PAGE 1
VAWIIN CHANG VAWN
Khawvel hi hmangaih suh ula, khawvela thil awmte pawh hi hmangaih hek suh u. Mi tupawhin khawvel hi a hmangaih chuan Pa a hmangaihna amahah a awm lo.
I Johana 2:15
KOHHRAN PROGRAMME
20.11.2011(Pathianni)
Chawhma Inkhawm
SS Tantu : Pi Lalhmachhuani (Buangi)
Chawhnu
Thusawitu : Upa Lalzuiliana
Zan Inkhawm
Thusawitu : Upa Zonunmawia
NI 21.11.2011 (THAWHTAN) ZAN DAR 6:30 WEEK KHARNA
A hmun :Biak In
Hruaitu : Upa Zonunmawia, Leader
Tantu : Nl. Lalthazuali
Thilpek la : Nl. J. Lalngaihawmi
khawmtu : Nl. Vanlalpeki
Thusawitu : Upa Zairemthanga Represent
Spl.Item : Female Voice
VAWIIN TLAI
OPEN AIR FELLOWSHIP
A hmun : Biak In bul kawngsir
Hruaitu : Pu Lalduhkima Asst.Secy
Tantu : Tv. Vanlalfala
Thuchah : Pu R. Lalmuanpuia, Secretary
Solo : Tv. Tlangdingliana
Nl. Lalfakzuali
KOHHRAN HMEICHHE PROGRAMME
22.11.2011 (Thawnleh zan)
Hruaitu : Pi Zohmingthangi
Tantu : Pi Lalramliani
Thusawitu : Pi Lalparliani
SERMON
SIAMTU HRE RENG RAWH
Thuhriltu 11:9
Kan Bible chuan kan vanglai hun hi am taka chen turin min hrilh a, kan chen dan tur erawhchu Pathian duh zawng leh amah hre reng chunga chen turin min duh a ni.
Tunlai khawvelah rethei bik nih hlauvin, hmasawn tumin nasa takin ke kan pen a, a tha, a lawmawm tak meuh. Ringtu nih leh retheih hi thil inhmeh lo tak pawh a ni reng a ni. Amaherawhchu mi rethei kan tihte hi tute nge maw an nih chiah le? Latin thufing chuan, ‘A nei tlem ni lovin, duh belh zel hi mirethei chu an ni’, a lo ti a. Portugese thufing ve thung chuan, ‘Mirethei chu a eipuar hnu pawha riltam tlat thin te hi an ni’, a lo ti bawk. Chuvangin , sum leh pai tam tak neite hi mihausa an ni kher lo mai thei a ni.
Kan vanglai hun tawite hi Pathian duhzawnga kan hman chuan kan nun a lo hlimin, Pathian malsawmna pawh kan dawng zawk ngeiin a rinawm. Khawvela Footballer ropui Kaka chuan “Football atanga hausakna leh hmingthanna ka neih tak zawng zawngte hi min petu Isua hi nei lo ila chuan midang ta tur an lo ni”, a ti hial a ni. Khawvel hmasawnna kan um-a ke kan pen mek lai hian, min pe theitu Lal Isua panna chang kan hre lovang tih a hlauhawm hle. He damchhung khawsakna sum leh pai kan ngaihtuah lutukna avang hian Pathian tan hian kan hunte pe hman lo khawp hial a kan phe buai reng a nih zawngin Malsawmna min pe theitu Pathian pawh hian malsawmna hi kan tan a chhawp reng lo mai thei a ni. Chuvangin, thalai, nu leh pa eizawng mekte hian Pathian hruaina leh awmpuina hnuaiah Pathian hre reng chung hian ei a zawn theih a, a hausak theih a ni tih i hre reng ang u.
Tin, Kan vanglai hun chen kan tum luatah hian hlimna dik tak leh tluantling zawk Pathian theihnghilh thak leh a kawng bosan thak khawpte hian hlimna um hian khawvelah kan tlan ang tih pawh thil hlauhawm tak a ni, Pathian theihngilh thak khawpa hlimna leh damchhung khawsakna um a kan tlan anih ngat zawngin hlimna leh lawmna famkim kan nei thei ngai lovang, Chuvangin kan vanglai hun kan hman danah hian Pathian hre reng chung leh kan nunah Pathian dah lal ber chung hian kan vanglaite hi i chen ang u..
PAGE 2
Editorial.........?
HARHNA HI....
Pathian Thlarau Thianghlima harhna hi Zoram hian kan dawng nasa hle mai. Thil lawmawm tak chu a ni, mahse harhna tih hming a put ang chiah hian kan harh hluai ringawt zel em? Sual atanga harh a, a bak ringtu nun kawng zawh zel tur a awm tih te, harhna piah chiah ah hian nun nghet kan neih a ngai tih hi kan hre chiah em? In ngaihtuah chian a va tul em.
Keini veng leh kohhran te ngei pawh hi harhna hian min nuai zing ta malh malh hle mai, engatinge harhna hi kan tih fo mai le? Kohhran rawngbawl tu leh kohhran mipui te hi kan va harh nasa in kan va harh zing em, chumi in a kawh tak ber ni a lang chu, Pathian thu ah kan muthlu nasa hle tihna a ni. Ringtu leh rawngbawltu harh thar fo mai te hi a chhan dik takah chu kan inthlahdah a chumi atang chuan kan harh thar leh thin tihna a ni, harhthar reng mai hi thil lawmawm ni tho mahse a lawmawm dan hi a lawmawm chiah lo niin a lang.
Ringtu te nghet taka ding a, harh thar fo ngai lo turin leh rinna a nitin thang lian deuh deuh turin i in buatsaih ang u.
Article
DUHTHLANG THEI
Pc.Hriata Duhthlang thei dinhmun hi eng ang chiah nge ni ang le, thil chi hnih aia tam tha deuh leh tha vaklo kan duh zawk zawk kan neih tura duhthlanna kan hmang thei hi, duhthlang thei kan tih chu a ni tiin sawi ila a fiah mai awm e. Thil tha leh tha lo thlang thei a awm mihring te dinhmun vanneih thlak zia te, a ropui zia te, mihring ka hian a vanneihthlak zia a sawichhuak thei mawlh lo a ni. Mitin ten kan hma zawnah duhthlang thei vek kan ni tia ngaihtuahna nghet tak nei te pawh an awm mahna le, amaherawhchu duhthlang thei lo te dinhmun hrethiam pha lo khawpin an dinhmun a tha a ni ti ila kan sawi sual hauh lo ang.
Naupang, chhia leh tha thliar hrang thiam tawh te leh la thliar hrang thiamlo te pawh an vaiin huam tel phawt ang. Mi thil ei bang bawlhhlawh paia paih tawh hnu pawh an tan chuan an kaw ruak in hnawh puar na tha tak a ni tlat mai. Chaw tha tak tak nen dah kawpin duhthlang thei dinhmunah dah ta ila, mi pangngai rilru pangngai pu ve bawk an ni a, a tha zawk chu an va thlang nasa dawn em, mahsela thil tha leh thalo thlang thei turin duhthlang thei dinhmunah an ding miau lo. An hma zawna thil awm chu thil pakhat chiah a ni a, chu chu loh theih lohin an thlang mai a ni. Ngaihtuah chian chuan duhthlang tur neilo te dinhmun khawngaihthlak zia a chiang hle mai.
Tunlai kan thalai te dinhmun ngei pawh ngaihtuah chian a va tul tak em. Duhthlang thei lo khawpa dinhmun chhia leh rethei kan awm lo, mahni chhungkua in a tuar phah leh nu leh pa rilru ti hah khawp a thiltha kan duh vanga kan nun kan han hmang te hi sim a tul hle mai. Kan thalaipui tam tak thil tha pawh thlan tur nei ve lo, kutdawh leh mi chhang nawi tla changa hun hmang kan chhehvelah mi sing tel awm te hian duhthlang thei dinhmun hi an herthiam hauh lo ang, keini thalai te hian duhthlang thei dinhmuna kan la awm ringawt pawh hi i lawm tawk ang u.
Zirna kawng kan zawh dan te hi keini veng te ngei pawh in enfiah a va tul em. Chumi zirna runah chuah ka kai duh kan tih chuan kan kai mai a. Hemi zawk hi a tha kan tih chuan kan kai mai bawk. Chutah kan la zir tha peihlo zui lehnghal. Thiamna sang tak neia zir thei te hian kan peihlo thin maw! a va pawi tak em. Duhthlang theilo mi tam tak kan chhehvel rama mi te hian kan dinhmun hi han luah ta mai sela aw... an tan chuan vanram a ni ngei ang. Duh duha zir theia kan awm lai leh duhthlang thei dinhmun kan nih lai hian kawng tha lam chu i thlang mawlh teh ang u.
Awle kan thu khar nan chuan duhthlang thei dinhmun that zia hi hre thar theu ila. Rethei leh dinhmun hniam viau in in hre thin mah ila duhthlang thei kan la nih chhung chuan kan rethei lo a ni tih hi in hre thar mawl ang u. Nu leh pa te pawhin kan fa te mi khawngaih dil tur atan ringawt kan la hring hleinem. Thil tha thlang thei dinhmuna la awm zawng zawng ten kan hma a thil tha lam kawng hi thlang theuh ila chumi lam hawi chuan kan theihna zawng zawng nen tan i la thar theih ang u. Retheihna chuah thlan tur nei te dinhmun leh awmdan te, an nun phung te ngaihtuah in, an damchhung a dinhmun pangngai thlang thei miah lo a kan mihringpui rilru pangngai pu ve ngei te dinhmuh atang chuan kan chan hi a va ropui em. Pathian hnena lawmthu i sawi mawlh mawlh ang u.
PAGE 3
JOHAN MARKA
(Alexandria Khaw Bishop)
Thuthlung thar bua kan hmuh ang hian Johana, Marka an tih bawk hi a hun laia chanchin þha rawngbawlna a mi pawimawh leh þangkai tak chu ani phawt mai a. Chanchin Þha Marka bu hi ama ziak ngêi nia ngaih a ni.
Kahlen kût chaw an buatsaih dawn khan a zirtir ten Isua hnênah, “Kawiahnge buatsaih ila i duh?’ tia an zawh pawh khan Lal Isuan, “Khawpuiah lût ula, mipa bêla tui pûin a tâwk ang che u a, amah chu zui ang che u. A luhna apiangah, chu In neitupa hnênah chuan, “Zitirtu chuan kan zitirte nên kalhlen kût chaw kan eina tûr mikhual pindan chu khawiah nge?, a ti e, ti ang che u.” a ti a, Tichuan amah ngêi chuan pindan chungnung zâu tak bungraw awmsa peih diam a entir ang che u a, chutahchuan kan tân buatsaih ang che u,” a ti a (Marka 14:12-16)
Marka rawngbâwlna hmunpui ber chu Africa ramah a ni a. Mediteranian tuipui kaltlangin Sirennika lamah kalin, chuta þangin Pentapolis-ah a kal a. He khua hi a nu leh pa te pianna khua ani nghe nghe. He khuaah hian Greek mite leh Juda mite an tam hle mai a, Marka rawngbâwlna pawh a hlawhtling êm êm a ni.
Tichuan Marka rawngbâwlna chanchin chu a lo darh ta zêl a. Ringlote pawhin an huain an dolêt nasa ve hlê niin a lang, thuthang diklo tak tak an vawrh darh ta zui nghe nghe a ni.
Tichuan, Pentapolis lamah a kal ta a. Chumi hnuah pawh chuan ring thar tam tak a siam a, kum hnih hnuah chuan Alexandria khuaah bawk a kir leh ta a ni. Hemi þuma a kir leh hi chu a hmaa an lo huatsa tawh vang nge, Lalpa Zanriah an kîl laiin milem be tuten an man a, a ngâwngah hruiin an hlîng a, a tûkah nasa takin an sawisa zui bawk a, a thi ta niin an sawi, chu chu AD 68 kum kha a ni, an ti.
Mi þhenkhat ve thung chuan, Marka rawngbâwlna chuan hma a sawn nasat êm avâng chuan ringlo hoten an ngai thei ta lova. An man a, hruizênin a nghâwngah an hlîng a, an chaih a, chumi hnûah kawtthlêrah an hnûk kual leh ta hrep a, a thisen phei chu a chhuak nasa êm êm bawk a. Zankhuain tânin thim zet maiah an tân zui tir a, a thi zui ta nghe nghe a ni. A ruang chu a tûkah chuan hâlral zui nghal vek an tum a; mahse chumi nî chuan nasa takin ruahpuivânâwn a sûr ta chiam mai a, hâlral tumtute chuan an tlansan ta vek a. Chuveleh Kristiante chuan a ruang an la a, a rûkin Biak In hnuai lungpui kerkuakah an phûm ta a ni, an ti
BIBLE QUIZ No.48
RORELTUTE BUNG 6-10
A Kâr âwl dah khat rawh :
Q1. Tin, heti hi ani a, Israelhoten thil an han chin tehian Midian-hote, .........................-hote, khawchhak fateho chu an han chho va;
Q2. Chuvangin ngai teh, mipuihote beng hriatah, ‘Tupawh hlau leh khur apiang chu kir leh sela, Gilead tlang ata hi haw leh rawh se,’ tiin puang rawh,” a ti a. Tichuan mipuite chu sing hnih leh sânghnih an kir leh a; tin, ......................................... an la awm a.
Q3.Tin, a nu nutate chuan Sekem khua ami zawng zawngte beng hriatah chuan chung a thu zawng zawng chu an sawi a: tichuan Abimeleka zui duhna rilru an lo pu ta a: “Ani chu kan ............................ a ni alawm,” an ti ta si a.
A bung leh Châng dah rawh :
Q1.Tin, heti hi a ni a, Midan-ho avânga Israela thlahten LALPA an han auh ve leh chuan,
Bung: ............... Chang: ....................
Q2. Chutichuan mipuite chuan ei tûrte leh an tawtawrâwtte chu an keng a: tin, Israel mi zawng zawngte chu an puan in lamah a hawtir ta vek a, mi zathumte erawh chu a awmtir a: tin, Midan-ho kulh chu an hnuai ruamah chuan a ni.
Bung: ................ Chang: ....................
Q3.Tin, Penuel khuaa mite hnênah chuan, “Remna thu hawna ka lo kir leh hunah, he kulh hi ka rawn tichim ang maw le,” tiin a sawi bawk a.
Bung: ................ Chang: ...................
Q4.Tin, thingte chuan theipui kung hnênah hian, ‘Hawh teh, nang kan lalah awm ang che,’ an va ti a.
Bung: ................ Chang: ....................
Q5.Tin, LALPAN Israela thlahte hnênah, “Aigupta-ho lak ata te, Amor-ho lak ata te, Amona thlahte lak ata te, Philistia-ho lak ata te ka chhan chhuak che u a ni lo vem ni?
Bung: ................ Chang: ....................
Hming : ......................................................
Section : .....................................................
PAGE 4
PAVALAI PROGRAMME
A Hmun : Senior Hall
A Hun : Ni 24. 11. 2011
Chairman : Pu Siamhleia
Tantu : Pu R. Lalhmingliana
Thusawutu : Pu Lalfakzuala
Tawngtairual a hun hman tur a ni ang. Tin,Naktuk thawhtan zan hian T. Upa R. Sangzuala te in hnuaiah committee neih tur a ni.
K.T.P WEEK HMANG MEK
Kan branch K.T.P week ni 14. 11. 2011 ( Thawhtan) zan atanga tan chu tluang tak in Pathian kaihhruaina hnuaiah hman chhoh mek a ni a, programme hlimawm tak tak te hman tawh a ni a, tawngtai beihpui te neih tawh niin kan venga a hmasa ber leh hun hlim awm tak mai Zozan leh Drama in chansiak te neih a ni tawh bawk a ni. Tin, drama script phei hi chu kan veng chhulchhuak vek niin ruahthamloh a ni nghe nghe hlawm a, group thum te drama in chansiak hmanga an in elna chu a hmuhnawmin hmasawnna rahbi thar pakhat kan chuangkai a, a lawmawm hle mai.
Vawin tlai hian week programme chhunzawm zel nan open air fellowship biakin thlang kawngpui sirah neih tur a ni a, member zawng zawng te thahnemngai takin kal tum theih ila, tin, naktuk zan hian biakinah week kharna hi neih bok tur a ni a, member ten i ngaipawimawh zel ang u
OPEN SCHOOL ADMISSION
Govt. Nepali Primary School, Peter Street, Khatla ah Class X & XII admission a tih theih leh ta e.
Exam hun: Oct. 2012 ( MBSE Class X & XII fail tan a exam theih bawk e.
KOHHRAN HMEICHHE NI VAWI 25 na
A hun : Nov. 25. 2011
Thu zir :Kohhran Hmeichhiate Hmalakna ‘Women Centre’
Ziaktu : Pi Lalrinkimi, co- ordinator i/e Kohhran Hmeichhia
CHAWHMA
Chairman :Pi Lalchhingpuii, Asst. Secretary
Tantu : Pi Sangthangpuii,
Group ti tha lawmman semna
Thu zirtirtu: Pi Khawlvuani, Chairman Kohhran hmeichhia
Tawngtai rual leh Committee kalkim te hnena lawmman semna.
REFRESHMENT
CHAWHNU
Kum upa te chawimawina
Fashion Show : Pi Teii Group
Group singing : Pi Zaii Group
Bible chang sawirual : Pi Zaii Group
Recitation :Pi Zuimawii, Pi Hluii Group
Solo : Pi Lalchhuanawmi,Pi Hluii Group
Zanriah kil ho tur a ni.
CAMPING NEI DAWN
Saikhamakawn Presbyterian Kohhran chuan tun thla ni 28 November atanga ni 3 December chhung khian vengchhung mipui te a duh apiang tan chhandamna Camping kohhran sunday school hall ah buatsaih a ni dawn a, Pathian thu a tuihal na nei te lut vek turin i inbuatsaih ang u. Ni 26. 11. 2011 zan atangin biakin an team ten hun an hmang tan dawn a ni
TUALCHHUNG
,Pu C. Ramliana h/o Lalhmachhuani (V.Sec) chu damlohna avanga hun rei tak Grace Nursing Home a enkawl a nih hnuin a lo chhuak ta.
,Pu C. Runkima h/o Saihlunkungi (V.Sec) te chhungkua chuan khawilo vahvel nan Santro Car thar an lei.
LAWMTHU SAWINA LEH NGAIHDAM DILNA
Keini Upa Denghluma Group te chuan sumtuak nan vengchhungah electric bill kan rawn khawn thin a, vengchhung mipui te phal taka min pek tir thin tu te zawng zawng chungah lawmthu kan sawi tak meuh meuh a ni.
Thla hmasa bill kha a khawntu te leh a lakkhawm tu te in pek felloh avangin chhungkaw thenkhat te phei chuan buaina lian tak in tawk tih kan hria a, kan chet fel loh naah khawngaih taka min hriathiam a min ngaidam turin kan ngen tak meuh meuh che u a ni.
Sd/-
(PC.VANLALHRIATPUIA)
Secretary
Upa Denghluma Group
THIL BO
Nimin 19. 11. 2011 (Inrinni) a Hualngo Hmun Field a K.T.P Week kan hmanna ah ball boot ka ti bo a, a hmu emaw lo hawn emaw in awm a nih chuan khawngaih in min pe kir leh ula ka lawm hle ang.
In thian
Tlangdingliana (V.Sec)
Phn 8974743077
No comments:
Post a Comment