MIPUI
AW
KARTIN CHHUAK
Vol. XIX Issue No. 51
Kristian Thalai Pawl Saikhamakawn Branch Pathianni Dt.29.12.2013
VAWIIN CHÂNG VAWN
Engkim
tan hian hun ruat a awm a, van hnuaia thiltih zawng zawng tan hun remchâng a
awm: Pian hun a awm a, thih hun a awm: Phun hun a awm a, thil phun phawi hun a
awm; Tihhlum hun a awm a, tihdam hun a awm; -Thuhriltu
3:1-3
KOHHRAN PROGRAMME
29.12.2013 (Pathianni)
Chawhma inkhawm
Sunday School kal \ha lawmman sem, Naupang leh
Puitling a hranga sem tur a ni.
|antu :Pi Chawngthanpari
Chawhnu inkhawm
Thuhriltu : Pu Khawlhmingliana
Zân inkhawm
Thuhriltu : Upa Zairemthanga
30.12.2013 (Thawh\anni)
Zân inkhawm
Thuhriltu : Pu Lalrintluanga
31.12.2013 (Thawhlehni)
Kumhlui thlah zan inkhawm
Kohhran chanchin
report leh mitthi sûn inkhawm.
Thuchah : Upa C. Lalmuankima (Secretary)
Zanlâi Inkhawm
Hruaitu : Upa C. Lalmuankima
01.01.2014 (Kumthar ni)
Chawhma inkhawm
|antu : Pi Khawlchhingi
Thupui : “Pathian hnêna lawmthu sawi”
Sawitu :
Upa Lalrindika
Zân Inkhawm
Thupui : “Kum chhiar dan thar”
Sawitu : Pastor C. Sapkaia
SERMON
DAMNA
HMUN
Ngai teh u, ram hla tak ata, Ka fanu ka mite \ap thâwm chu, Zionah
chuan LALPA a awm lâwm ni; A chhûngah a LAL a awm na nge? A milim siam chawpte
leh hnam milemtein, Engahnge mi tihthinur ni? Buh seng hun a liam ta, Nipui a
tâwp ta, chhandamin kan la awm lo. Ka mite ka fanu natnaah chuan ka a ve si,
Ka sûn a, thlaphânnain mi vuan ta. Gilead-ah thinghnâi damdawi a awm lawm
ni le? Chutah chuan tidamtu a awm na nge? Engati nge ka mite, ka fanu a hrisel
theih loh?
Thinghnâi a\anga siam damdawi hi hmânlâi a\angin Gelead ram a\ang
hian Aigupta leh Phoiniki ramah an thawn chhuak \hin a. Gelead ram hi Storax
thing a\anga an siam thing hnâi damdawi leh an doctor-te avâng hian an lo
hmingthang hle \hin a ni âwm e. Jeremia hunlai pawh hian natna nasa tak tuar te
chu Gelead rama thinghnâi damdawi leh Gelead rama doctor te hnênah damna an
hmuh thei mial lo maw tiin a au lawm lawm a ni tih chiang takin kan hmu a ni.
Nimahsela an hmulo pawh a ni mahna. Helai châng kan tarlana; mite natna hi a
hunlai khawvel thiamna hmanga dam thei an ni lo pawh a ni mai thei a. Tin,
damna an zawnna hmun hi a dik lo nge ni ang ti pawhin a ngaihtuah theih tho âwm
e.
Israel fate an
sual avânga tuar tir \hintu chu Pathian a ni a, tuam dam leh tu pawh Pathian
bawk a ni. Hei vâng hian damna an zawnna hmun tur pawh Pathian lamah a ni ngêi
tur a ni a, thinghnâi damdawi \ha tak tak leh doctor thiam tak takte awmna
hmunah damna tak a awm hauh lovang. Kan tûnlai dinhmunah pawh ngaihtuah ila,
mimal nun kan dam lova, chhungkaw tin maiin harsatna kan tâwk a, khawtlâng leh
ramah chhiatna a lo thleng mêk zêl bawk. Heng zawng zawng ngaihtuah hian
khawvêl thiamna a\anga dam khawchhuahna zawn chi a ni ang ngem? tih hi kan
ngaihtuah a ngâi hlê mai. |henkhat chuan kan natna leh kan nun tuihâlnate
tihdam nân khawvêl lam kan pan a, kan tlân fo \hin, chutah chuan damna awm si
lo. Lungngaihna tizualtu leh natnate
tipungtu mai an ni si. Damna hmun dik Isua hnên pan a va \ul tehlul êm!
Pathian hmangaih ten nasa takin sual vângin nâ an tuar a, an rûm mêk a
nih a, chûng mite chuan damna tak ni lo, khawvelah damna tak ni âwm taka an
hriatte an pan mêk a, chûng chuan natna a thlen belh zel bawk si. Heng mite hi
damna hmun dik tak hruai thleng tur hian Pathian hian min ko a ni tih kan hriat
thar a va \ul tehlul êm! A mite natna a na ve \hin Pathian hian keini mihring
ten misual tia kan ngaih hniam \hinte hi a ngâi hniam ve lova, sual vânga hliam
tuar \hin mihringte vâng hian kan Pathian hi a na ve \hin asin. Damna hmun dik
Isua hnênah sual vânga na tuar te hruai turin theihtâwp i chhuah ang u.
EDITORIAL BOARD
f
Editor
:
Tv.F.Laldingliana - 9862378567
Jt.Editor:
Pu
R. Lalmuanpuia - 9612159842
News
Editors :
Tv.PC.Vanlalhriatpuia - 9862732381
Pu.C.Lalnunsanga - 9612413287
Tv.P.Lalnunsanga -
9612324588
Tv.Laldawngliana -
8974743091
Tv.Lalhmangaihzuala - 9862846345
Nl. Lal\anpuii -8974243380
Circulation
Manager:
Tv.R.Zodinsanga - 8974743073
Editorial.........?
KUM TÂWP LEH KUMHLUITHLAH ZÂN
Kan
ti nek nek a, kum 2013 kum tawp chu naktip nathaiah kan lo hmang zo dâwn ta dêr
mai. Tûn kum chhûng zawngin tling lo tak leh fel lo takin Mipui Aw chanchinbu
pawh a hmingin kan han kalpui ve hrâm hrâm a, kan tlin lohna, kan fel lohna leh
mi rilru kan tihnatnaah te, tualchhung news-ah te pawh chhuah tur âwm tak tak
tihchhuah tâk loh chi hrang hrang pawh kan nei nual tih kan hria a, hêng zawng
zawngah hian in mi ngaihdamna kan han dil bawk a, chutihrualin in mi \âwiâwmna
leh in mi puihna zawng zawngah lâwmthu kan sawi tak meuh meuh a ni e.
Tin, naktip
lawkah hian kumhluithlah zân chu kan hmachhawn dawn leh ta, hetih hunah hian a
bîkin \halaite zingah sâhâwk châk tlat mai leh engemaw zâu thâu deuh châk
tlatna rilruah a awm duh khawp mai. Chuvangin mahni \heuh mai hi kan invên uluk
a, tûna kan thil tih hian kan hmâkhua hun tur hril a ni tih vawng reng chungin
leh kan thil lo tih \hin thil \ha lo tih kan hriat chu he kumhlui hian liampui
sela, kum thar lo awm turah hian rilru thar nên hun i hmang zawk ang u.
ARTICLE
AIA UPA ZAH
(Chhunzawmna)
14.Chetziaa lantir:
Aia u te zahna lantir dân \ha ber
chu chêtziaa entir a ni ang. Zin nîkhuaa lirtheia \hutna \ha inkente, intlara
thil nghah ngaia hmasaktir te, chak lo zâwk an nih anga \anpui te, an thil ken
leh phurh chhâwk te, an tih tur tihsak te, kal kawng lo kente hi chetziaa
lantir dân tur \henkhat chu a ni. Hnam dang hi chuan an aia upate zah entirna
chibai bûk emaw chêtziaa lantir dân mawlte \ha tak si an nei deuh zêl a, an
hmâa kûn emaw lu han bûk emaw eng emaw taka han chet zeuh dân an nei \hin.
Chutiang chu Mizote hian kan nei ve lo va, nei ve thei ila a duhawm hlê mai.
15.I bawhzui nghâl ang aw:
Aia upa zahna a lo tlâkhniam takzia leh a chhan ni âwm te kan han
tarlang a, hmalâkna tur awmte pawh kan sawi a, mahse, he hun tâwi teah hian
kimchang takin kan sawi vek sêng lo. A tak taka hmâ la tur leh ti thei bertu
chu Kohhhran tina hmeichhiate kan ni. Kan vei zawng chu kan ti tak tak \hin a,
Bial emaw Kohhran mal emawah hmalâkna tur leh inzirtir zêl dân tur te
ngaihtuahin rêl chhunzawm zêl ila, kan Mizo ze mawi tak, Kristian nun dân tur
dik tak lo tlahniam ta châwi nung tur leh tithar leh turin Pathian rinchhanin
hmâ han la tak tak teh ang u. Kan Lalpa leh Kohhran tân, kan ram leh hnam tân
theihtâwpin i bawhzui zel ang u.
Tih tur :
Aia upa zah chungchang leh awmdân
mawite chhungkaw tina chhiar chhuah tur leh Kohhran in tina târ tur point hrang
hrang tawi fel taka ziah chhuah nise (entirnân - “Aia upate an hnial zawt zawt
ngai lo”, “Miin thil an pêk chein ‘Ka lâwm e’ an ti zêl ngâi” etc.) Hei hi
Bial/Kohhran Hmeichhe Committee-in buaipui se. Tihdân tur hre lo leh thiam lo
ten a thiamte tih entawn mai ni se. ‘Aia upa zah’ inzirtirna hi vawikhat hmâ lâk
a; tâwk mai chi a ni dâwn lo va, Kohhran tin ten inzirtir tur point pawimawhte
siama \an lâk chhunzawm zêl theih a duhawm hle.
(Aia upa zah tih hi Mizoram Presbyterian Kohhran Hmeichhe
Inkhawmpui Lian 2013 in Kohhran Hmeichhe Branch hrang hrangah inzirtir turin a
buatsaih a, K|P ah pawh inzirtir nise tih leh a ni a, K|P Committee chuan
Literature Sub-Committee kutah dahin Mipui Aw chanchinbu-ah chhuah \hin nise
tiin a rêl a, Issue tinah rawn chhuah \hin a ni a, hei hi kan chhuah zawhna a
ni e.)
HRISELNA HUANG
MAI
A
chanchin tlângpui : Thlai, leia zâm chi a ni a, a rah vanga chîn
a ni ber. India ram hmun tinah an chîng a. A rah hi lian tak tak a awm thei a,
chawhmehah an hmang \hin. Mizote chuan a hnah hi ‘maian’ kan ti a, chawhmehah
kan hmang ve thung. A mû hi rûlhlût chi hrang hrang tân damdawi \ha tak a ni.
Damdawia
hman theihte : A mu.
Damdawia
hmannate :
Rûlhlût
: A mû sawmpahnih, a kâwr paih hnûah densawm diaka bawnghnute no
khat nên chawhpawlhin ni thum chhûng zing tin thil ei emaw hmâin in tûr.
MAIPÂWL
A
chanchin tlângpui : Thlai zâm chi, kum khat thlai a ni a, sea
level a\anga teh a feet 4,000 hnuai lamah chuan khawi hmunah pawh a \ha thei a
ni. Chi hnih - a rah tê chi leh a rah lian chi a awm a, a rah hian Vitamin B a
pâi bawk a ni.
Damdawia
hman theihte : A rah.
Damdawia
hmannate :
Rûlhût
: A rah chang tawh chhûng mu densawm 6gms leh tui lum sa ver vawr no
khat chawhpawlha ni thum chhûng nitin zingkârah ei tur a ni.
Zunthlum
: A rah densawm tui sawr 10ml zêlin nitin zing leh tlaiah in tur.
Phûngzâwl
: Liquorice dip (dawrah lei tur a awm, bot. name : Glycyrrhina
globra) 5gms leh maipâwl densawm tui sawr 15ml chawhpawlha ni khatah vawi thum,
15ml zêlin in tur a ni.
Thluak
tihchak nân : A rah densawm tui sawr, 10ml zêlin nitin zing
leh tlaiah in a \ha.
MAKPAZANGKÂNG
A
chanchin tlângpui : Makpazangkâng hi Mizoram hmun tin deuhthâwah
hmuh tur a awm. Thing lian ve tak a ni. A pâr hi rawng sendâng deuh a ni a, a
rah chu mûm sei zît zêt a ni. A rah hi rawng dum a ni a, a uihin a rimchhe hle
a ni.
Damdawia
hman theihte : A pil, a zung leh a rah, a mu tel lovin.
Damdawi
hmannate :
Vun
natna chi hrang hrang : A pil 60gms tui 1lts-in mei navak lovah a
tui 250ml anih thlengin a chhumna 60ml zêlin nitin zing leh tlaiah khawizu tlêm
nên in tur.
Êk
khal : A rah nuai hlâwm, bawnghnute no khat nen chhuma, a chhumna
bawnghnute leh chini chawhpawlh in tur a ni.
Zun
kawng \ha lo : A pil 6gms, thingrâi 6gms leh grape rah pho
ro 6gms, tui 1lts-in mei na vak lovah a tui 250ml anih thlengin chhuma; 60ml
zêlin nitin zing leh tlaiah in tur.
Phaithak
: A hnah rawtsawm diaka phaithakah bel a \ha.
Zunthlum
: A rah 60 gms tui 1lts-in mei navak lovah a tui 250ml anih thlengin
chhuma; 60ml zêlin nikhatah vawi hnih khawizu tlêm nên in tur a ni.
BIBLE QUIZ
No.51
SAM NUMBER 121 - 125
A
kâr âwl dah khat rawh :
Q1. LALPA
chu nangmah vengtu ani a: LALPA chu i __________________ lama hliahtu che a ni.
Chhunah niin a em lo vang chia, Zanah thlain a em hek lo vang che.
Q2. LALPA
hming fak tûrin Chutah chuan hnamte chu an chho \hin, LALPA hnamte chu,
Israel-ho hnêna
_________________________________ atân.
Q3. Ngai
teh, chhiahhlawhte mitin an pu kut lam a en \hin ang leh, Chhiahhlawhnu mitin a
pi kut lam a en \hin angin, Keini mit pawhin LALPA kan Pathian lam a en reng a
ni, Min k________________________ hma loh chuan.
Q4. Kha mi
lai ngei khan tuite chuan min chim pil tawh ang a, Lui chuan kan nuna hi a vur
pil tawh ang: Kha mi lai ngei khan tui chapote chuan kan nuna hi a vur
_________________ tawh ang.
Q5. Tlângte
chu Jerusalem vêla a awm angin LALPA chu a ______________________ vêlah a awm
\hin, Tun a\anga, kumkhuain.
A
bung leh châng dah rawh :
Q1. LALPA chuan i chhuak leh i lût chu a veng ang che,
Tun atanga, kumkhuain.
Bung:
............... Chang:
....................
Q2. LALPA kan Pathian in avâng chuan I thatna tûr ka
zawng ang.
Bung:
................ Chang:
....................
Q3. Mi nuamsate deuna leh Chapote hmusitnain Kan nunna hi
a khat nasa hle.
.Bung: ................ Chang: ....................
Q4. Min tanpuina tûr chu. LALPA, lei leh van siamtu
hmingah a awm,” tiin.
Bung
.................... Chang
.................
Q5. An kawng kawitea pengho erawh hi zawng LALPA chuan
thil tisualtute nên a hruai chhuak ang. Israel-ho chungah chuan thlamuanna awm
rawh se.
Bung
.................... Chang
.................
Hming :
......................................................
Section :
.....................................................
BIBLE QUIZ NO. 50 RESULT
Chhanna lut zawng zawng : 5
Chhang dik vek :
5
Lawmman dawngtu: Mary Lalmuansangi (V.Sec)
Bible
Quiz chh^nna leh lâwmman hi Circulation Manager Tv.R.Zodinsanga hnenah thehluh
a, lam \hin tur a ni.
MIPUI AW LA DUH TUR
Kum 2014
atân Mipui Aw chanchinbu hi la duh tur in tinah rawn inzawh a ni leh dawn a, lo
la duh leh la thar duh kan awm chuan lo inhriattir tur a ni e.
PAVALAI CHRISTMAS HMANG
Kan
Kohhran Pavalaite chuan kum 2013 Christmas chu North Bunghmun-ah an hmang a, mi
pasarih an kal. Ni 28.12.2013 khân tluang takin an lo haw.
COMPLAIN BOX SIAM
Christmas
leh kum thar fatu te chuan ‘Complain Box’ Biak In Step sirah an dah a, ruai
siam dân, chawhmeh siam dân leh engemaw rawtna leh thurâwn duh nei chuan he
Complain Box-ah hian thehluh/thlâk turin kan inhriattir e.
E.ROLL CHUNGCHANG
Kum 2014 January
ni 1 a kum 18 tling turte tân Electoral Roll-ah inthun tur a ni a, tin, hming
thlâk duh emaw tidik duh emaw tân pawh dilna hi Pu Lalzama hnênah tûn December
thla ral hmâin a dîlna hi thehluh tur a ni e.
YMA
HRIATTIRNA
Kum 2014 chhunga YMA Member inpe duh
chuan a hnuaia mite hnênah hian ni 31.12.2013 ral hmâin Membership Fee `.5/- pe in Member anih theih e.
Vanapa Sec.: Pu
C.Lalnunsanga
Taitesena Sec.: Pu MS Dawngliana
Chawngbawla
Sec.:
Pu Lalpianthanga
VAWIIN KHAWCHIN
A lum lai berin : 210C
A vawh lai berin : 160C
Ruah sur lo turin an sawi.
Zanin EPL inkhel tur
Everton
Vs Southampton (7:00)
Newcastle
Vs Arsenal (7:00)
Chelsea
Vs Liverpool (9:30)
Tottenham Vs Stoke City (9:30)
KUM 70 CHIN CHUNG LAM THILPÊK
HLÂN DAWN
Presbyterian
kohhran chuan vawiin chawhma inkhawmah
hian an hlân dawn a, kum 70 chin chunglam hi kal thei lo an awm chuan an chhung
ten lo lâksak mai tûrin ngen an ni.
K|P BRANCH COMMITTEE THLALÂK TUR
Vawiin
chawhma inkhawm bânah hian K|P kum 2013 Branch Committee leh kum 2014 Branch
Committee-te Biak Inah thlâ lâk tur a ni e.
K|P HRIATTIRNA
Kumthar
ni (1.1.2014) hian K|P member ten fatute puih tur a ni a, member zawng zawngte
zing dar 6 ah Biak Inah kalkhawm turin kan inhriattir e.
CALENDAR ZUAR
Missionary
R.Zoramdina awmna Pasigar Pastor Bial K|P chuan sum tuak nân Calendar an siam
a, Saikhamakawn K|P chu zawrhsak tura min rawn ngenna angin vengchhungah
Calendar hi rawn zawrh tum a ni a, ramthar rawngbawlnaa ngâiin Calendar hi min
lo dawr turin kan inngenin kan inhriattir e.
K|P MEMBER LÂK
Kum 2014
K|P Member inlâk thar a hun leh ta a, K|P hruaitu ten intina rawn kalin member
ni duh rawn inzawh kual leh a ni dawn a, member-a inpe duh tân lo inpêk theih a
ni ang. Tin, mahni lo awm remchâng lo an lo awm anih pawhin chhûngten lo
inhriatpui ni se. Tin, Missionary a chhuak hi Member nisâa ngaih a ni bawk e.
2014 CONFERENCE HLA BU
Kum
2014 Kristian |halai Pawl hla bu lei duh tân Pu Lalremruata hnênah lei theihin
a awm e. A man hi `.30/- a ni e.
TUALCHHUNG
,Pu Zonunsiama h/o Pricilla Lalramsangi (T.Sec) te chuan a pakhatna
atân Synod Hospital-ah fanu duhawm tak an nei thar.
,Upa Zairemthanga h/o Lalhnehthangi (V.Sec) te chuan khawi ilo vah
vêl nân Scooty (Vespa) thar an lei.
,Pu Lalchhandama h/o R.Lalbiaknungi (V.Sec) te chuan khawi ilo vah
vêl nân Bike (Apache) thar an lei.
, Pu P.Vanlalruata h/o Lalthanzami (T.Sec) te chuan khawi ilo vah
vêl nân Bike (R15) an lei thar.
, Pu Zodinliana h/o Lal\anpuii te
chhungkua chu Pu Ng.K.Sailo (V.Sec) te in a\angin Pi Lalkhumi (T.Sec) ah
an insawn.
, Pu Lalthuneiha h/o J.Lalhmingliani te chhungkua chu Pu J.Zohlira
(L) (V.Sec) te in a\angin Pu MS Dawngkima (V.Sec) te inhnuaiah an insawn.
BIAL K|P ÊNTU LEH KRISTIAN |HALAI
Bial K|P
Êntu leh Kristian |halai chanchinbu la duh turte K|P hruaitu ten member tin
hnênah an rawn zawt kual leh dawn a, la duh tur chuan mahni hming lo pe turin
kan inhriattir e.
TBZ CAROL NEI
Thlarau
bo zawngtute chuan ni 23.12.2013 (Thawh\an zân) khân ramthim rawngbawlna atân
vengchhungah Carol kan rawn nei a, he kan Carolnaa thilpêk sum leh pâi min petu
zawng zawng vengchhung mipuite chungah lawmthu kan sawi tak meuh meuh e.
Sd/- (SIAMLIANA)
Secretary, TBZ Unit Saikhamakawn
HRIATZAU NÂN
Top 5 Antivirus
(27.12.2013):
1.
Bitdefender Antivirus Plus
2.
Kaspersky Antivirus
3.
Norton Antivirus
4.
F-Secure Antivirus
5.
AVG Antivirus
https://www.facebook.com/groups/SKKthalaipawl/
Saikhamakawn K|P e-mail : ktpskk@gmail.com &
ktp_skk@yahoo.com
PUBLISHED BY LITERATURE SUB. COMMITTEE K|P
SAIKHAMAKAWN BRANCH, COPIES : 300
