Mipui Aw 26.3.2017

MIPUI AW

KARTIN CHHUAK

Vol. XXIII Issue No. 13 Kristian Thalai  Pawl  Saikhamakawn Branch  Pathianni Dt.26.3.2017

VAWIIN   CHANGVAWN

“Krista hnenah khenbehin ka awm ta; nimahsela ka nung a ni; keimah erawh chu ka ni tawh lo. Krista chu keimahah a nung zawk a ni; tin, tunah tisaa ka nung hi rinnaa nung ka ni – Pathian Fapa, mi hmangaiha ka aia npetu rinnaah chuan.” (Galatia 2:20)

KOHHRAN PROGRAMME:

Ni 26.3.2017 (Pathianni)

Chawhma Inkhawm

|antu : Pi Lalnunfimi

Zirlai 11-na : Laodikei Kohhran hnena lehkhathawn 

Chawhnu Inkhawm

Thuhriltu :  Upa R. Lalngena

Zan Inkhawm

Thuhriltu :  Upa Lalrindika

K|P INKHAWM PROGRAMME

Ni 27.3.2017 (Thawh\anni Zan)

Sermon Inkhawm

Hruaitu : Tv. Laldinpuia

|antu : Nl. Hmingthanpuii

Bible Chhiartu: Tv. Lalzirliana

Bible chhiar tur: (Luka: 11: 33-36)

Thuhriltu : Pu C. Lalmuanpuia                            

Thawhlawm   Nl. R.Zohmingliani leh

khawntu turte : Nl. Laltlansangi

Zai hruaitute   : Tv. R.Zodinsanga

               leh Tv. Lalnunzira

Keyboardist : Tv. Zoliankima

KOHHRAN HMEICHHE

 INKHAWM PROGRAMME

Ni 28.3.2017 (Thawhlehni Zan)

Hruaitu         : Pi Lalchharliani

|antu : Pi Vanlalbiaki

Thuhriltu         : Pi Lalhmangaihi

KOHHRAN PAVALAI PAWL

 INKHAWM PROGRAMME

Ni 30.3.2017 (Ninga Zan)

Sharing leh |awng\airual  

Hruaitu : Pu H.Remtluanga

|antu : Pu Lalchhanliana

Khuangpu : Pu Lalthanliana Ngente leh

  Pu T. Lalrinthanga

Thawhlawm khawntu:  Pu Lalthlamuana

KAN NUNNA LALPA

“Pathian Lehkha in chhiar ngun thin, a chhungah chatuana nunna awmin in rin avangin: chung Lehkha chu ka chanchin hriattirtu chu a ni si a. Nimahsela nunna nei turin ka hnenah in lo kal duh si lo.” (Johana 5:39-40)

Kan ram hian Lalpa thu kan duh in kan sawi nasa in kan buaipui khawp mai,mahse Lalpa ah kan nunna chu thuruk in a awm tak zet em? Nunna neitur in Lalpa ah kan kal tak zet em? Pathian thu kan chhiar ngun thin a, tah chuan chatuan a nunna awma kan rin a vang in, chungthute chu Lal Isua chanchin hriattirtu te a ni a, mahse Lalpa ah nunna nei tur in kan kal leh tak tak peih meuh lo a ni. Kal peih tak tak ni ila he kan ram zimte ah hian ringlo zawkte hriat a tan a zahthlak State kan siam lo tur. Lalpa thu hi a nihna ang tak pawh a sawi ngam tawh manglo in kan hel kual a, mahni mihringpuite lawmna kan zawng ta zawk si a. Tah chuan Lalpa lawmna zawng lovin mit a kan hmuh leh beng a kan hriat lam zawk chu kan thlang ta zawk a, thinlung a thlamuanna tak tak neilo vin rawng kan bawl a Lalpa thu chu kan chhiar ngun thin, mahse nun tak tak neitur in a hnenah kan kal leh silo. Midangte hriat lo vin Lalpa a nun chawl tak tak silo hian kan felna zawk chu tihngheh kan tum fo zawk thin. 

He kan khualzinna ram ah hian dam reng tur ang in kan che in kan thawk fo va, kan ro chu Lalpa ah khawl khawm silo hian he lei ah kan khawl khawm ta zawk a, Lalpa chuan thinlung a enfiah si thin. A thu ah kan chiang a mahse kan nun chhuahpui leh silo, mahni kan in thiam chawp a mihring famkim lohna kan chhuang zawk a, kan famkimna Lal Isua kan chhuang leh silo. Mahni inthiam chan chawpna hian Lalpa min hlat tir tu a ni si a, Lalpa thu tak tak sawi in nunpui zawk ni ila chuan kan ram kan kohhran tan pawh hian hlawkna a va ni dawn tak em. Kan nunpui loh kan sawi a engvang in nge Lalpa ah nunna neitur in kan kal mailo, kal ila chuan  kan huaisen in Lalpa thu pawh pehhel lovin huaisen tak in kan sawi in kan nunpui ngam anga, Lalpa zar a kan eng chu he kan ram India ngei hian a hmu in a hre ngei ang. NUNNA nei tur in Lalpa ah kal ila kan Missionary Lalpa tan a rammu te tan pawh kawng tam tak kan sut ensak ngei ang. Pathian thu kan hreril hei hian keimahni ngei ah inhnialna tamtak a chawk chhuak a,engvangin nge kan tih chuan kan hriat kan nunpui silo na hi a ni. Pathian thu hi engang pawn hreril mah ila Lalpa a NUNNA nei tur a kan kal silo chuan kan hriatrilna hian thiam loh minla chantir ngei ang.

Ringtu tam tak te u hei hi han in zawt ila,mahni kan infiah ngai em? Engnge kan thinlung hian a duh ber, Lalpa chatuan NUNNA kan nei hi a ni em? A hnenah NUNNA kan neih ve nan i kal ang u hmiang, ani chuan tumah a hnar ngailo, a thlawn in chatuan a NUNNA tui nung chu a pe thin si a. He ral leh mai tur mit a kan hmuh leh beng a kan hriat te avang hian Lalpa chu i kal bo san leh mailo vang u, Lalpa nei hi channa a ruat lo la, NUNNA a ni tih hre zawk rawh NUNNA neilo ten nun kan nei nan a lo kal a ni si a. Mihring tih lawmna zawng lovin Lalpa Aw ngai chang zawng la, a ni chuan i kawngte chu a tihnghil sak zel ang che. NUNNA neitur in tun a tang in Lalpa ah i kal ang u.

EDITORIAL  BOARD

Editor :                           

Pu C. Lalmuanpuia                        8974807213

Joint Editor: 

Tv. Laldinpuia                               9862813325

News Editors :

Pu Tommy Zirnuntluanga             9862913684

Tv. Lalnunzira                              9862664253

Tv. Lalawmpuia                            8259910570  

Nl. Zohmingmawii                        8794773133

Tv. Lalruatsanga   

Circulation Manager:

Tv. C. Lallawmawma                    8974509821

Nl. C.Zosangliani                          8731005507

Editorial...?

THLEMNA

Thlemna hi ringtute fiahna a ni tih kan Bible atang hian a hriat theih awm e. Thlem thlukin awm se, va tihna lam ni lovin, Engang mi  nge  a  nih  chiah,  rinnaah  a ding nghet dawn em? Rin tlak leh chhawr  tlak  a  ni  dawn  em? Pathian a hmangaih tak tak em? A inpe tak tak em? Pathian hi a ring  ngam  tak  tak  em?  tih  te tichiangtu tha tak a ni \hin.

Pathian  hian  Mihring  ten kan  tuar  theih  tur  tawk  bak  hi, kan chungah Thlemna a lo thlen hi  a  phal lo tih hriat  tur  a  ni (I Korinth  10:13). Thlemna rualin Tlanchhuahna  kawng a hawng nghal \hin.

Ringtu  tam  tak ten  thlemna chak  tak,  hneh  theih  loh  anga ngaihna  thinlung  kan  nei  chang a awm thin. He thinlung hi Setana hnathawh  pakhat  a  ni.  Kan thinlung hi Nunna lo chhuahna a nih avangin Setana pawh hian a duh ber thin hi a lo ni a. Thlema kan  awm a,  kan  mangan lai  leh thlemna kan tawh laia chhanhim min tiamtu leh thlemna ruala tlan chhuahna kawng min siam saktu Lal  Isua  hnenah  \awng\aiin  chu thlemna  chu  kan  hneh  zel  hi ringtute tihtur dik tak a ni.   

MISSIONARY RAWNGBAWLNA REPORT

-Jennifer Lalremruati, Evangelist

Jharkhand Mission Field

Pathian khawngaihna leh hmangaihna tam tak rul senglo tu hi a rawngbawl tura min koh avangin kum 2015 kumtir a\anga tun thlengin tlinglo tak chungin Kairabani, Jharkhand field ah ka han bung ve chu ania, Kohhranho leh khawtlang thleng pawhin min \awng\aipuina tello chuan hmalam pan harsat chang a tam \hin khawp mai. Amaherawhchu, Lalpa’n kan tlukchhiat a phallo a, tun thlengin a rawngbawl min la phal zel chu a nia, Pathian leh min \awng\aisaktu Kohhran leh khawtlang chungah a hmasa in lawmthu ka sawi e. 

         January thla, kum 2015 ah khan Jharkhand field ah hian chhuk thla in Kairabani Fellowship enkawl in ka awm nghal a, tun thleng chu fellowship chu ka la enkawl ta ngar ngar a ni. Kan rawngbawlna hnam te hi Santal hnam, Mizoram lama kawnglai tura mi tamtak lo lut \hin te hnam kha an ni ti ila a chiang ber awm e. Hmanlai Mizo hnam, ziak leh chhiar kan thiam hma leh thingbul lungbul kan biak lai kha an ang ber hian ka hre \hin. A chang chuan bung lianpui te an bia a, inthawi nan an  hmang a. An khawsak phung hi a la hniam em em a, an in hi lei in a ni a, a chhuat thlengin leiin an zut vek a , tukverh engmah a awm lo a, inchungah hian khapra leh tali( brick phek leh brick phek kum deuhhlek) an hmang bawk a ni. Tin, an in bang rem nan hian i\a( brick ang, mahse brick aia chang lo, ruah pawhin a nan zawp theih) an hmang a, leiin an char leh vek \hin. Hetiang hmang pha lo pawh an la awm cheu a, chung erawh chuan lei hlangin an sa thung \hin.Tichuan, a tawpa a zut mam nan bawng ek an hmang \hin bawk a ni. Khawtin hian hmanlai khaw lal (chief) kan neih ang deuh khan pradhan an tih mai an nei vek a. Chu pradhan chu a khaw enkawlah chuan a lal em em mai a, heng lal hi inthlahchhawng zela tih a ni. An khuaah chuan engpawh ti dawn ila pradhan rawn an ngai zel a, hmun tam takah chuan campaign neih phallo pradhan an awm nual bawk. Tin, chutiang bawkin ram pawh lei dawn ila, pradhan remtihna a ngai bawk a, in\henawm khawven buaina awm se pradhan in a rem a ngai vek bawk a ni. 

Kairabani Fellowship hi member 64 vel awmna a ni mek a, Pastor \huthmun tur atana tih a ni a, mahse Pastor ram tur kan hmuh theih mai loh avangin a aia hla zawkah pastor \huthmun chu sawn a ni a, keini kan va inkhawm phak chiah loh dawn avang hian Biak In ram tur kan zawng ve mek bawk a ni. A chunga kan sawi tak ang khian pradhan khi an lal em avangin ka awmna khuaah hian mission hrim hrim ram neih hi a lo phal reng reng lo mai a, ram kan han hmuh ve te pawh keini direct a min hrilh ngam chiah si loh vang hian indirect in ram kan leina tur te hnenah te khan leitir phallo turin a lo ti \hin tih te tunhnai chho ah kan hre leh zel a, a buaithlak khawp mai. Kan zavaia kan len vek na tur inkhawmna in kan hmu mai lo a, tunah hian mi inkawt nisa ah silpaulin kan zar zuai a, kan inkhawm ve \hin a ni. An nunphung hi a hniam em vang hian leh ziak leh chhiar thiam an tlem vang hian han chher tur pawh hi an awm mang lo a, Bible chhiar kher lo a \awng\aia inkhawm \an ringawt tur te kan ruat a, Sande Sikul han tih ve poh hi a harsa \hin khawp mai.Pathianni tin chuan inkhawm chu kan nei ve thei zel a, \anna hun te, hminglamna hun te, Sande Sikul hun te, sermon hun te, leh tawngtai rual hun te in kan hmang \hin. 

An kristianna leh an rinna te hi a der dep em em mai a, Pathian thu nena chhut zui reng an ngai a ni ber. Jharkhand ah hian kohhran hrang hrang an awm a, kohhran lian ber chu Roman Catholic a ni a, anni hian hmun hrang harng ah Biak In lian tak tak leh ropui tak tak an sa a,chungah chuan member te pawh an \hahnem thei em em a ni. Keini Presbyterian kohhran ten kan harsatna lian tak pakhat chu Biak In lian tak kan sa ve thei \hin lo hi a ni. Santal hnam te hian mahni aia lian leh mahni aia hausa nia an hriat hnung hi an zui duan duan \hin a, heng kohhran dang Biak Ina inkhawm tam zawk hi chu an Biak In len vang mai mai te, an hausa a thil tam tak an dawn \hin vang te hian a ni. Keini missionary te pawh hian biakin sak dawn chuan synod atanga lo lut mai bakah hian tha tak leh lian ve pangngai a sak dawn chuan Zoram lama kohhran te bawk hi kan rawn pun leh thin a, tlem azawng belhsakin biakin pangngai ve tak kan sak theih phah thin a ni.

Kan rawngbawl dan dang leh chu campaign/ prachar hi a ni. A tlangpuiin zan 2 leh zan 3 te riakchhuakin a ni thin a, projector hmangin mipui kohkhawm nan anmahni hnam Pathian fakna hla hrang2 te kan play a, an lo kal thathnem deuh hnuah zaiho leh thusawi te in hun kan hmang thin a ni. Tin, chung program te kan hman zawh chuan anmahni tawnga lehlin Isua film te, Nova lawng tuk film te, fapa tlanbo film te leh kristian film kan neih ang2 kan chhuah thin. Chubakah, a tuk lamah in tin tlawhchhuakin home visit te kan nei a, chhun lamah clinic ka nei thin bawk. Hetiang hi thlakhatah voi 2 emaw vawi 3 emaw tiin kan fehchhuak thin bawk. Hetiang hian rawngbawlna tur leh hmachhawp tamtak kuminah poh ala awm a, kan thawk seng lo a ni ber e. Kohhran ho te leh khawtlang ho ten min lo tawngtaipui zel kan mamawh a, in mi tawngtaipuina ka rawn ngen nawn leh e.

KUM 2017-18 MIZORAM BUDGET LANGSAR ZUAL TE

* Budget pumpui Rs.8803.10 crore

* Non Plan leh Plan a awm tawh lova, Revenue leh Capital Expenditure ah then hlawk a ni.

* Revenue Expenditure (Hei hi sorkar inrelbawlna a ni a, hmasawnna ruhrel enkawl zui ngai enkawlna te pawh a huam)-Rs. 6386.21 crore (76.53%)

* Capital Expenditure(Hmasawnna hna thawhna tur bik)-Rs. 1907.88 crore (22.86%)

* Salaries/Wages-Rs. 3187.65 crore (36.21%)

* New Economic Development Policy (NEDP) ah Rs. 750 crore dah a ni.

* Motor kawngpui cheithatna turin Rs.239.50 crore dah a ni a, kum hmasaa sum dah aiin 259% zetin a pung. kawngpui siam mek chhunzawmna leh a thar siamna turin Rs.657.64 crore dah a ni a, hei hi kum hmasa aiin 70% in a pung bawk.

ADMISSION OPEN FOR THE SESSION (2017-2018)

Solomon’s High School Kulikawn, Aizawl ah Class VIII-IX leh Class X tan Admission hawn mek a ni. Kum 30 chuang Mathematics leh Science subject a experience nei  tawhin an zirtirna hmunah hian i fate rawn dah ve rawh le, Mathematics leh Science Subject a harsatna nei te leh Sports a tuite duhsak an ni ang. Hostel a awm nghal bawk e.

Admission Fee: `1600/-

Last Four years result:

    Year         Passed Percentage

1. 2016 90%

2. 2015 80%

3. 2014 85%

4. 2013 84%

Contact: 1) 8014442431,  8974133843,  9774406688

H.C THAWNGA

Top Ten Math Tutor 

NEW HOPE ACADEMY

Upper Republic

ADMISSION NOTICE

2017-2018 Session atan Class IX-XII (Arts) Admission hawn a ni ta. Experience teacher ten an zirtirna hmun, school building nuam leh class room nuam tak awmna kan ni e. Board exam tur Class X leh XII tan Study Camp kan neihpui \hin a, zirlai chaklo te tan beiseina thar nen theihtawp kan chhuahpui \hin. Hrechiang duh tan:

Contact: 9862810672/8257035798

New Hope Academy

Upper Republic Aizawl

R. Hautluanga Building,

Near Sikulpuikawn 

ADMISSION NOTICE

Nazareth English School, Saikhamakawn opens admission for the academic session of 2017-2018 from today ownwards. It is the new academy where qualifying faculties inculcate standard, systematic and dynamic teachings to our students. Students recieving no parental care at home are traeted here under sincere care with love and affection. From this year, the class is extended to Class-V with a hope of attaining higher achievement following C.C.E Programme. 

All are welcome...

Admission: 

`1300 for new admission (A lut thar tan)

`1000 for old (lut hlui tawh tan 

Monthly fees: 

          `600 for Class-I to Class-V

          `500 for Nursery and K.G

Information in details can be obtained from the School’s office everyday (9:00 am to 2:00 pm)

Call: 7640865066/8014656422

Sd/-

(DAVID LALZARA FANAI)

Principal

Nazareth English School

Saikhamakawn

ADMISSION NOTICE 

2017-2018 Academic Session atan Brighter Higher Secondary School, Kulikawn, Tlangnuam Road-ah Class IX-XII (Arts & Science) Admission hawn a ni leh ta. Hmunhma \ha, thengthaw nuam leh boruak muanawm tak hnuaia zirna kalpuina hmun ah hian i fate rawn luhtir ve rawh le. Thingtlang lam mi duhsak an ni ang.

Office Hour: 8:30am-3:00 pm

Contact: 8414956902 (Principal),

9862325305 (Vice Principal)

RD SEPTIC TANK SERVICE

Septic tank khat paihfai, commode block, pipe line \ha lo, soakpit thar siam leh a hlui repairing pawh kan tithei reng a,  kan sulhnu a felfai a, senior leh rintlak kan ni e. kan Rate a tlawm bawk.

RDA

Contact: 9436199884/ 9612510887

VAWIIN TLAI PAVALAI FELLOWSHIP PROGRAMME

A hmun            : Sacrament Dept Hall

Hruaitu            : Pu Sangmawia

|antu        : Pu V.Zotluanga

|awng\ai rual leh zai ho a hun hman a ni ang.

BIALTU MLA PU K.S THANGA HNEN A|ANGA  FUND KAN HMUH TE  

Tun hnaia thawh theih mai tur Bialtu MLA Pu KS Thanga hmalakna a\anga vengchhung develop na atana fund kan dawn te:

MLA Fund a\angin:

1)Thlanmual insakna leh YMA chanchinbu buatsaih nan-

`6,00,000/- (Nuairuk)

2) MHIP insak bul \an nan-

`3,00,000/- (Nuaithum)

3)Middle School Computer set lei nan-`30,000/-

4)Upa pawl ten Lengpui Airport tlawh nan Bus pahnih leh an chhun eitur a tumsak

UD&PA Dept a\angin:

1) Biakavau kawng chhunzawmna Pu J.Lalrinliana in lam-

`2,50,000/- (Nuaihnih singnga)

2)Biakavau kawng chhunzawmna-Pu Kapkhama in lam pang-

`3,00,000/- (Nuaithum)

3) Pu Thangchhuana (L) In a\anga Pu Lalpianthanga In inkar LMV luh theih a siam nan-`4,00,000/-(Nuaili) Heng hi On Going a ni.

Agriculture Dept a\angin: 

World bank road -Chekbawk kawn thleng a motor lut thei tura siam nan-

`9,80,000/- (Nuaikua singriat). Hei pawh hi On Going a ni.

Sports Dept a\angin:

Basketball Court cum Volleyball Court-`4,00,000/- (Nuaili)

Vengchhung hmasawnna tur min ngaihtuahpuitu bialtu MLA zahawm tak Pu KS Thanga chungah lawmthu kan sawi tak meuh meuh a ni

HRIATTIRNA

Govt. Primary School, Saikhamakawn chu kum 2017 session a\ang hian English medium ah leh a ni tawh dawn a, admission a tih theih nghal tawh a, vengchhung mipuite kan inhriattir a  ni e.

Sd/-

(R. BIAKTHANSANGA)

Secretary

Local Council, Saikhamakawn 

VAWIIN TLAI K|P 

FELLOWSHIP PROGRAMME

A hmun: Sunday School Hall

Hruaitu: Pu C. Lalnunsanga 

|antu: Nl Lalhruaitluangi 

|awng\ai rual

Thuchah tawi: Tv. R. Zodinsanga 

Host: Tv. C.Laldawngliana

Group Singing: Group tin a\angin Judges: 

          1)Pu C. Lalmuanpuia 

 2)Nl. Lalngaihawmi Ralte 

          3)Tv P.C Vanlalhriatpuia

 Games: Group Intihsiakna- Bible chang inziah siak.

LAWMTHU SAWINA

Ni 22, 23 leh 25.3.2017 zingah leh zanah K|P Mika Group Pu Lalluaia (Ch.Sec) te lung thiara hnatlang neih a ni a, member thawkchhuak zawng zawngte chungah lawmthu kan sawi a, inhlawhna \ha tak min petu Pu Lalluaia te chhungkaw chungah lawmthu kan sawi bawk e.

Sd/-

(C.LALDAWNGLIANA)

Secretary

K|P Mika Group

LAWMTHU SAWINA

Vanapa Section YMA in a E-4 tournament kan siam a kan Main Sponsor Syska te leh kan vengchhung dawr RL, LR, Huanmawii leh sum leh pai hmanga min \anpui tute Pu Lalrochama te chhung, Bialtu MLA Pu KS Thanga, Tv Lallawmzuala leh Pu Lalzarliana chung ah lawmthu kan sawi a. Kan tournament khelhna chhehvel a mi te,  vengchhung mipui min \awiawm a \hahnem min ngaihpui tute zawng zawngtu  kan veng NGO hrang hrangte, Security a kan ruat te leh Match Official a kan ruat te  chung ah Vanapa Section chuan lawmthu kan sawi e.

Sd/-

(LALRINAWMA SAILO

Secretary

YMA Vanapa Section

THU ROTLING

“Thuhril chu Kohhran nun tehna a ni. Thuhril a nun hle chuan Kohhran nun a chak a, thuhril a nun loh chuan Kohhran pawh a chau mai \hin”  -Eppinger  

TUALCHHUNG

, Pi Lalsiamthari w/o Pu Lalthlamuana (Ch.Sec) chu damlohna avangin Falkawn Hospital ah enkawl mek a ni.

, Pu R.Biakthansanga h/o Pi Lianziki (Ch.Sec) chu damlohna avangin Synod Hospital, Durtlang ah enkawl mek a ni.

, Lalhmangaihsanga s/o Lalremthangi (T.Sec) chu damlohna avangin Synod Hospital, Durtlang ah enkawl mek a ni.  

,  Pu Laltlanthanga h/o Vanlalhriati (T.Sec) chu damlohna avangin Falkawn Hospital ah enkawl mek a ni. 

,   Pi Hmingthanhrangi m/o Pu Lalmuankima (Ch.Sec) chu damlohna avanga Synod Hospital, Durtlang ah enkawl a nih hnuin a lo chhuak.

,  Pu Zalianchhunga f/o Immanuel Lalramthara (V.Sec) chu damlohna avanga Hlimen Urban Hospital ah enkawl a nih hnuin a lo chhuak.

,  Eddie Malsawmkima s/o C. Lalhruaia (V.Sec) chu damlohna avanga Aizawl Hospital ah enkawl a nih hnuin a lo chhuak.

RSBY LEH HEALTH CARE SCHEME HRIATTIRNA

1) RSBY la renew lo zawng zawngte chuan a rang lama renew vek turin kan inngen a ni.

2) Mizoram State Health Care Scheme, (a man to) a inziah luh theih a ni bawk a, inziak lut duh chuan chhungkaw hotu ber I.D Card kengin Pi Zohmingthangi, Health Worker hnenah a rang lamin inziah luh tur a ni.

3) RSBYa in renew tawhte leh Helath Care Scheme a inziak lut te tan April thla a\angin RSBY leh Health Care Scheme hi hman nghal theih a ni ang.

Sd/-

(LALRAMNUNMAWIA)

Health Worker (M)

 Melthum Sub-Centre