrang hrang Group thumah \hen niin: Matthaia, Marka leh Luka Group-ahte \hen a ni a, ni 7.1.2013 (Thawh\anni) khân Group hruaitu thlanna neih a ni bawk a, Group  hrang hrang hruaitu thlan tharte chu:

MATTHAIA GROUP

Ex-Officio: Pu Jeff Lalhmingsanga & Nl. V.Lalrindiki

Leader            : Pu C.Lalmuanpuia

Asst. Leader   : Tv. Vanlalfala

Secretary        : Tv. R.Zodinsanga

Asst. Secy.       : Nl. Lallawmsangi Hrahsel

Treasurer       : Nl. Pc Vanlalruati

Fin. Secretary: Tv. R.Lalremruata

MARKA GROUP

Ex-Officio: Pu R.Lalmuanpuia & Pu Lalduhkima

Leader            : Tv. F.Laldingliana

Asst.Leader    : Tv. R.Lalzamlova

Secretary        : Nl. Zohmingmawii

Asst. Secy.       : Pu C.Lalnunsanga

Treasurer       : Nl. Lalrinchhani

Fin. Secretary : Nl. Brigette Zonunmawii

LUKA GROUP

Ex-Officio: Upa Lallawmchhunga & Pu Lalremruata

Leader            : Pu Lalchhandama

Asst.Leader    : Tv.Pc.Vanlalhriatpuia

Secretary        : Tv. Malsawmzuala

Asst. Secy.       : Tv. Lalhmangaiha

Treasurer       : Nl. CVL Biakzuali

Fin. Secretary: Nl. Lalhmunsiami

BIBLE  QUIZ  No.2

I Chronicles  BUNG 6-10

A kârâwl dah khat rawh :

Q1.Tin, a râlthuam kengtu chuan _____________ a thi tih a hriat chuan, ani pawh chuan akhandaih chu a bawh ve a, athi ve ta a.

Q2.Tin, Isakar hnam zawng zawng chhiarnaa chhiar tel an unaute chu mi chak huaisen __________ an ni.

Q3.Tin, a unaupa ____________ fapate chu ____________ a fa tir a ni a, a dawttu chu Jeusa a ni a, a dawt lehtu chu Elipheleta a ni.

Q4.kawngkhâr vengtu hotu palite chu __________ hnamte an ni a, Pathian ina sum dahna leh pindan enkawltu an ni si a.

A bung leh châng dah rawh :

Q1.Tin, hengte hi Arona fapate chu an ni: Eleazara chu a fapa a ni a, chu mi fapa chu Phinehasa a ni a, chu mi fapa chu Abisua ani a;

Bung: ...............          Chang: ....................

Q2.Tin, a thuam an hlip a, a lu leh a râlthuam chu an la a, an pathian lemte leh mite hnêna chanchin puan tûrin Philistia ramah chuan an thawn vêl a.

Bung: ................         Chang: ....................

Q3.Tin, Ulama fapate chu mi chak huaisen, thla kap mi an ni a, fapa te, tupate tam tak an nei a, za leh sawmnga an ni.

Bung: ................         Chang: ....................

Q4.Gad hnam chanpuala mi Gilead rama Ramoth khua a daivêlte nên, Mahanaim khua a daivêlte nên,

Bung: ................         Chang: ....................

Q5.      Judai ram a Hebron leh  adaivelte chu an pe a,

Bung: ................         Chang: ..................

Hming : ......................................................

Section : .....................................................

BIBLE QUIZ  NO. 1 RESULT

Chhanna lut zawng zawng :8

Chhang dik vek :8

Lawmman dawngtu     : Lalthakima (V.Sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

            TBZ SAIKHAMAKAWN UNIT 2013 HRUAITU TURTE

Chairman     : Pu Khawlhmingliana

V.Chairman  : Pu C.Lalrinmawia

Secretary     : Pu Siamliana

Asst. Secy. : Pu Tlangruata

Treasurer     : Pi Sangawii

Fin. Secy.: Pu Robert Lalsiamliana

Adviser te    : Upa Zairemthanga

                        Pu Ngura Sailo

                        Pi Khawlvuani

PAVALAI INKHAWM PROGRAMME

A hmun    : Vestry

A hun       :17.1.2013 (Ninga zân)

Chairman : Pu T.Lalrinthanga

|antu        : Dennis Rohmingliana

Thusawitu   : Upa Zairemthanga

LAWMTHU SAWINA

            Dt. 27.12.2012 (Thursday) zân dar 7:30 vêla ka fapa Lalrinawma (Lâm-a) chu a kawng kân Bike-in a su a, a ngal ruh hmun nga-ah a tliak a, Hospital thlenpui hmâa a \ul ang ang min buaipuitute chungah lawmthu kan sawi a, Hospital thlenga Motor-a min hruaitute leh thil \ul ang ang min lo tihsak zawng zawngtute chungah lawmthu kan sawi mawlh mawlh a, kawng hrang hrang a, sum leh pâi nêna min puitute zawng zawng chungah leh kan vengchhûng Saikhamakawn mipuite hnênah thinlung takin lawmthu kan sawi e.

In Khawngaihna dawngtu,

Hmingthanhrângi leh a fate

Saikhamakawn

FA Cup thawhleh zân inkhel tûrte

Bournemouth Vs Wigan (12:15)

Birmingham Vs Leeds (12:15)

Brentford Vs Southend (12:15)

Leyton Vs Hull City (12:15)

Milton Vs Sheffield (12:15)

Stoke City Vs Crystal Palace (12:15)

Sunderland Vs Bolton (12:15)

Blackpool Vs Fulham (1:30)

West Brom Vs QPR (1:30)

YMA HRIATTIRNA

            Dt.5.1.2013 (Inrinni) a Branch YMA Executive Committee Meeting thurêl angin khawhar in-a YMA hruai hun chhûng tih danglam a ni a, kumin 2013 a\ang chuan Chhiat tâwk, Mitthi lumen ngâi an awmin Lumen zân chhiar telin zan thum (zan 3) chhûng YMA-in a kaihhruaina a chang tawh ang a, lumen ngai lovah chuan dân pângaia kalpui a ni ang.

            Tin, khawhar in riah hun chhûng pawh tih danglam a ni bawk a, zan thum (zan 3) ni \hin chu zan li (zan 4) a ni tawh ang a, amaherawhchu khawhar in riah hun chhûng hi dîl belh tawh loh nise tih a ni.

            Hei hi mitinte hrethiam hrâm turin kan in ngênin kan in hriattir a ni e.

Sd/-

Secretary

(K.LALHULIANA)

YMA Branch, Saikhamakawn

CYMA HRIATTIRNA

            Central YMA leh Mizoram State Sports Council \angkawp chuan a hnuaia hun leh hmun ruatah hian District & State Level PYKKA Sports Competition-ah hian Branch YMA aiawha tel  thei tur leh helama tui mi kan awm chuan Branch YMA Secretary hnênah in hriattir tur a ni e.

Inelna tur hrang hrangte:

1. Badminton   2. Table Tennis

3. Valleyball    4. Inbawlvawm

5. Inkawibah   6. Ketaminu intlansiak

District Level:  5th - 7thFebruary, 2013

State Level:  12th - 15thFebruary, 2013

            Tin, Half Marathon Race Hmeichhia leh Mipa tân 23rdFebruary, 2013 (Zîng dar 6:00) hian CYMA-in a buaisaih leh dawn a, Team anga tel tur anih avangin mi pathum aia tlêm lo nih tur a ni. Tel duh turte chu a hmâ lama inhriattir tur a ni e. Hemi chungchang zawhfiah duh nei chuan Branch YMA Secretary hnênah zawhfiah theih a ni ang.

TUALCHHUNG

,Pu R.Lalzuala h/o Lalhmachhuani (T.Sec) chu damlohna vangin Alpha hospital, kulikawn-ah enkawl mêk a ni.

,Tv. Zatinkhuma s/o Kapkhama (T.Sec) chu damlohna avanga Alpha hospital-a enkawl anih hnûin alo chhuak.

,Pu Robert Lalsiamliana h/o Zonunsangi Ralte (V.Sec) te chuan a pahnihna atân fapa duhawm tak an nei thar.

,VL Zidinga Sailo h/o Laithangpuii (V.Sec) te chuan khawi ilo vahvêl nân Bike (FZ) thar an lei.

Zanin EPL inkhêl turte

Man. Utd. Vs Liverpool (7:00)

Arsenal Vs Man. City (9:30)

Nilai zân

Chelsea Vs Southampton (12:15)

CANDID ENGLISH SCHOOL SAIKHAMAKAWN

ADMISSION OPEN

            Kum 2013 Session atâna KG-I to Class-VIII thleng admission hawn \an a ni tawh e. Nu leh pate; in lama zirtîr hman lote tân tiin School lamah an zirlai a tam thei ang ber thiam tir \hin a ni. Eng Subject-ah pawh harsatna nei tân Free Tution pêk a ni ang. Sap\awng leh Dicipline-ah duhthusâma Strict-a enkawl an ni. Mathematics bîkah an hriatthiam theih nân tiin Mizo\awnga zirtîr \hin an ni. Tin, naupang intihhlimna chi hrang hrang tihpui \hin a ni.

Hrechiang duh tân:

9862648818

8731066925

THU ROTLING

**Nupui pasal zawn kawngah chuan kum 40 hnûah pawh inla fing zo lovang          .-Frank Wilton.

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300