MIPUI AW Vol. XVI Issue No. 47 Kristian Thalai Pawl Saikhamakawn Branch Pathianni Dt.13.11.2011

PAGE 1

VAWIIN CHANGVAWN
Lalpa chu ka zawng a, tin, ani chuan mi chhang a, ka hlauh zawng zawng lakah chuan mi chhanhim ta a.Sam 34 : 4

KOHHRAN PROGRAMME

Dt.13.11.2011(Pathianni)

Chawhma S.S. Inkhawm

Tantu : Pi Hmingthanzuali

Chawhnu Inkhawm
Baptisma Sacrament

Rawngbawltu:Pastor G.Chhunthuama

Zan Inkhawm

Thusawitu :Pastor G.Chhunthuama

KTP PROGRAMME

KTP Week ni 14-21.11.2011 chhung hian hman tur a ni a, Week chhung hian thupui ‘Thalaite Lal isua hnenah’ (Thuhriltu 11:9) tih hman a ni ang. Week chhung hian programme hrang hrang, Tawngtai beihpui, Zo zan, Drama inchansiak, Sports leh Open air fellowship te neih a ni dawn a, KTP member te kim taka Week a tel tur hian hriattir kan ni e. Programme kimchang page 2-ah tarlan a ni e.

KOHHRAN HMEICHHE PROGRAMME
15.11.2011 (Thawhleh zan)

Hruaitu :Pi Lallianpuii
Tantu :Pi Chuangkimi
Thusawitu : Pi Hmangaihsangzuali

HARHNA ATANGA KALSUAL THEIH DAN

1. Bible thu thenkhat chauh leh Kristian nun peng eng emaw uar bik a, thu dang hlam chhiah a kal.

2. Mahni tui pui lam chauh lo chu Patian thu thlur dang dawngsawng tura inhawn loh.

3. Midangte aia sang bika in hriat.

4. Mahni hmuh dan leh hriat dan chauh vawrh lar tum.

5. Kohhran rawngbawlna pangngai ngainep leh mahni ril-rem zawnga thawh dan kawng zawn.

6. Kohhran mipui ngaihsak lova, mahni tui puite nen chauhva inlak bing.

7. Kohhran thawh hona ngaihnep leh thawhlawm sawisel ching.

8. Mahni kohhran thurin pangngai khawp kham lova, a thar din chhuah tum.

9. Mahni taksa nun ngai nep a, mihring nun mawi kalsan a, tisa chakna lamah zalena inhriat.

10. Pawl thianghlim emaw pawl fir bik emaw siam duhna rilru put.

Mipui Aw Ni 30.10.11chhuakah khan Synod Revival Committee in Harhna Dik chungchanga kum 1982 a thuchhuah kan rawn tarlang a, Harhna atanga kalsual theih dan tih pawh hi hemi ruala an chhuah tho hi a ni.
Synod Revival Committee huaihawtin ‘Sim rawh u, Vanram chu a hnai tawh e’ tih thupui hmangin Revival beihpui thlak a ni a, kan hria a, kan ngaithla a, kan tel ve a, eng nge sim ngai ka neih, Thlarau Thianghlim khawih harhna kan chan changte hian eng nge ka dinhmun tih ringtu mimal nun theuh kan inbihchian nan a pawimawh khawp mai. Thlarau Thianghlim hnathawh Harhna dik tak chang tur chuan sim ngai sim a, chan ngai chan a, tawrh a tulnaah pawh tuar ngam kan nih a pawimawh. Ringtu mimal tin ten mahni inbihchian nan hman thin a tha khawp mai.

PAGE 2

EDITORIAL BOARD
Editor : Tv.PC.Vanlalhriatpuia
9862732381
Jt.Editor: Upa.Zonunmawia
9862458618
News Editors :
Tv.RLalzamlova 9612413196
Tv.R.Zodinsanga 8974743073
Tv.F.Laldingliana 9862378567
Tv.Lalhmangaihzuala9862846345
Circulation Manager:
Pu.C.Lalnunsanga 9612413287

Editorial.........?
Tunhma lam deuh chuan thihna danglam bik kan tih thin Sar thihna te a lo thlen hian kan rilru a den dan a danglamin rapthlak kan ti thin hle a nih kha, hun a lo kal zel a tunah chuan thih dan mak pui pui leh rapthlak tak tak kan hriat fo thin te hian kan rilruah eng teh ruai in a thawk ta lemlo niin a hriat. Kan tunlai Zoram chanchina thihna rapthlak tak tak thawm kan hriat thin te pawh hi ngaihah kan nei a, mak tihna leh rapthlak tihna engmah kan nei ta lo. Engemaw diklo chu a awm, tu diklo nge, heti taka chanchin rapthlak tak tak thawm a lo awm tak le, beng sika ngaihtuah a ngai a ni.
Kan Zoram a chanchin thalo leh rapthlak tak tak lo thleng thin hi tu dik loh nge ni ang. Ram hruaitu te dikloh nge ni ang ram mipui te nge Kohhran ho ten kan inthlahdah vangin sualin zalen takin hna a thawk ta mai, mimal tin ten ngaihdan chu kan nei ngei ang. Kan ngaihdan leh kan hmuh dan zawn theuh a diklo nia kan hriat lai te thahnemngai takin Zoram nun chhe lai leh chhe mek hi siamtha turin ke i pen chhuak ang u, Zoram hi kan kutah a awm a ni, hei lo hi ram kan nei si lo.

K.T.P. WEEK 2011 PROGRAMME

A hun : Ni 14-21, November 2011
Thupui : Thalaite Lal Isua hnenah (Thuhriltu 11:9)

Ni 14.11.2011 (Thawhtan)zan dar 6:30
week hawnna
A hmun : Biak In
Hruaitu : Pu Thanchungnunga, Asst.Leader
Tantu : Pinky Lalparmawii
Week hawnna : Chairman
Thilpek la : Nl. Zohmingmawii
khawmtute : Nl. R. Zorinpuii
Thupui sawitu : Upa Zonunmawia, Leader
Special Item : Group singing
Inkhawm banah thingpui in ho a ni ang.

NI 15.11.2011 (THAWHLEH) ZAN DAR 7:00
TAWNGTAI BEIHPUI
A hmun : Middle School kawt leh a vel.
Hruaitu turte : Upa Lallawmchhunga
Pu Lalremruata

NI 17.11.2011 (NINGA) ZAN DAR 6:30
ZO ZAN

A hmun : S.S. Hall
Hruaitu : Pu Thanchungnunga, Asst. Leader
Thusawi tawi : Upa Lalzuiliana (Mizo tlawmngaihna lam hawi)
Items
Debate -Thupui: Kristianna leh Mizo culture hi kal kawp thei a ni lo.
Quiz (topic-Mizo): Quiz Master : Pu Lalchhandama, C/M
Games : i/c Tv. Lalhmangaihzuala
Tv.PC Vanlalhriatpuia, C/Ms
Hemi zan hian memberte mizo incheina phawkchhuak thei ang bera inchei tur a ni a, mipa leh hmeichhia inchei thiam ber hnenah award hlan a ni ang.

NI 18.11.2011 (ZIRTAWP) ZAN DAR 6:30
DRAMA INCHANSIAK

A hmun : S.S. Hall
Hruaitu : Pu Lalremruata, Fin.Secy

NI 19.11.2011 (INRINNI)
OUTDOOR GAMES

A hmun : Hualngohmun Field
Tan hun : dar 9:30 am
Hunserh : Pu C. Lalremruata, C/M
Items : Football, Spoon Race, Bottle a tui inthunkhah siak, DeadBall, Ketaminu Race, Inhruipawh, 100 mt Race

(Cont. page 4)

PAGE 3

HMANGCHANG

FRIDGE CHUNGCHANGA HRIATTUR PAWIMAWH ZUAL 10

1. I Fridge chu a tilum/ti up thei hnaih lo thei ang berah dah rawh. Bang ngheng emaw, bang hrulah emaw dah loh tur. Bang atanga feet khat a hlaah dah tur, feet khat aia hnaiah engmah dal thei tur dah suh. thenkhat chuan feet khat nilo inches ruk a ni an ti bawk.

2. A kawngkhar a phui em tih enfiah ang che, hemi hriat theih dan chu, lehkhapuan la la, a chanve a chhunglamah dah la, a chanve a pawn lamah. Fridge kawngkhar chuan khar hnan la, lehkhapuan chu amaha a tawlh deuh emaw, pawhchhuah a awl hle chuan a seal tha vak tawhlo tihna a ni a, thlak emaw repair emaw a ngai tihna a ni.

3. Fridge a thil dah tur chu i dah hmain tidai phawt rawh. Thil tuiril chi chu khuh la, a tlang chi chu fun ang che. Khuh loh emaw fun loh emaw chuan a chhung a tihnawng a, a khawlpui (compressor) a rim a, a tlo lo vang.

4. Fridge chu tih vawh lutuk loh tur a ni. Duhthusamah chuan thildahna pangngai degree 2-5 celcius nise, freezer-ah chuan 18 to - 15 celcius degree aia sanglo ni thei se.

5. Fridge-ah thil dahkhah lutuk loh tur, hmun li a thena hmun thum bak dah loh tur.

6. Fridge hi hawn zin lutuk loh a tha. Hawn pawhin hawng rei lovin khar leh thuai ang che.

7. Freezer leh Refrigirator tih tui (defrost) thin tur. Tui khang a tamin power-in hna a thawk tha thei lo va, tuikhang inches hmun li a thena hmunkhat aia chhah awm tir loh tur. Vur i siam duh pawhin ice tray-ah siam rawh.

8. Fridge hnunga thir inphan te, a kawngkhar hnuai lam te kum khatah vawi thum tal tifai la. A hnunglam leh a hnuai lam thla tin tihfai a tha. A kawngkhar leh a tiphuitu (sealing surface) ti fai thin rawh.

9. Fridge chuan kum 10 a pelh tawh chuan a thar ngaihtuah la. I chhungkaw mil (a len leh tetah) ngaihtuah hram ang che.

10. A thar lei dawn chuan, arsi bel (energy star) en ngun tur, arsi lem bel tam apiang thlan tur.

11. Tin, zanah a tih vawhna dah hniam a tha.


(Courtesy : Hriselna Magazine November 2011)

BIBLE QUIZ No.46

RORELTUTE BUNG 1-5
A Kâr âwl dah khat rawh :
Q1. Tin, LALPA chuan, “Juda han kal rawh se: ngai teh u, a kutah ................... chu ka pe tawh e,” a ti a.
Q2. tichuan heng rama awmhote nen hian thu thlung suh ula;an maichâmte tihchimsak ang che u,’ ka ti a: nimahsela ka thupêk in .................. lo va: eng vangin nge hetianga in tih?
Q3.chung Israela thlah chhuanho, tun hmaa engmah la hre hauh lote chuan an lo hriat nan leh ............... beih dan zirtir tûr atân chauh awmtir ani;
Q4.Tichuan Hazor khaw thuttu, Kanaan ram lal Jabina hnênah chuan LALPAN a hralh ta a: chu mi sipai hotu ber chu Sisera a ni a, Jentail-te ram ......................................... khuaa awm a ni.
Q5.“Hotute chuan Israel zingah zai an zap a. Mipuite chu ................ takin an lo inpek tak hi, LALPA chu fak rawh u.
A bung leh Châng dah rawh :
Q1. Tin, Bezek khuaah chuan Adoni-zedeka-bezeka an han hmu a: tin, an bei a, Kanaan-hote leh Periz-hote chu an that chiam a.
Bung: ............... Chang: ....................
Q2. Josuan mipuite a tin, darhtir hnu chuan Israela thlahte chu mi tin, mahni chanpual theuh ram chu luah tûrin an kal ta a.
Bung: ................ Chang: ....................
Q3.Tin, Israela thlahte chuan LALPA mithmuhin thil sual an lo ti ta a, LALPA an Pathian chu an theihnghilh a, Baal-ho leh Astoreti rawng an bâwl ta a.
Bung: ................ Chang: ...................
Q4.Tin, Barakan a hnênah, “Mi kalpui ve la, tichuan ka kal ang e: mi kalpui ve dawn loh erawh chuan ka kal lo vang,” a ti a.
Bung: ................ Chang: ....................
Q5.Ka rilru chu Israel-hote rorêltu, Mipuite hnêna chak taka inpete lamah chuan a awm: LALPA chu fak rawh u.
Bung: ................ Chang: ....................

Hming : ......................................................
Section : .....................................................

PAGE 4

K.T.P. WEEK PROG. CHHUNZAWMNA

NI 20.11.2011 (PATHIANNI)
TLAI OPEN AIR FELLOWSHIP
A hmun : Biak In bul kawngsir
Hruaitu : Pu Lalduhkima Asst.Secy
Tantu : Tv. Vanlalfala
Thuchah : Pu R. LalmuanpuiaSecretary
Solo : Tv. Tlangdingliana
Nl. Lalfakzuali

NI 21.11.2011 (THAWHTAN) ZAN DAR 6:30
WEEK KHARNA
A hmun : Biak In
Hruaitu : Upa Zonunmawia, Leader
Tantu : Nl. Lalthazuali
Thilpek la : Nl. J. Lalngaihawmi
khawmtu : Nl. Vanlalpeki
Thusawitu : Upa Zairemthanga Represent
Spl.Item : Female Voice

INKHAWM TAN HUN
Zan lam Kohhran Inkhawm tan hun ni 16.11.2011 atanga ni 15.1.2012 thleng dar hmasa dar 5:30-ah a ri anga, dar 6:00 ah tan thin tawh tur a ni.

PAVALAI PROGRAMME

A Hmun : Senior Hall
A Hun : Ni 17. 11. 2011
Chairman :Pu C. Zakhuma
Tantu :Pu Biakvela
Tawngtai rual leh rilru sawia hun hman tur a ni ang.

MEIHAWL LEI TUR NEI
Meihawl thatak leitur duh tan engtiklai pawhin leitur kan nei reng e, min rawn pan ve rawh u, in inchhir lovang.

Sangawii
Taitesena Section

T.B.Z HRIATTIRNA
Ni 14. 11. 2011 Thawhtan zan hian Pu Siamliana in ah neihthil thehkhawm neih tur a ni a. Tin, thu pawimawh tak ngaihtuah tur a awm avangin i ngaipawimawh theuh ang u.

Hruaitu: Pu C. Lalrinmawia
Tantu : Pi Lawiziki

Sd/-
(TLANGRUATA)
Asst. Secretary
T.B.Z Unit S.K.K

HRIATTIRNA
Naktuk thawhtan ni (14.11.2011) hian kan vengchhung a nitin chanchinbu sem thin Pu Liana chu mimal harsatna avangin a rawn kal thei dawn lova, mahse chanchinbu chu a rawn thawn dawn tho va, ka hnenah rawn lam mai turin vengchhung mipui te kan in hriattir a ni e.

C. Lalngheta

Y.M.A HRIATTIRNA
Central Y.M.A hnuai a IGNOU special study centre ah a hnuai a tarlan te hi ni 15.12.2011 thleng admission a la tih theih a, a zir duh tan ngaihven theih a ni e.

1) Course- Bachelor Preparatory Programme (BPP)
Duration- 6 months
Adm. fee- Rs 1100

2)Course-Certificate of Disaster Management (CDM)
Duration- 6 months Adm. fee- Rs 1850

3)Course- Diploma in Early Childhood Care and Education (DECE)
Duration- 1 year
Adm. fee- Rs 1950

TUALCHHUNG
,Pu C. Ramliana h/o Lalhmachhuani (V.Sec) chu damlohna avangin Grace Hospitalah enkawl mek a ni.

,Pi Lalsangi w/o Zokhuma (V.Sec) chu accident avangin Presbyterian Hospital Dutlangah zai niin enkawl mek a ni.

,Lalrinnunga s/o Roy C. Lalsangzuala (V.Sec) chu chuap lam that lohna avanga Vellor a refer a nih hnuin dam takin a lo haw.

,Pu LV Ramdinthara h/o Lalruaipuii (T.Sec) te chhungkua chuan khawilo vahvel nan bike (Yamaha FZ) thar an lei.

,Pu J. Vanlalvena h/o Thangtei (L) (Ch Sec) te chuan khawilo vahvel nan bike (TVS Fiero) an lei thar.

,Nl. Zothanpuii (Kimkimi) d/o H. Remtluanga (V.Sec) chu damlohna avangin Aizawl Hospital Kawlthei huanah enkawl mek a ni.

LAWMTHU SAWINA
Ni 7. 11. 2011 zingkarah rualbanlo ten zun in tifaiin hnatlang kan nei a, Pi Zohmingthangi kan mamawh pipe leh a zawmna pahnih min tumsak avangin a chungah lawmthu kan sawi a ni.

Sd/-President
J. Malsawma
B.P.O Saikhamakawn

THU ROTLING
** Thil ti sual ngai miah lo chuan thil thar a ti lo a ni
- Albert Einstean
** Nupui te hi tleirawl zirtirtu, vanglai te thian leh tar te enkawl tu an ni
Francis Bacon